Berisha ministrave: Shkatërroni “modulin Rama”, vidh e puno

[Xhuxhumaku]

Edi Rama ky luan mjeran

Nga Adrian Dule -

“Madhështi e marrëzisë” e titullon veprën e tij satirike Erasmi në shekullin e gjashtëmbëdhjetë, për tju kundërvënë obskurantizmit e për të ngritur lart humanizmin e shekullit të artë të rilindjes.Personazhi i marrëzisë( që simbolizohet nga një grua e cmendur, me këmborë të shumta të varura në vesh) fillon të “gjykojë” ARSYEN që ishte kundërshtarja e saj.A mund të gjykohet apo drejtohet arsyeja nga marrëzia? C’do njeri normal që jeton në shtrirjen tokësore prej 28 mijë km katror të Shqipërisë e di mirë se është qesharake një gjë e tillë, po aq sa c’ishte katër shekuj më parë.Megjithatë Erasmi pati arsyet e tij që shkroi këtë satirë, ashtu sic edhe sot qëndron një arsye që të detyron ti referohesh. Ne qeshim me marrëzinë, pa kuptuar e pranuar që gjykohemi,drejtohemi e vuajmë pikërisht nga marrëzia, të cilën e votojmë me zell cdo katër vjet, nën emrin politikë.E njejta gjë ka ndodhur shekuj më parë me popullin e Erasmit dhe e njejta gjë po ndodh sot me popullin tonë. Teksa PS-ja ishte në pushtet, cdo ligj, vendim e veprim ekonomik apo politik kundërshtohej me marrëzi patologjike pa u analizuar aspak nga opozita, ose duke u analizuar për të gjetur kleccka kundërshtimi me lojra fjalësh për të coroditur arsyen.Ndërsa PD- ja është në pushtet, PS-ja me aleatët i kthen faturën mbrapsht akoma më egër dhe në mënyrë të sofistikuar duke coroditur akoma më keq arsyen.Në gati një vit qeverisje të së djathtës, me marrëzi të paparë e majta nuk bie dakord absolutisht me asgjë të realizuar nga qeveria e djathtë. Jo vetëm kaq, por në ndryshim nga koha kur PD-ja ishte në opozitë dhe përfshinte partitë e vogla të djathta nën zërin Berishian, sot janë partitë e vogla të majta që vendosin rregulla bojkoti dhe demostrime rruge në PS, pasi kryetari i ri reformator nuk ka kurajo.Kryetari i ri i PS-së të kujton personazhin e luanit pa kurajo të filmit për fëmijë “Magjistari i Ozit” të realizuar mrekullisht nga Holliwoodi.Ky luan i mjerë ju bashkangjit grupit duke qarë, për të shkuar tek “Magjistari i Ozit” që ti kthente kurajon e humbur.Po ky luani jonë i PS-së i quajtur Edi ku e humbi kurajon që po e kërkon? Kur u bë ministër kulture nga Nano dhe ktheu në identitet ministritë, apo kur u bë kryetar bashkie i Tiranës dhe ndërtoi pallate pa fund me bukuroshin e digës së liqenit Blendi Gonxhe(tharin).Këtë e di “Magjistari i Ozit” që mund të jetë Sollaku, Nano, Meta etj. A ka mundësi që qeverisjet e majtë apo të djathtë të mos kenë bërë qoftë edhe një ligj, vendim apo veprim që tja vlejë? Natyrisht që kanë bërë, por madhështia e marrëzisë së politikës shqiptare nuk mund të pranojë asgjë të realizuar nga pala kundërshtare, duke mos treguar asnjë cast sens civilizimi dhe kulture.E sic duken punët as që ka për të ndryshuar kjo filozofi politike tepër arkaike, kur sheh të majtën të flasë për reforma dhe harron se reforma e parë është ARSYA dhe jo marrëzia për të kundërshtuar cdo gjë.Nëqoftëse PD-ja në opozitë ka vepruar gabim duke kundërshtuar vend e pa vend nuk do të thotë që edhe PS- ja të bëjë të njejtën gjë sot që është në opozitë.Arsyeja e këtij populli të vuajtur sa vjen e coroditet akoma më shumë teksa sheh bojkote parlamenti, sherr ,sharje dhe mbi të gjitha mospranim të asgjëje të realizuar nga qeveria.Cdo gjë është gabim sipas të majtës, duke filluar nga reforma zgjedhore,zëvendësimet në KLD, emërimet në MPJ,provimet e maturës,rritja e aksizës të mallrave të “forta”,cështja Sollaku,buxheti shtesë abuzues,ligji i pagave antikushtetues,ligji i mediave,ligji i pronave,lufta kundër kriminalitetit është farsë,epidemia e verdhëzës,shtyrja e marrëveshjes së tregtisë së lirë me BE,gjendja e paraburgimit skandaloze,firma e Zogut të zi” punon pa leje, e deri edhe mbledhja e komisionit qendror për statusin e dëshmorit sabotohet nga qeveria. E sa e sa të tjera që nuk mjaftojnë faqe të tëra gazette për ti renditur kundërshtitë e madhështisë së marrëzisë.Më e fundit dhe më absurde është edhe zhdukja në det e helikopterit duke hedhur akuza të cilat në thelb e bëjnë më të fortë ministrin Olldashi në poltronin e tij, pasi kalojnë edhe kufijtë e marrëzisë.Në një vend të civilizuar të botës cdo drejtues do të jepte dorëheqjen automatikisht pas një ngjarjeje akoma më të vogël se kjo, pasi nuk ka nevojë për akuza, por thjesht përgjegjësia morale mjafton.Në Korenë e Jugut para disa vitesh kryetari i bashkisë dha dorëheqjen kur u shemb një urë e cila nuk ishte ndërtuar gjatë kohës së mandatit të tij.Ndërsa e majta tek ne akuzon marrëzisht Olldashin i cili me të drejtë pas kësaj nuk ka sesi të japë dorëheqjen pasi do të pranojë një faj që nuk e ka bërë.Nuk e lanë këtë ministër të ndjejë përgjegjësi morale, por e godasin për përgjegjësi administrative duke mos kuptuar se përgjegjësia morale në botën e civilizuar ka peshë shumë më të madhe për klasën politike. Sulmo, dil në rrugë protesto,kundërshto gjithshka, shkatërro arsyen dhe fut marrëzinë në popull që të marrësh pushtetin.Kur marrëzia kapllon popullin ndodh si në 97 dhe ruajna zot të ndodhë sërish.Sidoqoftë politikanët e marrë e dinë mirë që për herë të dytë marrëzia kolektive e arsyes nuk do ti kursejë por do ti lincojë për të rifituar arsyen e humbur nga madhështia e marrëzisë së kësaj kaste cmendurake me këmborë në vesh. Nuk mendojnë drejtuesit e së majtës se ka ardhur koha që PS- ja të tregojë civilizim dhe jo marrëzi? Pra të mos i kthehet PD-së me të njejtën monedhë, por të reformojë si opozitë konstruktive moralin e vjetëruar dhe satirik të madhështisë së marrëzisë?. Nuk do të ishte më mirë që të pranojë ato suksese që kjo qeverisje ka arritur dhe paralel të godasë fuqishëm gabimet e saj? Të tregohesh i arsyeshëm nuk është dobësi, por kulturë dhe reformë në mentalitetin politik të kalbur që po na mbyt të tërëve.Këtë kreu i PS-së duhet ta kuptojë sa nuk është vonë.

SOT.

[Homza]

Edi Rama eshte nje tru tul ne poilitike ama ne vizatim ky te tha. ky ben per msus vizatimi por jo per lider shqiptaresh, po edhe per kryetar bashkie TR por per asigjo tjeter.

[Brari]

RD
Skandal. Ja si shpërdorohen paratë e taksapaguesve të Tiranës nga kryetari i bashkisë


Rama, 400 mijë USD vetëm për një reklamë


Edi Rama ka vendosur të shpenzojë 400 mijë dollarë nga fondet e Bashkisë së Tiranës për fushatën elektorale të Partisë Socialiste. Në muajin qershor, Rama zhvilloi tenderin që gropos 400 milionë lekë të buxhetit për spote televizive me karakter të theksuar politik dhe kundër reformave të qeverisë Berisha.. Rama zgjodhi sërish të zhysë duart në arkën e shtetit për interesat e tij të pista dhe të vogla, që janë zgjeruar qysh prej ditës kur u bë edhe kryetar i Partisë Socialiste.

