Vazhdojnë punimet e rrugës Durrës-Morinë

[DYDRINAS]

bjeri daulles bjerri se i bie bukur qazo

Akuzat e komisionit Hetimor dhe KLSH: Nga fondi i grumbulluar vetëm 6 për qind u përdorën për rrugën


Taksa “Majko”, lekët u shpërdoruan
Rreth 45 milionë USD të taksës shkuan për sektorët e tjerë


Shoferë që kanë paguar për tre vjet rresht nga 7 mijë lekë në vit për taksën “Majko”, kanë të gjitha arsyet për t’u bërë pishman.

Nga shuma totale e parave që janë mbledhur për ndërtimin e rrugës Durrës-Prishtinë, janë përdorur për punime vetëm 6 për qind. Pjesa tjetër ka shkuar për të mbushur gropat e zeza dhe të mëdha të buxhetit të shtetit. Raporti këtë radhë është i Kontrollit të Shtetit. Jo i publikuar nga KLSH, por i shpërndarë nga komisioni Hetimor për kontrollin e parave të taksës “Majko”, raporti thekson se nga 4.6 miliardë lekë që janë grumbulluar në buxhet për ndërtimin e rrugës janë përdorur për ndërtimin e saj vetëm 25.8 milionë lekë, ose rreth 5.58 për qind. Pjesa e “Luanit” prej 4.38 miliardë lekësh, ose rreth 45 milionë dollarë, ka gjasa të jetë përdorur për lloje të tjera shërbimesh në sektorë të tjerë që nuk kanë fare lidhje me transportin apo rrugën Durrës-Kukës. Ministria e Financave, asnjëherë nuk ka qenë totalisht transparente me paratë për Durrës-Kukës. Deri tani në asnjë rast nuk është thënë se paratë janë përdorur të gjitha për rrugën, apo janë ndarë edhe për sektorë të tjerë. Financat kanë qenë hermetike, sikur paratë e taksës të ishin pjesë e punëve personale të drejtuesve të këtij dikasteri. Në kohën kur u vendos taksa, të gjithë institucionet ndërkombëtare, përfshi këtu edhe një pjesë të mirë të specialistëve shqiptarë, theksuan se paratë e taksës së re “solidare”, nuk duhet të shkojnë në një destinacion tjetër. Por jo vetëm që kanë shkuar në destinacione të ndryshme, por edhe janë shpërdoruar. Në raportin e papublikuar të KLSH-së theksohet se nga fondi i përdorur për ndërtimin e rrugës, pra nga 25.8 milionë lekët e përdorura 4.5 milionë janë shpërdoruar, janë përdorur jashtë funksionit. Gjatë këtij viti është parashikuar që buxheti i shtetit të financojë 446 milionë lekë për rrugën. Për segmentin Milot-Rrëshen do të shpenzohen 400 milionë lekë. Pas përfundimit të studimit të fizibilitetit të rrugës Durrës-Kukës financuar nga Banka Botërore në shumën 794 mijë dollarë, është përzgjedhur varianti përfundimtar me gjatësi 116.3 kilometra, mbi të cilin do të hartohet projekti i zbatimit. Sipas këtij studimi të financuar nga BB, aksi është ndarë në tre segmente kryesore; Segmenti Milot-Rrëshen me gjatësi 26.3 kilometra, Rrëshen-Kalimash me gjatësi 55 kilometra dhe Kalimash-Kukës-Morinë me gjatësi 35 kilometra. Taksa “Majko” starton më 26 qershor 2002, kur Parlamenti vendosi për aplikimin e saj. Në atë kohë paguhej, 1 për qind taksë për të gjitha importet dhe rreth 3 lekë taksë për karburantet. Më vonë u shtua edhe 7 mijë lekë në vit taksë për makinat.

Gazeta Panorama
15-05-2005

[DYDRINAS]

Qeveria pranon: Rruga Rreshen-Kalimash s’ka projekt teknik
Data e Publikimit: 25/11/2006

Autori i Lajmit:
G.B.
TIRANE- Ministria e Punëve Publike në një njoftim të publikuar në formën e një hapësire publicitare në shtypin e shkruar i bën ftesë publikut për diskutim. Qeveria pranon se akoma dhe sot e kësaj dite nuk ka filluar puna për hartimin e projektit teknik për ndërtimin e segmentit rrugor Rreshen Kalimash. Ndërkohë Kryeministri Berisha dhe ministri Lulëzim Basha vazhdojnë të pëllasin se së shpejti fillojnë punimet. Shkeljet ligjore për këtë tender nuk kanë të numëruar. Aktualisht për shoqëritë Bechtel dhe ENKA është dhënë paradhënia prej 5 miliardë lekësh ndërsa punimet nuk kanë filluar akoma. Në njoftimin publik të Ministrisë së Punëve Publike, Transportit dhe Telekomunikacionit thuhet: "Ministria e Punëve Publike, Transportit dhe Telekomunikacionit, Drejtoria e Përgjithshme e Rrugëve po bën aktualisht përgatitjet e fundit përpara fillimit të punës për projektin teknik të detajuar dhe për ndërtimin e rrugës Rreshen (Mirditë) - Kalimash (Kukës). Ministria e Punëve Publike, Transportit dhe Telekomunikacionit, Drejtoria e Përgjithshme e Rrugëve i ka kërkuar institucioneve financiare si: Bankës Europiane për Rindërtim dhe Zhvillim (BERZH) DHE Bankës Botërore(BB) të marrin pjesë në financimin e këtij projekti me gjatësi prej 57 km i cili do të ndahet në 3 seksione dhe do të përfshijë: Një rrugë krejtësisht të re nga Rresheni në Kalimash përfshirë këtu strukturat përkatëse si ura nyje kalime dhe rreth - rrotullime. Një tunel 5 km të gjatë në seksionin Thirre - Kalimash. Përpara se të vendosë për financimin e projektit, bankat duhet të jenë të bindura se Projekti nuk do të ketë ndikime negative mbi mjedisin. Gjithashtu, Projekti duhet të plotësojë kushtet e legjislacionit shqiptar mbi Vlerësimin e Ndikimit në Ambient (ligji nr.8990, 21 janar 2003). Si projekti ashtu dhe programi do të përfshijnë të gjitha masat e duhura për minimizimin e të gjitha ndikimeve në ambient i cili do të shqyrtojë të gjitha problemet ekonomiko - sociale ose mjedisore që lidhen me projektin... "

“Tenderi”,paradhënie pa projekt teknik

Tirane-Qeveria shqiptare i ka dhënë shoqërisë "Bechtel International inc.-Enka" 41.8 milion Euro paradhënie për kryerjen e punimeve për ndërtimin e segmentit rrugor Rreshen Kalimash Këtë fakt ne ka pranuar edhe vetë Ministri i Financave Ridvan Bode në Komisionin parlamentar të Ekonomisë gjatë prezantimit të projektligjit për buxhetin e shtetit për vitin 2007. Paradhënia në masën 10 % të shumës 418 milion Euro të firmosur në kontratë përbën rastin e parë që një qeveria shqiptare parapaguan në një masë aq të madhe dhe të pabazuar ligjërisht. Deri tani, partneri kryesor ndërkombëtar Banka Botërore ka refuzuar mbështetjen për këtë projekt. Po kështu asnjë institucion tjetër ndërkombëtar nuk ka shprehur angazhim për të mbështetur këtë projekt. Kështu që e gjithë shuma do të përballohet me një kredi me interesa tregtare sic edhe është parashikuar gjatë hapjes së tenderit që firma që do të merrte përsipër këtë projekt doi të gjente dhe bankën që do ta mbështeteste së bashku me financimin me kredi me interesa tregtare.

Zeri i Popullit



P.S. Nese "specialistet" e ZP jane te bindur se aty ka shkelje ligjore, atehere kush i ndalon ata qe te hapin nje procedure ligjore kunder "abuzuesve" me kete projekt me vlera epokale!?
Pse nuk e ndertuan qeverite e Majkos, Metes dhe Nanos kete rruge mbarekombetare?
Kush i pengoi?

