Arkani ne Shkoder me Gazideden

[Beqari002]

Nje bum gazetaresk apo nje e vertete e hidhure!



Arkani ne Shkoder me Gazideden

Deklarate e forte e Ministrit te Rendit Luan Rama: Krimineli me i madh i shqiptareve dhe Ballkanit, eshte pritur ne Shqiperi nga ish shefi i SHIK, Bashkim Gazidede. Vizita enigmatike ne qytetin verior, e komandantit te trupave te tmerrshme paramilitare "Tigrat" ne kulmin e luftes ne Bosnje. Ne ate kohe Tirana zyrtare akuzohej per thyerje te embragos me ane te trafikut te karburanteve drejt Serbise dhe Malit te Zi

"Zheljko Raznjatovic i njohur me pseudonimin Arkani, ka ardhur ne Shqiperi ne kulmin e luftes ne ish Jugosllavi dhe eshte takuar me Shefin e Sherbimit Informativ Kombetar, Bashkim gazidede". Akuza bombe, eshte pohuar mbreme publikisht nga ministri i Rendit Luan Rama, gjate emisionit "SHQIP" ne "Top Channel". I cili duke analizuar zhvillimet e fundit per hetimin e veprimtarise se SHISH, ka kerkuar shtrirjen ne kohe dhe hapesire te veprimtarise se ketij sherbimi gjate gjithe ketyre 10- 12 viteve te fundit. Nje akuze e forte, per ish shefin e sherbimeve sekrete gjate kohes se qeverisjes se Partise Demokratike, ne diten kur Komisioni Parlamentar "Ngjela" deklaroi se perfundoi hetimin e punes dhe veprimtarise se SHISH, gjate 5 vjeteve te qeverisjes se Partise Socialiste. I perfolur prej disa kohesh ne disa qarqe, lajmi eshte bere publik per here te pare mbreme pas 7 vjetesh, nga nje prej ministrave me te rendesishem te qeverise Nano, per krahun e djathte te Sllobodan Milloshevicit. Shefi i rendit, madje ka kembengulur disa here per faktin qe lidhet me Arkanin, i njohur si nje nga kriminelet me te medhenj serb kunder shqiptareve dhe popujve te tjere te ish Jugosllavise, gjate luftrave te dekades se kaluar.

"Deklaroj me pergjegjesi te plote zyrtare dhe qytetare, se Arkani ka qene ne Shqiperi"- tha mbreme ministri i Rendit Luan Rama. Burimet e "Korrierit" prane zyrtareve me te larte te shtetit shqiptar, saktesuan mbreme edhe detaje te tjera intriguese, rreth takimeve ne Shqiperi te kryekriminelit te shqiptareve. Burimet qe nuk pranuan te identifikoheshin, saktesuan se behet fjale qe kjo vizite eshte realizuar ne vitin 1995 dhe se mendohet qe takimi eshte zhvilluar ne qytetin e Shkodres. Nje fakt i tille eshte perfolur gjeresisht ne kete periudhe ne kryeqendren e veriut te Shqiperise, por askush nuk dinte te thonte se vertet ai qe kishte vizituar qytetin e tyre ne kulmin e lulezimit te kontrabandes se naftes drejt Malit te Zi, ishte pikerisht ai: Zheljko Raznjatovic. E aq me pak,- megjithe thashethemet qe qarkulluan ne ate,- dikush mund te ishte ne gjendje te saktesonte se me ke ishte takuar bujtesi famekeq i qytetit te tyre. Por, tani pas kaq vitesh, mjergulla eshte shperndare papritur, kur nje nga zyrtaret me te larte te shtetit e ka pranuar kete fakt. Madje ministri Rama, la te kuptohej se ishte ne dijeni te plote te te gjitha provave, fakteve dhe deshmive te njerezve qe kane pergatitur, pare dhe asistuar ne kete ngjarje. Qe do te thote, se ai eshte ne dijeni te informacioneve te rezervuara,- per shkak te detyres,- ne lidhje me kete fakt. Prej shume kohesh, kishte zera qe e lidhnin kete takim me qendrimin e Arkanit edhe ne ambjentet e Hotel "Dajti" ne qender te Tiranes, ndersa disa te tjere, kane perfolur nje vizite te mundshme ne nje ambjent prane kryeqytetit.