Kryetari Rama që i ka shkrirë në xhepin e tij financat e PS-së dhe ato të Bashkisë e Tiranës, ka gjetur një mënyrë sa origjinale dhe antiligjore për të bërë propagandë për veten, për partinë, si edhe për të shtuar zero në llogaritë e disa televizione që ai po kërkon t'i ketë pro vetes. Tenderi duket se është bërë në kohën e duhur, për të ndihur Ramën në rikandidimin e tij për kryetar të Bashkisë së Tiranës, si edhe Partinë Socialiste në zgjedhjet e ardhshme lokale.

Me 400 mijë dollarë, nuk ka asnjë dyshim se Rama ka krijuar një epërsi të konsiderueshme në prag të fushatës së zgjedhjeve lokale përballë rivalëve të tij të mundshëm në PS, në radhët e së majtës, apo edhe nga forcat e tjera politike. E njëjta gjë mund të thuhet edhe për Partinë Socialiste, që ka marrë qyl mjete të jashtëzakonshme financiare për fushatën e saj, falë mjeshtërive të kryetarit me dy karrige, që kësaj radhe - megjithëse prapë nga arka e shtetit - ka vendosur të lërë mënjanë dicka për forcën e tij politike, dhe nuk i rrasi në xhepat e tij.

Në ditët që vijnë ne do të shohim çdo ditë Ramën dhe marrëzitë e tij në pesë televizione njëherësh, falë zemërgjërësisë së kryeqytetasve që kanë paguar rregullisht taksat dhe faturat e Ramës. Janë 400 mijë dollarë që do të përdoren për të mos na e hequr Ramën dhe ligësitë e tij për të paktën 1800 herë nga ekranet e televizioneve të Tiranës, aqsa do të jetë edhe numri i përgjithshëm i shfaqjeve të 24 spoteve televizive në pesë stacione të ndryshme televizive.

Të gjithë i kujtojmë spotet personale të Edi Ramës me siglën e Bashkisë së Tiranës në dy dyert e ferrit të parave të taksapaguesve shqiptarë. Të gjithëve na kanë mbetur në mendje vetëm sharjet dhe akuzat ndaj opozitës së dikurshme, apo qeverisë dhe mazhorancës së sotme. Nuk pritet të ketë kurrfarë surprize tjetër në përmbajtjen e tyre. Rama do të vazhdojë të na bindë edhe më tej se përveçse hajdut është edhe një pervers i pashpresë.

Nisur nga frika që e ka zënë atë dhe të majtën për humbjen e pritshme në zgjedhjet e ardhshme lokale, Rama nuk është çudi që muajin tjetër të bëjë një tender të ri për 24 spote të tjera, për 1800 shfaqje të tjera, dhe sërish me fondet e buxhetit të Bashkisë së Tiranës. Kjo që po bën kësaj radhe është një reklamë, një fushatë publicitare që do ta shohim pesë ditë me radhë në pesë televizione të ndryshme.

Të gjithë ndihemi të grabitur me hajdutëritë pafre të Ramës, por kur e shikon kaq qartazi se si ky i papërgjegjshëm shpërdoron miliona e miliona që mund të shërbenin për të ndihmuar gjithë vitin me asistencë 2000 të varfër të Tiranës, për të ushqyer gjithë vitin 6000 të uritur, për të strehuar me një shtëpi modeste të paktën 30 familje të pastreha të Tiranës, për të punësuar gjithë vitin të paktën 450 të papunë, për të përmirësuar ambjentet e çerdheve, kopshteve dhe shkollave të Tiranës, për të përmirësuar rrugët, ambjentet publike, etj, etj.

Rama nuk do të t'ia dijë për asnjë nga këto. As të varfërit, as të uriturit, as të papunët, as të pastrehët, as fëmijët, as nxënësit, as pleqtë, asgjë që nuk shuan etjen e tij për pushtet dhe zgjat ditët e qëndrimit në dy karriget e kryetarëve nuk është në vëmëndjen e Ramës. Ndaj Rama po thërritet ish-kryetari i Bashkisë. Kur vjen puna tek paratë, tek shpërdorimet e buxhetit të Bashkisë së Tiranës, ne vazhdojmë të vuajmë Edi Ramën.






Biçoku i kërkon Bashkisë të zbardhë vendimet e miratuara në mbledhjen e KRRT


Rama bllokon 280 leje ndërtimi


Moszbardhja e lejeve të ndërtimit vazhdon të mbetet problematike për ndërtuesit, pasi këta të fundit nuk mund të fillojnë punimet edhe pse projekti teknik ka gjetur miratim. Miratimi i projekteve teknike të miratuara nga KRRT-ja e Bashkisë së Tiranës për vitin 2006 nuk kanë gjetur asnjëherë zbatim në sektorin e ndërtimit. E gjithë kjo situatë frenuese në sektorin e ndërtimit ka ardhur nga veprimet antiligjore të kryetarit të Bashkisë së Tiranës, Rama, i cili nuk ka zbardhur lejet e ndërtimit dhe dhënien e tyre ndërtuesve. Për vitin 2006, rezultojnë që Bashkia e Tiranës të mos ketë zbardhur 280 kërkesa, të cilat kanë gjetur miratim në KRRT gjatë zhvillimit të mbledhjeve.

Moszbardhja e lejeve të ndërtimit dhe grumbullimi i tyre ka sjellë që mazhoranca të mos jetë e pranishme në mbledhjen e djeshme. Përfaqësuesi i mazhorancës në KRRT dhe njëherësh drejtori i Përgjithshën i Drejtorisë së Planifikimit Urban dhe Rregullimit të Territorit, Marin Biçoku, gjatë një konference për shtyp ka kërkuar zbardhjen e të gjitha vendimeve të marra nga KRRT-ja, detyrë kjo e sekretarisë teknike dhe e Drejtorisë Urbanistike në Bashki. Gjithashtu, sipas Biçokut, moszbardhja e lejeve të ndërtimit po përdoret politikisht nga Rama në mitingjet që ai kryen. Ndërkaq, Biçoku, duke treguar para mediave pirgun e madh të projekteve teknike të miratuara nga KRRT-ja, por që nuk janë zbardhur nga Rama, është shprehur se, "KRRT e Tiranës gjatë vitit 2006 ka kryer një punë tepër voluminoze mjafton të shikoni këtë mal me letra. Ne kërkuam jo më shumë dhe jo më pak sesa zbardhjen e vendimeve teknike që ne marrim në mbledhjet e KRRT-së dhe mospërdorjen e KRRT-së politikisht në mitingje. Ne i kërkojmë Bashkisë së Tiranës vetëm korrektesi teknike". Sipas drejtorit të Përgjithshëm të Planifikimit Urban dhe anëtarit të KRRT-së, Biçoku, është bërë e ditur se për vitin 2006 janë miratuar nga KRRT 280 projekte teknike, por të gjitha këto rezultojnë të pazbardhura.






Rama kërkon bllokimin e punës tek Zogu i Zi


Biçoku ka akuzuar Bashkinë e Tiranës për pengesën që ajo po krijon në rehabilitimin e Zogut të Zi. Bashkia e Tiranës duhet të shpjegojë pse nuk kërkon të shpallë konkursin për zhvillimin urban pranë zonës së kryqëzimit të Zogut të Zi. Janë 280 kërkesa të trajtuara nga KRRT-ja e Tiranës gjatë vitit 2006, le të vijë dhe të thotë a janë bërë zbardhjet e 280 kërkesave?", ka përfunduar Biçoku. Zhvillimi i mbledhjeve të KRRT-së dhe bllokimi i tyre nga kryetari i Bashkisë, Rama, është diskutuar dhe në një takim të zhvilluar me kryeministrin Berisha, ku ndërtuesit i kërkuan atij të mos pengohej zhvillimi i sektorit të ndërtimit. Ndërkaq, zvarritjet e ndërtuesve për marrjen e lejes së ndërtimit mbajnë emrin e Ramës, i cili vazhdon ta përdorë KRRT politikisht. Projektet e paraqitura nga ndërtuesit në mbledhjet e zhvilluara në vitin 2006 janë miratuar, por këta të fundit nuk kanë marrë formularin e zbardhur të lejes së ndërtimit, arsye kjo që nuk sjell fillimin e punimeve, pasi Rama vazhdon që zbardhjen e tyre ta përdorë politikisht.