[DYDRINAS]

RRUGA KLINTON

Per nje koridor te shkurter qe deperton nga Adriatiku drejt disa zonave ballkanike eshte ngritur pluhur te pakten nja kater here keto 110 vjetet e fundit. Behet fjale per rrugen antike Lissus-Naissus pergjate lugines se Drinit (1) e permendur nga autore te vjeter edhe si rruga Nish-Lezhe (Nais-Lis) (2). Si per mjaft gjera te tjera te rendesishme edhe per koridore te tille (nese mund ta quajme koridor) duhet investim politik intensiv. Roli i linjes Durres-Kukes-Prishtine e me tej eshte shume i rendesishem e i shumfishte ne rradhe te pare per shqiptaret. Por do te ishte mjaft i ndryshem ne kohe te ndryshme. Nga ky koridor do te kishin perfitime edhe te tjeret. Madje, ata qe kane bere perpjekjet e para per ta realizuar kane qene serbet ne fund te shekullit 19-te dhe ne fillim te shekullit 20-te. Interesimi i tyre per dalje ne Adriatik ne ate kohe motivohej me luften doganore me Austro-Hungarine (3). Kjo ishte per konsum te brendshem, ndersa para Portes se Larte perdoreshin motivime te tjera. Porta e Larte duhej te jepte leje per linjen hekurudhore (hekurudhe kerkohej ne ate kohe) ne vijen e kufirit serbo-turk-Prishtine-Prizeren-Shengjin (4). Asnje nga perpjekjet e deritashme nuk ka patur sukses per pasoje te rrethanave historike e politike. Ky fakt nuk e zbeh rendesine qe do te kete ky koridor i cili nga analistet identifikohet me te ardhmen e shtetit shqiptar ne Ballkan.

1. Projekti serb ne Stamboll

Ne fund te marsit dhe fillim te prillit 1910, mbreti i Serbise Pjetri i I-re dhe ministri i jashtem Millovanoviq udhetojne per Stamboll. Qellimi ishte marrja e konçensioneve per hekurudhen e Adriatikut (5). Paraqesin projektin per ndertimin e hekurudhes dhe bashke me te nje thes me elozhe per Turqine. Millovanoviq eshte perpjekur tìa mbush mendjen qeverise turke se do te ishte ne interes te saj hekurudha e Adriatikut, ndertimi i kesaj linje do te ndihmonte edhe rritjen e autoritetit te Turqise ne syte e shqiptareve (6) etj. Turqia, sipas deshmive, e miraton projektin e paraqitur por nuk u jep serbeve asnje konçension. " . . . punimet do ti kryejne ndermarrjet turke " kishte qene pergjigja. Serbeve u premtohet qe pas perfundimit te hekurudhes Prishtine-Prizren-Shengjin te realizojne nje lidhje, nje degezim diku.
Nisur nga rrethanat e kohes mendoj se Turqia kishte (edhe) motive te tjera per te mos dhene konçensione, siç kishin serbet te tjera motive per ti kerkuar ato. Hekurudha do te kalonte mes per mes teritorit më potencial te pjeses Europiane te perandorise. Perpjekja per hekurudhen ishte shfaqur qe me 1896 (po nga serbet) ne kohen e daljes ne drite te dekretligjit per ndertimin e hekurudhes se Timokut (7). Nuk do te ishte keq, kishin thene turqit, me teper per ti hequr qafe se sa nga bindja per te. Ne vitin 1880 (Qershor) ne baze te vendimeve te Kongresit te Berlinit (1878) perandorise iu hoq nje pjese e Shqiperise se poshtme ne favor te Greqise, 1/32 e teritorit perandorak, ndersa 1/12 e popullsise se saj europiane ose 800. 000 banore (8). Nje prerje tjeter ne kete territor potencial do te shenonte rrëzimin e saj te pa riparueshem. Ajo, perandoria Osmane, e njihte rrezikun sllav . Mbante forca te shumta ne vilajetin e Kosoves jo aq per te shtypur shqiptaret, gje qe e bente me ndihmen e serbeve, sesa per te ruajtur ngrehinen e vet. Nga nje salmane e vitit 1896-97 del se shpenzimet per ushtrine ne vilajetin e Kosoves kapnin shumen 47% te krejt buxhetit te vilajetit ne kohen kur per vilajetet e tjere harxhohej 1/3 respektive (9).
Ne vitin 1906 riaktualizohet çeshtja e hekurudhes se Adriatikut: kufiri i Serbise-Prishtine-Prizeren-Shengjin dhe ze vend qendror ne politiken e jashtme te Serbise. Per projektin ne fjale kete vit qeveria serbe permes negociatash siguron perkrahjen e Italise e te Frances. Nga Porta e Larte vinte e njejta pergjigje negative dhe e prere " kurre dhe askund nuk mund ti zgjaste doren per realizimin e projektit qe ishte aq i rrezikshem per te" (10). Ndoshta do te mjaftonte nje jo. Fjala kurre shprehte nervozizem dhe jo doemos vendosmeri. Shprehte dobesi. A nuk u ngopet me pjesen e Shqiperise se poshtme, me ato pjese te Shqiperise se veriut e veriperendimit? Keshtu zberthehej pak a shume fjala kurre. Pas nje viti, me 1907, Bullgaria shenon nje kthese ne politiken e saj duke u afruar me Austro-Hungarine (11), nderkohe qe ajo, Bullgaria ne maj te vitit 1904 kishte nenshkruar edhe nje traktat aleance me Serbine (12), keshtu qe perandoria fillon ti ofroje konçensione Serbise dhe te synoje nje lloj aleance me te edhe per te trembur Sofjen (13) ne kete rast, por gjithsesi, aleance ne dem te Shqiperise. Kryeministri i Serbise Pashiç ne konceptin e traktatit per aleance me Turqine (14) kerkon shume (siç) por pjesen kurrizore e perbente hekurudha e Adriatikut Serbi-Prishtine-Prizren-Shengjin. Te gjitha pikat e tjera ishin garniture : neutralitet, ruajtje e status-quos territoriale ne Ballkan etj. Ishte kohe e nxehte,
ishte nje lufte per hekurudha siç behet sot per koridore. Bullgaria perpiqet te marre konçensione ne hekurudhen transballkanike duke ju kundervene projektit te hekurudhes se Sanxhakut qe kishte paraqitur ministri i jashtem austro-hungarez Erental. Porta e Larte mbeshtet Erentalin ndersa ketij i kundervihet Rusia me projektin danubjan . . . Qeveria serbe duke pare se projekti i vet per Adriatikun po rrezikohej, ngre zerin perseri (qe ngritur me 1903) per çeshtjen e zgjerimit te reformave qe duhej te bente perandoria osmane ne vilajetin e Kosoves, duke kerkuar te drejta politike per ate numer (shume te vogel) serbesh qe jetonin aty. Serbia ne kete kuader i kerkonte Portes edhe çarmatosjen e shqiptareve dhe koridore per furnizimin e vet me arme (15). Nga ana tjeter serbet nxisnin per ekspedita ndeshkimore te turqve mbi shqiptaret duke i ndihmuar ne masakrimet e popullsise. Per nje koridor qe çon ne Adriatik jane ne gjendje te bejne shumçka. Aleanca e tyre per kete, veç Rusise, Bullgarise dhe Greqise, shtrihet deri ne Angli. Po te benin hekurudhen e Adriatikut serbet me siguri qe do ta ngrinin zerin per " te drejta detare ne keto ane " thuhej ne nje dokument te shoqerise "Besa" ne tetor 1907.
Eshte ndoshta me mjaft interes të rikujtojme verejtjen e Erentalit ne maj te vitit 1910. Duke pare dhunen turke dhe serbe (organizata "Serbet otomane "1910) mbi shqiptaret ai ka nenvizuar se "dobesimi i shqiptareve u interesonte rusëve, serbëve . . . "(16). Gjate kohes qe perandoria qendronte ne kembe diskutimi i fundit serbo-turk per hekurudhen e Adriatikut u mbajt ne Shkurt 1911 (17) por, mesaduket nuk u shenua ne protokollin perfundimtar. Ne mesin e Qershorit 1911 hekurudhen e permend vete Sulltani (Mehmeti i V-te) gjate nje vizite ne vilajetin e Kosoves (18) ne kuader te nje programi administrativ, financiar dhe kulturor i cili ç'eshte e drejta ishte shume i vonuar. Ne ate kohe nje diplomat serb ne bisede me Hasan Prishtinen thekson me " kopetence " se turqit i paraqesin shqiptaret si kundershtare te hekurudhes se Adriatikut, madje te çdo hekurudhe. Prishtina pergjigjet se "nese ishte shfaqur ndonje mosbesim karshi hekurudhes se Adriatikut, kjo vinte nga propoganda e huaj qe e paraqiste ate si vije komunikacioni te Serbise, permes se ciles do te shtrihej pushtimi mbi Shqiperine" (19).
Nderkohe serbet kishin ngulur kthetrat; sapo perandoria te hiqej qafe me ndihmen edhe te shqiptareve te shtinte ne dore vilajetin e Kosoves dhe te marshomte drejt detit. Keshtu, ne vitin 1912 Millovanoviqi ministri i jashtem serb i shkruan nje prej konsujve te derguar te vet: "deri tani eshte perfituar më së miri. Ne rradhe te pare jane larguar dy rreziqe qe na kanasosheshin. E para, nuk eshte aktualizuar çeshtja e autonomise se Shqiperise ne rradhen e problemeve ballkanike; e dyta, nuk eshte forcuar ndikimi austriak tek shqiptaret . . . ". "Shqiptaret jane te bindur se te vetmuar kunder turqve jane te pa fuqishem, gje qe i detyron te kerkojne mbeshtetje tek fqinjet ballkanike" (20). Keshtu shkruante duke ferkuar duart ministri i jashtem serb ne prag te pavarsise se nje pjese te Shqiperise.
Në atë kohe, duhet cekur per rrethane historike, serbet kishin mberritur si pushtues deri ne Durres dhe do te terhiqeshin prej aty vetem pas nje viti prej presionit te vazhdueshem te Vienes, duke bertitur: si ta leme skelen? Nuk eshte pa vend te kujtojme deklarimin e Millovanoviqit (kryeministri i Serbise) se qellimi ishte qe shqiptaret te luftojne kunder Turqise, te dobesohen te dy palet e kjo do ti jepte dore Serbise (21). E perveç kesaj, "Dora e Zeze" (22) nje organizate e fshehte ushtarake e krijuar ne Beograd me 1911 vepronte tashme ne veri te Shqiperise me shovinizem, me sadizem.

