Vazhdojnë punimet e rrugës Durrës-Morinë

[Albo]

Kryeministri Sali Berisha bëri dje publike pikat kryesore të projektbuxhetit shtesë të miratuar nga qeveria

Berisha: Rritet 50% granti për qeverisjen vendore

TIRANË- Kryeministri Sali Berisha informoi deputetët e grupit parlamentar të PD-së mbi pikat kryesore që përmban projektbuxheti shtesë. Kreu i ekzekutivit bëri me dije se këtë vit, duke u bazuar te burimet e vendit, ka një rritje të investimeve publike nga 24 miliardë në 38 miliardë lekë. Pra, ka një rritje mbi 50 % të tyre, në krahasim me vitin 2005, nënvizoi kryeministri Berisha, ndërsa theksoi faktin se nga ky buxhet përfitojnë taksapaguesit shqiptarë. Duke iu referuar grantit për qeverisjen vendore, kryeministri theksoi se nga 7,3 miliardë që ka qenë në vitin 2005 së bashku me buxhetin suplementar, shkon në 12 miliardë, pra, sipas tij, 53 për qind më shumë se një vit më parë. Kryeministri vlerësoi se në raport me buxhetin, qeveria i realizoi të ardhurat 100 për qind, madje duke i tejkaluar ato me 23-24 për qind. Berisha theksoi se këto rezultate u arritën duke luftuar korrupsionin, kontrabandën, evazionin fiskal, informalitetin në ekonomi. “Ky tejkalim bëhet vërtet i jashtëzakonshëm në rast se kemi parasysh se bëhet në kushtet e uljes së taksave dhe jo të rritjes së tyre”,- u shpreh ai. Berisha nënvizoi se “kjo jep një efekt prej 200 milionë euro. Nuk ka asnjë qindarkë deficit, përkundrazi ka një shtesë prej 140 milionë të tjera. Pra, janë 340 milionë euro gjithsej, nga të cilat 200 milionë i kalojnë biznesit si ulje e sigurimeve shoqërore dhe 140 kalojnë investime publike”. Kryeministri vuri në dukje se këto investime kanë një shpërndarje të gjerë nga Konispoli në Tropojë. Ato përfshijnë projekte madhore, siç janë ndërtimi i akseve të mëdha rrugore; Durrës-Qafë Morinë, Fier-Vlorë, transballkanikja e Vlorës, Unaza e Shkodrës, rikonstruksion të akseve të tjera Qafë Thanë- Korçë, Lushnjë- Berat, Milot-Peshkopi, Palasë- Dhërmi etj. Kryeministri u ndal edhe në prokurimet e bëra deri tani nga administrata qendrore, duke informuar se këto prokurime janë bërë 20 deri 30 për qind më lirë sesa një vit më parë. “Tashmë, sipas dosjeve përkatëse, mund të gjesh 15-20 kompani në një garë tenderi, gjë e cila ka sjellë një normalitet të tregut. Kjo ka ndodhur pasi të interesuarit për tenderët e dinë tashmë se nuk ka më tender të parathënë”, -tha ai.

Shekulli

[Albo]

Kreu i PS-së tha se 500 milionë dollarët e deklaruar si kursim nga qeveria, janë mosrealizim i buxhetit

