Strehimi - Edi Rama: Brenda 5 viteve

[Humdinger]

Strehimi - Edi Rama: Brenda 5 viteve

Data e Publikimit: 27/11/2006

Autori i Lajmit:
Aurora Mura

Tirane
-Në një hark kohor prej jo më shumë se 5 vitesh, Bashkia e Tiranës do të zgjidhë përfundimisht një prej plagëve më të rënda sociale, atë të strehimit. Rreth 2900 familje të regjistruara si të pastreha në kryeqytet deri në fund të këtij viti, do të përfitojnë strehim brenda fazës së parë të Programit 10-Vjecar për Strehimin Social, të hartuar nga Bashkia e Tiranës. Detajet e këtij projekti Kryebashkiaku Edi Rama I ka dhënë gjatë një komunikimi me mediat ditën e diel ku mes të tjerash ai theksoi se "Ajo që është më e rëndësishme është se Bashkia e Tiranës flet jo mbi bazën e nevojave të qytetarëve, të cilat janë nxitje për premtime që rëndom përbëjnë thjesht dhe vetëm shprehje interesash politico-elektorale, por mbi bazën e një strategjie të mirëpërcaktuar me partnerë të besueshëm dhe me eksperiencë të shkëlqyer në këtë fushë". Programi 10-Vjecar për Strehimin në Tiranë është hartuar në bashkëpunim të ngushtë të Bashkisë së Tiranës me Cresme Ricerce S.p.A., Shoqatën Kombëtare të Bashkive Italiane, dhe me Bashkinë e Romës, dhe ndahet në tre segmente (tre, tre dhe katër vjecarë) për të punuar prej vitit 2007 deri në vitin 2016. "Na duhen vetëm 5 vjet" është shprehur Rama për 2900 kërkuesit e parë të pastrehë në Tiranë për të jetësuar pjesën kryesore të këtij programi dhe për të trajtuar me vijimësi cështjen e strehimit social për të gjithë ata që nuk mundet dot të përballin ofertën e tregut në raport me të ardhurat e tyre.

Zëri Popullit

[Humdinger]

Sipas kreut të Bashkisë, Rama, brenda 5-vjetëve do të strehohen 2900 banorë që kanë aplikuar për shtëpi

Rama: Të pastrehët, për 5 vjet do ndërtojmë 2900 apartamente


Eglantina Bardhi

Të pastrehët e kryeqytetit, brenda 10-vjetësh do të kenë shtëpitë e tyre. Ky është qëllimi i strategjisë së re të Bashkisë së Tiranës, që synon të strehojë 2900 familje të pastreha që kanë bërë kërkesë për strehim. Këtë e deklaroi kreu i Bashkisë së Tiranës, Edi Rama, i cili theksoi se kjo strategji nuk është premtim elektoral si ai i qeverisë, por një politikë e re për zgjidhjen e problemit të pastrehëve. “Ne kemi zgjedhur një rrugë të re. Ne do të ndërtojmë vetë banesat sociale, duke bashkëpunuar me sektorin privat në funksion të zbutjes së këtij problemi, duke zgjidhur nga njëra anë problemin e strehimit të të gjithë atyre që kanë aplikuar dhe nga ana tjetër, duke zgjidhur problemin e të gjithë pronarëve të ligjshëm”,- theksoi Rama. Kjo strategji, sipas tij, është realizuar nga Bashkia e Tiranës në bashkëpunim me Shoqatën Kombëtare të Bashkive Italiane me Bashkinë e Romës.

