Lëvizja "Vetëvendosje" paralajmëron një demonstratë kundër adminisratës ndërkombëtare

[ARIANI_TB]

Lëvizja "Vetëvendosje" paralajmëron aksione të tjera kundër pranisë së administratës së Kombeve të Bashkuara në Kosovë. Aktivistët e saj paralajmëruan për 8 qershor organizimin e një demonstrate kundër pranisë së mëtejme të UNMIK-ut në Kosovë, me arsyetim se mandati i saj është mbrojtja e Rezolutës 1244 të Këshillit të Sigurimit të Kombeve të Bashkuara, e cila bie ndesh me vullnetin e popullit të Kosovës. Sipas Lëvizjes "Vetëvendosje", kjo rezolutë nuk është në përputhje me vullnetin e Kosovës dhe së dyti, për shkak se kjo rezolutë në pikën 4 të saj parasheh kthimin e një pjese të policisë së Serbisë në pjesë të caktuar të Kosovës dhe pikën 11 të saj parasheh që përfundimi i procesit politik në Kosovë të zgjidhet me marrëveshjen famëkeqe të Rambujesë". Aktivistët e Lëvizjes "Vetëvendosje" u shprehën edhe kundër zëvendësimit të misionit të UNMIK-ut me çfarëdo misioni tjetër ndërkombëtar. Ata përsëritën se vullneti politik të popullit të Kosovës duhet të realizohet pa kurrfarë kushtesh.\02.06.06\

[Llapi]

THUNDRA E ROBOTËVE SHQIPFOLËS UNMIKISTANEZ SHKEL MBI KOKAT E TË RINJVE SHQIPTAR! - Shkruan: Sejdi Veseli




THUNDRA E ROBOTËVE SHQIPFOLËS UNMIKISTANEZ SHKEL MBI KOKAT E TË RINJVE
SHQIPTAR!

Shkruan: Sejdi Veseli

Para selisë qendrore të UNMIK-ut në Prishtinë, me 08 qershor 2006, në ora
12:00 filloi një demonstratë gjithë popullore.
Kjo demonstratë ishte organizuar nga Lëvizja Vetëvendosje, në bashkëpunim
me Lëvizjen Popullore të Kosovës, Organizatën për Bashkimin Kombëtar,
Thirrjet e Nënave-Gjakovë, 16 marsi 1999-Krushë e Vogël, Organizatat e dala
nga lufta e UÇK-së-Dukagjin dhe Ferizaj, Shoqata e ish të burgosurve
politik-Ferizaj,Unioni i Studentëve Shqiptar, Sindikata e Pavarur e
Agrokompleksit, Sindikata e Pavarur e Energjetikës së Kosovës,
Alternativistat(Të rinjtë e ADK-së) dhe Iniciativa Qytetare e Llapit.
Kërkesa bazë e kësaj demonstrate ishte:Largimi i UNMIKISTANIT nga KOSOVA.
Këtë kërkesë, Organizatorët e kësaj demonstrate paqësore e argumentonin me
fakte të qëndrueshme: “...Për t’i ndalur të këqijat që vendit tonë po i
imponohen – decentralizimin, negociatat me Serbinë për shtëpinë tonë,
pengimin e krijimit të zonave të veçanta të cilat po uzurpojnë kulturën dhe
historinë tonë, parandalimin e procesit të rikolonizimit të Kosovës,
ndërprerjen e plaçkitjes së Kosovës dhe hapjen e mundësisë për zhvillimin e
saj, nevojitet një gjë:bllokimi i pushtetit të UNMIK-ut dhe sikurse
institucioneve tona, derisa të na pranohet e drejta për vetëvendosje,
shprehje e lirshme e vullnetit të popullit. Liria dhe barazia....Mos lejo që
interesi yt të mohohet, që vullneti yt të shkelet, që parat tua të vidhen
nga matrapazë të korruptuar. Mos prano që tjetërkush të vendos për fatin
tënd. Luftoje padrejtësinë. Bashkohu në demonstratë. Dhe mos u ndal. Deri në
vetëvendosje.”
Disa nga parullat që u shpalosen në këtë demonstratë gjithë popullore
ishin:
Decentralizim => Ndarje - Ndarja => Luftë!; Zonat e veçanta rreth objekteve
fetare – Uzurpim i kulturës dhe historisë sonë!; Standardi 4 dhe “kthimi i
qëndrueshëm” janë rikolonizim i Kosovës!; Liria është statusi! ;Poshtë
Rezoluta famëkeqe 1244!; 12:44 YOU’RE TIME’S UP!; 12:44 Serizisht dëmton
shëndetin tuaj!; Vetëvendosje!; Jo negociata, vetëvendosje!; Nuk duam një
UNMIK tjetër – duam vetëvendosje!; Say no to every UNMIK – say no to EUMIK!;
YUNMIK !
UNMIKOLONIALISM-UNMIKOLONILIZËM!
Liria është e panegociushme!; Punëtorë të të gjitha sindikatave, bashkohuni
kundër Agjensionit Kosovar të Mirëbesimit (AKM)!; Ju e ndatë Mitrovicën, në
bashkëpunim me Koshtunicën!; Poshtë klasa e korruptuar politike dhe
institucionet kundërpopullore!; Poshtë Grupi Negociator!
Duamë punë!
Rroga jote mujore sa 200 pensione të mia!
Që 4 herë që dal në zgjedhje, sot jam edhe më i varfër! .....