Edi Rama: Buxheti shtesë, gënjeshtra e radhës e Berishës

Denion Ndrenika

TIRANË- Së paku 10 çështje ka gjetur të papajtueshme, të paqarta, të pavërteta, Partia Socialiste në buxhetin shtesë (Suplementar) të qeverisë së kryeministrit Sali Berisha. Kryetari i opozitës, Edi Rama, vlerësoi dje se „shqiptarët duhet të ruhen nga gënjeshtra e madhe e radhës“, duke iu referuar deklarimit të kryeministrit për kursimin e gjysmë miliardi dollarëve të ardhura. Duke mos shmangur ironinë për atë që e cilësoi si deklarim me „tri monedha“ nga kryeministri, Rama kujtoi se ai herë i ka bërë llogaritë e kësaj shume me euro, herë me dollarë e herë me lekë, në një kohë që po sipas PS-së, vetëm pas 6 muajsh të prezantimit të buxhetit 2006 „ai u vërtetua si buxheti i paralizës së investimeve“. „Qeveria e tij brenda këtij viti do t‘i vjedhë shqiptarëve 1 miliardë e 387 milionë dollarë në rast se 1, 4 miliardët do të ishin vërtet vjedhura siç pretendon zoti kryeministër. Së dyti, kush duhet të shqetësohet dhe kush do t‘ua përcjellë shqiptarëve faktin se qeveria po mbledh para në atë sferë ku edhe po abuzon më shumë, lehtësisht siç është tatim-fitimi apo TVSH-ja aty ku janë rritur çmimet më shumë dhe këtu marrim si shembull karburantin. Së treti, kush do t‘ia përmendë zotit kryeministër faktin e dështimit të rritjes së të ardhurave në sigurimet shoqërore dhe sigurimet shëndetësore apo do të vazhdojmë të shikojmë se si shqiptarët mashtrohen përmes përcjelljes drejtpërdrejt në ekrane dhe nëpër gazeta të llokumeve me gënjeshtra që përgatit zoti Sali“, -tha Rama. Ai ka parashtruar tri arsye madhore që e kanë shtyrë PS-në të deklarojë vërtetimin e kritikave: 1-Buxheti 2006 ishte planifikuar keq; 2-Buxheti suplementar korrigjon atë vjetor; 3-Ritmi i rritjes së të ardhurave për këtë 6-mujor është më i ulët se ritmi i rritjes së viteve të kaluara. Tërësia e 10 çështjeve që nuk përqasen me të vërtetë e zhvillimit të vendit gjatë kësaj periudhe qeverisëse, sipas PS-së, janë mbledhja e parave nga qeveria „me dhunë dhe jo me reforma“. Në këtë kuadër kritikash për buxhetin suplementar, sipas PS-së, vetë qeveria po mbledh para edhe me militantë dhe po vonon e anulon shumë investime publike nga donatorët me realizim deri tani vetëm të 11 për qind të planit vjetor. „Të thuash se ke kursyer nga buxheti, do të thotë vetëm se nuk ke realizuar buxhetin dhe kaq“, „investimet suplementare janë mashtrime suplementare“, „qeveria cenon decentralizimin duke ulur burimet e të ardhurave të pushtetit vendor“-kanë qenë disa çështje të vërejtura nga PS-ja për buxhetin shtesë. Po sipas forcës kryesore të opozitës, qeveria „mashtron pensionistët duke dhënë vetëm 400 milionë lekë për këtë shtresë, që me një llogari të thjeshtë rezulton se shtesa mesatare për 189 mijë pensionistë është 175 lekë në muaj, domethënë 6 lekë në ditë ose 1 kafe në javë“. Sipas Ramës, tri „fatura të mëdha“ nuk janë përllogaritur: kompensimi i ish-pronarëve, kompensimi i ish-të përndjekurve e të burgosurve politikë dhe procesit të legalizimeve.

Shekulli

[Albo]

Qeveria ka gati projektbuxhetin shtesë dhe ndarjen për secilën ministri

Buxheti shtesë, ja rrugët ku do të investohen 107 milionë $

Fondi për çdo ministri dhe akset rrugore ku do të investohen. 80% të 13 miliardëve do ta marrë Ministria e Transporteve

Nevila Perndoj

TIRANË- Projektbuxheti shtesë i vitit 2006, i përgatitur nga Ministria e Financave, tashmë është gati. Pritet vetëm të kalojë në mbledhje të Këshillit të Ministrave për miratim. Në këtë projektbuxhet janë parashikuar që të shtohen rreth 13 miliardë lekë investime publike. Shpërndarja e tyre mësohet se është bazuar në kërkesat e ministrive, si dhe ne kritere të tjera, me qëllim që projektet të jenë pjese e strategjive sektoriale si dhe të kenë impakte kombëtare. Projektbuxheti shtesë parashikon të financojë investime publike në 8 ministri, ku pjesën më të madhe të tortës në këtë projektbuxhet do ta marrë Ministria e Punëve Publike, Transportit dhe Telekomunikacionit. Mësohet se kjo ministri do të marrë rreth 80% të investimeve, 15,2% për Ministrinë e Brendshme dhe diferenca do të shpërndahet për ministritë e tjera.

MPTT-ja

Ministria e Punëve Publike, Transportit dhe Telekomunikacionit mësohet se do të përfitojë nga projektbuxheti shtese rreth 10 miliardë lekë për investime publike. Pjesa më e madhe e këtij financimi do të shkojë në sektorin rrugor, ku është menduar të financohen gjithsej 28 projekte ndërtim- rrugësh si: a) 11 projekte ndërtim rrugësh, të cilat janë projekte në vazhdim dhe për të cilat ka kontratë të lidhur ku mund të përmendet rruga Paper-Vidhas, Vidhas-Kombinat Metalurgjik, Sopot-Qafë Morinë, Palasë-Dhërmi etj; b) 7 projekte të segmenteve të rrugës Kalimash- Kukës dhe Kukës-Morinë; c)10 projekte të tjera rrugësh nacionale të cilat janë projekte në vazhdim si: rruga Qendër-Kamez- Kthesa e Zall Herrit, Unaza Kavajë, rruga Transballkanike Vlorë, rruga lidhëse Superstrada-Qyteti Lezhë dhe Unaza Shkodër. Krahas ndërtimit të rrugëve më sipër, është parashikuar të financohen 11 projekte me vlerë rreth 330 milionë lekë për rrëshqitjet në akse nacionale, pjesa me e madhe e të cilave janë projekte me kontratë të lidhur. Një shumë prej 2.9 miliardë lekësh është parashikuar për financimin e projekteve për sistemim asfaltim dhe riveshje. Janë llogaritur rreth 55 projekte të tilla me shtrirje në të gjithë vendin. Projekt buxheti shtesë parashikon të financojë 8 projekte për ndërtim urash (me kontratë të lidhur) dhe mbikalime me vlerë 253,6 milionë lekë, ku përfshihen Ura e Kamzës, e Gomsiqës, e Peshkopisë (Vlorë) dhe Ura e Zallbastarit, si dhe mbikalim këmbësorësh në Bahcallek dhe Bushat, rikonstruksioni i Urës Boville dhe Ura e Stojanit, Përmet. Rreth 556 milionë lekë parashikohen për sektorin ujësjellës kanalizime për 77 projekte.

