FC Real Madrid

[Davius]

Sulmuesi i Reali premton riaftësimin në kohë për në botëror dhe i premton besnikëri "merengesve" 14-05-2006


Raul: Mendoj vetëm për golat

Kapiteni i Realit të Madridit, Raul, ka folur për gjendjen aktuale të skuadrës së tij, për synimet dhe dëshirat që ai ka. Përsa i përket kampionatit botëror, ai ka deklaruar se do të jetë në një formë shumë të mirë dhe se është i gatshëm për të dhënë maksimumin e tij për Spanjën.

- Si ndiheni fizikisht?

- Ndihen në formë të shkëlqyer. Jam shumë i kënaqur për përmirësimin fizik që kam pasur kohët e fundit. Jam i kënaqur me formën e skuadrës, pasi të gjithë janë shumë mirë. Na ka mbetur të realizojmë syninim tonë, për t'u renditur në vendin e dytë. Duhet të fitojmë patjetër ndaj Seviljes.

- Përmirësim shumë i mirë, gjithsesi ju kanë munguar golat.

- Për çdo sulmues, e rëndësishmja është të shënojë; ajo është detyra e tij. Në fakt, tani që jam në një formë të mirë, duhet të mendoj vetëm për golat. Jam i sigurt që do të kem raste, pasi kemi futbollistë shumë cilësorë në skuadër. Duhet vetëm të kem besim te vetja.

- Do të jeni në formë të mirë edhe në botëror?

- Për momentin, po mendoj për ndeshjen me Seviljen. Më pas, i gjithë përqëndrimi im do të jetë te Kupa e Botës. Aty çdo lëvizje është shumë e rëndësishme dhe nuk lejohen gabimet. Unë po vazhdoj të punoj shumë, pasi dua të jem në maksimumin tim gjatë botërorit.

- Mendoni se me kombëtaren do të luajnë futbollistët që janë në formën më të mirë apo ata që kanë ndihmuar më shumë për skuadrën?

- Kombëtarja është e mbushur me futbollistë të talentuar dhe shumica prej tyre ka dhënë një kontribut të madh për ekipin. Në fakt, mendoj se të gjithë ata, që do të jenë fizikisht shumë mirë, do të luajnë. Besoj se trajneri i ka bërë planet e tij për botëror. - Çfarë mund të thoni për të ardhmen tuaj? Mendoni se do të jemi një nga të sakrifikuarit?

- E ardhmja ime është e lidhur vetëm me Realin e Madridit. Kam qenë dhe do të jem pjesë e skuadrës. Dua që ky të jetë viti i fundit pa trofe. Kemi formuar një skuadër shumë të mirë dhe tani duhet të përqëndrohemi për vitin tjetër. Është një vit shumë i rëndësishëm, pasi duhet të përfundojë shterpësia jonë për trofe.

- Klubi po kalon një situatë kaotike për momentin. Çfarë mund të thoni?

- Po mendohet për presidentin e ri, ndaj është pak rrëmujë, Gjithsesi, pasi ai të zgjidhet, gjithçka do të normalizohet dhe do flitet për projektet dhe synimet e skuadrës.

- Kë keni dëshirë të shikoni si kampion europe?

- Dua që të fitojë Barcelona. Si fillim, dua të përgëzoj edhe Seviljen për suksesin e arritur. Dua që futbolli spanjoll të vlerësohet sa më shumë.

Sainz dhe Vilar bashkojnë kandidaturat

Ish-kampioni i botës në "Rally", Karlos Sainz, dhe Huan Migel Vilar Mir kanë deklaruar se do t'i bashkojnë kandidaturat e tyre për presidencën e Realit. "Ne kemi vendosur t'i bashkojmë kandidaturat tona; kështu mund të kemi më shumë shanse për të fituar, pasi Reali do të jetë më i fuqishëm me dy persona në krye," - tha Sainz. Ndërkohë, kandidaturë tjetër është edhe ajo e ish-presidentit madrilen, Lorenco Sainz.

[DarklinG]

Respekte per ekipin me te madh ne bote.I meritojne gjith komplimentat mgjth se po kalon nje periudhe krize. Do te doja te ishin ne forme ti kisha pare ne nje perballje me Barcelonen.
Per Zi Zu me vjen keq qe s`do ta shohim me nje lojtar si ai po me mire tani se sa te jete shum vone

[Davius]

Kapelo: Van Nistwlroi, ideal për ne!

