Kryepeshkopi Anastas ende pret nënshtetësinë shqiptare

[Ermal 22]

Nuk na bere ndonje analize te hajrit as ti Albo por u talle me zgjedhjen personale shpirterore qe ka bere autori i artikullit fshikullues, Myftaraj. Kam pershtypjen qe protestantizmi po pelqehet nga mjaft shqiptare pasi eshte nje drejtim fetar i rrespektuar e qe nuk na ngjall probleme kombetare apo kriza te forta identiteti. Ndoshta rasti yt qe se fundi, ndoshta permes ca fragmente librash, po rizbulon identitetin epirot [si disa himariote], vlen te permendet si shembull per te treguar se cfare pasojash mund te rrjedhin nga deshira per te mbrojtur cdo grek a cdo orthodhoks, apo se ku mund te shpjere orthodhoksizmi i tepert.
Nuk keni pse dilni kaq ne vetembrojtje pasi argumentat jane te hapura e nuk ben te shihet cdo kritike si dashakeqesi. Un perseri ia ve fajin Janullatosit per thirrjet e deshperuara per shtetesi qe ben dhe qe nuk i shkojne shume per kontributin qe ka dhene pasi i ulin modestine dhe ndoshta e barazojne me ne te thjeshtit.
Shteti bujar shqiptar jep medalje e shtetesi per lloj lloj personash, dhe rasti i Janullatosit ndoshta tregon se ne nuk jemi akoma te sigurte nese ka ardhur koha qe grekeve tu besohen orthodhoksit shqiptare. Jo per gje por mund ta keni me te veshtire per te shtuar rradhet me besimtare, dhe per te treguar se e vleresoni shqiptarizmin e autoqefaline. Por ne fund te fundit ju i dini punet tuaja me mire, sidomos ata qe ju udheheqin.

[NoName]

eshte skandaloz fakti qe Janullatusi ka drejtuar dhe vazhdon te drejtoje kishen ortodokse shqiptare.

Shqiptaret kane pasur kishe dhe besim ortodoks (ashtu si edhe katolik dhe musliman) shume shume kohe me pare se Janullatusi ti binte maces me luge. Si nuk u vjen zorr ortodoksve shqiptare qe kane nje te huaj ne krye te kishes se tyre? A thua se u mbaruan shqiptaret?

E per me teper ta quash kete dhunti nga perendia eshte qyaja mi none... a thua Janullatusi eshte Krishti vete ... pffff

Mire e ke ti diikush-i,
po kush te pyet ty dhe mua se?
Nuk do ti po do shteti. E ke menduar ndonjehere e?


NoName

[Xhuxhumaku]

