Klosi: Xhoana Nano, agjente greke

[erzeni]

NANO eshte kryetari i plotpushtetshem te PS-se ose dicka po luhet kunder tije....??????


Ka nji front te dukshem e te padukshem me gjemba helmues kunder NANOS ne radhet e Trendafilave Roze.


..............

Ceshtja " XHOI".

Ja cfare thote Tak Ngjela.

.........

PS kundër hetimit të emisionit televiziv që implikonte bashkëshorten e kryeministrit

SHISH: S’kemi informacion për Xhoana Nanon

Ngjela: Kjo është një lojë e klaneve të Partisë Socialiste. Ne nuk kërkuam hetim për zonjën Nano, por për lidhjet e "TV Gjelit" me SHISH

Kryetari i Komisionit Parlamentar për Hetimet në SHISH, Spartak Ngjela, kërkoi dje që të hetohej raportimi i një rrjeti televiziv të kryeqytetit, sipas të cilit bashkëshortja e kryeministrit, Xhoana Nano kishte lidhje me shërbimet e huaja. Edhe pse platforma e hetimeve për lidhjet e mediave me SHISH-in ishte miratuar në mbledhjet e kaluara nga anëtarët socialistë të komisionit, kërkesa ka hasur në rezistencën e ashpër të deputetëve socialistë, ndonëse pse nuk ka pasur një motivim të qartë për kundërshtimin. Deputeti Bashkim Fino deklaroi pas mbledhjes, se qendrimi refuzues i deputetëve socialistë çka solli edhe rrëzimin e kërkesës, ishte një qendrim politik. Burime nga komisioni thanë se zoti Fino është shprehur kundër hetimit të lidhjeve të supozuara të bashkëshortes së kryeministrit me shërbimet e huaja, ndërkohë që këkrkesa e Ngjelës nuk e kishte fare këtë objekt. Në emisionin televiziv të lartpërmendur përmendeshin lidhje të Xhoana Nanos me shërbimin sekret grek gjatë disa viteve në të kaluarën, ndërkohë që për një lidhje të tillë ish-drejtori i SHISH-it, Fatos Klosi, në një intervistë për mediat tha se, preferonte të mos jepte shpjegime. Megjithë rrëzimin e kërkesës, Kryetari i Komisionit Hetimor për SHISH-in Spartak Ngjela tha gjatë pasdites së djeshme se kishte marrë një përgjigje nga drejtori i SHISH Petrit Myftari, ku pohohej se s’ekzistonte asnjë e dhënë që të lidhte bashkëshorten e kryeministrit me shërbimet sekrete të shteteve të tjera. Përgjigjia ishte një hap i nevojshëm për të vënë në vend dinjitetin e nëpërkëmbur të zonjës Nano nga një luftë e brendshme mes klaneve në PS, theksoi Ngjela, dhe shtoi se kjo çështje kërkonte sqarime të mëtejshme, jo lidhur me implikimin e Xhoana Nanos në shërbimet e huaja, por për lidhjet e TV Gjelit me SHISH-in. Zëdhënësi i Shërbimit Informativ Shtetëror në një njoftim për shtypin konfirmoi zhvillimin e marrëdhënieve korrekte me Komisionin parlamentar Hetimor, brenda "vendimit 52 të Kuvendit që përcakton fushën e veprimtarisë së tij", ndërkohë që lidhur me akuzat për Xhoana Nanon, deklaron se, "nuk disponojmë asnjë të dhënë apo material për të".





Çeku: Ndryshime, për një proces të pakontestueshëm

Sekretari i Komisionit parlamentar për Hetimin e Veprimtarisë së SHISH-it, deputeti republikan Robert Çeku, kundërshton me argumente kërkesën absurde të disa eksponentëve të lartë socialisë për shkrirjen e Komisionit Hetimor parlamentar për Veprimtarinë e SHISH-it dhe shprehet për vazhdim të hetimeve. Sipas Çekut, komisioni i posaçëm parlamentar është në momentin final ndaj dhe ndërprerja e veprimtarisë në mënyrë arbitrare është e jashtëligjshme.

Nënkryetari i PR-së ka komentuar dje edhe debatin politik lidhur me ndryshimin e Kushtetutës, duke argumentuar domosdoshmërinë e aplikimit në vendin tonë të një proporcionali rajonal. Zoti Çeku mendon se një sistem me bazë proporcionali, (rajonal apo kombëtar, kjo mund të shihet), do të jetë më i mirë për momentin, ndërsa pragu elektoral, sipas tij, në një sistem proporcional mund të diskutohet. Sidomos kur është sistem proporcional rajonal, numri dy i republikanëve mendon që pragu që përcakton Kushtetuta, nuk ka ndonjë vlerë të madhe.

Ndërkohë, përsa i përket pozicionit të koalicionit «Bashkimi për Fitore» në këtë kuadër, zoti Robert Çeku shprehet se koalicioni, jo vetëm që duhet të ruhet siç është, por të zgjerohet edhe me parti të tjera të së djathtës dhe të qendrës së djathtë, që aktualisht janë jashtë tij.