Trajneri i Realit, gjatë një interviste për një televizion spanjoll, ka nxjerrë në pah dëshirën e tij për të marrë sulmuesin e Mançesterit, Rud Van Nistwrloi. Një dëshirë që ka të ngjarë të plotësohet në orët e ardhshme, pasi flitet se Mançesteri i ka pranuar 15 milionë eurot e ofruara për 30-vjeçarin. “Van Nistwrloi është një futbollist që ka shkëlqyer kudo ku ka luajtur, - tha “Don Fabio”. – Ka shënuar një mal me gola dhe, me karaktarisikat që ka, do të ishte ideal për skuadrën tonë.” Ndërkohë, Kapelo është treguar më pak optimist për blerjen e Fabregasit: “Nëse nuk vjen Fabregasi, nuk do të thotë se u shkatërruan të gjitha planet që kishim. Do të kërkojmë dikë tjetër!”

[Davius]

Sulmuesi italian pohon: “Me ndihmën e “Don Fabios” do t’u tregoj të gjithëve se blerja ime nuk ishte një dështim! 16-07-2006

Kasano: Me Kapelon, për të rilindur!

Vrapon Antonio Kasano përpara të gjithëve: që nga e mërkura Reali i Madridit ka filluar stërvitjen. Ajo që e shtyn talentin italian të mos dorëzohet, pas kritikave të shumta, është dëshira për të treguar se blerja e tij nuk ka qenë një gabim, si dhe fakti se do të punojë me një trajner që e njeh mirë, Fabio Kapelon. 25-vjeçari synon ta lërë pas të kaluarën dhe premton se sivjet te Realit do të ketë një muzikë tjetër. Ja cila ka qenë intervista e futbollistit, që u transferua te “merengesit” në janarin e kaluar për 5 milionë euro:

- Antonio, do t’ju ndihmojë ardhja e Kapelos në dëshirën tuaj për të rilindur?

- Sigurisht, por nuk është gjithçka. Dëshira ime për të bërë mirë nuk varet nga emri i trajnerit. Gjithsesi, nuk mund ta fsheh se u lumturova kur e mësova se do të punoj me të. E kam thënë, gjatë këtyre dy viteve, se kam qenë larg tij dhe po e përsëris tani: për mua Kapelo është si një baba. Me ndihmën e tij hodha hapin më të rëndësishëm: nga talent premtues në futbollist profesionist. Nuk pres favorizime, “Don Fabion” e njoh mirë dhe e di që më takon mua të dal në pah, duke shfrytëzuar mundësitë që do të më jepen.

- Për “Marcën”, Kapelo tha se ju mund të jeni supriza e sezonit...

- E felënderoj! E di që ka konsideratë dhe respekt për mua, por di edhe që është një profesionist; nëse nuk do të jem në formë, konsiderata e tij do të vlejë pak.

- Keni folur gjatë këtyre tre viteve, në të cilat nuk keni bashkëpunuar?

- Po, por jo për çështje teknike. Për pushime, gjëra të tilla. Për të tjerat do të kemi kohë të flasim në të ardhmen, edhe pse jam i mendimit se nuk ka shumë për të folur. E di mirë se çfarë kërkon prej meje.

- Konfidenca ka anët e saj pozitive dhe negative...

- Le të themi se me Kapelon nuk mund të fshihem. Nëse diçka nuk shkon, ai e kupton dhe logjikisht do të më kërkojë llogari.

- Duket se keni gjetur entuziazmin që ju ka munguar, të paktën në vitin e fundit...

- Jam në një qytet të mrekullueshëm, të mbushur me njerëz të edukuar, që të respektojnë e të bëjnë ta shijosh jetën. Luaj te Reali, dhe kjo do të thotë se mjafton një fjalë për të nënkuptuar traditën, organizim dhe futbollistë të mëdhenj. Më duken arsye mëse të kënaqshme për t’i parë gjërat me optimizëm. Kritikat ndonjëherë kanë qenë të drejta, gjithmonë kur nuk preken aspekte personale. Në gjashtë muajt e parë të Realit, edhe pse nuk kam luajtur shpresh, nuk jam ankuar. Kjo vjen sepse i njoh cilësitë e mia dhe jam i sigurt se mund të bëj mirë. Dua t’i tregoj Madridit se sa vlej, t’u bëj të kuptojnë se blerja ime nuk ishte një operacion i dëshuar merkatoje.