Thirrjes për demonstratë iu përgjigjen të gjitha shtresat, përjashtuar
“funksionarët” e partive politike dhe të mandatuarit me votën e popullit, të
cilët ishin ngujuar në zyrat e tyre luksoze, ashtu siç strehohen miúshet e
lagura nëpër shtrofullat e tyre të mjera.
Kolona e demonstruesve u nisë nga selia e Lëvizjes Vetëvendosje drejt selisë
qendrore të UNMIKISTANIT, me Simbolin e rezistencës shqiptare Bacë Adem
Demaçi në mesin e tyre. Si gjatë marshimit ashtu dhe pasi u përqendruan para
hyrje daljet e selisë qendrore të UNMIKISTANIT, demonstruesit ishin shumë
dinjitoz dhe të sjellshëm, ashtu dhe veprimet e tyre ishin paqësore.
Deri në orët e hershme të 09 qershorit, përveç disa fotografimeve nga ana e
intelegjencis unmikistaneze dhe të dresuarëve të tyre vendor, tjetër veprim
nga organet represive ndaj demonstruesve nuk pati.
Aty rreth orës 03.30 , kur prezenca e qytetarëve ishte zvogëluar,
vendqëndrimet e demonstruesve u bënë cak i mësymjes të rrufeshme për robotët
unmikistanez, të ashtuquajtur Njësia e speciale e Shërbimit Policor të
“Kosovës”, të sjellur nga Mitrovica. Përkundër faktit, që nuk u përdorën
gazrat helmuese dhe armët, specialcat shpkist dhe mu..etnik, ashtu, sikur
para dy javësh instruktorët e tyre unmikistanez kundra nënave sypërlotura,
të vejave dhe jetimeve shqiptare të fshatit Krushë e Vogël, në formë të
shfrenuar e përdorën dhunën fizike, për çka do t’ua kishin lakmi edhe
specialcat e Millosheviqit. Të rinjtë, shumica të moshës jomadhore
përplaseshin me fytyrë për asfalti, ju dredhoheshin duart deri në pëlcitjen
e kockave, shqelmoheshin, u vihej thundra e policit derisa u viheshin
prangat plastike...
Edhe pas këtij rrebeshi që pësuan, demonstruesit vazhduan të qëndrojnë para
selisë së “demokratit” Petersen, deri kur u sulmuan serish nga robotët
unmikistanez rreth orë 11.00, me që rast u arrestuan edhe shumica e
drejtuesve të demonstratës.
Sipas komunikatës të Lëvizjes Vetëvendosje, ky intervenim i policisë u bë
“me
vendim të posaçëm” të krye”demokratit” Soren Jessen Petersen, i cili ka të
drejtën despotike që t’u përcaktoj paraburgimin të arrestuarve, në
kohëzgjatje prej 72 orësh.
Me siguri ky vendim i posaçëm është marr edhe me pëlqimin e kuislingëve
vendor, që identifikohen si drejtues të ashtuquajturave IPVQ, e që në
realitet nuk kanë kompetenca, guxim dhe as gatishmëri për ta “pritur macen
unmikistaneze as prej përsheshit”!
Për këtë ka mjaft argumente. Por, konsideroj se është e mjaftueshme që me
këtë rast të citoj këtë deklarim të krye”demokratit” unmikistanez
z.Petersen, të 09 qershorit 2006, gjatë “konsultës”së tij me partitë
politike, në lidhje me shtyrjen apo mos shtyrjen e zgjedhjeve vendore:
““Çdokush duhet ta ketë rastin që t’i shpalosë mendimet e veta, por në bazë
Rezolutës 1244, serish unë vendos për këtë...”
Po sipas kësaj komunikate të Lëvizjes Vetëvendosje, mësohet se ky veprim i
Krye”demokratit” unmikistanez është ndërmarrë, me qëllim të përmbushjes së
kërkesës të mësuesve ideor të administratës së tij, kreut shovinist të
Beogradit, për arrestimin e drejtuesit të kësaj lëvizje, veprimtarit të
shquar Albin Kurtit.
Ky veprim i egër ndaj demonstruesve paqësor, rinxjerrë në pah një të vërtetë
të pakontestueshme, se të gjitha planet dhe veprimet e Unmikistanit, nuk
janë tjetër pos një brumë i gatuar, sipas recetave të Beogradit zyrtar.
Është koha e fundit që populli shqiptar të kuptojë, se përballë kërkesave të