Nevojat për strehim

Brenda 5-vjetësh, 2900 qytetarë që përfaqësojnë familje të pastreha, të identifikuara në dokumentet e plotësuara prej tyre në Bashkinë e Tiranës, do të kenë fatin të pajisen me shtëpi. Sipas kreut të Bashkisë, Rama, kjo strategji është bërë në bazë të një studimi dhe se të gjitha familjet kanë shprehur preferencën e tyre, për t’u trajtuar me një nga programet e parashikuara nga ligji 9232. Kështu, Rama shpjegoi se 84.6% e familjeve kanë kërkuar një banesë me kosto të ulët; 12,4 kanë kërkuar një banesë sociale me qera dhe 3,0% kanë kërkuar truall të pajisur me infrastrukturë, për të ndërtuar vetë banesën. “Numri i familjeve, të cilat do të aplikojnë në programet sociale që parashikon ligji, është i destinuar të rritet dhe mund të arrijë në fund të vitit 2006, në 3000 aplikime”,- theksoi Rama, duke shtuar se nëse numri do të ulet si efekt i ndërhyrjeve të realizuara, ai do të rritet si efekt i rritjes demografike dhe krijimit të familjeve të reja. Gjithashtu, u shpjegua që kontrolli periodik i kërkesave të paraqitura dhe të familjeve përfituese do të lejojë njohjen dinamike të situatës, përsa i përket llojit të familjeve në pritje, të rezultateve të parashikuara dhe atyre të arritura. Ndërsa kontrolli periodik, sipas Bashkisë së Tiranës, përbën bazën e secilit program trevjeçar.

Prioritetet e programit 10-vjeçar

Strategjia e Bashkisë së Tiranës për strehimin e qytetarëve, ka piketuar edhe zonat për ndërtim. Kështu, në seleksionimin e projekteve, Bashkia synon të privilegjojë krijimin e një baze asetesh të përbërë nga banesat sociale që do të jepen me qera, banesa që ndodhen në ndërtesa të vogla, të pajisura me kritere kursimi energjetik dhe kosto të ulët mirëmbajtjeje. Gjithashtu, sipas kësaj strategjie është bërë edhe planifikim sheshesh për ndërtimin e banesave të reja, në mbështetje të Planeve Urbanistike. “Përveç banesave të reja, Bashkia synon të seleksionojë në çdo trevjeçar disa objekte me destinacion tjetër, që mund të kthehen, komplet ose pjesërisht, në banesa”,- bëhet e ditur në strategjinë e strehimit. Po sipas kësaj strategjie, nuk mund të përjashtohet që disa nga këto objekte mund të përmbajnë kubaturë të mjaftueshme, ose mjedise rrethuese për të krijuar, përveç banesave, edhe funksione të tjera si, tregtare, shërbimesh, sportive, duke i dhënë mundësi Bashkisë të tërheqë financime private për realizimin e ndërhyrjeve dhe menaxhimin e tyre. “Këto ndërhyrje konsiderohen pilote, jo vetëm nga pikëpamja ndërtimore, por mbi të gjitha në aspektin juridik dhe ekonomik, sepse do të realizohen me metoda projekt-financim, duke krijuar sinergji publik-privat.


27/11/2006

Shekulli

[Humdinger]

Kostoja e programit, kushton 1.9 miliard lekë


E.Bardhi

Bashkia e Tiranës, jo vetëm që ka zbuluar strategjinë e strehimit për banorët, por janë dhënë detaje edhe mbi koston e kësaj strategjie. Për realizmin e kësaj strategjie, Bashkisë së Tiranës i duhen 1.9 miliard lekë, shumë kjo e përballueshme, sipas Ramës, për të realizuar strehimin e qytetarëve. “Në bazë të programit 10-vjeçar, llogaritja e kostos së trevjeçarit është e dobishme, për një llogaritje paraprake të impaktit social të familjeve që mund të trajtohen gjatë këtij plani”,- pohon Rama. Sipas tij, nëse në çdo trevjeçar ndërtohen dhe akordohet i njëjti numër banesash dhe i njëjti numër familjesh, përfitojnë kredi të subvencionuara dhe bonuse-qeraje, kosto (fondi përkatës) për çdo trevjeçar është 656.739.000 lekë. Ndërsa familjet përfituese do të ishin 60,7% e familjeve aplikuese. “Në dhjetëvjeçar, kosto teorike do të ishte 1.970.217.000 lekë”,- bëhet e ditur nga Bashkia e Tiranës, duke u shpjeguar se përveç këtyre shifrave, duhet llogaritur edhe viti i fundit i kontributit për qeratë dhe 6 vitet e tjera të subvencionimit të kredisë, në rastin e kredive të akorduara për 15 vjet.



