Shkatërrohet një tjetër rrjet droge në Durrës

[Albo]

Prokuroria e Krimeve të Rënda ka arrestuar shtatë anëtarë të grupit që trafikonte heroinë në veri të Italisë

Shkatërrohet organizata e drogës

Emiljano Shullazi, anëtar i organizatës. Në pranga edhe agjenti i Antidrogës që dekonspiroi hetimin

Ened Janina

TIRANË- Prokuroria për Krimet e Rënda shkatërron një organizatë të trafikut të heroinës. Një hetim i nisur dy vjet më parë ka përfunduar në orët e para të mëngjesit të djeshëm me arrestimin e shtatë personave të implikuar, ndërsa i teti i grupit është personazhi i njohur për policinë shqiptare, Emiliano Shullazi, i cili ndodhej prej muajsh në burg për një tjetër vepër penale. Mes të arrestuarve të djeshëm ndodhet edhe një oficer policie i sektorit të antidrogës, i cili ka rrezikuar hetimin 2-vjeçar duke i “shitur” informacione njërit prej të implikuarve të këtë rrjet trafiku. Ky grup i strukturuar kriminal ka trafikuar gjatë dy viteve të fundit sasi të konsiderueshme heroine në itinerarin Turqi- Shqipëri- Itali. Lajmi është pohuar dje nga burimet zyrtare të Prokurorisë për Krimet e Rënda.
Hetimet
Rreth dy vjet më parë, Prokuroria e Milanos në Itali u ka komunikuar homologëve shqiptarë për ekzistencën e një grupi të strukturuar kriminal që trafikonte heroinë. Në maj të vitit 2004 kanë ardhur edhe materialet e para nga Italia në lidhje me këtë aktivitet kriminal. Asokohe, Prokuroria për Krimet e Rënda ka nisur hetimet në bashkëpunim me prokurorinë e Milanos, ku kanë zbuluar se grupi përbëhej nga shtetas shqiptarë dhe vepronin kryesisht në veriun e Italisë. Ata trafikonin heroinë të pastër, të cilët e merrnin nga Turqia. Më pas droga kalonte në Ballkanin perëndimor nga ku trafikohej drejt Italisë. Ndryshe nga organizata të ngjashme kriminale, grupi i mësipërm nuk përdorte portet shqiptare për të trafikuar heroinën, por portet e vendeve të tjera të Ballkanit perëndimor, të paktën në 9 raste të provuara. “Episodet e trafikimit të heroinës, objekt i këtij hetimi, zhvillohen në territorin gjeografik Turqi – vendet e Ballkanit Perëndimor – Itali, me shumë pak raste të kalimit tranzit nga portet tona. Hetimet e përbashkëta me autoritetet gjyqësore dhe policore të huaja përfshijnë një hark kohor dyvjeçar, maj 2004 – qershor 2006”,- thënë dje burimet zyrtare të prokurorisë.

Arrestimi
Fillimisht në prangat e policisë kanë rënë disa shqiptarë me banim në Itali, të cilët kanë qenë të implikuar në këtë rrjet. Një ndër personat e parë të arrestuar në Itali është vëllai i Ervin Ferhatit. Ndërkohë, prokuroria shqiptare ka filluar përgjimin e telefonave të të gjithë anëtarëve të organizatës. Me anë të përgjimeve janë siguruar të dhëna të tjera shumë të nevojshme për hetimin e çështjes. Pasi është kompletuar dosja me prova prokuroria i ka kërkuar gjykatës miratimin e arrestit për të gjithë anëtarët e kësaj organizate. Kështu me urdhër- arrestet në dorë ka filluar edhe operacioni me emrin e koduar “Identikit”. Gjatë natës ndërmjet datave 6 dhe 7 korrik, Prokuroria për Krime të Rënda, në bashkëpunim me Prokurorinë e Milanos, të mbështetur nga Drejtoria e Luftës kundër Krimit të Organizuar dhe Mbrojtjes së Dëshmitarëve në Ministrinë e Brendshme dhe drejtoritë e Tiranës, Durrësit dhe Fierit u hodhën në veprim. “Në përmbyllje të punës së përbashkët hetimore, identifikimit të personave dhe përpilimit të akteve të nevojshme, u ekzekutuan masat e sigurimit të caktuara nga Gjykata për Krime të Rënda me kërkesë të kësaj Prokurorie, në ngarkim të disa shtetasve shqiptarë, të hetuar për krimet e organizimit, drejtimit dhe financimit të organizatave kriminale me qëllim trafikimin e paligjshëm të narkotikëve dhe për të paktën nëntë episode të veçanta trafikimi të heroinës”,- thanë dje burimet zyrtare të prokurorisë.

Artan Shabani, i njohur si Ben Çami, i datëlindjes 15.10.1971, lindur dhe banues në Durrës

Erges Ymeraj, i njohur si Orges Kareçi, me emër fals Ilirian Vasili, i dtl. 27.02.1975 nga Durrësi

Emiljano Shullazi, me emër fals Anton Nikolli, i datëlindjes 24.04.1978, i paraburgosur

Ervin Ferhati, ndryshe Ergys Ferhati, i datëlindjes 05.06.1979, lindur dhe banues në Tiranë

Selfo Driza, me emër fals Fredi Plaku, i datëlindjes. 22.02.1977, lindur e banues në Baltëz të Fierit

Erion Gogaj, i datëlindjes 23.03.1981, lindur në Plyk të Fierit dhe banues në Tiranë

Artan Allushi, i datëlindjes 16.02.1976, lindur dhe banues në Tiranë

Dritan Manaj, i datëlindjes 27.07.1975 inspektor në Zyrën e L.K. Drogës në Drejtorinë e Tiranës

[Fiona]

Me vjen shume keq qe gjith ky grupi lart kan qen cuna te rinj edhe s'mund te gjejn nje "profesion" tjeter ne jet qe te jet i paster edhe mos perfundoj neper burgje. Megjithat, kete jet kishin filluar dhe c'do gje ka konsequencat e veta.
P.S: Kto nga Durresi, sidomos Beni (emer i degjuar shume). Eh* gjynaf.

[PLAZHISTI]

Fiona do te me vinte e mua shume keq per ket te rinje , per puna qe kane bere keta luhet me shuma te medha e marrjemendje , a e ke pare DURRSIN si eshte bere sa ndertime jane bere ,nuk them qe jan ber me leke te pista te gjitha por shumica e tyre po ,nuk eshte e drejte ,se dhe te tjeret kane nga 12 vjet ne emigrim dhe nuk kan ber ate qe kan ber disa atje ,po jo vetem ne durres po e ne ........................pershndetje...............