2. Nje tunel 3. 8 km

Duke mos u ndalur te ndonje perpjekje e mundshme ne vitet e pushtimit austro-hungarez (23) apo ne kohen e mbretit Zog, pas shume dekadash shteti i vetmuar i Shqiperise (diku ne strukturat lokale) do te trajtonte pergjysme vetem gjysmen e atij kalimi per te cilin dikur qe ngritur shume pluhur. Dhe gjysma e atij koridori eshte rruga e shkurter Milot-Kukes (ose Kukes-Milot).
Ne shkurt te vitit 1986 ne ish Komitetin Ekzekutiv te rrethit Kukes,
keshilli tekniko-shkencor paraqet projekt-idene ne dhjetra faqe per rrugen Kukes-Tirane. Shume vite me pare ishte perfolur problemi i rruges po pa guxuar te merrej kush me te. Rruga e Kukesit per Tirane dhe Tiranes per Kukes (ose e Durresit per Kukes) kalon sotpersot neper Puke. Vetem segmenti i rruges qe kalon ne kete territor zë gati ¼ e rruges prej 215 km Kukes-Tirane. Nje rruge qe ngjitet gati ne te gjitha majat e maleve te shumte qe pershkon por nderkohe qe zbret ne te gjitha luginat. Nje rruge e bere per te shfrytezuar pyjet, nje rruge qe administrata e periudhes se komunizmit e vleresonte si strategjike pasi çdo armik do ta kishte te veshtire ta pershkonte pa u ndeshkuar. Te merremi me projekt idene. Hapsira ku kryhet vezhgimi eshte Rreshen-Fush Arrez-Kukes me nje gjatesi prej 131 km me qellim per ta shkurtuar, pra per te shmangur kalimin neper Fush Arres. Studimi (24) shqyrton tre variante 1. rruga ekzistuese, 2. rruge e shkurter me tunel 3. 8 km, 3. rruge e shkurter me tunel 9 km (plus hekurudhe). Varianti i dyte synon: Rreshen-Thirre-Kukes = 84 km duke perfituar 47 km dhe ndjek kete itinerar duke u nisur nga Kukesi: Kukes-Fushe Dugagjin-Surroj, Trull-Qafe Kumbull (tunel 3. 8 km) - Thirre-Ura e Fanit-Ura e Milotit. Ne ate kohe ky variant qe marre disi ne konsiderate prandaj e konsideruam, ndonese eshte me interes edhe varianti i trete qe perveç tunelit te gjate me rruge e hekurudhe shmang Shpalin dhe kursen edhe 16 km te tjere. Po le te vazhdojme me variantin e dyte. Ura e Fanit-Reps 25 km + Reps-Klos 16 km + Klos-Thirre 11. 5 km + Thirra-hyrja e tunelit 3. 5 km + tuneli 3. 8 km + tunel-Fushe Dugagjin 3. 7 km + Fushe Dugagjin-Kukes 10. 5 km = 84 km. Varianti i paraqitur ishte llogaritur rruge e kategorise se trete ( me dy kalime) me kosto te pergjithshme 59. milion leke ose 7. 9 milion dollare, llogaritur gjithnje ne ate kohe pra me 1986. Si e thame me siper, per kete variant pati nje prononcim nga Ministria e Mbrojtjes e asaj kohe. Ja permbajtja :
"Ministria e Mbrojtjes
Drejtoria e Pergatitjes Xheniere Nr. 4688 Sekret, 19. 9. 1986
Ne lidhje me kerkesen tuaj per te shqyrtuar "studimin per projekt-idene e lidhjes se Kukesit me rruge kombetare me te shkurter . . . jemi dakort me zgjidhjen e dyte me itinerarin : Ura e Fanit-Reps-Thirre-Qafe Kumbull (tunel)-Trull-Surroj-Kukes.
MINISTRI Prokop Murra"
23. 9. 1986
Llogaritem segmentin deri tek ura e Fanit pasi prej aty e ne vazhdim rruga eshte dy kalimshe jo e keqe ndersa ne Milot bashkohet me aksin veri-jug. Sidoqofte ky studim, kjo ide mbeti te zverdhet ne lokalet e pushtetit te pafuqishem lokal.

