D.J, tendenca e re e dasmave shqiptare

[Brari]

gazeta shqiptare shkruan per dasmat..



D.J, tendenca e re e dasmave shqiptare


Por nuk është e thënë që në një dasëm të ketë patjetër një orkestër dhe një këngëtar që këndon “Live”, ashtu sicc jemi mësuar gjithmonë. Tendenca e re e dasmave është ajo ku orkestra zëvendësohet nga D.J. Pronarët e lokaleve i kanë marrë masat për këtë gjë dhe tashmë kanë futur në ambjentet e tyre edhe te gjitha materialet që i duhen një D.J për të krijuar atmosferën e duhur. Dhe ia kanë dalë me sukses sepse dasmat me këtë mënyrë po bëhen gjithnjë e shumë në modë. Kështu, mjafton të çosh më parë një listë me këngët që dasmorët duan, dhe disqe ka sa të duash në treg. Mjafton që t’i heqësh dhe t’i vësh në kohën e duhur nga aparatura dhe dasmorët mbeten të kënaqur. Madje në këtë mënyrë mund të kënaqësh edhe shijet e më të rinjve që pëlqejnë të kërcejnë kënge me ritme Hip-Hopi apo Hause, të cilat nuk mund t’i ofrojnë orkestrantët tradicionalë. Në mes është edhe leverdia ekonomike, pasi dasmat me D.J kushtojnë më lirë.

Biznesi i dyqaneve të luleve

Zbukurimet e makinave, biznesi i ri


Nga kali e mushka te kabrioleti e Limuzina. Nëse dy të parat nuk kushtojnë këta të dytat kushtojnë sa qimet e kokës. Të zbukurosh një makinë kushton një thes me para. Një benz kabriolet, në të cilin ka vend vetëm për nusen dhe dhëndërin, kushton 20 mijë lekë të reja vetëm për ditën e dasmës. Ndërkohë që nusja mund të zgjedhë të bëjë një xhiro nëpër Tiranë edhe me një Limuzinë luksoze, qeraja e tre orëve kushton plot 50 mijë lekë të reja. Ndërkohë që po kaq shtrenjtë kushtojnë edhe zbukurimet e makinave. Këtë e kanë kuptuar edhe një pjesë e mirë e dyqaneve të luleve në kryeqytet, të cilët së bashku me lulet kanë gjetur edhe një mënyrë tjetër fitimi. Fjongot, buqeta e luleve që do të vendoset përpara kushtojnë deri në 5 mijë lekë të reja. Sigurisht që dyqanet e luleve nuk i lënë t’u ikë rasti nga duart dhe kërkojnë që me çdo kusht të përgatisin edhe buqetën që do të mbajë nusja në duar. Lulet e buqetës do të jenë tepër të veçanta, ashtu si nusja dhe kushtojnë deri në 10 mijë lekë të reja.

Këngëtarët e njohur kërkojnë miliona

Këngëtarët e njohur janë edhe më të shtrenjtit. Disa shkojnë vetëm me miqësira, ndërsa disa të tjerë vetëm për disa orë. Gjithsesi prezenca e tyre është shumë e shtrenjtë, por kjo nuk është një arsye për t’i stepur të zotët e shtëpisë për të marrë në dasëm një këngëtar të njohur. Sigurisht që bëhet fjalë për ata që kanë shumë para sepse të tjerët ia lënë në dorë vetë orkestrës ose preferojnë që një zgjedhje të tillë ta bëjnë dajat. Kështu nëse do të zgjidhje që në dasëm të këndojë Irma Libohova duhet të bësh gati 2 milionë lekë (të vjetra) dhe po kaq kërkon edhe Valbona Mema, e cila është mjaft e preferuar, sidomos në dasmat tiranase. Një tjetër këngëtar i kërkuar është edhe Sinan Hoxha, këngëtar edhe ky që kërkon po kaq para për të kënduar në një dasëm. Ndërsa Ermal Mamaqi që pas suksesit me ‘lalin’ kërkon plot 1 milionë lekë të vjetra vetëm për tre orë. Janë edhe plot emra të tjerë këngëtarësh të njohur, të cilët pranojnë të këndojnë vetëm nëse paguahen me shifra marramendëse. Dhe ofertat nuk mungojnë.