JANULLATOSI, KREU I SHOVINIZMIT GREKOMADH NE SHQIPERI

U bënë shumë vjet që Janullatosi, nën maskën e njeriut të
Zotit në Shqipëri, vazhdon të kryejë me shume zell detyrën
e vërtetë që i ka ngarkuar shovinizmi grekomadh – atë të
mëkëmbësit të këtij të fundit, alias të guvernatorit për
qeverisjen e vendit tonë. U bënë po kaq vjet që gazeta
“Rimëkëmbja” dhe sidomos zoti Abdi Baleta, bashkë me atë
Nikolla Markun e Kishës Ortodokse Autoqefale të Elbasanit,
nuk e kanë reshur për asnjë çast luftën për shporrjen e
Janullatosit nga kreu i filialit te Kishës Ortodokse Greke
në Tiranë, të ashtuquajtur Kisha Ortodokse Shqiptare. Dhe
këtë luftë s’e kanë reshtur se kanë qenë të bindur që
Janullatosi, me kalimin e kohës, do të shndërrohej në një
faktor me shumë peshë për varfërimin dhe poshtërimin e
shqiptarëve në sytë e botës. Koha i ka vërtetuar plotësisht
paralajmërimet e “Rimëkëmbjes”, të zotit Baleta dhe të atë
Nikolla Markut për pasojat ogurzeza të qeverisjes faktike
të vendit tonë nga ana e mëkëmbësit të shovinizmit
grekomadh në Tiranë, Anastas Janullatosit. Grabitja
skandaloze që u bëhet qytetarëve shqiptarë nga ana e
kompanive greke të telefonisë celulare AMC e VODAFONE dhe
zhvarrimet në Përmet vërtetojnë pa asnjë mëdyshje se
Janullatosi deri tani e ka kryer më së miri rolin e
mëkëmbësit të shovinizmit grekomadh për varfërimin e
shqiptarëve dhe për poshtërimin e tyre.
Lidhur me zhvarrimet në Përmet për ngritjen e varrezave të
stisura të ushtarëve grekë mësojmë se qeveria greke, sipas
gazetës “Ta Nea”, të cituar nga gazeta “Korrieri”, “po i
kujton asaj shqiptare se kanë rënë dakord me marrëveshje të
nënshkruar për ndërtimin e pesë varrezave në Shqipëri, për
të rënët e ushtrisë greke gjatë Luftës së Dytë Botërore”
(“Korrieri”, 10 qershor 2006, f.15).
Deri tani publiku shqiptar nuk ka pasur kurrfarë dijenie
për një marrëveshje të tillë që qeveria kukull e Tiranës,
socialiste apo demokratikase qoftë ajo, paska nënshkruar me
qeverinë shoviniste grekomadhe për ndërtimin e të
ashtuquajturave varreza për “të rënët” e ushtrisë agresore
greke në trojet shqiptare. Pra, qeveria shqiptare, si
qeveri kukull, paska nënshkruar një marrëveshje të fshehtë
me qeverinë greke, e cila, duke këmbëngulur nëpërmjet
mëkëmbësit të saj Janullatos që të mbetej e tillë, pra, e
fshehtë, ka parashikuar që kur t’i hiqen petët lakrorit dhe
publiku shqiptar ta mësojë të vërtetën, ta përdorë atë si
mjet presioni ndaj Tiranës zyrtare për t’i vënë kapak
skandalit dhe për të mos bërë naze para autoriteteve
shoviniste greke. Pra, me këtë marrëveshje qeveria greke ia
ka zënë kokën me derë qeverisë kukull të Tiranës, e cila
s’u bë e gjallë kur plasi skandali i zhvarrimeve në Përmet.
Nuk ka rëndësi se kush e ka nënshkruar marrëveshjen e
fshehtë, socialistët apo demokratikasit, rëndësi ka që të
dyja palët e kanë mbajtur të fshehtë, si ajo që ka
qeverisur si kukull, ashtu edhe ajo që ka qenë në opozitë.
Të dyja palët kanë heshtur para opinionit publik shqiptar
sepse që të dyja janë udhëhequr nga i njëjti pikësynim, nga
tradhtia e interesave kombëtare për ruajtjen e pushtetit
personal. Pra, të dashur lexues të “Rimëkëmbjes”, ne,
qytetarët shqiptarë, u dashka që të vihemi në dijeni nga
shtypi grek për marrëveshjen tradhtare të qeverisë kukull
të Tiranës me qeverinë shoviniste greke për ndërtime
varrezash për eshtra të paqena ushtarësh grekë nga radhët e
ushtrisë agresore greke në trojet tona gjatë Luftës së Dytë
Botërore. Shikoni, pra, se deri në ç’derexhe e ka
katandisur shovinizmi grekomadh dhe mëkëmbësi i tij
Janullatos klasën politike shqiptare, të cilën e detyrojnë
të heshtë para faktesh të tilla skandaloze. Hesht qeveria,
hesht opozita! Madje më 8 qershor pamë se si opozita
shqiptare u mundua ta zhvendosë vëmendjen nga problemi i
zhvarrimeve dhe ta përqendrojë atë në parlament, ku Skënder
Gjinushi, sipas të gjitha gjasave, me urdhër të shovinizmit
grekomadh dhe të mëkëmbësit të tij Janullatos, merr
përsipër rolin e një ngrehaluci të rëndomë dhe, për ta
tërhequr ministrin e brendshëm në një skandal parlamentar,
shpërthen kundër tij tërë arsenalin e leksikut të vet
rrugaçëror. Dhe Skënder Gjinushi nuk mund të mos i zbatojë
urdhrat e mëkëmbësit të shovinizmit grekomadh Janullatos,
sepse për hir të një kolltuku, me sponsorizimin e Athinës,
në vitin 1997 ai u rreshtua pranë Zani Çaushit dhe i vuri
zjarrin Vlorës. Ato urdhra ai është i detyruar t’i zbatojë
sepse paçavurja greke me emrin Kushtetutë e Shqipërisë e ka
të sanksionuar pragun e përfaqësimit në parlament 2,5 %
pikërisht për partinë e Gjinushit, sepse shovinizmi
grekomadh dhe mëkëmbësi i tij Janullatos nuk mund t’ia
harrojnë atij “kontributin e shquar” që ai dha në vitin
1997 për shndërrimin e Shqipërisë në një koloni të Greqisë.
Pikërisht për këto arsye shovinizmi grekomadh dhe mëkëmbësi
i tij Janullatos Gjinushin duan ta mbajnë me domosdo në
politikën shqiptare, qoftë edhe me patericat e partisë
socialiste.
Është pikërisht ai kontribut i drejtpërdrejtë i Skënder
Gjinushit dhe i mbarë klasës së krahut të majtë të
politikës shqiptare, të komanduar nga mëkëmbësi i
shovinizmit grekomadh, Janullatosi, që krijoi kushte të
tilla që ekonomia shqiptare të përfundojë në kthetrat e
monopoleve greke. Tani së fundi mësojmë se “Enti
Rregullator i Telekomunikacioneve ka arritur në përfundimin
se të ardhurat që marrin kompanitë e telefonisë celulare
AMC dhe VODAFONE nga paketat e tarifimit me kontratë në
Shqipëri, janë më të lartat që ato mund të marrin nga
gjithë Evropa. Në një raport, dorëzuar komisionit hetimor
për telefoninë, ERT-ja thekson se nga një abonent i vetëm
me kontratë kompanitë celulare arrijnë të marrin afërsisht
2500 euro në vit…” (“Gazeta Shqiptare”, 22 qershor 2006,
f.7). Po kjo gazetë e së njëjtës datë njofton se celularët
në Shqipëri janë 1000 herë më të shtrenjtë se në Irak,
kurse në numrin e saj të datës 23 qershor, lexojmë se
milionerët e Luksemburgut i paskan celularët 600% më të
lirë se ne!!!
Po nga “Gazeta Shqiptare e datës 4 qershor, f.2, mësojmë
se kompania celulare greke AMC në vitin 2005 paska
deklaruar në bilancin e saj se “ka dhënë kredi për një
shifër marramendëse prej 6 miliardë e 115 milionë lekë te
reja, e barabartë me mbi 50 milionë euro, sikur të ishte
një bankë dhe jo një kompani telefonie celulare”. Dhe këtë
shumë kolosale kompania AMC ia paska lëshuar kompanisë mëmë
COSMOTE në Greqi, paçka se në bazë të ligjeve tona këto
para kjo kompani duhet t’i investojë për zhvillimin e
ekonomisë shqiptare. Ndërkohë që kompania në fjalë këtë mal
me para ia dorëzon në formë kredie kompanisë mëmë COSMOTE,
ajo, siç bëhet e ditur nga “Gazeta Shqiptare” (23 qershor
2996), duke filluar nga viti 2001, nuk u ka paguar
institucioneve tatimore të shtetit shqiptar një detyrim të
majmë që arrin në shumën deri në 7 milionë dollarë. Po pse
paska heshtur shteti shqiptar para një skandali të tillë
financiar te kompanisë greke AMC? Ka heshtur, sepse kjo
kompani, me kapitalin gjigant financiar që zotëron, ka
arritur të fusë në thes jo vetëm krejt institucionet
financiare të Tiranës, jo vetëm strukturat përkatëse të
shtetit shqiptar, por edhe krejt klasën politike shqiptare.

