Deputeti i Kosoves: Kosova i takon Tiranes

[Qafir Arnaut]

17:05/01.02.07 Tirana Politike eshte pronare e vetme e ligjshme e tokes se Kosoves (Nga Xhevat Bislimi, Deputet i Kuvendit te Kosoves)


Të pakte ishin shqiptarët që e kuptuan rrezikun që përbënte shpërndarja e UÇK-së dhe dorëzimi i armëve për lirinë e krahinës shqiptare të Kosovës e më gjerë. Disa struktura dhe grupe kosovare, që ishin lidhur pas qerres serbe ndihmuan mjaft për shpërndarjen e UÇK-së, të cilën e konsideronin dhe përjetonin si rrezik të drejtëpërdrejtë për interesat e tyre të lidhura me Serbinë dhe miqtë e saj. Kjo shtresë e shqiptarëve bashkëpunëtorë dhe hyzmeqarë të pushtuesit ishin edhe kundër krijimit të TMK-së. Ata paten deklaruar publikisht se nuk kemi nevojë për TMK, sepse e kemi NATO-në! Megjithatë, TMK-ja, pas shumë takimesh e bisedimesh të nxehta u bë dhe u njoh edhe nga Bashkësia ndërkombëtare. Për organizimin, ngritjen, stërvitjen dhe strukturimin e saj u shpenzuan dhjetra miliona euro gjatë këtyre viteve. Komandanti i saj, Agim Çeku, e thoshte dhe përsëriste në të gjitha paraqitjet e tij se TMK-ja është pasardhse e denj e UÇK-së dhe Komandantit të Saj Legjendar, Adem Jasharit. Mund të mbushet një vagon me deklarata të këtij ish-Gjenerali për TMK-në si Ushtri e Kosovës, etj. Edhe politikanë, kryeministra dhe zyrtarë të lartë kanë deklaruar me qindra herë se TMK-ja është Ushtria e Kosovës, mbrojtja e Kosovës, etj., etj. Mirëpo, krahas këtyre deklaratave dhe kësaj propaganda qetësuese për forcat liridashëse dhe për popullin shqiptar zhvillohej edhe diferencimi, denoncimi, ndjekja, suspendimi dhe arrestimi i shumë oficerëve të TMK-së që vinin nga radhët e UCK-së. Tërë ky presion dhe shantazhim bëhej për ta dobësuar bërthamën atdhetare dhe të vendosur të TMK-së. Ndihmë të pazëvendësueshme në zbatimin e këtyre politikave dhe taktikave kundër TMK-së ka dhënë Agim Çeku, i cili në momentin vendimtar për këtë forcë mbrojtëse (duke qenë i informuar mirë për fatin e saj) e braktisi atë dhe u bë Kryeministër! Ky dhe pasardhësi i tij u përpoqën ta degradonin keq e më keq duke dërguar ushtarë të TMK-së në varrimin e Rugovës dhe më vonë edhe në homazhe te varri i tij! Ndaj Gardës së lavdishme të Kosovës, e cila nuk pranoi ta nderonte njeriun që aq dëme dhe plagë i kishte shkaktuar vendit dhe popullit të tij, u bënë trysni dhe shantazhe të turpshme… Shkallën më të lartë të degradimit të kësaj force, që shqiptarët e donin për mbrojtjen e Kosovës, e gjejmë te Brigada e TMK-së në Viti (ka edhe tjera brigada të këtilla). Komandanti i kësaj Brigade, që mban emrin e dy luftëtarëve dhe dëshmorëve të parë në këtë komunë (Gursel e Bajram Sylejmani), oficerët dhe ushtarët e kësaj Brigade i ka përdorur për të shpërndarë ndihma për pakicën serbe dhe për t’ia shpërndarë dhe palosur drutë shtëpi më shtëpi kësaj pakice!

Plani i Atisarit parashikon zhbërjen e TMK-së dhe krijimin e një force (civile) të re të sigurisë. Sipas këtij plani dhe politikave që e kanë përgatitur këtë plan me shpërbërjen e TMK-së bëhet edhe përfundimisht ndarja (prerja) aq e dëshiruar me të famshmen dhe të lavdishmen UÇK dhe historinë e saj luftarake e çlirimtare. Pse them kështu? Sepse UÇK-ja ishte një forcë e pranuar dhe e njohur ndërkombëtarisht dhe megjithatë u shpërbë, sepse ekzistenca e Saj i prishte punë Serbisë dhe miqëve të saj. Edhe TMK-ja u bë në marrëveshje me Bashkësinë ndërkombëtare (edhe me NATO-në) dhe me kërkesën këmbëngulese të Serbisë dhe Rusisë sot po zhbëhet! Duket se zgjidhja më e mirë dhe e përherëshme është vendosja e forcave të arnatosura shqiptare në kufijtë e Shqipërisë Natyrale. Kështu Kosova dhe asnjë krahinë tjetër shqiptare nuk do të kishte nevojë për forcë të veçantë sigurie dhe as për KFOR-in...