84.6% e familjeve kanë kërkuar një banesë me kosto të ulët, sipas studimit të Bashkisë së Tiranës

12,4 e familjeve kanë kërkuar një banesë sociale me qera, sipas studimit të Bashkisë së Tiranës

3,0% e familjeve kanë kërkuar truall të pajisur me infrastrukturë, sipas studimit të Bashkisë së Tiranës

3 mijë mendohet të arrijë numri i aplikimeve për strehim, deri në fund të vitit 2006, sipas Bashkisë së Tiranës


Përfitimet nga Strategjia e Strehimit

- Një vlerësim real të mundësive të komunitetit, mbështetur në planifikimin komunitar

- Zhvillimi ekonomik në aspektin e planeve të veprimit, analizën e tregut etj.

- Plane të qarta të zhvillimit urban (përdorimi i tokës, që do të mbështesin aktivitetin që ndërmerret, legalizimit etj.).

- Përfshirje sociale dhe kujdes komunitar

- Analizë e faktorëve të brendshëm dhe të jashtëm

- Plane për implementim dhe monitorim të suksesshëm

- Një organizim efektiv qeveritar, që jo vetëm të monitorojë, por të prioritizojë shërbimin e strehimit dhe veçanërisht planet lokale[/color]



27/11/2006

Shekulli

[darwin]

Eshte bere burre i mire Edi dhe ka ndare mendjen qe do ua beje me leket e veta.. apo e ka filluar fushaten me heret?

[DeuS]

Kostoja e programit, kushton 1.9 miliard lekë

Kjo shuma, mos behet fjale me leke te reja? (!?) Projekti te buciska zemren, cmimi ta ndaloka! (...sidomos kur llogarit ku shkon gjysma)

[Brari]

te strehimi i te pastreheve e ka mendjen edvini.. kto dite prag votimesh..
kush e ndaloj te strehonte te pastrehe ne kto 8 vjet.. askush vec xhepave te veta sa nje vaporr qe s'ngopen kurre..
mjeshtri i mashtrimeve edvin.. prandaj eshte ne krye te ps-se sepse duall me i zoti se enveri ramizi e nanua bashke ne rrena..

[shkodra13]

Keto fjale do kishin kuptim sikur te thuheshin prej nji kandidatit te ri e jo prej atyne qe e kane BAshkine tash 8 vjet.
Simbas llogarise (tue e marre per te vertete nji genjeshter) i duhen 8+10=18 vjet per me fillue me mendue per strehimin!!! 18 vjetet e pare kane mendue per pallatet e mafjes e 18 tjerat ka me mendue per popullin. Hajde Bashki! Aq sa kane vue ne shpenzime per 10 llampa ne rruge ishte ba nji apartament per nji familje. Aq sa asht derdhe kot per nji mur te Zogu i Zi do ishin sistemue me shpi do nevojtare. Aq sa harxhohet per reklame politike...

[DYDRINAS]

Eshte marrezi per ata qe i besojne ketyre perrallave!
Sa banesa sociale ka ndertuar Bashkia e Tiranes qe dy mandate te Edit?
Sa te pastrehe jane larguar nga lista e te pastreheve?
Ndoshta me gishtat e dores.

Cila ka qene politika e strehimit e ndjekur nga Bashkia e Tiranes?
Do te perpiqem te gjej programet zgjedhore te dy mandateve te meparshme te tij e te PS per te pare se cfare eshte premtuar e cfare eshte bere.

1.9 miliarde leke per 2900 apartamente!?
Sa eshte kostoja e ndertimit per m² te banesave sociale ne Shqiperi?

[Poison_Ivy]

nc nc nc
Sa te paska zhgenjyer edhe ty ky Edi more...

[DYDRINAS]

Ja si ka mbajtur kryebashkiaku peng ndërtimin e apartamenteve sociale

Rama, në 6 vjet asnjë apartament për të pastrehët

Qytetarët e Tiranës që kanë kërkuar të trajtohen nga programet sociale të parashikuara këto në ligjin e strehimit, edhe pse vazhdojnë të aplikojnë, të pastrehët e kryeqytetit gjatë 6 viteve të drejtimit të Bashkisë nga Rama nuk kanë ende shtëpitë e tyre. Politikat sociale për zgjidhjen e problemit të strehimit në kryeqytet, vazhdojnë të mbeten premtime elektorale të Ramës, të cilat nuk janë të bazuara mbi një strategji konkrete, dhe mungesës së vullnetit të tij për të zgjidhur këtë problem. Më konkretisht rezulton se brenda 6 viteve të mëparshme nga Bashkia e Tiranës janë identifikuar 2900 qytetarë që përfaqësojnë familje të pastreha, të identifikuara këto nga dokumentet e plotësuara prej tyre në Bashkinë e Tiranës, por që asnjëherë nuk kanë patur fatin të pajisen me shtëpi.

