Arkani ne Shkoder me Gazideden

[Arjeta]

ncncncncn marri

[Shën Albani]

Nuk eshte cudi nese jane takuar. Te gjithe e dijme se ne kohen e Salos Serbia furnizohej me nafte nga Shkodra. Ky komb eshte i pafat. Sa i hjeken diktatoret dhe pushtuesit i hidhen ne qafe qafirat e vete, jo se i hidhen ne qafe, por kombi e ka me veshtire me derrat e vete, se sa me pushtuesit. Shikoni cfare rrotullimi behet ne Shqiperi. Nano deri dje sulmonte demokracite perendimore, sot eshte demokrat. Ky nuk e ben kete per te mire te Shqiperise sepse ky njeri ne perendim nuk ka vlere se konsiderohet nje ish stalinist. Ky e ben kete nga deshira kronike per karier. I tille eshte edhe Berisha. Sa me shpejt te ndrrohet kjo klase politike aq me mire per Shqiperine. Mirepo kjo klase nuk shkulet nga pushteti pa u pasuruar mire. Shqiperia ka rini te afte dhe te pakomplekse e cila do ta drejtonte shtetin me mire se keto fosilet e sotme te komunizmit. Kjo klase e dalur nga komunizmi ne tere Ballkanin eshte klase politike e korruptuar deri ne fyt: ne Shqiperi, ne Maqedoni , ne Kosove, Mal te Zi , Bosnje e Serbi. Shikuar me gjakftohtesi Ballakni vuan nga politikanet e vet te semure.....

[Beqari002]

Si shihet nga shkrimi i meposhtem do bindemi se ne truallin tone gjithmon do gjenden ndihmes te armiqeve tane nga kombi yne,ja rasti konkret ndermjetesi mes Gazidedes dhe Arkanit,kush tjetr pos nje shqipetar,prandaj mos habitemi per keto dhe gjera tjera,mos humbim forcen e kalojme ne ekstremizem.

Pas deklaratës së Luan Ramës zbulohen misteret e bisedimeve mes ish-shefit të SHIK dhe serbit

Si u takuan Arkani me Gazideden
Kush ishte personi ndërmjetës dhe çfarë diskutuan


Ministri i Rendit Publik Luan Rama në emisionin Shqip në televizionin Top Chanel deklaroi se, " me përgjegjësi qytetare dhe zyrtare, ju bëj të ditur se ish kryetari i Shërbimit të fshehtë shqiptar zoti Bashkim Gazidede është takuar me Zelko Raznjatovic(Arkan) i akuzuar si një nga kriminelët më të mëdhenj serbë gjatë luftrave në ish Jugosllavi ". Madje, Ministri i Rendit Rama deklaroi se ai disponon fakte dhe dëshmi nga njerëzit që kanë organizuar këtë takim në mes Arkanit dhe Gazidedes.

Bëhet fjalë për vitin 1995, viti i fundit të luftës në Bosnje dhe fundit të embargos ndërkombëtare kundër ish-Jugosllavisë. Ndërkohë që ish nënkryetari i shërbimit sekret zoti Bujar Rama ka deklaruar se shërbimi sekret shqiptar në atë kohë nuk ka pasur marëdhënie zyrtare me Arkanin. Më tej ish nënkryetari i SHISH heq përgjegjësinë nga institucioni, por jo nga ish shefi i tij, për të cilin thotë se nëse është takuar ai është takuar në formë private. Konfuziteti i ish numrit 2 të shërbimeve të fshehta shqiptare bëhet më i madh, kur ai thotë për Gazetën se, " Arkani mund të ketë hyrë në Shkodër me emër tjetër ", duke harruar se Ministri i Rendit në Top Chanel nuk përmendi vendin ku ka hyrë Arkani apo ku është takuar me Gazideden.Në deklaratën e Ministrit Luan Rama bie në sy fakti se ai flet në ligjëratë të drejtë, duke cituar faktin se ka folur personalisht me personat që kanë organizuar takimin e mistershëm në mes Arkanit të dhe Gazidedes.