tij të drejta, qëndron një Protektor shumë finok, i vendosur të vazhdoj me
avazet e pararendësve të tij, i porositur dhe i vendosur për t’i realizuar
të gjitha alashverishet e tyre dhe të tij me Beogradin. Pra, pa u mërzitur
shumë, se ato janë në kundërshti të plotë me interesat e drejta të popullit
shumicë në Kosovë. Se qëllimet thelbësore të sjelljeve të tij, janë krijimi
i rrethanave të cilat do të shfrytëzoheshin nga hegjemonistet serbijan, duke
përfituar maksimalen e të mudshmës.
Andaj, nuk është për t’u çuditur se sjelljet e administratës të drejtuar nga
dora e fortë edhe e këtij Protektori, në koordinim të plotë me disa segmente
të KFOR-it, plotë kërcënime dhe dhunë edhe ndaj protestuesve joviolent dhe
gazetarëve shqiptar, ngjasojnë për shumëçka, jo vetëm me sjelljet e një
pushteti kolonialist të tipit klasik, por çka është edhe më keq, me sjelljet
dhe veprimet e ish-pushtuesit serbijan.
Sjelljet e papërgjegjshme të shumicës së atyre të cilët thirren në verdiktin
e votës së lirë të popullit dhe të disa drejtuesve partiak, edhe në raport
me veprimet represive të shërbëtorëve të diktaturës kolonialiste
unmikistaneze, si në Krushën e Vogël ashtu edhe ndaj demonstruesve paqësor,
do të duhej të ndikonin, që populli ta kuptoj drejt dhe mirë, se nga kjo
kastë shoqërore nuk mund të pret asgjë të mirë. Aq më tepër, ajo ka dhënë
dëshmi të bollshme, si në të kaluarën ashtu edhe kësaj radhe, se nuk janë të
interesuar për një të ardhme më të mirë të popullit, në emër të të cilit
flasin, por për interesat e tyre personale dhe të kamarilles së tyre.
Tani më, populli ka mjaft argumente të qëndrueshme për t’u bindur, se
“përfaqësuesit” e tij me shpirt servili, do të vazhdojnë të shkojnë edhe pas
petersenave, ahtisarave, rukerave... ... ... si “Muqa pas dajive”, pa u
mërzitur fare, se po shkelin me pafytyrësi mbi gjakun dhe sakrificat sublime
të luftëtarëve të UÇK-së dhe të popullit në përgjithësi, për të fituar të
drejtën e natyrshme për të vetëvendosur për të ardhmen e tij, ashtu si dhe
popujt tjerë për një jetë të lirë dhe dinjitoze në Atëmemëdheun e tij, të
çliruar nga thundra e hasmit barbar serboçetnik dhe të ribashkuar në një
shtete të vetëm etnik.
Demonstratat e 08-09 qershorit 2006, për ata që kanë sy e vesh, dëshmojnë
një të vërtet të madhe, se populli shqiptar ka bijë dhe bija besnike të tij,
të cilët po përbashkohen përreth Flamurit kombëtar, të vendosur që të japin
hisen e tyre të plotë të kontributit deri në përmbushjen e plotë të
aspiratave të tij shekullore, për të jetuar i lirë dhe me dinjitet në
Atëmëmdheun e tij!
Demonstrata e 08-09 qershorit 2006 është një porosi e qartë, se do të
ballafaqohen ma pasoja të paparashikueshme, të gjithë ata të cilët përpiqen
(së koti), për ta penguar popullin shqiptar në rrugën e tij të drejtë dhe të
natyrshme, për jetësimin e të drejtës së tij për të vetëvendosur për të
ardhmen e tij.
Kjo demonstratë është edhe një paralajmërim, se shqiptarët do ta dënojnë
pamëshirshëm pabesinë, e cila nuk ishte, nuk është dhe nuk do të jetë kurrë
pjesë e karakterit të tyre!
Situata nëpër të cilën po kalojmë na e imponon, që t’i ngjeshim radhët me
besa-besë në kuadër të atij subjekti i cili është përcaktuar e deklaruar
publikisht dhe që po dëshmohet me vepra konkrete, se është i vendosur që ta
qojë deri në fund Amanetin e Dëshmorëve të Kombit!
Tjetër rrugë nuk kemi!