- Ç’përbën për sekretarin e Komisionit Hetimor parlamentar të SHISH-it, zotin Robert Çeku, kërkesa e disa eksponentëve të lartë socialistë për shkrirjen e këtij komisioni?

Unë mendoj që Komisioni Hetimor për SHISH-in nuk mund të shkrihet thjesht me një kërkesë të cilitdo deputet, pasi ai është ngritur me vendim të veçantë të Parlamentit. Ka më shumë se një muaj e gjysëm që Komisioni po punon në tërë fushat që ka përcaktuar si prioritare. Është bërë një punë mjaft e madhe në hulumtimet brenda SHISH-it. Përderisa ka dhe 15 ditë që të përfundojë afati i përcaktuar me ligj, unë mendoj që nuk ka kuptim mbyllja e parakohëshme e aktivitetit të tij, sepse konkluzionet që do të nxjerrë ky komision, besoj se do të jenë të vlefshme për një kohë të ardhshme, jo thjesht për parlamentin, por për punën e mëtejshme të SHISH-it.

Mendoj se nuk është koha e përshtatshme për të bërë një operacion të tillë, për të ndërprerë punën e komisionit, pasi jemi në momentin final të hetimeve dhe nxjerrjes së konkluzioneve. Sigurisht që nuk kanë qenë dakord që të shkrihet komisioni, jo vetëm unë, por të gjithë anëtarët e tij, sepse ne jemi në brendësi të çështjes dhe është e pakuptimtë që në fund fare të ndërpritet veprimtaria e tij. Kjo do të thotë që të kërkohet me dhunë ndërprerja e një pune të nisur. Kështu që në këtë kuptim nuk e shoh me vend suprimimin e menjëhershëm të këtij komisioni.



- Si e vlerësoni debatin e nisur për ndryshimin e Kushtetutës, sidomos të kuadrit kushtetues që ka të bëjë me sistemin zgjedhor dhe me pragun elektoral të futjes në parlament të partive të vogla?

Unë mendoj se Komisioni Dypartiak punën duhet ta kishte nisur pikërisht nga esenca e një procesi zgjedhor, që ka të bëjë me Ligjin e Zgjedhjeve. Por meqë s’është bërë kjo deri më sot, s’do të thotë që të mos bëhet asnjëherë. Diskutimet janë të vlefshme. Ajo që është shumë e rëndësishme ka të bëjë me faktin, që shqiptarët të shkojnë në një proces zgjedhor të pakontestueshëm.

Në një farë kuptimi duket sikur jemi tek «a»-ja e demokracisë, sepse demokracia fillon nga zgjedhjet dhe të kërkosh pas 12 vjetësh pluralizëm zgjedhje të lira e të ndershme, më duket si paradoks. Por meqenëse ky vend është i mbushur me paradokse, pse shtohet një paradoks tjetër nuk ka ndonjë gjë të madhe. Në këtë kuptim unë mendoj që një sistem me bazë proporcionali, rajonal apo kombëtar, kjo mund të shihet, do të jetë më i mirë për momentin. Ndërsa pragu elektoral në një sistem proporcional mund të diskutohet. Sidomos kur është sistem proporcional rajonal, unë mendoj që pragu që përcakton Kushtetuta nuk ka ndonjë vlerë të madhe. Ata që dinë të bëjnë hesape, e kuptojnë që edhe po të lihet pragu elektoral aq sa është në Kushtetutë, pragu real nuk do të jetë ai.

Gjithësesi, kemi kohë të shikojmë në elementë të veçantë. Forcat politike kur të vijë koha e debatit nëpër tryeza, duhet të shkojnë të përgatitur thjesht politikisht, por dhe nga pikëpamja e përllogaritjeve, që të dinë të bëjnë shumëzime dhe pjesëtime për të konkluduar se sa del pragu.



- Në këtë kuadër, cili është pozicioni i koalicionit «Bashkimi për Fitore»?

Jo vetëm unë personalisht, por besoj dhe shumë të tjerë që militojnë sot në partitë e këtij koalicioni, janë për ta ruajtur koalicionin. Bile, personalisht do të doja të rritet koalicioni «Bashkimi për Fitore», si një mundësi më e madhe drejt triumfit në zgjedhjet e ardhshme.

Nëqoftëse ka ndonjë qejfmbetje, unë dua të kujtoj një gjë që na e ka mësuar përvoja e koalicioneve: Në çdo koalicion, të gjithë janë të kënaqur dhe të gjithë janë të pakënaqur në të njëjtën kohë. Nëqoftëse harrohet ky leksion i parë i koalicionit, atëherë nuk funksionojnë koalicionet. Prandaj që të gjithë duhet të dimë që të mirat e koalicionit janë të mirat e të gjithëve, të këqijat e koalicionit janë të këqijat e të gjithëve, që bëjnë pjesë në koalicion. Me sa duket ka akoma elementë që nuk e kuptojnë këtë sentencë. Kjo do të thotë që në kohën që vjen duhet të rregullohen këto defekte që ekzistojnë në politikën globale të koalicioneve dhe të vijmë në këtë moment që unë dëshiroj, që koalicioni «Bashkimi për Fitore», jo vetëm të ruhet siç është, por të zgjerohet edhe me parti të tjera të së djathtës dhe të qendrës së djathtë, që aktualisht janë jashtë koalicionit.