Petrit Hamja
Në fund të shkurtit të këtij viti, në gazetën e përditshme Dita, është botuar dy ditë rresht një letër e hapur e Daut Kadriovskit, trafikantit shqiptar nga Maqedonia. Në atë kohë Daut Kadriovski, sapo ishte ekstraduar në Itali, vend në të cilin ishte i dënuar dhe nga ku kërkohej. Në atë letër shumë të çuditshme Daut Kadriovski përmend emrin e një tjetër shqiptari nga Maqedonia, Petrit Hamja dhe të vëllait të tij Flamurit. Nuk kuptohet qartë se çfarë do të thotë Kadriovski në letrën e hapur të Gazetës Dita në mbrojtje të vetëvetes, por ai akuzon Petrit Hamen dhe vëllain e tij si shkakun kryesor të fatkeqësive të veta. Kadriovski thotë se, Petrit Hamja dhe vëllai i tij Flamuri janë ortakë të Arkanit. Ai i akuzon ata si vrasës dhe trafikantët e vërtetë të drogës, që kanë lidhje me serbët, Arkanin dhe shërbimin e tyre të fshehtë, si dhe njeriu që ka mbajtur lidhjet e tyre me SHIK-un, pa specifikuar këtu kohën për të cilën flitet. Sot Petrit Hamja ish i kërkuar nga Interpoli si trafikant droge dhe ish i dënuar në Jugosllavi, rezulton i zhdukur apo i vdekur pavarësisht se trupi i tij i pajetë nuk është gjendur kurrë. Ky fakt përmendet në letrën e Kadriovskit. Vëllai i tij Flamuri jeton në SHBA. Vëllezërit Hamja janë nga Dibra e Madhe. Gjatë viteve të shkuara Petrit Hamja ka jetuar gjatë në Shqipëri, ashtu si dhe vetë Kadriovski. Në qarqet e trafiqeve të cilave i referohet dhe Daut Kadriovski rezulton se Petrit Hamja thirrej si kushëri i ish kreut të SHIK-ut Bashkim Gazidede, nga ana e nënës së këtij të fundit që është nga e njëjta zonë e Dibrës.

Gazidede dhe Meksi
Ministri Rama në bisedën televizive pyeti se a kishte pasur dijeni ish Presidenti Berisha për përmbajtjen e bisedës në mes të dyve. Të besosh që Gazidede ishte i përzierë në trafiqe, nuk ka argumenta. Madje vetë Fatos Klosi, po në të njëjtin emision televiziv e mbrojti si një figurë të ndershme dhe trasparente si dhe njeri të mirë. Përvec kësaj koha për të cilën flitet përkon me fundin e embargos dhe të trafiqeve njëherësh. Të aludosh se ishte në marëdhënie sekrete me UDB-në është fantazi e shfrenuar, sepse atëherë nuk kishte sepse të takohej me Arkanin,por me UDB. Atëherë pse të takohej, kur Gazidede si një intelektual inteligjent e dinte se ky takim nje ditë do të merrej vesh. Përgjigjen mund ta gjejmë tek një intervistë e ish kryeministrit Aleksandër Meksi në vitin 1997, pasi PS kishte ardhur në pushtet, në televizion me gazetarin Blendi Fevziu. Ish kryeministri deklaroi se pas 1995 ai kishte pasur marëdhënie shumë të këqija me Gazideden, madje për një kohë të gjatë nuk kishin folur fare. Meksi pranoi se Gazidede i përgjonte, atë ish Ministrin e Brendshëm Musaraj dhe ish Ministrin e Jashtëm Shehu, shpesh duke i shantazhuar për shkak, gjoja të lidhjeve me trafikun e karburantit dhe trafiqet e tjera me ish Jugosllavinë. Takimi misterioz mund të ketë pasur qëllim, informimin për persona të caktuar të nivelit të lartë në Shqipëri në lidhje me trafiqet e karburanteve gjatë 4 viteve, me qëllim që këto informacione të përdoreshin në luftën e brendshme politike.

Oj sharki e lehte si era , a ka ardhur ne Shqiperi pranvera?

[glaukus 001]

Sic e shihni kesaj teme iu hoqen disa postime te nxehta si dhe fyerjet, duke pasur synim ==> permbajtjen e temes per te cilen u hap ky muhabet, pra Arkani & Gazidedja & co ...

Kerkoj ndjese nqs mjellma apo starcraft nuk i gjene fjalet e tyre ketu ... dhe e kuptoj shqetesimin tuaj dhe te cdo kosovari/eje ndaj asaj qe kane vuajtur nga regjimi serb.