Prishtinë, me 11 qershor 2006

[Labeati]

Me duket se nuk i pritet UCK me marre pushtetin.

Mbasi me mjete demokratike nuk i deshti kush, e deshtuen keqas... po pregatisin "revolucionin" me arme...

Ketyne nuk ju bahet vone per popullin e Kosoves... duen me e ba Kosoven Irak me duket....

Ndersa 90% e administrates e buxhetit mbahet me fondit e UNMIK po ashtu edhe garancia e kufijve dhe sigurise.
Lufta k/UNMIk e komunitetit nderkombtar asht vetvrasje... ne fakt vret popullin po jo "revolucionaret"... se ata kane parimin "pushteti fitohet me gjak"... kuptohet te tjeterkuj se jo te vetin

[Llapi]

Labeati
Po shifet qe ashtu keshtu je shum larg Kosove me ka krejt

[Labeati]

Labeati
Po shifet qe ashtu keshtu je shum larg Kosove me ka krejt

Llap, ndoshta jam gabim, po une mendoj se gjaja e fundit qe i duhet Kosoves ne keto momente jane turbullinat politike dhe ato me arme.

Kjo do te jepte shkak se Kosova nuk mund te qeveriset demokratikisht, jeta e minoriteteve asht e pasigurte etj etj....

A te kujtohen ngjarjet e marsit?

[Zëu_s]

E vetmja gje produktive dhe me vend nga kjo levizja "Vetvendosja" ka qene thirrja e popullit Shqiptar per bojkotim te produkteve te Serbise. Te tjerat jan vetem edhe disa probleme qe kan kapluar Kosoven ne prag te pavarsimit te saj, dhe njekohesisht jan edhe disa pengesa te tjera per pavarsim.

Protestat kunder UNMIKut jan budallallek i madh, kur e dijme te gjith qe UNMIKut ne Kosove i ka ardhur fundi ashtu-kshtu dhe Kosova ne kete vit do te pavarsohet. Ky eshte i njejti budallallek sikur ai budallalleku i Palestinezve qe kur filloj Izraeli ti terheqe trupat e vet nga Palestina, keta filluan ti gjuajn nga prapa me plumba e bomba, ku detyruan Izraelin te kthehet perseri.
Ose sikur Jugosllavet ne luften e dyt boterore qe kur terhiqeshin Gjermanet nga te gjitha vendet e e roberuara, keta iu ngahnin mbrapa gjoja se po luftojme me ta e po i perzeme nga vendi.

Kush na qenkan ata Shqiptare qe e deshirojne misionin e UNMIKut ne Kosove, askush apo jo, perveq atyre qe vjedhin sebashku me ta.

E sa per thirrjen e popullit Shqiptare per bojkotim te produkteve te serbise une ju them:

Bojkotoni produktet e Serbise dhe mbrojeni veten dhe fëmijet tuaj nga helmimet dhe smundjet e Serbve qe kemi patur me heret dhe qe me siguri do te vijojne perseri dhe sidomos atehere kur te pranohet Kosova si shtet i pavarur.