Ministritë e tjera

Në projektbuxhetin shtesë mësohet se për Ministrinë e Brendshme janë parashikuar rreth 15,2% ose 2 miliardë lekë do të financohen në formën e Grantit Konkurrues për Ministrinë e Brendshme, e cila do të shpërndahet kryesisht për pushtetin vendor mbi bazën e projekteve që ato do të paraqesin. Për Ministrinë e Arsimit dhe Shkencës janë parashikuar 100 milionë lekë në projektbuxhetin shtesë. Kjo shumë parashikohet të financojë 5 projekte me vlerë 30 milionë lekë në mbështetje të projektit të bashkëfinancuar nga Banka Botërore dhe 70 milionë lekë për 4 projekte si ngrohja e konviktit të shkollës së mesme Krumë, Shkolla e Mesme Profesionale Rubik, sistemi i informatizimit të shkollave 9-vjeçare dhe pajisje për laboratorë. Ministria e Bujqësisë, Ushqimit dhe Mbrojtjes së Konsumatorit parashikohet të mbështetet me 200 milionë lekë. Janë parashikuar të financohen 9 projekte, të gjitha për mbrojtjen nga gërryerja e lumenjve dhe ndërtimin dhe rikonstruksionin e argjinaturave mbrojtëse. Për Ministrinë e Shëndetësisë është parashikuar të financohen 100 milionë lekë për blerjen e aparaturave mjekësore për QSUT-në. Ndërsa për Ministrinë e Turizmit, Kulturës, Rinisë dhe Sporteve parashikohen 20 milionë lekë për financimin e 4 projekteve si projekti i Zyrës së Informacionit Turistik, sinjalistika për objektet e trashëgimisë, restaurimi i banesës së Kadaresë dhe restaurimi i Kalasë së Skelës, Vlorë.

Disa nga segmentet rrugore që do të financohen

Paper-Vidhas
Vidhas-Kombinat Metalurgjik
Sopot-Qafë Morinë
Palasë-Dhërmi
7 projekte të segmenteve të rrugës Kalimash - Kukës dhe Kukës - Morinë
10 projekte të tjera rrugësh nacionale, të cilat janë projekte në vazhdim si:

Rruga Qendër-Kamëz- Kthesa e Zall Herrit
Unaza Kavajë,
Rruga Transballkanike Vlorë
Rruga lidhëse Superstrada-qyteti Lezhë
Unaza Shkodër

[Albo]

Ministria e Transporteve, 10 miliardë për 28 projekte

Nevila Perndoj

Ministria e Punëve Publike, Transportit dhe Telekomunikacionit mësohet se do të përfitojë nga projektbuxheti shtese rreth 10 miliardë lekë për investime publike. Pjesa më e madhe e këtij financimi do të shkojë në sektorin rrugor, ku është menduar të financohen gjithsej 28 projekte ndërtim- rrugësh si: a) 11 projekte ndërtim rrugësh, të cilat janë projekte në vazhdim dhe për të cilat ka kontratë të lidhur ku mund të përmendet rruga Paper-Vidhas, Vidhas-Kombinat Metalurgjik, Sopot-Qafë Morinë, Palase-Dhërmi, etj; b) 7 projekte të segmenteve të rrugës Kalimash- Kukës dhe Kukës-Morine; c) 10 projekte të tjera rrugësh nacionale të cilat janë projekte në vazhdim si: rruga Qendër-Kamzë- Kthesa e Zall Herrit, Unaza Kavajë, rruga Transballkanike Vlorë, rruga lidhëse superstrada-qyteti Lezhë dhe Unaza Shkodër. Krahas ndërtimit të rrugëve më sipër, është parashikuar të financohen 11 projekte me vlerë rreth 330 milionë lekë për rrëshqitjet në akse nacionale, pjesa me e madhe e të cilave janë projekte me kontratë të lidhur. Një shume prej 2,9 miliardë lekësh është parashikuar për financimin e projekteve për sistemim asfaltim dhe riveshje. Janë llogaritur rreth 55 projekte të tilla me shtrirje në të gjithë vendin. Projekt buxheti shtesë parashikon të financojë 8 projekte për ndërtim urash (me kontratë të lidhur) dhe mbikalime me vlerë 253,6 milionë lekë.

