Zhvillimet politike post-Rugova në LDK

[EveryWare]

Elefantën në botën e porcelanit dhe drama „Praptimi i namit të LDK-s”

Nga Bardhyl Metaj, Zurich

Ditën e ritit tradicional post-mortor të „katërdhjetave“, nga vdekja e Presidentit Rugova, Kryesia e LDK-s apo një pjesë e saj, u kujdes që të gjithë Rugovistët gjithandej në botë, t’i lë gojë-hapur...

Kur në skenë dolën ata, të cilët më vonë do të përjetohen si tre elefantë “legjitim” në botën e porcelanit - Eqrem Kryeziu, flamurtari i ‘grushtetit’, i cili qysh tash po e ushtron postin e pretenduar të Kryetarit të LDK-s, pastaj Kolë Berisha dhe i paharruari për Rugovistët, Naim Jerliu - me kumtin e tyre për shkarkimin e Kryeparlamentarit Daci - mu kujtua një skenë tjetër grushteti në Moskë, skenë e cila atëbotë pat lënë gojë-hapur gjithë rruzullin tokësor.
Derisa presidenti i atëhershëm sovjetik, Mihail Gorbaqov, po pushonte në një vilë në Detin e Zi, puçistët, krahu konservativ komunist, kishin marrë pushtetin dhe kishin okupuar Parlamentin, duke shpallur të “vdekur” politikën e Gorbaqovit...! Atëherë, do të jetë Jelcin, ai, i cili me një guxim admirues do të marrë detyrën e prijësit e të shpëtimtarit, të luftës kundër puçistëve, ku nuk do të kursejë as bombardimin e Parlamentit, në cilin qenë ngujuar puçistët rusë...

Në Kosovë, ndërkaq, a do e marr misionin e shpëtimit dhe përgjigjes kundër-puçiste, zoti Nexhat Daci...?


Drama “Praptimi i namit të LDK-s”
“Puçi” kosovar ngjau fillimisht në LDK, për t’u transportuar i paketuar, me ambalazh të trilluar amerikan, e i dekoruar me shumë finesë e kujdes edhe me një “kurdel” të vjetër, që kishte mbetë i harruar nga një pako e mëhershme e z.Kofi Anan.
Me një fjalë, vendimi jo-legjitim i Kryesisë së LDK-s, transportohej si vendim i domosdoshëm “kombëtar”, e i kushtëzuar, ndërkaq, me intervenim misterioz “ndërkombëtar”, dhe si “vendim legjitim, demokratik e i patjetërsueshëm i kryesisë së LDK-s...”, i cili, i adaptuar me një lehtësi të patolerueshme nga Grupi Parlamentar i LDK-s, do të evidentojë zhveshjen nga çdo minimum dinjiteti e ndjeshmërie politike, si dhe mungesën e patolerueshme të respektit përball elektoratit të tyre.
Elektorati Rugovist, në të gjallë të Rugovës, i kishte fisnikëruar këta Parlamentarë, duke i deleguar aty – në organin më të lartë të Legjislativit e të vetëvendosjes kosovare, në Parlamentin e Kosovës - si garanci të vetën dhe të Kosovës, si përfaqësues të legjitimuar konsistence e palëkundshmërie politike.
Por, dëshirat dhe nevojat e votuesve të Rugovës, nuk u treguan të ishin edhe dëshirat dhe nevojat e Kryesisë së LDK-s. Për më keq, as edhe të Grupit Parlamentar të LDK-s.
Pritja dhe durimi i tyre i gjatë, gjersa të shkojë Rugova, gjithë këto vite, zhveshi protagonistët e dinamizmit.


Kryesia me licencë të skaduar e LDK-s dhe keq-kuptimi tragjik
Kryesia e LDK-s, mirëkuptimin dhe presedanin e toleruar njëherë, gjatë ditëve të zisë, rreth nominimit të Presidentit Sejdiu, e paska kuptuar si legjitimim të një kryesie për të bërë çfarë të dojë, të emërojë ministra e të shkarkojë ministra, të shkarkojë e denigrojë kë të dojë.
Presidenti i ri, ndërkaq, me një lehtësi të padurueshme propozon Kolë Berishën për kryetar Parlamenti.
Kolë Berishën, për të cilin të gjithë e dimë se do ishte shumë më burrnore sikur të ishte tërhequr vetë...!
Pse nuk ka debat brenda partie?
Pa asnjë procedurë demokratike e pa këshillim brenda-partiak, vendoset mbi postet më të larta shtetërore...


Shpija rrëzohet për pak ditë dhe edhe me kusherinj – por, për ta ndërtuar, duhen ustallarë!
Asnjë kuadër, qoftë edhe i një aktivi në Dragash a bjeshkë të Berishës, d.m.th udhëheqës shumë më minorë se z.Daci, nuk guxon të hiqet, njolloset e eliminohet në këtë mënyrë...
Kurse Kryesia ka zgjedhë të ekzekutojë e shkarkojë personalitetin më të ekspozuar të LDK-s në gjashtë vitet e fundit... D.m.th, kjo kryesi bën politikë dhe ekzekuton ashtu siç nuk bën as edhe një shoqatë apo firmë sadopak serioze - kur duhet nxjerr pune, qoftë edhe “vetëm një” shërbëtore të bufesë.
Në këto pak ditë, kjo Kryesi, kush më shumë e kush më pak, po e hap një varr të madh për LDK-n.


Aklimatizim i shpejtë i parlamentarëve të LDK-s me “misionin dhe mentalitetin e
Kryezive...”
Ky akomodim dhe aklimatizim i shpejtë i parlamentarëve të LDK-s me “misionin dhe mentalitetin e Krye-zive...”, duke pranuar që të transformohen në makineri ekzekutuese të vendimeve, të autorëve të politikës së akteve të kryera, të vendimeve të Kryesisë me licencë të skaduar, dhe të ekzekutimit të vendimeve të autorëve të politikës praptuese të kursit frytdhënës Rugovist - nuk ka si të mos na ngjall frikë, pasiguri e, mos e bir Zot, nuk ka si të gjejë mirëkuptimin e elektoratit apo të opinionit të gjerë në Kosovë. Përkundrazi.

Kjo, dramë në tri akte e praptimit në LDK, është një sinjal ogurzi...ngase na e demonstroi se me çfarë lehtësie Grupi Parlamentar i LDK-s u shndërrua në ekzekutues të Rugovizmit, të Dacit e të LDK...dhe natyrisht, në ekzekutues të vetvetes.
Parlamentarëve s`ju dilte në ndihmë as fakti se çdonjëri prej tyre e dinte, apo fundja, kishte mundësinë të mësojë aty, nga Lulzim Zeneli (anëtarë i Kryesisë së LDK-s), se turbo-udhëheqësi i sapoaktivizuar, nënkryetari i LDK-s, Eqrem Kryeziu, “është aty (në Kryesi të LDK-s) vetëm tash vonë, pas vdekjes së Presidentit Rugova”. Se, “Kryeziu në pesë vitet e pasluftës, nuk kishte marrë pjesë në mbledhjet e Kryesisë”. E nga ana tjetër, Kryeziu u bë flamurtari i vendimeve të cilat, tash duhej ekzekutuar Parlamentarët Rugovistë.