[King_Arthur]

robert cimcakizi vetem per te bere pallatet me lara si ne kabul eshte per asnje gje tjeter nuk eshte .

[King_Arthur]

Bashkia e Tiranës nuk pranon të zbardhë 280 vendime të KRT-së



Bashkia e Tiranës pretendon, me anë të drejtorit të Urbanistikës së Tiranës, se mazhoranca po saboton mbledhjet e KRTSH-së, ndërkohë që sekretari i kësaj strukture, Marin Biçoku, zbulon se kryebashkiaku Edi Rama, prej muajsh po refuzon, pa asnjë arsye, të zbardhë mëse 280 vendime të marra nga KRT e kryeqytetit



Bashkia e Tiranës shprehu dje shqetësimin e saj, lidhur me moszhvillimin e mbledhjeve të KRRT-së, duke e cilësuar këtë si pengesë në zhvillimin e qytetit dhe sektorit të ndërtimit. Gjatë konferencës së djeshme për shtyp, drejtori i urbanistikës në Bashkinë e Tiranës, Dritan Agolli, akuzoi në mënyrë direkte strukturat e Ministrisë së Punëve Publike, Transportit dhe Telekomunikacionit që, sipas tij, kanë vonuar për ditë me radhë përgjigjet ndaj qindra kërkesave nga qytetarë apo subjekte, për leje ndërtimi. “Si rezultat i mosmbledhjes së KRRT-së, komuniteti i ndërtuesve dhe arkitektëve, po përballet me një situatë tërësisht të panjohur më parë, ku cënohet e drejta e tyre për punë”, tha ai, duke shtuar se kjo situatë, gjithashtu, është një pengesë për qytetarët e Tiranës, të cilët presin përgjigje në lidhje me problemet që për të marrë zgjidhje, janë në kompetencën e KRRT-së. Por vetë sekretari i KRTSH-së, Marin Biçoku, gjatë një reagimi të menjëhershëm, duke treguar një mori dosjesh, tha se e verteta qëndron krejt ndryshe dhe se brenda këtij viti, Bashkisë së Tiranës i është kërkuar zbardhja e 280 vendimeve për leje ndërtimi, gjë që institucioni që drejtohet prej kreut të Partisë Socialiste, nuk ka denjuar ta kryejë. Po ashtu, Biçoku bëri përgjegjës kryebashkiakun Rama, se është ky i fundit që, me ish-mbikalimin e “Zogut të Zi” apo me tjetërsimin që ka lejuar, në disa ndërtime në zona të ndryshme të kryeqytetit, po pengon zhvillimin e Tiranës dhe, jo KRTSH apo Ministria e Punëve Publike, Transportit e Telekomunikacioneve, që po përpiqet të kompensojë, sadopak, efektin e neglizhencës së tij, sidomos që prej kohës që është zhvendosur në selinë rozë.


gazeta 55

[Brari]

Kompleksi i Rozafës

Nga Ylli XHAFERRI


Të vjen mirë kur sheh që në vendin tënd ndërtohet, madje lehtësohesh, kur kujton mungesën përjashtuese për shtëpi në kohën e socializmit fitimtar, vëllezërit që të martoheshin detyroheshin të ndanin me çarçafë dyshë e treshë dhomën, plotëpjestonin mes tyre krevatin e prindërve, për të cilët rregullohej aneksi i ngushtë i mungesave rrënuese. Ndërtime ka me bollëk, por Rozafati shqiptar nuk po ka të ndërtuar për familjarët e lodhur në kërkim të një shtëpie, vatrës së dëshiruar përjetësisht nga etnia e brezave. Psikologjia shqiptare pasjen e një shtëpie të vetën, e ka ngjizur si fiksion, kod etik dhe moral, nga e cila nuk mund të shpëtojnë çiftet e sapomartuara, kurrësesi të vjetrit. Shtëpia ishte gjithçka dhe shumëçka në fukarallëkun dhe detin e mungesave, por ama ishte. Diku me qerpiç, diku kullë, diku përdhese, diku me avlli, mbuluar me furde, tjegulla, rrasa guri, me frëngji dhe dritare, por etnopsikologjia kombëtare nuk njihte njeri pa shtëpi, lis të gjakut apo tamlit pa kullën, mitrën e përjetësisë, pa odën e burrave, vatrën e zjarrit, odën e miqve, aty konturohej krushqia, vazhdimësia, nderi, edukata, trimëria. Pa shtëpi dhe shenjtërinë e hijes së saj, shqiptari nuk mund të ndjehej i plotë. Pikërisht mbi këtë simbol të vetëdijes dhe ekzistencës së tij u sulën herë armiqtë historikë, herë marritë e veta, duke shembur, rrënuar dhe lënë gërmadhë traditën ndërtimtare. Sot, jemi vetë dëshmitarë të mungesave të simboleve të historisë, dokumentave mitikë, altareve të munguara për kohën tonë.

Shtëpia ishte familja, nderi, mirëqenia, faqja e bardhë, prandaj gjithë jeta e tij ishte në shërbim të ndërtimit, konsolidimit, krijimit dhe sigurisë së saj. Jo rastësisht në qoshet e gdhendura të shtëpive skalitej një gjarpër, për të thënë kërcënueshëm kush prekte në të, nder a pasuri qoftë, e skepte gjarpëri. Në Kanun ka nene dhe mbrapshtina të tërë për qenin, mënyrën e lidhjes dhe lëshimit të tij, se shtëpia e shqiptarit ishte e mikut dhe udhëtarit. Pikërisht që të ndjehej i pakufizuar për të hyrë në të, kodoheshin oraret e qenve ruajtës. Socializmi me fjetoret dhe vendbanimet që mbolli kuturu e nëpërkëmbi simbolin "shtëpi", për më tepër kur pallatet kolektiviste mbinë gërxheve dhe shpadinave të maleve. Uniformiteti në arkitekturë dhe konstruksione, vobekësia funksionale, ngushtësia hapësinore, krijuan një marrëdhënie të brishtë të njeriut të ri me shtëpinë. Rozafa socialiste nuk arriti të përfundonte së ndërtuari, jo se shëmbej nga jashtë, por vetëshembej së brendëshmi nga filozofia shterpë e marksizëm-leninizmit.