Bisedoi:

Halil RAMA
.........................
Denoncimi i liderit të opozitës Sali Berisha, do të dëgjohet me 22 tetor

Klosi, para komisionit "Ngjela" me 21 tetor

Në mbledhjen e djeshme, Komisioni Parlamentar ka vendosur vijimin e hetimeve për përfshirjen e Klosit në trafiqe e vrasje politike si dhe për abuzime financiare, duke thirrur Klosin për dëshmi me 21 tetor

Komisioni i posaçëm parlamentar për hetimin e shkeljeve të strukturave të SHISH-it e ish-drejtorit Fatos Klosi, ka miratuar dje përmes polemikash kalendarin e dëshmive që do të mbledhë gjatë ditëve në vijim deri në përfundim të mandatit të punës së tij, 31 tetorit. Ish-kreu i SHISH-it, Fatos Klosi, thirret për të dëshmuar para anëtarëve të komisionit me 21 tetor, për një sërë çështjesh, të cilat përfshijnë që nga akuzat e drejtpërdrejta për përfshirje në vrasje politike e trafiqe të paligjshme, deri në sqarimin e pozicionit të tij lidhur me abuzimet e shumta financiare të vërejtura në këtë institucion nga Kontrolli i Lartë i Shtetit si dhe nga Shërbimi i Kontrollit të Brendshëm të Qeverisë.

Anëtarë të komisionit deklaruan dje pas mbledhjes, se ish-shefi i shërbimeve sekrete më dëshminë e vet "mund të hedhë dritë mbi rolin e luajtur prej tij në akuzat e ngritura kundër tij". Kryetari i Komisionit, Spartak Ngjela, deklaroi se "një ditë më pas, në 23 Tetor, në komision është thirrur kryetari i PD-së Sali Berisha, i cili do të denoncojë përfshirjen e Klosit në trafiqe të ndryshme". Në datën 24 Tetor, komisioni do të thërrasë në raport, punonjës të tjerë të Shërbimit Informativ të Shtetit, të cilët do të dëshmojnë lidhur me të njëjtën problematikë. Ngjela hodhi poshtë të gjitha spekulimet lidhur me tejkalimin e kompetencave gjatë hetimeve apo edhe për përmbushjen e mandatit të hetimeve me nisjen e një procesi hetimor nga Prokuroria e Përgjithshme, duke e vlerësuar gjithçka si spekulim i ardhur nga një kërkesë e socialistëve, ardhur si pasojë e mosnjohjes së Kushtetutës së vendit. Mbledhja e djeshme është karakterizuar nga polemika të ashpra lidhur me vijimin e punës nga nënkomisionet e ngritura për hetimet në SHISH, megjithatë të gjithë anëtarët kanë mbrojtur domosdoshmërinë e vijimit të punës së Komisionit të Posaçëm.

I.Nikolla



Bllokohet dëshmia e Meidanit për vrasjen e Hajdarit

Anëtarët socialistë të Komisionit të posaçëm Parlamentar për hetimin e shkeljeve në SHISH si dhe të përfshirjes së strukturave të këtij shërbimi në vrasje politike, kanë bllokuar dje kërkesën për të thirrur për të dëshmuar ish-presidentin Meidani, si personin që për 5 vjet me radhë ka pasur lidhje të drejtpërdrejta institucionale me ish-Drejtorin e SHISH-it Fatos Klosi, por edhe për shkak të lidhjes së ngushtë që ka shfaqur Meidani me këtë të fundit. Kërkesa është motivuar me ndihmën që mund të jepte dëshmia e Meidanit në "sqarimin e rolit që kanë luajtur shërbimet sekrete e personalisht Fatos Klosi në vrasjen e 12 shtatorit si dhe në ngjarjet që rrodhën më pas". Ish-presidenti Meidani mbrojti vazhdimisht strukturat e SHISH-it dhe Klosin dhe refuzoi kërkesat e njëpasnjëshme të 3 kryeministrave; Nanos pas vrasjes së Hajdarit, Majkos plot një vit më vonë si edhe të Metës gjatë investiturës së tij kryeministrore, duke artikuluar motivimin se "klosin s’e shkarkonte dot se s’e lejonin shërbimet e huaja". Anëtarët socialistë e quajtën të pavend kërkesën dhe u shprehën se Meidani gëzonte mbrojtje kushtetuese si ish-Kryetar i Shtetit për të mos u paraqitur në komision, duke ndaluar edhe një kërkesë formale ndaj shtetasit Rexhep Meidani, tashmë anëtar i Partisë Socialiste, për t’ia lënë këtij të fundit të drejtën e vlerësimit të saj. Këmbëngulja e socialistëve për të mos dëgjuar dëshminë e Meidanit lidhur me përfshirjen e strukturave shtetërore, e posaçërisht të shërbimit të Klosit në vrasjen e Azem Hajdarit, është vlerësuar nga analistë të ndryshëm si zbatim i dy kritereve nga ana e mazhorancës, meqenëse në këtë komision më përpara ka dëshmuar edhe kryeministri Nano, megjithëse me të njëjtën lidhje institucionale me shërbimet sekrete.