Megjithate ajo qe vertetohet tashme zyrtarisht eshte fakti se Arkani ka qene ne shqiperi dhe eshte pritur ne nje takim te vecante nga shefi i sherbimit sekret Bashkim Gazidede. Ministri Rama tha dje se nderkohe qe per SHISH dhe ish shefin e tij Fatos Klosi ka tashme nje hetim, per SHIK dhe Gazideden nuk ka asnje veprim hetimor te organeve kopetente qe do te hidhnin drite mbi faktij nese jane ruajtur sic duhet interesat dhe sigurimi kombetar, sipas detyrave kushtetuese qe duhet te permbushi sherbimi sekret shqiptar.

Nuk dihet me saktesi data e ardhjes se Arkanit ne vitin 1995 ne shqiperi, por ajo qe dihet tashme eshte fakti se ne nentor te atij viti u firmos ne SHBA Marreveshja e Dejtonit per Paqen ne ish Jugosllavi qe i dha fund luftes ne Bosnje. Duke i dhene fund, edhe trafikut te karburanteve drejt Serbise dhe Malit te Zi, per te cilen jo rrallehere qeveria e asaj kohe u akuzua e bashke me te edhe firma ekonomike "Shqiponja" e PD.

Pasaporta e nje supekrimineli

Me emrin e Arkanit jane te lidhur te gjithe formacionet paramilitare gjate 10 viteve te luftrave ne ish Jugosllavi. Gjate luftes se Bosnjes, formacionet paramilitare "Shqiponjat e Bardha", qe drejtoheshin nga Zheljko Raznjatovic (Arkani) u organizuan nen nje armate te re private qe u emertuan Rojet Vullnetare Serbe "Tigrat". Njerezit e Arkanit ishin vete pjesetare te Ministrise se Puneve te Brendhme. Keshtu, policia e Krajines stervitej ne Lindje te Sllavonise, ku ishte pikerisht kampi i stervitjes se Arkanit. Ai organizoi ne te njejten menyre trupat paraushtarake ne Kroaci dhe pastaj edhe ne Bosnje.

Arkani akuzohet si autori i masakres ne Sllavonine Lindore ne vitin 1991. Ne kete represion u vrane 1400 muslimane. Ai e kishte kampin ne Erdut, ku deri ne vitin 1996, sipas Komitetit te Helsnkit, kaluan rreth 20.000 refugjate. Ajo qe e bente me te tmerrshem figuren e tij ishte grumbullimi rreth vetes i elementit me te inkrimuar ne Jugosllavi. Ai afroi disa nga emrat me te frikshem te botes jugosllave te krimit si Aleksandar Knezevic, Bojan Banovic, Bane Grebenarevic, Zoran Dimitrov-Zuca dhe Nebojsa Djordjevic. Keta ishin te skeduar nga organet e specializuara, si kriminele te pashpirt. Paradoksi ishte se ne vitin 1996, Arkani nuk figuronte ne listen e 75 krimineleve me te njohur nga Gjykata e Hages per Krimet ne ish Jugosllavi. Vetem ne vitin 1997, nje ekspert i Kombeve te Bashkuara e tregoi me gisht ne nje emison direkt te CNN, duke deklaruar: Ky eshte superkrimineli. Qe atehere, Interpoli e konfirmoi ate si nje nga kriminelet me te rrezikshmit dhe me te kerkuarit te Jugosllavise. Por, ai ishte i njohur dhe per shume polici te tjera neper Bote. Ne maj te vitit 1998 u rizgjodh Kryetar i partise se Unitetit Serb, pas nje votimi unanim te Asamblese se saj. Ai ishte shume i pasur ne Serbi sepse zoteronte Hotel "Jugosllavia" dhe dy kompani, nje radiostacion pervec se edhe nje klub futbolli. Per te mendohet se ka qene edhe ne Kosove ne Drenice, gjate kohes qe doli ne skene faktori UCK. Megjithate burime te partise se tij e kane hedhur gjithmone poshte. Ne 15 janar te vitit 2000, vrases-profesioniste e eliminuan figuren me te tmerrshme te luftrave te Jugosllavise, pas Milloshevicit, ne hollin e nje hoteli te Beogradit. Mbi trupin e tij u gjenden 38 gezhoja ndersa plumbat e kishin pershkuar ngado qe nga syte, koken dhe fytyren. Ai ka qene i martuar me Cecen, nje nga kengetaret me te famshme dhe te bukura te Jugosllavise. Kohet e fundit, ajo ka ftuar per nje koncert ne Beograd, kengetaren italiane me origjine shqiptare, Ana Oksa.




