Po shfrytëzohet procesi negociator për qëllime partiake?

[Davius]

Kryetari i PDK-së, në opozitë Hashim Thaqi, akuzon udhëheqësin e Grupit Negovciator të Kosovës, presidentin Fatmir Sejidu se po përpiqet që procesin negociator ta shfrytëzojë për qëllime partiake. Nga ana e tij presidenti Sejdiu, thotë se brenda anëtarëve të Grupit Negociator ka unitet të plotë, ndërsa shqetësimet e Partisë Demokratike i quan të panevojshme.

Presidenti i Kosovës, Fatmir Sejdiu, thotë se Grupi Negociator i Kosovës është unik, ndërsa, lideri i opozitës në Kosovë, Hashim Thaqi, thotë se udhëheqësi i ekipit të Prishtinës presidenti Sejdiu dëshiron që ta personalizojë procesin e bisedave dhe po e përdorë atë për qëllime partiake.

Këto komente, u bënë nga dy figurat kryesore të politikës kosovare vetëm dy ditë pasiqë ata së bashku morën pjesë në takimin e nivelit të lartë politik në Vjenë të Austrisë. Këto tensione u ngitën pas fjalimit të presidentit Sejdiu para deputetëve të kuvendit ku raportoi për procesin negociator dhe takimin e Vjenës dhe ku nuk u realizua kërkesa e opozitës që në kuvend të zhvillohet debat për fjalimin e presidentit. Kryetari i PDK-së, në opozitë, Hashim Thaqi, thotë se mënyra se si presidenti raportoi para kuvendit për partinë e tij është e papranueshme.

Mirëpo presidenti i Kosovës, Fatmir Sejdiu, i cili vjen nga radhët e LDK-së, nuk mendon kështu. Ai thotë se, shqetësimi i PDK-së është i panevojshëm, sepse sipas tij vendimet politike për të ardhmen e Kosovës do të jenë të përbashkëta.

Sidoqoftë, edhe autoritet ndërkombëtare thonë se tensioned e ngritura brenda anëtarëve të Ekipit Negociator të Kosovës janë të panevojshme, për faktin që sipas në Kosovë në këtë fazë të zgjidhjes së statusit nevojitet një unitet i plotë i forcave politike. Autoritet ndërkombëtare e vlerësuan qasjen e delegacionit të Kosovës në procesin negociator, ndërsa thanë se, Prishtina është duke shkuar me hapa të sigurt në filimin e implementimit të marrëveshjes për statusin përfundimtar të Kosovës.

Bekim Shehu

[Llapi]

Nënkryetari Kuçi: Raportimi i sotëm ne Kuvend në emër të Ekipit Negociator është spektakël politik

Nënkryetari i PDK-së z.Hajredin Kuçi dhe Sekretarin për mardhënie me publikun z. Enver Hoxhaj


Pas raportimit të njëanshëm të udhëheqësit të Ekipit Negociator në Kuvendin e Kosovës, nënkryetari i PDK-së z.Hajredin Kuçi së bashku me sekretarin për mardhënie me publikun z. Enver Hoxhaj kanë mbajtur sot në ambientet e Kuvendit të Kosovës një konferencë për media.

Në konferencën e mbajtur për media z.Kuçi ndër të tjera theksoi: “Informimi i udhëheqësit të Ekipit Negociator sot në Kuvend vetëm para deputetëve të koalicionit aktual ka qenë i njëanshëm, jokuncesual, paraqitje aksidentale e cila dëshirojmë të jetë pa pasoja për unitetin. Deputetët befasisht janë vënë para aktit të kryer. Ky raportim ka ndodhur pa konsultim paraprak me Ekipin Negociator dhe pa i harmonizuar qëndrimet si grup i unitetit.”



Tutje, nënkryetari Kuçi shtoi: “PDK do të vazhdojë të investojë në unitet gjatë procesit të definimit të statusit final të Kosovës që do të jetë shtetësia e saj e plotë, por do të jetë kundër tendencës së fragmentizimit dhe tendencës së individualizimit të procesit.
PDK ka kërkuar jo vetëm informim por edhe llogaridhënie para Kuvendit si institucioni më i lartë në Kosovë dhe para qytetarëve të saj .
Procesi i definimit final të statusit është zhvillim shumë i ndjeshëm dhe i rëndësisë jetike për Kosovën, prandaj kemi kërkuar transparencë të plotë para qytetarëve dhe debat të mirëfilltë në Kuvendin e Kosovës.”

“Procesi nuk i takon një individi apo partie, por është proces në të cilin marrin pjesë të gjithë qytetarët ata që kanë sakrifikuar për çlirimin e saj dhe politika e Kosovës në përputhje më përgjegjësitë dhe obligimet e tyre”- theksoi në fund z.Hajredin Kuçi