Berisha ministrave: Shkatërroni “modulin Rama”, vidh e puno

[Brari]

Data: 20/08/2006, ora

Haxhi Qamili i PS zbulon grupin armiqësor të agallarëve
Edi Rama paralajmëron në Vlorë se nuk do të lërë disa politikanë të lartë të PS t’i marrin karrigen e kryetarit e ta lënë atë të vetëm të përballet me drejtësinë. Nga neuroza se mos Fatos Nano rikthehet në politikë dhe i rimerr kreun e PS-së


Haxhi Qamili i PS zbulon grupin armiqësor të agallarëve



Edi Rama paralajmëron në Vlorë se nuk do të lërë disa politikanë të lartë të PS t’i marrin karrigen e kryetarit e ta lënë atë të vetëm të përballet me drejtësinë. Nga neuroza se mos Fatos Nano rikthehet në politikë dhe i rimerr kreun e PS-së, ai i kërcënon ata të heqin “jelekun e agait”, përndryshe do të shpallen grup armiqësor e do të përjashtohen nga partia



Pas sulmit indirekt të dy ditëve më parë, gjatë një bisede të lirë me gazetarët, kryetari i Partisë Socialiste, kreu në qytetin e Vlorës provokimin e radhës ndaj mbështetësve të ish-kryetarit Fatos Nano, duke deklaruar para një grumbulli simpatizantësh të rinj se, partia më e madhe e opozitës është seriozisht e kërcënuar nga përçarja e radhës. Pas më tepër se 2 muajsh nga Kongresi dhe afrimit të muajit shtator, kur duket se do të riaktivizohet edhe kundërshtari i tij Nano, kryesocialisti Edi Rama, që gjithnjë i ka konsideruar si “pjesë telenovelash” pyetjet e njerëzve të medias mbi ekzistencën e grupimeve rivale në selinë rozë pranoi dje se, brenda radhëve të kësaj partie ekzistojnë ndasitë. Sipas tij, “këto ndasi që ekzistojnë edhe brenda forumeve, janë produkt i mentaliteteve të vjetra”. Në këtë kuadër, kreu i partisë më të madhe të opozitës shkoi më tej në akuzat e tij, duke deklaruar se “në radhët e kësaj partie ka njerëz që janë bërë profesionistë për të nxitur e stimuluar përçarjen dhe ka njerëz që jetojnë përmes përçarjes”. “Ndasitë që ekzistojnë sot në radhët e kësaj partie apo në forume të degëve lokale, janë problem i mekanizmave që nuk janë adoptuar me nevojën e një PS-je të re dhe që i bëjnë rezistencë të resë. Ka ende elementë në degë të ndryshme të Partisë Socialiste, që nuk e kanë hequr “jelekun e agait”, por që, gjithsesi, do ta gjejnë përgjigjen tek baza e kësaj partie”, duke e etiketuar sërish si epokë agallarësh periudhën e gjatë të lidershipit të ish-kryetarit Nano. Rama gjithsesi, kërcënoi se nuk do të lejohet që degët e PS-së në Vlorë apo ndonjë qytet tjetër të bëhen pre e sherreve që kërkojnë të mbajnë të bllokuar bazën e PS-së. Dalja jashtë skemës së zakonshme të kryesocialistit, në një sulm të hapët e tepër paralajmërues, sipas burimeve në selinë rozë, është këshilluar nga kreu socialdemokrat Skënder Gjinushi që, nga ana e tij, është shfaqur jo pak i shqetësuar nga rritja e bursës politike të Nanos nëpër kancelaritë perëndimore, në kushtet e një boshti thellësisht destruktiv opozitar Rama-Gjinushi dhe, për me tepër, nga zërat që flasin për një kandidim të mundshëm të këtij të fundit, për President të Republikës, në vitin 2007. Për këtë arsye, gjatë takimit në Vlorë, Rama ripërsëriti idenë e bllokimit të zgjedhjes së Presidentit në vitin 2007, duke shtuar se opozita është e vendosur ta çojë vendin në zgjedhje të parakohshme. “Ne mendojmë se ky është një veprim i domosdoshëm. Opozita nuk e do përplasjen, por nëse mazhoranca do të zgjedhë përplasjen, ne do t'i përgjigjemi në çdo nivel”, theksoi ai. Rama kritikoi sërish nismën e shumëvlerësuar “Shqipëria - 1 euro”, duke paraqitur një tablo të zymtë për studentët që studiojnë në vendet e huaja. “Dëshira për t’u kthyer është e madhe, por vendi nuk ofron shumë. Në vizionin tonë, largimi nga Shqipëria nuk është aspak ndjenja detyruese, por kjo bëhet në varësi të zgjedhjeve të gjithsecilit. Jemi në një situatë të vështirë, pasi vendi është i bllokuar, duke filluar nga ekonomia. 600% janë rritur kushtet ndaj sipërmarrjes, ndërsa arbitrariteti është i dukshëm ndaj gjithkujt. Janë me qindra dokumente që disponojmë për heqjet nga puna, ku gjithçka po orientohet nga interesat partiake. Është e rëndë kur dëgjon kryeministrin të thotë “Shqipëria - vetëm një euro”, kur problemi është se edhe pa asnjë euro, nuk afrohet njeri. I pari nuk është çmimi, por klima që u ofrohet këtu. Ka vetëm një zgjidhje dhe kjo kalon nga politika. Të përgatisim kushtet, jo për votat kundra, pasi ato janë tashmë, por për forcimin e strukturave tona,” tha Rama. Sipas Ramës, burimi i degradimit të situatës lidhet me standardet demokratike. “Problemi i raportit që ka qeveria aktuale dhe kryeministri me ligjin, kanë bërë që në fokusin e opozitës të jetë ruajtja e demokracisë dhe, në këtë këndvështrim, problemet ekonomike dhe sociale mbeten në plan të dytë. Kemi nisur një punë voluminoze në lidhje me hartimin e një plani të ri politik, por pa disa kushte të caktuara, nuk ka zgjedhje të parakohshme. Nëse shkojmë në zgjedhje dhe kundërshtari i numëron votat me një aritmetikë shumë më ndryshe se ajo që kemi mësuar të bëjmë të tërë, atëherë nuk kemi arritur asgjë. Nëse nuk reagojmë sot, kjo situatë mund të degradojë. Ne kërkojmë të sensibilizojmë qytetarët, se liria politike është e lidhur me të gjitha liritë. Nëse qytetarët do të qëndrojnë anash, atëherë ata do të jenë po aq të cënuar, vijoi Rama, duke i ofruar auditorit bashkëpunim,” vijoi kreu i PS-së.