[DYDRINAS]

Levizja "Vetevendosja" eshte nje levizje e maskuar e perkrahur dhe financuar nga opozita ne Kosove.
Ajo vete ne keto kohe kur diskutohet statusi perfundimtar i Kosoves nuk guxon te dale ne protesta, por ka gjetur me mjeshteri nje pinjoll te ngjyres se kuqe revolucionare majtiste te Demaqit, per te kryer misionin e tyre ne prapaskene.
Neser kjo levizje do te shfrytezohet per te kryer "revolucionin demokratik" te Kosoves, per te permbysur "regjimin antidemokratik" te Rugoves se ndjere dhe te pasuesve te tij.
Vecse pritet perfundimi i ceshtjes se statusit!
Nese opozita ne Kosove mendon se do te vije ne rruge revolucionare ne pushtet, ajo do te gaboje rende.
Kosova i ka te gjitha kushtet per realizimin e kerkesave politike me rruge dhe mjete institucionale.
Kjo arrihet duke e bere popullin per vete me pune dhe me vepra demokratike e jo me rruge e mjete te rruges.
Kosova qenka e denuar te kete per cdo kohe nga nje Demaq enderrimtaro-iluzionist, ballkanaso-komunist.

[faiksmajli]

Sa i menqur cenke ti more Qazim. Gjynah qe nuk je ne ndonje pozite te larte e te pyetesh per gjithcka. Do t'i kishe rregulluar te gjitha punet.

Nuk do te kishim pase nevoje per Demacin , Albinin etj.

[DYDRINAS]

Demonstratat e Qershorit në Prishtinë paralajmërim
për stuhi të reja në Kosovë!

Qëndrimi i palëkundur i Lëvizjes Vetëvendosje, për të arritur të drejtën
legjitime të VETËVENDOSJE, gjeti përkrahje të fuqishme jo vetëm nga
anëtarët dhe simpatizantët e saj, por edhe nga subjekte të tjera politike
përparimtare simotra.

Shkruan: Fadil SHYTI

Kushtrimi u dha më 7 qershor 2006, ndërsa më 8 qershor kjo u bë realitet.
Në rrugët e Prishtinës, marshuan revoltueshëm dhe krenarisht djemtë e
cucat më trima e trimëresha të Kosovës, por si kurdooherë në ballë i kishin
udhëheqësit popullorë e jo "institucionalo-puthadorët" e të huajve
unmik-as, të cilët nga sundimi kolonialist dhe pro-serbian , ua kanë bërë
jetën ferr shqiptarëve të Kosovës.

Pra, në ballë të demostruesve qëndronte djaloshi sypatrembur dhe
politikologu i zgjuar Albin Kurti, pastaj përkrah i gjendej simboli i
rezistencës sonë kombëtare, Adem Demaçi pastaj, atdhetari i pathyeshëm i
stuhive të luftës, Emrush Xhemaili i cili e sfidoi rreptë parlamentarizmin
zvarraniko-unmikist, të Prishtinës, pastaj veprimtari i çështjes kombëtare,
Rexhep Ahmeti e të tjerë...
Demonstarat e 8 qershorit 2006 fillimisht për naivët sikur dukej se do
pritej me gjakftohëtësi nga qarqet e brendshme dhe të jashtme, politike
por, fatkeqësisht kjo ngjau vetëm disa orë, derisa u mor vendimi nga
shërbimet e huaja që "të fortët" me stupca në krah, pra e ashtuquajtura,
SHPK , të vërsulen pamëshirë mbi demonstruesit paqësorë.
Në natën e 9 qershorit pikërisht në ora 3.00 në të gëdhirë, hijenat
shqipfolëse ish - policicët e UDB-së, ose pinjollët e tyre u vërsulën mbi
demonstruesit; i rrahën, i maltretuan, pastaj dhjetëra prej tyre i
burgosën; kurse sot derisa demonstrata po bëhej me një ritëm të pathyeshëm,
në ora 11.30 nga policia unmikase u arrestua edhe udhëheqësi, Albin Kurti.

Me këtë rast se ç´mu kujtua kënga revolucionare:

Milic hor gjumbleta,
Shih ku t´çon kuleta,
Parja moj e shkreta,
Me e vra vëllaun tënd!...

Duke bërë këtë "aleatët", zotërinjtë e huaj dhe vazalët e tyre mjeranë,
mendojnë se do ta shuajnë revoltën e popullit shqiptar.
JO !
Duke menduar kështu, ata bëjnë gabim të rëndë në projektimin e tyre për ta
shtypur të drejtën e kombit tonë për VETËVENDOSJE, duke bërë këtë fushatë të
tmerrshme mbi demonstruesit ata edhe më tej po e tregojnë fytyrën e vërtetë
të shtypjes dhe të kolonializmit!