“Punimet e dobëta lanë pa ujë qytetin”Reportazh/ 6 orkestrantët që qëndrojnë te Muzeu Historik

“Pazari, në varësi të atyre që hedhin dasmorët”

Kosovarët që këndojnë në dasmat e shqiptarëve


Kemi dasëm”. Kaq mjafton për të krijuar një efekt të jashtëzakonshëm tek të gjithë. Duke e ditur se sa qejfli jemi ne shqiptarët, jo më kot populli ka nxjerrë edhe atë fjalën e urtë “një martohet, 100 tërbohen”, e cila na vjen aq shumë për shtat. Të gjithë duan të hedhin një valle vendçe, një valle nga ata që i kemi mësuar që në fëmijëri dhe që kemi kaluar orë të tëra për të mësuar lëvizjet, por sot vallja kushton shtrenjtë. Si për atë që ka gëzimin në shtëpi, ashtu edhe për atë që i ka mbërritur tashmë ftesa e dasmës, pasi i duhet të mbushë mirë xhepat. Për të kënaqur të gjithë të ftuarit, duhet të përzgjidhet me kujdes orkestra dhe këngëtari, një nga ata zanatcinj të vjetër, që, sapo të fillojnë të luajnë melodinë e parë, dasmorët të çohen të gjithë në këmbë. “Por që të luajë mirë do vajisur kjo e shkretë”, thonë orkestrantët dhe fërkojnë gishtat. Tashmë edhe vallet blihen me para, të cilat janë veccmas bakshishit që do t’i lënë të zotit të shtëpisë.
Orkestra
Pazarin e bëjnë vetëm me burrat e shtëpisë. Vetëm me ta pranojnë të bisedojnë për shpenzimet e ditës së dasmës, këngët që do të këndojnë dhe pagesën. Gjithçka funksionon shumë thjesht. Saidi që është edhe ‘kryetari’ i këtij grupi orkestrantësh, të cilët qëndrojnë çdo ditë para Muzeut Historik Kombëtar, në pritje të myshterinjve, të jep numrin e telefonit. Dhe më pas bëhet takimi ‘kokë më kokë’ midis burrave, ku secili ngul këmbë në pretendimet e tyre. Sazexhinjtë duan që të marrin sa më shumë para, ndërsa ata që kanë dasmën, duan të nxjerrin nga xhepi sa më pak. Në fund të bisedës, pavarësisht nëse bien dakord apo jo, burrat i shtrëngojnë duart njëri-tjetrit dhe nuk harrojnë të urojnë lumturi për cciftin e ri. Ata janë 6 persona dhe janë nga Kosova. Kanë parë që biznesi i dasmave mund të jetë mjaft fitimprurës në Shqipëri dhe kanë zgjedhur për ta ushtruar këtë profesion pikërisht në Tiranë, pasi këtu mund të gjesh nga të gjitha zonat dhe nga të gjitha shtresat. Janë të gjithë ‘ezmerë’ dhe sigurisht që për të kënduar apo për t’i rënë një vegle të caktuar nuk kanë bërë ndonjë shkollë të veçantë, por falenderojnë ‘nënën natyrë’ për dhuntitë që u ka falur. Saidi, që me personazhin e njohur të telenoveleva e bashkon vetëm emri, përpiqet ta menaxhojë sa më mirë biznesin në kryeqytet. Dhe dasmat në këtë sezon vere nuk janë të pakta, aq sa ata nuk kanë kohë të marrin frymë. Pasi bien në ujdi për të gjitha gjërat, bëhen gati për dasmën. Saidi thotë se në shumicën e rasteve të gjithë kanë mbetur të kënaqur.
Çmimet
Pavarësisht se janë nga Kosova, i njohin traditat e dasmave të çdo zone të Shqipërisë. Ai e di se cilat nga zonat e Shqipërisë janë më dorëshpuara dhe hedhin para në dasëm dhe cilat zona mjaftohen vetëm me ‘peshqeshin’ që i lënë të zotit të shtëpisë dhe nuk hedhin fare verdhushka ndërsa të afërmit e tyre tërheqin vallen. Ndaj gjëja e parë për të cilën Saidi të pyet është zona se nga cila je, pasi duke ditur zakonet e secilës prej tyre bën edhe llogaritë se sa para do të kërkojë. Tjetër çmim kanë për një dasëm ku do t’iu duhet të shkojnë dy ditë rrjesht dhe tjetër për një dasëm që do t’iu duhet të këndojnë vetëm një ditë. “Në zonat, të cilat nuk hedhin para, tregon Saidi, ne kërkojmë më shumë lekë dhe nuk i marrim fare lekët që hidhen në dasëm ose mund të japim një çmim të mesëm dhe marrim edhe paratë që mund të mblidhen.por kjo është gjithmonë me rrezik, thotë ai. Ndërsa ka dasma që ne preferojmë të marrim lekët që mblidhen gjatë valleve, pasi hidhen shumë lekë” tregon ai. Ai thotë se çmimet e tyre për një ditë dasme shkojnë deri në 500 mijë lekë të vjetra, por gjithçka vendoset vetëm pasi të bisedohet me të zotët e shtëpisë. “Duhet të kemi parasysh se këto para ndahen mes një grupi prej 4 personash, tregon ai, ndërkohë që është për t’u paguar edhe këngëtari”. Ai tregon se ka pasur dasma ku kanë dalë duarbosh, ashtu siç ka pasur edhe nga ata dasma ku kanë mbetur shumë të kënaqur teksa numëronin paratë e grumbulluara. Saidi tregon se pjesë e këtij grupi orkestrantësh janë edhe dy këngëtare. “Njëra nga vajzat këndon këngë të repertorit të Jugut të Shqipërisë dhe tjetra të Veriut”, thotë Saidi, duke mos humbur kështu asnjë myshteri. Ndërkohë që pjesa më e madhe e kërkesave iu vijnë kryesisht nga zonat veriore. Ndërsa ai tregon se ka edhe një përvojë tjetër pasi e ka ushtruar këtë profesion dy vjet edhe në Zvicër, në lokale që frekuentoheshin nga shqiptarët.
Oferta e bankave: ”Nëse nuk ke para, mund të marrësh kredi”