Lista e ministrive dhe fondet shtesë

Për Ministrinë e Brendshme janë parashikuar rreth 15,2% ose 2 miliardë lekë do të financohen në formën e Grantit Konkurrues për Ministrinë e Brendshme, e cila do të shpërndahet kryesisht për pushtetin vendor mbi bazën e projekteve që ato do të paraqesin.

Për Ministrinë e Arsimit dhe Shkencës janë parashikuar 100 milionë lekë në projektbuxhetin shtesë. Kjo shumë parashikohet të financojë 5 projekte me vlerë 30 milionë lekë në mbështetje të projektit të bashkëfinancuar nga Banka Botërore dhe 70 milionë lekë për 4 projekte si Ngrohja e Konviktit të shkollës së Mesme Krumë, Shkolla e Mesme Profesionale Rubik, Sistemi i Informatizimit të shkollave 9 vjeçare dhe pajisje për laboratorë.

Ministria e Bujqësisë, Ushqimit dhe Mbrojtjes së Konsumatorit parashikohet të mbështetet me 200 milionë lekë. Janë parashikuar të financohen 9 projekte, të gjitha për mbrojtjen nga gërryerja e lumenjve dhe ndërtimin dhe rikonstruksionin e argjinaturave mbrojtëse.

Për Ministrinë e Shëndetësisë është parashikuar të financohen 100 milionë lekë për blerjen e aparaturave mjekësore për QSUT-në.

Për Ministrinë e Turizmit, Kulturës, Rinisë dhe Sporteve parashikohen 20 milionë leke për financimin e 4 projekteve si projekti i Zyrës së Informacionit Turistik, sinjalistika për objektet e trashëgimisë, restaurimi i banesës së Kadaresë dhe restaurimi i Kalasë së Skelës, Vlorë.

Shtohet dhe fondi rezervë

Tiranë- Në buxhetin suplementar të vitit 2006 është parashikuar një fond kontigjencë dhe fond rezervë prej 4 000 milionë lekë, krahasuar me 7 100 milionë lekë të parashikuara në buxhetin fillestar 2006. Fondi Rezervë i Këshillit të Ministrave parashikohet të mbetet në të njëjtin nivel, 2 000 milionë lekë. Një pjesë e fondit të kontigjencës, parashikuar për rritjen e pagave, pensioneve dhe investimeve prej 4 100 milionë lekë në buxhetin fillestar 2006, është shpërndarë në zërat përkatës, pasi është plotësuar kushti i realizimit të të ardhurave te 6-mujorit të parë. Ndërkohë, është shtuar me 1 000 milionë lekë zëri kontigjencë për ruajtjen e deficitit, duke siguruar me shumë garanci në buxhet për ruajtjen e parametrave kryesore makroekonomike. Deficiti i përgjithshëm mbetet pothuajse në të njëjtat parametra të parashikuara në buxhetin fillestar 2006, por me ndryshime në strukturën e tij. Financimi i deficitit do të vazhdojë të mbulohet nga burime të brendshme dhe të huaja

Shekulli

[Albo]

