Topi: Po shqyrtoj nënshtetësinë e Janullatos
http://www.panorama .com.al/index. php?id=11945
Presidenti Bamir Topi shprehet se është duke shqyrtuar me
maturi çështjen e nënshtetësisë shqiptare të kreut të
Kishës Ortodokse, Janullatos.
Këtë qëndrim Topi e mbajti në intervistën dhënë gazetarit
Alfred Peza në “Ora News”.
Ju jepni edhe hiqni nënshtetësi shqiptare sipas ligjit. Pse
nuk i jepni zotit Janullatus, për shembull, nënshtetësinë
shqiptare, ka shkelur ndonjë ligj?
Absolutisht që jo, as nuk bëhet fjalë për shkelje ligji.
Është një gjë që është në proces. E kam thënë edhe diku
tjetër, por po e them edhe sot, ne kemi vlerësim për zotin
Janullatus, i cili realisht ka zhvilluar një veprimtari që
i takon të zhvillojë në krye të kishës ortodokse dhe besoj
që ka qenë edhe në një pozicion ku i ka shërbyer Shqipërisë
në arenën ndërkombëtare. Problemi është në marrjen e
nënshtetësisë. Duhen marrë në konsideratë edhe disa
ndjeshmëri të brendshme dhe mua më takon të vlerësojmë
ndershmëritë në mënyrë shumë të kulturuar. Por mund t’ju
them që nuk ka asnjë lloj predispozicioni negativ,
përkundrazi ka pasur vetëm vlerësime, kam menduar që është
një çështje kohe dhe vetëm kohe.
Ju do të jeni Presidenti që do të firmosë shtetësinë
shqiptare për zotin Janullatos?
Duket se unë sapo jua thashë se është një çështje në proces
dhe për sa kohë nuk ka një vendim definitiv, unë nuk mund
t’ju them asgjë sot.
Një e drejtë tjetër, një detyrim tjetër, apo që ua jep
ligji është dhënia e dekoratave dhe titujve të nderit. Para
disa kohësh ju dekoruat 5 ish-deputetë të kohës së Zogut
apo të një periudhe ndoshta pak më prapa, në një ceremoni
që u zhvillua në Kuvendin e Shqipërisë dhe e drejtoi zonja
Topalli. Opozita reagoi negativisht për një pjesë të të
dekoruarve, ndërkohë që u hodh pretendimi që ndonjëra prej
tyre është refuzuar për t’u dekoruar edhe nga
ish-Presidenti Berisha. Ju jeni penduar apo jeni koshient
që keni bërë një veprim të drejtë?
Së pari, kam respektuar një propozim që ka ardhur nga një
institucion mjaft i rëndësishëm, institucioni i kryetarit
të Kuvendit. Së dyti, kam respektuar vlerësimet historike
për personazhet. Së treti, nuk mendoj që mund të jenë në
referencën time mënyra e reagimit të individëve të
ndryshëm, qofshin këto edhe president e miq të mi. Së
katërti, besoj që para se të marr një vendim, e bëj shumë
të konsultuar dhe lej shumë pak shanse për të qenë i
penduar. Kështu që, nga kjo pikëpamje mendoj që gjithçka ka
qenë shumë korrekte dhe ka qenë e motivuar. Pastaj, për sa
i përket perceptimit të krahëve të ndryshëm të politikës,
unë mund të kem komentuar ndonjë rast edhe nga krahu i
djathtë, ndofta ndonjë zë për ndonjë vizitë të bërë në një
drejtim ku referencat kanë qenë të majta. Unë kam thënë që
në fillim se kam ardhur në këtë institucion. ..
Bëhet fjalë për 28-29 Nëntorin?
Bëhet fjalë për disa evenimente pa dashur t’i precizoj. Por
e mora si shembull, si referencë, për të thënë që kam
ardhur këtu i motivuar që t’i shërbej institucionit të
Presidentit, që duhet të jetë tërësisht i ekuilibruar dhe
pa rënë në paragjykimet e secilit krah.
