Instrumentistë të njohur nga Austria, Italia, Greqia, Zvicra dhe Shqipëria, kanë nisur të hënën në mbrëmje në Durrës, Festivalin e parë Ndërkombëtar të Muzikës së Dhomës. Në mjediset e Muzeut Arkeologjik, ansambli arok nga Italia “Il cenacolo della chimera” interpretoi për dëgjuesit, pjesë të repertorit të muzikës së shek.XVI, XVII dhe XVIII.
Instrumentistët italianë Enrico Groppo, Filippo Burchietti dhe Gabriele Palomba luajtën me instrumente të epokës disa nga pjesët më të mira të autorëve Vivaldi, Albinoni, Corelli, Merula, Cima, etj. Organizatorja e këtij festivali, Nevila Kalaja tha: “Në katër mbrëmjet muzikore, të cilat do të organizohen kryesisht në mjedise historike të qytetit bregdetar, do të jenë protagonistë edhe artistët e kuartetit “Bridge” të Athinës, me instrumentistë të kombësive të ndryshme”. Në koncertin e parë kanë interpretuar me sukses violinisti austriak Ëolfgang David dhe pianistja shqiptare Elda Laro.
Nata e fundit i është rezervuar ish-nxënësve të shkollës së mesme artistike të Durrësit, të cilët interpretojnë tashmë në skena të ndryshme të botës. Orkestra e harqeve të artistëve shqiptarë do të drejtohet nga dirigjenti zviceran, Emanuel Siffert. Festivali i parë i muzikës së dhomës organizohet nga shoqata “Arti dhe kultura italo-shqiptare”, më mbështetjen e Ministrisë së Turizmit
Përgjigju Duke Cituar
Krijoni Kontakt