Pra, paratë e shqiptarëve të thjeshtë që nxirren me aq
djersë dhe gjak, shkojnë për pasurimin e shtetit shovinist
grek. Dhe kjo në saje të politikës tradhtare të klasës
politike shqiptare, të cilën e kanë blerë monopolet greke
dhe mëkëmbësi i shovinizmit grekomadh në Tiranë,
Janullatosi.
Këto kohët e fundit kanë filluar të dëgjohen edhe ca
reagime të shkëputura nga radhët e opozitës se pas
skandalit të zhvarrimeve, Janullatosi duhet të largohet nga
Shqipëria. Mes këtyre reagimeve më ka bërë përshtypje një
intervistë e zotit Zabit Brokaj, dhënë gazetarit Denion
Ndrenika dhe botuar në gazetën “Shekulli”, 31 maj 2006,
f.2.
Në ata intervistë zoti Brokaj e pranon se veprimet e
përfaqësuesve të shtetit grek në Shqipëri synojnë të vënë
në jetë një doktrinë njëqindvjeçare që quhet Vorio Epir. E
çuditshme! Pse, tani u kujtua zoti Brokaj ta thotë një gjë
të tillë? Gazeta “Rimëkëmbja” dhe zoti Baleta, që ditën që
Janullatosi shkeli këtu, e kanë ngritur zërin me forcë për
të zezat që e presin Shqipërinë pas ardhjes në Tiranë të
këtij misionari të shovinizmit grekomadh, që fshihet prapa
veladonit të kryepeshkopit të Kishës Ortodokse Shqiptare me
autoqefali tashmë të grabitur. “Edhe kjo, - deklaron zoti
Brokaj, - është aq e ulët, aq e padenjë për popullin grek,
për dinjitetin e tij. Habitesh!” Por zoti Brokaj nuk duhet
të habitet. Ai le të lexojë veprën shkencore të prof.dr.
Beqir Metës me titull “Tensioni greko-shqiptar” (1939-1949)
dhe vazhdimin e saj, veprën tjetër shkencore, të titulluar
“Shqipëria dhe Greqia, paqja e vështirë” (1949-1989) që të
bindet përfundimisht që populli dhe kombi grek, në
qëndrimin ndaj kombit shqiptar, ka qenë, është dhe vazhdon
të mbetet një komb dhe një popull shovinist. Në të dyja
veprat shkencore të lartpërmendura flitet me fakte të
pakundërshtueshme për një gjë të tillë. Shovinizmi i kombit
dhe i popullit grek në qëndrimin ndaj kombit shqiptar është
trajtuar gjerësisht edhe në faqet e gazetës “Rimëkëmbja”,
të cilën zoti Brokaj me siguri që nuk e lexon. Na vjen keq
që zoti Brokaj është kaq i vonuar në deklaratën e tij.
Megjithatë, na vjen mirë që ai, qoftë edhe me vonesë, arrin
ta bëjë një deklaratë të tillë. Më mirë vonë se kurrë.
Në intervistën e tij zoti Brokaj nxjerr në pah
papërgjegjshmërinë e shtetit shqiptar lidhur me zhvarrimet
e Përmetit, mungesën e ndjenjës së sovranitetit të vendit
tonë që manifestohet me heshtjen e tërë vertikales së
institucioneve shqiptare. Po ku ka qene zoti Brokaj kur
gazeta “Rimëkëmbja” dhe zoti Baleta u kanë rënë me kohë
kambanave të alarmit për faktin që klasa politike shqiptare
është zhveshur nga dinjiteti kombëtar dhe në ndërtimin e
marrëdhënieve me Greqinë vëndin tonë e ka çuar drejt
humbjes së sovranitetit? Se vetë zoti Brokaj ka qene pjesë
e “kupolës” politike të partisë socialiste, madje ka qenë
ministër në qeverinë Nano pas zgjedhjeve të 29 qershorit
1997, apo jo? Mos vallë atëherë shteti ynë paska qenë
sovran në marrëdhëniet me shovinizmin grekomadh? Asokohe,
pra, kur zoti Brokaj ka qene ministër, a ka qenë i bindur
që sovraniteti i vendit tonë ka qenë i cënuar në
marrëdhëniet me Greqinë? Nëse po, atëherë pse ka heshtur?
Apo mos vallë heshtja e tij ishte e kushtëzuar me ruajtjen
e postit ministror? Se “shefi i kuadrit” që vendos për
poste ministrore mos ndoshta e ka selinë në Athinë? E, pra,
zoti Brokaj, gazeta “Rimëkëmbja” dhe zoti Baleta kanë mbi
dhjetë vjet që deklarojnë që “shefi i kuadrit” që vendos
për dhënien ose marrjen e posteve të pushtetarëve tanë në
“kupolën” qeverisëse, e ka selinë në Athinë dhe në Paris.
Në intervistën e vet, aty diku më poshtë, zoti Brokaj
thotë: “Po këtu ka edhe një ngjarje tjetër që flet për
mungesën e prestigjit të shtetit shqiptar. Na del një
konsull, i cili, me sa duket, është mes regjisorëve, që
ndien përgjegjësinë, që futet në këtë lojë të fëlliqur mes
priftërinjve, përfaqësues të një politike antishqiptare, e
thotë që të mbyllet kisha, që të mos bëhet hetimi, e, për
çudi, autoritetet shqiptare, me servilizëm, janë nën
komandën e këtij konsulli, e ndërpresin hetimin për të mos
hyrë në kishë, që të mos shkohet tek e vërteta”.
Me këto që deklaron, zoti Brokaj sigurisht që kërkon të
shpërthejë një derë të hapur. Mos vallë vetëm tani zoti
Brokaj na e paska pikasur mungesën e prestigjit të shtetit
shqiptar? Pse, kur zoti Brokaj ishte në pushtet, madje kur
mbante edhe postin e ministrit të mbrojtjes, mos vallë
shteti shqiptar kishte manifestuar ndofarë prestigji, qoftë
edhe një herë të vetme, në marrëdhëniet me shtetin
shovinist grek? Mungesën e prestigjit të shtetit shqiptar
në marrëdhëniet me shovinizmin grekomadh gazeta
“Rimëkëmbja” dhe zoti Baleta e kanë theksuar sa e sa herë,
por zoti Brokaj ose nuk e ka lexuar kurrë këtë gazetë
nacionaliste, ose ka bërë sikur nuk e ka ditur një gjë të
tillë. Për fatkeqësinë e kombit shqiptar, mbarë politikanët
tanë, kur janë në opozitë, çoku kujtohen rrallë e për mall
të marrin edhe poza nacionalistësh të akshamit. Bën mirë
zoti Brokaj kur thotë që konsulli grek është futur në një
lojë të fëlliqur me rastin e zhvarrimeve në Përmet. Por mos
vallë ai nuk e paska ditur që tashmë është krijuar një
traditë pesëmbëdhjetëvjeçare lidhur me mungesën e
prestigjit të shtetit shqiptar? Dhe mungesën më skandaloze
të prestigjit të shtetit shqiptar e ka manifestuar
pikërisht ai formacion politik që përfaqëson zoti Brokaj
gjatë këtyre pesëmbëdhjetë vjetëve, pra, krahu i majtë i
politikës shqiptare, i cili, pas aktit të tradhtisë së
rëndë kombëtare që kreu në vitin 1997, në sytë e
nacionalistëve shqiptarë u shfaq haptas si një filial i
PASOK-ut grek.
Pra, zoti Brokaj nuk ka pse të bëjë të habiturin kur një
konsull grek sillet në Shqipëri si në një vend pa zot. Në
vend pa zot Shqipërinë e shndërroi pikërisht formacioni
politik që përfaqëson zoti Brokaj, pra, e majta tradhtare
shqiptare, e cila lejoi qëndrimin në vëndin tonë për një
kohë të gjatë të trupave pushtuese greke pas ngjarjeve të
vitit 1997, paçka se forcat e tjera ushtarake të vendeve të
huaja u larguan brenda afatit të caktuar. Vetë zoti Brokaj
erdhi në pushtet pas dhunës së krahut të majtë të politikës
shqiptare që shpërtheu aq dhunshëm në Vlorë në vitin 1997
