Ps-LSI, aleance reale apo pakt antiNano?

[DYDRINAS]

Vetem deri disa kohe me pare, drejtues te larte te LSI as qe pranonin te hynin ne ndonje aleance me PS-ne, sepse ishte pikerisht kjo PS, qe me formulen e "Dushkut" e rrudhi forcen e vertete te LSI-se ne zgjedhjet e 3 korrikut.
Drejtuesit me te larte te LSI-se, shpreheshin hapur dhe me nje fryme mosbesimi ndaj udheheqjes se vjeter dhe te re te PS-se dhe arrinin deri atje sa ta etiketonin PS-ne si nje force politike te paafte dhe te pabesueshme.

Me pas te dy palet nenshkruan nje aleance.
A eshte kjo aleance reale apo nje pakt antiNano?

Lexoni se si shprehej nje nga drejtuesit e saj me te larte jo me larg se 3-4 muaj me pare:

30.04.06

Interviste

Flet Sekretari i Pergjithshem i LSI, Petrit Vasili

“E ndjej se kam përvojën, energjinë dhe pasionin për ti dhënë shumë ndryshimit të metropolit tonë, jo vetëm në formë, por edhe në përmbajtje dhe për ti dhënë një dimension human falë edhe profesionit tim të mjekut. Por LSI ka edhe shumë kolegë të tjerë të nderuar me vlera intelektuale dhe politike te spikatura që mund të konkurojnë denjesisht dhe te kontribuojnë për një Tiranë më humane dhe më sociale,te tille sic e duan realisht qytetaret e saj”. Kështu shprehet në intervistën e tij, Sekretari i Përgjithshëm i LSI-së, Petrit Vasili.

Z.Vasili, mitingu i fundit i LSI së Tiranës është një paralajmërim për Partinë Socialiste apo një startim i pakthyeshëm i LSI për të konkuruar e vetme ne zgjedhjet lokale?

Manifestimi i shkëlqyer i LSI së kryeqytetit dy ditë më parë ishte përmbyllja e sukseshme e një punë disamujore për riorganizimin e LSI në Tiranë pas zgjedhjeve të 3 korrikut. Po kështu ishte një mundësi për të përshëndetur 800 anëtarët e rinj që iu bashkuan kësaj dege në muajt e fundit. Ne nuk synojmë të paralajmërojmë askënd, por punojmë për të motivuar anëtarët dhe simpatizantët tanë për realizimin e programit tonë dhe të qëllimeve politike. Jemi duke hyrë në një fazë të re të aktivitetit tonë për konkurimin në zgjedhjet vendore.

Pra përfundimisht LSI ka vendosur të hyjë e vetme në këto zgjedhje?

Pas ndërprerjes së konsultimeve në mënyrë të njëanëshme dhe arrogante nga ana e drejtuesve aktualë të PS-së për çështjet kryesore që kishin të bënin me realizimin e një marrëveshjeje serioze dhe konkrete të opozitës, ne sigurisht që do të përgatitemi për të konkuruar në të gjithë vendin në tetor. Ne po punojmë për të ndërtuar një aleancë sa më të gjerë, me grupe dhe forca të ndryshme politike e shoqërore si dhe me individë me vlera kudo pranë çdo komuniteti.

Por PS akuzon LSI-në si shkaktare të prishjes së marrëveshjes, pasi sipas tyre keni vënë kushte të rënda.. Cili është komenti juaj?

Kemi të bëjmë thjesht me një përpjekje për manipulim të anëtarëve të PS-së dhe opinionit publik nga ana e tyre. Platformës së tyre publike, ne i jemi përgjigjur në mënyrë publike e plotësisht konstruktive. Kemi bërë vlerësimet tona pozitive, por edhe propozimet tona për ta pasuruar dhe bërë më solide një marrëveshje të opozitës. Nëse ka diçka që nuk shkon në propozimet tona ne ishim të hapur për të reflektuar. Ndërsa për vendosje kushtesh të rënda as që bëhet fjalë. I vetmi “kusht i rëndë”- nëse mund të vlerësohet i tillë- është se raportet e bashkëpunimit midis partive të opozitës nuk mund të jenë ato të “Megadushkut” të 3 korrikut, pasi vetë objektivi kryesor i marrëveshjes ishte bërja e zgjedhjeve të parakohshme vitin e ardhshëm për shkak të “Megadushkut” të këtij parlamenti. Nuk mund të ketë dy standarte të ndryshme për vlerësimin e “Megadushkut”.

Por si mund të bëhet ky vlerësim i raporteve, kur LSI ka marrë pjesë vetëm në zgjedhjet e 3 Korikut?

Prandaj ne kërkuam që të bisedohej dhe negociohej për mënyrën e përcaktimit të këtyre kritereve nga të dyja palët, ndërsa ata vrapuan të nënshkruanin një deklaratë mediatike pa e ftuar zyrtarisht LSI dhe për ta vënë para faktit të kryer, duke treguar qartë se kanë të njëjtin mentalitet si më parë.

Deputeti i LSI, zoti Ndre Legisi është shprehur para pak ditësh se LSI ka kërkuar 1/3 e kandidatëve në të gjithë vendin. A është kjo e vërtetë?

Unë nuk mund të përgjigjem për bisedat informale apo shoqërore që zoti Legisi ka bërë me zotin Rama apo me dikë tjetër në PS. LSI nuk është për negociata kafenesh dhe sms. Unë jam sekretar i përgjithshëm i LSI dhe mund t’ju përsëris se propozimet e LSI kanë qenë publike dhe i vetmi kusht i panegociueshëm ka qenë distancimi i vërtetë nga falsiteti i rezultateve të 3 korrikut dhe kjo është thellesisht parimore. Çdo gjë tjetër ka qenë e diskutueshme dhe në varësi të kritereve dhe argumentave më të që qenësishëm që do të ofronte çdo palë.

Por zoti Rama, ju akuzoi se “LSI do copë byreku”?

Nuk ja vlen të merremi me banalitete të tilla, të denja për njerëz që nuk kuptojnë përgjegjësitë e veta në këtë moment të rëndësishëm për vendin dhe opozitën. Më duket e tepër të them se shumë prej drejtuesve të sotëm të LSI kanë qenë socialistë të orëve të para që në vitet 1991-1992, kohë në të cilën zoti Rama fyente socialistët dhe veteranët e luftës antifashiste. Ne kemi qenë socialistë dhe të persekutuar nga rregjimi i Berishës, kur zoti Rama bënte ndonjë shkrim nga Parisi. Pra kemi qenë socialistë me vetëdije, me shpirt dhe me sakrifica dhe ne nuk jemi socialistë pushteti apo “byreku”, si ata që u bënë të tillë, pasi u bënë qeveritarë, pas 97-ës. Edhe unë mund të kthehesha në Romë, ku u specializova në vitet 1988-1991 e të dërgoja ndonjë shkrim prej andej dhe të prisja sa të rrëzonin Berishën të tjerët për të gjetur gati byrekun, por qëndrova këtu edhe i papunë, edhe i “përndjekur” duke sakrifikuar me socialistët dhe shqiptarët e tjerë për të ndryshuar rregjimin e Berishës.

