…dhe le te flasim pak seriozisht. Pas gjërave që ndodhën kohët e fundit në forumishqiptar.com, dhe pas një jave përjashtim për arsye që janë përmendur qindra herë
e që nuk ia vlen t’i përmendim më, unë kam një kërkesë që e quaj shumë të rëndësishme.
Dua të fshihen të gjitha shkrimet e mia në forumishqiptar.com.
Sado që postimet e mia janë shumë më të varfra nga pikëpamja e vlerave dhe shumë më të pakta në krahasim me anëtarët e tjerë që u përjashtuan si unë, mendoj që forumishqiptar.com nuk është i denjë për shkrimet e mia.
Unë ato i konsideroj si kontribut për këtë forum, dhe sado modeste qofshin, forumishqiptar.com nuk i meriton, pasi më quajti “LLUMI I KËTIJ KOMUNITETI”, vetëm se merrja pjesë në “Fjalë Pa Doganë. Unë këtë e quaj fyerje, pasi këtij forumi i kam dhënë kohën time personale, ashtu siç i kam marrë kënaqësinë. Plus që unë nuk i kisha sjellë asnjë shqetësim që të përjashtohesha. Shkrimet e mia jashtë “Fjalë Pa Doganë” kanë qenë gjithnjë brenda rregullave. Shkelja e vetme që i kam bërë rregullave të këtij forumi, është se kam hapur më shumë se një emër, dhe këtë e kam bërë për faj të propagandës së keqe që i bënin moderatorët nënndarjes “Fjalë Pa Doganë”. Lexoja shpesh shprehje si “Avash, se nuk je në Padoganë”, ose “rri urtë se ta dërgova temën në Pa Doganë”. Kjo më bëri të regjistroj një emër të ri dhe të futem në “Fjalë pa Doganë”, sikur do të futesha në botën e ndaluar të mëkateve. Për habinë time, aty njoha të njëjtët persona që kishin bërë shkrimet më të bukura në temat e tjera të forumit, vetëm se këtu flisnin lirshëm dhe hapur me njëri-tjetrin, duke krijuar miqësi të sinqerta. Duhet të keni parasysh që në një virtualitet të tillë, në një farë mënyre njeriu imiton realitetin, dhe si në realitet ka nevojë për gjithçka, edhe për temat fetare, edhe për ato kulturore, POR EDHE PËR ATO TË FJALËS SË LIRË, TË ARGËTIMIT ME SHOKË. Nuk mund të jenë të gjithë njerëzit njësoj si drejtuesi që ka në dorë rregullat e një komuniteti. E mrekullueshmja e natyrës është shumëllojshmëria, fakti që çdo person ka karakterin e tij individual. Kjo është arsyeja që unë regjistrova emër tjetër. Më pas hapa edhe të tjerë, për arsye të ndryshme, që kanë si burim censurën jashtëzakonisht të tepruar nga moderatorët dhe administrata.
DUA TË THEKSOJ që nuk kam asgjë personale kundër administratës apo moderatorëve të këtij forumi. Forumi është i juaji dhe ju e mbani si të doni, me rregullat tuaja. Unë nuk e ndjej më nevojën për t’u futur këtu, por ama nuk dua të mbetet asgjë e imja për ata që më quajnë LLUM, me tone mosmirënjohjeje dhe që më përjashtojnë si të isha një hiç, vetëm për një shkrim tek tema e vërejtjeve. Shkrim që nuk kishte asgjë fyese, por thjesht tregonte të vërtetën sipas pikëpamjes time. Përjashtimi im u bë pa asnjë shpjegim, sikur të mos kisha fare rëndësi si person, madje me shprehje ironike që nuk ia vlen t’i kujtoj më. Meqë prania ime në këtë forum shkelet me këmbë në këtë mënyrë, unë s’kam pse të kthehem më këtu, ndërkohë që siç ka thënë shpesh dhe administrata e forumit, “interneti ka 200 faqe të tjera ku mund të shkoj.”
Prandaj dua të fshihen të gjitha shkrimet e mia. Emri tjetër i imi në këtë forum është “ajdi”. Dëshiroj të fshihen edhe shkrimet e “ajdit”.
Poshtë këtij posti do të shkruaj me emrin tjetër, që të vërtetoj se është i imi.
Shpresoj që kërkesa ime të merret parasysh.
P.S, nëse keni ndërmend ta fshini menjëherë këtë temë, siç është vepruar gjithnjë,
ju lutem që të paktën këtë herë të më ktheni përgjigje dhe të më lini një replikë për përgjigjen tuaj.
Faleminderit.
Njeriu2006.
Postuar më parë nga Albo
Krijoni Kontakt