Re.Po.

g55

[Brari]

E Marte, 22 Gusht 2006


NE 6 MUAJ, 860 DENONCIME PER KORRUPSION

Numrat e gjelber ne Kryeministri rreth 20 telefonata çdo dite, 50 % per tjetersimin e prones.Kane funksionuar edhe letrat me publikun, volumi i te cilave eshte 4 fishuar.

Mesatarisht ne numrat e gjelber priten rreth 15 20 telefonata ne dite, nderkohe qe gati 50 perqind e tyre i perkasin fushes se denoncimeve per problemet e tjetersimit te prones, si dhe te zvarritjes se zgjidhjes se problemeve te tyre nga administrata shteterore si ne nivel lokal edhe ne nivele te tjera

Numri i ankesave dhe denoncimeve nga publiku per rastet e korrupsionit ne qeveri, eshte rritur. Kete fakt e japin burime te Keshillit te Ministrave, sipas te cileve kjo gje tregon motivimin e njerezve dhe besimin e tyre ne kete sherbim qe ofron qeveria per denoncimin e rasteve te korrupsionit.

Tashme Sektori per Marredheniet me Publikun, ne Keshillin e Ministrave, funksionon me disa pika kontakti me publikun, te cilet jane dy numrat e gjelber telefonike pa pagese, telefonat fiks gjate orarit zyrtar, si dhe pritjet fizike qe organizohen me qytetare te ndryshem.