Nuk dua te behem moralist por nqs duam te diskutojme per mardheniet dhe dashurine mes popujve shqiptar e serb me mire te hapim nje teme te vecante dhe te shprehemi se si jane e si do shkojne mardheniet mes serbeve e shqiptareve. (ndoshta ti alvi mund te jesh nismetar)

shpresoj te jemi kuptuar ...

[erzeni]

SHISH-i, agjentët dhe politika

Nga Fatos Lubonja

I gjithë opinioni publik këto ditët e fundit është përqëndruar tek çështja; SHISH-i dhe agjentët e tij politikanë dhe gazetarë. Në këtë fushatë të re politike si gjithnjë për shkak të bizantinizmit + paaftësisë së politikanëve tanë tentohet të preken pjesët emocionale të trurit të njerëzve, të manipulohet shumë me emrin e keq të spiunit, të bëhen shantazhe të errëta, të cilat e lënë opinionin e gjerë si gjithmonë me pjesën racionale të trurit të paralizuar nga kjo tymnajë, duke notuar në gjysmë terr nëpër stereotipe e paragjykime. Në këtë kuadër veçohet fakti se komisionerët tanë nuk po kanë pak durim ta mbarojnë një herë mirë punën kaq delikate, por kanë filluar luftrat mediatike.
Në këtë shkrim dua të bëj disa komente lidhur me paqartësira që ka opinioni publik me shpresën se puna që mendohet se do të bëjë politika javën që vjen lidhur me SHISH-in do të na nxjerrë disi më të qartë.

Çështja 1: Siguria kombëtare

Me gjithë këtë zhurmë të madhe opinioni ende nuk ka mundur të sqarohet se cilat janë çështjet që hynë në ato "të sigurisë kombëtare" me të cilat duhet të merret SHISH-i dhe cilat janë çështje me të cilat duhet të merren organe të tjera të lidhura me Ministrinë e Rendit, psh. Pra, më konkretisht, dimë se përveç zbulimit të aktiviteteve të agjenturave të huaja, të terrorizmit, SHISH-i merret edhe me krimin e organizuar ku hyjnë trafiqet e drogës, klandestinëve, prostitucionit. Por, megjithatë, kjo fusha e krimit të organizuar duket shumë e vagullt: dmth. nuk jemi të qartë a hulumton SHISH-i, fjala vjen, kontrabandën apo jo, a hulumton SHISH-i korrupsionin, që lidhet direkt me aktivitetin e politikanëve, a ka hulumtuar SHISH-i përpjekjet për destabilizim të vendit etj. Po të gjykojmë nga rezultatet e luftës kundër këtyre të fundit mund të dalësh në përfundimin zero rezultat dhe mua si qytetar më lind pyetja: po pse nuk i kërkohet llogari SHISH-it për këto? Pse SHISH-i nuk ka arritur rezultate në këtë drejtim; mos vallë ngase SHISH-i është marrë me punë të tjera, siç e akuzon opozita? Apo mos vallë ai e ka bërë punën e vet, por janë organet ekzekutive që nuk kanë kryer të tyren. Pse nuk hetohet kjo? Apo mos vallë opozitës nuk i intereson fare që SHISH-i të merret me këto punë sepse është e implikuar edhe vetë, prandaj dhe hedh këtë tymnajë elektorale. Këto kërkon opinioni, të sqarohen dhe jo thjesht ca emra agjentësh qoshin ata edhe shumë të njohur, sepse tek e fundit punët e sigurisë kombëtare nuk kanë ecur jo për shkak të këtyre agjentëve, por të frymës së shefave politikë që i kanë orientuar në drejtime të shtrembëra këta agjentë.