Zoti Meta është përmendur si një kandidat i mundshëm i LSI për bashkinë e Tiranës. A ekziston kjo mundësi?

Zoti Meta e ka përjashtuar vetë këtë mundësi, pasi është i zgjedhur drejtëpërdrejtë nga populli deputet, dhe s’mund të ndërpresë këtë kontratë te tijen me elektoratin. Për më shumë, LSI është një forcë politike që ka shumë personalitete që mund të konkurojnë për të fituar Tiranën.

Po ju vetë personalisht zoti Vasili a mund të jeni kandidati I LSI për bashkinë e kryeqytetit?

Aktualisht më është besuar detyra e Sekretarit të Përgjithshëm të LSI, por nëse më kërkohet nga anëtarsia dhe forumet e LSI për të kandiduar, padyshim që do të respektoj vullnetin e tyre. E ndjej se kam përvojën, energjinë dhe pasionin për ti dhënë shumë ndryshimit të metropolit tonë, jo vetëm në formë, por edhe në përmbajtje dhe për ti dhënë një dimension human falë edhe profesionit tim të mjekut. Por LSI ka edhe shumë kolegë të tjerë të nderuar me vlera intelektuale dhe politike te spikatura që mund të konkurojnë denjesisht dhe te kontribuojnë për një Tiranë më humane dhe më sociale,te tille sic e duan realisht qytetaret e saj.

A është e vërtet se ju jeni shprehur se PS pa LSI e ka të humbur Bashkinë e Tiranës?

Jo, kjo nuk është e vërtete, pasi ne nuk e shohim në mënyrë destruktive raportin e LSI me PS. Dhe po kështu ne nuk e shohim veten si një shtojcë të PS-së. e vërteta është se nëse do të kishte një bashkëpunim PS-LSI, fitorja e Tiranës do të ishte shumë më e thjeshtë. Por përderisa ata i mbyllin dyert e bashkëpunimit, ne kemi vetëm një zgjedhje: të konkurojmë më vete edhe për Bashkinë e Tiranës, jo me qëllimin që PS të humbasë Tiranën, por me objektivin që LSI ta fitojë Tiranën. Dhe për mua kjo nuk është as ëndërr dhe as utopi, por plotësisht e mundshme.

Edhe përballë Edi Ramës?

Përballë cilitdo. Ne nuk e mohojmë që në Bashkinë e kryeqytetit kanë ndodhur ndryshime pozitive gjatë kohës që kanë drejtuar qeveritë socialiste dhe vetë Edi Rama, por jemi shumë të bindur se mund të ishte bërë shumë më tepër në përmbajtjen e modelit të qeverisjes vendore, I cili ka shfaqur jo pak, disa nga vetë fenomenet negative të qeverisjes së mëparshme, sidomos në drejtim të klientelizmit dhe mungesës së transparencës.

Thuhet se problemi kryesor i së majtës është konflikti LSI-PSD. A është e vërtetë?

Kjo është një paraqitje e gënjeshtërt dhe pa asnje kuptim e vetë thelbit të problemit që qëndron në mungesën e reflektimit dhe seriozitetit të lidershipit të PS-së. Deri dje edhe ne mendonim se zoti Gjinushi e provokonte LSI me vend e pa vend nisur nga interesat e tij, por tani jemi të bindur se kjo është një nxitje e stisur nga vetë kryetari i PS, zoti Rama, i cili nuk ka guximin të vendosë pikat mbi i dhe të mbajë qëndrimet parimore.
Përpjekjet evidente të zotit Rama për të ndikuar si kryebashkiak edhe në mediat elektronike apo të shkruara duke deformuar lajmet apo qëndrimet e LSI nuk do të kenë sukses.
Nëse ai nuk do të reflektojë, atëherë ne do tu drejtohemi anëtarëve dhe simpatizantëve të thjeshtë të PS-së për të mos lejuar drejtues të tillë që të bëhen pengesë për bashkëpunimin e së majtës për qëllime personale. Ne nuk na ndan asgjë me socialistët e thjeshtë dhe nuk do të lejojmë as drejtuesit e tjerë aktualë që të vazhdojnë ti mashtrojmë për kushtet e rënda gjoja të LSI-së.

Drejtues të PS-së janë shprehur se LSI ka pësuar rënie nga rezultati i 3 Korrikut ndaj nuk duhet të bëjë shumë naze për marrëveshjen?

Kjo për fatin e tyre të keq është thjesht dëshira dhe propaganda e tyre e stisur nga zyrat e Bashkisë së Tiranës, nëpërmjet dhjetëra shkrimesh dhe analizash të “pavarura”, se gjoja pas ikjes së Nanos dhe ardhjes së Edit në krye të PS nuk ka më arësye për ekzistencën e LSI. Por tani është shumë e qartë se lidershipi aktual ka risjellë zhgënjim dhe vetëmbyllje edhe brenda PS-së. Gjysmëreformat e ndërmarra kanë qenë thjesht për manipulim mediatik të opinionit. Mosdistancimi nga Megadushku i 3 Korrikut është prova më e qartë e mosreformimit dhe mosreflektimit të tyre. Nëse kanë bindjen se elektorati i LSI ka rënie e ndaj s’ka nevojë për marrëveshje, këtë duhet tua thonë anëtarëve dhe simpatizantëve të tyre e jo ti mashtrojnë se LSI na punon për Berishën.
Por pas zgjedhjeve do të marrin përgjegjësitë për këtë aventurë, ku po fusin partinë e tyre. Sondazheve të porositura u ka dalë boja, ashtu si edhe orkestruesve të tyre. Sido që të jetë një ditë bashkëpunimi i PS dhe LSI do të realizohet, duan apo jo drejtuesit aktualë të PS-së.

Por ekziston edhe opinioni se zoti Rama është nën presionin e disa anëtarëve të kryesisë së PS-së për mosbashkëpunimin me LSI. A është e vërtetë sipas jush?

Në fillim edhe unë e besoja nje gje te tille, por tani jo më. Duket qartë se vetë zoti Rama nuk do bashkëpunim me LSI. Pastaj nëse është e vërtetë se ai ka kundërshtime me forumet e PS-së për bashkëpunimin me LSI këtë duhet t’ua thotë hapur anëtarëve dhe simpatizantëve të PS dhe të kërkojë mbështetjen e tyre, pasi ata e kërkojnë gjeresisht këtë bashkëpunim. Gjithmonë kjo nëse e ndjen veten vërtet kryetar të PS, përndryshe do të na duhet ne t’i sqarojmë ne ata se përse po sakrifikohen interesat e tyre dhe të së majtës për qëllime të tjera.