3. Rruga KLINTON

Kerzoni, kryeministri i Anglise ne vitin 1898 ishte shprehur se ne Shqiperi " kryqezohen interesat e shteteve ballkanike" (25). Mirepo Shqiperia nuk eshte ne gjendje ti intrigoje pozitivisht vendet ballkanike. Ajo duhet te orientoje drejt potencialet e veta dhe te filloje te behet. 100 vjet me vone, nje prej personaliteteve te pare shqiptare thirri: do ta bejme autostraden Prishtine-Kukes-Durres. Ishte Rugova. Te njejten gje perseriti edhe Berisha.
Por vetem fjale. Po fjale te bejme, pse te mos bejme !? Kesaj here u duk se fatin e ketij prioriteti te madh do ta marrin ne dore vete shqiptaret. Ne vitin 1999 menjehere pas mbarimit te krizes, pas rikthimit ne shtepite e veta te gjithe atyre qe u debuan ne Kosove, kryeministri i Shqiperise Pandeli Majko me sinqeritet dhe entuziazem besoi vertet se fati i ketij prioriteti ballkanik eshte ne dore te shqipetareve. Ai beri thirrje, por thirrja e tij drejtuar çdo shqiptari u venit ne deshperim. Ende nuk jemi faktor as per veten tone, mjerohen idealistet qe s'kane pushtet, para. Pa leje te dikujt as te vrasim veten nuk mundemi e jo më ta ndertojme ate. Majko mbeti i vetem, ndonese i madh ne patriotizmin e vet. Ai leshoi apelin "kontriboni per autostraden Durres-Kukes-Prishtine". Por mbeti vetem, dhe, per me teper u sulmua ideja e tij qe ishte aspirate aktuale e shqiptareve. Dikush filloi te perllogarite nje fature ta madhe prej 400 milion dollaresh. Dikush tjeter i meshonte idese se riberjes edhe njehere te rruges ekzistuese, te tjere vazhdojne sot e gjithe diten te botojne studime per rruge kaçakesh kur kane zbritur ne det per nje thes kripe, e per me teper ne te paska ecur ndonje i huaj. . .
Ne te vertete edhe ne thirrjen e Majkos ka nje gabim.
Ne aksin Durres-Kukes-Prishtine mungojne vetem segmentet Ura e Fanit-Kukes 84 km dhe Kukes-Morin 12 km. Pjesa tjeter, ndonese jo autostrade, eshte e pranueshme. Nga te dhena empirike di qe mesatarisht per ndertimin e nje km rruge me kater korsi nevojiten rreth 1 milion dollare. Llogarine e ben gjithkush. Permendja e shumave te medha ka per qellim sabotimin e berjes se rruges (siç eshte rasti i 400 milioneve).
Te jesh kryetar qeverie nuk do te thote qe vertet te perfaqesosh pos te tjerash mentalitetin human te banoreve. Shqiptaret, p. sh. nuk e perçmojne ndihmen kur vjen nga miqte. Ndersa kryeministri Meta duket se po e perçmon ndihmen amerikane per rrugen ne fjale (per nje segment te saj).
Meta ne diten e fundit te vitit 1999 ka ardhur ne Kukes bashke me Doklen dhe ka thene : Qeveria amerikane i ka falur buxhetit te shtetit 12 milion dollare per ti perdorur per pasojat e krizes. (Thuhej se Klinton i kishte nisur 12 milion dollaret me destinacion per rrugen Morin-Kukes. S. D. ). Ne, tha Meta, vendosem që me to të bejme rrugen Kukes-Morin dhe ne muajin maj (2000 S. D) do te fillojne punimet. Na kane ofruar per ta realizuar firmat amerikane, por ne u kemi thene jo, eshte me mire ta bejne firmat vendase, madje te Kukesit. Dokle, nenkryetar i Parlamentit tha : kete rruge do ta emertojme rruga Klinton, ky burre i madh, sepse neper kete rruge kaluan gjysem milioni refugjate.
Tani jemi ne Korrik 2000 dhe perderisa kryeministri nuk e mbajti fjalen ta çoje nderën e Klintonit ne destinacion, te filloje te beje rrugen "Klinton" mendoj se nuk eshte serioze. Pas njefare kohe ne pushtetin lokal u bene formalitetet dhe rruga, nese do te behet, eshte e quajtur Klinton. Te pakten emri i eshte vënë. Do zoti nuk deshton. Eshte folur per kete edhe ne parlament. Kemi dy variante, pat thene Meta, rruge e shkurter me ure te Kulla e Lumes dhe qe del 12 km (per te cilen amerikanet kane dhene 12 milion dollare) dhe varianti tjeter zgjerimi i rruges ekzistuese prej 24 km. Une them te bejme te parin.
Ne takim Shefqet Bruka, kryetar i rrethit tha kete propozim te cilin e çmoj interesant : 13. 6 milion dollare dhene nga Banka Boterore dhe shteti per riparimin e rruges Kukes-Fush Arrez si dhe 12 milionet e Klintonit te perdoren per hapjen e tunelit te Qafe Kumbulles. (Duke u ngjitur, diku afer ne Lakun e Qershise, rruga edhe sot eshte e kalueshme, por pa asfalt dhe nje kalimshme). Mbaj mend qe ndihmesit e Metes reaguan shume shpejt dhe me ze te larte : Ato gjera i dime ne ! Ishte data 31 dhjetor 1999.
Pas ketij rasti rruga Durres-Kukes-Prishtine eshte perfolur ne prill te vitit 2000 nga eksperte te bankes gjermane KFW gjate nje takimi ne keshillin e rrethit me kryetarin Bruka. "Kjo eshte rruga e shqiptareve" vleresuan ata, dhe pyeten me interesim per fondin dhe per rrugen Klimton. Pyeten jo pa njefare xhelozie dhe lane te kuptohej se ne vitin 2001 do te vinin ketu me projekte konkrete per rrugen Milot-Kukes-Prizren-Prishtine . . . . Per here te fundit rruga Durres-Kukes-Prishtine eshte permendur nga Kushner, administratori i OKB-se per Kosoven, ne konferencen e Brukselit per paktin e stabiletetit. Eshte permendur ne sensin Prishtine-Kukes-Durres andej nga i takon qe ta permend administratori Kushner dhe merita per kete i takon koordinatorit te marrveshjes (paktit) per Evropen juglindore, mikut tone te shquar Bodo Hombach. A mund te flitej per kete rruge edhe nga administratoret e Shqiperise, te cilet nuk e kishin paraqitur fare si projekt ne kete mbledhje? Por mbledhja e caktoi kete rruge si prioritet te prioriteteve per Shqiperine.
Ne mjediset e pushtetit lokal ne Kukes, ne KRRT-ne e republikes dhe ne zyra te ndryshme te qeverise aktuale te Shqiperise, qe prej dy vjetesh qarkullojne ide dhe projekt ide per rrugen e shqiptareve. Eshte krijuar keshtu edhe tryeza e bashkive ku kalon autostrada, jane bere . . .
Nje gje eshte e sigurte sipas meje : dokurdo autostrada Durres-Kukes-Prishtine (aksi ka qene gjithmone i njejte ndersa eshte emertuar me caqe te ndryshme) do te behet. Ata qe nuk duan qe te behet vetem mund ta vonojne por fatin e saj e ka percaktuar zoti. Ketej ne rrugen Lissus-Naissus kane ecur iliret ne shtepine e vet, romaket, bizantet, osmanet. Ketej do te ecin europianet ne mijvjeçarin e ri neper Shqiperi, ketej zbresin ujrat . . . edhe Drini i Zi kish dite me i ra shkurt me ra ne det, por udheton per Lume nëper kerthize te Shqiperise ku bashkohet me Drinin e Bardhe . . .


Sulejman Dida

[DYDRINAS]

Ja se cfare bene socialistet ne pushtet nga viti 1997 deri ne vitin 2005, per ndertimin e kesaj rruge.


Kosto tjetër e autostradës së re

RUBIK. Ministri i Transporteve Spartak Poçi ka reklamuar tjetër shifër, që duhet për të financuar rrugën e re tip autostrade Durrës-Prishtinë, duke thënë se kjo shifër e kalon shumën e 600 milion eurove. Ai nuk ka dhënë detaje nëse bëhet fjalë për një rrugë vetëm dykalimshe apo katërkalimshme. Sidoqoftë, praktikisht edhe në pjesën e nisur, vetëm në një pjesë të vogël, traseja është hapur rreth 22 metra për katër kalime nga xhenio e ushtrisë, ndërsa në pjesën që nis nga Munazi, ku është “asgjësuar” dhe rruga ekzituese e trenit, traseja është hapur vetëm 11 metra, që përkon me vetëm dy kalime. Sidoqoftë, duket se llogaritë e kësaj rruge nuk janë bërë mirë që në fillim dhe se financimi është thembra e Akilit, për të hyrë në fazën e punimeve në stil të gjërë dhe jo si deri më sot, që vetëm sa dhëmbëzohet ndonjë pjesë e butë! Poçi ka thënë se sigurimi i fondeve është problem mjaft i vështirë, ndërsa ka thënë se tratativat për financim me B. Botërore thuajse kanë përfunduar dhe pritet fillimi i punës për ta atakuar rrugën gjithandej nga Miloti në Rrëshen. Problem mbetet segmenti Rrëshen-Kalimash, e cila do t'i jepet me konçension firmës gjermane Strabag, ky sgement kushton 352 milon euro, por ka siguri më të mëdha financimi, për faktin se Strabag është në “joint venture” me Raifaissen Bank. Për pjesën tjetër Kalimash-kufi, përflitet se janë të interesuara Emiratat Arabe, të cilat po punojnë në aeroportin e Kukësit, ka përfunduar ministri i transporteve, duke siguruar se së shpejti do të fillojë riveshja e rrugës ekzistuese, me fonde nga buxheti i shtetit, që tashmë i kemi alokuar, për t'ua bërë kalimin më komod pushuesve kosovarë për në vendin amë.

Poçi gënjen për inspektimet

Në një inspektim të rrugës Rrëshen-Rubik, asaj ekzistuese, e cila është shkatërruar në pjesën më të madhe nga ujërat e ndenjura dhe mosveshja e saj prej vitesh, Spartak Poçi, premtoj lëvrimin e një fondi për riveshje, ndërsa i pyetur nga media lokale, se cili ishte qëllimi i kësaj vizite të papritur, ai tha se ndërmjet të tjerash kishte në axhendë inspektimin e punimeve në autostradë, pikërisht në segmentin e ri ku pu punonte xhenio. Por ministri, pasi piu dy kafe, një në Rubik dhe tjetrën në Rrëshen dhe hëngri një drekë po këtu, as që u kujtua të devijonte 1 km rrugën për të shkuar tek xhenio, atje ku po e prisnin mekanizatorë, ushtarakë e punëtorë të tjerë, të cilëve prej 3 muajsh nuk u ishte paguar puna e tyre! Nga burime të Ministrisë së Mbrojtjes, mësohet se ministri Majko e ka firmosur prej kohësh një shkresë për lëvrimin e 120 milion lekëve, dhe se kjo shkresë prej disa ditësh ndodhet dhe në tavolinën e ministrit Poçi, por ai ende nuk e ka vënë firmën mbi të. Arsyet, i di vetë ministri, shprehen burimet, tërësisht të pakënaqura me qëndrimin neglizhues që po mban Poçi dhe qeveria ndaj kësaj rruge, dhe xhenios së ushtrisë, e cila ka marrë përsipër ta ndërtojë segmentin e parë me kosto fare të ulët, 60 për qind të vlerës që do të duhej për firma dhe kompani private të tenderuara.
Zoti Poçi, mos gwnjeni kaq hapur!...