Dasmat me kredi, milionat që harxhojnë shqiptarët

Si kanë ndryshuar ceremonitë

Dasmat sa vijnë dhe bëhen më të shtrenjta, aq sa nëse nuk ke para ‘mund të marrësh edhe një kredi’. Ndërsa ata të tjerët, të cilët nuk ua mban xhepi, e evitojnë ceremoninë në të bardha dhe me paratë e kursyera nisin udhëtimin e muajit të mjaltit. Por pavarësisht kësaj çmenduritë e dasmave nuk kanë të sosur. Fustane me mëndafshe të sjella nga India, koktelje të shtrenjta me shoqërinë, kurse danci për vallëzimin e çiftit, fotografë profesionistë e për qindra marrina të tjera si këto, ata që martohen i bëjnë llogaritë e harxheve me miliona. Sigurisht këto janë dasmat e parellinjve, pasi një pjesë tjetër nuk shpenzon as për të blerë kostumin e dhëndërit, por preferon ta marrë me qera.
Dasmat moderne
Lista e aksesorëve që duhen për ta bërë një dasëm sa më të mirë sa vjen e shtohet. E bashkë me to shtohen edhe zerot që duhet të paguash për natën me të bardha. Ata që punojnë nëpër administrata preferojnë të bëjnë një dasëm moderne, nën dritën e qirinjve dhe markën e njohur të shmpanjës apo verës, me pak të ftuar, por që përzgjdhen me kujdes. Një dasëm larg tradicionales, por që kushton një thes me para dhe ku zakonisht të ftuarit nuk humbasin rastin për të bërë ca thashetheme për kolegët dhe shefat e tyre dhe merren me të gjitha detajet e ceremonisë. E thënë shkurt një dasëm, si ata që jemi mësuar të shohim vetëm nëpër filma. Një fustan i porositur tek një stiliste e njohur, me mëndafsh special, që vjen nga India enkas për nusen, shkon deri në 2 milionë lekë të vjetra, shumë kjo që do të mjaftonte për të bërë një dasëm nga ato ku të mbeten të kënaqur dyqind vetë. Po kaq kushton edhe kostumi i dhëndërrit që në fund të fundit mund të vishet edhe në raste të tjera. Me finesë përzgjidhet edhe ambjenti ku do të bëhet ceremonia, lulet, markat e pijeve, gotat e kristalit, qirinjtë aromatikë në sinkron me të ftuarit, të cilët nuk harrojnë të lënë zarfet në tavolinën e dhuratave. Kursi i dancit për vallëzimin final të çiftit kushton disa dhjetëmijëshe, ndërsa për të paguar dhomën e hotelit të mbushur me petale trëndafili çiftit mund t’i duhen deri në 500 mijë lekë të vjetra. Sigurisht nëse nuk ke para për këtë të vijnë në ndihmë edhe bankat që duke përfituar nga egoizmi i atyre që kanë prerë datën e martesës, kanë shpikur trukun e kredisë. “Nëse do të martohesh, mund të marrësh një kredi” dhe gjithçka është më e lehtë. Në fund të fundit njëherë martohet njeriu.
Tradicionalja
Një dasëm ku t’i bëhet qejfi gjithë fisit. Si ata që jemi mësuar gjithmonë. Ku vallja e parë tërhiqet nga njërëzit e shtëpisë dhe më pas vjen radha e dajave, hallave, tezeve, e deri te kushërinjtë e shtatë, pa lënë pas dore as komshinjtë. Një dasëm ku nuk mungojnë veshjet tradicionale dhe ku të gjithë kërkojnë të këecejnë napolonin dhe shohin njëri-tjetrin sa lekë hedhin në valle. Prenotojnë një lokal afër shtëpisë, ku karrigia për një person kushton 200 lekë dhe rakia e fresh-i derdhen lumë, aq sa të gjithë dasmorët, kur vjen ora për të mbyllur banketin mezi qëndrojnë në këmbë. Sigurisht që nuk mungojnë as lotët për vajzën që del nga shtëpia, por as sherret. E thënë me pak fjalë një dasëm alla shqiptarçe, ku kënga dhe vallja nuk pushojnë, por që në fund të fundit nuk kushton shumë para. Një dasëm nga ata ku të zotët e shtëpisë duhet të trokasin gotat me të gjithë fisin dhe ku dasmorët nuk harrojnë të marrin me vete edhe copat e mishit që nuk kanë mundur t’i mbarojnë në tryezën e banketit. Një dasëm nga ata ku gratë nuk harrojnë të hedhin raki në gjurmët e nuses (me qëllim që të prishin syrin e keq) dhe ku të vegjëlit grumbullohen para pallatit për të pritur lekët e hekurit që hidhen së bashku me orizin e mbarësisë.