pikërisht me sponsorizimin e shovinizmit grekomadh dhe të
mëkëmbësit të tij të drejtpërdrejtë Janullatos. Këto gjëra
zoti Brokaj i di fort mirë, se asokohe, pra, në ngjarjet e
vitit 1997, në Vlorë, celulari i tij ka punuar me ngarkesë
të plotë.
Lexuesit e respektuar të “Rimëkëmbjes”, zotin Baleta dhe
atë Nikolla Markun zoti Brokaj nuk i çudit aspak kur
deklaron se priftërinjtë me të cilët konsultohet një
konsull grek për zhvarrimet e Përmetit janë përfaqësues të
politikës antishqiptare. Gazeta “Rimëkëmbja”, zoti Baleta
dhe atë Nikolla Marku i kanë paralajmëruar me kohe të
gjithë ata që i thonë vetes shqiptarë se priftërinjtë grekë
në Shqipëri dhe të gjithë priftërinjtë shqiptarë që
Janullatosi i ka vënë në shërbim të veladonit të tij
ogurzi, janë pararojë e shovinizmit grekomadh. Prandaj edhe
Vasil Thomollari, një prift injorant dhe paradoksal, si një
sahanlëpirës i Janullatosit, nuk mund të sillej ndryshe nga
ç’u soll në rastin e zhvarrimeve në fshatrat Kosinë dhe
Kutal të Përmetit.
Në intervistën e vet zoti Brokaj kërkon ndërhyrjen e
autoriteteve të Kishës Ortodokse Autoqefale për çëshjen e
zhvarrimeve në Përmet. Sigurisht që zoti Brokaj bën shaka
kur flet kësisoj, se unë nuk di që ne të paskemi kishë
ortodokse autoqefale. Unë, në mbështetje të atë Nikolla
Markut, jam i bindur që në Shqipëri, domethënë në Tiranë,
kemi një filial të Kishës Ortodokse Greke që ka në krye një
peshkop grek, kurse për Kishë Ortodokse Autoqefale
Shqiptare unë njohë vetëm Kishën e Shënmërisë së atë
Nikolla Markut në Elbasan. Vallë nuk e ditka zoti Brokaj që
zhvarrimet në Përmet janë një vepër sa e pistë aq edhe e
poshtër e filialit të Kishës Ortodokse Greke në Tiranë dhe
personalisht e mëkëmbësit të shovinizmit grekomadh në
Shqipëri, Anastas Janullatosit? Prifti sahanlëpirës i
Janullatosit, Vasil Thomollari, është veç çakalli që merret
me zhvarrimet e Përmetit, kuse ujku i eshtrave të
zhvarrosura është mëkëmbësi Janullatos. Plani për nisjen e
aksionit të zhvarrimeve në Përmet me siguri që është
hartuar në kabinetin e kryeministrit Karamanlis dhe i është
ngarkuar për zbatim mëkëmbësit të shovinizmit grekomadh në
Tiranë, Janullatosit. Prandaj edhe mëkëmbësi Janullatos ia
hipi helikopterit dhe zbriti në Përmet për të dhënë porosi
të drejtpërdrejta në terren se si duhej të niste procesi i
zhvarrimeve. A thua të mos i dijë gjëra të tilla zoti
Brokaj? Nuk më besohet. Kur ujkun Janullatos të eshtrave të
zhvarrosura e kemi në Tiranë, a ka të drejtë zoti Brokaj të
kërkojë ndërhyrjen e tij për të sqaruar gjësend? Kësaj i
thonë të vësh ujkun bari.
Çuditem tej mase kur në intervistën e zotit Brokaj lexoj
pyetjen e mëposhtme: “Si është e mundur që edhe në ngjarje
të tilla.., kur bëhet fjalë për cënime të rënda të
dinjitetit të shqiptarëve… (Janullatosin – E.Y.) nuk e
dëgjon të flasë e të veprojë?”
Vallë nuk e ditka zoti Brokaj që mëkëmbësi i shovinizmit
grekomadh Janullatos, në Tiranë ka për mision kryesor
poshtrimin e dinjitetit kombëtar të shqiptarëve, zhveshjen
e tyre nga vetësia kombëtare dhe grabitjen e djersës së
tyre në interest të pasurimit të Greqisë? Ai me siguri që
vuan nga ngërçi janullatist që ka paralizuar krejt klasën
politike shqiptare, se ndryshe nuk mund ta shtronte një
pyetje të tillë.
Ndërhyrjes së gazetarit Ndrenika lidhur me
Projektkushtetutën e rrëzuar në vitin 1994 nga formacioni i
krahut të majtë të politikës shqiptare, në të cilën
përcaktohej ligjërisht qenia 25 vjet në Shqipëri e kreut të
kishës, zoti Brokaj i shmanget me shumë marifet, duke
nënvizuar se paska kërkuar nga parlamenti përpilimin
urgjent të një ligji për fenë. Por që nga karrigia ku je
ulur në sallën e parlamentit, të kërkosh hartimin e një
ligji për fenë është tjetër gjë, dhe është tjetër gjë të
ndërmarrësh një nismë ligjore për përgatitjen e një ligji
të tillë. Me sa jemi në dijeni, zoti Brokaj deri tani nuk
ka ndërmarrë kurrfarë nisme ligjore në parlamentin shqiptar
pikërisht për hartimin e ndonjë ligji të posaçëm për fenë,
i cili të sanksiononte në krye të kishës një peshkop me
gjak shqiptari.
..........
Shumë vonë është përmendur zoti Brokaj për t’u kujtuar
shqiptarëve se paska “edhe këngë rreshtore në ushtrinë
greke sot e kësaj dite”, në të cilat flitet “për Tepelenën,
Përmetin, Gjirokastrën, Korçën, Himarën”, ku grekët duhet
të çlirojnë vëllezërit e tyre. Po zoti Brokaj, si pjesëtar
me peshë i kreut të formacionit të krahut të majtë të
politikës shqiptare, pse nuk ka protestuar në forumet e
tij? Pse ai nuk ka reaguar kundër autoriteteve shoviniste
greke kur ka qenë ministër i mbrojtjes? Po vetë ai a e di
konkretisht se cili ministër apo kryeministër shqiptar e ka
vënë dhe e ka mbajtur të fshehur nga publiku shqiptar atë
firmë të turpshme për ndërtimin e pesë varrezave për
eshtrat fantazma të ushtarëve agresorë grekë në territorin
shqiptar? Derisa zoti Brokaj vendosi të rrëfehet në gazetën
“Shekulli” të datës 31 maj, atëherë le të rrëfehet deri në
fund, se kështu e çliron shpirtin sadopak nga ajo pjesë e
mëkateve që i rëndojnë si funksionar i lartë i “kupolës” së
majtë shqiptare në ndërtimin e marrëdhënieve me shtetin
shovinist grek dhe me mëkëmbësin e tij në Tiranë,
Janullatosin.
Me shumë të drejtë zoti Brokaj shpreh pakënaqësinë e vet
që çështja e zhvarrimeve në Përmet nuk zinte faqet e para
të gazetave shqiptare. Po mos vallë zoti Brokaj nuk e ditka
që shtypi shqiptar dhe të gjitha mjetet e komunikimit pamor
janë blerë nga shovinizmi grekomadh? Dikur në faqet e
gazetës së respektuar “Rimëkëmbja” kam shkruar se kisha
shoviniste greke është krahu politik i shovinizmit
grekomadh dhe Janullatosi është komisari i këtij krahu
politik në Shqipëri, që ka për objektiv greqizimin e
Shqipërisë së Jugut, deri në Shkumbin. Për arritjen e këtij
objektivi, shteti shovinist grek ka menduar që krahut të
tij politik, pra, kishës shoviniste greke, t’i sigurohet
edhe një krah i fuqishëm financiar. Pra, atij, për
realizimin e këtij objektivi, i duhen mjete të fuqishme
financiare, të cilat nuk mund të sigurohen nga
taksapaguesit grekë. Këto mjete financiare duheshin
siguruar nga djersa dhe gjaku i shqiptarëve të thjeshtë.
Prandaj shërbimi i telefonisë së lëvizshme (celulare) kaloi
