URIME: Shugurimi Meshtarak

[NoName]

"Zoti e beri kete gje:
sa mrekulli per syte tane!
Kjo eshte dita qe na e dhuroi Zoti:
te galdojme e te gezojme ne te" (Ps. 117, 23-24)

Te dashur anetare te Forumit Shqiptar,
Kisha Katolike ne Kosove pergatitet
te jetoje nje dite gezimi te vecante:

Te shtunen, me 01 Korrik
ne famulline "Shen Katarina" ne Peje shugurohen meshtare:

Don ALBERTI, Don ROBERTI dhe Don PALI.


Urimet me te vecanta per ju te tre dhe Shpirti Shenjt
t'ju beje shenje te Lavdise se Hyjit ne Kishen e Tij.

[eVerteta]

Urime nga zemra meshtareve te rinj Don Albertit, Don Robertit dhe Don Palit.

Shugurimi Meshtarak eshte me 01. Korrik (ora 11.00h) ne Kishen Shen Katarina, ne Peje., nga Imzot Zef Gashi, Arqipeshkev i Tivarit dhe Administrator Apostolik per Kosove 'ad interim'

Mesha e Pare do te jete me 09 Korrik (ora 11.00h) ne Kishen e Shen Gjonit, ne Zllakuqan (Kline).

Uroj qe t'i perngjani sa me shume Jezu Krishtit dhe t'i sherbeni me besnikeri grigjes ku Hyji Ate ju therret t'i sherbeni.

Famullia e Zllakuqanit sivjet eshte ne Feste!

[NoName]

SHPJEGIME MBI
SHUGURIMIN MESHTARAK


1 Korrik ‘06 - “Shën Katarina” Pejë
Don Alberti, Don Pali dhe Don Roberti

01. Hyrie e përgjithshme në kremtim

Sot Kisha Katolike në Kosovë po jeton një ditë hiri krejt të veçantë: Don Alberti, Don Pali dhe Don Roberti, të cilët bëjnë pjesë në Dioqezën e Kosovës do të marrin shugurimin meshtarak nëpër lutjen dhe shtrirjen e duarve të Imzot Zef Gashit, Kryeipeshkëv i Tivarit.
Ky vit na bën të përkujtojmë 60 vjetorin e martirizimit të Klerikëve Shqiptarë. Për këtë arsye, gjejmë shkakun të gëzohemi dhe të festojmë, sepse Zoti nuk e harron kurrë popullin e vet. Krishti ka dashtë që nga gjaku i martirëve të dalin meshtarë të ri që ta çojnë përpara misionin e tij në Kishë e në botë.
Don Alberti, don Pali dhe don Roberti, pas një përgatitjeje të gjatë dhe të veçantë, duke marrë Urdhërin e Shenjtë të presbiteratit, janë të thirrur tashmë të predikojnë Ungjillin, t'ju prijnë veprimeve të kultit e të zhvillojnë një rol drejtues në popullin e Zotit, në bashkim të ngushtë, bashkëpunim e vartësi me ministerin e Ipeshkvit, që, në mesin e popullit të Zotit, është shenjë e gjallë e Krishtit, Bariut suprem, e të veprimit të pandërprerë të Shpirtit Shenjt.
Me Urdhërin Shenjt u jepet këtyre të rinjve sakramenti, me të cilin "për virtyt të Shpirtit Shenjt, do të jenë shënuar me një karakter të veçantë që i bën t'i përngjajnë Krishtit meshtar, në mënyrë që të mund të veprojnë "në personin" e Krishtit drejtues (Konc. Vat. II, Presbyterorum Ordinis, n. 2).
T'i shoqërojmë këta vëllezër në dhuratën e plotë të jetës së tyre që po ia bëjnë Krishtit e t'i lutemi Shpirtit Shenjt që t'i vesh me shenjtëri, e kështu të mund ta zhvillojnë ministerin e tyre në besnikëri e në dinjitetin e meshtarisë së tij për të mirën dhe shenjtërimin e mbarë popullit të Zotit.

02. Liturgjia e urdhërimit: paraqitja e zgjedhjes

Të themeluar e të drejtuar prej Fjalës së Zotit që sapo kemi dëgjuar, të gjithë, ne, si Kishë, duam që këta vëllezër të shugurohen meshtarë. Tash, Don Lush Sopi - famullitari i vendlindjes - thërret kandidatët për emër, ndërsa don Lush Gjergji - Vikari Gjeneral, dëshmon aftësinë për tu bërë meshtarë dhe dinjitetin e tyre për të marrë Urdhërin Shenjt.

03. Impenjimet e të zgjedhurit e litanitë e shenitërve

Kandidatët, të zgjedhur për urdhërin e presbiteratit, shprehin tash përpara Arqipeshkëvit e të gjithë neve, vullnetin vendosës për të ushtruar gjatë gjithë jetës së tyre ministerin meshtarak sipas qëllimit të Krishtit e të Kishës, nën drejtimin baritor të Ipeshkvit. Në gjunjë dhe me duar të vendosura në duart e Arqipeshkvit, të zgjedhurit i premtojnë Ipeshkvit dhe Ordinarit të tyre respekt bijësor e dëgjesë.
Me këngën e litanive të Shejtërve të lutemi për këta të zgjedhur, të cilët të shtrirë me fytyrë për dhè, kanë me marrë hirin hyjnor nga ndërmjetësia e të gjithë shenjtërve.