Çështja 2: Rekrutimi i agjentëve

Varësisht nga përgjigja e çështjes së parë duhet të vijë edhe përgjigja e pyetjes së dytë që të lind natyrshëm: Për çfarë punojnë agjentët e SHISH-it? Ta do mendja se një agjent i SHISH-it nuk ka pse gjurmon e sipunon punët private të të tjerëve, as se çfarë mendime politike kanë ata dhe as se çfarë mendojnë njerëzit për Sali Berishën, Fatos Nanon, Amerikën, Kinën, homoseksualizmin, biseksualizmin, travestizmin etj.
Atëhere ne na duhet të na nxirren materiale që provojnë se x agjent i SHISH-it ka bërë punë që nuk hyjnë në punë që janë në të mirë të sigurisë kombëtare, por në interesat e klaneve të caktuara, sikurse thotë opozita. Po si mund provohen këto? Nuk mjafton fakti se një x politikan i PD-së mund të jetë agjent apo se SHISH ka në gjirin e vet gazetarë për të provuar këtë. Duhet prova e shkruar se x agjent ka raportuar për një gjë që nuk hyn në çështjet e sigurisë kombëtare.
Kur vjen në këtë pikë nuk mund të mos të të vijë ndërmend ndonjë rast e të të lindë një pyetje si psh.: a ishin ngjarjet shumë të përfolura të 14 shatorit të kategorisë që rrezikonin sigurinë kombëtare dhe a kishte të drejtë ligjore SHISH-i të hetonte dhe të dinte se çfarë planesh bëheshin në selinë e Partisë Demokratike, e cila kishte rrëmbyer edhe tanke? Pra të spiunonte Sali Berishën dhe deputetë të tjerë nëpërmjet agjentëve të tjerë që thuhet se kishte aty brenda qofshin këta politikanë apo gazetarë? Po ashtu, a duhet të dinte dhe të informonte SHISH-i se Fatos Nano iku në Maqedoni dhe me kë iku, e kë duhet të informonte sipas ligjit. Nëse ai e ka bërë këtë punë a ka kuptim të dekonspirohen informatorët e këtyre të dhënave? Dikush mund të thotë: nëse ka përgjuar politikanin pa marrë lejen e prokurorit ka shkelur ligjin. Po sikur të ketë ndodhur që politikani ka qenë në lidhje me njerëz të ndjekur ligjërisht për aktivitet kriminal dhe nuk është përgjuar telefoni i tij, por i atij tjetrit? Sikurse shihet çështjet nuk janë aq të thjeshta sa duan të na i paraqesin diletantët tanë të politikës.

Çështja 3: Kur janë rekrutuar agjentët?

Këta agjentë për të cilët bëhet fjalë a janë rekrutuar nga Klosi apo që në kohën e Gazidedes apo edhe më parë që në kohën e Sigurimit? Apo edhe ashtu edhe kështu. Kjo ka rëndësi të dihet sepse në kohën e Enver Hoxhës ka pas ekzistuar një rregullore e Sigurimit sipas së cilës një nga kriteret e rekrutimit ishte kapja në fajësi. Nuk ma merr mendja që të ekzistojë një kriter i tillë në një shërbim sekret demokratik, - por ndoshta edhe ekziston kur bëhet fjalë për agjentët e huaj të cilët, pasi kapen, shtrëngohen të bashkëpunojnë. Për këto duhet të ketë ndonjë regullore dhe publiku ka të drejtë të njihet edhe me të. Sepse, nëse bëhet fjalë për politikanë dhe gazetarë shqiptarë që janë rekrutuar gjatë demokracisë, atëherë këta duhet ta kenë bërë me vullnetin e tyre të mirë patriotik, jo pse i kanë shtrënguar apo kapur në ndonjë fajësi. Po qe kështu pse t'u biem në qafë atëhere? Pse t'i krahasojmë me spiunët e Sigurimit? Pse ta quajmë "kryespiun", me një sens pexhiorativ, drejtuesin e një institucioni që na duhet për t'u informuar për rreziqet që mund t'i kanosen vendit? Kush do ta bënte këtë punë nëse do të etiketohej kështu?
Nga ana tjetër, a ka ndonjë rregullore se në çfarë nivelesh një politikan nuk mund të rekrutohet ose rresht së qëni agjent, kur ngrihet në ato rangje? Edhe këtë nuk e kemi të qartë. Po ashtu a ka ndonjë regull sipas të cilit lejohet apo nuk lejohet të rekrutohen agjentët e kohës së sigurimit të Hoxhës, pasi një pjesë e tyre janë rekrutuar me shtrëngim dhe ndoshta, pikërisht për këtë, kanë mbetur në një darë përdorimi të mbrapshtë nga e cila nuk dalin dot?
Opozita nëpërmjet akuzave të saj nuk është e kthjellët lidhur me këtë çështje. Përgjithësisht vihet re tendenca e demonizimit të SHISH-it duke e identifikuar me fantazmën e Sigurimit. Ndoshta edhe kanë gjëra të përbashkëta, por çështja në thelb përsëri mbetet se duhet të ndryshojë vullneti ynë politik për të spiunuar dhe përgjuar dhe shantazhuar njëri -tjetrin, për të përdorur SHISH-in dhe dreqin e mallkuar kundër kundërshtarëve tanë. E për këtë përgjegjësia u mbetet politikanëve, të cilët nuk mund të ndreqin një institucion duke linçuar ca njerëz me të njëjtat metoda si ato për të cilat i akuzojnë, por duke marrë më së pari vetë përgjegjësinë për tjetërsimin e këtij institucioni.