--------------------------------------------------------------------------------
19/10/2002



Oj sharki e lehte si era , a ka ardhur ne Shqiperi pranvera

[erzeni]

Komisioni parlamentar NGJELA po kontrollon ose sa ka filluar te kontrolloje SHISHI-in dhe kjo ka vene ne panik mafien socialiste.

Kjo shpifje e Luan Rames eshte vazhdim i shpifjeje qe ben Braho e kompani prej kaq vjetesh.

Rama nuk mohon dot se ishte shefi i tije Nano qe u takua me shefin e Arkanit, Milloshevicin.

Rama nuk mohon dot se ishte META , shefi i Rames , qe perzuri nga Tirana para 10 ditesh perfaqsine e Kosoves dhe qe lidhi ambasadat me Beogradin e qe eshte beniamin i Serbeve gjakatare.

Kot e ka Rama qe genjen se Gazidede eshte atdhetar i mire e aspak mik i Serbise.
Kete e dine te gjithe.

Paniku ndaj Ngjeles i ka bere te dridhen ujqerit.

Pse pikerisht dje e nxjerr Rama kte fakt??
I eshte dhimbsur Rames figura e Gazidedes?
Jo..aspak..

RAMA, Meta. Braho, Zabiti, Mejdani, Ramizi e gjith rraca e shtabit te rebelizmit te 97 jane mobilizuat t'i rezistojne procesit te zbulimit te ndyresive te mafies se PPSH-se sot e dje.

[Ari-Intimidator]

Berisha: Me paratë e kryekriminelit serb Arkanit u ngritën skemat piramidale në Shqipëri

Sipas Radio 21:

TIRANE, 19 tetor - “Me paratë e Arkanit u ngritën skemat piramidale”. Kështu ka reaguar kryetari i Partisë Demokratike, Sali Berisha pas deklaratës së bërë dje nga ministri i Rendit Luan Rama, i cili foli në një kanal televiziv për një takim të mundshëm mes kriminelit serb Zhelko Razhnjatoviç, i njohur me nofkën Arkan, dhe ish-kreut të Shërbimit Informativ Kombëtar, Bashkim Gazidede. “Arkani mund të jetë takuar me vetë Ramën, ose shokët e tij. Të gjithë e dinë se kush i ndërtoi firmat piramidale në Shqipëri”, tha Berisha. Lidhur me deklaratat e fundit të kryetarit të komisionit parlamentar hetimor për Shërbimin Informativ Shtetëtor, Spartak Ngjela, Berisha tha se nuk prononcohet pa u njohur mirë me hetimin parlamentar. Kreu i PD-së u shpreh se është për çdo hetim transparent, edhe për kohën e Gazidedes. Sipas tij, socialistët kanë hetuar çdo dokument të qeverisë së kohës së tij dhe nuk kanë qenë të aftë të ngrejnë asnjë akuzë konkrete.