Kuvendarët e 1989-tës dhe parlamentarët e sotëm, një mendësi
Ngjarja, pa dashjen time, ma ri-kujtoi edhe një Dramë tjetër tragjike, ku protagonistë dhe ekzekutorë përmbysës ishin po ashtu Parlamentarë Kosovarë, në vitin e paharrueshëm 1989!
Të rikujtojmë: atëherë, edhe përkundër sistemit njëpartiak, kishte një debat shterrues, të organizuar e publik, prej bashkësisë lokale e më lartë...në gjithë Kosovën...debat ku merrnin pjesë edhe Kuvendarët e atëhershëm të Kuvendit të Kosovës e ku, në mënyrë plebishitare, hidheshin poshtë e publikisht nga të gjithë ndryshimet e imponuara nga Serbia...por me gjithë atë, kjo nuk ndihmoi Kuvendarët Kosovarë të asaj legjislature të vitit 1988-89, me ndonjë përjashtim të vogël (si Melihate Tërmkolli), që të mos ngrinin dorën e hipokrizisë dhe duart e vetëvrasjes...
Kështu bëri edhe Grupi Parlamentar i LDK-s ditë më parë. Pra, jo të udhëhequr nga parimet, ta zëmë nga lojaliteti ndaj statutit partiak, statutit i cili ishte shkelur me të dy këmbët nga kreu i partisë me rastin e nominimit të Fatmir Sejdiut, me rastin e shkarkimit të Nexhat Dacit, sikurse edhe me rastin e nominimit të Kolë Berishës, tutje të nominimit të Fatmir Rexhepit, me rastin e kërkesës dhe të trysnisë ndaj Parlamentarëve që të ekzekutojnë këtë urdhër jolegjitim në Parlament, e kështu me radhë...

Kuvendarët e vitit 1989 sikurse edhe këta sot, aparatçikë të një makinerie a uzine ekzekutuese, formalizojnë (që të përdorë vokabularin aktual), rrënimin e subjektivitetit juridik të Kosovës atëherë – njëjtë sikur ditë më parë, një makineri tjetër votuese, por e prodhimit më të ri, në emër të një uniteti të rremë, rrënonte namin e autoritetin e përfaqësuesit të vet dhe natyrisht edhe të partisë. Në emër të unitetit...


A do bëhet korrigjimi?
Kuvendarët e vitit 1989, ndërkaq, përkundër kërcënimit nga likuidimi fizik, megjithatë konsoliduan vetvetën. Mirëpo u desh që korrigjimin fatlum e historik të aktit të parë praptues, ta bëjnë jashtë parlamentit...
Grupi Parlamentar i LDK-ës, ndërkaq, ka rrethana krejtësisht të tjera...bile gëzojnë edhe mbrojtje të NATO-s, mbrojtje fizike, ligjore e morale...Andaj, në dritën e këtyre fakteve, mungesa e përgjegjësisë individuale duket tragjike dhe e pajustifikueshme.Të shpresojmë të jetë të paktën e riparueshme...sado nuk e kam asnjë ide se si mund të bëhet kjo.

Desha me këto shpalime të them një fakt të pafavorshëm për të gjithë ne...Kosovarët:
Kosovarët nuk kanë, nuk kishin e as do të kenë ndonjëherë, në mungesë të një super-ushtrie të strukturuar, të armatosur e të fuqishme sovrane - ndonjë garancë tjetër demokratike, si promovuese, apo të paktën mbrojtëse të vullnetit të tyre – pos mendësisë dhe moralit të Parlamentarit.



SHALA dhe SURROI – “Interpretët” e kalorësisë amerikane
Është tragjike sikur dy partitë e mëdha, LDK dhe PDK, të praktikojnë apo akceptojnë në rradhët e tyre funksionarë partiak që, me të gdhirë, bile para zyrtarëve të huaj, pinë kafet e mëngjesit në zyrat e huaja, duke pritur diplomatët aty...
Këtë domen, “me të drejtë të transkriptimit dhe lojës me zyrat e huaja”, partitë si PDK dhe LDK duhet t’ua lënë Surroit dhe Blerim Shalës. Atyre u mungojnë votat.
Kjo kulturë pakurrizore, kjo ligësi ku çdo aparatçik i ndonjë zyre të huaj mund të ketë më shumë ndikim se Kuvendet e forumet më të larta partiake, se vota e elektoratit, nuk ka pasë asnjëherë traditë në LDK, as në rrethana shumë më të vështira. As atëherë kur miqtë tanë, nga zyra më e madhe deri te më e vogla, na sugjeronin me shumë intensitet, që të merrnim pjesë në zgjedhjet për rrëzimin e Milosevic’it. Apo të bashkoheshim me Paniqin, e gjimnastika të tjera me projektues, shpeshherë, kosovarë. Rugova nuk lëshonte pe në këso sugjerime, “sado dashamirëse”, si i quante. Ai kishte paktin me elektoratin e tij dhe qytetarin e Kosovës...Me sovranin. Kjo politikë u shpërblye në shtigje më të gjata – si nga verdikti i kosovarëve, poaq edhe nga ndërkombëtarët. Me një fjalë, u gjykua politika e eksperimenteve.
Instalimi i kësaj kulture të re nga Kryesia e LDK-s, kësaj politike të eksperimenteve, që kishin rastin së fundi ta përjetojmë, frikohem se është jo vetëm fundi i LDK-s, por edhe fundi i kuptimësisë së votimeve...I vlerës së votës së kosovarit. Dhe, fillimi i Banana Republikës....fillimi i parlamentit të zulluve...