Nuk ka se si t'i thuhet ndryshe një ministri, i cili nuk e ka për gjë të gënjejë ditën për diell, dhe për më tepër të të duket si shenjt, kur nëse je gazetar, laviret të të përdridhet nëse i bie në të hilesë së tij. Sa herë e kemi dëgjuar këtë udhëheqës të transporteve, të premtojë pafund dhe pastaj të justifikohet po pafund. Vjen në një takim e të thotë njëmijë fjalë të mira për këtë apo atë rrugë, asgjë nuk bëhet dhe përsëri vjen e të fut „kalamenen“, për të të bindur se e ka njëmend kësaj rradhe. Dhe për çudi, në fytyrën e tij „te pafajshme“, nuk lëviz qoftë dhe një muskul për rrenën që ta lëshon m'u aty në mexhlis. Dhe ti budallaj, që je vënë përballë një premtuesi rrufjan, e ha sapunin për djathë. Na ka takuar disa herë ta intervistojmë këtë njeri për mbrapshtirat që kanë sjellë firmat mirëmbajtëse për rrugën Milot e deri tutje në Fushë Arrës, ka premtuar se „për veshi do t'ua sjellë ato për të përmirësuar gjendjen!...“, por sa ka ikur, ka gënjyer paturpësisht dhe rrugët kanë vazhduar të groposen si mos më keq. Erdhi dhe herën e fundit e tha deri në përbetim se në maj fillojnë punimet për riveshjen tërësore të rrugës nga Rubiku në Rrëshen, që është mbushur tërë gropa, por as që u duk më këndej, iku prilli, po iken dhe maj. Tha se kam ardhur të inspektoj punimet e autostradës, por as që e vuri këmbën atje, tek ushtarët e lënë jetim, pa pagë, pa financim, pa projekte, thua se janë ushtarët e Haxhi Qamilit! Tha se do të ndërhyhet këtu e atje, por më pas ia mbathi për t'iu lavirur elektoratit në një zonë, me siguri të ndërruar nga paraardhësja, diku larg kësaj rruge e rrugëve tona, që na i la në mjerim të plotë. Mjerë ata nëse u del deputet! Këtë njeri, nuk e brejti asnjë shej ndërgjegje, edhe kur në Fushë Arrës humbën jetën 14 nxënës të Kosovës, pa le më të merrte masa për rregullimin e pikave të zeza, siç quhen ato, për të vënë bordure etj. Ky njeri, edhe sikur të gremiset e tërë rinia e këtij vendi a mosha të tjera, me siguri nga sa veproj për rastin në fjalë, nuk do t'i bjerë ndonjëherë ndërmend për rrugët. Kush dreqin e mban atë ministër ?!...

Re.Mi

Komisioni parlamentar heton në terren “taksën Majko”

RUBIK. Anomalive të ndeshura në vijueshmërinë e punimeve në rrugën e re, të quajtur si koridori i Veriut, atë Durrës-Kosovë, i është përgjigjur me një inspektim edhe komisioni parlametar i ngritur posaçërisht për hetimin e destinacionit te taksës Majko, që është mbledhur enkas për këtë rrugë. Kryetari i këtij komisioni deputeti Preç Zogaj, ka shkelur në terren për të parë punën që është bërë këtu nga brigada e xhenios, dhe arsyet përse nuk është avancuar më tej, madje, ka patur edhe ndërprerje për arsye të mosdonatimit nga ana e qeverisë, pikërisht të asaj takse, që bisnesi ka mbledhur për këtë aks të rëndësishëm kombëtar. Zogaj ka qënë i shoqëruar nga ushtarakë të lartë të batalionit të xhenios dhe kryebashkiaku i Rubikut, Mark Ruçi. Duke pare javashllëkun e treguar dhe ekzagjerimin e kohëzgjatjes së pakuptimtë në kryerjen e segementit Milot-Rubik-Rrëshen, Zogaj ka kontaktuar punëtorët dhe drejtuesit e punimeve aty. Ai është shprehur për Shekullin se kam ardhur për të përmbushur detyrën e caktuar nga komisioni parlamentar dhe për të evidentuar saktësisht se ku ka shkuar “taksa Majko” dhe përse ajo nuk është materializuar në destinacionin për të cilin kanë paguar shqiptarët. Konstatoj se brigada e Xhenios së ushtrisë ka punuar me përkushtimin e duhur, por nëse ato do të kishin pasur mbështetje dhe nuk do t'u ishte ndërprerë financimi i përcaktuar, ata do të kishim ecur shumë larg prej këndej, madje sipas premtimit traseja e kësaj auostrade, të paktën tani kur po afrohet dyvjetëshi i fillimit të punimeve, do të kishte shkuar të paktën në Rrëshen. Janë grumbulluar 46 miliardë lekë për këtë rrugë, ndërsa deri më tani, për çudi, janë shpenzuar vetëm 140 milion lekë, ose 4 përqind të shumës së mbledhur!. Ku ka shkuar fondi?! Asnjë konfirmim zyrtar nuk ka për këtë çështje. Ne po hetojmë dhe pas 10 ditësh do të dilet me një raport të hollësishëm për këtë çështje, ku dhe si është përdorur ky fond, ka thënë Zogaj.

Taksa Majko, kundërpërgjigjen ministritë

TIRANË. Ministria e Financave dhe Ministria e Transporteve dhe Telekomunikacioneve i janë përgjigjur menjëherë Komisionit Hetimor për rrugën Durrës-Kukës, sipas njoftimit zyrtar të tyre, duke i dhënë me detaje dhe duke mos lenë shteg për abuzime me shifrat e mbledhura dhe të ruajtura në buxhetin e shtetit. Te ardhurat e mbledhura nga Taksa e rruges Durres-Kukes jane 4.6 miliarde leke. Keto te ardhura jane administruar ne llogarine e unifikuar te thesarit, Depozita e Qeverise ne Banken e Shqiperise, llogari ne te cilen grumbullohen te gjitha te ardhurat e buxhetit te shtetit. Per shkak te mosperputhjes ne kohe te arketimit te takses me kryerjen e shpenzimeve, si rezultat i kohes se nevojshme per hartimin e projektit te zbatimit per ndertimin e kesaj rruge por edhe faktoreve te tjere teknike, perdorimi deri tani i ketyre te ardhurave eshte si me poshte:

Viti 2002: Studim projektim ne segmentin Milot-Reshen 14.5 milione leke Viti 2003: Banka Boterore 794.000 USD

Projekti per segmentin Milot-Reshen 39 milione leke

Viti 2004: Studim-projektim segmenti Kalimash-Rexhepaj, 33 milione leke;

Rexhepaj-Morine 45 milione leke

Supervizion punimesh segmenti Milot-Reshen 2.7 milione leke

Ndertim rruga Milot-Rreshen ne shumen 142,5 milione leke

Viti 2005, jane filluar procedurat e prokurimit per:

Vazhdimin e ndertimit te segmentit Milot-Reshen 120 milione leke

Studime e projektime 10 milione leke

Shuma totale e financuar ose alokuar deri tani eshte:

Financim i Huaj 794 000 Dollare;

Financim nga buxheti 406 .7 milione leke.

Qeveria eshte e angazhuar per ndertimin e kesaj rruge, e cila kushton disa here me shume se te ardhurat e mbledhura nga kjo takes, vazhdon më tej njoftimi zyrtar. Per te siguruar ndertimin ne nje kohe sa me te shpejte ajo eshte e angazhuar ne gjetjen dhe perdorimin edhe te instrumentave te tjere, sic jane financimet e huaja apo format koncensionale te ndertimit.

Punëtorët e xhenios së ushtrisë 3 muaj pa rroga

RUBIK. Ndonëse ka 3 muaj që kompania e xhenios së ushtrisë po punon në një segment të ri të rrugës autostradë Durrës-Kosovë, në vendin e quajtur Munaz, asnjë prej 80 punëtorëve, mekanizatorëve e të tjerë efektiva nuk është paguar. Këtë e konfirmojnë vetë punëtorët, të cilët nuk kanë dëshirë t'u përmendet emri, ndërsa drejtuesit e ushtrisë, nuk pranojnë të prononcohen për këtë problem, edhe pse u ka ardhur në majë të hundës nga kërkesat e vazhdueshme të punëtorëve të atyshëm, që punojnë me orar të zgjatur për vijimin e kësaj rruge në drejtim të Rrëshenit, por që nuk paguhen.