Kjo gjëmëkohë u tret pas. Megjithatë Rozafati i jetës ndërtimore gjatë tranzicionit të gjatë mbetet gërmadhë, muret nuk lidhen, rrëzohen, shemben, kishin nevojë për kurban, blatim, murim. Në themelet e saj nuk pritej të murohej reja, nusja e vogël, që u flijua me dëshirë dhe vetëdije në emër të kështjellës mitike të birit, rrënjëve të fisit dhe ardhmërisë mashkullore, por duhej munxosur, sikterrosur dhe groposur babazia, korrupsioni, pastrimi i parave të pista që rrjedhin lum mbi këtë biznes që nëpërkëmbet e përtallet me dëshirën sublime të njerëzve të thjeshtë e të ndershëm për një shtëpi, një çati mbi kokë. Njeriut i duhen jo tre kut tokë, as dhe një çiflig, por e gjithë bota, gjithë natyra, në hapësirat e së cilës ai mund të zhvillojë dhe të shfaqë vetitë e shpirtit të tij të lirë. Shqiptarët të lodhur nga kruspullimi i këmbëve se jorgani socialist ishte tmerrësisht i shkurtër, i shtrinë e ç'mpinë ato menjëherë, duke ndërtuar shtëpi të mëdha, vila e pallate. Lëvizjet demografike me përhapje epidemike, bëri që të hynin në demokraci me mjete e mundësi ndërtimi të trashëguara nga ekonomia dhe mendësia socialiste. Jeta përbëhet nga puna dhe fjala, kush i ka në rregull këto dy anë të jetës, mund të thotë se ka jetuar. Betoni i bunkerëve u zëvendësua me blloqet, të cilët fituan qytetarinë në sektorin e ndërtimeve. Shpenzime të tepërta, kursime refugjatësh që groposeshin nxitimthi në ndërtime që koha i zhvleftësonte shpejt, njëfrymësh. Ndërtohej në ara, pakësohej hapësira e mbjelljeve, ndërtohej në lugina lumenjsh e përrenjsh, rrezik potencial përmbytjesh dhe jetësh njerëzore. KRRTRSH-ja gjatë qeverisjes socialiste bënte punën e hijeve të natës që, shembnin Rozafën e baladës së dikurshme. Ndërtimet shkatërronin plazhet, sheshet, hapësirat e gjelbërta, fasadat, arkitekturën qytetase. Gjëmën e bënte ryshfeti, nepotizmi, suporti politik. Shëmbeshin shtëpitë prej blloqesh dhe ndërtoheshin me tulla. Ballkone të pafundme qerthullonin shtëpinë, hapësira jofunksionale që gllabëronin kursime të tëra, fituar me gjak e djersë të ndershme, por që hidheshin në erë për maniera dukjeje dhe krenari falco. Megjithatë për hirë të së bukurës tolerohet dhe falet shumë. Dora-dorës ndërtimeve të ulta, vilave vetjake filloi tua zënë vendet pallatet, katet e të cilëve rriteshin sipas dëshirës dhe vlerës së lyerjes së ingranazheve korruptivë. Kështu që Rozafa e re shëmbej pak e nga pak, jo netëve, por në dritë të diellit, në mbledhjet e KRRT-së, herë nga aferat e Nanos e herë të Ramës, deri poshtë nga orbitat e sputnikëve të tyre që fitonin miliarda në mblesëri me krimin e organizuar, që dora-dorës po kthehej në sponsorin kryesor të ndërtimeve, ose fitimeve përrallore e astronomike pa djersën e mundin e punës. Puna të largon tri të këqia të mëdha, mërzinë, vesin dhe nevojën. Sektori i ndërtimit nisi punën me dy mundësi që nuk ishin transparente që në fillime, e nuk mundej kurrësesi të kthjelloheshin gjatë turbulltirës së qeverisjes socialiste.

Së pari: Zënia e hapësirave boshe nëpër qytete dhe sheshe nga mblesëria me pushtetarët e korruptuar, po me heshtjen e tyre të dënueshme fillonte shtimi i kateve si për t'i bërë karshillëk Rozafës së baladës. Sot, nuk gjen vend ku të hedhësh kokrrën e kripës, hapësira jetike për të ndërtuar Rozafatin tonë, është zënë. Për ta fituar atë duhet reformuar kështjella e hipotekave dhe komisioni i kthimit të pronave. Pikërisht kjo i acaron opozitarët, të cilët Razafën e duan të pambaruar.

Së dyti: Leku i pakontrolluar dhe i paçertifikuar nga djersa e ndershme, vuri në lëvizje industrinë e ndërtimit, por njëkohësisht pasuroi, bëri mbishtetin brenda shtetit, kur nëpër llogaritë e firmave hynin edhe ato pak lekë që vetë shteti hidhte nëpër tendera. Nëqoftëse bukën e ke nxjerrë me punë të ndershme, mos u druaj ta hashë edhe në mes të rrugës. Por opozita thërret e qaravitet për çdo masë antikorrupsion, për çdo rremb transparence dhe kontrolli që ndërmerr Qeveria Berisha. Shiheni pyllin e kartonave mungestar në kahun opozitar të Kuvendit, mungojnë e mungojnë pambarimisht në seanca. Rozafa nuk ndërtohet kështu, ajo vetëm pëson fatin tradicional, veç shembësit nuk mbeten më anonimë, janë të përvetshëm dhe lehtësisht të identifikueshëm.

Së treti: Flirtet ndërtues-pronarë shtëpish qerpiçi, oborresh me igrasi e lagështirë, si dhe guximi i bymyer për të zënë sheshet e pleqve dhe parqet e lojërave të fëmijëve, deri në oborre shkollash e fakultetesh, flet për një moral të dyshimtë të botës së ndërtimit. Njeriu është si një thysë, ku numëruesi tregon atë që është në të vërtetë dhe emëruesi atë që beson se është. Sa më i madh emëruesi aq më e vogël thysa. Ky apel qytetar duhet të ushtojë në botën e biznesit të ndërtimit.

Së katërti: Puna në të zezë, mos pagimi i sigurimeve shoqërore, shfrytëzimi deri në palcë i forcës së lirë të krahut, bën edhe një herë prezent, biznesin jo korrekt të ndërtimorëve. Për çdo njeri ka një lloj pune me të cilën ai do të bëhej i dobishëm për shoqërinë, duke gjetur njëkohësisht lumturinë e vet. Lumturia e biznesmenëve të ndërtimit nuk duhet të ngrihet mbi rrënimin dhe fatëkeqësinë e të tjerëve. Jemi dëshmitarë të vdekjeve, jo të rralla, nga kushtet e sigurimit teknik fiktiv.

Së pesti: Bota e krimit, droga dhe trafiku i qenieve njerëzore dhe mishit të bardhë, lekët që kullonin gjak e lot investoheshin në ndërtime ku përqindjet e çmendura ishin njëlloj si të fitoje lekë me fajde.

Këto praktika mbetën pas. Morali i ri qeverisës i Kabinetit Berisha ka nisur në front të gjërë reformimin dhe katarsisin moral, politik, administrativ, ekonomik dhe juridik të këtij sektori jetik për jetën e vendit. Rozafa e re demokratike ka nisur të duket, muret e saj mbruhen me djersë të pastërt, aliazhi i vetëm i mbarësisë dhe qëndresës.

rd

[Brari]

Denoncohen skandalet e kryebashkiakut. Vendimet janë zbardhur në kundërshtim me atë që është votuar në mbledhje e KRRT-së së Tiranës


Hidhen poshtë projektet e Edi-mafias së ndërtimit


Mbledhja e djeshme e KRRT-së ka reflektuar në mënyrë që qartë skenarin antiligjor të kryebashkiakut Rama për përdorimin politik të këtij institucioni. Politikat klienteliste të kryesocialistit Rama në interes të mafias së ndërtimit të përkrahura prej tij, kanë sjellë dje në mbledhjen e këshillit bashkiak për miratim katastrofat urbanistike. Në projektet urbanistike të miratuara nga Bashkia e Tiranës, të paraqitura nga studiot private, të cilat mbanin të fshehur emrat e firmave të ndërtimit që do të zbatonin projektet kanë pasqyruar në mënyrë të qartë uzurpim të sipërfaqeve të gjelbëra të kryeqytetit, në kundërshtim të ligjit për t'i kthyer në sheshe ndërtimi sipas interesave të Ramës.

Anëtarët e mazhorancës ndër të tjera kanë denoncuar në mbjedhjen e KRRT-së fshehjen e fakteve në studimet urbanistike të paraqitura dje në KRRT, duke theksuar faktin se një pjesë dërrmuese e vendimeve të marra në KRRT kanë rezultuar të zbardhura nga Bashkia e Tiranës, në kundërshtim më atë që është votuar. Më pas mazhoranca ka denoncuar rastet konkrete abuzive të kryetarit Rama, i cili ka miratuar leje ndërtimi në territor të gjelbër me gent planin përkatës. Sipas mazhorancës, këto mashtrime janë paraqitur në mënyrë të hapur, të zbatuara nëpërmjet politikave antiligjore të Ramës, ku ka rezultuar se në këto studime nuk ruhen kondicionet dhe cënohen sipërfaqet e gjelbërta, apo në projekte konkrete, si objektet parashkollore janë fshehur synimet për zëvëndësimin e tyre në katet e para të ndërtimeve shumëkatëshe që Rama ka parashikuar të kryejë.