Nje tjeter menyre kontaktimi mbetet edhe sherbimi postar ose posta elektronike, nderkohe qe nuk perjashtohen dhe mesazhet qe i drejtohen kryeministrit, zv/kryeministrit si dhe ministrave.
Sipas burimeve prane qeverise, mesatarisht ne numrat e gjelber priten rreth 15 20 telefonata ne dite, nderkohe qe gati 50 perqind e tyre i perkasin fushes se denoncimeve per problemet e tjetersimit te prones, si dhe te zvarritjes se zgjidhjes se problemeve te tyre nga administrata shteterore si ne nivel lokal edhe ne nivele te tjera.

Keto numra kane sherbyer kryesisht per nje komunikim te shpejte me publikun ne zbatim edhe te programit qeverises, qe ka marre persiper te sjelle prane qytetareve, qeverine e sherbimit dhe sherbesave. Te njejtat burime, saktesojne se eshte rritur volumi i numrit te letrave te publikut, deri ne katerfishimin e tyre.

Te gjitha ankesat dhe denoncimet, pasi perpunohen nga personi pergjegjes, adresohen ne Departamentin e Kontrollit te Brendshem dhe Antikorrupsionit, i cili ndjek nepermjet procedurave ligjore zgjidhjen e tyre. Vetem ne 6 mujorin e kaluar ketij departamenti i jane percjelle rreth 860 denoncime te ketij lloji.

Sharra: Ndihma qytetare, ka qene vendimtare
"Ndihma qytetare ka qene jo vetem shkendija e pare, por edhe burimi shume i madh i informacionit per te arritur tek e verteta dhe per te zbuluar fijet e korrupsionit dhe gjendjet korruptive perfituese nga fondet publike etj" deklaroi dje shefi i Sektorit per Marredheniet me Publikun ne Keshillin e Ministrave, Elham Sharra.

Ai shpjegoi procedurat qe ndiqen nga ky sektor qe nga momenti i vendosjes se kontaktit me publikun e deri ne zbulimin e vertetesise se nje denoncimi dhe hapat ligjore qe ndermerren me tej. Duke iu referuar pikave te kontaktimit me qytetarin, z.Sharra theksoi se "perveç kontakteve fizike dhe sherbimit postar ose postes elektronike, denoncimet ose ankesat, qytetaret mund t'i adresojne edhe nepermjet numrave te gjelber pa pagese".

Ne kete drejtim, z. Sharra sqaroi se "me te gjitha ankesat ose denoncimet ndiqet e njejta procedure, pasi shqyrtohen ato adresohen ne organet perkatese qe i ngarkon ligji per t'i zgjidhur, sipas problematikes se ankeses ose denoncimit".

Bazueshmeria ligjore per zgjidhjen e tyre eshte Kodi i Procedurave Administrative, por edhe Kushtetuta dhe ligjet e tjera specifike dhe organike sipas fushave qe u perkasin keto ankesa. Ne kete drejtim, z.Sharra theksoi se "shqetesimet e qytetareve lidhen me problemet qe po perjeton shoqeria shqiptare sot, ne menyre te veçante marredheniet publik administrate shteterore".

"Ka denoncime qe jane te fushave te ndryshme kryesisht te problemeve te sjelljes jokorrekte te administrates shteterore ndaj qyetareve per sjellje dhe qendrime abuzive dhe per qendrime korruptive, nderkohe qe mbi 50 perqind e shqetesimeve te kontaktuara me telefon i perkasin fushes se denoncimeve qe kane te bejne me probleme te tjetersimit te prones", tha zoti Sharra.

Sipas tij, "keto ankesa merren dhe perpunohen nga personi pergjegjes, u jepen rekomandime qytetarit dhe denoncimet adresohen ne Departamentin e Kontrollit te Brendshem dhe Antikorrupsionit". "Ky departamant ben plotesimin e dosjeve perkatese dhe i ndjek ato ne rruge administrative dhe rruget te tjera qe atyre u dikton ligji se si duhet te operojne", tha zoti Sharra.