Çështja 4: Gazetarët agjentë

Lidhur me gazetarët agjentë: a ka ndonjë ligj që e ndalon rekrutimin e gazetarëve? Nëse nuk ka ligj atëhere është e kotë të kërkosh të linçosh gazetarët e agjenturosur, çështja duhet shtruar a duhet bërë një ligji për gazetarët. Por, që të bësh një ligj të tillë duhet më së pari të shtrosh çështjen: cili është gazetar në Shqipëri? Sipas meje, çështja e të qënit gazetar është një çështje e hapur. E drejta për lirinë e fjalës i jep çdo njeriu mundësinë të shkruajë në gazetë. Dihet se numri i bashkëpunëtorëve të gazetave është i madh dhe mbulon sektorë të ndryshëm. Teorikisht SHISH-i nuk e ka vështirë të bëjë atë për të cilën e akuzon opozita, dmth. të fusë një informim apo dizinformim në shtyp, nëpërmjet bashkëpunëtorëve të gazetave që janë edhe bashkëpunëtorë të tij, pa qenë këta domosdo të punësuar në një gazetë.
Pra edhe çështja e gazetarëve është më e ngatërruar sesa ç'duket tendenca për ta thjeshtëzuar në këtë fushatën e fundit që më shumë po krijon panik për qëllime politike (por edhe meskine) sesa po synon të ndreqë punët, ligjet dhe institucionin. Kësaj çështjeje edhe kështu të komplikuar i duhet shtuar edhe një komplikim tjetër: sikurse dihet, shumica e gazetarëve nuk janë nën hyqmin e SHISH-it, por nën atë të pronarëve. A duhet të kontrollohen edhe pronarët në këtë rast? Pra a duhet bërë një ligj edhe për ndalimin e pronarëve të mediave të qënit bashkëpunëtor? Sepse, akuza që bën opozita në thelb është shfrytëzimi i Shërbimit Sekret për luftë politike edhe nëpërmjet mediave, duke bërë që këto të fundit të mos i shërbejnë të vërtetës, por klaneve politike. Por a ka luftë më të madhe politike se ç'kanë bërë pronarët e mediave, qofshin apo jo agjentë të SHISH -it, duke e vënë median e tyre në shërbim të klaneve të ndryshme? Kjo që them mund të vërtetohet edhe duke krahasuar çfarë rrogash marrin gazetarët nga pronarët dhe çfarë rrogash u jep SHISH-i agjentëve të vet - nëse kanë ndonjë rrogë apo shpërblim nga ky. Jam i bindur se rrogat që gazetarët kanë marrë nga pronarët të cilët nga ana e tyre kanë përfituar nga politikanët nëpërmjet reklamave shtetërore, tenderave, qirave të lira etj. etj. janë shumë më tepër nga ç'ka mundur t'u japë Klosi me buxhetin e tij shtetëror agjentëve të tij. Nga sa e ndjek shtypin, dhe nuk e ndjek pak, e kam pasur dhe e kam edhe sot shumë të qartë se cilave klane politike i shërben një media dhe cilëve një tjetër, se çfarë interesa biznesi pronarësh fshihen pas një qëndrimi të një gazete apo të një tjetre. Pra, sipas meje, këto janë faktorët kryesorë që e kanë deformuar të vërtetën të cilës duhet t'i shërbejë një gazetar. Kurse deformimin në funksion të punëve të SHISH-it si pjesëtar i një klani të caktuar politik - thuhet i Meidanit - e kam pasur të vështirë ta dalloj, ndonëse nuk mund të ve dorën në zjarr se s'ka ekzistuar. Por ama kam dalluar qartë në luftën e disa muajve më parë midis Nanos dhe Metës se dy televizionet e pavarura kombëtare ishin rreshtuar qartazi njëri me Nanon dhe tjetri me Metën. Pse opozita nuk thotë një fjalë për këtë manipulim të medias, por merret me ca gazetarë që na qënkan në shërbim të Klosit dhe ky në shërbim të Meidanit. Si ka mundësi që të njëjtët gazetarë të lidhur me opozitën që e kanë akuzuar Nanon dhe jo vetëm Nanon, por kë nuk kanë akuzuar, për agjent të grekut, pa nxjerrë asnjë provë, sot s'lenë gur pa lëvizur për të pastruar gruan e tij nga një akuzë e tillë, ndonëse, sipas logjikës së akuzave të tyre të djeshme, ato lidhur me të shoqen e Nanos mund të konsideroheshin superprova. A kanë hall sigurie kombëtare këta apo për të marrë pushtetin mund të hedhin në shesh çdo lloj akuze dhe në plehëra çdo lloj sigurie? Këto kontradikta që të dalin hap pas hapi kur analizon këtë punë të opozitës dhe gazetarisë opozitare lidhur me SHISH-in nuk gëlltiten dot, sado i trashë që të jesh.
Më në fund dikush mund të ngrejë çështjen: e pse gazetarët u dashkan privilegjuar ose diskriminuar - merreni si të doni - duke mos u lejuar të bëhen agjentë të SHISH-it? Po ç'kanë gazetarët më shumë apo më pak se - le të themi - përfaqësuesit e shoqërisë civile, dmth. drejtuesit e OJQ-ve, të fondacioneve e të instituteve e më the e të thashë, të cilët edhe ata luajnë një rol jo të pakët në punët e vendit?
Do të ishte mirë që politikanët tanë t'i kishin parasysh këto çështje, e plot të tjera që janë ngritur e mund të ngrihen nga specialistët, përpara se të lëshoheshin në këtë fushatë iracionale që në vend se t'i shërbejë forcimit të institucioneve dhe shëndoshjes së shoqërisë mund t'i shërbejë shkatërrimit edhe më tej të tyre. Kurse nëse kanë pikërisht këtë qëllim atëhere duhen ndaluar sa më parë.