Kryeministri kërkon ndihmën e Bashkimit Evropian për ndërtimin e rrugëve

Berisha: Buxheti shtesë, FMN ishte skeptike në janar


TIRANË- Kryeministri Sali Berisha ka pohuar se, pavarësisht nga skepticizmi që kishte Fondi Monetar Ndërkombëtar për realizimin e një buxheti shtesë nga ana e qeverisë shqiptare, ekzekutivi shqiptar ia kishte dalë mbanë dhe kishte qenë i bindur për këtë. Komentet e tij për këtë çështje shefi i qeverisë shqiptare i bëri gjatë qëndrimit në Salzburg të Austrisë, ku ai mori pjesë në takimin e kryeministrave të vendeve të Evropës Juglindore. “Duke përmirësuar administratën fiskale dhe doganore, mundëm që të arrinim një buxhet të dytë shtesë në qershor. Ndonëse FMN ishte skeptike në fillim të vitit që do t’ia dilnim, por kjo gjë ndodhi. Një pjesë e këtyre të ardhurave shtesë do të investohet në infrastrukturë, kurse një pjesë do t’u rikthehet bizneseve në formën e uljes së taksave. Gjatë kësaj periudhe arritëm të marrim disa hapa shumë të rëndësishëm për përmirësimin e klimës së biznesit. Hoqëm të gjithë taksat për importimin e makinerive për investim, ulëm deri në 35 përqind çmimin e energjisë për biznesin, ulëm 33 % pagesën për sigurimet shoqërore, përgjysmuam taksën e biznesit të vogël. Një paketë për fuqizimin e investimeve të huaja do të përgatitet shumë shpejt nga qeveria me qëllim për të bërë Shqipërinë vendin më tërheqës për investimet e huaja në rajon”, - tha kryeministri Berisha gjatë qëndrimit në Salzburg. Sipas tij qeveria shqiptare ishte mbështetur në parimin e tolerancës zero ndaj krimit, duke arritur të godiste të gjitha grupet më të rrezikshme kriminale. Kreu i qeverisë, ka shprehur falënderimet e tij për presidencën austriake të Bashkimit Evropian, që sipas tij ka një meritë të madhe në thellimin e përpjekjeve integruese të Shqipërisë në veçanti, por edhe të rajonit të Ballkanit në përgjithësi. “Ne jemi një rajon që në shumë drejtime kemi infrastrukturë të vjetruar. Në përgjithësi, rajoni ynë është një nga rajonet pa infrastrukturë të zhvilluar dhe pa projekte rajonale infrastrukturore. Pavarësisht se në ç’stad jemi në lidhje me standardet dhe kriteret evropiane, ne sidoqoftë kemi kaq shumë bukuri që mund t’i tregojmë BE-së, kemi kaq shumë pasuri që mund t’i ofrojmë BE-së. Ndaj besoj se duhet të ndihmohemi më shumë në këtë drejtim”,- tha Berisha. Ai është shprehur i bindur se statusi final i Kosovës, do të jetë vendimtar për paqen dhe stabilitetin në rajon, ashtu siç ka ndikuar edhe shpallja e pavarësisë nga Mali i Zi.

A. Rama
Shekulli

[Albo]

Presidenti replikon me ministrin Bode për vonesat në miratimet e ligjeve

Buxheti shtesë, Moisiu dekreton ligjin financiar

Ligji “Për buxhetin shtesë” të shtetit dekretohet në një kohë rekord, duke hedhur poshtë aludimet e ministrave të qeverisë për vonesat në firmosjen e tij nga ana e presidentit Moisiu.

Brenda tetë ditësh nga paraqitja në Presidencë, kreu i shtetit e ka firmosur menjëherë atë, duke mos u bërë barrierë. Dekretimi ose jo i këtij ligji financiar nuk ka kaluar pa përplasje mes dy institucioneve kryesore të vendit, qeverisë dhe Presidencës. Disa ditë më parë, ministri i Financave, Ridvan Bode, aludoi në mosdekretimin e këtij ligji nga ana e presidentit, duke bërë të ditur se “qeveria do ta zbatonte këtë nismë dhe nëse buxheti i shtetit dhe paketa fiskale të miratuara në Kuvend nuk do të firmosej nga kreu i shtetit, duke e kthyer mbrapsht atë”. Sipas kryefinanciarit Bode, kjo nismë do të ndërmerrej me qëllim që të mos bllokoheshin investimet publike të parashikuara në buxhetin shtesë të qeverisë. Ai sillte edhe si precedentë ku presidenti nuk kishte pranuar që të firmoste këto buxhete kohë më parë, duke bërë që ligji të hyjë në fuqi menjëherë. Lidhur me këto qëndrime të bëra nga ministri Bode, presidenti, në një deklaratë zyrtare, kërkon që pretendimet që mbahen të jenë të bazuara në ligj dhe në Kushtetutë. “Sqarojmë se çdo pretendim për kohën e shqyrtimit të ligjeve nga presidenti prek të drejtën kushtetuese dhe afatin kushtetues të presidentit, ndaj edhe njëherë presidenti u kërkon institucioneve dhe individëve të interesuar që të njohin dhe të respektojnë të drejtat dhe kompetencat kushtetuese të Presidentit të Republikës”, thuhet në deklaratën. Gjithashtu, zyra e Shtypit e Presidencës bën të ditur se “vonesat” në miratimin e ligjeve kanë ardhur për faktin se Kuvendi i ka paraqitur ato për dekretim më datën një gusht. “Për sqarim të publikut dhe të zyrtarëve të interesuar, ligji “Për buxhetin e shtetit të vitit 2006”, bashkë me 13 ligje të tjera të miratuara nga Kuvendi, kanë ardhur në zyrën e Presidentit të Republikës më datë 01.08.2006. Në bazë të Kushtetutës, presidenti ka të drejtë që brenda 20 ditësh të shqyrtojë dhe të shpallë dekretin për ligjin e miratuar në Kuvend. Si edhe në raste të tjera, edhe këtë herë presidenti është përpjekur që procesi i shqyrtimit dhe dekretimit të bëhet në një kohë sa më të shkurtër. Konkretisht, pjesa më e madhe e ligjeve të dekretuara kanë ardhur nga Kuvendi në zyrën e presidentit më datë 01.08.2006”, thuhet në njoftimin për shtyp. Ligji “Për buxhetin shtesë” u votua në natën e 28 korrik, në kohën kur seanca u zhvendos në Kryesinë e Kuvendit. Në këtë votim, edhe pse u bë një debat mes pozitës dhe opozitës për këtë çështje, deputetët e majtë nuk morën pjesë në votim. Si i tillë nisma u votua vetëm nga ana e deputetëve të maxhorancës parlamentare. Pas dekretimit, buxheti mund të hyjë në fuqi në fillim të muajit shtator, kjo varet nga botimi që do t’i bëhet në Fletoren Zyrtare. Presidenti ka marrë dje 22 vendime. Pjesa më e madhe janë për ligjet e miratuar nga ana e Parlamentit. Bashkë më këto dekretime përfshihet ligji “Për pensionet suplementare”. Gjithashtu përfshihet edhe paketa fiskale, e cila u miratua disa ditë përpara se të miratohej buxheti shtesë në Parlament. Kreu i shtetit ka dekretuar gjithashtu dhe ligjin për “Pensionet suplementare”. Ndër ligjet financiare që kanë ndikim është ligji “Për sigurimet shoqërore”, për të cilën presidenti e ka dekretuar së bashku me paketën fiskale.