Evidentimi i shkeljeve nga Fatmir Sejdiu dhe papërvoja e Grupit Parlamentar të LDK-s
Ajo që binte në sy menjëherë, sapo i lëshoje një sy transkriptit të famshëm të GP të LDK, për ç’gjë përgëzoj Arlinda Deskun dhe gazetën “Express”, ishte mungesa e përvojës politike e parlamentarëve të LDK-s.
Këto janë pyetjet që dalin me leximin e transkriptit, e që duhej shtruar Parlamentarët e LDK-ës, Fatmir Sejdiut, Alush Gashit, e Kolë Berishës:
1. A e kanë konsultuar flamurtarët e ndryshimeve Këshillin e Përgjithshëm të LDK-s për ndryshime kaq radikale në postet më të larta shtetërore?
2. A e kanë konsultuar Këshillin e Përgjithshëm të LDK-s, për ekzekutimin e “projekteve të pazbardhura asnjëherë në organet partiake, të ndryshimeve dhe të kursit politik partiak”, për të cilat fliste dhe trumbetonte në tubimin e famshëm me aktivistët partiak të Degës së LDK-ës në Gjermani, Eqrem Kryeziu? (Nga zoti Kryeziu duhet kërkuar të deklarohet me shkrim për thëniet e publikuara në mediume, p.sh. në “Bota Sot” të datës 6 Mars 2006 dhe “Bota Sot” të datës 7 Mars 2006, ku veç tjerash nënkryetari i ri-aktivizuar vetëm pas vdekjes së Rugovës , pas pesë vitesh mungese në Kryesi të partisë, deklaronte se: “Projekti i këtyre ndryshimeve që ndodhën këto ditë, është një projekt më i vjetër, vetëm që tashti filloi të realizohet”! )
3. A është evidentuar e protokolluar, gjithashtu, përgjigjja e Sekretarit të Përgjithshëm të Partisë, Fatmir Sejdiu se a është e ligjshme prezenca e anëtarit të Kryesisë dhe Nënkryetari të LDK-s, zotit Eqrem Kryeziu, edhe pas pesë vitesh mungese në mbledhjet e Kryesisë së LDK-s?
4. A është evidentuar e protokolluar, gjithashtu, përgjigjja e Sekretarit të Përgjithshëm të Partisë, Fatmir Sejdiu, nëse si Sekretar i Përgjithshëm i LDK-s ishte i ndërgjegjshëm se është obligim i Kryesisë dhe i tij personalisht si Sekretar Partie, që të thërrasë e organizojë mbledhjet e Këshillit të Përgjithshëm, e jo e kundërta, që Këshilli i Përgjithshëm të gjejë forma e nismëtarë për t’u organizuar e tubuar?

5. A është evidentuar e protokolluar, gjithashtu, përgjigjja e Sekretarit të Përgjithshëm të Partisë, Fatmir Sejdiu, se a është koshient se Këshilli i Përgjithshëm, pas të gjitha shkeljeve që ai i bëri në mënyrë koshiente të statutit të Partisë, se po ky Këshill i Përgjithshëm i LDK-s, jo vetëm ka të drejtë, por ka obligim të shkarkojë e pezullojë gjithë kryesinë qendrore të LDK-s si dhe sipas qëndrimit të miratuar, të shpall jovalide të gjitha vendimet e marra nga Kryesia të pasvdekjes së Presidentit dhe Liderit partiak, për shkak të tejkalimit masiv të kompetencave të ekzekutivit?

6. A është kërkuar deklarim me shkrim nga zoti Sejdiu për shkeljet e përmendura e të dokumentuara statutare - të cilat ai i ka toleruar, inicuar e eksekutuar, edhepse si President, kishte dhënë betimin se do të ishte garant i ligjësisë, kushtetutshmërisë etj, etj...



Rreziku për shkatërrimin LDK-së

Me gjithë optimizmin, më duhet të pranoj se në mungesë të menaxhimit të mirë të një procesi shumë të gjatë konfrontimesh publike e të prapaskenës deri në Kuvend - rreziku për shkatërrimin LDK-s apo edhe parcializimi do të vazhdojë dhe sforcohet çdo ditë e më shumë...dhe ky kërcënim ka gjetë folenë dhe ushqehet nga vetëbesimi i protagonistëve të ngjarjeve të fundit, në politikën e tyre të akteve të kryera, si dhe në heshtjen apo adaptimin e pjesës tjetër.
Shumica hesht, kur s`ka ku të flasë! Kur njerëzit e obliguar që të rivitalizojnë e dinamizojnë organet e partisë, për shkak të interesave personale, i bllokojnë ato. Kur s`ka prijatarë. Kur s`ka nismëtarë.
I vetmi sinjal se LDK do të ruhet, mbetet karizma, karakteri i tij si garanci principieliteti dhe profili shumë i fuqishëm politik dhe akademik i z.Nexhat Daci. !
Pa këtë element, e në mungesë të prononcimit të pjesës së heshtur të kryesisë qendrore, të Ministrave Haziri e Haraçia, Tërmkolli e të tjerë, pa mbledhjen dhe prononcimin e Këshillit të Përgjithshëm rreth shkeljeve statutare, procedurale e deklaratave, të cilat nga Degë e funksionarë të LDK-së, kolumnistë dhe analistë nga më të ndryshmit, po kualifikohen si fillim i praptimit të namit, trashëgimisë politike e të mendësisë së Rugovës në vet LDK, pra, pa të gjitha këto prononcime, debatime, vendime e sqarime: politika dhe egzistanca e LDK-së e humb edhe kuptimësinë e funksionimit karshi elektoratit të saj.
Se sa absurde është situata në Kryesinë e LDK-së, tregon fakti se realisht kësaj Kryesie i duhen tre zëdhënës, për të bërë publike politikat e fraksioneve aty brenda... Thjesht, nga fakti se nuk mund të kërkosh nga Lulzim Zeneli, ta zëmë, të bëhet zëdhënës i politikës së denigrimit të Rugovës nga Eqrem Kryeziu e Fatmir Rexhepi...


Alternativë, ndërkaq, mbetet formalizimi i pakulturës politike të Eqrem Kryeziut
Si të formalizohet kjo pakulturë, si të formalizohet e legjitimohet kjo politikë e akteve të kryera, e krijimit të gjendjeve të jashtëzakonshme - që të pranohen vendimet e jashtëzakonshme...e akuzave të trilluara gjoja amerikane, për solucione e reforma të trilluara... si të formalizohet ajo që disa funksionarë e Degë të LDK-ës, si dhe shtypi tashmë e kanë identifikuar si “ambicie e tre Nënkryetarëve që të hakmerren ndaj Rugovës për shtypjen dhe margjinalizimin e tyre shumëvjeçar”?
Si të formalizohet koncepti reformues i Eqrem Kryeziut, i cili në shtyp deklaronte se në LDK duhet kthyer të gjithë ata të cilët janë detyruar të largohen nga dhuna dhe terrori?!
Projekti i tij i Reformave, për të cilin trumbetonte se qenkësh i vjetër, pa shpaluar as edhe një element të tij, më kujton një figurë dhe kohë tjetër, atë të vitit 1981. Projekti i Reformave të cilat trumbeton Kryeziu më kujtuan - Lazar Mojsovin. Më kujtuan Lazar Mojsovin, i cili për të shpallur gjendjen e jashtëzakonshme, valëviste nja 600 faqe tekst, të cilat kurrë s’patën parë dritën e opinionit publik, por arritën atëherë të krijojnë klimën se çdo gjë ishte e dokumentuar dhe e detajizuar, se udhëheqja e dinte ekzaktërisht çka duhej bërë...se gjendja ishte nën kontroll dhe se ekzistonte strategjia dalëse...Sepse, duke u nisur nga këto faqe të pa-zbardhura, lypsej aplikimi i gjendjes së jashtëzakonshme, që natyrisht kërkoi edhe masa të jashtëzakonshme...