I.Nikolla



PS rrëzon kërkesën e Brahos

Shfaqet si një përpjekje individuale kërkesa e deputetit socialist Spartak Braho për të shkrirë Komisionin Hetimor për shkeljet e strukuturave të shërbimeve sekrete dhe ish-drejtorit Fatos Klosi. Me një shumicë dërrmuese votash, Grupi Parlamentar i PS-së ka kundërshtuar dje propozimin formal të kryeparlamentarit Servet Pëllumbi, për shkrirjen e Komisionit "Ngjela". Thuajse pa debat, deputetët socialistë kanë konkluduar se komisioni vepron sipas kuadrit kushtetues dhe vendimit të Kuvendit të Shqipërisë. Dyshimet për një shkallëzim të pengesave të deputetëve socialistë për hetimet e komisionit i ka fashitur pas mbledhjes sekretari i grupit socialist Flamur Rogu. "Përfundimisht, mund të deklaroj se Komisioni për Hetimin e SHISH-it vepron sipas kuadrit ligjor dhe ai do të vijojë punën e tij deri në përfundim të mandatit të vet, me 31 tetor", deklaroi Rogu. Braho ka vijuar disidencën e vet ndaj hetimit parlamentar për Fatos Klosin edhe pas mbledhjes, duke e cilësuar strukuturën si të panevojshme, megjithatë është tërhequr nga nismat e tij, duke e vlerësuar gjithçka si të një karakteri personal.




...............


Do e fitoj kte beteje Klosi ose Nano ??????

[erzeni]

Petrit Myftari refuzon kërkesën e Ngjelës për të treguar deputetët dhe gazetarët "bashkëpunëtorë"


Kreu i SHISH: Pse s'i jap emrat e politikanëve dhe gazetarëve agjentë


TIRANE-Kryetari i komisionit hetimor mbi veprimtarinë e SHISH-it Spartak Ngjela i ka kërkuar të premten e javës së shkuar drejtorit të komanduar të këtij institucioni jo vetëm dosjen e bashkëshortes së kryeministrit Xhoana Nano, por edhe dosjet e deputetëve dhe gazetarëve që bashkëpunojnë me shërbimin sekret. "Ju më keni kërkuar emrat e deputetëve dhe gazetarëve bashkëpunëtorë",-është shprehur ai dje në mbledhjen e komisionit hetimor. Pas kësaj ai ka shtuar se "Nuk mund t'i japë ato, për shkak të vënies në rrezik të këtyre bashkëpunëtorëve". Edhe deputetët socialistë, anëtarë të këtij komisioni kanë mbështetur Myftarin në këtë pohim, ndërsa ata të opozitës kanë reaguar ashpër duke thënë se "bashkëpunëtorët në radhët e gazetarëve dhe deputetëve duhet të dalin, pasi ata janë përdorur jo për qëllime të pastra kundër opozitës gjatë këtyre pesë viteve të fundit". Ndërkaq drejtori i komanduar i SHISH-it është shprehur se "Unë nuk mund të nxjerr emrat e agjentëve". Çështja e të infiltruarve në radhët e medias është kërkuar që të zbardhet nga opozita dhe kryesisht kryetari i komisionit hetimor Spartak Ngjela e ka përmendur atë çdo herë si një nga objektet e hetimit dhe të kontrollit të këtij komisioni. Dje pas refuzimit të Myftarit për të sjellë në Parlament emrat e politikanëve dhe gazetarëve bashkëpunëtorë, Ngjela tha se ne do të veprojmë hap pas hapi për ato që drejtori i konsideron si të pamundura t'i zbardhë. Por disa ditë më parë, ai sipas stilit të vet në ecje e sipër, pati deklaruar se "ne mund të futemi në çdo skutë të SHISH-it dhe do të hetojmë çdo cep të këtij institucioni". Si me të qeshur një ditë më parë në mbledhjen e komisionit, ai kërkon emrat e agjentëve politikanë për të mësuar se kush nga radhët e opozitës është rekrutuar si bashkëpunëtor nga SHISH.



