Postuar më parë nga
Brari
Data: 07/07/2006, ora
Elham Sharra: Linja e denoncimeve monitorohet nga vetë Kryeministri Berisha
Drejtori i zyrës së informimit dhe marrëdhënieve me publikun në kryeministri, z Elham Sharra në një intervistë për gazetën 55 deklaron se kryeministri Berisha është shumë i ndjeshëm ndaj denoncimeve të qytetarëve dhe informohet për secilin prej tyre, pa iu nënshtruar kurrfarë ngjyrimi apo preference politike
Zoti Sharra, cili është funksioni i Zyrës së Informimit dhe Marrëdhënieve me Publikun, si funksionon dhe çfarë të rejash sjell ajo në marrëdhënie me qytetarët?
Sektori i marrëdhënieve me publikun dhe i informimit ne misionin e tij përfshin edhe pritjen e çdo lloj kërkese që ka publiku. Mbasi bëhen kerkesat në një nga pikat e pritjes që mund të jetë telefoni, (në këto dy muaj kemi bërë dy linja telefonike që janë dhe funksionojnë gjatë gjithë orarit zyrtar ku ka dhe presim ankesa, kërkesa ose denoncime për problemet që sot shqetësojnë qytetarët shqiptarë) vetë qytetarët sjellin edhe sugjerime se si mund të ndërtohet disa marrëdhënie më të mira, si mund të kemi një informim më mirë. Një zhvillim bashkëkohor është edhe kontakti elektronik me anë të postës elektronike. Kjo mënyrë komunikimi e ka zgjeruar marrëdhënien mes qytetarëve dhe qeverisë, sepse nuk është vetëm në përdorim të qytetarit të thjeshtë brenda vendit por shërben edhe si një postë e shpejtë për shprehjen e problemeve që lidhen me vendin. Kjo u sjell atyre një zgjidhje të vazhdueshme dhe me proceset që ndodhin në vend por dhe me problemet që ata i kanë konkrete. Sektori gjithashtu krijon marrëdhënie te re me qytetarin duke organizuar pritjet fizike, ne këtu kemi orarin e pritjes dhe nepunësit e pritjes që janë njerzit me të kualifikuar që presin njerëzit. Sa të jetë e mundur ne duhet ta zhvillojmë këtë mënyrë kontakti si një imazh i ri i qeverisjes, jo formalisht, por si një domosdoshmëri, si një pjesë që duhet ta ketë administrata shtetarore, për t’iu afruar atyre që produkteve që priten në nivelin europian.
Cilat janë ato fusha ku qytetarët po i përqëndrojnë denoncimet e tyre?
Qytetarët janë të ndjeshëm dhe për problemet indirekte që ata kanë por edhe problemet e qeverisë e problemet e marrëdhënieve midis qytetarit e qeverisë. Në planin individual janë kërkesa të pazgjidhura ose të zgjidhura keq, siç i gjykon qytetari, që kanë të bëjnë me pronën, me marrëdhëniet e punës, që kanë të bëjnë me korrupsionin, me evazionin fiskal, me problemet shëndetësore të tyre e më gjërë, Problemet janë të karakterit të ndryshëm dhe në mënyrë të vecantë ka dhe nga ato të sygjerimit se si mund të përmirësohen fusha të caktuara ose të organizuara në kuadër të një reformimi qoftë të administratës qoftë të reformës në kuadrin në planin ekonomik.
Çfarë kriteri përdor zyra juaj për përzgjedhjen e këtyre elementëve?
Misioni i zyrës rregullohet nga ligjet bazë të cilat janë kushtetuta, ligji për informimin publik për dokumentat zyrtarë dhe ligji për kodin e procedurës administrative ku aty janë të përcaktuara në mënyrë ligjore të gjitha hallkat që shkon një hetim administrativ deri në marrjen e një përgjigjeje, psh kur është marrëdhënia mes publikut që mund të jetë një person ose një entitet juridik. Po pastaj, se si procedohet nuk është pjesë e misionit tonë. Në njësinë tonë veprohet në bazë të procedurave ligjore dhe realizohet adresimi i problemeve tek institucionet apo zyrat e tjera të ngarkuara brenda kësaj godine apo jashtë kryeministrisë, në nivel qendror apo lokal. Kuptohet se këtu behet një punë e madhe për t’i orientuar sa me shpejt objektivat drejt përgjigjeve konkrete. Për të rritur vëllimin e shkëmbimit të informacionit, ne një kuader edhe me të gjerë sesa ministritë janë duke u ristrukturuar dhe riorganizuar sektorët e marrëdhenieve me publikun. Rritja e efektivitetit natyrisht që do të jape një kontribut ne uljen e abuzimit tek nëpunësit, në uljen e nivelit të korrupsionit në fund të fudit, sepse nje qytetar i mirëinformuar është shum e veshtirë të manipulohet, dhe ato që nëpunësi i mëson për shkak të detyrës janë një pronë e administratës shtetërore, janë një pronë e taksapaguesve, rrjedhimisht, qytetarët kanë të drejtë ta marrin këtë informacion per secilin dokument.