- Për këtë vendosët të qëndronit?

- Po, kërkesat nuk mungonin, por nuk i kam marrë asnjëherë në konsideratë. Unë dua të fitoj me Realin.

- Duhet të dini se Reali nuk ka fituar asnjë trofe në tre vitet e fundit...

- Skuadra ishte shumë më e fortë, mungonte vetëm dëshira për t’u sakrifikuar për njëri-tjetrin. Për më shumë, që kampionatin e fitoi Barcelona. Jo një kundërshtar çfarëdo, por një superskuadër. Jam i bindur se me Kapelon gjërat do të ndryshojnë. Di t’i transmentojë skuadrës mentalitetin e duhur dhe të administrojë çdo situatë. Fizikisht dhe psikologjikisht askush nuk di ta përgatisë ekipin më mirë se ai.

- Italia është kampione e botës. Ju vjen keq që nuk ishit pjesë e saj?

- Jo, s’ka përse. E kaluar është e kaluar. Unë shoh vetëm përpara dhe është e kotë të mendosh për atë që ka ndodhur dje, për atë që mund të ishte.

- Gjithsesi, dy vjet më parë luanit në europian, ndërsa sivjet e patë botërorin nga televizioni.

- Eshtë shembulli më i mirë që tregon se e djeshmja ka pak rëndësi. Duhet t’i tregosh vlerat e tua, ditë pas dite. Unë kam pasur dy sezone problematike, për arsye të ndryshme. E pagova vetë çmimin, s’është e drejtë që të ndodhë. Marr përgjegjësitë e mia dhe flë i qetë në mbrëmje. Si italian jam shumë i lumtur për fitoren.

- Nga Lipi te Donadoni, ndyshon diçka?

- E rëndësishme është të jem mirë fizikisht, të tjerat vijnë vetë, si një pasojë.

- Keni luajtur gjashtë muaj me Zidanin, çfarë mendimi keni për goditjen me kokë ndaj Materacit në finalen e botërorit?

- Nuk e prisja, sepse Zidan, jo vetëm është një nga futbollistët më të mirë të të gjitha kohërave, por është edhe një person i shkëlqyer. Po t’ju garantoja se është si njeri më i mirë se sa si futbollist, do ta kuptonit për çfarë e kam fjalën. Eshtë i jashtëzakonshëm! Mund të rastisë të provokohesh dhe, duron një, dy apo tri herë, në të katrën...

- Kur ju përfundon kontrata me Realin?

- Në vitin 2010.

- Në vitin e Botërorit të ardhshëm...

- E saktë, por është e kotë të shohësh përpara. Duhet të filloj të fitoj me Realin.

[Davius]

Pas Kanavaros dhe Emersonit...

Kapelo: Dua edhe 3 blerje të tjera!

Trajneri i Realit të Madridit, Fabio Kapelo, tha se blerjet e Fabio Kanavaros dhe brazilianit Emerson ishin të planifikuar prej kohësh dhe se tani i duhen edhe tri përforcime të tjera. "Ne kishim pesë objektiva. Dy prej tyre i kompletuam dhe tani na mbeten tre të tjerë. Nuk ka asnjë moment qetësie," tha Kapelo gjatë konferencës për shtyp, dhënë në Austri pas seancës stërvitore. Reali nuk ka bërë të ditur termat financiarë të marrëveshjes, por flitet se "merengesit" kanë derdhur në arkat e Juves plot 20 milionë euro. Kapelo vazhdoi: "Emersoni dhe Kanavaro kanë eksperiencë dhe cilësi, kësisoj nuk do të kenë probleme ambientimi.

Gjithashtu nuk është as problem mosha e tyre. Jam i bindur se mund të luajnë pa asnjë problem deri 35 vjeç. Ata do të jetë figura të rëndësishme të Realit. Më e rëndësishmja është se na duheshin me çdo kusht një mbrojtës dhe një mesfushor punëtor dhe i nesërm." Ndërsa në lidhje me të ardhmen e Zambrotës, për të cilin është përfolur për një kalim te Barcelona, "Don Fabio" tha: "Eshtë një futbollist i madh, por nuk më intereson. Me sa duket, ka arritur një marrëveshje me Barcelonën. Unë jam i qetë, sepse kam Roberto Karlosin. Vetëm nëse largohet braziliani do të më duhet një anësor i majtë." Në fund nuk mund të mungonte edhe një koment i Kapelos për Van Nistëlroin: "Kemi filluar bisedimet me të. Çdokush do që të ketë futbollistë të mëdhenj në skuadër, por duhet parë edhe dëshira e futbollistit."