Vetëm premtim, asnjë lekë për xhenion

Ajo që iu premtua kompanisë, që punon këtu, për t'a financuar me 120 milion lekë, mbeti thjeshtë një gënjeshtër, ndërsa shënohet si konflikt i ashpër më 26 tetor 2004, ai në mes të ministrit të mbrojtjes Pandeli Majko dhe ministrit të Transporteve Spartak Poçi në sy të Kryeministrit Nano, lidhur me fondin e derdhur për llogari të këtij koridori nga taksapaguesit shqiptarë, për të cilën Majko ka kërkuar që të lëvrohet menjëherë. Debati u shua me sarkazëm nga ana e kryeministrit, që kishte ardhur në një brifing të organizuar në breg të lumit Fan, ku po mbaronte segmenti i parë 4,5 kilometërsh, i nisur që prej dy vitesh, dhe që sipas premtimeve në fakt duhej të kishte mbaruar i tërë segmenti deri në Rrëshen. Këtë ka kërkuar dhe ministri Majko, i cili i pati argumentuar kryeministrit Nano, se të paktën për aksin nga Miloti në Rrëshen, apo atë Kalimash-kufi, nuk kemi patur nevojë për financim të huaj, pasi e mbulonte taksa e mbledhur. Por ka qenë ndërhyrja e Pocit, që e pati acaruar situatën, ndërsa Majko ka këmbëngulur në kërkesën e tij për ta lëvruar fondin, duke argumentuar se xhenio e ushtrisë i ka të gjitha kapacitetet për ta përfunduar këtë trase, pa qenë nevoja për ta tenderuar nëpër kompani private, madje me një kosto shumë më të ulët, duke kursyer 60 përqind të preventivit të saj. Nga mungesa e financimit, është ndërprerë puna në këtë rrugë, ndërsa drejtuesit e ushtrisë gjenden përballë presionit të mekanizatorëve, punëtorëve e teknikëve, të cilët prej 3 muaj nuk kanë marrë asnjë dyshk për punën e kryer, edhe pse ata i kanë tejkaluar normat me dy e trefish. Janë dhe civilë të tjerë të zonës që janë marrë në punë me shpresën se do të fitonin dicka, por dhe këta kanë mbetur me gisht në gojë. Sipas disa burimeve, mësohet se mekanizatorët, nëse nuk do të paguhen së shpejti, kanë vendosur ta braktisin punën, ndërsa bie në sy heshtja e makinerive të rënda në trasenë e autostradës, që sipas mekanizatorëve, nëse do të kishte patur financim, do të kishin ecur disa kilometra më tej.

Punimet e xhenios, disa të dhëna

RUBIK. Sipas specialistëve të xhenios, që po zbatojnë projektin, janë 6,5 kilometër rrugë, për të cilat buxheti i shtetit ka dhënë 120 milion lekë të reja, për të bërë trasenë e kësaj rruge në një volum pune prej 150 mijë m3 dhera dhe 100 mijë m3 mbushje, dhe ku traseja ndryshe nga pjesa e parë që përkonte me segmentin Skuraj-Rubik, do të jetë vetëm 11 metra e gjërë, së bashku me kanalet anësore 12 metra. Prej 7 ditësh forcat e xhenios kanë mundur të hapin rreth 800 metra trase, një avancim shumë më I shpejtë se sa në nisje, kur për 4,5 km rrugë, u desh afati nga nëntori i 2003 deri në dhjetor të vitit 2005. Në segmentin e parë 4,5 kilometërsh u lëvizën 344 mijë m3 dhera dhe 39 mijë m3 mbushje, ndërsa tabani i rrugës i kalonte 23 metrat, pasi aty u la dhe traseja hekurudhore. Ndërsa në segmentin e dytë, sipas kërkesës së Bankës Botërore, një kusht dhe për financimin, ishte heqja e linjës hekurudhore dhe përshtatja e trasesë për tabanin e rrugës së re, çka do të thotë një kosto e pjesëtuar gati për dy! Por problemi më i vështirë duket se mbetet pjesa nga Rrësheni në Kalimash, ku do të jetë dhe një tunel në hyrje të Sangut të Fanit, pjesë kjo që thuhet se i është dhënë me koncension kompanisë gjermane Strabag, por që deri tani, nuk është gërmuar as dhe një metër vend, edhe pse thuhet se për këtë rrugë, të paktën dykalimet e para, të bëhen sa më shpejt.

Marre nga Mirditaonline

[DYDRINAS]

Gjergj Buxhuku - 30/11/2004

Sqarimi i misterit të parave të rrugës

Shifra pothuaj qesharake e 200 milionë lekëve, që janë afro 2 milionë dollarë të sotëm dhe më pak se 1.6 milionë dollarë të kohës kur u grumbulluan këto para, të programuara për t’u harxhar çdo vit, i bie që rruga aq shumë e dëshiruar do të përfundojë pas 150 vjetësh


Projektbuxheti i vitit 2005 e sqaroi përfundimisht misterin e parave të rrugës Durrës –Kukës. Përfoljet e shumta në 3 vitet e vendosjes së taksës për ndërtimin e rrugës se ku kanë shkuar paratë, a janë harxhuar apo janë programuar për t’u përdorur në vitet në vazhdim, tash nuk kanë më kuptim. Fakt është shifra pothuaj qesharake e 200 milione lekëve, që janë afro 2 milione dollarë të sotëm dhe më pak se 1.6 milione dollarë të kohës kur u grumbulluan këto para. Kuptohet me kaq para të programuara për t’u harxhuar cdo vit i bie që rruga aq shumë e dëshiruar do të përfundojë pas 150 vjetësh ose për të mos përdorur ironi: për të mos u ndërtuar kurrë, sepse kaq para nuk mjaftojnë edhe për mirëmbajtjen e saj. Në fakt, nuk është rasti i parë që tregon se vullneti i vërtetë i politikës shqiptare për të ndërtuar rrugën që do të lidhë fizikisht dhe realisht shqiptarët dhe atdheun e vërtetë të tyre të ndarë në pothuaj 100 vjet, nuk ekziston. Nuk ekziston as dëshira për të përfituar nga të ardhurat që rruga jep për shqiptarët pa dallim vendit ku ata jetojnë. Të mos harrojmë se nuk janë as pasuritë nentokësore, as ato sipërfaqësore që janë vlerat e vërteta të vendit të shqiptarëve. Mbi të gjitha është pasuria e paçmuar e pozicionit të saj gjeografik, si rrugë potenciale ku ndërpriten në hartë vijat më të shkurtëra që lidhin portën e madhe të Perëndimit të zhvilluar, Italinë me Ballkanin dhe Lindjen e Afërme në këto kohë ku hapesirat janë zhvilluar kaq shumë.
Por si mund të bëhet fjalë për ta bërë tokën e shqiptarëve një korridor të madh lidhjeje me përfitim të jashtëzakonshëm financiar, politik, social dhe ekonomik kur ne nuk kemi dëshirë të shfrytëzojmë atë që është më e shpejta e mundshmja dhe natyrore: lidhja e trojeve shqiptare. Të mos harrojmë se edhe në kushtet e sotme ku gjendja e rrugës që lidh pjesën perëndimore të Shqipërisë, pra shtetin shqiptar me pjesën verilindore të saj d.m.th. Kosovën, janë në gjëndje mjerane pothuaj 30% e shërbimeve spedicionere janë me destinacion Kosovën. Askush nuk merr parasysh se kjo shifër mund të shumëfishohet nëse rruga që lidh shqiptarët do të bëhet. Por asgjë nuk merret parasysh nga vendimmarrësit e sotëm. Vetëm me fushata dëgjojmë herë pas here ndonjë zë të shkëputur që lëshon ndonjë lajm pa vijëmësi, siç duket sa për të mbajtur gjallë shpresën se diçka do të bëhet. Kuptohet s’ka rëndësi se kur. Shpresa vdes e fundit dhe kjo ka vlerë për të gjithë. Ndërkohë nëse shikohet me vëmendje ka disa lëvizje që në fakt pak shpresë të japin për vullnetin e vërtetë për të bërë rrugën, që jo vetëm do të lidhë pjesët e kombit por do të japi edhe shansin e daljes nga gjendja e komës së vërtetë shumëvjeçare të pjesës verilindore të shteti shqiptar. Rajone të tëra janë në kushtet e pothuaj vdekjes klinike si pasojë e izolimit faktit dhe pamundësisë për të komunikuar me tregjet dhe kapitalin. Vetën ndërtmi i rrugës do të bëjë të mundur lindjen e shpresës për të jetuar atje ku janë dhe për të mos i detyruar të marrin plaçkat në krahë dhe të marrin eksodin e dhimbshëm me pasoja shkatërrimtare për të gjithë kombin. Për të kuptuar se këtyre njerëzve i është hequr e drejta e shpresës mjafton të shikosh se edhe dhuratën dhe faktin e kryer të aeroportit të Kukësit, që sidoqoftë ishte një frymëmarje për zonat verilindore, politika e dënoi me vdekje praktike nëpërmejt dhënies së monopolit të fluturimeve koncesionarit privat të Rinasit.
Sesi mund të shpjegohet një vendim i tillë në kushtet e mësipërme këtë askush nuk mund ta shpjegojë. Megjithëse për të thënë të vërtetën askush nga vendmmarrësit nuk merr edhe mundimin më të vogël për të bërë edhe llogaritë sesa i kushton vendit dhe shqiptarëve një vendim i tillë. Vendimi për aeroportin e Kukësit së bashku me shumën qesharake për rrugën e shqiptarëve Durrës –Prishtinë në fakt tregon se vendi është dënuar nga vendimmarrja e sotme për të qenë i izoluar edhe për një kohë të gjatë. Paratë e grumbulluara prej të paktën 60 milionë dollarësh në emër të rrugës, që shqiptarët kanë paguar me vullnetin e tyre disa vjet më parë dhe vazhdojnë ta paguajnë ende në formën e taksave të ndryshme tashmë mund të thuhet me siguri të plotë që janë bërë rrush e kumbulla. Se ku dhe sesi kjo pak rëndësi ka. Rëndësi ka se përfundimisht u sqarua se ato nuk shkuan në drejtimin dhe për qëllimin për të cilën u mblodhën.
Ndërkohë qeveria e Kosovës megjithë kufizimet që i jep statusi i saj tregon fytyrën tjetër të Tiranës zyrtare. Projekti i rrugës për pjesën e tyre ka mbaruar plotësisht dhe njëkohesisht është marrë edhe vendimi për ta dhënë me koncesion. Jo vetëm kaq, por në çdo mbledhje me donatorë ndërkombëtarë kur i jepet rasti, ndonëse rasti u jepet shumë më pak sesa vendimmarrësve të Tiranës, kërkojnë ndihmë për të ndërtuar gjithë rrugën. Kështu ndodhi edhe në mbledhjen e fundit në Gjermani, ku ministri kosovar si çështje parësore ngriti ndërtimin e rrugës Durrës- Prishtinë. Një gjë e tillë nuk u kërkua nga përfaqësuesit e Tiranës. Siç duket edhe për shumë kohë ne e kemi mbledhur mendjen që nuk mund të bëjmë krimin e heqjes së “bukës së gojës” Greqisë, që fut në xhep paratë e shqiptarëve edhe nëpërmjet shfrytëzimit të korridoreve të saj në kushtet e mungesës së rrugës së shqiptarëve. Veprimi i mësipërm nuk është i izoluar përsa i përket financimit dhe ndërtimit të rrugës Durrës-Morinë. Mjafton të kujtojmë miratimin në parlament të shtesave në buxhetin e vitit 2004 nga paratë e arkëtuara nga shitja e Bankës së Kursimeve. Nuk është vetëm fjala se nuk u gjend asnjë dollar nga 120 milione dollarët e arkëtuar, por mbi të gjitha për seriozitetin e politikës shqiptare në mbajtjen e zotimeve të saj. Fillimi i punimeve të ndërtimit sa më të shpejtë të rrugës Durrës-Prishtinë do të shënonte edhe kryengritjen e vërtetë të shqiptarëve ndaj prangave moderne të kolonizimit ekonomik të tokave të tyre, nëpërmjet zhvatjes së pandërprerë të parave të tyre nga të huajt.
Duhet të kemi të qartë se tashmë shteti shqiptar potencialisht i ka të gjitha mundësitë të financojë vetë ndërtimin e rrugës kombëtare që lidh trojet shqiptare. Mjafton të shikojme se nëse do të kishim filluar grumbullimin e parave të rruges që prej pesë vjetësh, nga koha e çlirimit të Kosovës tashmë dhe t’i kishim shtuar të paktën edhe gjysmën prej 60 milionë dollarësh të shitjes së Bankës së Kursimeve do të kishim siguruar të paktën ¾ e financimit të duhur. Pa marrë parasysh se ekzistojnë edhe mënyrat koncesionare të ndërtimit të pjesëve të veçanta dhe më të kushtueshme të saj. Për të mos përmendur se me një politikë ekonomike normale, ku shqiptarët të ndihen të barabartë të paktën në vendin e tyre dhe paratë shqiptare të mos dalin me kot jashtë vendit, ne mund të ndërtojmë nga një rrugë Durrës-Morinë çdo vit.
Buxheti është politik dhe zgjedhjet janë afër, por politika që nëpërkëmb interesat afatgjata të kombit për interesat e saj afatshkurtër, në rastin më të mirë, është e papërgjegjshme!