Studimet urbanistike të cilat janë paraqitur për t'u miratuar në KRRT, të miratuara pjesërisht në vitin 2005, janë shfaqur me fshehje të zëvëndësimit të objekteve publike, sidomos atyre parashkollore, duke cënuar kështu istuticonet publike parashkollore, si kopshte dhe çerdhe. Gjatë zhvillimit të mbledhjes së djeshme përfaqësuesit e spektrit të djathtë, në çdo projekt të paraqitur ka qenë e vendosur për të siguruar zbatueshmërinë e ligjit, gjë e cila ka acaruar drejtorin e Drejtorisë Urbanistikë të Bashkisë, Dritan Agollin. Ky i fundit në çdo studim të jashtëligjshëm ka anashkaluar fshehjen e fakteve dhe të realiteteve nga Bashkia e Tiranës, të cilat cënonin hapësirën publike, edhe pse këto ishin mjaft evidente në hartat e azhornuara të projekteve të paraqituara para anëtarve të KRRT-së.

Në kundërshtim të ligjit, kryetari i Bashkisë Rama në kerkesat e bëra formalisht për ndryshimin e destinacionit të hapësirave publike ka miratuar fillimimisht lejet e ndërtimit, ku sipas ligjit të Urbanistikës lejet e ndërtimit nuk mund të miratohen pa u miratuar kërkesa për ndryshim të destinacionit të zonës. Pas denoncimeve të rasteve të njëpasnjëshme abuzive të kryera nga kryetari i Bashkisë, mazhoranca është tërhequr nga mbledhja e KRRT-së, duke i përsëritur edhe njëherë drejtorit të Urbanistikës, Agolli kërkesat e tyre ligjore të cilat po shpërfillen nga ky istuticion.






Studimet e Ramës ofrojnë degradim urban të Tiranës. Zëvëndësim të objekteve publike me kullat e mafias


Rama firmos shkatërrimin e kopshteve dhe çerdheve


Bicoku dhe "Në këtë raportim urbanistik ccdo gjë fshihet dhe gënjehet , duke sjellë pamundësi për vazhdimin e punës , pasi projekti është në kundërshtim me studimin urbanistik të miratuar , ku mungon e paraqituar zona ku janë 2 objektet parashkollore të miratuara në studimin e vitit 2005. Që të mos vazhdohet më me debate të këtij lloji ne kërkojmë të respektohet ligji dhe këto objekte të mos zëvëndësohen në objektet që do të ndërtohen, pasi nuk mund të vendosim interesin privat mbi atë publik."


Studimet urbanistike të paraqitura nga kryetari i Bashkisë, Edi Rama nuk gjetën miratim në mbledhjen e djeshme të KRRT, pasi miratimi i këtyre studimeve do të sillte një katostrofë urbane për kryeqytetin, pra shkatërrim të zonave të gjelbëra dhe të institucioneve parashkollore arsimore. Këmbëngulja e vazhdueshme e anëtarëve të mazhorancës për zbatueshmërinë e ligjit, për të gjitha studimet që kalojnë për miratim në KRRT-në e bashkisë, ka krijuar situata tensione dhe debate të ashpra me drejtorin e Urbanistikës së Tiranës, Dritan Agolli. Ky i fundit për rastet e paraqitura, ku janë evidentuar shkelje të rënda ligjore nuk ka reshtur së mbrojturi, duke iu përgjigjur kërkesës së ripërsëritur të anëtarve të mazhorancës me të njëjtin ton arrogant si të Ramës se, "jeni kujtuar shumë vonë për të kërkuar egzistencën e këtyre objekteve." Gjithashtu Agolli, nuk i është përgjigjur akuzave të mazhorancës për fshehjen e fakteve dhe të realitetit në projektet e miratuara nga drejtoria që ai drejton. Duke e ditur shumë mirë që ato cënojnë hapësirën dhe objektet publike nuk ka pranuar të lëshojë një relacion me shkrim në pasqyrim të situatës.

Fillimisht në mbledhjen e KRRT-së bashkia e Tiranës ka paraqitur "Mbivendosjen e studimit rrugor të parashikuar nga studimi i rikonstruksionit të bulevardit "Zhan Dark" dhe rrugës "Bajram Curri". Në studimin e miratuar nga Drejtoria e Urbanistikës së Tiranës, fillimisht kanë qënë të paraqituara ekzistenca e një kopshti dhe të një çerdhe shtetërore. Ndërkaq në sistemin e miratuar me kritere, në paraqitjen e tij në mbledhjen e djeshme të KRRT-së, Bashkia e Tiranës ka fshehur egzistencën e këtyre 2 objekteve parashkollore me qëllim zëvëndësimin e tyre, sipas interesave që ajo përkrah në katet e para të objektit 8 - katësh të parashikuar të ngrihet.

Anëtari i mazhorancës në KRRT dhe njëkohësisht dhe Drejtor i Entit të Banesave, Arben Qirjako, duke ju drejtuar Agollit tha se, "Në këtë projekt që ne kemi pëpara janë të fshehura egzistenca e një çerdhe dhe një kopshti, të cilat kanë qënë të paraqituara në studimin e mëparshëm. Në këtë rast kemi të bëjmë me një mashtrim të pastër dhe këtu ne denoncojmë fshehjen e objekteve sociale dhe mashtrimin tuaj për zbatueshmërinë e ligjit. Dhe sa kohë do të vazhdojë me mashtrime të tjera drejtoria e Urbanistikës? Kjo tashmë është një situatë e përsëritur abuzimesh nga Drejtoria e Urbanistikës dhe në këtë rast konkret kërkesa për rivlerësimin pjesor", nënvizoi Qirjako.

Anëtari tjetër i mazhorancës, njëherësh edhe drejtor i Planifikimit Urban në Ministrinë e Trasportit, Marin Biccoku e ka quajtur një skenar të pastër antiligjor të bashkisë projektin e paraqitur, duke argumentuar se "Në materialet që janë vënë në dispozicion nga Drejtoria e Urbanistikës nuk paraqitet zona ku është e ndërtuar kopshti dhe çerdhja, e paraqitur kjo në një studim të miratuar në vitin 2005. Në këtë raportim urbanistik çdo gjë fshihet dhe gënjehet, duke sjellë pamundësi për vazhdimin e punës. Pra projekti është në kundërshtim me studimin urbanistik të miratuar, ku nuk është paraqituar zona ku janë 2 objektet parashkollore. Që të mos vazhdohet më me debate të këtij lloji ne kërkojmë të respektohet ligji dhe këto objekte të mos zëvëndësohen në objektet që do të ndërtohen, pasi nuk mund të vendosim interesin privat mbi atë publik", tha Biçoku.

Gjatë zhvillimeve të mbledhjes së KRRT-së anëtarët e mazhorancës kanë denoncuar abuzime të tjera të kryera nga kryetari Rama në fushën e ndërtimit. Në studimet e paraqitura për ndryshimin e destinacionit të zonave, kryetari i bashkisë ka miratuar lejet e ndërtimit në sipërfaqe të gjelbëra pa marrë miratimin për ndryshimin e destinacionit të zonës. Ndërkaq ndërtimet e miratuara prej tij penalizojnë edhe prona të tjera. Përfaqësuesi i mazhorancës Qirjako i ka kërkuar Agollit një relacion me shkrim për lejet e ndërtimit të miratuara, por ky i fundit është përgjigjur se nuk egziston. Biçoku ka nënvizuar se përgjigja e kërkesës nëse janë miratuar leje ndërtimi para ndryshimit të destinacionit të zonës do të përcaktojë në është vepruar sipas ligjit, apo në kundërshtim të tij, në mënyrë që të mos krijohet me një situatë bllokuese dhe në funksion të ecurisë së punës së kësaj KRRT-je. Kërkesave të anëtarëve të mazhorancës drejtori i Drejtorisë Urbanistike të Bashkisë, Agolli ju është përgjigjur me arrogancë duke thënë se nuk do të kenë asnjë relacion me shkrim për këtë situatë, edhe pse ajo është kërkuar para 3 javësh.