[DYDRINAS]

Sabit Brokaj nje nga drejtuesit me te larte te LSI-se, ja si shprehet ai per vitet e qeverisjes se PS-se ne nje nga seancat e Kuvendit Popullor.
Ai fajeson PS-ne per gjendjen e renduar ekonomike, per monopolet, per korrupsionin etj etj.
E pra tani po kjo LSI eshte ne aleance me PS-ne. Ku shkuan akuzat e ngritura nga Meta dhe drejtuesit e tjere te larte te LSI per qeverisjen e keqe te PS-se?
PS-ja eshte e tera ajo qe ishte edhe atehere, vecse Nano mungon (jo si anetar por si kryetar).

21.12.04 FJALA E MBAJTUR DJE NE PARLAMENT E PERFAQESUESIT TE LEVIZJES SOCIALISTE PER INTEGRIM, z.Sabit Brokaj PER PROJEKT-BUXHETIN E SHTETIT TE VITIT 2005

FJALA E MBAJTUR DJE NE PARLAMENT E PERFAQESUESIT TE LEVIZJES SOCIALISTE PER INTEGRIM, z.Sabit Brokaj PER PROJEKT-BUXHETIN E SHTETIT TE VITIT 2005


I nderuar Kryetar i Parlamentit,
Te nderuar kolege deputet,
Te dashur vellezer dhe motra qe na ndiqni nepermjet ekranit,

Sot eshte nje dite e vecante jo vetem per ne por dhe per te gjithe shqiptaret. Rralle here ndodh qe brenda nje viti ne parlamentin tone, me nje ligj te vetem si ky i buxhetit, ne mund te ndikojme ne jeten e miliona shqitareve njekohesisht, ti kenaqim ata, ti zemerojme, te fitojme mirenjohje, te fitojme mbeshtetje, apo te marrim perbuzje dhe zhgenjim. Cdo vote sot per kete projekt-ligj ndikon drejt-perdrejt ne jeten e rreth 1 milion shqiptareve qe marrin rroga dhe pensione nga ky buxhet, por kjo vote ndikon direkt dhe ne shpejtimin apo ngadalesimin e objektivave madhore qe ka marre ky Kuvend para popullit, ato te zhdukjes se varferise, te zhvilllimit t! e shpejte dhe te qendrueshem te vendit, si dhe te integrimit europian pa vonesa e zvarritje te pajustifikueshme.
Me ato qe kemi degjuar deri tani ketu ne parlament nga prezantimi i projekt-buxhetit, por dhe nga “parada e sukseseve” qe paraqiten ketu Ministra e perfaqesues te qeverise, duket se maxhoranca qeverisese po e humb proven e besnikerise ndaj elektoratit duke tentuar ta manipuloj ate me te paverteta, dhe nga ana tjeter po fiton besnikeria ndaj partise se blere nga interesat monopoliste, oligopoliste e klanore.