në pronësi të shtetit shovinist grek, i cili, përmes
kompanisë AMC dhe VODAFONE, grabit egërsisht shqiptarët e
thjeshtë dhe krijon pikërisht krahun e fuqishëm financiar
që është në shërbim të krahut politik të shtetit shovinist
grek, pra, të kishës shoviniste greke për greqizimin e
Shqipërisë së Jugut. Më këtë krah të fuqishëm financiar
mëkëmbësi i shovinizmit grekomadh në Tiranë, Janullatosi,
ka blerë shtypin shqiptar, ka blerë kanalet televizive
shqiptare, ka futur në thes formacionet politike shqiptare
të të dy krahëve, organizatat e ashtuquajtura të pavarura,
ndërton kisha dhe manastire me simbolikë greke anekënd
Shqipërisë së Jugut, madje po ndërton një katedrale
gjigante në qendër të Tiranës, ngre kryqe, si fantazma,
majë kodrash dhe bregoresh, si t’i dojë qejfi, i sigurt se
nuk do t’i hyjë gjemb në këmbë nga autoritetet shqiptare.
Prandaj në çështjen e zhvarrimeve në Përmet gazetat
shqiptare merreshin me priftin injorant Vasil Thomollari
dhe jo me kryeujkun e eshtrave të zhvarrosura, Anastas
Janullatosin, i cili, sapo iu hoqën petët lakrorit të
zhvarrosjeve, fluturoi drejt Athinës dhe frymën e mbajti në
“Megaro Maksim” - selinë qeveritare të Kostas
Karamanlisit, pikërisht atje ku është hartuar edhe plani
për zhvarrosjen e eshtrave në Përmet. Pikërisht për këtë
kryeujk të eshtrave të zhvarrosura shtypi dhe kanalet
televizive shqiptare nuk guxuan të bënin as komentin më të
vogël.
Në fund të intervistës së tij zoti Brokaj thotë për
Janullatosin: “…brenda ligjit unë do të thosha se ai e ka
tejkaluar misionin e vet”. Bën mirë zoti Brokaj që deklaron
kësisoj, por halli është se mbarë shqiptarët nuk e dinë se
ekzistoka ndonjë ligj që të përcaktoka kohëqëndrimin e
mëkëmbësit Janullatos në Shqipëri. Është tjetër punë në
qoftë se një ligj i tillë ekzistoka, por që vazhdoka të
mbahet sekret nga publiku shqiptar, ashtu si puna e
marrëveshjes greko-shqiptare për ndërtimin e varrezave për
eshtrat fantazma të ushtarëve grekë. Në qoftë se një ligj i
tillë ekzistoka, zoti Brokaj do të bënte mirë t’ia bënte të
njohur opinionit publik shqiptar.
Para do kohësh në Tiranë u organizua edhe një takim i
përfaqësuesve të disa shoqatave të pavarura, të cilat
kërkuan largimin e Janullatosit nga Shqipëria. Në atë takim
merrnin pjesë edhe zotërinjtë Zabit Brokaj dhe Pullumb
Xhufi. Kërkesa e shoqatave të pavarura për largimin e
Janullatosit sigurisht që është një vrimë në ujë. Largimi i
Janullatosit duhet kërkuar në mënyrë institucionale dhe jo
nga shoqatat e pavarura. A nuk do të ishte më mirë që
zotërinjë Zabit Brokaj dhe Pullumb Xhufi të këmbëngulnin
për largimin e mëkëmbësit të shovinizmit grekomadh
nëpërmjet një nisme ligjore në parlamentin shqiptar, duke
kërkuar edhe mbështetjen e grupit parlamentar të LSI-së?
Nuk është halli se me një nismë të tillë ata do të nxirrnin
gjë në dritë, halli është që publiku shqiptar ta shikojë me
sytë e vetë se si deputetët e parlamentit atë s’do ta
votonin se dihet që përmes krahut financiar të shovinizmit
grekomadh në Shqipëri, kompanive AMC dhe VODAFONE, ata janë
të blerë nga mëkëmbësi i shovinizmit grekomadh, Anastas
Janullatosi.
Por shumë më kuptimplote do të tingëllonte kërkesa për
largimin e Janullatosit, sikur ajo të bëhej nga mbarë
ortodoksit shqiptarë, përveç atyre të Kishës së atë Nikolla
Markut që janë në pararojë të përpjekjeve për shporrjen e
tij nga Shqipëria. Por ortodoksit shqiptarë, jashtë kishës
së atë Markut, e kanë tradhtuar veprën e Fan Nolit, ata
kanë shkelur mbi gjakun e Papa Kristo Negovanit, të atë
Stath Melanit, të Petro Nini Luarasit e të sa e sa
martirëve të tjerë ortodoksë, me gjakun e të cilëve kisha
shoviniste greke i ka lyer duart deri në bërryl. Me
qëndrimin e tyre prej sahanlëpirësish të Janullatosit
ortodoksët shqiptarë jashtë kishës së atë Markut kanë
shkruar një faqe të turpshme në historinë e ortodoksisë
shqiptare.
Nuk jam i bindur se sa seriozisht e ka kërkesën e vet zoti
Brokaj për largimin e Janullatosit nga Shqipëria, kur dihet
që Janullatosi jo vetëm që nuk do të largohet, por, siç
qarkullojnë fjalë poshtë e përpjetë, ai, sipas porosisë së
shovinizmit grekomadh, edhe kur t’i vijë ora e vdekjes, do
të varroset në tokën shqiptare. Madje qarkullojnë dy
variante. Sipas variantit të parë, Janullatosi do të
varroset në katakombet e kadedrales ortodokse gjigante që
po ndërtohet në qendër të Tiranës, gati e shkrirë me selinë
e partisë socialiste. Kurse sipas variantit të dytë,
Janullatosi do të varroset në Bishtpallë. Kësisoj, me
varrosjen e kufomës së Janullatosit në tokën shqiptare,
shovinizmi grekomadh vjen dhe e ngre më lart Shkumbinit
“kuotën” e pretendimeve territoriale ndaj Shqipërisë,
meqënëse brezat pasardhës të shovinizmit grekomadh do të
kenë se me çfarë t’i përforcojnë justifikimet e veta – me
eshtrat e pasardhësit të Shën Kozmait, Janullatosit, të
cilin Patrikana e Stambollit nuk do të mënojë ta shpallë
shenjtor.
Por pavarësisht pasioneve bizantine të shovinizmit
grekomadh dhe të krahut të tij politik, kishës shoviniste
greke, për greqizimin e Shqipërisë, pavarësisht tradhtisë
së ortodoksisë shqiptare, jashtë asaj të atë Nikolla
Markut, pavarësisht tradhtisë së klasës politike shqiptare
në qëndrimin ndaj interesave tona kombëtare, shekulli XXI
ka filluar të punojë për shqiptarët, për realizimin e
ëndrrës së tyre për bashkimin e mbarë trojeve etnike
shqiptare në një shtet të unifikuar kombëtar. Shovinizmi
grekomadh dhe krahu i tij politik, kisha shoviniste greke,
do të bënin mirë të nxirrnin mësime nga përvoja e
palakmueshme e shovinizmit serbomadh dhe e krahut të tij
politik, kishës shoviniste serbe. Shovinizmi serbomadh dhe
kisha shoviniste serbe kërkuan të vinin brirët e Sërbisë së
Madhe, por humbën edhe veshët e saj. Pas humbjes së
Kosovës, gjasat janë se Serbinë e presin humbje të tjera,
siç kanë qarkulluar ca fjalë në Perëndim, që janë përcjellë
edhe në ndonjë gazetë shqiptare para do kohësh. Shovinizmi
serbomadh dhe kisha shoviniste serbe kishin gati një
shekull që Kosovën e mbanin “në brez”, si një minë me
sahat. Por edhe shovinizmi grekomadh dhe kisha shoviniste
greke të mos harrojnë se edhe vetë janë duke mbajtur “në
brez” një minë më sahat, Çamërinë.