Çfarë priste dhe pret nga udhëheqja e LDK-së në të ardhmen, elektorati Rugovist?
Po e theksoj edhe njëherë, kishte dhe ka shumë nevojë për kumtin se në LDK do të procedohej me ndjeshmëri dhe me durim se tërë trashëgimia Rugoviane do të ruhej e mbahej si e tanë...se forumet partiake, tash në mungesë të prijësit, do të rivitalizohen, dinamizohen e promovohen si mekanizma të patejkalueshëm, pa asnjë përjashtim dhe në asnjë rast - në mënyrë që të kompensohet sadopak mungesa e vizionarit, Prijësit, frymëzuesit e përbashkuesit – Ibrahim Rugovës.


Strategjia e rimobilizimit Post-Rugovist
Mjeshtri dhe strategji do kishte qenë që gjithë atë lum njerëzish që nderoi dhe nderon Rugovën, me e shndërru në energji ndërtuese dhe rrjedhimisht në vota...Kjo lypsej prej strategëve e trimave aty...LDK s`ka as nuk kishte nevojë për të krijuar artificialisht elektorat të ri. Diçka që domosdoshmërisht lypet tek partitë e oponentëve të saj.
Rugova u la shumë...Por Kryesia saj po tregohet praptuese e tërë kësaj trashëgimie.


Trashëgimia Rugoviste si koncept në zgjedhjet e ardhshme?
Me një fjali mund t’jua transkriptoj atë Testamentin e pasurisë së trashëguar dhe strategjinë të cilën do të duhej zgjedhur për të fituar zgjedhjet e ardhshme: fakti i ditur botërisht se ka më shumë Rugovistë sesa ka dhe do të ketë ndonjëherë LDK-ist! Dhe kjo u demonstrua edhe gjatë varrimit e pas tij.
Atyre, pra, Rugovistëve, duhej dhanë kumti...Atyre duhej hapur dyert e dritaret, atyre duhej dhënë shansi demokratik, duke kanalizuar me kujdes energjitë, kreativitetin e përkushtimin për forcimin e LDK-së, duke vijëzuar procesin e ndërtimit e bashkë-krijimit të strukturave të fuqishme partiake, të përbashkuara rreth frymës Rugoviane. Kthimi eventual i Editës dhe Bukoshit do të sillte aq pak vota, sa ata realisht kanë sot, pa siglën Rugoviane të LDK-së.
Por, kthimi i tyre ndërkaq do të ishte humbje e votave nga të gjithë ata të cilët janë anemikë nga kritikat e sulmet publike disavjeçare, të shqiptuara nga këta të dy, ndaj Rugovës.
Strategjia e kumteve përbashkuese e mobilizuese e Public Relations - është kalkulim e jo spekulim...
Kjo ishte detyra e udhëheqjes së LDK-ës. Kaq pak po pritej.


Shansi i fundit për konsolidimin e LDK-së. Si të organizohet Kuvendi i LDK-së
Kah demokracia shkohet vetëm me mendësi dhe procedurë demokratike. Me një fjalë, mendoj se forumet vendimmarrëse partiake, duke respektuar me përpikmëri procedurat e ndërlikuara demokratike, statutin, dhe duke ofruar transparencë të jashtëzakonshme, duhej të kishin burrninë, jo si bëri Kryesia e po propagandon e paraqet Kryeziu, dhe si ekzekutonte Alush Gashi - që si akt të parë testi e sprove të shkarkojnë Dacin e rrënojnë diçka – por, si akt të parë të ndërtojnë konsensusin Rugovist mes fraksioneve, domethënë, të legalizojnë dhe bëjnë publike e transparente pretendimet e të gjitha fraksioneve brenda LDK-së, si dhe të identifikojnë publikisht bartësit e tyre. Paralelisht të arrihet marrëveshja në Këshillin e Përgjithshëm mbi rregullat dhe procedurat parazgjedhore si dhe ato zgjedhore të Kuvendit.

Bartësit e procesit nuk mund të jenë assesi anëtarët e kryesisë, si prejudikon Eqrem Kryeziu, e preferon Kolë Berisha me tarafin e tyre. Ngase këta keqpërdorën këtë periudhë 60-të ditore praptuese post-Rugoviste. Bartës të procesit zgjedhor duhet të jetë një trup i zgjedhur nga Këshilli i Përgjithshëm, e ku mund të ketë edhe dy tre përfaqësues të fraksioneve ekzistuese në Kryesi.
Ky Trup duhet të procedojë me procesin zgjedhor...i cili do të çojë deri te Kuvendi, deri te ndërrimet e nevojshme në statutin partiak (ku duhet të sforcohet edhe më shumë roli i Këshillit të Përgjithshëm, të themelohen Grupet Punuese për Anti Korrupsion (që nga nëndegët e deri në Kryesinë Qendrore), Grupet Punuese për Strategji zgjedhore, për Relacione publike, pastaj për Public Affairs dhe marrëdhënie me partitë simotra, ato europiane e amerikane, si dhe asociacionet europiane të partive, dhe kështu të shkohet deri në zgjedhjet partiake, të cilat pastaj do të japin udhëheqjen e parë të LDK-së Post-Rugoviste.
Ajo që lexova këto ditë se Dacin po e kandidoka kjo apo ajo Degë është krejtësisht e panevojshme...
Daci, si personalitet me më së shumti vota në Këshillin e Përgjithshëm, si njeriu të cilit Rugova i kishte besuar postin më të lartë shtetëror pas atij të Presidentit, si figura më mediatike dhe e profiluar e LDK-së, si pjesëmarrësi më kreativ i Real Politikës në LDK-në e 6 viteve të fundit, ka të drejtë ta kandidojë vetveten, siç bëhet në gjithë botë, dhe të shpalojë projektin e tij...E njëjta gjë vlen edhe për Lutfi Hazirin.
Kështu bëhet në gjithë botën, fraksionet nuk janë të mshefta e ilegale, përkundrazi, çdonjëra lobon për konceptet, qasjet dhe figurat e ndryshme ...
Vetëm kështu stimulohet dhe shpërblehet kreativiteti e puna në njërën anë, kurse elektoratit partiak i shpalohet një shumësi zgjedhjesh në një atmosferë krejtësisht kritike e transparente.
Vlerat identifikohen më lehtë, vetëm kur ke mundësi krahasimi...
Kjo është real-politikë dhe demokraci e mirëfilltë...Dhe këtu duhet gjetur shansi i riparimit dhe ngjitjes...krijimit të kritereve të sistemit të ri të vlerave, konform kërkesave të kohës.