..........shekulli

[erzeni]

gsh
............
Petrit Myftari ka ngritur alarmin se kërkesat e bëra nga ana e deputetëve kanë krijuar panik në rrjetin e informatorëve. "Janë duke ikur; nuk duan të bashkëpunojnë më, ndjehen të rrezikuar", tha ai
Për asnjë nga kërkesat Spartak Ngjela nuk është konsultuar me anëtarët e komisionit

Polemika të ashpra në Komisionin Parlamentar. Kryetari i shërbimit: Panik te informatorët

Myftari: Do na vrasin agjentët
Kreu i SHISH: Ja përse nuk jap listën e emrave


--------------------------------------------------------------------------------

Altin Kreka

TIRANE

Do na dekonspirohen dhe do na dëmtohen informatorët edhe me jetën e tyre, prandaj unë nuk jap asnjë emër". Kështu mësohet të ketë thënë kryetari i emëruar i SHISH-it, Petrit Myftari në komisionin parlamentar që po heton këtë shërbim. "Nuk tregoj asnjë listë", i ka thënë ai Spartak Ngjelës në përgjigjie të kërkesës që i ka bërë ky i fundit.

Ai e ka shpjeguar refuzimin e tij me arysetimin se nëse dekonspirohen, disa mund të rrezikojnë seriozisht jetën e tyre sepse janë të infiltruar në hetime dhe ngjarje të rëndësishme dhe shumë të rrezikshme. Burime nga brenda komisionit tregojnë se Petrit Myftari ka ngritur alarmin se kërkesat e bëra nga ana e deputetëve kanë krijuar panik në rrjetin e informatorëve. "Janë duke ikur; nuk duan të bashkëpunojmë më, ndjehen të rrezikuar", mësohet të ketë thënë kreu i përkohshëm i SHISH-it. Ai ka shpjeguar se këta informatorë, të cilët mund të jenë edhe brenda rrjeteve të ndryshme apo në një situatë tepër delikate, por që ndihmojnë shtetin, do të rrezikoheshin edhe me jetën e tyre nëse do dilte sekreti. Emrat e tyre edhe në SHISH janë të koduar dhe dihen vetëm nga inspektorët që i kontaktojnë. Myftari mësohet të ketë thënë se i gjithë rrjeti agjentorur me të cilin funksionon SHISH-i do të shkatërohej. Ai nuk mund ta bënte këtë dhe dje tha se nëse Kuvendi vërtetë do të kërkonte, listat atëherë duhet të zgjidhte një kryetar tjetër të SHISH-it, sepse kryetari aktual nuk do që ti japë. Ndërsa hynte në sallën e mbledhjes, Myftari tha vetëm se s'ka asnjë dosje apo fakt për Xhoana Nanon si dhe se nuk donte të komentonte asgjë tjetër. Ndërsa burime brenda mbledhjes tregojnë se pas raportimit të Myftarit ka shpërthyer një sherr i vërtetë mes deputetëve socialistë dhe kryetarit të komisionit, Ngjela. Pjesa tjetër e deputetëve të PD-së kanë ndenjur në heshtje.

Shkak i sherrit kanë qenë kërkesat e paraqitura nga ana e Ngjelës pranë SHISH-it pak ditë më parë. Deputeti Gazmir Bizhga thotë se me çështjen e listave të gazetarëve deputetët socialistë ishin njohur vetëm kur dëgjuan kryetarin e SHISH-it. Ai tregon se deputetët socialistë në komision i janë drejtuar mjaft ashpër kryetarit të komisionit, Spartak Ngjela, duke i kërkuar llogari se pse nuk i ka informuar në lidhje me ato që ka kërkuar nga ana e SHISH-it. Bizhga thotë se Ngjela ka dhënë disa shpjegime por asnjë prej tyre s'ishte bindës. Burime nga komisoni tregojnë se deputeti Bashkim Fino i ka thënë Ngjelës se do të mbajë përgjegjësi penale për atë që ka bërë. Ndërsa më pas, atij i është kërkuar llogari se pse ka nxjerrë në shtyp gjithë bisedën e zhvilluar me kryeministrin Nano. Mësohet se ata i kanë kërkuar Ngjelës që të mos veprojë më në këtë mënyrë, sepse mund ti rrezikonte të gjithë më vonë nëse ndonjë nga informacionet që del cilësohet tepër sekret dhe dëmton interesat kombëtare.
......
Në emër të Komisionit donte bashkëpunëtorët

Kërkesat e Ngjelës: Xhoana, gazetarët e politikanët spiunë


--------------------------------------------------------------------------------

TIRANE

Deputetët e PS-së thonë se kanë mbetur të shtangur kur kanë parë në duart e kryetarit të SHISH-it një tufë me fakse dërguar nga Spartak Ngjela. Ato ishin kërkesa për të cilat dje kryetari i emëruar në SHISH duhet të raportonte. Kjo listë, sipas tyre, përmban kërkesa që lidhen me dorëzimin e dosjeve ose të të dhënave që lidhen me bashkëshorten e kryeministrin Nano, zonjën Xhoana Nano. Kërkesa e dytë e Ngjelës ka lidhje me dorëzimin e listave të SHISH-it me informatorët dhe agjentët e këtij institucioni mes gazetarëve dhe politikanëve apo edhe bashkëpunëtorë të tjerë.