Eshref Ymeri
Minneapolis, SHBA. 26 qershor 2006.

[Albo]

Anastasi është sebepi...

Nga ROBERT GORO,
botuar në gazetën “Tribuna”

Mund të duket paradoksale kjo që do të them më poshtë, por besoj se është plotësisht e vërtetë. Kryepeshkopi i Kishës Ortodokse Shqiptare, Anastasi, është personi më i denigruar në Shqipëri, pas Fatos Nanos dhe Sali Berishës. Ndërsa për dy të fundit denigrimi arsyetohet me luftën e egër politike që është zhvilluar në Shqipëri, arsyeja kryesore e denigrimit të Kryepeshkopit është përkatësia kombëtare e tij. Ai është grek dhe si grek nuk ka vend në Shqipëri, aq më pak në krye të grigjës së Perëndisë. Ky është, në mënyrë të përmbledhur thelbi i gjithë sulmeve që i janë bërë Anastasit, që nga ai korrik i largët i 1992-shit, kur ai u fronëzua si primat i Kishës Ortodokse Shqiptare.

Në këta 15 vjet, Shqipëria njohu shumë situata të trazuara, por tash së fundi, tensionimet janë zbehur dhe ndoshta zhduken fare. Vetëm furia dhe fuqia e sulmeve ndaj Anastasit ka mbetur e njëjtë. Madje prej disa ditësh, në skalionet e pushkatarëve janë mobilizuar edhe politikanë. Jo detyrimisht nga kampi i të ashtuquajturve nacionalistë, por bash nga kampi që vetëreklamohet si shpresa e vetme për integrimin europian të vendit e të vetë politikës. Dhe kjo mendoj se është tepër shqetësuese! Dhe do të ishte alarmante nëse ata, përfaqësojnë vërtet një shumicë të konsiderueshme të shoqërisë civile shqiptare.

Në korrik mbushen plot 15 vjet që kur Fortlumturia e Tij u vendos në krye të Kishës Ortodokse Shqiptare. Duke e vrarë mendjen se cila do të ishte arritja e tij më e madhe, them se nuk është thjesht rimëkëmbja apo ringjallja e ortodoksisë, apo e fesë nga themelet e shembura, ku e kish flakur komunizmi.

Anastasi ringjalli shpirtrat njerëzorë. Në kohën që tipari kryesor i shoqërisë shqiptare ishte humbja e besimit dhe e shpresës, Ai pikërisht atë besim e shpresë u ktheu njerëzve. Dhe, besoj se kjo është vërtet një mrekulli, në një vend ku njerëzit nuk kanë dhe marrëdhëniet më të mira me fenë, në kuptimin e devocionit. Në një vend ku shumica e popullsisë kur iu kërkon të vënë dorën në zemër deklarohen si ateistë, vlerësimi mbarëpopullor për Anastasin mendoj se përbën dhe shenjën më të mirë se besimi e shpresa janë ringjallur e gjëllojnë tek njerëzit tanë.

