Paketat e cigareve me foton e Berishes

[Brari]

klani zemuno duko edvinoist ka fantazi..


ja cthon gazetat..


Shekulli

---


Ndalohet piktori shkodran S.B. Tatimorët bllokojnë të gjitha paketat e prodhuara me imazhin kryeministror

Ndalohet prodhuesi i paketës me foton e Berishës


E.J

TIRANË- Policia ndalon njeriun që ka bërë paketat e cigareve me fytyrën e kryeministrit Sali Berisha. Në orët e para të mëngjesit të djeshëm, uniformat blu të kryeqytetit kanë ndaluar prodhuesin e paketës më të re në tregun shqiptar, “Sali Berisha”. Ndalimi i tij është bërë në bashkëpunim me policinë tatimore. Këta të fundit kanë bërë edhe bllokimin e të gjitha paketave me imazhin kryeministror. Këto të dhëna janë pohuar zyrtarisht dje nga burimet e policisë së Tiranës dhe asaj tatimore por asnjë prej tyre nuk ka pranuar që të tregojë emrin e personit të ndaluar. Burime jo zyrtare kanë pohuar dje se personi i ndaluar është me inicialet S.B ndërsa numri i paketave të gjetura nga tatimorët rreth 30 copë.
Nxjerrja në qarkullim e markës më të fundit të cigareve në Shqipëri, “Sali Berisha”, ka alarmuar policinë tatimore dhe atë të rendit në kryeqytet. Menjëherë punonjësit e këtyre dy organeve janë vënë në kërkim të njeriut që kishte guxuar të luante me imazhin kryeministror dhe ta vendoste atë në një paketë cigaresh. Vetëm pas disa minutash kërkime policia ka mundur që të gjejë njeriun që ka prodhuar paketat e cigareve. Grupi i gatshëm i policisë së Tiranës ka shkuar në shtëpinë e tij dhe menjëherë e ka shoqëruar në komisariat. Ndërkohë tatimorët kanë bërë bllokimin e paketave të cigareve me imazhin kryeministror. Pas bllokimit të paketave burimet e tatimorëve kanë pohuar se ato ishin të prodhimit artizanal. “Bëhet fjalë për një numër shumë minimal paketash. Numrin e saktë nuk mund ta themi por janë pak. Nuk bëhet fjalë për steka ose për koli me paketa. Ato janë prodhuar në mënyrë artizanale nga një person i vetëm dhe jo nga ndonjë fabrikë e caktuar”,- thanë dje burimet zyrtare të Policisë Tatimore. Sipas tyre, ndaj këtij personi do të veprojnë ligjet në fuqi të shtetit shqiptar. Pas sekuestrimit të tyre Policia Tatimore ka vënë re se ato ishin të pajisura me pulla fiskale të lëshuara nga Ministria e Financave. Verifikimet e mëtejshme kanë treguar se bëhet fjalë për pulla të rregullta dhe jo të falsifikuara. Këto pulla i janë shitur nga ana e tatimorëve kompanisë “Philip Morris”. “Ne si tatime nuk kemi përgjegjësi për këtë që ka ndodhur. Personi në fjalë ka përdorur pulla, të cilat ne i kemi shitur tek kompania Philip Morris. Pullat janë të rregullta por ne nuk mund të kontrollojnë se çfarë bëhet me pullat e shitura nga ne. Ai nuk kishte autorizim për përdorim të imazhit kryeministror”-, thanë dje burimet zyrtare të tatimorëve. Sipas tyre, dyshimet janë se pullat janë shqitur me kujdes nga paketat e markës “Marlboro” dhe më pas i janë ngjitur paketave të reja të markës “Sali Berisha”. Nga ana e saj, policia e kryeqytetit nuk ka treguar detaje nga operacioni i orëve të para të mëngjesit. Burimet zyrtare kanë pohuar faktin se është ndaluar personi që ka prodhuar paketat e cigareve me imazhin kryeministror por nuk kanë dhënë detaje të tjera. Ndërkohë, burime jo zyrtare kanë pohuar dje se personi i ndaluar është një piktor nga Shkodra me inicialet S.B. Ai i ka prodhuar paketat e reja duke ngjitur në vend të stemës së paketave “Marlboro” dhe shprehjes së famshme të Jul Çezarit, “Veni, vidi, vici”, (Erdha, pashë, fitova), fytyrën e kryeministrit Sali Berisha.