[Ari-Intimidator]

Lesi: Të publikohen emrat e bashkëpunëtorëve të SHISH, nga media dhe politika


TIRANE, 19 tetor - Partia Demokristiane e Shqipërisë kërkon publikimin e emrave të politikanëve dhe gazetarëve agjentë, apo bashkëpuntorë të Sherbimit Informativ Shteteror. Kryetari i Partisë Demokristiane, Nikollë Lesi, në një konferencë për shtyp deklaroi se "duke nisur nga java e ardhshme do të ndërmarrë një iniciativë ligjore në parlament për të hartuar një projektligj, ku do të kërkohet publikimi i të gjithë emrave të deputetëve, politikanëve në nivel kryetar partie, zv/kryetar partie dhe sekretar të përgjithshëm, emrat e botuesve dhe drejtuesve të gazetave, pronarëve dhe drejtuesve të radiotelevizioneve private analistëve të medias, të cilët aktualisht janë agjentë ose bashkëpunëtorë të shërbimit sekret". Lesi, duke u nisur nga një deklaratë e ministrit të Rendit Publik, Luan Rama, dje në një kanal televiziv, për një takim të mundshëm të kriminelit serb Arkan me Gazideden, ish shef i shërbimit sekret shqiptar deri në fillim të vitit 1997, kërkoi gjithashtu edhe hetimin e veprimtarisë së SHIK-ut gjatë periudhës së drejtimit të saj nga Bashkim Gazidede.

Ngjela: Bashkëpunëtorët e SHISH, të largohen nga media dhe politika


TIRANE, 19 tetor - Kryetari i Komisionit parlamentar të hetimit të SHISH Spartak Ngjela, deklaroi sot se do të kërkojë që të gjithë gazetarët dhe politikanët që bashkëpunojnë me Sherbimin Informativ Shteteror, të largohen nga profesionet e tyre. I pyetur se si do arrihet nje gje e tille, ai tha se do kerkohet hartimi i një ligji të posaçëm për këtë. "Do të kërkojmë në parlament, miratimin e një ligji, që të parashikojë largimin e bashkëpunëtorëve të SHISH nga puna e tyrë në media dhe në politikë", deklaroi Ngjela. Një ditë më parë, ai sqaroi, se Komisioni që drejtoi për disa muaj, tashmë e ka mbaruar mandatin e tij.

PS: Të emërohet sa më shpejt kreu i Shërbimit Sekret


TIRANE, 19 tetor - Burime nga Kryesia e Partise Socialiste te Shqiperise deklaruan se nje nga çeshtjet kryesore qe jane diskutuar ka qene dhe zvarritja e emerimit te kreut te sherbimit sekret. SHISH ka disa muaj pa Drejtor. Fatos Klosi eshte shkarkuar nga kjo detyre para tre muajsh.Deri tani asnje nga kandidaturat e propozuara nuk eshte miratuar.

[Albo]

Luan Rama besoj kete pronocim e ka bere me kerkese te Fatos Klosit, me shprese qe vemendja e opinionit te levizi nga ceshtja penale Klosi.

Procesi i nisur i hetimit te administrates shteterore, do tu hedhi hekurat shume "te paprekshme" qe dalengadale po marrin avionat njeri pas tjetrit. Pak rendesi ka nese keta kane sherbyer ne administraten e demokrateve apo socialisteve. Drejtesia nuk njeh ngjyra politike por vetem shkelje te ligjit.

Ngjyrat politike i shohin vetem njerezit e vegjel.

[fisnik]

[...........]