Anastasi nuk është se thjesht u përçon njerëzve “zërin e Zotit” si një komandant i mirë që u përcjell ushtarëve urdhrat e gjeneralit. Anastasi njeriun e ka prekur me sjelljen e me fjalën e tij, me veprën e tij të pabujë, por kaq shumë humanitare, pa i ndarë njerëzit sipas besimeve. Ndoshta shumë pak e dinë se, kur u pranua anëtar i Akademisë së Athinës, institucionit më prestigjioz të Greqisë, në vitin 1993, Anastasi referoi temën “Tradita dhe vizioni i bashkezistencës paqësore të komuniteteve fetare në Shqipëri”. Pse ai gjithmonë ka kërkuar në jetën e veprën e vet të promovojë atë çka bashkon e jo atë që ndan. Kjo frymë e ka karakterizuar Anastasin edhe kur ka vendosur të ndërhyjë në momentet e krizave të rënda mes Shqipërisë e Greqisë, në fillim të viteve 1990 -të.
Në qershor 1993, marrëdhëniet mes të dy vendeve u acaruan për shkak se autoritetet shqiptare dëbuan një prift grek, me akuzën për veprimtari antishqiptare. Reagimi i autoriteteve greke ishte i menjëhershëm dhe brenda një jave më shumë se 70 mijë emigrantë shqiptarë ishin dëbuar nga Greqia. Më 1 korrik 1993, me anë të një mesazhi që u transmetua nga radiot kryesore greke, Anastasi i bëri thirrje opinionit vendës që “të mos lejohen informimet e gabuara e të njëanshme, si dhe ekstremizmat, që të përkeqësojnë gjendjen”. Por kur u takua me Kryeministrin e atëhershëm, Micotaqisin, dhe, para këtij takimi deklaroi:

“Ditët e fundit kriza në mes Greqisë dhe Shqipërisë u ashpërsua shumë, me viktima e njerëz të pafajshëm. Ndonëse e di se qeveritë e të dy vendeve kanë informacionet dhe kriteret e tyre, si kryepeshkop i qindramijë ortodoksëve duke iu lutur me zjarr Zotit dhe në emër të Tij, ngre zërin e apelit në çdo drejtim që të bëjnë ç’është e mundur për të ndaluar përfundimisht veprimet e dhunshme dhe t’i jepet fund praktikës së dëbimeve.
Marr pjesë në dhimbjen e gjithë njerëzve të përndjekur, pavarësisht nga kombësia dhe besimi fetar, dhe vihem në dispozicion të të gjithëve për gjetjen e zgjidhjeve me frymën e mirëkuptimit”.

Sa për histori, pas takimit me Micotaqisin, që zgjati një orë e gjysmë, ritmet e dëbimeve u ulën në mënyrë të ndjeshme dhe shtypi botëror këtë ia atribuoi ndërhyrjes së Anastasit. Dhe, kur unë do ta intervistoja të nesërmen, kësaj here për BBC-në, Ai do të më thoshte se iniciativa për takimin ishte krejtësisht vetjake dhe se ishte i kënaqur pse ndërhyrja, “do të ndihmonte dinjitetin e mijëra njerëzve”, pra të emigrantëve shqiptarë.

Aktiviteti i tij human, është mjaft i madh dhe shumë pak i reklamuar si nga ai vetë, për arsye të modestisë, por edhe nga mediat tona. Ama, nuk mund të harrohet fakti i mbledhjes me iniciativën e vetë Anastasit, i 12 milionë dollarëve si ndihma për refugjatët kosovarë gjatë luftës së 1999-s dhe krijimi i dy kampeve për ta. Atëherë nuk doli kush që t’ia refuzonte këtë kontribut, por as t’i thoshte faleminderit.

Natyrisht, Anastasi përbën si gjithmonë vetëm një sebep! Arsyeja e vërtetë qëndron shumë më thellë dhe lidhet me vetë fqinjësinë midis Shqipërisë e Greqisë, midis shqiptarëve e grekëve. Është me të vërtetë për t’u habitur se si vendi që mban gati një milion shqiptarë e që secili prej tyre ka të paktën një njeri në Shqipëri, anatemohet gati përditë, si shkaktar i gjithë të këqijave dhe rreziqeve që i kanosen atdheut tonë.

Harrohen me dashje faktorë që i përjashtojnë kategorikisht parashikimet e rrezikzinjve. Harrohen me dashje konjukturat e reja politike të krijuara në Evropë e në Ballkan, sidomos tani pas nënshkrimit të Marrëveshjes së Stabilizim Asociimit. Harrohen me dashje përpjekjet për ta shndërruar Ballkanin në një oaz paqeje, sigurie, bashkëjetese harmonike, ku janë bashkuar edhe përpjekjet e politikës e të shoqërisë civile shqiptare…. Janë këto “harresa” që shndërrojnë në një debat kombëtar propozimin për shpalljen e Anastasit “Qytetar Nderi të Tiranës”, në kohën që nga arkivat e pluhurosur zhvarrosen vendimet e para 70 viteve për të shpallur qytetar nderi të kryeqytetit ministrin e jashtëm fashist Kontin Çiano, apo të para 50 viteve për të shpallur qytetar nderi shefin e atëhershëm të Bashkimit Sovjetik komunist, Nikita Hrushovin.

Dhe padyshim janë këto “harresa” që, në kohën kur medaljet e “ndryshme shpërndahen si karamele nga presidenca, nuk u gjet një medalje për Kryepeshkopin Anastas, vepra e të cilit vlerësohet në të gjithë botën, jo detyrimisht nga filogrekët, dhe nëpërkëmbet kaq shumë nga vetë shqiptarët!

[Xhuxhumaku]

E Hene, 14 Gusht 2006


JANULLATOS, SHTETESIA DHE “BAMIRESITE” E TIJ

Duke marre shkas nga nje analize e sakte e z.Mentor Nazarko ne te perditshmen “Shekulli”, botuar disa jave me pare, tashme ne pozitat e nje kleriku qe eshte prej vitesh ne pozicionin te kundert me filialin grek qe vepron ne Tirane qe prej vitit 1991, do te mundohem te prek disa problematika te tjera.

Nga At Nikolla Marku*
Ne thelb te ceshtjes ne e meriton apo jo z.Janullatos shtetesine shqiptare, do te thosha qe jo vetem qe nuk e meriton, por sa me shpejt te largohej, aq me mire do te ishte per Shqiperine.

Qe te meritosh shtetesine shqiptare sigurisht qe duhet te kesh merita te medha, te kesh ngritur emrin e Shqiperise ne bote, te luftosh kunder vendeve qe duan copetimin e Shqiperise dhe te atyre qe percojne politika asimiluese mbi shqiptaret.

Edhe me i padituri sot mund thote me bindje se z.Janullatos nuk punon ne kete drejtim, por ne perputhje me strategjine shekullore greke per greqizmin e Kishes Ortodokse Autoqefale te Shqiperise.

Reklamat e medha qe ai ia jep vetes per te ashtuquajturat donacione, apo per ringritjen “nga hiri” te Kishes Ortodokse Autoqefale te Shqiperise, kerkojne te justifikojne e te perligjin nderhyrjen e rende te kishes greke dhe kreut te saj Hristodhulon mbi Kishen Ortodokse Autoqefale te Shqiperise, duke cenuar rende integritetin e saj.

Por nga filiali grek i Tiranes asnjehere nuk ka pasur tejdukshmeri se nga vine fondet qe mbajne gjalle “investimet” e shumta, ne “dobi” te ngritjes se kishes ne keto 15 vite qe Janullatos drejton ne kundershtim me cdo ligj e norme kanunore, ate qe tashme quhet filiali grek i Tiranes. Nuk eshte rastesi qe edhe nga Greqia tani vine porosi qe donacionet drejtuar kishes ,ku fusin edhe filialin e z.Janullatos, nuk duhet te tregohen.