04. Vendosja e duarve dhe lutja e shugurimit

Jemi në zemër të ritit të shugurimit: u jepet tash të zgjedhurve dhurata e Shpirtit Shenjt për ministerin e meshtarisë (presbiteritatit). Arqipeshkvi e, pas tij të gjithë meshtarët bashkëkremtues, në lutje të heshtur, vendosin duart mbi kryet e të zgjedhurve si shenjë e pranimit në presbiter.
Atëherë Arqipeshkvi shpall, mbi të zgjedhurit që rrinë në gjunjë para tij, lutjen solemne të shugurimit, me të cilën bekon Hyjin Atë për dhuratën e "këtyre bashkëpunëtorëve për ushtrimin e meshtarisë" e kërkon të përtërihet në ta "dhënia e Shpirtit të tij të shenjtërisë që të plotësojnë me besnikëri ministerin e tyre duke i drejtuar të gjithë, me shembullin e jetës së tyre, me një jetë të plotë e të sjellshme".

05. Riti shpjegues


a) Veshja e petkave meshtarake

Të shuguruarit tash veshen me stolë presbiterale e me meshtore (kazul), me të cilat dukja e jashtme tash e mbrapa shfaq ministerin e tyre në kremtimet liturgjike.

b) Lyerja krizmale

Arqipeshkvi do të bëjë mbi shuplaka të duarve të shuguruarve lyerjen me krizmen e shenjtë, që ka domethënien e pjesëmarrjes së veçantë të presbitërëve në meshtarinë e Krishtit dhe pushtetin e ndamjes së sakramenteve dhe sakramentorëve.

c) Dorëzimi i bukës dhe i verës

Arqipeshkvi merr dhuratat e bukës e të verës për kremtimin e Eukaristisë dhe ua dorëzon të posa shuguruarve për t’u treguar detyrën për ta drejtuar flinë eukaristike dhe ndjekjen e Krishtit të kryqëzuar.

d) Përqafimi paqes

Arqipeshkvi, duke ndërruar me të shuguruarit përqafimin e paqës, vendos vulën e pranimit të presbiterëve si bashkëpunëtorë të ri në ministerin e shenjt. Edhe të gjithë Ordinarët tjerë e meshtarët të pranishëm përshëndesin me puthjen e paqes të shuguruarit e ri në ministerin e përbashkët të urdhërit Presbiteral.

e) Liturgjia eukaristike

Në liturgjinë eukaristike që vazhdon si zakonisht, të shuguruarit ushtrojnë për herë të parë ministerin e tyre duke bashkëkremtuar me Ipeshkvin e me gjymtyrë të tjera të presbiterit.

[toni77_toni]

"Zoti e beri kete gje:
sa mrekulli per syte tane!
Kjo eshte dita qe na e dhuroi Zoti:
te galdojme e te gezojme ne te" (Ps. 117, 23-24)

Te dashur anetare te Forumit Shqiptar,
Kisha Katolike ne Kosove pergatitet
te jetoje nje dite gezimi te vecante:

Te shtunen, me 01 Korrik
ne famulline "Shen Katarina" ne Peje shugurohen meshtare:

Don ALBERTI, Don ROBERTI dhe Don PALI.


Urimet me te vecanta per ju te tre dhe Shpirti Shenjt
t'ju beje shenje te Lavdise se Hyjit ne Kishen e Tij.

Urime nga zemra

Mora pjesë sot në këtë gëzim vërtetë të veçat. Ishte vërtetë kënaqësi dhe gëzim për Kishen katolike shqiptare kur shohim shugurimin e tre meshtarëve. Zoti është me ne sikurse edhe ka thën "Ja dhe un do të jam me ju deri në mbarim të botes".

Don Alberi, Don Roberti dhe Don Pali urime të përzemërta, vëllezërit e mi në Krishtin; nuk di se çka të them tjetër veq se Zotit i qoft Lavdi dhe nderi - faliminderit Zotit tonë Jezukrishtit se na pasuroj KIshen me tre yj.

Zoti me ju!

toni



http://www.bibla.net(ende ne punim..)

[NoName]

Në Pejë shugurohen tre meshtarë të rinj

(4.7.2006)

Fjala e Krishtit vijon të përhapet ndër trevat shqiptare e ushqyer gjithnjë me gjak të freskët. Kishës katolike iu shtuan tre meshtarë të rinj: don Albert Jakaj, don Robert Jakaj dhe don Pal Tunaj. U shuguruan në famullinë e Pejës "Shën Katarina" nga Kryeipeshkvi i Tivarit dhe Administratori Apostolik i Kosovës, Imzot Zef Gashi. Të edukuar me frymën e universale të Kishës katolike, janë gati të shërbejnë atje ku njerëzit kanë nevojë për Fjalën e Zotit, që bëhet vepër bamirësie, në emër të Krishtit.

[NoName]

Sidoqofte forumista ketu keni disa foto te Shugurimit Meshtarak qe mund t'i shihni:


Link:
http://www.kishakatolike.org/

Linku direkt:
http://www.kishakatolike.org/Shugurimi/album0.html



me respekt,
NoName