Mbrëmjet strugane të poezisë

[Davius]

Sonte fillon manifestimi "Mbrëmjet strugane të poezisë"

24.08.2006

Me ndezjen e zjarrit të festivalit, sonte para Pallatit të kulturës në Strugë, fillon Manifestimi poetik, i 45-të ndërkombëtar, "Mbrëmjet strugane të poezisë". Sipas programit, sivjet në këtë festival do të marrin pjesë 35 poetë të huaj dhe 36 poetë nga Maqedonia, ndërsa laureate e sivjetme është poetesha kubaneze, Nansi Morehon.

[Fiori]

Për emrat e poeteve apo per ndonje nga poemat qe do marrin pjese tek kjo mbremje kini informacion?!

[Davius]

Mbrëmjet strugane të poezisë, të 45-tat me radhë

Shkup, 24 gusht (MIA) - Sonte në platonë para Shtëpisë së poezisë në Strugë, me vargjet e poezisë "Malli për jugun" të Konstantin Milladinovit në gjuhën spanjole dhe në gjuhën maqedonase, me fishekzjarre të mëdha dhe me ndezjen tradicionale të zjarrit të festivalit, do të hapet festivali i 45-të me radhë ndërkombëtar i poezisë, "Mbrëmjet strugane të poezisë".

"Kurorën e artë" sivjet në "Mbrëmjet strugane" do ta marë Nansi Morehon, poeteshë nga Kuba. Morehon është gruaja e dytë që do ta fitojë këtë mirënjohje prestigjioze poetike.

Në festivalin katërditor në të cilin do të marrin pjesë 35 poetë nga bota dhe po aq autorë të vendit, do të diskutohet për shënimin multimedial të veprimtarisë poetike bashkëkohore dhe marrëdhëniet e vargjeve me artet e tjera.

"Mbrëmjet strugane të poezisë" edhe sivjet do të zhvillohen sipas konceptit të zakonshëm programor. Para hapjes solemne, laureatja Morehon, nesër në orën 10:00, në "Parkun e poezisë" do të mbjellë drurin. Në mbrëmje, në orën 21:00 në "Shtëpinë e poezisë" do të mbahet leximi poetik ndërkombëtar "Meridiane", ku dhjetëra poetë të huaj do të lexojnë pjesë nga krijimtaritë e tyre në gjuhën në të cilën krijojnë.

Në festival do të mbahen edhe leximet e zakonshme poetike "Mbrëmjet pa interpunksion", ndërsa do të promovohen edhe përmbledhjet "Pleadat" dhe antologjitë me poezi të autorëve tanë.

Pjesa zyrtare e programit do të mbyllet të dielën, me manifestimin "Urat", kur poeteshës Nansi Morehon do t'i dorëzohet "Kurora e artë".

Festivali do të përfundojë më 29 gusht me leximin poetik në Qendrën multimediale "Stacioni i vogël" në qendër të Shkupit.

[Davius]

Në Strugë, mbi 60 poetë nga e gjithë bota

Açka dhe Brovina në ditët ndërkombëtare të poezisë

Takimi Ndërkombëtar i poezisë në Strugë nisi mbrëmjen e 24 gushtit. Ky vit është edicioni i 45-të i mbrëmjeve të poezisë ndërkombëtare. Kryetari i Këshillit Drejtues Zoran Ançev thotë se “janë rreth 60 poetë që marrin pjesë nga e gjithë bota duke filluar nga Japonia, Franca, SHBA, Kuba, Kina, Afrika e Jugut etj.. Shqipëria përfaqësohet me poeten dhe shkrimtaren Flutura Açka, kurse Kosova me Flora Brovinën.” Do të ketë edhe pjesëmarrës të poetëve të tjerë si Selajdin Saliu, Lindita Ahmeti Lulëzim Haziri, Nehas Sopja, Resul Shabani dhe Nuhi Vinca që do të jetë përkthyesi i antologjisë tematike të poetëve shqiptarë. Një sërë risish do të ketë në këtë manifestim të madh kulturor që zhvillohet në 24 -29 gusht. Në mënyrë madhështore festohen në këtë edicion tre jubile.

Së pari festohet 100 vjetori i lindjes së Sendorit i cili në vitin 1975 ka qënë “Kurora e Artë” e këtyre mbrëmjeve; së dyti është 85 vjetori i lindjes së poezisë bashkëkohore maqedonase dhe së trei është 145-vjetori i daljes së librit të artë, përmbledhjes së “Vëllezërve Milavdinovci”. Gjthashtu këtë vit do të ketë edhe një ekspozitë pikture e cila do të hapet njëherësh në pesë qytete të Maqedonisë: Manastir, Shkup, Kërçovë, Kumanovë dhe Strumicë. Për këtë vit laureantja e “Kurorës së Artë” është shpallur kubanezja Nansi Morehon, çmimi i “Vëllezërve Miladinovci” i është dhënë poetit Bratislav Toshkovski, ndërsa çmimi “Urat e Strugës” i ndarë nga Këshilli Drejtues dhe nga UNESKO i është akorduar poetes ruse Marija Markovna Gejde. Mbrëmjen e të enjtes u bë çelja spektakolare me pjesëmarrien e drejtuesve më të lartë të shtetit Maqedonas dhe personaliteteve të kulturës.

Shekulli