Çfarë marrëdhëniesh keni me shefin e Shërbimit Sekret
Shqiptar, zoti President? A jeni të kënaqur me punën e
stafit drejtues të këtij shërbimi?
Sigurisht që janë marrëdhënie pune që e lidhin atë
institucion me institucionin e Presidentit. Nuk jam futur
në analiza apo në një trajtim analitik të aktivitetit, duke
ruajtur absolutisht të drejtën që ka ky institucion për të
operuar si një institucion i pavarur dhe besoj që në të
gjitha kontaktet kam kërkuar shumë profesionalizë m dhe
shmangie sa më shumë të jetë e mundur nga inspirimet
politike, që do ta bënin këtë institucion shumë të
kompletuar.
Realisht ky institucion është i shmangur aq sa duhet nga
inspirimet politike?
Shiko, nuk mund të kesh një institucion në Shqipëri që të
jetë totalisht i pastër nga influencat politike. Të bëjmë
trajtim realist dhe me këmbë në tokë. Por e rëndësishme
është që çdo ditë këto institucione kanë nevojë të
matarohen. Çka do të thotë që ato do të vendosen me një
status, që pavarësisht si vjen rrotacioni i pushtetit
politik në Shqipëri, këto njerëz duhet t’i shërbejnë
sigurisë kombëtare, sigurisë publike, institucionet të
cilët janë të ndërtuar me ligj dhe duhet ta respektojnë
ligjin si të tillë. Pra, ka shumë rëndësi që ajo që është
në aparencë, që këto institucione presupozohen se janë të
shkëputura nga politika, duhet të jenë edhe realisht. Ne
çdo ditë punojmë që këto institucione t’ju shmangen
politikës, sepse duke iu shmangur politikës, në trajtimin e
problemeve, bëhen më profesionistë , bëhen më të besueshëm,
bëhen më efikas.
Meqë jemi te shërbimi sekret. Pak javë më parë ju dhatë një
intervistë për Top Channel, aty deklaruat që është
interceptuar nga shërbimet sekrete midis një gazetari dhe
një agjenti serb. Për çfarë konkretisht bëhet fjalë dhe
çfarë bëri shërbimi sekret shqiptar në këtë rast?
Unë, zoti Peza, e kam përdorur në një kontekst të caktuar
dhe në funksion të atij emisioni. Dhe kur kureshtjes së
gazetarit të atij emisioni për ta vazhduar bisedën, u jam
përgjigjur me një përgjigje përmbyllëse. Pra, nuk shkon më
tej, sepse ka disa kufij. Por shumë e rëndësishme është që
gjërat duhet të sinkronizohen për çështje ku interesi
kombëtar prevalon mbi çdo interes tjetër. Pra, nuk është
problemi si e artikulon frazën kryetari i shtetit, kryetari
i qeverisë, politikani. Por e rëndësishme është se sa në
sinkron vjen edhe media për çështje të kësaj natyre. Kështu
që unë e kam përdorur në një kontekst të caktuar dhe besoj
që ka qenë i vlefshëm për ta hedhur në publik në funksion
të asaj që unë kam kërkuar që të dalë.
Shërbimi sekret e bëri detyrën?
Patjetër që shërbimi sekret ka bërë detyrën dhe vazhdon ta
bëjë detyrën.
A jeni penduar që e keni shkarkuar zotin Sollaku nga detyra
e Prokurorit të Përgjithshëm?
Jo. Deshët një përgjigje të drejtpërdrejtë dhe natyrisht që
nuk ka asnjë lloj pendese, sepse gjërat nuk janë bërë të
sforcuara, përkundrazi janë bërë me shumë kujdes, mbi bazën
e konsultimeve të gjërave, me juristë. Unë kam pasur
mundësinë që të shprehem publikisht, nuk ka pasur asnjë
lloj paragjykimi që lidhet me pozicionin politik të
mëparshme, sikurse është munduar ta interpretojë dikush. E
kam mbajtur atë çështje për një kohë të gjatë në
Presidencë, aq sa disa personazhe të politikës, të krahut
të djathtë, ishin të shqetësuar që pse po qëndron kaq gjatë
kjo procedurë në tryezën e Presidentit. Unë kam dhënë
argumente dhe besoj që këto argumente qëndrojnë sot e kësaj
dite.