Te nderuar deputete,

Si mund te pajtohemi me kete projekt-buxhet, kur ritmet e rritjes se te ardhurave dhe shpenzimeve nuk garantojne nje situate te qete sociale, nuk garantojne lufte kunder varferise, nuk garantojne ndalimin e grevave, dhe ne menyre te dukshme nuk arrijne as nivelet e vitit 2001? Ne vitin 2001 te ardhurat si perqindje e Prodhimit te Brendshem Bruto (PBB) 3 vjet me pare ishin 23.3% kurse ne 2005 do jene 22.3%. Investimet si perqindje e PBB ishin 7.1% kurse ne 2005 parashikohen 5.3%. Rritmi i rritjes ekonomike ne 2001 ishte 7%, kurse ne 2005 parashikohet 6%. Numri i te punesuarve ne 2001 ishte 1,063,000 kurse ne ne 2005 vetem rrth 930,000, pra 130 mije te punesuar me pak. Te gjitha shifrat qe po ju jap, jane te verteta dhe te konfirmuara nga raportet e Fondit Monetar Nderkombetar. Le te ngrihet dikush dhe te kontestoje vetem nje prej tyre. Mos i lodhni shqiptaret me shifra krahasuese ne vlera nominale, sepse kur rritet ekonomia dhe ato rriten nga viti ne vit. Eshte politike e dobet dhe jo serioze te besh krahasime ne vitin 1996 apo 1997, sic beri kryeministri sot.
Si mund te pajtohemi me kete projekt-buxhet kur ne krahasim me planin e vitit 2004, rritja e te ardhurave eshte vetem 2.4%, kurse e shpenzimeve vetem 1.9%? Ju deklaroni me krenari se te ardhurat dhe shpenzimet do te rriten 9% ne 2005 duke u nisur nga rezultati i pritshem i 2004. Pse nuk kerkoni me pare falje para popullit se ne 2004, ashtu si ne 2002 dhe 2003 keni deshtuar? Kryeministri e ka firmosur kete projekt-buxhet ku deklarohet se deri ne ate moment kishit rreth 120 milion dollare deficit ne mbledhjen e te ardhurave dhe rreth 140 milion dollare ne shpenzime. Po te mblidhen qindra milion dollare deficitit mes 2002, 2003 dhe 2004 dhe te ishin investuar per ujin e pijshem, gjithe qytetet tona do kishin uje 24 ore. Kush mban pergjegjesi per keto mos-realizime? Keni 17% me pak investime te huaja, keni disa milion dollare te ardhura me pak nga zhdoganimi kafese, hekurit, birres apo karburantit, nderkohe qe cmimi i ketij te fundit eshte dyfishuar ne tregun boteror dhe duhet te mblidhnit 2 fishin e te ardhurave, nderkohe qe keni ulur dhe prodhimin vendas te naftes per ti ardhur ne ndihme kontrabandes. Kjo qeveri nuk mund te vazhdoje te beje parade suksesesh kur importet e prodhimeve bujqesore jane rritur 18% nga monopolistet qeveritare, kurse shqiptaret kane konsumuar 18% me shume buke dhe 15,5% me shume djath ne 2004. Kjo tregon qe pagat dhe pensionet teper te ulta te shqiptareve, pervec qerave te larta te dritave dhe ujit, nuk mund te perballojne ushq! im me te mire se buka dhe djathi. Keto jane simbole te varferise dhe jo simbole te europianizimit. Monopolet dhe bizneset prane qeveritareve ne 2004 kane qene shkak per rritjet me te medha te cmimeve. Cmimet me te rritura ne 2004 kane qene ato te energjise elektrike, te lendeve djegese, te ujit, te biletave te transportit apo banesave. Ne 2004 jane dhene 76% me pak leje ndertimi, dhe ky monopolizim lejesh lejon qe ata pak ndertues te rrisin cmimet ne kurriz te konsumatorit. Ne e dime dhe kush Ministra kane monopolet e naftes, te linjave te transportit apo importeve agro-ushqimore.
Mbi keto deshtime te vitit 2004, qeveria sjell ne parlament nje projekt-buxhet shume larg realitetit. Jo me kot e kemi quajtur kete projekt-buxhet me te dobtin qe nga viti 1997. Qeveria kembengul qe buxheti eshte realist, sepse jemi ne nje vit zgjedhor, megjithese ne biseda shoqerore te gjithe deklarojne sa ka rezerva te medha. Ne vit zgjedhor kemi qene dhe ne vitin 2001, prandaj ne bejme krahasime me ate vit, dhe jo se ne 2001 ishte kryeminister Ilir Meta. Qeveria nuk mund te perdore vitin zgjedhor per ti bere leshime kontrabandes dhe evazionit fiskal me qellim perfitimin e donacioneve prej tyre. Ne nje vit zgjedhor, ashtu si 4 vjet me pare, qeveria perpiqet te rrise efektivitetin, te shumefishoje sukseset dhe permiresoj mireqenien e votuesve. Kjo qeveri qe paraqet sot kete projekt-buxhet duket se nuk ka keto interesa. Megjithate ne, si parti e majte dhe opozitare, nuk kenaqemi qe kundershtari jone politik po fundoset, sepse bashke me ate po fundosen miliona njerez te cilet ne kemi marre persiper ti mbrojme dhe perfaqesojme ne parlament. Bashke me kete qeveri po fundosen 50% e popullsise qe jetojne ne nivelin e varferise, pensioniste, invalid, jetime, te papune, oficere ne lirim, fshatare dhe qytetar.
Me lejoni t’ju paraqes disa shifra te tjera te nxjerra nga ky projekt-buxhet per te treguar demagogjine e qeverise se gjoja ka prioritete luften kunder varferise, arsimin apo bujqesine. Bujqesise qeveria planifikon ti jape 4.5 miliard leke per investime kur ne 2004 ky sektor kishte fiks 4.5 miliard leke. Arsimi kishte ne 2004 rreth 4.7 miliard leke investime, kurse ne 2005 ka 4.5 miliard leke. Pushteti lokal ka pasur 350 milion leke investime kurse ne 2005 parashikohen 234 milion. Transporti ka pasur 13.2 miliard dhe ne 2005 parashikohen 12.5 miliard leke. Sherbi! met e punesimit kane pasur 699 milion leke investime, kurse ne 2005 parashikohen 676 milion. Shume shifra te tjera per investimet dhe destinacionin e tyre nuk deklarohen, sepse qeveria do te vazhdoje ti perdore ato per fushate elektorale dhe ne menyre klienteliste. Disa miliard leke investime do te shperndahen per tendera te jashteligjshem qe qeveria i ka bere kete vit. Pra mendoni se edhe keto shifra qe permendem per 2005 dhe qe jane te gjitha me te ulta se 2004, do te jene shume me pak se kaq per shkak te firmave prane qeveritareve qe presin te marrin parate e tenderave te vjeter. Me cfare morali dhe me cfare llogjike duhet te justifikojme ne mbeshtetjen per kete projekt-buxhet?
Levizja Socialiste per Integrim nuk do ti zhgenjeje as sot dhe asnjehere tjeter shtresat e majta qe presin mbrojtje prej shtetit. Ne perfaqesojme sot me qendrimin tone kritik ndaj ketij projekt-buxheti interesat e 560 mije pensionisteve dhe 110 mije njerezve qe varen prej tyre. Ne perfaqesojme sot 110,000 punonjes buxhetor, mesues, mjek apo punonjes te administrates publike te cilet jetojne larg tenderave e korrupsionit, dhe qe kane rrogen si mjetin e vetem te jeteses. Ne perfaqesojme sot 121 mije familje qe jetojne me ndihme ekonomike, 85 mije te paafte per pune, 20 mije oficere te liruar, 24 mije veterane, 5,400 invalide, 5,500 familje deshmoresh dhe mijera te papune ne fshat e qytet. Te gjithe keta, bashke me njerezit prane tyre, jane sot Shqiperia qe ka nevoje per ndihme. Shqiperia nuk mund te jete familja kryeministrore dhe miqte e saj. Per hir te se vertetes, Shqiperia ka mijera njerez qe nuk jetojne ne varferi dhe qe me punen e tyre, sakrificat, aftesite profesionale dhe individuale jetojne mire. Ne i pershendesim ata dhe i garantojme se duke luftuar qe qeveria te jete me e pergjegjshme, luftojme edhe per ata. Duke luftuar qe ketu te mbizoteroje ligji, konkurenca e ndershme dhe respektohen lirite, ne luftojme edhe per ata. Duke luftuar varferine, krimin dhe trafiqet, ne luftojme edhe per ata.
Projekt-buxheti ne formen e paraqitur nga qeveria nuk thote asgje nese do kete rritje pagash dhe pensionesh gjate 2005. Thuhet vetem qe eshte nje fond rezerve prej 2 miliard leke qe mund te perdoret per rritje pagash. Komisioni Ekonomise kerkon disa ndryshime te vogla per rritje te ardhurash, por akoma te pamjaftueshme. Gjate diteve te diskutimeve te buxhetit neper komisione jane bere deklarata te ndryshme se do rriten rrogat per kategori te ndryshme, por sot vesioni perfundimtar qe paraqisni eshte per rritje 8% per gjithe kategorite. Eshte thene se do rriten dhe pensionet 10%.
Levizja Socialiste per Intergrim ju deklaron se premtimet e bera duken vetem demagogjike. Sot ketu nuk kemi asnje fakt nga qeveria qe te vertetoje se deklarimet jane te verteta dhe te realizueshme. Keta sot kane paraqitur rritje minimale te ardhurash ne krahasim me projektin fillestar, per te perballuar nga ana financiare premtimet e bera. Nese premtimet jane bere per te kaluar momentin dhe ulur grevistet, kjo eshte vetem manover. Duke u nisur nga shifrat qe kemi te gjithe perpara, 2 miliard leke qe parashikon buxheti nuk mjaftojne per te rritur pagat me shume se 3.8%. Keta mbase planifikojne te bejne rritje fiktive para zgjedhjeve duke i lene barren e perballimit te saj fituesve te zgjedhjeve te ardhshme, por edhe nese rritjet behen kaq te vonuara, perseri qeveria nuk i mban dot premtimet e ketyre diteve. Nga diskutimet ne komisionet parlamentare ka dale qarte se pensionet mund te rriten deri ne 10% mbase ne qershor, jo duke rritur te ardhurat, por duke hequr fonde nga ndihma ekonomike, pagesa e papunesise apo nxitja e punesimit. Flitet se qeveria do rrise fiktivisht pagen minimale vetem per efekt te llogaritjes se kontributeve te pensioneve qe te mblidhen me shume leke nga ata qe punojne, per te rritur pensionet e atyre qe nuk mund te punojne. Kjo eshte e papranueshme sepse do zvogeloje me teper pagen e atyre qe punojne. Pse nuk pranon qeveria te zvogeloje ekonomine e zeze, punen e zeze, evazionin fiskal dhe kontrabanden, ne menyre qe te rriten te ardhurat per te rritur pagat e pensionet? Ne nuk pranojme qe per te kenaqur nje grup shoqeror qe ben greve, ne duhet te pakesojme kujdesin per grupe te tjera shoqerore qe nuk dalin ne greve. Fondet per rritje pensionesh duhet te dalin nga ulja e kontrabandes dhe evazionit, nga goditja e krimit ekonomik e korrupsionit dhe jo nga parate e ndihmes ekonomike apo papunesise.