REAGIMI
Berisha: U lëndova kur pashë paketën
TIRANË- Pas hedhjes në qarkullim të paketave “kryeministrore” ka reaguar edhe vetë kryeministri Sali Berisha. Ai e ka quajtur cigaren si një armik të egër të njeriut dhe ka pohuar se është lënduar shumë kur ka parë fytyrën e tij në paketë. “Cigarja është armik i egër i shëndetit të njeriut. Imagjinoni, sa u lëndova kur e pashë atë, kur vetëm një javë më parë ne votuam ligjin për ndalimin e duhanit në mjediset publike. Për mua është absolutisht e papranueshme. Këshilltarët juridikë po shohin të gjitha prerogativat ligjore. E theksoj dhe një herë se në konceptim tim duhani është një armik i egër i shëndetit të njeriut. Dhe vetëm mbi këtë koncept, që nga viti ’77 e deri më sot, nuk kam pirë as edhe një cigare”,- tha dje kryeministri Berisha. Ndërkohë zëdhënësi i tij, Dritan Mishta, bëri të ditur se përdorimi i imazhit të kryeministrit Berisha në kutitë e paketave të cigareve të hedhura në treg ditët e fundit është krejtësisht i pautorizuar dhe i paligjshëm. Sipas tij, për këtë rast do të ndiqen të gjitha procedurat ligjore.




04/08/2006
KATEGORIA: Kronike nga Tirana

--


--------------------

Koha Jone..



E Premte, 04 Gusht 2006


KRYEMINISTRI BERISHA E PERJASHTON VETEN NGA SHPERNDARJA E KETYRE PAKETAVE

Imazhi i Berishes ne paketa cigaresh, i paligjshem.
Imazhi i kryeministrit ne paketat e cigareve, eshte nje akt i paligjshem. Jo vetem Policia Tatimore, por edhe vete Kryeministria e ka deklaruar kete fakt diten e djeshme. Vete zedhenesi i kryeministrit beri te ditur dje se "perdorimi i imazhit te kreut te qeverise Sali Berisha ne kutite e paketave te cigareve te hedhura ne treg ditet e fundit eshte krejtesisht i pautorizuar dhe i paligjshem".

Ne nje deklarate per mediat, ai shprehet se "sipas infomacioneve te ministrise se Financave, ne keto paketa eshte perdorur gjithashtu ne menyre te paligjshme emri dhe marka e kompanise, Philip Morris". Nga ana tjeter, edhe kryeministri nuk e mbeshteti shperndarjen e paketave te ketyre cigareve. I pyetur lidhur me nje fakt te tille, ai tha se personalisht ishte kunder duhanit.

"Absolutisht per mua, eshte nje gje e papranueshme. Ne konceptin tim, duhani eshte nje armik i eger" eshte shprehur kryeministri Berisha, duke lene te kuptohet ne kete menyre, se ai nuk ka te beje me shperndarjen e paketave te tilla. Duke permendur faktin se vetem disa dite me pare, Keshilli i Ministrave hartoi projektligjin e ri per ndalimin e duhanit. Nderkaq, Policia Tatimore ka ndaluar shperndarjen e ketyre paketave ne tregun e lire.

Paketat e cigareve, ishin me foton e Berishes
Ato kishin te shkruar siper tyre shprehjet "Koha per ndryshim" dhe "Veni, Vidi, Vici". Paketat e cigareve kishin siper tyre fytyren e Sali Berishes, kryeministrit shqiptar. Ato ishin shperndare ne tregun e lire dhe kushtonin 500 leke te reja. Qytetaret e Tiranes jane ne kete menyre shume kurioze per paketen qe vetem ne ane shenon "Marlboro", ndersa ne krye ka sloganin "Koha per ndryshim".

Poshte fotos se kryeministrit shenohej nje tjeter slogan: "Korrupsioni demton individin dhe shtetin". Ne pjesen e pasme te paketes se kushtueshme, e cila ka dhe pulle fiskale, eshte nje nderthurje e flamurit shqiptar dhe Komunitetit Evropian, ndersa shenohet dhe shprehja e famshme e Jul Çezarit: "Veni, vidi, vici" qe shqiperohet "Erdha, pashe, fitova". Paketa me fytyren e Sali Berishes kushton sa nje pakete e po te njejtit lloj, por kontrabande, ndersa eshte teresisht e ligjshme dhe me pulle.

--





aiba e agim xhek duk poetit beka dhe cigare jo vetem veze..