Kemi një kazus në Gjykatën Kushtetuese, në lidhje me
Gjykatën Kushtetuese, nga Gjykata Kushtetuese në raport me
një ish-prokuror tjetër të Përgjithshëm, zotin Rakipi, e
cila de fakto e ktheu në detyrë. Po nëse Gjykata
Kushtetuese i jep të drejtë zotit Sollaku, si do të
veproni?
Unë besoj se nuk është ekskluzivitet i institucionit të
Presidentit për të marrë në konsideratë një situatë të
tillë. Ne të presim se çfarë do të thotë Gjykata
Kushtetuese, pastaj gjërat do të hyjnë në rrafshin e tyre
zyrtar, por nuk besoj që të ketë një veprim retrograd, ku
gjërat duhet të kthehen prapa për të kaluar në atë pozicion
që ishim.
Meqë ishim tek zonja Topalli, çfarë marrëdhëniesh keni me
të? Përflitet sikur ka pasur një lloj rivaliteti, një lloj
ftohje. Këto janë më shumë bisedat informate që zhvillohen.
Si është realiteti?
Nuk ka asnjë bazë reale. Marrëdhëniet prevalojnë
marrëdhëniet institucionale dhe janë korrekte.
Po marrëdhëniet me Berishën si i keni? Flitet se pas
zgjedhjes President i keni më të afërta se ç’i kishit
përpara?
Besoj që janë marrëdhënie pune dhe mjaft konstante. Kemi
takime pune të detyrueshme për të qenë takime pune. Por,
kemi ruajtur të njëjtat marrëdhënie njerëzore dhe kjo është
shumë e rëndësishme. Pra, këto marrëdhënie njerëzore nuk
varen nga katapultimi apo pozicionimit, ato marrëdhënie që
kemi pasur, ato kemi dhe konstantja në marrëdhënie
njerëzore është shumë e vlerësueshme.
Zonja juaj përkrah punës në Ministrinë e Bujqësisë, nuk e
ka lënë punë, e shoh gjithmonë e më tepër të angazhuar në
veprimtari bamirësi, në veprimtari sociale. Është një gjë e
brendshme apo është protokollare?
Shiko Alfred, pa pasur një motiv të brendshëm nuk mund të
ngresh absolutisht asgjë tjetër. Kështu që, fillon me një
motivim të brendshëm dhe detyrimisht përputhet dhe me
institucionin që ajo sot ka.
Gjithashtu edhe vajzat tuaja janë në një moshë delikate. Në
mos gaboj quhen Nada dhe Tida, dhe menjëherë kuptohen
vajzat e Presidentit janë vajzat e Presidentit, janë të
qytetarit numër një të këtij vendi dhe u vendosën ndoshta
menjëherë në fokus të bliceve, të kamerave. Si po e
përballojnë, ju çfarë i këshilloni?
Këshilla ime e parë dhe e vetme ka qenë që në mënyrë
absolute nuk dua të ndryshojnë pavarësisht që është një
situatë e re me impenjimin e babait të tyre, por kurrsesi
ato nuk duhet të prishin atmosferën e rinisë së tyre.
Pavarësisht që në disa raste edhe teprohet, pikërisht në
atë linjë që ju thatë. Mendoj që asgjë nuk ka ndryshuar.
Ato e kanë absorbuar këtë realitet në mënyrë shumë të
natyrshme dhe mua më vjen mirë që pikërisht ndodh kështu.
Marrë me shkurtime nga TV ORA NEWS
Përgjigju Duke Cituar
Postuar më parë nga Seminarist
Krijoni Kontakt