bardhylmeta@hotmail.com


Bardhyl Metaj, ka qenë Sekretar i Përgjithshëm i Degës së LDK-së në Zvicërr në periudhën, 1992-1995, si dhe përgjegjës për organizimin brendapartiak në vitet 1992-1996;
Ka qenë edhe Sekretar i Fondit të Tre Përqindëshit i emëruar nga Qeveria e Kosovës, prej vitit 1992 deri më 1996;
Në Konferencën e Degëve të LDK-ës për Europë, SHBA dhe Australi, ka qenë Kryetar i Komisionit të Konkluzave;
Në periudhën 1992-1996 ishte edhe udhëheqës i Qendrës për Informim të LDK-ës për Zvicër;
Në postet Profesionale, ndërkaq, ka qenë Drejtor Ekzekutiv në disa shtëpi Botuese ndërkombëtare, si në Koncernin Bertelsmann Schweiz AG; në agjencitë për Relacione Publike: Tel-Express dhe në Emozio AG; Shef i Marketingut dhe Relacioneve Publike në shtëpinë Botuese Vogel Verlag AG, si dhe Drejtor Gjeneral në Car4you Internacional AG;
Autori është specializuar për Public Relations dhe Marketing në Zvicër;
Eshtë Kolumnist i rregullt i gazetës Java, Prishtinë.


copyright by: www.Gazetajava.com

[Llapi]

Përkujtim apo përdhunim i figurës së Presidentit Rugova


23 mars 2006 /TN

Abdullah V.Thaçi

Forumi Rinisë i LDK-së i udhëhequr nga Sejdë Tolaj me 21 mars organizoi në Teatrin Kombëtar të Kosovës një akadEmi “përkujtimore” me rastin e dymujorit të vdekjes së Presidentit Rugova.Kjo akademi më tepër ishte një përdhunim për së vdekuri i figurës së Presidentit Rugova se sa një përkujtim.

Kjo për kohën dhe periudhën postrugoviste në Forumin e Rinisë është normale,pasi që tash më dihen publikisht qëndrimet e z.Tolaj për koprracin dhe veprimet kundër Kryesisë Qendrore të LDK-së.Kjo edhe është normale sepse duhet shpërblyer punën dhe mundin e atyre që z.Tolaj ju ka borgj moral.

Atyre të cilët qëndruan rreth LDK-së dhe Presidenti Rugova për qëllime krejt përsonale,të atyre që zbritën nga malet e Dukagjinit dhe në emër të “atdhedashurisë”fituan vendbanim të përherëshëm në Prishtinë duke u pasuruar nga pozitat e tyre jomeritore në institucione,njëri prej tyre padyshim është edhe Sejdë Tolaj.

Të kujtojmë pak kohën e dhimbjesë kombëtare të 21 janarit 2006,ku mbi 1 milion qytetarë në teperatura të ftohta ekstreme i bënë homazhe njeriut të pavarësisë së Kosovës, Presidentit të vetëm dhe historik që emri i tij lidhet me dhe për Pavarësin e Kosovës.

Dy muaj më vonë pikrishtë me 21 mars i teket Sejdë Tolajt të derdhë lotët e krokodilit për Presidentin…

Dhe “organizon” apo shantazhon figurën e Presidnetit në skenëne e Teatrit duke e luajtur rolin e një aktori artdashës por amator.Nuk arriti ky “organizator”, që sallën e Teatrit Kombëtar ta mbush me 400 vetë, nuk arriti që pas dy muaj pas vdekjes së Presidnetit Rugova t’i gjejë të paktë 400 Rugovist…

Ky për mua si aktivist dhe idealist i Presidenti Rugova është tipik një përdhunim i figurës historike të Presidentit Rugova .

Sejdë Tolaj në rolin e protagonistit në këtë Teatër kishte ftuar edhe figurat kryesore të institucioneve nga rradhët e LDK-së,si p.sh, Presidentin Fatmir Sejdiun, Kryeparlamentarin Kolë Berisha, ministra e zv./ministra nga radhët e LDK-së. Por për çudin e radhës përkujtohet Presidenti dhe vetë Presidentit nuk i jepet fjala, përkujtohet lideri i LDK-së, nuk i jepet fjala nëkryetarit të LDK-së dhe Kryeparlamentarit z.Kolë Berisha. Ky “organizator” ka harruar të ftoj edhe nëkryatarin e parë dhe bashkëpuntorin tjetër të Presidentit Rugova, mr Eqrem Kryeziun.

Ky është po ai “organizator” i cili në përvjetorin e 16 të FR të LDK-së angazhoi klanin e tij dhe ish-kryeparlamentarit Nexhat Daci i dhuruan duartrokitje frenetike dhe buçeta lulesh, deri sa nënkryetarit të LDK-së, respektivisht Kryeparlamentarit Kolë Berisha i dhuruan fishfëllima dhe injorancë.

Krejtë në fund dua të theksoj se LDK është në udhëkryq, semafori i LDK-së ka kohë që është në dritën e kuqe. Shpresojmë që nga e gjelbërta të niset në drejtim të duhur pa këta pasagjer që tymosin duhan dhe vjellin turpin e tyre mbi lokomotivën e quajtur LDK.


(Autori është antar i Kryesisë së FR të LDK-së, Dega në Prizren)
frldk Prizren: frldk_prizren@yahoo.com

[Brari]

Disa pyetje:



Cfar e ka ky Kadri Kryeziu kte Ekrem kryeziun?
Sa ekrem kryezinj ka ne Kosove dhe cfar ben njeri e cfar tjetri?


Cila parti e ka propozuar ne qeveri kte kadri Kryeziun i cili nga materialet qe kemi lexuar mbi gjyqin e vrasjes se Drinit.. del qarte se ky ka gisht direkt ose indirekt ne ate masaker?
Po ky Shemsi Syla cka e ka Azem Sylen?
Kush eshte shefi i SHPK-se?

[Patrioti]

Disa pyetje:



Cfar e ka ky Kadri Kryeziu kte Ekrem kryeziun?
Sa ekrem kryezinj ka ne Kosove dhe cfar ben njeri e cfar tjetri?


Cila parti e ka propozuar ne qeveri kte kadri Kryeziun i cili nga materialet qe kemi lexuar mbi gjyqin e vrasjes se Drinit.. del qarte se ky ka gisht direkt ose indirekt ne ate masaker?
Po ky Shemsi Syla cka e ka Azem Sylen?
Kush eshte shefi i SHPK-se?

brarov kadria me ekremin i kan nenat e kapta,e shemsia me azemin i kan tezet e kapta,a detyre te re te ka dhan udba me hulumtu diqka,dy muj e gjys qe ka dek rugoviqi,po me doket sikur kur ska qen gjalle,se njejte gjenaze ather gjenaze qetash

[Marinari]

Disa pyetje:



Cfar e ka ky Kadri Kryeziu kte Ekrem kryeziun?
Sa ekrem kryezinj ka ne Kosove dhe cfar ben njeri e cfar tjetri?