Përveç të tjerash mbledhja e djeshme ka zbardhur edhe abuzimet e kryera me shpronësimet nga Rama. Në studimin për zonën e Selitës të paraqitur nga Bashkia e Tiranës nuk është dhënë në mënyrë të qartë se si lidhet me lagjet e tjera të Selitës, ku ka rezultaur një mangësi në lidhje me respektimin e distancës nga prona shtetërore. Anëtari i mazhorancës, Biçoku u shpreh se "Bashkia duhet të ristudjojë zonën për të respektuar në ndërtime hapësirat publike dhe të objekteve publike, pasi në mungesë të tyre, zona do të degradojë. Përbën skandal fakti se, në këtë studim të paraqitur nuk janë respektuar kufijtë e pronësisë, nuk janë respektuar sipas ligjit distancat me prona të tjera dhe me pronat shtetërore, ku në këtë rast vendoset një marrëveshje me shtetin. Zona e Selitës është një zonë e dobët nga pikpamja urbane, pasi atje egziston vetëm një lulishte, kurse ju nga ana tjetër e keqësoni situatën, duke mos respektuar kufinjtë e pronësisë dhe duke cënuar hapësirën publike."

"Gjithashtu zona ka mungesë të objekteve sociale ndërkohë që në studim nuk është lënë hapësirë për ndërtimin e tyre", përfundoi Biçoku. Përveç këtyre studimeve shkelje antiligjore janë evidentuar edhe në studimin e rrugës "Qazim Vathi", ku në këtë studim nuk kemi një rrjet rrugor të miratuar dhe në projekt penalizohet zona e gjelbër, si dhe disa ndërtesa 1 - 2 katëshe, për të cilat Rama nuk është kujtuar që egzistojnë. Më pas një tjetër studim ka qënë dhe në rrugën "Ali Demi", ku projekti i Ramës është në kundërshtim me studimin urbanistik të miratuar dhe në të mungojnë hapësirat për kopsht publik. Studimi pjesor për zonën në rrugët "Haxhi Dalliu", "Jordan Misja" dhe Unaza, është kryer mbi studime mbështetëse të pamiratuara për dhënien e lejeve të ndërtimit, ku zona është tepër e ndërlikuar, si nga pronësia ashtu dhe sistemi rrugor. Ndërkaq, Bashkia e Tiranës nuk është menduar dhe kjo tregohet në projektin që paraqet për dhënien e zgjidhjes së problemeve të mësipërme. Të gjitha këto projekte me mangësi ligjore që kërkojnë të degradojnë zonat urbane të Tiranës janë paraqitur për miratim në KRRT-në e djeshme. Lufta e mazhorancës për zbatimi i ligjit dhe dhënies fund të situatave korruptive në ndërtim, solli mosmiratim të projekteve.

Dorina Azo





RD

[Brari]

Data: 30/07/2006, ora

Rama merr në mbrojtje të afërmit e Moisiut që kanë biznese të pakontrolluara
Kryetari i PS-së i bën thirrje Ministrisë së Brendshme, të heqë dorë nga kontrolli i veprimtarisë financiare të Presidentit apo njerëzve të afërt me të, i shqetësuar nga mekanizmat kundër krimit ekonomik që vigjëlojnë


Rama merr në mbrojtje të afërmit e Moisiut që kanë biznese të pakontrolluara



Kryetari i PS-së i bën thirrje Ministrisë së Brendshme, të heqë dorë nga kontrolli i veprimtarisë financiare të Presidentit apo njerëzve të afërt me të, i shqetësuar nga mekanizmat kundër krimit ekonomik që vigjëlojnë në radhët e strukturës së uniformave blu, duke mos bërë dallime pushtetesh apo gradash në skalionet e krimit që goditen çdo moment







Presidenti i vendit Alfred Moisiu ka shprehur dje shqetësimin e tij nga instrumentet antikrim në Ministrinë e Brendshme. Edhe pse nuk ka qenë ai vetë që ka dhënë alarmin, e ka bërë dikush tjetër, por jo më pak i rëndësishëm në lidhjet që ruan me botën e pakontrolluar të errësirës dhe mostransparencës. Kreu i PS-së, Edi Rama, ka qenë njeriu i Presidentit që, pas marrjes së anëtarit të LSI -së nga KLD, i duhej t’i kthente borxhin Presidentit, duke e mbrojtur publikisht, pa ndonjë motiv emergjent. Me sa duket, bota e krimit dhe elementë të veçantë të saj që mund të thuhet se i janë hedhur, ndoshta edhe në qafë z.Moisiu, vitet e fundit ndjehen të rrezikuar. Jo më kot, Ministria e |Brendshme, kohët e fundit, duke forcuar strukturat e antikrimit ekonomik, ka realizuar edhe aksione spektakolare me vënien në pranga të njerëzve të lidhur me poste të ndryshme, pa bërë dallime partiake. Nuhatja se në dëm të interesave mafioze të ndonjë grupi që përfaqësohet nga njerëz afër rrethit familjar të Moisiut, ka vënë në lëvizje edhe vetë kreun e PS-së, Edi Rama, që kërkoi dje nga një konferencë bojkotuese që të mos përziheshin strukturat e Ministrisë së Brendshme në aktivitete financiare të njerëzve të afërt me Presidentin.

Çështja “Albatros” dhe thirrja e dëshpëruar e Ramës. Presidenti i Republikës Alfred Moisiu ka gjetur një mbështetës të vendosur si Edi Rama në rrugën e vështirë të kapjes së tij prej tentakulave të errëta e të pazbardhura ende. Në një konferencë për mediat Edi Rama me lejen e Moisiut, ka akuzuar Ministrinë e Brendshme se po përpiqet të mbajë nën monitorim njerëzit e afërt të Moisiut, duke mos përmendur emra apo rrethana të caktuara. vetë Presidenti Moisiu, në një të kaluar jo shumë të largët është akuzuar publikisht nga kryemninistri aktual për afera me rrethin familjar, ku një nip i veti përfitoi nga hiçi një kompani ajrore në një moment krize të qeverisë “Nano” e ku vetë Presidenti ndërhyri për ta zgjidhur në favor të mazhorancës së asaj kohe. Përfitimi i një biznesi si “Albatros Airvays” u komentua atëherë si shpërblimi i Nanos për Moisiun. Vetë ky i fundit jo pak I sulmuar dhe I përmendur në shtypin e ditës për faktin se kishte vënë gjithë rrethin familjar në biznese dhe punë që nuk u kontrolluan kurrë nga asnjë institucion ligjor, ka pranuar faktin se një prej nipave të tij kishte shoqërinë ajrore por që vetë presidenti të kihste ndikuar që ai të fitonte këtë biznes.madje Moisisu ka qenë edhe ai që ka akuzuar berishën për keqëdashësi kur ky I fundit në vitin 2004 nga një konferencë n ë korcë I kishte përmendur thjesht faktin se aeroporti I evndit I përket Shqipërisë dhe jo Moisisut apo rrethit të tij familjar. Kaq ka mjaftuar që konflikti të mbahej ndeur për disa javë dhe më pas me zhvillimet politike u shua për të marë forma të tjera. Megjithatë fakti është se asnjë prej institucioneve të ngrjuara me kontrollin e veprimtarive financiare të bizneseve delicate dhe jot ë zakonshme nuk u bë asnjnëherë mbi shoqërinë e Albtros dhe asmbi ndonjë bzines ku ishte I loërfshirë rrethi familjar i Presidentit Moisiu
Deklaratë e vitit 2004

“Në radhë të parë dua të them se unë kam qenë i angazhuar, jam dhe do të mbetem në luftën kundër korrupsionit, duke e konsideruar këtë si një të keqe shumë të madhe të shoqërisë shqiptare. Dhe në këtë drejtim kam punuar për të sensibilizuar opinionin publik kam mbështetur shoqërinë civile dhe kam kërkuar mbështetje të shoqërisë civile për të luftuar këtë fenomen kaq negativ të vendit tonë. Ky fenomen kërkon një luftë të vazhdueshme, dhe ne do ta bëjmë këtë jo vetëm sepse na kërkohet, po është pengesë për ecjen përpara të shoqërisë. Korrupsioni është tamam si një ushunjëzë, që thith gjakun e zhvillimit të shoqërisë. Për sa i përket problemit të kompanisë ajrore unë mund t’ju them që unë s’kam asgjë të përbashkët me atë. Nipat e mi apo të afërmit e mi janë qytetarë të këtij vendi dhe në kushtet e ekonomisë së tregut ata kanë të drejtat e tyre, siç kanë dhe detyrimet dhe përgjegjësitë e tyre ligjore ndaj ligjeve të këtij shteti, dhe në qoftë se dikush i shkel, të përgjigjet deri më një”.