Anëtarët socialistë të komisionit parlamentar për hetimin e veprimtarisë së SHISH-it thonë se për asnjë nga kërkesat e mësipërme Spartak Ngjela nuk është konsultuar me anëtarët e komisionit. Deputetët e PS-së përbëjnë shumicën në këtë komision dhe mund ta bllokojnë në çdo moment, por kjo nuk ka ndodhur ende. Ideja e tyre duket se është denigrimi deri në fund i këtij komisioni, por pa e shkrirë atë, sepse, në të kundërt do të akuzoheshin për prishje të marrëveshjeve politike. Sipas deputetëve socialistë, Ngjela ka dalë tërësisht janë fushës që duhet të hetonte ky komision parlamentar duke kërkuar, në kundërshtim me ligjet, të dhëna që nuk mund të bëhen publike. Sipas tyre, besueshmëria e Spartak Ngjelës ka rënë së tepërmi. Ata tregojnë se deputeti Bashkim Fino, i cili ka replikuar më ashpër nga të gjithë me Ngjelën, i kërkoi llogari këtij të fundit s pse e nxori në shtyp bisedën e bërë me kryeministrin Nano, kur ai informoi në komision për gjëra tepër sekrete.

..........

[ALBA]

-- nga Nikollë Lesi, Deputet - Koha Jonë, 15.11.2003

Jane shume ngjarje tash nje vit qe kane ndodhur ne Shqiperi, te cilat
per nga rrjedha e tyre, menyra e ndodhjes dhe koicidenca me interesat
e Shtetit grek, te bejne te dyshosh se dikush ketu sekretet e ketij
vendi i nxjerr jashte me nje menyre te rrufeshme dhe te perkryer.
Natyrisht qe, shume sherbime sekrete te huaja punojne me njerezit e
tyre ne Tirane. Nje pjese e tyre jane ne koordinim me ate shqiptar ne
luften ndaj krimit te organizuar, droges dhe disa veprimeve qe
destabilizojne Ballkanin. Ne kete sens eshte normale bashkepunimi i
tyre me SHISH. Por ka sekrete te tjera, qe jane per cdo shtet, nje
gje e paprekshme dhe qe ruhet e paguhet me cdo cmim, shumehere edhe
me koke. Por dyshimi im, te cilin po e bej publik dhe qe do t'i
kerkoj dhe komisionit parlamentar te Rendit dhe SHISH per te hapur
nje hetim, ndofta me dyer te mbyllura per arsye te ruajtjes se
sekretit shteteror, ka te beje rreth akuzes publike qe beri para disa
muajve ish-kryetari i Sherbimit Sekret Shqiptar ne Top Channel, zoti
Fatos Klosi, rreth mundesise se perfshirjes se gruas se kryeministrit
Nano, zonjes Xhoana Nano ne sherbimin sekret grek. E artikuluar me
nje gjuhe lehtesisht te kuptueshme zoti Klosi, i cili njeh shume
sekrete te Shqiperise, e jo vetem te saj, leshoi akuzen qe duhej te
dritheronte gjithe drejtuesit e Shtetit, pervec zotit Nano, se gruaja
e tij e dyte ka probleme me sherbimin sekret grek. Nese nuk do te
kisha bere nje analize te fakteve qe kane ndodhur tash nje vit e
ketej, kohe qe perkon me ardhjen e zotit Nano ne postin e
kryeministrit, fakte te cilat ne brendine e tyre jane ne perputhje me
strategjine greke per Shqiperine dhe kthimin e saj ne nje zone
influence, pra pa keto ngjarje politike, pa kete gllaberim ekonomik
te pikave kyce te strategjise ekonomike dhe te ndonje "investimi
grek" ne ndonje zone ushtarake shqiptare, zor se do te mund te ngrija
nje akuze mbi akuzen e leshuar nga Klosi, dhe per me teper pas kaq
kohesh. Por duke qene deputet i Kuvendit te Shqiperise me lind
obligimi i dyfishte qe te kerkoj dhe ne parlament ngritjen e nje
komisioni parlamentar hetimor rreth kesaj akuze, pasi nuk flitet per
gruan e bukur te ndonje karrocieri, tregtari ambulant, apo nepunesi
te thjeshte shteteror, por pikerisht per Zonjen e Pare te Shqiperise,
e cila ka emrin e bukur Xhoana, dhe mbiemrin e zakonshem Nano. Pa
shkelur etiken, ne kete shkrim mund te shtoj se nuk flitet as per
lajthitje te Klosit, e te perforcuara edhe nga une si deputet, por
flitet per nje emer qe "fle" pernate me sekretet e krejt Shqiperise.
Historia boterore e sherbimeve sekrete, qe kur ato jane krijuar, dhe
qe bene epoke ne kohen e Luftes se Dyte Boterore, tregon se ne
shumicen e rasteve per te marre sekretet e nje burri shteti apo
dikujt ne ushtrine e nje vendi, qe duhej pushtuar apo shkaterruar,
futej nen sherbim, pra si agjente nje grua. Per te qene me te
suksesshem gjendej nje femer, e cila te ishte e bukur, mikluese, me
pamje si shenjtore, te ngjaje se malet, edhe nga me te lartet, luten
para hijeshise se saj. Per ta bere edhe me popullor portretin e
agjentes VIP, nga burimet sekrete financiare, i jepeshin qe te
shperndante falas ushqime, rroba per te varferit, shkonte ne Kishe,
lutej dhe "keputej" per te vobektit. Me pas, sajdiste burrin e
Shtetit me lajkat e saj dhe, si profesioniste nen sherbim, niste
pusullat drejt vendit ku ishte rekrutuar per cka dinte, c'kishte
degjuar apo dokumenta sekrete. Me metodat joshese dhe ledhatuese,
bente qe, "I PARI" i vendit te firmoste cka ajo donte dhe ishte
urdheruar nga sherbimi sekret.