Nga ana tjetër nga zbatimi i këtij prioriteti kryesor të qeverisë shqiptare, deri tani është mundësuar strehimi i banorëve në 255 apartamente të përfunduara në disa në qytete të vendit të ngritura nga Enti Kombëtar i Banesave. Kjo situatë vjen si pasojë, duke iu referuar dhe të dhënave zyrtare të EKB, ku rezulton se gjatë 6 viteve të mëparshme, në kryeqytet nuk është ndërtuar asnjë banesë për të pastrehët, situatë kjo e frenuar nga Rama, i cili nuk ka miratuar sheshet e ndërtimit. Kërkesat e shumta, për miratimin e shesheve të ndërtimit, të dërguara si nga drejtuesit socialistë të Entit Kombëtar të Banesave, ashtu edhe nga ata aktualë ku Rama nuk është përgjigjur asnjëherë, vërtetojnë se merita e vetme që ka kryebashkiaku në zbutjen e strehimit, është mashtrimi dhe bunkerizimi i kryeqytetit. Kërkesat e njëpasnjëshme të këtij institucioni drejtuar Bashkisë së Tiranës, kanë treguar se Rama qëllimisht ka mbajtur peng ndërtimin e apartamenteve për të pastrehët, gjë kjo e cila ka ndikuar në rritjen e numrit të tyre çdo ditë e më shumë. Ja se si rezulton situata për zbatimin e programeve sociale, ku kryetari i Bashkisë, Rama, shkresave të dërguara nga ish-drejtori socialist i EKB në vitin 2004, ku i është kërkuar vënia në dispozicion e shesheve për të pastrehët, nuk i ka kthyer asnjëherë përgjigje. Fillimisht, ish-drejtori i Entit Kombëtar të Banesave, Muhamet Gaba, me një shkresë të dërguar më datën 20.09.2004, nr. 1666 i ka kërkuar kryebashkiakut Rama, vënien në dispozicion të shesheve të ndërtimit për banesa për të pastrehët. Në kërkesën e dërguar thuhet se, "për të parashikuar mundësitë e investimit për banesa për të pastrehët dhe për të parashikuar, fondet e nevojshme për këtë qëllim për vitin 2005 e në vazhdim, kërkojmë të na vini në dispozicion sheshet e ndërtimit dhe studimet përkatëse. Në këtë parashikim, duhet të keni parasysh që EKB, në zbatim të politikave sociale të shtetit, ndërton banesa për të zgjidhur nevojat emergjente me kosto të ulët", thuhet shprehimisht në kërkesën e dërguar në vitin 2004, Bashkisë së Tiranës. Ndërkaq kryebashkiaku Rama nuk i është përgjigjur asnjëherë kësaj kërkese.

