Dosja “Azem Hajdari”: Strasburgu rrëzon kërkesat e Mulosmanit dhe Haxhisë

[Brari]

shekulli

---------
Jaho Salihi do të përballet me Gjykatën e Krimeve të Rënda për vrasjen e Bislim Hykës dhe Isuf Bashkurtit

“Salihi eliminoi dy vetë me armën që vrau Hajdarin”


Ardita Hysa

TIRANË –Jaho Salihi (Mulosmani) do të përballet me Gjykatën e Krimeve të Rënda për vrasjen e Bislim Hykës dhe Isuf Bashkurtit. Prokurorët e çështjes e akuzojnë Mulosmanin se dy personat e mësipërm i ka vrarë me të njëjtën armë që vrau edhe deputetin Azem Hajdari, vetëm një ditë para se të largohej nga detyra si shef i krimeve në policinë e Tropojës. Tri gëzhojat e nxjerra nga pistoleta e tij e punës, të cilat ndodhen tashmë në cilësinë e provës materiale në duart e përfaqësuesve të akuzës, kanë sjellë hapjen e një gjykimi të ri për Jaho Salihin. Pas përfundimit të hetimeve, prokuroria është e sigurt tashmë se emri i autorit të vrasjes së Hykës dhe Bashkurtit është Jaho Salihi, i njohur edhe me mbiemrin Mulosmani. Për katër vjet me radhë, që nga mesdita e 4 gushtit 1999, autorësia e këtij krimi kishte mbetur pa emër për drejtësinë. Enigma e dy vrasjeve në Tropojë ka vazhduar deri pas dënimit përfundimtar të Salihit me burgim të përjetshëm si vrasës i deputetit Hajdari, ngjarje kjo e ndodhur më 12 shtator të vitit 1998. Hetimet e nisura në janar të vitit të kaluar dhe analizat e laboratorit kriminalistik vërtetuan se arma që qëlloi mbi deputetin ka shtënë edhe mbi Hykën e Bashkurtin. Kjo është provuar me anë të shenjës që kishte lënë në tre gëzhojat e gjetura në vendngjarje, arma me numrin e shasisë 2000030699. Sipas prokurorisë, në kohën kur kanë ndodhur këto vrasje, kjo armë mbahej nga Jaho Salihi, i cili ishte shef i sektorit të krimeve në komisariarin e Tropojës.
Akuza
Prokuroria, duke avancuar në hetimet e saj, kishte provuar se një armë e tillë, e përdorur më parë edhe nga
Fatmir Haklaj, kishte shkaktuar të tjera vrasje në Tropojë. Paraardhësi i Salihit në detyrë, Fatmir Haklaj, është vrarë në 9 nëntor 1999, në afërsi të shtëpisë së Jaho Salihit, i cili atë ditë mbeti i plagosur. Sipas akuzës, në kohën kur arma e mësipërme ishte në duart e Fatmir Haklajt, kanë mbetur të vrarë prej saj Gjin Kolgjeçaj dhe Naim Dizdari. Ka qenë pikërisht kjo armë objekti i hetimeve të prokurorisë, në zbardhjen e vrasjeve të mësipërme, të cilat kanë mbetur të errëta për shumë kohë. Jaho Salihi, sipas të dhënave në dosjen e tij të re të gjykimit, ka filluar punë si polic pranë komisariatit të Bajram Currit më 1 qershor 1998 dhe e ka mbajtur këtë post deri më 5 gusht 1999, një ditë pas vrasjes së Hykës dhe Bashkurtit. Në të njëjtën ditë, Tropoja ishte përgjakur dy herë. Një tjetër vrasje e dyfishtë kishte ndodhur në Cërnicë, ku ishin vrarë Halil Haklaj dhe Feriz Kërnaja. Sipas akuzës, Salihi kishte kaluar nga aksi rrugor Cërnicë-Ura e Valbonës, ku mbetën të vrarë Kolgjeçaj dhe Dizdari dhe i është drejtuar qendrës së Tropojës, ku mbetën të vrarë Hyka dhe Bashkurti.
Seanca
Për herë të parë në dhënien e një vendimi, Jaho Salihi është “braktisur” nga avokati i tij mbrojtës. I dënuari me burgim të përjetshëm për vrasjen e deputetit Azem Hajdari ka refuzuar madje të paraqitet në seancën e djeshme gjyqësore, të drejtuar nga gjyqtari Artur Gaxhi. Praninë e tij në këtë seancë e kishte refuzuar edhe mbrojtësi i tij i deritanishëm, Vladimir Meçe, i cili vetëm pak kohë më parë i është drejtuar Gjykatës së Strasburgut për të kundërshtuar vendimin e dhënë nga drejtësia shqiptare. Meçe e ka cilësuar antikushtetues, vendimin për dënimin me burgim të përjetshëm të Salihit, por Gjykata Kushtetuese nuk e ka pranuar shqyrtimin e kësaj dosjeje. Ndërkaq, gjatë seancës së djeshme, avokati Meçe nuk e ka përfaqësuar klientin e tij të vjetër. Në këto rrethana, Gjykata vendosi përfaqësimin kryesisht të Jaho Salihit nga avokati Agron Gruda. Pasi kishte studiuar dosjen e mbërritur në Gjykatën e Tiranës më 26 janar të këtij viti, gjyqtari Artur Gaxhi vendosi moskompetencë për këtë çështje dhe urdhëroi kalimin e të gjitha akteve të saj pranë Gjykatës së Shkallës së Parë të Krimeve të Rënda. Këtë radhë, Salihi akuzohet dy herë për “vrasje me paramendim”, akuzë kjo që minimumin e dënimit e ka më shumë se 15 vjet burg, dhe sipas ligjit klasifikohet ndër krimet e rënda.



