Trafikantet Shqiptare!!

[Shpirt Njeriu]

Nje efektiv i policise kriminale te Tiranes u kanos per vdekje pasi ra ne gjurmet e nje grupi trafikantesh. Policia: "Vajza J.H., u dergua per prostitucion ne Kosove". Si ra dje ne pranga Mirian Guci, pas telefonates shantazh

TIRANE - Kercenohet me vdekje nje inspektor krimesh ne drejtorine e Policise se Tiranes, ndersa perpiqej te arerstonte nje te dyshuar per trafik prostitucioni. Autori i dyshuar i krimit te dyfishte eshte Mirian Guci, 27 vjec, lindur ne Peshkopi dhe banues ne Tirane. Policia rajonale tha se vuri ne pranga ne oret e para te dites se djeshme 27 vjecarin e dyshuar dhe shtoi se ka shpallur ne kerkim edhe te pakten nje te dyshuar per trafikimin pas rrembimi, te nje vajze 25 vjecare nga bathorja prane Tiranes. "I arrestuari Guci, pasi kishte rrembyer dhe trafikuar ne Kosove se bashku me eprsona te tjere, vajzen 25 vjecare J.H., kercenoi permes telefonit inspektorin e ceshtjes duke tentuar ta frenoje ne perpjekjet e tij per ta arrestuar", sqaruan per "Korrieri"-n, burimet e policise se Tiranes. Sipas tyre, jane identifikuar dhe personat e tjere, te perfshire ne kete grup kriminal te trafikut te femrave.

Mirjan Guci 27 vjec, lindur ne Peshkopi, e banues ne Paskuqan te Tiranes, u ndalua pas nje aksioni te policise Kriminale te komisariatit nr.4, ne bashkepunim me disa grupe te reparteve "Shqiponja", si dhe nje grup oficeresh te Sektorit te Antitrafikut te Drejtorise se Policise se Tiranes. Guci, sipas policise, me 26 gusht te ketij viti, ka rrembyer ne bashkepunim me disa persona te tjere, nje vajze 25 vjece banuese ne Bathore, me inicialet, J.H. Prinderit e 25 vjecares, kane dhene nje kallezim penal, po ate dite ne mbremje, fillimisht ne rajonin e Policise se Kamzes, e nje dite me pas ne drejtorine e Policise se Tiranes, mbi zhdukjen e vajzes se tyre. Nderkaq nje inspektor krimesh i ketij komisariati si dhe oficer i sektorit te antitrafikut, te ndihmuar edhe nga nje agjent krimesh, kane mundur te identifikojne te gjithe pjesetaret e grupit te dyshuar si trafikante vetem nje dite me vone. Por ne kohen qe policia ka mundur te identifikoje autoret, ata kane mundur te largohen se bashku me 25 vjecaren, ne drejtim te Kosoves, nga ku edhe besohet se do ta nisnin ne Perendim, per ta detyruar me pas te ushtronte profesionin e prostitutes. Ende nuk dihet fati i vajzes, por policia beson se ajo nuk duhet te kete kaluar kufijte e Kosoves. Ndersa ka shpresa qe ajo mund te jete jo shume larg kufirit shqiptaro-kosovar. Kur nje nga inspektoret e krimeve, arriti te bjere ne gjurmet e nje prej pjesetareve te rrembimit, ky i fundit, nepermjet telefonit eshte lidhur me te, duke e kercenuar se do ta kishin punen pisk nese vazhdonin me tej ndjekjen e tyre dhe nese vazhdonin hetimet. Ka qene pikerisht i arrestuari Guci, i cili ka kercenuar, ne bisede telefonike, nje prej inspektoreve, emri i te cilit nuk behet i ditur. Kercenimi, eshte klasifikuar si kercenim serioz per jeten e inspektorit dhe policia ka ngritur ndaj tij edhe akuzen e kanosjes per shkak te detyres, pervec dy akuzave te tjera, ate te rrembimit dhe trafikimit te nje vajze per qellime prostitucioni ne bashkepunim. Dashamir Bicaku

[Shpirt Njeriu]