Esmeralda Keta
e.keta@gazetashqiptare.com


---


te zgjebosur por ama bishtin e mbajme terpjete..

[shkodrane82]

Brari pike se pari DJ eshte kur ske mundesi financiare te marresh orkester
ose kur e vendos te martohesh shpejt e shpejt.
Per vedi miliona kam pagu orkerstren ne dasmen time ( Bujar Qamilin ) po
ama ja ka vlejte. Asnjehere nuk krahasohet me ceremonine e fejeses qe e
kena ba me DJ.

Nqs eshte mundesia pse jo te mos besh nje dasem per te mos e harruar
kollaj. Per mendimin tim me mire te harxhosh vetem ne dasem, sesa te ndiqen
ato traditat e marra jo po dhuntia e jo po paja e peshqeshet. Nje here
martohet njeriu ( ne rastin tim ) dhe ate dite duhet ta shijoje ne max.

[Xhuxhumaku]

. Nje here
martohet njeriu ( ne rastin tim ) dhe ate dite duhet ta shijoje ne max.

Epo ne Shqiperi ka fillu moda me u martu disa here tani, kshu qe ja leverdis me teper me DJ, maj Lonce,...

hajt se edhe Arenca me DJ u martua, edhe pse harxhuan para pa mase...

[shkodrane82]

Jetes nuk i dihet mer Xhuxho po njehere ka lezet njeriu te beje dasem
tamam, e jo sa here qe martohet banu nuse e thirr njerez sikur i iken lezeti.

Arensa e ka ba si ne tip p*rdhaliteti ate pune se nuk e ndjek me muziken
popullore asht ba teper moderato..lol.

[BOKE]

C'e do qe nuk eshte BBF ne satelit se do ishim kenaq

[PINK]

C'a eshte BBF -ja ?

Ne lidhje me temen dasmat kudo , jane shpenzim i madh. Ketej dueht te shpenzosh mijera dollare , e pakta qe mund te shpenzosh eshte aty te 20 grand.

[BaBa]

Ciao Piplla nga BaBa Orkestrave ska per ti dal lezeti as dhe iher ne bote

[FЯODO]

C'a eshte BBF -ja ?

Albanian MTV

[Brari]

dasem beri fejzua..
7 ushtarak kish ne dasem..

[Xhuxhumaku]

Albanian MTV

Me muzike te egjiptianizuar.......