[Juvi]

eh thuj

kur te shoh derbin e botes do jem i emocionuar

do me duket si nje seance stervitore e juventusit

:P

[Davius]

Fabio Kanavaro, në ditën e parë të grumbullimit të kombëtares italiane ishte vërshëllyer nga tifozët "axurr" që e kishin etiketuar si përfaqësuesin e skandalit Moxhi. Por, kur ka kualuar pak më shumë se një muaj, mbrojtësi i lindur në Napoli konsiderohet si heroi i të kaltërve që fituan Botërorin. Për më të mirin e "Gjermani 2006" nuk vonoi edhe kontrata "magjike" me Realin. Kanavaro rrëfen 30 ditët, gjatë të cilave kaloi nga ferri në parajsë...

Urime për botërorin dhe për marrëveshjen me Realin...

Shumë faleminderit! Jam i lumtur, gjithashtu edhe familja ime është e lumtur. Kalova një vit të vështirë, por të mbushur me emocione e kënaqësi. Kalimi në Madrid ishte kulmi.

Kur do të mbërrini në Madrid?

Nëse gjithçka shkon sipas planeve, do të jem atje të martën, për të bërë prezantimin zyrtar të mërkurën.

Jeni i padurueshëm?

Jo, jam i qetë. Reali është një nga skuadrat më të forta në botë dhe jam i lumtur që fati deshi të luaj në Madrid.

Atje, ku do të rigjeni Kapelon...

Fabio është një mjeshtër, një fitues i lindur.

Ju keni punuar edhe më parë me të. Ç'mendim keni?

Eshtë një trajner që kërkon shumë. E njoh mirë dhe nuk ka të fshehta për mua, ashtu si unë për të. Ai e di që mund t'i kërkojë shërbimet e mia në çdo moment.

Çfarë prisni nga sezoni i parë me Realin?

Për momentin, nuk dua të mendoj për objektiva dhe qëllime, pasi jam me pushime dhe i meritoj disa ditë të tjera "relaksi". E rëndësishme është që të bëj në fushë atë që drejtuesit dhe tifozët e Realit kërkojnë nga unë.

Mund të themi se kemi përballë një njeriu të lumtur...

Shumë të lumtur. Muaji i fundit ka qenë magjik për mua, si një ëndërr.

Si ndihet një 32 vjeçar që, pasi fitoi Botërorin, firmosi për Realin e Madridit?

Kanë qenë 30 ditët më intensive të jetës sime dhe u mbyllën në mënyrën më të mirë të imagjinueshme. Nuk e ekzagjeroj nëse them se tani jam njeriu më i lumtur në botë. E vjetmja gjë, për të cilën më vjen keq, është ajo që ndodhi me Juventusin. Një pjesë e zemrës sime mbeti në Torino, ashtu siç ka ndodhur më parë me Parmën dhe Interin.

Mund ta imagjinonit një situatë të tillë disa muaj më parë?

Absolutisht jo, as në ëndrrat më të bukura. As që më shkonte ndërmend se do ta fitoja Botërorin dhe më pas do të firmosja për Realin. Por, nga ana tjetër, mendoj se me atë që kam treguar në fushë i meritoj këto arritje.

E njihni Madridin? Si ju duket?

Eshtë një qytet fantastik. Kam qenë më parë, së bashku me bashkëshorten time, në rolin e turistit. Më pëlqen ambienti dhe njerëzit. Më kujton Napolin, vendlindjen time.

Ju keni luajtur në të kaluarën në "Bernabeu". Ç'mendim keni për atë stadium?

Të luash në "Bernabeu" është si të shkosh në "La Scala" të Milanos. Eshtë një teatër i madh i futboll, që i shkon përshtat skuadrës që ka fituar më shumë. Gjithashtu, më pëlqenjnë tifozët spanjollë. Më duken të kulturuar dhe dinë ta respektojnë futbollin e bukur.

Duke u rikthyer te futbolli i luajtur. Kanavaro dëshiron të fitojë...