Cila parti e ka propozuar ne qeveri kte kadri Kryeziun i cili nga materialet qe kemi lexuar mbi gjyqin e vrasjes se Drinit.. del qarte se ky ka gisht direkt ose indirekt ne ate masaker?
Po ky Shemsi Syla cka e ka Azem Sylen?
Kush eshte shefi i SHPK-se?

Po pse more shoq, ku nuk ke lidhje me gjendjen aktuale ne Kosove futesh ne "valle". Te kam thene shume here se; je larg realitetit.

Do te mesoshe edhe shume duke e percjellur forumin...

[Brari]

a dini me ju pergjigj pyetjeve.. ne se po bujrum.. ne se sdini leni llafet..

[Arb]

Ndryshimet... Eqrem Kryeziu... dhe liria e fjalës!

29 mars 2006 /TN

Një gjë duhet ta bëjë absolutisht të qartë. Ky shkrim nuk është reagim, por është shprehje e mendimeve të mia në lidhje me disa çështje të prezantuara në këtë forum debati.

Albatros Rexhaj

Ndër shumë arsyet pse e respektojë Eqrem Kryeziun është fakti se ai nuk ka dëshirë që t’i thuren himne dhe nuk i çmon njerëzit që çdo herë (pa marrë parasysh se çka në të vërtetë mendojnë) pajtohen me të dhe ky fakt është virtyt i intelektualit. Kryetari Kryeziu e çmon shumë dhe e inkurajon mendimin kritik. Së paku kështu më ka thënë shumë herë kur kemi pasur rastin (me qindra herë gjatë këtyre 9 viteve) që të takohemi.

Unë nuk do të thurë himne për Kryetarin Kryeziu, jo se ai nuk e meriton, por për faktin se vepra jetësore e Kryetarit Kryeziu qëndron vetvetiu dhe nuk ka nevojë për shtylla të mjera dhe himne banale që mund të krijojë ndonjë prej nesh. Vepra e Kryetarit Kryeziu nuk mund të mohet sepse qëndresa e tij gjatë shumë viteve ndaj shtypjes dhe tendencave antidemokratike për të instaluar në Kosovë diktatura të stilit të banana republikave, është diçka që secili që ka pak njohuri politike është më se i vetëdijshëm.

Shumë kush e thotë se Kryetari Kryeziu është kokëfortë në politikë! Kështu thonin edhe disa nga kolegët e tij nga “garda e vjetër” atëherë kur Kryetari Kryeziu e organizoi LDK-në në kohën që shumëkush frikohej t’i përmendte emrin apo edhe me rastin e statujave të famshme në Prizren. Nuk dua ta zgjasë shumë sepse besoj se edhe mohuesit më të mëdhenj e dinë këtë. Por a do të thotë kjo se Kryetari Kryeziu është i paprekshëm nga kritikat? A do të thotë kjo se Kryetari Kryeziu është i pacenueshëm apo edhe mitik? Ata që mendojnë kështu nuk e njohin aspak Kryetarin Kryeziu.

Secili prej nesh mund të ketë mendime të ndryshme për çështje të caktuara. Ndonjëherë edhe brenda një familjeje ka rryma të ndryshme politike dhe kjo është krejtësisht e natyrshme dhe e shëndoshë. Vetëm në dialog të kundërshtive lind progresi dhe shoqëria njerëzore ec përpara në zbulimin e virtyteve njerëzore brenda vetes. A ka vepruar drejt Kryetari Kryeziu në këto dy muajt e fundit, kjo është çështje e debatit dhe e drejt e secilit për të diskutuar? A ka mundur të veprohet ndryshe?

Edhe kjo është çështje e debatit. Çfarë raporti ka pasur Kryetari Kryeziu me Presidentin Rugova? Kjo nuk është çështje debati sepse Kryetari Kryeziu e ka thënë publikisht vetë në Rubikon - KTV se vitet e fundit nuk ka pasur ndonjë kontakt serioz me Presidentin Rugova. Pse ka ndodhur kjo, kjo përsëri është çështje e debatit. LDK si forcë politike, në thelb anti-dogmatike, duhet ta inkurajojë debatin brenda vetes në mënyrë që nëpërmjet atij debati të lindin ura të bashkimit. Disa do të thoshin se kjo është e vetmja mënyrë, por edhe kjo është çështje e debatit.

Në një opinion të shprehur në këtë forum është përmendur eliminimi politik i Kryetarit Kryeziu. Vet termi “eliminim politik” është term dogmatik dhe relikt i së kaluarës. Figura e një politikani të kalibrit të madh nuk mund të mbrohet e as të lëndohet me spekulime bulevardeske (nuk i bëhet nder Kryetarit Kryeziu kur thuhet se ai nuk vendos as në shtëpi të vet!!!). Në mënyrë që të garantojë vijueshmërinë e traditës së vet, LDK duhet të organizojë zgjedhje fer dhe demokratike.

I tërë kapaciteti intelektual duhet të shkrihet në sigurimin e një procesi fer demokratik si garanci të vetme për ruajtjen e traditës anti-dogmatike të LDK-së. Fundja, këtë shumë herë e ka thënë edhe Kryetari Kryeziu dhe unë besoj shumë në fjalën dhe angazhimin e tij. Ata që do të humbin në këtë proces (kushdo qofshin ata) nuk mund të thonë se janë eliminuar. Asgjë nuk është e përjetshme, përfshirë edhe kolltuku dhe privilegjet.

Dy fjalë për Presidentin Rugova dhe familjen e tij. Presidenti Rugova ishte dhe është një me familjen e tij dhe nuk mund të ndahet prej saj. Të thuhet se Presidenti ishte njeri i madh, por një kryefamiljar mesatar është mëkat dhe turp. Presidenti kurrë nuk është marrë me spekulimet idiotike që janë bërë në adresë të tij dhe të familjes së tij dhe nuk i takon asnjërit prej nesh që të përgjigjemi për të, por e vërteta mbi atë dhe familjen e tij herë do kur do të dal në shesh. Ai, familja dhe vepra e tij nuk mund të shemben me asnjë lloj kampanje apo shpifjeje që dikush mund të bëjë dhe kjo është arsyeja e vetme pse edhe për së vdekuri ai vazhdon të jetë i paprekshëm dhe i frikshëm për injorantët, kameleonët dhe shpirt vegjlit.