Panorama

[Albo]

28 shtator, amerikanet e “Bechtel” japin “OK” per rrugen Durres - Kukes

E Marte, 29 Gusht 2006

Ne fund te muajit shtator, Ministria e Transporteve pret te finalizoje negocimin e kontrates me kompanine amerikane “Bechtel”, per ndertimin e aksit 58 kilometra te rruges se re Durres - Kukes, ku perfshihet edhe pjesa me e veshtire, tuneli prej 5 kilometrash. Burimet zyrtare te Ministrise se Transporteve njoftuan sot, se negociatat me kompanine amerikane pritet te perfundojne me 28 shtator, ndersa me pas do t’i hapet rruge fillimit te punimeve. Kompania amerikane eshte nga me te njohurat ne ndertimin e rrugeve ne bote, mirepo qeveria shqiptare eshte futur ne proces te gjate negocimi me kompanine, pasi pjesa e tunelit ne aksin ku amerikanet jane shpallur fitues, konsiderohet nje veper mjaft e veshtire. Sipas studimit te fisibilitetit, vetem pjesa e tunelit kushton 110 milione euro, ndersa rruga ne total llogaritet me nje kosto rreth 450 milione euro. Nga ana tjeter, kane filluar punimet ne 7 akset e segmentin Kalimash - Morine, ku po punojne 7 kompani vendase dhe te huaja. Pese prej tyre po merren me celjen e rruges se re dhe 2 kompani me ndertimin e veprave te artit. Sipas afateve fillestare, punimet ne segmentin Kalimash - Morine do te perfundojne gjate 18 muajve ne vazhdim. Vete qeveria ka marre angazhimin, se te gjitha punimet ne aksin e ri rrugor qe do te lidhe Kosoven me Shqiperine, do te perfundojne brenda vitit 2009. Nderkohe eshte ne proces rikonstruksioni rruga ekzistuese, ku rreth 80 per qind e saj eshte riveshur dhe jane betonuar ane te rruges qe paraqitnin rrezikshmeri per rreshqitje dheu.

B. Hoxha
Korrieri

[Albo]

Kukes, prefektura masa per shpronesimet e rruges

E Marte, 29 Gusht 2006

Prefektura e qarkut te Kukesit, nisur edhe nga shqetesimet e ngritura kohet e fundit per shpronesimin e rruges Durres-Kukes, konkretisht segmentin (Kalimash - Morine), ka reaguar, duke siguruar te gjithe pronaret qe do t’u merret prona e tyre nga ndertimi i rruges, se do te shpronesohen brenda ligjeve qe ka shteti shqiptar. Sipas sekretarit te pergjithshem te prefektures, Feriz Ahmeti, Zyra e Regjistrimit te Pasurive ka bere evidentimin e prones dhe e ka nisur per ne qeveri, per efekt kompensimi. “Eshte ngritur grupi i punes i kryesuar nga prefekti, per ndjekjen e vazhdueshme te punimeve dhe zgjidhjen e problemeve qe dalin gjate gjithe kohes. Jane ngarkuar detyrat per te gjithe institucionet, si dhe jane koordinuar punet me firmat ndertuese”, ka thene Ahmeti, i cili ka kerkuar bashkepunimin me pronaret, duke u bere thirrje atyre, qe te hartojne te gjithe dokumentacionin sipas ligjeve, ne menyre qe te demshperblehen realisht, duke shmangur dhe abuzimet”