Gjithçka. Kam mendim se kjo ka qenë kontrata e fundit e karrierës sime dhe dua të fitoj sa më shumë. Që kur isha fëmijë ëndërroja ta mbyllja karrierën me trofe në dorë, si kampion.

Pra, humbja është makthi juaj...

Ndihem shumë keq kur humbasim. Më duhen ditë për ta marrë veten.

Si kapiteni i Italisë që ka fituan botërorin, do të sillni një shpirt fitues te "merengesit"...

Të gjithë futbollistët që fituan botërorin kanë pasur një shpirt fitues. Shpresoj ta ndihmoj Realin në këtë aspekt, edhe pse një skuadër e tillë e ka prej kohësh këtë shpirt. Te "merengesit" ka pasur, ka dhe do të ketë shumë kampionë bote.

Ç'mendim keni për kolegun tuaj në qendër të mbrojtjes, Serxhio Ramos?

E njoh, është një kampion ashtu si të tjerët, Roberto Karlos, Salgado, Helgera apo Sisinjo. Personalisht, dua të mendoj për punën time, të cilën si zakonisht e bazoj te sakrifica, serioziteti dhe përulësia. Kam fituar botërorin, por tani fillon një etapë e re për mua.

Pas shpine do të keni Kasiljasin...

Kam pasur fatin të luaj për dy vjet me radhë me një portier si Bufon. Janë dy portierët më të mirë në botë dhe, për këtë ndihem sërish me fat që do të kem pranë Kasiljasin. Një portier i aftë di të japë siguri në të gjithë mbrojtjen.

Skuadra po ju pret në Austri, ku po zhvillon fazën përgatitore...

Faza përgatitore është pjesa më e vështirë e sezonit, sidomos me një trajner si Kapelo. I pëlqen të punojë fort që në fillim. E rëndësishme është që nga gjithë kjo sakrificë që bëjmë ne futbollistët në fillim, përfiton skuadra në muajin maj.

Po ju, keni pushuar aq sa duhet?

Tani po i shijoj pushimet. Pas Botërorit, isha në festën e Romës dhe më pas shkova në Napoli dhe Kapri. Ndërsa tani jam duke pushuar në Greqi, ku shkova me barkë. Jam i apasionuar pas detit dhe lundrimit.

Cilët nga futbollistët aktualë të Realit njihni?

Thuajse të gjithë. Kam luajtur kundër Raulit, Ronaldos, Kasiljasit, Bekhamit dhe gjithmonë më janë dukur të mrekullueshëm.

Po Kasano?

Eshtë një tjetër futbollit i madh. E kam pasur shok te kombëtarja italiane në europian. Antonio ka shumë talent dhe është një futbollist që i duhet Realit.

E dini që Reali i Madridit nuk fiton asgjë, pas tre vitesh?

Po e di. Shpresoj që këtë sezon të fitojmë. Të them të drejtën, nuk arrij ta kuptoj që një skuadër kaq e madhe si Reali ka kaq shumë kohë pa fituar. Edhe numri një, klubi më i madh, do t'u rikthehet trofeve. Kjo ishte një nga arsyet që më bëri të firmos. Desha të luaja me një skuadër ambicioze

Kundërshtari numër një është Barcelona. Ju trembin fituesit e Championsit e të titullit në Spanjë?

Jo, Barcelona është një skuadër e fortë, por jo e pamposhtur. Jam i sigurt se Reali nuk ka asgjë më pak se sa Barça.

Ju mungon Liga e Kampioneve. Ky është trofeu më i lakmuar prej jush?

Sigurisht. Championsi është një veprimtari shumë e rëndësishme për mua dhe Realin e Madridit. Duhet të punojmë shumë për ta fituar.

Në fund, a e konsideroni veten si mbrojtësi më i mirë në botë?

Jo. Nuk mund ta them diçka të tillë, sepse nuk më pëlqejnë etiketime të tilla. Unë jam i kënaqur, sepse e ndihmova Italinë të fitojë Botërorin, por meritat janë të gjithë skuadrës.

[Davius]

Fabio Cannavaro kalon me sukses testin mjekesor per kalimin ne Real Madrid, dhe neser ora 12:00 CET, do te behet prezantimi i tij nen fanellen e bardhe legjendare te Realit te Madridit!

[Davius]

Cannavaro sot gjate prezantimit, merr numrin 5 te legjendes Zidane!

[Davius]

Cannavaro duke shkelur S Bernabeun legjendar...