Por ceshtjen kete here une dua ta marr ne nje plan tjeter, duke krahasuar “bamiresine”, me “shpirtngushtesine”. Ne oborrin e Kishes Ortodokse Autoqefale Kombetare “Shen Maria” Elbasan, ndodhet nje godine e cila eshte ndertuar nga banoret e Kalase se ketij qyteti.

Ne kete shkolle eshte mbajtur kongresi i Elbasanit ne vitin 1909 dhe me pas ka sherbyer si seli te pares shkolla e normale ne Shqiperi. Ne asnje dokument nuk provohet qe kjo prone te jete prone e Kishes, e per kete arsye si dhe per ato kombetare te pazevendesueshme, une si klerik i asaj kishe nuk kam kembengulur qe kjo t’i mbetej kishes.

Do te isha i kenaqur qe t’i ngelej arsimit, qytetit, ose le te rikthehej muzeu i arsimit aty. Por kur shohe “bamiresin” e madh, te leshohet si bishe prej dhjetera vitesh per te sunduar patjeter simbolin e arsimit shqip, ketu patjeter qe do te jesh i ndjeshem.

Ku shkoi pra “humanizmi” dhe “shpirtmadhesia” e hiresise se tij? Pse u fik e u be zero kur behet fjale per te zhdukur nje vlere te arsimit shqiptar?
Nga ana tjeter une e quaj me vend te shfaq rrezikun e eksportimit te fondeve nga organizata terroriste vorioepirote ne Shqiperi. Gazetat e tyre, kane botuar vazhdimisht shkrime se financojne ndertimin e kishave ne Shqiperi.

Mund te permend si shembuj ndertimin e kishave te Dardhes dhe Alikos nga organizata terroriste ENVI ne Greqi. Ketu mund te shtohen edhe lidhjet e Janullatos me Harallamb Karathanon, te cili i ra bretku per t’i bere sa me shume deme Shqiperise.

Ne cdo vend te botes, para qe eksportohen nga organizata terroriste nuk jane donacione, por financim i krimit per qellimet e tij. Aq me teper per keto fonde te tregohet vendi e jo me te kerkosh te marresh merita qe te perligjin “shtetesine”.

Si klerik ortodoks, une sigurisht qe gezohem nga ndertimi i kishave ortodokse n e Shqiperi, te domosdoshme per ushtrimin e besimit tone, por nuk kam si te mbyll gojen kur marr informacioni per shtrirjen e sillogjeve vorioepirote nepermjet ketyre kishave.

Midis botes se krimit dhe botes shpirterore nuk mund te kete te perbashketa. Aq me teper nuk mund te vihet ne perdorim harresa. Ata qe harrojne e kane me lehte te genjehen.

*Drejtues i Kishes Ortodokse Autoqefale Kombetare “Shen Maria” Elbasan

KJ

[Fenomeni]

Nenshtetesine e meriton ai dhe cdo person qe ka kaluar nje dekade ne vendin tone, por kjo sdo te thote qe ai duhet te rrije ne krye te kishes ortodokse shqiptare. Sikur te ishte vertet njeri i zotit, ai duke pare pakenaqesite e shume shqiptareve, duhet te ishte larguar vete me kohe, dhe jo te qendroje dhe sot eshte figure e urryer nga nje mase e gjere besimtaresh te besimeve te ndryshme, duke mos perjashtuar as ortodokset.

Ik! Dreqi ta marre, pak toke e gjak shqiptari ne moret, akoma su ngopet?!

[thorgal]

pak histori ... ...


Faveryrial ne parathenien e "Historise se SHqiprise" te shkruar ne fundin e shekullit te 19 shkruante dicka qe eshte e vlefshme akoma sot per fat te keq

" nga ana fonetike Shqipja ka nje bollek dhe varietet qe ia kalojne shume here gjuhes se Aristofanit , SA FAJ I MADH AI I KLERIT GREK QE E KA NDALUAR DHE E NDALON AKOMA SOT KULTIVIMIN E NJE IDIOME KAQ TE BUKUR "


dhe pak filozofi... ...


nje argument i bere bajat ne kete forum sa here qe flitet per kryepeshkopin tone grek me shtyu edhe mua te shkruaj dicka qe kam lexuar shume kohe me pare dhe qe eshte mjaft interesante

stoiket dhe Zenoni i citiumit themeluesi i filozofise stoike ne Greqine e lashte besonin se ( e permbledhur me pak fjale ) roli i njeriut ,si qenie inteligjente, eshte te mos kundershtoje ate qe eshte ne te njejten kohe deshira e perendive dhe fati qe cdokush e ka te shkruar ,e te ndjeke natyren qe kontribuon ne krijimin e harmonise etj etj

dhe nje dite kur skllavi i Zenonit po e vidhte ky i fundit e kap dhe e qellon me kamzhik
Atehere skllavi i thote :" ishte fati imi qe me beri te vidhja" "dhe qe te rriheshe gjithashtu" i pergjigjet Zenoni

pra duke u kthyer tek janullatusi

ishte zoti ai qe e ka vene janullatosin ne krye te kishes sone ???

e pra te jeni te sigurte se do te vije dita qe zoti do e ndeshkoje ashtu sic ka ndeshkuar ate skllavin per ato qe po na ben ne shqiptareve ( per ata qe se kuptojne , me ndermjetesine tone te neve shqiptareve ortodokse qe sot na kane vjedhur kishen tone kishen e te pareve tane kishen e Fan Nolit )

[Qafir Arnaut]

e pra te jeni te sigurte se do te vije dita qe zoti do e ndeshkoje ashtu sic ka ndeshkuar ate skllavin per ato qe po na ben ne shqiptareve ( per ata qe se kuptojne , me ndermjetesine tone te neve shqiptareve ortodokse qe sot na kane vjedhur kishen tone kishen e te pareve tane kishen e Fan Nolit )

Zoti s'ka pse te ndeshkoje Janullatosin. Ai gjeti shesh e beri pershesh. Mallkimi me i madh i bie asaj shumice shqiptaresh Ortodokse qe e pasojne. Ne ket lufte per hegjemoni kulturale/linguistike KOASH-in e kemi kale Troje.

[PRI-LTN]

Di gje njeri se perse nuk ia japin nenshtetesine ketij?

[ORIONI]

Sepse ka mbajtur ne vitin 1999 ne agjensine inter-tas nje interviste kunder nderhyrjes se Natos ne Kosove.Sikurse doli dje me deklarate ortodoksia ruse kunder pavarsise se kosoves ne mbeshtetje te presidentit Putin.