Kleves Bitro
Avokatia e Edi Ramës për bizneset e Moisiut, përpjekje për të shmangur hetimet për pasuritë e paligjshme që ai vetë posedon



Avokatia e Edi Ramës për bizneset e Moisiut, përpjekje për të shmangur hetimet për pasuritë e paligjshme që ai vetë posedon



Përfshirja e familjes së Alfred Moisiut në aferat e fundit që prodhuan krizën në Kuvendin e Shqipërisë është kryer dje me arrogancë dhe pa kurrfarë etike nga kryesocialisti Edi Rama. Duke u munduar t’i shtojë listës së arsyeve se pse socialistët kishin vendosur të mos merrnin pjesë në zgjedhjet e ardhshme, pra të bojkotonin gjithçka, ishte edhe njoftimi që Rama kishte se “ministria e Brendshme po monitoronte bizneset e të afërmve të familjes së presidentit Moisiu”. Denoncimi që bëhet në kuadër të mbrojtjes së të drejtave të të afërmve të presidentit, por edhe duke e përfshirë në betejën e përgjithshme që Rama thotë se bën për të mbrojtur institucionet kushtetuese në vend, po fsheh në fakt vëmendjen nga një fushë që nuk duhet t’i shpëtojë as mediave dhe as organeve kompetente; bizneseve të kryetarit të Partisë Socialiste. Një biznes i përfolur i kryebashkiakut me narkokartelin e Rrugës së Durrësit ka vite që artikulohet në mediat tona, pa u përgënjeshtruar asnjëherë nga kryetari i bashkisë. Lidhja e tij e shkurtër me disa prej eksponentëve që ishin shfaqur në “entourage”-in e Kartelit vetëm sa i shtoi dyshimet, por Edi Rama s’u shpjegua kurrë. Akuzat u detajuan me instalimin e një sistemi biznesesh që ishin ngritur mbi ryshfetet që merreshin nga kompanitë e ndërtimit, për lejet e ndërtimit dhe më tej ato të shfrytëzimit, por edhe për to emrat e Blendi Gonxhes apo të tjerëve që kishin detyrimin institucional të “komunikonin” me firmat e ndërtimit u bashkangjitën pa shpjegime me emrin e kryebashkiakut. Një raport konfidencial i SHISH (i bërë publik nga mediat) foli për një shumë prej 670 milionë dollarësh të investuara nga lëvrimi i kësaj linje ryshfetesh. Vetë kryeministri i Shqipërisë ka folur për një shirit kilometrik bisedash që Edi Rama ka me serial killer si dhe për përdorimin e këtyre të fundit për shpronësime të padrejta të pronarëve të kryeqytetit. Edhe për këto investime okulte, Edi Rama nuk ka dhënë shpjegime, e vijmë tash së fundi me rinovimin publik të akuzës se familjarët e presidentit Moisiupo monitorohen për bizneset e tyre. Pa hyrë në shpjegime që Edi Rama s’ka ndërmend t’i japë, duket se vëmendja është për ta zhvendosur epiqendrën e krizës tek presidenti Moisiu, më saktë vetëm pjesën ku bëhet fjalë për hetimin e bizneseve të paligjshme, çka do të sillte largimin automatik të vëmendjes prej bizneseve të veta. Bindja e verbër se çelja e një fronti krize me presidentin Moisiu (që duket se do të ndodhë veç për motive politike, dhe jo ekonomike) nuk është inteligjente nga ana e kryetarit të opozitës. Indiciet pranë tij janë të forta dhe ai duhet të shqetësohet për raportin që flet për ryshfetet në fushën e ndërtimit si dhe për shiritat kilometrikë të bisedave me seria-killerat, përpara se të përfshijë si pykë bizneset e familjes Moisiu në rolin e parzmores që e mbrojnë nga sulmet e mazhorancës. Çeshtjet janë të ndara, dhe hetimi i pasurive të paligjshme të Edi Ramës është afërmendsh një imperativ dhe aferat e të afërmve të familjes së Alfred Moisiut mund të shërbejnë vetëm për pak kohë si zhurmues, e jo asnjëherë përjetësisht.

Re.Po.

Data: 30/07/2006, ora

Thagma e ditës - Dade: Unë dhe Leskaj pastruam gjithë rrëmujën



Thagma e ditës - Dade: Unë dhe Leskaj pastruam gjithë rrëmujën



Pas publikimit të imazheve tronditëse nga salla e shkatërruar e Kuvendit të Shqipërisë, si rrjedhojë e dhunës së aplikuar nga deputetët e opozitës që, me vendimin e tyre për të mos lejuar vazhdimin e punimeve, shkaktuan zhvendosjen e seancës plenare për në mjediset e kryesisë, ka reaguar menjëherë selia rozë, me anë të sekretares për marrëdhëniet ndërkombëtare, Arta Dade. Sipas saj, e gjithë skena e servirur ishte mizanskenë e stisur nga ana e vetë kryeparlamentares Jozefina Topalli. “Unë dhe deputetja tjetër, Vali Leskaj, dolëm të fundit nga salla e Kuvendit, duke pastruar gjithë rrëmujën e shkaktuar nga ana e kolegëve tanë”, deklaroi në konferencën e djeshme për shtyp Dade, duke pretenduar madje, se socialistët zotërojnë një kasetë filmike për të vërtetuar pretendimet e tyre, ndonëse dje asgjë e tillë nuk u bë publike.

Re.Po.



55

[Xhuxhumaku]

Anëtari i KQZ-së, kopili i Ramës në derën e Metës

Megjithëse ka kaluar më shumë se një vit nga humbja e pushtetit, e majta shqiptare nuk është në gjendje të ambientohet me qenien në opozitë. Bashkë me humbjen, socialistët shqiptarë të cilët janë realisht e majta, patën fatin e keq të ngelen pa liderin e tyre real Fatos Nanon, i cili dha dorëheqjen menjëherë pas humbjes së zgjedhjeve, duke lenë në krye të partisë njeriun më të papërshtatshëm që mund të drejtonte formacionin rozë Edi Ramën. Padyshim që strategjia e Fatos Nanos për të lënë hijen e tij në krye të kësaj partie, konsiston edhe në lënien pas të një pasardhësi të dobët, që diskreditohet nga dita në ditë, sesa të një kryetari potent dhe serioz, për të pasur mundësinë e një rikthimi si shpëtimtar dhe i pazëvendësueshëm në krye të Partisë Socialiste. Defiçenca e Edi Ramës në krye të PS-së po i plotëson më së miri të gjitha kondicionet që i shërbejnë Fatos Nanos për t’u kthyer në krye të PS-së, pa pasur nevojën që të bëjë luftë të fortë në bazën socialiste për rikthimin e tij në politikë. Por ndërkohë që kthimi i Fatos Nanos në krye të PS-së është punë kohe, socialistët shqiptarë të mbetur pa kokë drejtimi si dhe të pa ambientuar me qenien në opozitë, po tregojnë shenja të tepruara nervozizmi të cilat po i nxjerrin zbuluar në sy të opinionit vendas dhe atij ndërkombëtar. Duke mos dashur të zbatojnë rregullin bazë të demokracisë, ku mazhoranca ka pushtetin, socialistët shqiptarë kërkojnë që me anë të dhunës të marrin supermacinë në institucionet ku rregullat e lojës janë të qarta, shumicën e merr shumica. Por në kundërshtim me këtë rregull të udhëhequr nga sherr-budallai kryetar, nëpërmjet lojërave djallëzore me Presidentin e Republikës, ata duan me çdo kusht të marrin mazhorancën në KQZ, duke përdorur në rastin konkret si mish për top kryelësëistin Ilir Meta. Edi Rama duke dashur që me një gur të vrasë dy zogj, në bashkëpunim me Moisiun mori anëtarin e KLD-së që i përkiste të djathtës, duke i lënë luftën në parlament Ilir Metës, i cili në rastin konkret vuri në punë muskujt dhe jo intelektin, duke bërë një nga skandalet më të padëgjuara në historinë e parlamentarizmit shqiptar, të tentativës për të rrahur një femër. Rama mbylli sherrin me Gjinushin dhe nxori jashtë loje Ilir Metën, i cili duke qenë një opozitë si për PS-në dhe për PD-në, opozitë që mblidhte vota nga të dyja krahët dhe rrezik serioz për Edi Ramën, tashmë e nxori në breg të detit të politikës, më të lodhur e të mbaruar se kurrë, duke mos e konsideruar më rrezik iminent as për veten, por as për kryetarin e ardhshëm të opozitës, Fatos Nanon, duke i ruajtur vetes shansin e një kompromisi me Nanon për president në 2007-ën. Kështu që loja e Ramës megjithëse transparente prej kohësh, ishte të linte kopilin e tij në derën e Ilir Metës, kopil që ky i fundit e mori me dëshirën e tij duke pranuar koston politike që mori mbi vete. Ndërkohë që kryesocialisti Rama pret i qetë vendimin e Presidentit për anëtarin e ri të KQZ-së, i cili do të jetë kandidat i socialistëve, duke zhdukur edhe shpresën e fundit të Ilir Metës për të qenë faktor në konfigurimin e ri të KQZ-së, duke pësuar një “Dushk” të ri, këtë radhë të organizuar nga Edi Rama dhe Alfred Moisiu.