Ne fakt, Ministria e Transporteve ka nxjerre nje liste shpronesimesh, qe e ka derguar ne pushtetin vendor para disa muajsh, por ajo eshte konsideruar shume e pasakte nga banoret, te cilet kane reaguar nga mosperfillja qe u eshte bere, duke ua rrafshuar pronat pa i lajmeruar me pare dhe pa u dhene detaje rreth menyres dhe kohes per demshperblim. Askush me pare nuk i ka lajmeruar ata, qe te korrin prodhimet e tyre. Nderkohe, ende nuk ka asnje shifer per siperfaqen qe do te zere ndertimi i ketij aksi dhe shumes per 1 meter katror demshperblim.

J. H
Korrieri

[DYDRINAS]

Tirane- Ministri i Financave Ridvan Bode i kërkon Fondit Monetar Ndërkombëtar të lejohet Shqipëria që të marrë kredi me interesa tregtare gjatë takimit me Arrigo Sadun Drejtor Ekzekutiv për Shqipërinë dhe këshilltarin e FMN-së, z. Carlo Cola në Singapor, ku po zhvillohet Takimet Vjetore. Bode shoqërohej në këtë takim nga Guvernatori i Bankës së Shqipërisë Ardian Fullani. Duke parashikuar përfundimin e negociatave që po zhvillon qeveria shqiptare me kompaninë amerikane Bechtel për ndërtimin e segmentit rrugor Rreshen Kalimash, Bode kërkon të parandalojë kundërshtimin e institucioneve ndërkombëtare si FMN dhe Banka Botërore për ndërtimin e veprave të mëdha të infrastrukturës më menyra të ngjashme sic u konkludua me firmën General Electric për segmentin hekurudhor Tiranë Durrës. Parashikohet që për këtë projekt ndërtimi të merren nga kjo kompani një kredi prej qindra milionë Euro, ku garant për shlyerjen e saj do të jetë qeveria shqiptare.

Sipas njoftimit për shtyp, Ministri Bode kërkoi në emër të qeverisë shqiptare kërkoi që "në perspektivë partneriteti me FMN-në të jetë më i qëndrueshëm dhe të ketë më shumë fleksibilitet në instrumentat e veprimit nga ana e Shqipërisë, si dhe u kërkua që gradualisht limiti i kredive të huaja të bazohet mbi disbursimet faktike dhe jo mbi nivelet nominale të nënshkruara. Kjo i jep më shumë mundësi Shqipërisë për të përdorur më shumë fonde të huaja, të cilat janë më të leverdisshme për këtë fazë edhe për shkak të normës së ulët të interesit por edhe për shkak se nuk përbëjnë problem në menaxhimin e borxhit të brendshëm publik, i cili po modernizohet në shërbim". Kjo kërkesë u bë për të mbështetur programin ambicioz të qeverisë shqiptare në fushën e investimeve në infrastrukturë.

Prej gati 5 javësh vazhdojnë negociatat mes qeverisë shqiptare dhe firmës fituese BECHTEL për ndërtimin e segmentit rrugor Rreshen Kalimash mbi vlerën financiare të ndërtimit për ta vendosur në kontratë. Sali Berisha në cilësinë e Kryeministrit dhe Lulëzim Basha me cilësinë e Ministrit të Punëve Publike, Transporteve e Telekomunikacioneve kanë organizuar dhe po zbatojnë një skenar abuziv për ndërtimin gjoja me ritme të përshpejtuara të segmentit rrugor Rreshen Kalimash. Në një mungesë totale transparence dhe në shkelje të hapur të ligjit po organizojnë e zbatojnë një tender me vlerë prej qindra milionë dollarë në një mënyrë që vetë e kanë quajtur si abuziv e korruptiv në rastin e tenderit për rikosntruksionit të hekurudhës Tiranë - Rinas - Durrës nga General Electric. Në një hark të shkurtër kohor është shpallur interesi, zhvilluar tenderi dhe shpallur fituesi për ndërtimin e kësaj rruge. Bie në sy që, në asnjë rast nuk është shpallur vlera financiare, ku do të gjenden paratë dhe si do të shlyhet ky financim. Fillimisht është caktuar një konsulent ndërkombëtar "Ecorys Group", që asiston në përgatitjen e procedurave të prokurimit. Me 14 korrik 2006, Këshilli i Ministrave ka miratuar vendimin për lejimin e Drejtorisë së Përgjithshme të Rrugëve të përdorë procedurën "Prokurim i hapur ndërkombëtar "për ndërtimin, me ritme të përshpejtuara të segmentit rrugor Rreshen Kalimash të autostradës Durrës - Kukës - Morinë. Me datën 2 gusht 2006, Këshilli i Ministrave ka miratuar vendimin për listën e anëtarëve të komisionit ndërkombëtar të vlerësimit për tenderin e hapur ndërkombëtar, për ndërtimin, me ritme të përshpejtuara, të segmentit rrugor Rrëshen-Kalimash, të autostradës Durrës-Kukës-Morinë, në bazë të propozimit të konsulentit ndërkombëtar Ecorys Group (Ecorys Netherland BV). Në datën 3 gusht 2006, ne Ministrine e Puneve Publike, Transportit dhe Telekomunikacionit u be hapja zyrtare e procedures se vleresimit te tenderit te hapur nderkombetar te vleresimit te ofertave dhe ne prani konsulenteve nderkombetar ECORYS Group dhe perfaqesuesve te Ministrise se Puneve Publike, Transportit dhe Telekomunikacioneve. Shoqerite pjesemarrese ne kete tender jane: STRABAG AG Austri, BECHTEL LTD SHBA, AL KHARAFI GROUP Kuvajt dhe KONSTRUKTOR Kroaci. Në asnjë fjalë të njoftimit për shtyp nuk thuhet vlera financiare. Në datën 4 gusht 2006, Komisioni deklaron fituesin e cili është një nga kompanitë më të mëdha në botë.

