“Njerëzit e zgjuar vlerësojnë te gjithë njerëzit, pasi ata shohin te mirën te secili dhe e dinë se sa e vështire është te bësh diçka të mirë”
Graciani
Nuk ka asnjë dyshim se në këtë forum ka censurë të padrejtë, sidomos kur janë në pyetje temat fetare dhe kombëtare. Aplikimi i censurës së padrejtë dhe subjektive te këto dy të fundit ia ulin vlerën këtij forumi sepse këtu dukshëm vërehen dobësitë në moderim dhe janë pikërisht këto të dyja që mua personalisht më zbehin dëshirën për të marr pjesë në këtë forum.
Në anën tjetër, ekziston një tolerancë e hapur për temat antikombëtare dhe ato që janë në frymën e përçarjes fetare.
Personalisht ndiej se ekziston një pajtim dhe marrëveshje në heshtje në mes të këtyre që hapin tema të tilla (antikombëtare dhe konfliktit fetar) dhe drejtuesit numër 1 të këtij forumi, se ndryshe nuk mund të shpjegohet pse ata ende shkarravisin nëpër këtë forum, përderisa anëtarët e tjerë, që ofrojnë vlera dhe ngritin cilësinë e këtij forumi, “fluturojnë” aq lehtë nga forumi, pa shfaqur as më të voglin respekt për mundin, përkushtimin dhe angazhimin e tyre, që përveç në përmbajtjen e forumit kontribuojnë edhe në vetë rritjen e numrit të pjesëmarrësve të këtij forumi.
Është befasuese se si deri më tani nuk e ka kuptuar projektuesi/it i këtij forumi se numri i madh i anëtarëve të këtij forumi me siguri nuk është rezultat i postimeve të tij/tyre, por janë pikërisht postimet e këtyre anëtarëve “që përjashtohen me shkelma”, që zgjojnë kureshtjen dhe dëshirën për tu regjistruar në këtë forum (pa dashur në asnjë mënyrë të mohoj punën e madhe për krijimin e këtij forumi, që i takon më tepër anës teknike, që nuk ka asnjë rëndësi kur flasim për numrin e anëtarëve).
Nëse moto e këtij forumi është “Shqiptarë të bashkuar për një Shqipëri të Bashkuar” atëherë disi në mënyrë të çuditshme po punohet drejt arritjes së kësaj motoje.
Këtu lejohen (lexo: nxiten) të bëhen të gjitha fyerjet e mundshme për çdo gjë shqiptare, duke filluar nga figurat e mëdha kombëtare e deri te elementi më bazë që ndërton shqiptarizmin. (nuk dua tash të hyj te padrejtësitë që bëhen kur është në pyetje çështja fetare).
Dhe besoj se nuk ka nevojë të përmendet se sa me pasion mbrohen pikërisht ata që kanë punuar, punojnë dhe do të punojnë kundër çështjes kombëtare shqiptare.(një gjë që shihet/lexohet koment nuk do). Dhe nëse ka tendenca që kjo të mbrohet nën hijen e neutralitetit, atëherë unë pa asnjë hezitim pohoj se këtu nuk ka asnjë neutralizim, por anime të dukshme (dhe atë në anë të gabuar).
Prandaj mua më duket e paarsyeshme kur drejtuesit/ët (gjoja se) befasohen kur anëtarët e vënë në pikëpyetje pikëpamjen/përkatësinë e tyre kombëtare. S’ka aty befasi, sepse deshëm s’deshëm shkronjat e tradhtojnë secilin dhe lejojnë të dal në shesh ky “shqiptarizëm” i shfaqur në mënyrë të çuditshme! Të paktën unë asnjë shqiptar/e të vërtetë nuk e kam dëgjuar, lexuar ose parë që shprehet në këtë mënyrë!
Për fund, ky forum është interesant dhe burim primar të ekzistencës ka aftësitë, dijen dhe kapacitetin e anëtarëve, që e vizitojnë e assesi të drejtuesve të tij.. Nuk do shumë mend për ta kuptuar këtë!
Tung
Postuar më parë nga Rina_87
. Per kete te fundit ama nuk me ke kuptuar, une nuk jam kunder kendveshtrimeve te ndryshme, por kunder bastardimeve te temave me replika personale dhe me ofendime ndaj njerit apo tjetrit. (apo dhe me "c'ben, si je" te kota qe fare kollaj behen ne mp apo dhe ne chat)
Krijoni Kontakt