Dikujt mund t'i duket kjo qe po shkruaj si nje pjese tregimi, por
mund t'i kujtoje te famshmen agjente te luftes se dyte boterore, Mata
Hari, por, fatkeqesisht keshtu kane punuar dhe ende vazhdojne,
sherbimet sekrete kur duan qe ne "krevatin" e kryetarit te Shtetit,
kryeministrit apo te ndonje gjenerali te rendesishem te
fusin "pergjuesin". Natyrisht qe, nuk mund te kemi te drejten per te
hedhur paralelizma mes asaj qe kemi lexuar per spiunazhet dhe akuzes
se Fatos Klosit. Por nese vazhdojme prape ne logjiken e nje
deduksioni politik, atehere perse e luftoi hapur Fatos Nano ish-kreun
e Sherbimit Sekret Klosi, bile beri dhe ujdi me Berishen per ta
groposur e kalbur ne burg? Per 14 Shtatorin? Jo, vjen pergjigjia
menjehere, pasi dihen tashme faktet dhe interpretimet. Akuza e Nanos
per zotin Klosi per "implikim ne pergatitjen e 14 shtatorit bashke me
Gjinushin, Meidanin, Berishen dhe Meten", eshte nje akuze qe nuk e
beson as vete Nano. Mendja te shkon tek ajo qe edhe une nuk dua ta
besoj per kryeministrin e vendit tim; qe zoti Klosi di shume gjera
per Xhoana Nanon dhe sherbimet greke, aq sa, po te lihej prape ne
krye te ketij sherbimi, apo te mos kerkohej t'i mbyllej goja, apo
akoma me keq, te mos depersonalizohej neper gjyqe, atehere ai mund te
nxirrte turpe dhe skandale shteterore. Eshte e rende kjo qe po them,
madje dhe vete e shqiptoj me ndrojtje, sigurisht jo per hir te
frikes, nga ndonje hakmarrje e Nanos, pasi nuk me ben shume
pershtypje, sic ka ndodhur edhe ne kohe me te veshtira, si ne epoken
e Bashkim Gazidedes dhe "gjeneraleve" te tij te shtypit.
Hezitimi im ka te beje me turpin, zezonen qe bie mbi vendin tim, nese
eshte i vertete pohimi i Klosit. Ndersa insistimi im ka te beje me
detyrimin ndaj informimit publik per te mesuar te verteten e akuzes.
Logjika e do qe, nje kryetar i Sherbimit Sekret te nje Shteti, di aq
shume per vendin e tij, aq sa ne praktiken boterore kur nxirrej ne
pension apo lirohej, nje person i tille ruhej nga Shteti si nje
thesar, i cili nga casti ne cast mund te vidhet apo grabitet nga te
interesuarit fqinje. Ndersa ne Shqiperine e pluralizmit ish-
drejtuesit u shperndane "si zogjte e korbit" ne shtete fiqnje.
Ndersa, nje kryetar i ketij sherbimi sekret tashme eshte larguar me
revoltat e '97-es, tjetri eshte i shkarkuar dhe i paditur nga
kryeministri i vendit per t'u futur ne burg per gjoja "disa
tendera"(!). C'vlere ka nje tender, edhe nese eshte e vertete akuza,
perballe "tenderave kryeministrore" qe flene ne krevatin e
kryeministrit ose qe quhen sekrete shteterore? Akuza e Nanos
dalengadale po zhvleresohet edhe para gjykates, cka shton dyshimet se
arsyet e perndjekjes se Klosit jane te tjera, pra te lidhura me
denoncimin qe ai beri per bashkeshorten e Kryeministrit.