Trafiku i femijeve, "burg pa afat" per Ziko Lenen

TIRANE - Gjykata e Krimeve te Renda ne Shkallen e Pare ka marre masen e sigurise arrest me burg pa afat ne mungese, per 50 vjecarin Ziko Lena nga qyteti i Korces i akuzuar per trafik femijesh. Masa eshte dhene nga gjyqtari i gatshem Idriz Mulkurtaj pas kerkeses se Prokurorise se Krimeve te Renda, e cila ka kerkuar "burg pa afat per te pandehurin". Pasi eshte njohur me materialet e dosjes dhe pretendimet e organit te akuzes, gjyqtari ka vendosur te pranoje kerkesen per vleresimin ne mungese te mases se sigurise per 50 vjecarin nga Korca. Fillimisht hetimi nisi nga prokuroria e Korces pas denoncimit te nje gruaje dhe me pas dosja iu percoll prokurorise se Krimeve te Renda. Prokuroria e Korces nisi hetimet ne mungese per 50-vjecarin Ziko Lena, i njohur me pseudonimin Kita, i cili akuzohet se ka kryer trafik te te porsalindurve shqiptare, ne Greqi. Hetimet ndaj Lenes, nisen edhe pse ai eshte akuzuar dy vjet me pare per trafikimin e nje bebeje 10-muajshe. "Keto hetime, nisen mbi bazen e provave qe ka paraqitur nepermjet nje dosjeje zyra antitrafik e policise se Korces", tha nje burim ne Krimet e Renda. Nderkaq, Ziko Lena eshte shpallur ne kerkim nderkombetar per trafik femijesh. Burime nga prokuroria e krimeve te renda bejne te ditur se qe prej kohes kur filluan hetimet ne lidhje me kete rrjet trafiku, Lena eshte larguar ne drejtim te Greqise, ku edhe fshihet. Hetimi ndaj tij ka filluar ne baze te denoncimit te Mimoza Sadikllarit, ne maj te ketij viti ne Prokurorine e Korces. 27-vjecarja, banore nga Mokra e Pogradecit, ka akuzuar Ziko Lenen per trafikimin e vajzes se saj 10 muajshe. "Ai ma ka marre Moniken kundrejt nje pagese prej 50 000 lekesh, me premtimin se do t'ia jepte per biresim nje familjeje greke". Dyshimi se vajza nuk do te ishte biresuar, Sadikllarit i lindi pasi mesoi ne media, trafikimin e femijeve nga Korca dhe Pogradeci, ne drejtim te Greqise. Sipas burimeve nga prokuroria, ajo ka komunikuar me Lenen, per te mesuar rreth fatit te vajzes, por ky i fundit nuk i ka treguar asgje. Duke dyshuar se e bija ka rene prè e trafikanteve, ajo ka denoncuar Lenen ne prokurori. Sipas hetimeve, Lena njihet si nder njerezit e afert te mjekut grek Fotis Nirus, klinika e te cilit eshte sekuestruar nga policia greke ne Janice

[friendlyboy1]

ok shpirt njeriu si mendon ti se zgjidhen kto gjera. Un them vetem karrigja elektrike i zgjith kto gjera.

[Nice_Boy]

Kam pa shum vajza ktu ne Kosov edhe ne Qytetin tim qe punojn me prostucion A i vjedhin vajzat prej Shqiperis dhe i bin ketu zoti e din me shum po vin Shqiperia\Tirana. Por policia sdi cka jan duke bo sepse me u mundu munden me ndalu dhe mos me punu me ksi gjona sepse keq vallaji.

[Shpirt Njeriu]

Kërcënoi policin, arrest trafikantit

Hiq dorë se kjo punë nuk mbaron me kaq. Ti e di mirë se për çfarë e kam fjalën". Ishte ky kërcënimi i bërë nga një trafikant me një numër të fshehur në celularin e një inspektori të krimeve të Drejtorisë së Policisë së Tiranës, i cili i ështe vënë në ndjekje prej disa javësh. Por kjo nuk e ka ndalur vazhdimin e hetimit, dhe vetëm sa ka përshpejtuar arrestimin e trafikantit. Mirjan Guci, 27 vjeç, është prangosur mbrëmjen e së hënës në banesën e tij në Paskuqan të Tiranës. Policia, e cila ishte duke hetuar rreth denoncimit të prindërve për trafikimin në Kosovë të vajzës së tyre 25 vjeçe nga Babrruja e Tiranës, kishte vepruar në kohën e duhur.

Trafikimi
Ka qenë data 6 gusht, kur Guci në bashkëpunim edhe me disa persona të tjerë ka mundur të trafikojë në Kosovë 25-vjeçaren me iniciale J.H. Vajza mendohet se është trafikuar për qëllime prostitucioni. Sipas policies, trafikantët kanë pasur njohje me 25-vjeçaren, të cilën e kanë mashtruar se do t'i gjenin një punë të ndershme dhe me shumë fitime në Kosovë. Njëri prej trafikantëve dyshohet të ketë qenë dhe i dashuri i vajzës dhe ky ka influencuar në vendimin e saj.

Hetimi
Me të konstatuar zhdukjen e vajzës, prindërit e saj janë drejtuar fillimisht në komisariatin numër 4 të Policisë së Tiranës dhe më pas në Zyrën e luftës kundër trafiqeve në drejtori. Brenda një kohe të shkurtër inspektorët kanë mundur të identifikojnë itinerarin e trafikimit dhe autorët të cilët, sipas policies, janë pesë. Antitrafiku ka mundur të kontaktojë me policinë e UNMIK-ut për gjetjen dhe kthimin e vajzës. Ndërsa dëshmia e 25-vjeçares pritet të jetë kyçe për ecurinë e hetimeve, burime nga Drejtoria e Policisë së Tiranës konfirmojnë se i kanë identitetet e katër trafikantëve të tjerë dhe pritet lokalizimi dhe kapja e tyre.