Në fakt kohet e fundit ka pasur një paqartësi të funksionimit të linjës 0800. Ka mjaft qytetarë që ankohen se kjo linjë nuk funksionon apo nuk del e disponueshme, ku qëndron problemi?
Prej më shumë se 2 muajsh, me përjashtime të rralla, kur ka defekte teknike që ndodhin për shkak të linjës, kjo linjë funksionon në këto 2 numra; po flas gjithmonë për numrat fiks, dhe duhet marrë jo nëpërmjet celularëve dhe nuk duhet marrë jashtë ditëve të orarit zyrtar nga ora 8 deri ne 16 .30 dhe nga e hena ne të premte (me përjashtim te ditës së premte, që orari është deri në orën 14. 30). Ne na vijne mesatarisht 15-20 telefonata ne dite te karakterit që i permenda me sipër dhe gjitha keto procesohen njesoj sikur qytetari të jetë drejtuar me një letër për problemin që ka, problemet që quhen të plotësuara u shkojnë zyrave të tjera. Pra kur kemi të bëjme një denoncim krijohet një marrëdhënie e qytetarit me zyrat, të cilat i miraton ligji për ti zgjidhur; sic është Departamenti i Kontrollit Administrativ dhe Antikorrupsioni në kryeministri, apo edhe organet e tjera të Apelit, të prokurorise, të Ministrisë së Drejtësisë, në nivelin vendor etj. Kjo eshtë detyra; menaxhimi i gjithë kërkesave dhe adresimi i tyre atje. Kuptohet që nuk jemi përballë një procesi që nuk merr fund. Ne e ndjekim në mënyrë që edhe përgjigjet, qytetari t’i marrë brenda afateve që përcaktohen. Kuptohet që kjo është një punë që kërkon një ridimensionim të gjërë, është punë që ne e presim shumë shpejt edhe ketu brenda që nga pikpamja cilësore të ndryshojë të ketë një studim që është kryer në bashkëpunim me banken boterore ju do të shikoni dhe elementë të tjerë të paparë deri tani që ne shpresojmë të kemi ecje të tjera shumë më të mira.
Të gjitha denoncimet shkojnë drejtperdrejt tek kryeministri apo shpërndahen tek persona të tjerë?
Cilado qoftë menyra e kontaktit të qytetarit, kur ka te beje me kryeministrin, një gjë është absolutisht e vërtetë, që kryeministri vihet ne dijeni të kerkesës apo ankesës së qytetarit, plus edhe vetë që kryeministri ka vënë një numër që qytetarët japin ankesat e tyre. Nuk mund të them që punët shkojnë shumë mirë por qytetarët krahas falenderimeve që na bëjnë për problemin e zgjidhur kemi edhe vonesa të tjera për zgjidhjen e problemeve, që jo gjithmoë varen nga ne. Kryeministri është vecanërisht i ndjeshëm për këtë marrëdhënie qytetar-kryeministër. Gjatë kësaj periudhe janë afruar dhe studentë që të marrin njohuri se si funksionon dhe çfare ben kjo njësi. Kjo për të rrëzuar mitin e hermetizimit të administratës dhe asaj çfarë ndodh aty pasi këta studentë apo të rinj nesër do të bëhen pjesë e kësaj administrate dhe duhet të jenë të çliruar nga mosnjohja sa duhet e gjërave. Në fund të fundit, edhe kjo është një mënyrë më e mirë për të krijuar marrëdhënie me njerëzit dhe mentalitetin e tyre.
Intervistoi Kleves Bitro
g 55
Regullat e Postimit
Përgjigju Duke Cituar
Krijoni Kontakt