Përvoja historike e popullit tonë dhe e popujve të tjerë liridashës na mëson
që kur shkilet drejtësia me egërsi, pastaj pasojnë konskuenca të
pariparueshme, të cilat në rastin e Kosovës mund të shpiejnë tek situatat
kritikë të cilat askush me mend në kokë nuk i dëshiron; këto sulme të
egëra mbi çlirimtarët, shpiejnë drejt luftës civile!

Në rast se ngjanë kjo, bota demokratike do të bie në provimin e saj historik
të fillimshekullit 21, për faktin se ia mohoi të drejtën tepër legjitime një
kombi prej 2 miljonë banorësh, për të vendosur vet për fatet e tij.
Prandaj, duke e vështruar nga ky kënd situatën konstatoj që përgjegjësia për
këtë gjëmë të " re", do t´i bie automatikisht klasës politike shqiptare në
" pushtet", e cila po e pranon turpësisht rezolutën 1244 e cila ia njeh
sovranitetin e Serbisë mbi Kosovën.
Por, jo vetëm kjo klasë politike do të bie në provim por, natyrisht edhe GK,
OKB-ja.
Por, peshën më të madhe të turpit do ta bartin edhe ata shqiptarë të të
gjitha shtresave shoqërore të Kosovës e në veçanti intelektualët të cilët me
kohë nuk po i dalin zot atdheut, ata të cilët po heshtin si mumjet dhe nuk
po dalin t´ i përkrahin hapur kërkesat e drejta të demonstruesve.
Po çfarë po kërkojnë këta flakadanë lirie?
Po kërkojnë të hiqet UNMIK-u, bashkë me rezolutën famëkeqe 1244 e cila po ia
zë frymën Kosovës dhe kombit shqiptar.
Të hiqen nga skena politike ata/ato, të cilët qe 7 vjet e rropën popullin e
Kosovës, nga ethet e korrupsionit, të sëmurë nga kjo plagë e shoqërisë
"demokratike", ata e kanë humbur torruan, janë bërë "supermenë" çdo ditë me
betimin e pavarësisë së Kosovës, po i hedhin hi syve popullit dhe nuk po
bëjnë asnjë hap përpara në historinë tonë të re; këta "politikanë" mashtrues
edhe kur po hapërojnë , po hapërojnë prapakthehu!
Dëshmia më e hidhur e tyre janë të ashtuquajturat negociata me Serbinë, të
cilat nën maskën e zgjidhjes së çështjes së Kosovës, po e ndajnë Kosovën me
të ashtuqujturin "decentralizim"!...
Menjëherë pas ngjarjeve të hidhura në Prishtinë, nuk vonoi dhe në tribunë
para gazetarëve doli "mbreti i përrallave demokratike", Jesen Petersen i
cili duke i komentuar protestat e Lëvizjes Vetëvendosje ai tha se nuk e
kupton atë që po e bëjnë!!!
Jam i bindur se armiqtë e pavarësisë së Kosovës, kur i shohin këta njerëz
duke protestuar, do të jenë të lumtur - tha Petersen.
Por, Petersen nuk ka thënë asnjë fjalë përse shqiptarëve u janë shtuar edhe
13 standarde të tjera, ashtu siç nuk ka sqaruar deklaratën e bërë në
Maqedoni se pavarsisht nga vullneti i shumicës do të jetë pakica ajo që do
të përcaktojë statusin e Kosovës.
Sipas logjikës së rrjedhur prej matufllëkut të tij: Adem Demaçi, Emrush
Xhemaili, Rexhep Ahmeti Albin Kurti dhe gjithë ajo rini heroike dhe popull i
Kosovës që po demonstron, qenkan armiqtë e saj, ndërsa ky me servilët e tij,
institucionalistët shqipfolës që po krekosen edhe për rikthimin e një pjesë
të policisë së MUP-it në Kosovë, na qenkan miqtë e saj!!!
NO KOMNENT!