Edhe gjate diteve te krizes se paradokoheshme, kur u rrezuan dy
dekretet e kryeministrit per zoterinjte Dokle dhe Xhafa, sipas
pohimeve te ish-kryeministrit Meta, zoti Nano kishte pergatitur
doreheqjen para kryesise se PS-se, por ne momentin e fundit, teksti,
pra doreheqja, i eshte grisur nga Xhoana Nano. Pyetja lind natyrshem:
Cfare e lidh kete grua me pushtetin absolut te te shoqit, nderkohe qe
i shoqi, pra zoti Nano ne momente krize dhe prekje te dinjitetit
politik kerkon te jape doreheqjen? Nano ka dhene prova, here te tjera
dhe me nje bashkeshorte tjeter, Rexhinen, nje grua e shkelqyer dhe me
tipare te jashtezakonshme, qe ka dhene doreheqjen ne vend, madje, sic
thone miqte nanoiste, "edhe me perkrahjen e Rexhines se mencur". Ne
kete rast jemi te detyruar te bejme nje sqarim: Nuk duam te futemi ne
pjesen e jetes private te Kryeministrit, por po marrim ato segmente,
te cilat kane lidhje me fatin tone te perbashket si shqiptare. Dhe
ketu kemi te drejte ligjore. Ne nuk po merremi me gjera, qe
edhe "skandali Klinton" i nxorri ne publik, nuk po merremi me
paralidhjen mes tyre, se ku ka punuar njeri apo tjetri, por me nje
gje kapitale, qe mbetet akuza e Klosit: A eshte e vertete se kjo grua
punon per agjenturen greke nen mantelin e bashkeshortes se
kryeministrit? Besoj se kjo ceshtje, nuk eshte nje zone private e
Nanos. Kjo na perket te gjitheve nga pak. Ne cdo shtet demokratik nje
akuze e tille do te kishte krijuar nje stuhi te tere politike. Dikush
duhej te pergjigjej para drejtesise dhe jo sic ka shkuar zoti
Klosi "per tendera tullash"!

Kete kerkoj une te sqaroj. Nga pak e perdite. Cdo ore. Nuk do te
interesohem me per Albacopter apo sa ka vjedhur ajo, sipas shtypit,
duke perfituar nga pozicioni i te shoqit. Nuk do te permend me, se ka
emeruar ne pikat kyce gjithe kusherinjte e njerezit e saj, pra
lidhjet nepotike. As qe do te kerkoj here tjeter ne parlament
ministrat Islami e Poci se si i ka vene milionat kjo grua, qe na mbiu
nga Athina e per Athinen, dhe qe per disa muaj u be milionere. Jo,
kjo eshte e fundit here qe po ia permend jo se dua, por per te
garantuar publikun se une luftoj per nje ceshtje me te madhe se sa
milionat e saj. Dua qe te mos jem nje nenshtetas shqiptar, qe
qeverisem nga nje "nenshtetase" e huaj, qe perdor hijeshine per te
perlare cka vendi im.

Nese zoti Nano, per te larguar transparencen dhe per t'u fshehur, ka
ndermend te perdore urdine e rojeve apo te vere ne perdorim te gjitha
metodat dhe mekanizmat e sofistikuar te presioneve ndaj meje, pas
ketij denoncimi publik, ku luhet me koke, jam i detyruar t'i kujtoj
se koka shkon me koke!

[gezo]

UNE MENDOJ SE XHOANA E FATOS NANO JANE QE TE DY GREGE DHE QE TE DY AGJENTE SEKRETE TE GREQISE.
ME RESPEKT

[kolombi]

Edhe epiqendra e botes te ishim bere le qe nuk jemi ,prandaj edhe Perendimi ,nuk shikon arsye fitimprurese te beje nje gje te tille,prap nuk imagjinoja nje fandazi te tille me spiunazhe ,agjentura qe do ta kishte zili edhe skenaristi dhe regjizori me i madh i popullit tone per 50 vjet me radhe Enver Hoxha.
Nuk di cte them .Aty dolen ne drite vete sekretet e shtepise se bardhe nese duam te flasim per te tilla gjera e jo me te nje vendi ku duert dh dritaret per lajme te tilla kane kohe qe jane hapur.
Hajdutet qeveritare nuk kane sekrete per te fshehur se jane dhene totalisht mjeshterise si munt te genjejne popullin dhe te zhvasin atdheun e gjore.

[pelin]

xhoana eshte agjente neo-zelandeze..

[Tironsja]

S'ka nevoje te jet Xhoana se eshte Fatosi vet.

[Mjellma]

Egzisojn ne bote ushtri e tere femrash te bukura qe pregaditen per misione te ndyshme,nje nder misionet e tyre jan edhe te ju futen personave zyrtar ne shtrat.

C'ka e terhjeku Xhoannen nje Nano i cili mund te jete nje prind i saj...mos vall ajo ka sindromin e Elektres ?

Une kam lexu dikund se ajo eshte ish dashnore e nje zevendes ministri Grek!

Fakti qe ata dy lidhen kuror ne Kishen Greke tregon edhe me shume...

Tung
Mjellma

[Di68]

Postuar më parë nga Mjellma

C'ka e terhjeku Xhoannen nje Nano i cili mund te jete nje prind i saj...mos vall ajo ka sindromin e Elektres ?

Tung
Mjellma

....Pushteti? Paraja? Nuk te duken te mjaftueshme keto?