Një sqarim për të nderuarin që pretendon se më njeh, më tepër për nevojat e tij se për diç tjetër.

Unë nuk kam shitur cigare në Prishtinë në periudhën 1997-99, por këtë e kam bërë në Prizren në periudhën 1994-95 dhe kjo është periudhë e jetës sime për të cilën jam më së shumti krenar. Është kjo periudhë kur një pjesë e jona u godit nga një skamje e skajshme si rezultat i mosbindjes ndaj regjimit serb (disa edhe janë bindur dhe e kanë ruajtur mirëqenien e tyre) dhe unë dhe familja ime e kemi parë më të udhës të punojmë punë nga më të ndryshmet për ta siguruar me nder bukën e gojës.

Për informacionin tuaj, në vitin 1993 kam dhënë kontributin tim në hapjen e kanaleve për kabllo elektrike në rrugën për në lagjen “Baruthane” për atëherë 10 marka në ditë. Kështu koleksionit të kualifikimeve si “cigareshitës” mund t’ia shtoni edhe “hapës kanalesh”, “rregullues kulmesh”, “bahçegji” etj. Nëse ju e keni pasur një jetë të mirë më vjen mirë për ju, por nuk ia kam zilin askujt për këtë.

Sa i përket kulmit mbi kokë, fatmirësisht prindërit e mi kanë mundur ta sigurojnë një shtëpi të mesme për familjen tonë dhe jemi në pronësi të saj që nga viti 1982, kurse aktualisht në Prishtinë jetoj me qira dhe vozis Opel Corsa të vitit 1991. Këtë nuk e konsideroj mëkat e as dobësi.

Me LDK-në jam i lidhur që nga viti 1996 kurse në vitet 1997-1998 kam qenë Kryeredaktor i revistës “Qëllimi” të FR të LDK-së në Prizren. Raportet e mia me Kryetarin Kryeziu vazhdojnë të jenë të njëjta, mënjanuar faktin se ai tash ka më shumë obligime dhe përgjegjësi.

Në vitin 1994 jam regjistruar në Fakultetin Elektroteknik, të cilin e kam vijuar deri në vjeshtë të vitit 1997. Gjatë këtyre tre viteve i kam përfunduar tre vite studime, por jam detyruar t’i ndërpres, jo nga paaftësia për të dhënë provime, por për arsye krejtësisht politike dhe rrethanave që u patën krijuar në ndërkohë. Ishte kjo edhe një sakrificë e imja ndaj LDK-së dhe Presidentit Rugova. Në çdo fatkeqësi ka edhe një fat dhe edhe unë zbulova edhe një vokacion tjetër në jetën time. Dashurinë time ndaj shkrimeve e kam konkretizuar me përfundimin e studimeve në Dramaturgji me notë mesatare 9.8 kurse aktualisht jam në studime pasuniversitare në Dramaturgji në UP dhe njëkohësisht vijoj edhe një cikël tjetër studimesh superiore në lëmin e hartimit të politikave të sigurisë kombëtare (National Security Studies) në AMU .

Unë kam shumë mirëkuptim për interesimin e secilit për të mësuar sa më shumë sekrete, por është një element i vockël që e kam mësuar gjatë jetës. E vërteta dhe sekretet janë shumë dimensionale dhe vendi ku më së pakti mund të mësohet e vërteta janë rrugët, kafenetë dhe bulevardet.

Mua më vjen shumë interesant se ende pa i mbushur 30 vjet jam klasifikuar si shef rajonal i “Sigurimit të Atdheut”, ndërlidhës i Al Kaidas (sepse kam pasur 30 minuta paraqitje në Al Jazzera), oficer inteligjent multi nacional dhe multi dimensional, zëdhënës i nëntokës, në një opinion tjetër këtu në Trepça akuzohem indirekt si personi kyç që e ka përgatitur, siç cilësohet, fushatën e Eqrem Kryeziut për spastrime në LDK dhe së fundi edhe kreator i “eliminimit politik” të Eqrem Kryeziut. E gjithë kjo është më se një përvojë e bukur, por besoj se janë si shumë për një individ të vetëm. Është një parim themelor në dramaturgji në referencë ndaj të vërtetës artistike. E vërteta artistike nuk është e thënë të jetë e vërteta reale, por mjafton që ajo të jetë e bukur dhe ne të besojmë në të dhe ky është themeli i mjaftueshëm për thurjen e një përralle të bukur.

Çdo respekt për secilin dhe mendimin që e përfaqëson. Unë jam ithtar i madh i fjalës së lirë, por fjala e lirë nuk është anarki dhe assesi nuk duhet të keqpërdoret për fyerje. Forumet e tilla nuk duhet të keqpërdoren për shfryrje epshesh dhe tekesh individuale. Fjala publike bart privilegje, përgjegjësi si edhe konsekuenca.

Unë për veten time besoj se editorët e Trepça.net do të jenë në gjendje që të ruajnë integritetin e secilit prej nesh, sepse unë për veten time nuk e konsiderojë të nivelit të vazhdojë të hyjë në debate jo parimore.

Me respekt për secilin lexues,

Albatros Rexhaj,
28 Mars 2006

[deqanas]

Ndryshimet... Eqrem Kryeziu... dhe liria e fjalës!

29 mars 2006 /TN

Çfarë raporti ka pasur Kryetari Kryeziu me Presidentin Rugova? Kjo nuk është çështje debati sepse Kryetari Kryeziu e ka thënë publikisht vetë në Rubikon - KTV se vitet e fundit nuk ka pasur ndonjë kontakt serioz me Presidentin Rugova.
...
Dy fjalë për Presidentin Rugova dhe familjen e tij. Presidenti Rugova ishte dhe është një me familjen e tij dhe nuk mund të ndahet prej saj. Të thuhet se Presidenti ishte njeri i madh, por një kryefamiljar mesatar është mëkat dhe turp.

tung Arb,
ne kete shkrim keto dy gjera ma "vrane" pak syrin.
ca do te thot ky albatrosi me keto fjale??

meqe sic e din edhe ti - une jam paksa i trash e nuk i kuptoj gjerat - nodshta mund te mi sqarosh ti?

pershendetje

[Arb]

tung Arb,
ne kete shkrim keto dy gjera ma "vrane" pak syrin.
ca do te thot ky albatrosi me keto fjale??

meqe sic e din edhe ti - une jam paksa i trash e nuk i kuptoj gjerat - nodshta mund te mi sqarosh ti?

pershendetje

Diteve te fundit mbase ke pas rastin me lexu disa opinione rreth figures se Eqrem Kryeziut (ne Trepca.net). Disa autore duke fol keq per te, e disa duke mbrojt figuren e tij.

A. Rexhaj ka reagu me kete shkrim pasi nje prej atyre opinioneve e kishte akuzuar drejteperdrejte ate si autor kryesor i sulmeve te fundit mbi Eqrem Kryeziun.