Te nderuar deputete,

Askush nuk mund te kundershtoje shifrat dhe llogjiken qe ne analizojme projekt-buxhetin sepse shifrat i kemi ne dore dhe llogjiken te ftohte. Ndjehemi vertet keq kur i ofrojme njerezve kaq pak. Levizja Socialiste per Integrim me ekspertet e saj, por dhe ne konsultim me eksperte te pavarur shqiptare dhe te huaj, mendon se mund dhe duhet te rrisim te ardhurat, shpenzimet dhe investimet e parashikuara per 2005. Ne kemi paraqitur para jush nje pakete me amendamente per kete projekt-buxhet, me llogari te sakta dhe realiste.
LSI kerkon te rriten te ardhurat me 8.5 miliard leke me shume, ne menyre qe te rrisim rrogat e pensionet qe nga 1 Marsi 2005, dhe jo ne prag votimi sic parashikon qeveria. Opozita e Berishes kerkon rritjen qe nga 1 Janari, por kjo nuk eshte realiste dhe administrata tatimore ka nevoje per 2 muaj kohe. Ne kerkojme qe nepermjet kesaj rritje te perfitojne pensionistet, te papunet, invalidet, veteranet, mesuesit, mjeket, oficeret e liruar apo buxhetoret. Ne kerkojme qe me keto fonde te behen me shume investime ne bujqesi ku jeton gjysma e popullsise tone, te behen me shume investime per te zbutur varferine ne veri-lindje te vendit dhe te ndihmohen me shum! e ata qe jetojne ne krize ekonomike ne jug e veri. Kush nga ju mund te thote se bujqesia jone eshte e vleresuar sic duhet me investime? Ne fakt edhe Ministri i Bujqesise pranon se per 2005 duhet dyfishi i fondeve te dhene per investime. Bujqesia vuan per investime ne ujitje dhe kullim, ashtu sic vuan per te siguruar treg per prodhimet e veta. Kush nga ju nuk e di se arsimi ne vend po degradohet jo nga vullneti mesuesve, por nga braktisja e shtetit? Kush nga ju nuk e di se ndryshe nga cdo vend tjeter europian, mjekesia ka probleme te medha dhe kerkimet shkencore ne Shqiperi bejne regres per shkak te mungeses se fondeve dhe keq-administrimit te vlerave? Kush nga ju nuk e di qe naftetaret ne Fier, Vlore apo gjetke i kane! zene ethet nga privatizimet dhe koncesionet qe pergatiten duke mos marre parasysh fare nevojat e familjeve te tyre per mbijetese?
Te gjithe e njohim kete realitet te veshtire, por jo te gjithe tregojme vullnet per ta ndryshuar ate. Propozimet qe ben Levizja Socialiste per Integrim per te ndryshuar buxhetin jane realiste dhe ato japin zgjidhje per probleme serioze qe shqetesojne sot vendin. Propozimet tona nuk bazohen ne heqjen e fondeve te destinuara per nje kategori njerezish ne nevoje dhe per t’ja kaluar ato nje grupi tjeter nevojtaresh. Ne propozojme t’ja marrim parate kontrabandisteve, firmave qe bejne evazion fiskal, por dhe te ndajme me mire barren fiskale qe duket se e mbajne me shume rrogetaret apo bizneset e vogla dhe te mesme. Ne kerkojme te mos i falim veprat qe privatizohen, por privatizimet te behen me ankande dhe transparence. Duhet te heqim dore nga dhenia me koncesion e veprave qe dalim me fitim, sepse fitimi mund te perdoret me mire per te varferit, se ti dhurohet miqve te pasur te Ministrave. Nese Telekom, ARMO, Hidrocentrali Lanabregasit dhe shume vepra te tjera falen sic u veprua me Hotel Tiranen, atehere sigurisht ne nuk mund ti rrisim te ardhurat ne buxhet. Si shpjegohet qe ne 2004 prisni te mblidhni nga mallrat me akcize 16.2 miliard leke, dhe pranoni se kontrabanda dhe evazioni eshte ende i larte, dhe ne 2005 planifikoni vetem 18 miliard leke? Ne ju garantojme se vetem ulja e kontrabandes se mallrave me akcize ne vetvete, mund te realizoje 8.5 miliard leke te ardhura me shume.
Une deshiroj ti bej edhe njehere thirrje socialisteve qe te ndergjegjesohen dhe te ngrihen ne nivelin qe kerkojne votuesit e majte. Mbeshtesni amendamentet e Levizjes Socialiste per Integrim dhe ne ju garantojme qe fitorja politike do te jete e juaja. Ne nuk mund te fitojme apo diktojme shumice ne kete parlament sepse kemi vetem 9 vota, por nese bashkohemi se bashku per te bere me shume per ata qe na mandatuan ne vitin 2001, do te ndjehemi se kemi bere minimalisht detyren. Ju faleminderit.