Duke e përfunduar këtë shkrim-revolte do të shtoja vetëm edhe një

FTESË:

për popullin shqiptar, që e bëri atdhetari Albin Kurti, para dy netësh kur
tha në RTK: "ne duam të bëjmë REVOLUCION, ne duam t´i fitojmë të drejtat
tona duke u bërë pengesë për UNMIK-un, do të bëhemi barrikadë me trupat
tona"!

Popull i shumëvuajtur shqiptar!

Zgjohu brenda e jashtë atdheut, bashkohu me demonstruesit në Prishtinë dhe
demonstro me dinjitet kudo nëpër botë!
Zgjeroj dhe forcoj radhët për të vendosur vet për fatet tua, ashtu siç
vendosën e po vendosin me dinjitet kombet në ish-republikat tjera të cilat
deri dje vuanin nën shtetin më gjenocidal në botë, në ish-Jugosllavinë
titiste.
Mos lejo që për fatet tua të vendosin të tjerët, sikur para 128 vjetësh, në
Konferencën famëkeqe të Berlinit.
LSHP, na grishë për QËNDRESË!

PËRPARA! QËNDRO SHQIPTAR!


Pershendetje faiksmajli,

Desha me t'u pergjigj, por ne vend se te lodhsha gishtat ne tastiere, gjeta te gatshem nje trakt qe daton ne qershor 2006, por qe ngjan sikur te ishte shkruar ne vitin 1941 nga Enver Hoxha, Miladin Popovici dhe Dushan Mugosha.

Komunizem i gjalle allakosovar!
E thone pastaj se ka vdek komunizmi ne trojet shqiptare!
Cfare katastrofe! Donkishotizem i shekullit te 21-te!
Ky eshte vetem fillimi i demaskimit te levizjes se naiveve politike te shabllonit Demaci.
Kane gjetur nje lejfen (lejfeni eshte tipi i komunistit kinez te Revolucionit Proletar) te ri qe quhet Albin dhe qe mbahet nga ata qe e kane krijuar si Anteu.
Ja ku e ke dhe Emrushin e famshem te Levizjes per Republiken Socialiste te Kosoves ne Jugosllavi.
Prit edhe ca kohe se do te nisin te dalin nje e nga nje ne skene, por kur te dalin te gjithe, atehere ai Albini do ta kuptoje se ka qene nje kukull teatri ne duart e te tjereve.

Populli shqiptar i Kosoves ka vetevendosur per fatin e tij me referendum qe ne vitet '90!

[DYDRINAS]

...

Duke i njohur të gjitha këto veprime të tij kundër-shqiptare ne e mohojmë kategorisht që të bëhet kjo ngritje e pamerituar e tij...

Prandaj, po e ritheksojmë se njëzëri vendosëm të dalim në përkrahje të Shoqatave të dala nga lufta çlirimtare, që Aeroporti i Prishtinës, të quhet, me emrin e Komandantit legjendar, Adem Jashari!

Të nënshkruarit:

Veli Llaka, Ismet Sopi, Naser Hyseni, Xhemil Zeqiri, Ramadan Pllana, Bekim Avdiu, Azem Musliu, Avdi Sherifi, Liman Rustemi, Fadil Shyti, Faik Smajli, Gëzim Mekuli, Isa Murati, Xhelal Ferizi, Tahir Veliu, Nisret Ahmeti, Mona Agrigoroaiei, Faxhri Asipi, Ramadan Kurti, Elsa Muja, Mevlude Shyti, Murat Shyti, Ganimete Shyti, Ramush Krasniqi, Bedrije Krasniqi, Laura Hoxhaj, Valbona Hoxhaj, Hanumshahe Hoxhaj, Shake Hoxhaj, Filloreta Hoxhaj, Teureta Hoxhaj, Qëndresa Hoxhaj, Blerta Hoxhaj, Vjosa Hoxhaj, Luan Hoxhaj, Berat Nasufi, Ramadan Kurti, Sahit Xhemajli, Beqir Halili, Hamdi Krasniqi, Mahmut Xheladini, Bajram Kurti, Enver Hyseni, Andrim Zeqiri, Abdyl Hoxhaj, Riza Hoxhaj, Blerim Hoxhaj, Berat Nasufi, Agim Zeqiri, Ardi Serveti, Arbnora Sazivari, dhe Blerim Namani.

Shkrim i huazuar nga RTVZIK Danimarke.



Pershendetje Faik Smajli,

Kisha bindje te plote se ben pjese ne kete kuzhine dhe nuk paskam gabuar.