Në vend të përfundimit

Par disa ditësh, duke biseduar me një ekspert ekonomist dhe të ligjeve, më tha se 80% e ligjeve që janë hartuar lidhur me ekonominë dhe marrëdhëniet e shtetit me biznesin duhen ndryshuar, sepse janë ligje të hartuara qëllimisht nga klasa e re politiko - biznesmene që ajo të ketë hapësira që të mund të vjedhë e të përfitojë në maksimum. Kjo është një çështje shumë e rëndësishme kombëtare, sipas mendimit tim. Opozita, nëse do të fitojë kredibilitet, do të bënte shumë më mirë të merrej me ekspertët e saj me shqyrtimin dhe denoncimnin e këtyre ligjeve dhe pastaj me hartimin e të tjerëve që do të duhej të zëvendësonin ato. Kjo do të ishte një punë shumë më e qëndrueshme, shumë më bindëse dhe shumë më frytdhënëse sesa kjo tymnajë mbi SHISH-in që po nxjerr në pah, si gjithnjë paaftësinë, diletantizmin dhe bizantinizmin e politikës sonë.

---------

[Albo]

Ja edhe arsyeja se perse njerezit afer Klosit iu desh te hidhnin nje shpifje te tille ne qarkullim. Arsyeja mesa duket eshte Karla Del Ponte me viziten e saj ne Tirane.

Majko kërkohet dëshmitar në Hagë kundër Klosit

Kryeprokurorja Karla del Ponte, me një zarf sekret për veprimtarinë e SHISH-it në Kosovë