Albatrosi kish dal menjehere diten tjeter me kete mesazh, te cilen e ke lexu ma nalte.

Se cka dreqin ka dasht te thote me keto dy paragrafet e shkurtera (qe i ke cituar ma larte) nuk e di, e duket se sikur qellimisht Albatrosi i paska lene te atille.

Bile me cudit ky paragrafi i dyte, rreth Presidentit. Nuk di qe dikush ka dhene pohime te atilla rreth Presidentit, te cilat ky zotnia merr pergjegjesine ta mbroj.

[Arb]

Per me teper, Albatros Rexhaj ka gjetur shkas per te shkruar, si reagim ndaj shkrimit te meposhtem:


Mr Eqrem Kryeziu lideri apo portieri i LDK-së




--------------------------------------------------------------------------------

28 mars 2006 /TN

Artan I. Basha (Prizren)

Eqrem Kryeziu këtyre ditëve është në toplistën e akuzave nga ana e qendrës parapolitike të DK-së . E cila qendër përkundër votes për LDK-në nga ana e qytetarëve të Kosovës, vendosi në dy mandatet në qeverin e Kosovës pë postet drejtuese nga ana e LDK-së.

Mr.Eqrem Kryeziu së bashku me Presidentin Fatmir Sejdiu dhe Kryeparlamentarin Kolë Berisha janë bërë halë në sy për shumë këndë që iu është tha kaçepi pas vdekjesë së Presidentit Rugova.

Duke ngelur i pari në Lidhjen Demokratike të Kosovës,mr Eqrem Kryeziut i ra fati ti komunikojë vendimet e LDK-së për ndryshimet e domosdoshme që tani më ndodhën për të mirën e Kosovës,këto asesi nuk ishin vendime individuale dhe private të tij.Ai individualisht nuk vendos as në familjen e tij të ngushtë.I tillë është kryetari ynë, për këtë e duam ne prizrenasit.Këtu nuk po flasë për ardhacakët dhe “patriotët”!!!

Eqrem Kryeziu është kryetari i KK të Prizrenit i cili qe dy mandate shumë suksesëshëm bashkëqeverisë me ne qytetarët e Prizrenit. Prizreni i udhëhequr nga Kryetari Kryeziu fuqishëm e mbronë atë që quhet votë e lirë e qytetarit dhe kërkesat e artikuluara nga qytetarët sot janë realiteti dhe panorama e Prizrenit dhe prizrenasëve.

Ajo shka nuk është bë në Prizren për më shumë se pesë dekada,pushteti komunal i Prizrenit i udhëhequr nga Eqrem Kryeziu e ka realizuar për më pak se gjashtë vjetë qeverisje .

Unë përsonalisht e di pse qendrave parapolitke të LDK-së nuk iu ka pëlqyer asnjëherë Mr.Eqrem Kryeziu të qenit kryetar i LDK-së dhe i KK të Prizrenit sepse është një ndër pak kryetarët e komunave të Kosovës që qeverisën nga LDK-ja që nuk e ka pranuar në asnjë mënyrë reketimin në emër të finacimit të LDK-së apo thënë më mirë për financimin e “Sigurimit të Atdheut”.

Ata të cilët paguan këtë haraç,përkundër kualifikimt të tyre prej autodidakti fituan poste të madha politike në Qeverinë e Kosovës.U fol dikur se dikush pagoi bossit 180.000 € për postin e tij,në faktë ai është kompenzim jo i drejtpërdrejtë për postin qeveritar.

I tillë është kryeplaku i Prizrenit ske çka i bënë!!?? Nuk e ha çdo gjë që servohet,nuk e ha as atë që quhet kërcnim apo likuidim fizik.Nuk e ka hangër as prej atyre të para luftës edhe pse e sulmuan dhe e plagosën me bombë.Nuk u friksua dhe nga këta të pas luftës që në emër të lirisë,nga ata korbëzinjët që likuiduan shumë koka në Kosovë,bashkëidealistë të Presidentit Rugova.
I tillë është Eqa , ske çka i bënë….

Unë besoj fuqishëm se garda e vjetër që e themeloi dhe rriti LDK-në,për hirë të veprës dhe sakrificës së Presidentit Rugova do të di të kalojë edhe këtë sfidë që është një test për kalimin e LDK-së nga një parti centraliste në parti të mirëfilltë demokratike,ku shpërblim për secilin do të ishte puna dhe votat që ai individ do t’ia sjellte LDK-së nga qytetari i Kosovës,e jo se sa fryte ai individ do të mund ti vjelte nga LDK-ja.

Fatkeqësisht nga praktika e gjërëtanishme ata që nuk i sollën vota LDK-së kërkojnë që ende të vjelin dhe korrinë atë që e mbjellë dhe kultivon dikush tjetër.

I tillë nuk është Eqa, ske çka i bënë….


Eqa edhe gabon!

Eqa sikur çdo qenije njerëzore edhe ai nuk është i pagabueshëm.Eqa gaboi duke iu besuar njerëzëve rreth tij.Gabimi më i madhë në këtë kohë është ai i afrimit afër vetës dhe Degës së LDK-së iAlbatros Rexhës dhe iritimi i shumë aktivistëve të vjetër me këtë rast.

Ne si prizrenas e njohim Albatrosin.Ai na njeh neve,andaj ai nuk ka dëshirë të ketë afër vetës njerëz që e njohin në të kaluarën.Ai dikur ishte student veteran në Fakultetin Elektroteknik të cilin kurr nuk arriti ta përfundoj,ai sa ishte në Prishtinë gjatë viteve ’97-99 ishte cigareshitës dhe njeri pa kulëm mbi kokë,i cili egzistencën e siguroi falë shoqërisë së dikurëshme.Lidhjet e tij me Naser Rugovën dhe kundërshtia e tij për demostratat e studentëve në 97 janë krearia e tij e vetëme.

Ai sot ka mbaruar Fakultetin e Arteve në degën e Dramaturgjisë,ishte pretendeti kryesor pë fronin e zv.ministrit të Punëve të Brendëshme në Qeverin e Kosovës.Edhe pse në LDK-në e Prizrenit erdhi në kryesi pa vota,me sygjerimin e Kryetarit Kryeziu themeloi edhe Komisionin për Informim të Degës dhe një faqe interneti, ai sot mundë të jetë njëri ndër hartuesit e planit për eliminim politik të Mr.Eqrem Kryeziut .

Kujt ia jep gishtinë,ta merr edhe dorën më vonë..Kështu thotë populli,populli nuk gabon!.

(Autori është aktivist i OJQ-së “Youth of Prizren”)

Mund të debatojmë perms e-mailt tim personal: artanbasha81@hotmail.com
Ju falemnderit..!