ZP
19-09-2006

Qeverisja socialiste ju premtoi votuesve shqiptare se do te ndertoje brend mandatit te saj kete rruge me interesa kombetare.
Mirepo per fat te keq, pervecse disa germimeve nga forcat e xhenjos ne segmentin Milot-Rreshen, asgje tjeter nuk ndodhi me kete rruge.
Pas zgjedhjeve te 3 korrikut 2005, qeverisja demokrate premtoi se do ta ndertoje kete segment te rendesishem dhe per hir te se vertetes duhet pranuar se ajo te pakten ka filluar punimet ne pjese te segmentit (Kalimash-Morine dhe Milot-Rreshen) dhe ka zhvilluar tenderin nderkombetar per pjesen me te veshtire Rreshen-Kalimash.
Nga zhvillimi i ketij tenderi, u pa se ne te moren pjese gjigantet e ndertimit te rrugeve si Bechtel apo Strabag etj.
Sikur te pritet qe financimi te kryhet vetem me buxhetet vjetore apo taksat te tipit Majko, kjo rruge nuk ka per t'u ndertuar kurre.
Eshte me se normale qe per nje projekt te tille me interesa shume te larta kombetare dhe me perfitime te medha dhe ne aspektin rajonal, duhet te gjenden mundesi te tjera per te gjetur burimet e financimit. Nje nder keto menyra eshte dhe kredia tregetare.
PS-ja dhe ZP-ja, duhet te mbeshtetsin ndertimin e kesaj rruge dhe jo te bejne cfare nuk duhet vetem e vetem qe ky projekt te deshtoje.
Cfare e pengon Ps-ne dhe ZP-ne qe te ndertohet kjo rruge?

http://www.bechtel.com/

http://www.strabag.com/

[lonely_lion]

qazimo !

lesh me tresh o shpirt ! jo ps jo pd ! shqiptaret nuk e bejne shqiperine se po te ishte per ta bere do e benin !

i ke bere ndonjehere pyetje vetes se ku shkuan hekurushta shqiptare ? hekur per skrap .... investim e djerse e viteve te tera ...

thuaj mire qe u ben shkolla,hidrocentrale e ku e dine une se cfare (para viteve 90 )... se keto 15 vjet
jo vetem su be gje ...por u shkaterrua.... !!!

e kupton or qazim se po srra shi ske per te pas as korrent qe te lidhesh online,po ishe ne shqiperi... e kupton se po nuk ishe ne shtepi kur vjen uji ngelesh pa u lare ...ujin per te pire e bien nga jasht (shqiperia qe ze vendet e para per rezerva ujore per fryme ne bote )

hidhu e pirdhu shqiptaret .... keto 15 vjetet e fundit treguam se kush jemi dhe cgen kemi !

me vjen shume keq... sa sdi se duhet te them me krenari se jam apo sjam shqiptar !

p.s.

dje nje miku im me tha>>>drejtori i tij (ne nje goxha drejtori ne nje ministri) i thoshte : te zote jemi jo ne qe jemi ne pune por ata qe kane nga tre universitete e rine pa pune e shesin banan ne shqiperi !
c'rruge thua ti more ..... !!!!

a pe lajme dje ti apo jo...??? sa shkolla s'kishin filluar mesim se ishin te renuara .... !!!! e cpret me ????