[DYDRINAS]

14.05.05 Fjala e plotë e Kryetarit të LSI-së, z.Ilir Meta ne mitingun madheshtor ne Sheshin Skenderbej ne Tirane

Fjala e plotë e Kryetarit të LSI-së, z.Ilir Meta, i cili u ndërpre disa herë nga entuziasmi i të pranishmëve.
----
Unë besoj te LSI, kandidatet fitues te Tiranes dhe gjithe Shqiperise.
Jam i bindur se 3 Korriku, do të jetë ora kur ky vend do të ngrihet në këmbë për të votuar pas 15 vjetësh endrren e tij historike:
“Ndarjen njëherë e përgjithmonë nga politika e vjetër, për të nisur së bashku një rrugë të re, për të zënë vendin që meritojmë, përkrah të gjitha vendeve të qytetëruara”.
Jam i bindur se qytetaret e ketij vendi e kane bere tashme zgjedhjen e tyre:
“Per nje Shqiperi te re, europiane, te lire e te pasur, ku sundon rregulli e ligji, solidariteti e mireqenia, perspektiva e se ardhmes”.
- Unë kam një bindje, se pas 3 Korrikut, në Tiranë, Shkodër, Tropojë, Korçë, Berat, Kukes, Vlorë, Sarandë e në të gjithë Shqipërinë, qytetarët e ketij vendi do te qeverisen ndryshe:
“Se Shqipëria ka nevojë per nje qeveri qe mendon e punon edhe për punëtorët, edhe për fermeret, per te varferit dhe për të pasurit, por edhe për shtresën e mesme që i mungon këtij vendi. Se Shqiperia ka nevoje per nje qeveri qe nxit prodhimin vendas, mbeshtet biznesin e vogel e te mesem, qe mbledh taksat jo vetem nga te varferit e te pambrojturit, e qe garanton konkurencen e ndershme ne treg. Ne do ta ndërtojmë së bashku te ardhmen tone, vetëm atëherë kur mireqenia e begatia do te jene prone e shumices”.
-Ne kemi vullnetin e perkushtimin maksimal, qe Shqiperia jone e re te lere pas krimin e urrejtjen, varferine e perbuzjen, papunesine e korrupsionin:
“Sepse atdheu yne i perbashket nuk mund te lengoje ne tranzicionin e pafund. LSI eshte projekti yne i madh per te harruar vitin e zi 97 , vitet e gjata te mjerimit, politiken e se shkuares, e per te hapur rrugen e se ardhmes”.
- Unë kam një përkushtim absolut, qe qytetarët e vendit tim të mos vazhdojnë të lenë eshtrat maleve dhe detrave, për të kërkuar edhe tani në vitin 2005, tokën e premtuar përtej kufijve:
“Sepse toka jonë e premtuar është Shqipëria. Ne do të kthejmë dinjitetin e pasaportës kuqezi, me të cilën, çdo qytetar i këtij vendi të lëvizë lirisht për punë, studime, biznes, pushime apo për të takuar fëmijët, motrat dhe vëllezërit emigrantë, në të gjithë shtetet e botës”.
- Unë kam një bindje, se qeverisja e këtij vendi, nuk duhet t’i perkase një kaste monopolesh politike, ekonomike dhe kriminale, por se ajo është një çështje e të gjithë qytetarëve shqiptarë:
“Sepse prej kohesh bota i ka thënë JO kultit të individit. Ne do të ngremë në piedestal Kultin e Njeriut, Kultin e qytetarit ”.
- Unë kam një bindje, se asnjëra prej këtyre obligimeve të një Shqipërie të re, me kete forcë të re politike, nuk është e realizueshme, nëse ne nuk do të respektojmë njeriun e punës dhe profesionistin:
“Ne do ta bazojmë të gjithë sistemin tonë, vetëm e vetëm tek vlerat. Jo mëshira, por kthimi i dinjitetit të Diplomës do të jenë baza për karrierën dhe shpërblimin e mësuesit, pedagogut, mjekut, inxhinierit, ushtarakut, ekonomistit, diplomatit dhe i të gjitha profesioneve.
- Ne kemi vullnetin për t’i dhënë fund njëherë e përgjithmonë monopoleve, klientelizmit, konfliktit të interesave, politikanëve-biznesmenë, lidhjes së politikës me krimin dhe kapjes së shtetit nga mafia:
“Sepse ne e kemi ngritur dhe do ta bazojmë punën tonë, vetëm tek ngritja e institucioneve, puna në ekip, do t’i japim fund njëherë e përgjithmonë e do ta bëjmë të vërtetën tonë të madhe, gënjeshtrën e deritanishme se “të gjithë janë e do të jenë të barabartë përpara ligjit”.
- Unë kam një vullnet absolut, qe fëmijët e të ardhurve në Bathoret e Shqiperise, do të ecin dhe do të ulen, në të njëjtën bankë shkolle me fëmijët e mi, e do të jenë qytetarë të barabartë të këtij vendi. Askush nuk mundet t’i mbaje ne ankth keta femije e prinderit e tyre me friken e prishjes se shtepise pas 3 Korrikut :
“Sepse ne do ta integrojmë Shqipërinë në Europë, vetëm pasi të kemi integruar të gjithë shqiptarët, për të patur shanse dhe mundësi të barabarta, që askush të mos të ndihet më, emigrant në vendin e tij”.
- Unë kam një bindje, se veteranet dhe pensionistët nuk janë një barrë për shoqërinë e re që po ndërtojmë. Jo të dashur prindër, nëna e baballarë. Ju jeni dinjiteti ynë, dinjiteti i të gjithë brezave dhe i këtij vendi:
“Ne nuk do të kujtohemi të ngremë pensionet dhe shpërblimin që ju meritoni, vetëm një herë në 4 vjet. Jo. Ju do të shpërbleheni shumë herë më tepër se tani, jo vetëm me pagesa pensioni, por me më shumë shtëpi kujdesi, parqe e lulishte, por mbi të gjitha me më shumë respekt, dinjitet dhe mirënjohje të përjetshme”.
- Unë kam një ëndërr. Qe pas 3 korrikut, fëmijëve tanë, përveç përrallave, JU t’i tregoni, se SHPRESA nuk ka vdekur dhe nuk do të vdesë kurrë në këtë vend:
“Sepse mbi te gjitha ka një rini te mrekullueshme, që ka misionin për ta bërë Shqipërinë një vend normal, ku jo vetëm në një ndeshje futbolli, por në çdo rrethanë e në çdo cep të globit, gjithkush nga ne ta thotë me zë të lartë: “O sa mirë me qenë shqiptar”.

Vellezer dhe motra !

Bashkohuni me ne ne kete levizje per ndryshimin e madh !

Bashkohuni me ne ne kete levizje drejt Europes !

Bashkohuni me ne per tu ndare pergjithmone nga makthet e se shkuares !

Bashkohuni me LSI me kete FORCE TE RE, PER NJE SHQIPERI TE RE !

FITORE ! FITORE ! FITORE !

