Kontrabanda- aktuale ne Kosove me prangosje

[Beqari002]

Por një gjykatës liron kushëririn e Agim Çekut dhe bosin e "Dukagjinit"

Kontrabanda, arrestime të bujshme në Kosovë


PEJE

Arrestime të bujshme në Kosovë. Kontrabanda dhe armët kanë sjellë arrestimin e katër kosovarëve në Pejë. Në pranga një kushëri i afërt i Agim Çekut, ish-komandant i UÇK-së, si dhe bosi i një prej firmave më të fuqishme kosovare, "Dukagjini".

Por buja e këtyre arrestimeve është sfumuar nga një gjykatës kosovar, i cili ka urdhëruar lirimin e VIP-ëve të vënë në pranga. Arrestimet janë bërë nga Policia Ushtarake e Brigadës Ndërkombëtare të Perëndimit me ndihmën e UNMIK-ut. Aksioni është zhvilluar mbrëmjen e së hënës në Pejë. Dy prej të arrestuarve kryesorë janë: vëllai i komandantit të Trupave Mbrojtëse të Kosovës, Agim Çeku, dhe biznesmeni 47-vjeçar, Ekrem Lluka. Policia e UNMIK-ut ka sekuestruar në një depo plot 260 tonë cigare kontrabandë. Përposë cigareve, janë sekuestruar një sasi shumë e madhe armësh dhe municionesh. Policia ka sekuestruar në dy shtëpi 5 pushkë automatike kallashnikov, katër pistoleta, katër radio transmetuese, 6 tabela për autovetura dhe 400 fishekë për armë. Po kështu, policia ka konfiskuar edhe një maskë antigaz, katër aparate marrëse-dhënëse. Gjithashtu ka gjetur edhe dokumente të falsifikuara, si dhe shumë materiale për të pro-dhuar dokumente të falsifikuara. Të katër të arrestuarit e fundit në Kosovë së bashku me të gjithë materialin e sekuestruar, i janë dorëzuar policisë së UNMIK-ut, e cila po thellon hetimet lidhur me këtë rast. Ky është një ndër sekuestrimet më të mëdha të bëra në territorin kosovar. Megjithëkëtë, një gjykatës kosovar nuk ka vonuar t'i lërë të lirë të katër të arrestuarit e kësaj ngjarjeje, që solli një prej sekuestrimeve të sasisë më të madhe të cigareve kontrabandë të ndërmarrë ndonjëherë në Kosovë. Nuk dihet se si është marrë ky vendim, duke pasur parasysh që të katër të arrestuarit kanë qenë "në duart" e UNMIK-ut dhe u njoftua një thellim i hetimeve lidhur më këtë rast.
________________________________________
___________________________________________

Oj sharki e lehte si era , a ka ardhur ne Shqiperi pranvera?

[ILovePejaa]

Korporata "Dukagjini" eshte me e fuqishmeja ne Kosove, me humanitare deri me tani, disponon Radio me te ndegjuar ne Kosove, Radio Dukagjini, Shtype Shkronjen "Dukagjini", TV Dukagjini, Fabriken e cigareve "EuroGold" qe eshte ne afersi te Pejes etj etj qe ndoshta nuk kane fund...., Klbuin e Basketbolli "Dukagjini", eshte sponsore kryesore e pothuajse e te gjitha aktiviteve kulturore, sportive dhe politike ne Kosove, ndersa pronarin e korporates "Dukagjini" mund ta quaje nje Greenspan te dyte.

Per sasin e cigareve mesiguri ka mbulese se fabrika punon, per armet bossi mesiguri duhet te kete per shkak te sigurise se tij personale dhe me gjere. Gjykata e Pejes apo gjykatesi ne fjale sipas mendimit tim ka qene me se te drejte.

Le te shohim me vone.