biznesi

[DYDRINAS]

Durres-Kukes-Morine ne rutinen e programit te qeverse Nano 5

Ndertimi i rruges Durres-Kukes-Morine ben pjese edhe ne programin e qeverise Nano 5, por tashme duket se ajo nuk ka ate prioritet qe kishte ne qeverine e drejtuar nga Majko. Ne programin e qeverise se re ndertimi i rruges Durres-Kukes-Morine nuk eshte ne krye te axhendes. Edhe ne fjalen e Ministrit te Transportit Spartak Poci, mbajtur ne parlament si prioritet kryesore te ministrise qe ai do te drejtoje u paraqit ndertimi i e dy korridoreve rrugore. Poci ne fjalen tha se brenda vitit 2005 Shqiperia do te kete dy korridore rrugore veri-jug dhe lindje perendim. Ndonese Poci premtoi se do te perfundoje edhe studimi dhe projektimi i aksit rrugor Durres-Morine duke punuar edhe per gjetjen e financimeve, por nuk percaktoi asnje afat lidhur me kete. Deri tani studimi i fizibilitet ka mbetur vetem ne premtimet e ministrave te Trasporteve qe i kane lene vendin njeri-tjetrit.

Burime zyrtare nga Ministria e Trasporteve thane dje per "KJ" se ende nuk eshte pergatitur studimi i fizibilitetit per ndertimin e rruges Kukes-Durres-Morine, per te cilin Banka Boterore do te jape 20 milione dollare. Jane vete specialistet Institutit te Studimeve te Transportit qe pohojne per gazeten "KJ" se ka nje vonese per kete studim. "Eshte e vertete qe ka vonese. Studimi i fizibilitetit eshte pashaporta qe i hap rrugen pales shqiptare per te kerkuar financime nga te huajt per ndertimin e rruges Durres-Kukes-Morine", eshte shprehur dje per "KJ", Shkelqim Zeqo, specialist ne Institutin e Studimeve te Transportit. Ai thote se eshte tenderuar dy here per te bere studimin e fizibilitetit nga firmat shqiptare, por keto studime jane hedhur poshte nga BB sepse ato nuk i pershtateshin standarteve qe ata parashikojne. Pas perjashtimit te firmave shqiptare nga ky studim, ai i eshte lene ne duar vetem firmave te huaja. "Jane gjashte firma qe do te tenderojne per te bere studimin e fizibilitetit, nje italiane, gjermane, spanjolle, franceze dhe amerikane. Ne daten 1 shtator pritet te dalin rezultatet dhe te shpallet firma fituese per studimin e fizibilitet per ndertimin e rruges Durres-Kukes Morine", eshte shprehur specialisti Zeqo.

Koha e Jone
Gusht 2002



P.S. Deri ne fund te vitit 2002 (tri vjet pas perfundimit te luftes ne Kosove) nuk kishte nje studim fizibiliteti per ndertimin e kesaj autostrade e lere me te flitej per financime serioze te saj.
E nisi Majko ne vitin 1999 me nje demagogji patriotike, duke derdhur dhe para nga xhepi i tij ne nje llogari te Bankes se Kursimeve, qe per disa muaj mberriten ne 110 mije leke.
Mirepo pas demagogjise dhe naivitetit te Majkos, qendronte paaftesia qeverisese e pushtetareve socialiste, qe pretendonin te lidhnin kombin me para xhepi.
Me pas u vendos e ashtuquajtura taksa "Majko" e cila arriti te mbledhe disa miliona $, por qe mberriten ne destinacione te tjera.
Pretendohej te ndertohej nje rruge e veshtre nga te gjitha aspektet, pa patur nje strategji dhe pa patur nje projekt.

[DYDRINAS]

Neser nis nga firmat Bechtel dhe Enka, hapja e tunelit te Thirres, pjesa me e rendesishme e autostrades Durres-Morine.
Per kete do te organizohet nje ceremoni festive ku i pranishem do te jete dhe Kryeministri Berisha.
Me ne fund po mbahet fjala e dhene dhe premtimi madhor i PD dhe i Berishes per ndertimin e pershpejtuar te ketij aksi me rendesi te madhe kombetare.

[DYDRINAS]

4/2/2007
Sot paradite, Kryeministri Berisha zhvilloi një vizitë në qytetin e Kukësit, ku fillimisht u ndal në një takim me banorët e këtij qyteti. Në përshëndetjen e tij për qytetarët, Kryeministri u shpreh:

“Dëshiroj të përulem me nderim të thellë dhe mirënjohje të pakufishme, ndaj jush, qytetarëve të Kukësit dhe të gjithë banorëve të këtij rrethi, qytetarëve të Hasit, të Krumës, të Bajram Currit dhe të gjithë banorëve të Tropojës, për mbështetjen e pakufishme dhe për qëndrimin tuaj të palëkundur, në mbështetje të demokracisë dhe të vlerave të saj.