[DYDRINAS]

27.12.05

Fjala e Kryetarit te LSI-se Z.Ilir Meta


Po kështu unë dua të vlerësoj si tregues të qartë të koherencës së LSI-së, edhe votimin lidhur me amendimet që ju bënë ligjit për funksionimin dhe organizimin e Këshillit të Lartë të Drejtësisë. Këto amendime synojnë qartë zgjidhjen e konfliktit të interesave në KLD, që ka një përgjegjësi të veçantë për të gjithë reformën në sistemin e drejtësisë dhe në veçanti në gjyqësor, ku për fat të keq dihet nga të gjithë, dhe sidomos më shumë se sa nga ne, nga qytetarët, të cilët nuk marrin asnjeherë drejtësi në dyert e gjykatave shqiptare, se cila është fatura, përmasa dhe fatura e korrupsionit të gjyqësorit në vendin tonë. Ju besoj se i keni ndjekur polemikat e zhvilluara me këtë rast, të cilat vazhdojnë edhe sot e kësaj dite. Por, dua t’ju siguroj se të gjitha këto polemika janë tërësisht absurde, ato tregojnë qartë mungesën e përgjegjësisë të të gjithë atyre që nuk duan reforma në sistemin e drejtësisë dhe sidomos në gjyqësor. Edhe e pranojnë që ka konflikt interesi, edhe thonë nuk bëhet kështu, pa dhënë asnjë alternativë sesi mund të bëhet më mirë. Në rast se mendojnë se këto ndryshime që i janë bërë ligjit, nuk janë në përputhje me Kushtetutën, atëherë kanë të drejtë ti drejtohen Gjykatës Kushtetuese dhe duhet ta bëjnë këtë gjë, pasi ajo është përgjegjëse për të verifikuar përputhshmërinë me Kushtetutën.
Ne jemi forcë politike dhe tregojmë vullnetin politik për të luftuar konfliktin e interesave. Ndërsa përsa u takon përrallave se kjo ndihmon qeverinë e Berishës, mendoj se këto janë justifikime për të mbajtur të paprekur korrupsionin në sistemin e drejtësisë, në sistemin gjyqësor dhe në të gjithë shtetin. Sepse nëse korrupsioni do të jetë me këto përmasa në gjyqësor, mos të presë askush, që korrupsioni të luftohet diku tjetër. Ndaj ne i ftojmë të gjithë që të kuptojmë të gjithë domosdoshmërinë e reformave në sistemin e drejtësisë. Pa çliruar drejtësinë nga konflikti i interesave nuk mund të luftohet as konflikti i interesave në drejtësi dhe as korrupsioni, i cili për fat të keq u kthye në vitet e fundit në një sistem që bllokoi të gjithë reformat dhe që ka një kosto konkrete për të gjithë shqiptarët

[DYDRINAS]

Ilir Meta 14-05-2005

“Sepse atdheu yne i perbashket nuk mund te lengoje ne tranzicionin e pafund. LSI eshte projekti yne i madh per te harruar vitin e zi 97 , vitet e gjata te mjerimit, politiken e se shkuares, e per te hapur rrugen e se ardhmes”.


Petrit Vasili 04-08-2006 (Gazeta Tema)

Sekretari i përgjithshëm i LSI-së rikujton ’97-ën: “Opozita do punojë 24 orë në 24, për të rrëzuar qeverinë”



Vasili: “Të dorëhiqen të zgjedhurit vendorë të opozitës”



Sekertari i përgjithsëm i LSI-së, Petrit Vasili, ka konfirmuar qëndrimin e partisë së tij në mbështetje të partive të tjera të opozitës, përsa i përket dorëheqjes së të zgjedhurve vendorë. Vasili ka përsëritur kërcënimin e figurave të tjera politike të së majtës për përsëritjen e ngjarjeve të vitit 1997, duke deklaruar se vendi ndodhet në të njëjtin udhëkryq si në vitin 1997-të dhe se opozita do të punojë 24 orë në 24 për të nxjerrë vendin nga kriza, që sipas tij, e ka futur mazhoranca demokrate. “E gjithë infrastruktura politike e opozitës në të gjithë vendin është në gatishmëri maksimale për të luajtur rolin që i takon në ndaljen e revanshit diktatorial të mazhorancës së Berishës dhe nxjerrjen e Shqipërisë nga udhëkryqi shumë i rrezikshëm, ku kjo mazhorancë e ka futur atë dhe që shuan çdo shpresë të shqiptarëve për qetësi dhe jetë më të mirë. Po deklaroj përfundimisht se nuk ka asnjë ditë pushimi dhe asnjë ditë qëndrimi të veprimit politik të opozitës. Ajo do të veprojë 24 orë në 24, sepse, përfundimisht, Shqipëria ndodhet përsëri në një udhëkryq që, përsa i takon rëndësisë dhe përgjegjësisë politike është i njëjti me atë të vitit 1997-të, pavarësisht nga diferencat e formës së shfaqjes së tij”, - tha Vasili. Në një konferencë për shtyp, ai ka rikonfirmuar qëndrimet e LSI-së për situatën politike në vend, dhe konfliktin pozitë-opozitë.



Z. Vasili, eksponentë të PS-së kanë shfaqur një shkallë të re presioni ndaj mazhorancës duke deklaruar tërheqjen e gjithë kryetarëve, këshilltarëve nga komunat dhe bashkitë e vendit. Pavarësisht se ju nuk jeni përfaqësuar në pushtetin lokal, a e mbështesni ju këtë qëndrim të aleatëve tuaj?

Së pari, LSI-ja, ndoshta është edhe çështje informimi, ka përfaqësuesit e saj në pushtetin lokal, sepse ka mjaft të zgjedhur që kanë deklaruar përkatësinë e tyre politike me LSI-në. Në këtë kontekst, them se LSI-ja nuk është një faktor që mbështetet nga jashtë, por është pjesë integrale e pushtetit lokal. Mendoj që dorëheqja është një mënyrë reagimi plotësisht në parametrin e një reagimi politik, që në varësi dhe në vlerësim politik të njëpasnjëshëm dhe të përditshëm të situatës është një veprim që unë e shikoj plotësisht të mundshëm, gjë, e cila, do të jetë gjithmonë e vlerësuar nga forumi i përbashkët opozitar, i cili duke gjykuar për moskthim mbrapa dhe egërsinë e qeverisë për të qëndruar në pozicionet e saj të pakthyeshme, sigurisht që nuk ka asnjë arsye që të mos ndodhë.