Ne kete drejtim, ai theksoi se "ne 6 mujorin e kaluar jane bere rreth 860 denoncime te ketij lloji, qe Sektori per Marredheniet me Publikun i ka percjelle ne kete departament ose ne linjat e tjera nderministrore sipas fushes qe mbulon çdo ministri".

Mbasi behet kjo percjellje e ankeses ne Departamentin e Kontrollit te Brendshem dhe Antikorrupsionit, behet hetimi administrativ dhe qytetarit i shkon nje pergjigje ku flitet se çfare u konstatua.

KJ

[Albo]

Kryeministri u kërkon anëtarëve të kabinetit që të verifikojnë problematikat që ngrejnë telefonuesit


Berisha ministrave: “Hapuni telefonin qytetarëve”

“Asnjë qytetar të mos ngelet pa iu kthyer një përgjigje. Ky është edhe një prej premtimeve tona elektorale”

Të mos shmangen kontaktet e qytetarëve në dikastere! Ky ka qenë mesazhi përmes të cilit kreu i qeverisë ka vendosur të delegojë te ministrat angazhimin e tij për të komunikuar me publikun, sidomos kur ai shfaq problematika apo kur përmes kërkesave përputhet me atë që PD-ja ka premtuar në fushatë. Burime pranë Berishës kanë konfirmuar për gazetën “TemA” se, komunikimi përmes mesazheve apo kthimit të përgjigjeve me letra ka qenë një mision i përditshëm i shefit të qeverisë, ndërkohë që një gjë të tillë ai ua ka kërkuar edhe ministrave, për të bërë të mundur jo vetëm zgjidhjen e problemeve, por edhe për të dhënë mesazhin që qeverisë së premtuar, atë të një qeverie në shërbim. “T`u kthehet përgjigje të gjitha letrave dhe telefonatave që vijnë në adresën tuaj. Asnjë qytetar të mos ngelet pa iu kthyer një përgjigje. Ky është edhe një prej premtimeve tona elektorale”, - është shprehur kryeministri Berisha në mbledhjen e fundit të qeverisë, duke i kujtuar pjesëtarëve të kabinetit, të PD-së apo aleatëve, se mesazhi i publikut do të jetë vendimtar jo vetëm për rezultatin e qeverisë, por edhe për zgjedhjet e ardhshme.

Shmangiet burokratike

Shefi i qeverisë në disa prej ndryshimeve në ligje të ndryshme ka vënë theksin në shmangien e barrierave burokratike për qytetarin, sidomos në fushën e biznesit dhe në shërbime që kanë të bëjnë me hipotekat apo marrjen e dëshmive të ndryshme. Në të njëjtën kohë, Berisha u ka kërkuar ministrave që në bashkëpunim me deputetët të përballen me të gjitha kërkesat e qyetarëve, sidomos me elektoratin që ka besuar te reforma e PD-së.

Lidhur me kontaktet me publikun, shembullin e parë e ka dhënë vetë kryeministri Berisha, i cili ka lënë në dispozicion numrin e tij të telefonit për të gjitha kërkesat dhe shqetësimet e qytetarëve. Në të njëjtën kohë, zyra e pritjes së ankesave thotë se, ka patur një interesim në rritje të qytetarëve, të cilët kanë nisur të besojnë te ky komunikim. Prej kohësh, shumë qytetarë u drejtohen punonjësve të kësaj zyre, ndërkohë që me porosi të shefit të qeverisë, të gjitha letrat u nisen dikastereve me kohë të përcaktuar për përgjigje. “Ju nuk duhet të shmangni verifikimin e problemeve të ngritura”, - mësohet t’u ketë përsëritur Berisha ministrave, duke iu kujtuar se, verifikimi i çështjeve do të jetë gjithnjë pjesë e analizës së punës mes kabinetit.

Tema