Mos paragjykoni dhe nuk do te gjykoheni

[NoName]

Mos paragjykoni dhe nuk do të gjykoheni

Edlira Ndoja

Një vajzë po priste avionin në një aeroport të madh. Meqenëse i duhej të priste gjatë, vendosi që të blinte një libër që ta kalonte kohën.
Bleu librin dhe një kuti me biskota. U ul në vendin ku rrinë zakonisht persona të rëndësishëm në mënyrë që askush të mos e pengonte. Pranë saj ishte një karrige me biskota dhe në një karrige më tej një person tjetër i cili lexonte gazetën. Kur ajo filloi të merrte biskota, edhe zotëria nga karrigia tjetër mori një. Ajo u habit pa masë, por nuk tha asgjë vetëm vazhdoi të lexonte librin.
Me vete po mendonte: - Sikur te kisha pak guxim, deri me tani ky njeri po me acaron kaq shumë sa do ta grushtoja.
Secilën herë që ajo merrte nga një biskote, këtë e bënte edhe zotëria pa u mërzitur fare. Vazhduan kështu deri sa në kuti mbeti vetëm një biskotë e vetme dhe vajza mendoi: Më intereson të di se çfarë do të bëjë ai tani!!!
Zotëria e mori biskotën e fundit dhe e ndau në dy pjesë.
“Kjo me të vërtetë është e tepërt, filloi të mendojë dhe plot me nerva vajza, mori sendet e veta, librin, çantën dhe shkoi drejt daljes së vendit ku priste. Kur u ndje më mire, pasi edhe nervozizmi kaloi disi, u ul në një vend ku nuk ishte askush, që të qetësohej dhe të mos kishte më asnjë ndodhi të tillë të papritur. E mbylli librin dhe hapi çantën që ta fusë brenda, por në momentin kur pa brenda në çantë vuri re një kuti me biskota të pahapur fare. U turpërua sikur të ishte një hajneshë dhe atëherë e kuptoi se kutia me biskota kishte qenë e zotërisë që kishte qenë ulur në karrigen pranë të sajës, por i cili pa asnjë shqetësim, nerva apo brengë e ndau edhe biskotën e fundit me të, krejtësisht ndryshe nga ajo, qe ndjehej e lënduar në krenarinë personale dhe ndjenjat e veta.


MORALI:
Sa herë në jetën tonë ne kemi ngrënë dhe do të hamë biskotën e huaj, dhe këtë nuk e kemi ditur dhe nuk do ta dimë kurrë? Para se të vijmë në ndonjë përfundim të shpejtë dhe para se të fillojmë të mendojmë keq, shikoni me kujdes detajet, shpeshherë situatat nuk janë të atilla siç na duken neve në shikimin e parë!!!