Gjithashtu, unë zotohem sot, para jush, se do të mbështes plotësisht, me çdo mjet financiar dhe mjete të tjera, kryetarin tuaj të ardhshëm të bashkisë, zotin Hasan Halilaj dhe të gjithë kryetarët e komunave të këtij rreth, do të mbështes zotin Peka dhe të gjithë kryetarët e komunave të Hasit, do të mbështesë zotin Ahmetaj dhe të gjithë kryetarët e komunave të Tropojës, në çdo projekt që ata duan të zbatojnë për të lehtësuar jetën tuaj, për të përmirësuar shërbimet ndaj jush, për të krijuar vende pune për ju, për të shkolluar fëmijët tuaj në shkolla moderne, për të asfaltuar rrugët tuaja, për të krijuar mundësi që ju të shisni prodhimet tuaja.

Ndaj, vëllazërisht ju ftoj të vazhdojmë së bashku. 18 shkurti është një ditë e madhe, ditë në cilën ju vazhdoni të votoni për vlerat që ju mbroni, votoni për duart e pastra dhe për qeverisjen me duar të pastra. Votoni për luftën kundër kriminalitetit, për sigurinë tuaj dhe të fëmijëve tuaj, të rrugëve, shesheve, qyteteve dhe fshatrave tona, votoni për rritjen e rrogave dhe të pensioneve të qytetarëve të Kukësit dhe të mbarë Shqipërisë, për modernizimin e shkollave të fëmijëve tuaj.

Në 18 shkurt ju do të votoni që Shqipëria dhe Kukësi të ecin të sigurt drejt Europës, të shkojnë drejt integrimit në Bashkimin Europian, votoni që Shqipëria të marrë ftesën si kandidat për t’u anëtarësuar në NATO, në samitin e ardhshëm. Në 18 shkurt, ju votoni për të konsoliduar arritjet e këtyre 16 muajve, të cilat sot i prek çdo pensionist, i prek çdo punonjës, çdo arsimtar, çdo infermier, i prek rinia shqiptare që i ka të hapura përfundimisht dyert e universiteteve, i prekin shqiptarët që ndihen më afër Europës.

Ne së bashku, sot, inagurojmë fillimin e punimeve të tunelit më të gjatë në Ballkan, tuneli që shkurton rrugën e Kukësit me Tiranën, që afron Prishtinën me Tiranën.

Unë ju garantoj se autostrada, tuneli dhe veprat e mëdha publike nuk na ulin vëmendjen për të parë hallet e secilit prej jush, për të parë rrugicat tuaja, sheshet e qyteteve tuaja, të fshatrave tuaja. Ndaj edhe unë dua t’ju garantoj se, në projektin e 6 mijë kilometrave rrugë, do të përfshihen edhe qindra kilometra të qarkut tuaj, sikundër dua t’u premtoj banorëve të Hasit se këtë vit shteti financon tërësisht rrugën Krumë-Qafë Prush.


Viti që kaloi dhe ky që ka hyrë, është ndër më të thatët në histori. Por unë ju jap fjalën që, shumë shpejt do të vijë dita që ne nuk do të varemi më nga thatësira, do të ndërtojmë burime të tjera të fuqishme energjetike në mbarë vendin dhe qytetarët e Kukësit, qytetarët e Shqipërisë,do të kenë 24 orë drita.

Në 18 shkurt, ju bëj thirrje të votoni si qytetarë të lirë, në respekt të plotë ndaj njëri-tjetrit. Le të zhvillojmë në 18 shkurt zgjedhjet më të lira, më të mira në historinë tonë. Votoni kandidatin e koalicionit më të madh që Shqipëria ka patur në historinë e saj. Faleminderit.”

Departamenti i Informacionit

[DYDRINAS]

4/2/2007

Sot në mesditë, Kryeministri Berisha inauguroi nisjen e punimeve për ndërtimin e autostradës Kalimash - Morinë, si pjesë integrale e korridorit Durrës - Kukës - Morinë. Në shenjë simbolike, Kryeministri shkeli butonin e detonimit për shpërthimin e parë në gërmimet për tunelin Thirre-Kalimash 5.65 km. Ky tunel do të jetë një nga më të gjatët e ndërtuar ndonjëherë në Ballkan dhe do të kërkojë gërmimin e 1 milionë metër kub materiali shkëmbor.

Autostrada, me 4 korsi kalimi dhe e gjatë 60.85 km, ku përfshihet edhe tuneli 5.65 km, po ndërtohet nga kompania amerikane Bechtel dhe kompania turke Enka Joint Venture. Ajo është parashikuar të përfundojë në korrik të vitit 2009. Kjo autostradë është projekti më i madh i infrastrukturës rrugore në Shqipëri.

Në realizimin e këtij projekti, kompanitë Bechtel dhe Enka do të punësojnë një personel prej rreth 2500 personash, ku në një përqindje të konsiderueshme do të ketë edhe punëtorë shqiptar.

Duke theksuar rëndësinë e ndërtimit të kësaj rruge, Kryeministri Berisha bëri këto komente:

“Sot, nis tuneli më i gjatë që ekziston në vend, por edhe në rajon, tunel i cili bën të mundur shkurtimin e distancës ndërmjet Tiranës dhe Prishtinës, midis Kukësit dhe Tiranës, Durrësit. Ky tunel do të ndërtohet sipas parametrave më modernë të kohës, do të respektojë të gjitha masat e domosdoshme të sigurisë së tuneleve, edhe ato të cilat janë shtuar pas disa problemeve të krijuara në Evropë me tunelet e gjata.

Me këtë rast, le të përshëndesim, nga ky vend, së pari të gjithë taksapaguesit shqiptarë sepse kjo është vepër e mundit dhe djersës së tyre. Të përshëndesim të gjithë ekipin e drejtorisë së rrugëve dhe Ministrisë së Punëve Publike, ekipin e Ministrisë së Financave në përkushtimin e tyre të madh në zbatimin e këtij projekti. Përshëndesim kompanitë shqiptare dhe të huaja, kompaninë Bechtel, kompaninë Enka, të cilët sjellin këtu ekspertizën nga më të avancuarat në botë. Le të ndjekim së bashku hapjen e portalit me eksploziv.

I pyetur nga mediat, nëse janë të gjitha fondet për të përfunduar realizimin e kësaj vepre, Kryeministri u shpreh: “Në fakt janë fondet, jo vetëm për këtë vepër, por edhe për të realizuar disa vepra të tjera. Në vitin 2009 mbaron e tërë autostrada Durrës- Morinë, si dhe disa vepra të tjera të rëndësishme.

Kryeministri, shoqërohej në këtë inagurim nga Ministri i Punëve Publike, Transportit dhe Telekomunikacioneve Lulëzim Basha, përfaqësues të qeverisë së Kosovës, përfaqësues të qeverisjes vendore në Kukës, deputetë të zonës, etj.

Departamenti i Informacionit

[DYDRINAS]

Berisha në Kukës; Përurohet fillimi i punimeve për tunelin e Kalimashit

Pëllumb Sulo
04-02-2007


Sot paradite, kryeministri i Shqipërisë zoti Sali Berisha, i shoqëruar edhe nga ministrat e transporteve të Shqipërisë dhe Kosovës, ishte në Kukës ku përuroi me nje shpërthim simbolik, fillimin e punimeve për hapjen tunelit të Kalimashit, pjesë e rëndësishme e autostradës Durrës – Kukës – Prishtine. Hapja e këtij tuneli, në një terren të vështirë malor, realizohet nga kompania amerikane Bechtel së bashku me kompaninë turke Enka.

Zoti Berisha tha se ky do të jetë tuneli më i gjatë në vend duke bërë të mundur shkurtimin e distancës midis Tiranës dhe Pristinës e cila do të përshkohet për afro 3 orë e 30 minuta. Kryeministri Berisha falenderoi të gjithë taksapaguesit shqiptarë që po kontribuojnë për ndërtimin e kësaj autostrade dhe premtoi ndërtimin e saj brenda vitit 2009.

Ndërkohë, ministri i transporteve Lulzim Basha, tha se deri në përfundim të punimeve, autostrada do të financohet nga buxheti i shtetit shqiptar dhe nga financimet e huaja. Tuneli i Kalimashit, me një gjatësi prej 5.65 kilometrash dhe me katër korsi, do të ndërtohet sipas paramentrave më modernë të kohës, në një lartësi prej 800 metrash mbi nivelin e detit.

Tuneli përbën segmentin më të vështirë dhe më të rëndesishëm të autostradës Durrës – Kukës – Prishtinë, me gjatësi prej 170 kilometrash dhe që pritet të kushtojë rreth 600 milionë euro.

VOA