Se çfarë po zihet dhe çfarë po i gatuhet Kosovës duket në deklaratat dhe paraqitjet plotë frikë të kryepolitikanëve dhe kryezyrtarëve të Kosovës. Nëse statusi i Kosovës do të përmbushte të paktën vullnetin dhe kërkesën minimale të popullit shqiptar për shtet të pavarur dhe sovran, atëherë pse gjithë kjo frikë në radhët e grupit që e katranosi të ardhmen e Kosovës shqiptare? Ku i ka rrënjët gjithë ky shqetësim, kjo nervozë dhe frikë e kësaj elite qyqare? Rrënjët e kësaj frike duhet kërkuar te marrëveshjet dhe koncesionet fatale që ky grup i ka bërë Serbisë. Ata e dinë se hapja e paketës së Atisarit do t’i zbulojë të gjitha matrapazllëqet dhe gjithë tregtinë që ky grup uzurpator e puçist ka bërë me tokën dhe interesat e shqiptarëve. Pakënaqësia e popullit që hoqi dorë nga ribashkimi i Shqipërisë dhe u pajtua me një shtet të pavarur e sovran do të jetë e madhe. Ata që kërkesën e popullit shqiptar të Kosovës e kufizuan dhe ulën në kërkesë për pavarësi duhet të përballen me zhgënjimin e këtij populli, i cili nuk do të pranojë asnjë paketë që nuk garanton këtë minimum: shtetin e pavarur dhe sovran të Kosovës deri në ribashkimin e Shqipërisë. Misioni i Bashkimit Evropian është në kundërshtim me vullnetin e këtij populli dhe vazhdim i robërisë deri në arritjen e qëllimit: zbrazjen e Kosovës nga shqiptarët (siç po zbrazet përditë) dhe kthimin e kolonëve dhe vrastarëve të djeshëm serbë për të krijuar njëfarë ekuilibri etnik dhe demografik, një Kosovë multietnike. Prandaj, partitë politike, shoqatat dhe çdo shqiptar duhet të deklarohet dhe angazhohet me të gjitha mjetet dhe format demokratike për të penguar vendosjen dhe shtrirjen e këtij misioni në Kosovë. Rolin kryesor për shpëtimin e Kosovës shqiptare nga kthetrat e multietnikëve duhet ta marrë Tirana zyrtare. Shteti shqiptar është i vetmi pronar i ligjshëm i tokës së Kosovës dhe vetëm si i tillë edhe duhet të sillet. Nuk guxon t’i lihet në dorë fati i kësaj toke një grupi adoleshentësh dhe skajshmërisht të papërgjegjshëm. Paraprakisht do të duhej, po të kishte institucione dhe ligje konform interesave të vendit, të shikoheshin se mos ndonjëri prej tyre apo disa prej tyre ishin bashkëpunëtorë të Serbisë. Vërtetë a ka kuptim që Serbia të vendosë për fatin e Kosovës me bashkëpunëtorët e saj?! A ka kuptim që kishat e dikurshme shqiptare të quhen kisha gjoja serbe dhe t’u jepet dhe njihet edhe ekstraterritorialiteti?! Turp për grupin shqipfolës! Sa vende, monumente, trashëgimi dhe gjurmë iliro-shqiptare ka thellë në territorin e sotëm të Serbisë, që jo shumë moti ishte territor shqiptar? Pastaj si trajtohen krahinat, edhe sot të banuara me shqiptarë, të pushtuara nga Serbia? Sa është numri i shqiptarëve të shpërngulur vetëm pas Luftës nga Kosova Lindore dhe nga Kosova Veriore? Këto janë vetëm disa nga arsyet pse populli shqiptar është dhe duhet të jetë edhe më i pakënaqur se kaq…

[dardani8]

Per ket gjendje ne te cilen ndodhen trojet shqiptare ne ish jugosllavi duhte ti falenderohemi rugoves dhe zoteri berishes ce e percane lidhjen politike te shqiptarve ne ish jugosllavi.

rugova dhe berisha u qjerren deri sa nuk i binden shqiptaret asaj kohe ne maqedoni te hynin ne parlament se vetem aty i zgjedhin problemet e tyre, te cilat probleme per fat te keq nuk i zgjodhi as lufta.

po ta kishim pasur nje udheheqes te zoti siq nuk e kemi pasur besoj se trojet shqiptare ne ish jugosllavi do te ishin ne gjendje me te mire sec jane tani.

[dardani2000]

Per ket gjendje ne te cilen ndodhen trojet shqiptare ne ish jugosllavi duhte ti falenderohemi rugoves dhe zoteri berishes ce e percane lidhjen politike te shqiptarve ne ish jugosllavi.

rugova dhe berisha u qjerren deri sa nuk i binden shqiptaret asaj kohe ne maqedoni te hynin ne parlament se vetem aty i zgjedhin problemet e tyre, te cilat probleme per fat te keq nuk i zgjodhi as lufta.

po ta kishim pasur nje udheheqes te zoti siq nuk e kemi pasur besoj se trojet shqiptare ne ish jugosllavi do te ishin ne gjendje me te mire sec jane tani.

E patem Ukshin Hotin po rugova dhe te gjithe ata qe e kane perkrahur rugoven ja humben koken

[Qafir Arnaut]

Ky deputeti e ka idene e mire por e ka se prapthi. Shqiperia duhet ti takoje Prishtines...ama vetem atehere kur te zbythen larvat ne Prishtine.

FYI, Shqiperia vete tashme eshte praktikisht 'multi-etnike'. Ky zhvillim ka bereqet vetem kur ka shume kapital korporatash. Por ne rast se nuk te vjen kapitali atehere multi-kulti del me humbje kolosale.