Arjan Lako

Kur gazeta "55" doli para disa ditësh nën titullin "A ka lidhje vizita e Karla del Pontes me Fatos Klosin?", megjithëse iu paralajmërua edhe në shkrim, u duk sikur kjo ishte një fantazi dhe kombinacion publiçistik. Mirëpo burime serioze bvjnë të ditur, se takimi i Karla del Pontes me Pandeli Majkon, i pamotivuar si protokoll, por i nevojshëm si objekt pune, ka qenë i vështirë. Majko, duke qenë se ishte kryeministër, edhe pse i etiketuar me vlerësim për çështjen e Kosovës, mban përgjegjësi serioze për veprimtarinë e SHISH-it në drejtim të Kosovës. Veprimtaria e SHISH-it në drejtim të Kosovës, ka qënë mëse spekulative nga pikëpamja financiare dhe politike. Rikthimi në Kosovë i marksist-leninistëve dhe komunistëve të nxitur nga rezidencat e vjetra të "Sigurimit të Shtetit", bëri kthimin e dytë të Shefqet Peçit në Kosovë. Mirëpo këtu ka dalë një problem! Se shumë nga këta, në vend të vrasin serbë, kanë vrarë shqiptarë, ose për bindje politike, ose për aferat e armëve. Ndërkaq, drejtësia ndërkombëtare, që vepron me një preçizion faktesh dhe informacioni të shkallës më të lartë, nuk mund të lerë pa ndërshkuar cilindo që ka shkaktuar gjakderdhje në Kosovë. Sigurisht, do të ketë në ditët që vijnë zhvillime të tjera, të cilat do ta plotësojnë këtë kuadër dhe këtë pamje. Por grupi i Klosit që ka punuar me Kosovën, nga Sokol Bare e të tjerë, dhe gjithë ai rrjet informatorësh, do të jenë përpara një kolaudimi gjyqësor tepër të thellë dhe të pashmangshëm. Eshtë ky kontekst që e bën Majkon të ndihet në pozitë të vështirë, por hap edhe shumë probleme, të cilat pastaj frymën e kundërgoditjeve me lajme burleske për Arkanin, a për shejtanin.
Majko është në pritje për dëshmitar, Klosi po ia merr dorën të pandehurit këtu në Tiranë.

Gazeta 55

[ganoid]

hajde muhabet hajde
sa i komplikoni gjerat dhe ju .po aty duket hapur qe kjo puna e luan rames eshte nje sinjal qe tosi i jep sales
"ej sale dermani!!!!!! kujdes me keto punet e shishit ,ne veretet te lame klsh dhe komisionin e shish po jo te shkatarrosh komplet njerezit e mi.mos harro qe shteti jam une dhe nese te dhashe dore te lire ndaj klosit sdo te thote tu cashe ****** dhe njerzeve te mi"
e pra miq mos shkoni aq larg dhe rrini me kembe ne toke

[Redi]

Qekur komisioni Ngjela filloi te levize dhe te nxjere ne pah ato qe gyshoheshin ne lidhje me aktivitetin kriminal tek Shish dhe te organeve te tjera shteterore te lidhura ngushte me krimin mafioz qe ka mbreteruar ne Shqiperi gjate 5 vjecarit te qeverisjes socialiste, kane filluar dhe sulmet dhe shpifjet nga ana tjeter, me qellime te caktuara politike.

Ajo qe vihet re eshte qe sa lehte i besoj njerezit te tilla gjerave. Pra perse duhej te vinte viti 2002 qe te dilte ne shesh nje ngjarje e tille??

Apo sepse eshte shpifje??

Edhe sikur te mos jete, perse disa individe dhe klane te caktuara e marrin per te vertete pa patur kurrfare baze apo prove??

Kjo gje vlen dhe per anetaret e Forumit.

Perse i besoni menjehere nje fakti te tille??

[alvi]

Une i besoj, sepse e di shume mire qe administrata e Berishes, ka thyer embargon, pra nuk me duket shume jashtetokesore te kete patur bisedime e marrveshje te fshehta me ate gjakpires.
Ne se eshte e vertete, turp tu vije, se Arkani eshte nje nga kriminelat me te medhenj ndoshta te ketij shekulli. AI eshte ne nej piedestal me Stalinin, Maon e Pol Potin.

[Redi]

Alvi, ti ne fillim thua qe i BESON.

Pastaj perdor termin NESE ESHTE E VERTETE, turp tu vije.


Kete te dyten nuk ke pse e perdor sepse ti je i BINDUR tek VERTETESIA e atij Fakti. Ose me thjesht; Ti do te besosh tek ai Fakt, pavaresisht se nuk di asgje dhe mund te jete komplet e rreme.
Duhej te vinte viti 2002 qe ta nxirrnin ate fakt??