Z. Vasili, a mendoni se ka vend për një konsensus me mazhorancën, para se opozita të dalë në shesh për të protestuar?

Nuk kam parë asnjë demonstrim vullneti të konsensusit nga ana e mazhorancës, e cila ka të gjitha mundësitë e konsensusit për arsye të numrave që ka në Parlament, por edhe të qeverisë që ajo disponon. Ju shikoni që ka një përshkallëzim të egërsisë së reagimit të mazhorancës dhe të qeverisë, dhe këto hapësira të një konsensusi të mundshëm pothuajse janë zero. Ju e shikoni që në të gjithë artikulimin politik të opozitës ka vetëm kërkesa, ku nuk kërkojnë asnjë lloj kompromisi, kërkesat e opozitës në të gjitha rastet kanë qenë vetëm për zbatimin e atyre ligjeve, të cilat, për shkak të memories së shkurtër politike të mazhorancës, janë miratuar në konsensusin e plotë të saj. Ne kërkojmë një anëtar KQZ-je që është miratuar me votat dhe me kompromisin e fundit midis forcave politike. Cilado forcë politike, që kundërvihet me forcën e kartonit dhe dhunon ligjin, duke krijuar një precedent që këto ligje të bëhen relative, nuk është legjitime. Kjo është dhe arsyeja që unë nuk shikoj asnjë dritë kompromisi, dhe në këtë kuadër, ne jemi të përgatitur për të pasur një reagim të fortë politik dhe qytetar.



Z. Vasili, në protestën e opozitës, është deklaruar se qytetarët do të protestojnë deri në atë fazë që të mos kthehen në shtëpi pa u plotësuar kërkesat e tyre, mendoni se mund të jetë muaji shtator?

Për mua, mbi të gjitha, qëndron ideja që qytetarët do të jenë një dimension i madh, që do të ndihmojë politikën të dalë nga udhëkryqi. Përsa i takon ditës së prerë, se do të ishte dita e parë e hapjes së seksionit të ri parlamentar apo një javë më vonë, kjo është e papërcaktuar, sepse mund të jetë ndonjë “surprizë” e qeverisë, si kjo që na shtyn të dalim për konferencë për shtyp sot, por, me siguri them që, nuk do të jetë vetëm shtatori, por të gjithë muajt në vijim, të ngarkuar me një intensitet të pashembullt politik në vend.


Pak koment i shpejte lidhur me qendrimet e siperthena:

Sic duket kreret e LSI-se harrojne se cfare kane deklaruar me pare dhe se cfare deklarojne tani!?
Eshte nje situate absurde dhe aspak koherente ne qendrime e krereve te kesaj partie, gje qe le te kuptohet se me cfare serioziteti kjo force mund te jete ne te ardhmen, ne qeverisjen e vendit.
Per fat te keq, jo vetem LSI-ja por dhe pjesa me e madhe e politikaneve te larte shqiptare, nuk kane nxjerre asnje mesim nga gjithe keto vite kalimtare, por vazhdojne ende pavaresisht nga mosha apo studimet, te mbeten skllever te moralit te vjeter politik, skllever te intolerances, skllever te luftes pa princip per karrike, skllever te egoizmit dhe ambicjeve personale.
Sic duket kreret drejtues te LSI-se kane harruar se pjesa me e madhe e tyre kane qene ne pushtet dhe e kane treguar "aftesine" e tyre ne qeverisje.
Nese ata u ndane nga PS-ja, e bene kete thjesht per aresye dhe ambicje personale.
Ndersa sot LSI-ja e shpall veten jo me si nje force politike por si nje komitet "shpetimi" si ai vitit 1997.
Ku e marrin guximin krere te saj te veteshpallen kryetare te Komitetit te "Shpetimit" Kombetar?
Nese ne 1997, kryetar te Komiteteve ishin me shumice ish-ushtarake, ish-agjente te Sigurimit, agjente te sherbimeve rajonale (serbo-greke), kontrabandiste e kriminele te te gjitha kallepeve, sot situata paraqitet me ndryshe.
Tashme rolin e atyre komiteteve te "shpetimit" e ka zgjedhur dhe pranuar me deshire LSI-ja!
PS-ja i krijoi ne 1997 keto komitete me njerez te erresires, te rruges e te burgjeve, ndersa ne 2006 po kjo PS paraqet si komitet te saj vete LSI-ne.
E kane menduar se per opinionin vendas dhe ate te huaj, ky do te jete variant me i besueshem, pra ai i paraqitjes se LSI-se si nje komitet "shpetimi".
Edhe ai pak dyshim qe ekzistonte ne autoresine e ngjarjeve te vitit 1997, u fashit me pranimin haptas te autoresise nga vete kreret drejtues te PS-se dhe te LSI-se.

Atehere cdo qytetar ka te drejte te pyese veten se cfare alternative me ofron nje aleance e tille, me te mire se ajo e Berishes?
Cfare te reje po i sjell politikes shqiptare nje aleance e tille kreresh, qe sic duket deri tani ata i bashkon urrejtja ndaj Berishes dhe fronti antiNano e anti perkrahes te tij brenda PS-se?
Cfare te reje po sjellin personalisht Edi Rama dhe Ilir Meta nga ajo e viteve 1997-2005?
Me cfare idesh dhe programesh desheron kjo aleance te rikthehet ne pushtet?
Cfare fytyrash te reja po i servirin ato publikut, ne dallim nga ato te tharat te Rucit, Dokles, Gjinushit, Cekes & Co?

[oliinter]

qe LSI eshte force e madhe kete e deshmoi me se miri numri i votave qe mori ne zgjedhjet e korrikut.

Ishte mega leshi i dushkut ai qe e rrenoi LSI.

Nuk do te ishte PR e MEdiut me 11 deputet por do te ishte LSI me 25 deputete dhe kjo eshte forca reale e LSI qe pritet te rritet.

te gjithe e njohim kush eshte Sali Berisha and co

E pershendes enisiativen e ndermarre nga Ilir META dhe i uroj pune te mbare.

[Studenti-Te]

E pershendes enisiativen e ndermarre nga Ilir META dhe i uroj pune te mbare.

Me Ilirin qe fluturoi te jepte grushta grues se shtetit mendon se do te kete pune te mbare?
Iliri tregoi pjekurin karakterin e tij andaj te isha ne vendin e tij do me vinte turp te dilja me ne skene.

[oliinter]

shume mire e ke ti student sepse berisha i bente protestat duke thyer xhamat e ministrise se rendit dhe duke djegur shqiperine me 1997...

e sa e sa te tjera por sic e thua edhe vete qenke student keshtu qe te duhete dhe pak kohe qe te mesosh historine e shqiperise dhe sidomos ate te sali berishes.

[Studenti-Te]

Edhe ne vitet 2090 ju do e thoni kete te Sali Berishes ju kam lakmin per mbajte ne mend te ketij viti.

Mbyte me pune te mira kundershtarin ateher je i zoti perndryshe je pleher nese vazhdon me te kaluaren e tij ...

[oliinter]

po mer po bej namin ti dhe ne te shohim te ardhmen.

hajde mendje hajde pse sthua ti ti lirojme te gjith te burgosurit sepse kane kryer krime ne te kaluaren dhe jo ne te ardhmen...


TIPIK STUDENT