[Beqari002]

Deputeti i PS-së shprehet se një takim i tillë ishte planifikuar në raportet e SHIK-ut


Braho: Gazidede e ka takuar Arkanin me lejen e Berishës

TIRANË - Ish-shefi i SHIK-ut Bashkim Gazidede është takuar me Arkanin, një ndër kriminelët e masakrave që u kryen kundër shqiptarëve të Kosovës. Këtë e konfirmoi dje deputeti Spartak Braho. Ai tha se për këtë vetë qeveria shqiptare e asaj kohe dhe ish-presidenti Sali Berisha kanë patur dijeni, prandaj ky i fundit duhet të japë shpjegime. Braho mbështeti deklaratat e bëra dy ditë më parë nga ministri i Rendit Luan Rama në emisionin "Shqip" të publicistes Rudina Xhunga. "Deklaroj me përgjegjësi të plotë zyrtare dhe qytetare, se Arkani ka qenë në Shqipëri",- tha dy ditë më parë ministri i Rendit Luan Rama. Është bërë e ditur, nga burime jozyrtare se, një vizitë e tillë është realizuar në vitin 1995 dhe mendohet se që takimi është zhvilluar në qytetin e Shkodrës. Ministri Rama në intervistën e tij la të kuptohej se ishte në dijeni të plotë të të gjitha provave, fakteve dhe dëshmive të njerëzve që kanë përgatitur, parë dhe asistuar në këtë ngjarje. Ministri dhe institucionet e tjera shtetërore duket se janë në dijeni të zhvillimit të kësaj vizite në kulmin e luftës mes Serbisë dhe Bosnje Hercegovinës, ndërkohë që në kufirin shqiptaro-malazez lulëzoi kontrabanda e naftës në veçanti.
Zoti Braho, duke patur parasysh deklaratën e ministrit të Rendit se ish-shefi i SHIK-ut Gazidede është takuar në Shqipëri me Arkanin, çfarë dini ju për këtë takim?
Unë di që atëherë ky takim ishte planifikuar në raportet e SHIK-ut. Siç thuhet në këtë raport, ata u takuan. Arkani ka qëndruar për rreth dy ditë në vitin 1995 dhe ka takuar Bashkim Gazideden në atë kohë kryetar i SHIK-ut. Natyrisht kjo vizitë nuk është bërë pa dijeninë e Sali Berishës. Në atë kohë Jugosllavia ishte në luftë dhe qeveria shqiptare e asaj kohe ishte bërë një nga furnizueset kryesore të Serbisë me karburant dhe motori i luftës së Milosheviçit lëvizte me karburantin që çonte shoqëria "Shqiponja" e PD-së. Natyrisht hollësira të këtij takimi nuk dihen, por ky është një fakt i ekspozuar para shumë kohësh, natyrisht tani merr vlerë të ritheksohet, aq më tepër që bëhet edhe në kuadrin e vizitës së Del Pontes në Shqipëri.
A ka patur ndonjë ndikim konkret negativ ky takim?
Fillimisht duhet që të prononcohet ish-presidenti i asaj kohe rreth këtij takimi dhe nëse ka dijeni duhet të bëjë të njohur se çfarë ndikimesh ka patur kjo vizitë e Arkanit në Shqipëri, duke patur parasysh edhe rolin që luajti Arkani në luftën kundër shqiptarëve të Kosovës dhe masakrave që organizoi me batalionet e egra.
Mendoni se ato çka janë biseduar në takimin e Arkanit me Gazideden kanë patur lidhje edhe me këtë rol që ai ka luajtur kundër shqiptarëve?
Unë nuk mund të flas pa përgjegjësi dhe pa patur dijeni. Unë mund të konfirmoj që ky është një fakt i njohur botërisht në atë kohë, por që asnjëherë nuk është zbardhur nga drejtuesit e shtetit të asaj kohe dhe nga vetë Sali Berisha.
Intervistoi: Darina Tanushi


Oj sharki e lehete si era , a ka ardhur ne Shqiperi pranvera?

[Wordless]

Serbet provuan te fitonin mbi Shqiptaret me lufte dhe rezultati qe nje deshtim i plote. Tani serbet po lozin karten e fundit por me frytdhensen me shqiptaret. Perçarjen, hidh gurin e s'ka nevoje te fshehin doren. Peçarja ky mallkim shekullor mes shqiptareve, kjo urrejtje e niveleve te papara mes gegut e toskes, mes kaurit e myslymanit, mes unit dhe te kundertes ose asaj qe mendojme qe eshte e kunderta. Vertet kur shikon se sa shpejt shqiptari shet veten e vet per inat te shembelltyres se vet gjen prehjen tek ajo thenia e At Gjergj Fishtes.