Situata vazhdon të jetë e njëjtë edhe në vitet në vazhdim, ku më pas drejtori aktual i EKB, Arben Qirjako, i ka dërguar kërkesa çdo muaj Bashkisë së Tiranës për miratimin e shesheve të ndërtimit, por kryetari i Bashkisë nuk ka dënjuar të kthejë përgjigje. Ndërkohë, që po t'i referohemi legjislacionit, çdo bashki është e detyruar që të verë në dispozicion të Entit Kombëtar, troje të lira. Bashkia e Tiranës, vazhdon të këmbëngulë në moszbatimin e saj, ashtu siç ka vepruar për këto 6 vjet resht, nga ku rezulton se nuk është miratuar asnjë shesh ndërtimi. Fillimisht kreu aktual i Entit Kombëtar të Banesave, Arben Qirjako, në një shkresë të datës 11.10.2006 me nr.1687, i kërkon Bashkisë së Tiranës, të verë në dispozicion troje të lira për ndërtimin e apartamenteve për të pastrehët. Në këtë kërkesë dërguar Ramës thuhet shprehimisht se, "në projektplanin e investimeve të EKB, për vitin 2007 janë planifikuar të ndërtohen disa banesa 8 - katëshe për të pastrehët e qytetit të Tiranës. Ndërtimi i këtyre banesave bën të mundur zbutjen e problemit social të strehimit për qytetarët e Bashkisë Tiranë. Lutemi të na vini në dispozicion sheshet e mundshme për ndërtimin e tyre", thuhet në shkresën e dërguar Bashkisë. Edhe pas kësaj kërkese, Rama ka vazhduar të mos verë në dispozicion asnjë shesh ndërtimi, ku si rezultat të kësaj, EKB i ka dërguar Ramës kërkesën tjetër më datë 21.11.2006, nr.1899. Një shkresë tjetër është dërguar më 13.04.2006 me nr.697, ku dhe në të thuhet shprehimisht se: "Në projektplanin e investimeve të EKB, të banesave për vitin 2007 janë planifikuar të ndërtohen disa banesa 8 - katëshe për të pastrehët e qytetit të Tiranës. Ndërtimi i këtyre banesave bën të mundur zbutjen e problemit social të strehimit për qytetarët e Bashkisë Tiranë. Lutemi të na vini në dispozicion sheshet e mundshme për ndërtimin e tyre".

Kryetari i Bashkisë, Rama, harron që gjatë këtyre 6 vjetëve nuk i është përgjigjur asnjë kërkese të EKB dhe 4 kërkesave të njëpasnjëshme të drejtorit aktual, çka vërteton se strategjisë elektorale të Ramës, nuk i bashkangjitet asnjë planifikim sheshesh për ndërtimin e banesave të reja, në mbështetje të planeve urbanistike. Përballë mashtrimeve të Ramës, prej gati një viti të qeverisjes demokratike, janë ngritur 255 pallate, kryesisht këto në disa nga qytetet kryesore të vendit si; Durrës ku në këtë qytet kanë përfunduar së ndërtuara 24 apartamente, Elbasan kanë përfunduar 39 apartamente. Më pas, në qytetet e tjera si; Shkodër kanë përfunduar 84 apartamente, Vlorë 24 apartamente, Korçë 40 apartamente dhe Gjirokastër 20 apartamente.





Nishani: Rama nuk ka investuar asnjë lek për ndërtimin e banesave për të pastrehët

Edvini zhduku 40 milion lekë të strehimit gjatë 2006

Zëdhënësi i Grupit parlamentar të PD-së, Bujar Nishani, e cilësoi dje si "tallja e radhës", strategjinë për strehimin në kryeqytet, të shpallur nga kreu i Bashkisë së Tiranës, Edi Rama. Në minutat jashtë rendit të ditës, të seancës së djeshme në Kuvend, deputeti Nishani, duke reaguar ndaj kësaj strategjie, tha se, "Edi Rama kohët e fundit ka filluar me gënjeshtrën e radhës, duke premtuar se në mandatin e tij të tretë në krye të Bashkisë së kryeqytetit, do të zgjidhë problemin e të pastrehëve. Por ky është vetëm mashtrimi dhe gënjeshtra e radhës", theksoi Nishani. Më tej, ai nënvizoi se, "për t'iu provuar shqiptarëve dhe qytetarëve të Tiranës se sa është punuar në drejtim të zgjidhjes së problemit të strehimit, po iu kujtoj që në vitet 2000-2005, kjo bashki nuk ka investuar asnjë lek për ndërtimin e banesave për të pastrehët në kryeqytet".

Zëdhënësi i Grupit parlamentar të PD, Nishani, theksoi se shuma e buxhetit të vëna në dispozicion çdo vit për strehimin, janë shpërdoruar. "Ndërkohë, në vitin 2006 është shpallur se Bashkia do të investojë për strehim 40 milion lekë nga buxheti i shtetit, kjo shumë në fakt nuk ka përfunduar në këtë destinacion, dhe ende nuk dihet se ku ka shkuar. Madje, për këtë nuk kanë dijeni as anëtarët e Këshillit Bashkiak", u shpreh zoti Nishani.

Dorina Azo
RD


Keto jane projektet e 2900 apartamenteve per te pastrehet!
Tirana e sotme i ngjan nje kryeqyteti amerikano-latin te viteve '70, me 2% superluks e 98% supervarferi.