SOT.

[Brari]

Rama: Pallate mbi lulishte dhe çerdhe

Ministria e Transpoerteve padit kryetarin e Bashkisë për korrupsion me objektet publike dhe hapësirat e gjelbërta


Drejtori i Politikave të Planifikimit të Territorit Urban në Ministrinë e Trasporteve, Marin Biccoku denoncoi dje publikisht korrupsionin që ka përfshirë Bashkinë e Tiranës, duke akuzuar drejtpërdrejt kryetarin Edi Rama. Biccoku foli para mediave rreth dy ccështjeve korruptive, që njerëzit e Ramës tentuan t'i kalojnë për miratim në KRRT gjatë takimit të fundjavës së shkuar. Biccoku ka sqaruar para mediave se këto ccështje korruptive të paraqitura nga Bashkia e Tiranës kanë patur fshehje të elementëve urbane të projektit, të cilat Rama i ka servirur duke dizinformuar anëtarët e KRRT-së, e duke fshehur kështu edhe vepra penale të kryera nga punonjës dhe funksionarë të saj. Në këto dy projekte kërkohej shkatërrimi zonave të gjerlbërta dhe prishja e ndërtesave publike, si ccerdhe dhe kopshte.

Drejtori i Planifikimit Urban dhe Rregullimit të Territorit tha se ndryshimet e kryera nga Rama, në mospërputhje me planin rregullues të territorit, janë antiligjore dhe në kundërshtim me ligjet e urbanistikës dhe për këtë ai ka theksuar se ccështja do të shkojë për t'u procceduar pranë organeve të prokurorisë dhe ka kërkuar ndjekje penale për të gjithë personat e përfshirë në të. Seanca e zhvilluar me datë 29 Korrik 2006, për mbledhjen e V-të të KRRT-së së Tiranës, nxorri në dritë fakte tepër të rënda të korrupsionit të Bashkise së Tiranës. Po ju prezantoj dy ccështje korruptive ku Bashkia e Tiranës përveccse dizinformon anëtarët e KRRT-së për realitetet urbane të qytetit, fsheh edhe vepra penale të kryera nga punonjës dhe funksionarë të saj, tha Biccoku. Më pas, ai ka ilustruar me anë të fotografive, si edhe dokumentave të jashtëligjshme të firmosuar nga Rama dhe nga fuksionarë të tjerë të bashkisë dhënien e lejës së ndërtimit për një objekt 8-katësh, ku sheshi i ndërtimit është miratuar mbi një zonë të gjelbër, prapa restorant Durrësit. Ccështja e parë ka të bëjë me një leje ndërtimi, e cila tashmë është shndërruar në një objekt. Ky është dokumenti i firmosur nga funksionarë të Bashkia e Tiranës, duke filluar nga kryetari i KRRT-së, Rama dhe të tjerët pas tij, që kanë miratuar një leje ndertimi për një objekt banimi në një zonë të gjelbërt, prapa Restorant Durrësit, sqaroi Biccoku.

Në mbledhjen e KRRT-së, disa nga anëtarët e saj, edhe pse të vetëdijshëm për katastrofën urbane që do të sillnin këto projekte të korrupsionit të Ramës, kanë votuar pro tyre. Ndërkaq, drejtori i Planifikimit Urban, Marin Biccoku duke ju referuar ngjarjeve që ndodhën në KRRT-në e Bashkisë së Tiranës denoncoi praktikën korrupstive që ka përdorur Rama për ndryshimin "de jure " të destinacionit të zonës. Ai tha se "Korrupsioni i tyre nuk ndalon këtu, por shkon edhe tej cakut. Pasi e kanë shndërruar "de facto" nga një hapësirë e gjelbër në kantier ndërtimi, po kërkojnë të implikojnë edhe anëtarët e rinj të KRRT-së dhe më pas KRRTRSH-së për t'ia ndryshuar destinacionin edhe "de jure".

Biccoku tha se kemi të bëjmë "me shpërdorim detyre dhe shkelje të rënda të Ligjit të Urbanistikës, ku thuhet qartë që nuk lejohet ndërtimi i objekteve jashtë destinacionit të parashikuar në planin rregullues. Për këtë ccështje jemi duke përgatitur kallëzimin pranë organeve të prokurorisë, për të gjithë ato që kanë marrë pjesë në kryerjen e kesaj vepre". Dhunimi dhe shkatërrimi i zonës së gjelbër nuk janë të vetmet krime në sektorin e ndërtimit të kryer nga kryetari i Bashkisë Rama. Sipas Marin Biccokut, kryetari Rama ka përdorur edhe njëherë dizinformimin ndaj anëtarëve të KRRT-së, ku në projektet e paraqitura Rama ka fshehur zonën ku janë të ngritura 2 institucionet parashkollore. Ndër të tjera, Biccoku duke treguar para medias projektin e paraqitur nga Rama në zonën e rrugës "Ali Demi", ka sqaruar se zonat ku janë këto 2 ndërtesa, shihet që në mënyrë të qartë janë zëvëndësuar me pallatet e planifikuara për t'u ngritur. "Bashkia e Tiranës për disa seanca rrjesht ka fshehur korrupsionin që donte të realizonte përmes një votimi të kryer në situata dizinformimi prej Drejtorisë së saj të Urbanistikës. Më konkretisht, ccështja 20 e KRRT-se V-te te vitit 2006, ben fjale per nje zone ku ccdo objekt është veccse për banim dhe veccse për biznes privat", u shpreh Biccoku.

Zyrtari i lartë i Ministrisë së Transporteve ka konkretizuar shkeljet e Ramës në projekt. "Në këtë ccështje fshihet qëllimisht - për të favorizuar korrupsionin e Bashkisë së Tiranes - studimi i hartuar dhe miratuar prej vetë kësaj bashkie, ku ne zonen C15, që është zona në fjalë, ishte parashikuar që 25% sipërfaqes të përdorej për kopshte dhe ccerdhe publike. Shkruhet qartë në përshkrimin e përgjithshëm, objekte shkollore do të vendosen në zonat B2, C6, C8 dhe pikërisht C15, që është zona në fjalë", tha ai. Gjatë konferencës për shtyp, Biccoku sqaroi se "këto janë vetëm dy raste, nga shumë raste të cilat ne jemi të detyruar që përvecc denoncimit që bëjmë në mbledhjet e KRRT-së dhe në rrugë administrative, t'i denoncojmë edhe publikisht. Fatkeqësisht, korrupsioni në Bashkinë e Tiranës nuk do të ndalojë, pasi ligji shkelet vazhdimisht", nënvizoi Biccoku.







RD