Sot Shqiperia eshte gati te hedhe hapin e pare drejt hyrjes ne Evrope dhe kjo fale marrveshjes mes dy 'prijesve' te shqiperise,
mes 'komunistit' dhe 'demokratit', mes 'toskes' dhe 'geges', mes 'grekut' dhe 'serbit', mes 'xhuxhit' dhe 'viganit', mes '*****' dhe 'shurres'. Por ja qe kjo si pelqen hienes me emrin serbi qe na ka kercyer mbi shpine qysh prej 15 shekujsh e po na shqyen pjest e trypit copa-copa. Atehere te perdorim armen fatale ndaj shqiptarit: perçarjen.
'Gazidede takon Arkanin', 'Sala zbraz barkun para komisionit Evropina duke u kerkuar deri ndihme per te shkarkuar Edi Ramen', 'Sala akuzon: me parate e Arkanit jane ngritur firmat piramidale' e hopa tek hapet rruga per nje konflikt dhe nje gjurulldi per nja dhjete vjet te tjera. Populli, ky popull qe me barkun bosh qan vajzat e djemte rrugeve te Botes, qe mes perbyzjes e vuajtjeve jane burimi i pseudo-ekonomise se ketij vendi dhe i vamprieve qe pretendojne se e udheheqin, ky popull i mjere qe s'ka ditur kurre ti vere para pergjegjsise 'prijesit' e tij rri e veshtron. Mos valle ky popull kete meriton ??
Pyetje e veshtire po jo e pakuptimte!

Beni qef serb e grek se shqiptari s'ka ndryshuar. Biles s'keni nevoje te paguani, shqiperia siç thoshte dhe gjermani gjate luftes II 'eshte i vetmi vend ku spiunet i gjen falas'.

Boll me. Nese vertet ne qe i themi vetes se jemi shqiptaret e ndershem, qe punojme e jetojme me djersen e ballit, qe si kemi shitur motrat, nenat, bashkeshortet per nje tufe me kart-monedha, jemi shumica atehere duhet ti themi ndal kesaj situate. Pendryshe, nese e leme kete llym te na ndyj me teper se sa na ka ndyre atehere jo Kosove te pavarur s'do te kete ndonje dite por dhe Shqiperia do perfundoje me keq se shteti me qesharak i Afrikes.

S'di ç'te them me .... Jam mbushur me urrejtje por se di ndaj kujt !!

[Brari]

hmmmmm ...lol.

E mendova kte sapo doli qe do jete kurdisje "....ala Braho".

Ai eshte i njohur per spekulime te tilla.

Brahon sic duket ata "lart" e kane vene para dilemave..
Ose sajo nji shpifje te forte ose e ke procesin e hapur si per drogen e Portit si per bomben e shkallnurit si per pasaportat qe i beri ne emer te METES per dy ish bodigardet e Brahos kapur si drogmene ne Itali..

Dhe Braho ka fabrikuar ngjarjen.

Gazidede ishte model i nenpunsit te ndershem te Shtetit.

Jane keta hajdutet qe punuan ne qeverine Meksi qe tremben sot se mund te jene spiuna te Klosit dhe ndihmojne "partine" me informata te "verteta".

[Brari]

edhe nji gje tjeter...se tash e lexova aty lart..pra ne emision te RUDINA XHUNGES doli kjo..
hmmmmmmmmmmm..
RUDINA eshte pikerisht nji MATA HARRI e vertete.

AJo ka shume interes personalisht te hedhi kto dite bomba tymuese..
RUDINA personalisht eshte e implikuar ne vrasjen e AZEM HAJDARIt si dhe ne projektin per vrasjen e Berishes..

Po hyri Ngjela mire ne SHISH..RUDINA me 120 % del lakuriq si agjente personale e Fatos Klosit.