Filip Gjeloshi, u arrestua pas dyshimeve për një kërcënim

Policia prangosi një javë më parë në një aksion model një të kërkuar që dyshohet se është autor i kërcënimeve të një prokurori të krimeve të rënda. Filip Gjeloshi, 29 vjeç, mendohet të ketë kërcënuar prokurorin e dy çështjeve të tij. Ai është arrestuar në shtëpinë e tij në Allias, ku strehohej për shkak se kërkohej nga policia. Gjeloshi ishte shpallur në kërkim më parë për akuzën e tentativës së vrasjes, e cila e ka zanafillën në shkurt të vitit të kaluar, kur 29-vjeçari gjatë një zënke ka qëlluar për të vrarë fqinjin e tij. Madje kjo akuzë ka mjaftuar për siguruar arrestin për Gjeloshin, ndërkohë që prokuroria ka nisur hetimet për faktimin e akuzës së kërcënimit të një prokurori për shkak të detyrës.

[Shpirt Njeriu]

Trafiku i bebeve

Ziko Lena i bleu fëmijën bashkëshortit tim Hymet Kreka për 50 mijë lekë". Kështu e ka nisur denoncimin e saj për prokurorinë nëna nga Pogradeci, Mimoza Liço, për zhdukjen e fëmijës së saj në fund të vitit 2001 në një klinikë greke. Ka qenë pikërisht denoncimi i kësaj nëne, që organi i akuzës të niste zyrtarisht hetimet për Ziko Lenën, të konsideruar si kreu i pjesës shqiptare të trafikut të bebeve në drejtim të Greqisë. Tashmë është bërë publike që i pandehuri Ziko Lena është një i afërm i mjekut famëkeq grek Fotis Nira, i cili akuzohet se është pikërisht personi që organizonte këtë trafik fitimprurës, që konkludohej në klinikën e tij në qytetin Janica të Greqisë së Veriut. Gratë viktima kanë pohuar se fëmijët e tyre i kanë shitur këtu me shuma qesharake të hollash, që në shumë raste nuk i kalonin 500 dollarët. Një skandal të cilin Gazeta Shqiptare e ka denoncuar vazhdimisht.

Trafiku
Sipas Mimoza Liços, ka qenë muaji dhjetor i vitit 2001, kur 54-vjeçari Ziko Lena së bashku me bashkëshortin e saj, Hymetin, e kanë marrë atë me vete duke kaluar në pikën kufitare të Kapshticës me dokumente të falsifikuara. Në deklarimet e dhëna në polici më 10 qershor të këtij viti, Liço ka pretenduar se pasi ka kaluar kufirin, ajo është strehuar prej të pandehurit në një klinikë private në Janica të Greqisë së Veriut, ku ka lindur një fëmijë. Pak ditë pas lindjes ata e kanë kthyer në Shqipëri, por pa fëmijën. Sipas saj fëmija është shitur për 500 mijë lekë të vjetra, të cilat i ka mërrë bashkëshorti i saj Hymet Kreka (arrestuar tre muaj më parë nga policia i akuzuar për trafikë fëmijësh) dhe i ka ndarë më pas me vëllain e tij Nazmi Kreka.

Masa e sigurisë
Në bazë të dëshmisë së gruas, organi i akuzës i Krimeve të Rënda, përfaqësuar nga prokurori Ened Nakuçi, kanë nisur në ngarkim të Lenës çështjen penale, ndërsa gjyqtari Idriz Mulkurti i Gjykatës së Krimeve të Rënda më datën 10 gusht 2004 vendosi për Ziko Lenën masën e sigurisë "arrest në burg në mungesë", e cila do të jetë në fuqi deri në përfundim të hetimeve. Në vendimin për marrjen e masës së sigurisë gjykata ka pohuar se 54-vjeçari Ziko Lena i lindur në fshatin Lleng të Pogradecit dhe banues në qytetin e Korçës, akuzohet sipas nenit 128/b/2 të Kodit Penal, në bazë të të cilit rrezikon një dënim jo më pak se 15-vjet heqje lirie.


Lena është kushëriri i mjekut grek të trafikut, Fotis Nira

Ziko Lena njihet si i afërm i mjekut famëkeq grek të trafikut të bebeve shqiptare, Fotis Nira i njohur si Andropulos. Sipas prokurorisë rezulton se Lena ka lindur në fshatin Llengë të Pogradecit më 21 qershor 1950 dhe banon në qytetin e Korçës. Ai është i biri i Nashos dhe Maries, me gjendje civile i martuar e gjendje penale i padënuar dhe aktualisht, sipas hetuesve, ndodhet në Greqi. Sipas prokurorisë në ngarkim të tij kanë mbërritur edhe denoncime të tjera. Mimoza Sadikllari, një tjetër viktimë e këtij trafiku, ka pretenduar se Ziko Lena i ka marrë dy fëmijë, një vajzë dhe një djalë, kundrejt vlerës prej 90 mijë lekësh. Sadikllari pretendon se kundrejt një vlere prej 30 mijë lekësh ajo i ka dhënë Lenës një foshnjë 10-muajshe me emrin Monika. Një vit më pas ajo i ka dhënë një djalë njëvjeçar me emrin Mateo, kundrejt 60 mijë lekëve. Sipas saj, Lena i kishte premtuar se dy fëmijët do të adoptoheshin nga një çift grek.