24/04/2004

------

[Agim Doçi]

HOMAZH


AZEM HAJDARI – POLITIKAN, USHTARAK DHE NJERI.
Personaliteti më i informuar dhe më i interesuar për rritjen
e Aftësisë Mbrojtëse të Atdheut.

Shkruan Agim Doçi
„Duhet të të kthejmë vetëm çelësin nga e majta në të djathtë!“ – përsëriste shpesh Azem Hajdari. Fjalën e kishte për të gjitha strukturat ushtarake të vendit të cilat me përmbysjen e diktaturës, gjëndeshin para reformave të mëdha demokratike. Duke qenë dhe Kryetar i Komisionit Parlamentar të Mbrojtjes – Rendit dhe SHIK-ut, Azemi kishte një platformë të qartë, të cilën e kishte diskutuar me të gjithë deputetët anëtarë të Komisionit Parlamentar, sesi duhet nisur dhe çuar para reforma. Për këtë në bashkëpunim me ministrat Kopliku, Zhulali dhe Gazidide u kërkuan mbështetje strukturave të Atlantikut, përfaqsuesëve të lartë të NATO-s dhe të aleancës perëndimore.
Të paktë ishin ata që e kuptuan atë që kërkonte Azem Hajdari. Ai ngulte këmbë dhe argumentonte që oficerët tanë, qoftë të trupave mbrojtëse, qoftë ata të rendit, qoftë edhe të shërbimeve sekrete, duhen trajtuar me kujdes në pushtetin demokratik. „Janë shqiptarë në radhë të parë, nuk mund t‘i akuzojmë për antikombëtarë aq më tepër që fqinj kemi patur serbët dhe grekët!“ – përsëriste shpesh ai. Pra bëhej fjalë për pozicionimin e qartë të Shtetit ndaj të gjithë ushtarakëve, të cilët gjatë regjimit të Hoxhës, kishin kryer detyrën konform urdhërave dhe ligjeve të asaj kohe. Pra Azemi i konsideronte ushtarakët tanë të aftë, atdhetarë, me të cilët duhej kthyer vetëm çelësi, që reforma të kishte sukses!
Ministri i brendëshëm asokohe Kopliku, lëshoi deklaratën që „do të ndrroj edhe portollampat në dikaster“. Padyshim kjo ngjalli reaksion tek ata që i trëmbeshin reformës, sepse duart i kishin të lyera dhe të përlyera. Askush nuk i kishte harruar veprimet çnjerzore të armës së sigurimit të shtetit, për 50 vite me radhë, që kishte platformën e nxitjes së luftës së klasave. Ishte ajo e famëkeqja luftë e klasave, që shkatrroi psiqikën, destruktoi personalitetin njerzor dhe përçau kombin. Për 50 vite me radhë Sigurimi i Shtetit ishte bërë simbol I së keqes ndaj ishte kjo arsyeja bazë që e detyroi Azemin të deklaronte në mitingun e popullit të Krujës 1991: „Në çdo tre shqiptar, njëri është spiun!“
Problemi kyç ishte strukturimi i Shërbimit Sekret Kombëtar. Vendosja në atë ofiq të lartë e Gazidedes, që si intelektual kishte zgjedhur rrugën e amëshimit ndaj besimit islam, duke qenë në krye të një shoqate islamike, për Azemin ishte krejtësisht e pa vend. „Nuk mundet myslimani i përbetuar të bëhet hafije, dhe aq më tepër kryehafije!“ – thoshte me shqetsim Azem Hajdari. Padyshim që kjo deklaratë e Azemit përbënte në një farë mënyre „ftohtësinë“ midis tij dhe Gazidedes. Por ama strukturat e SHIK-ut, kurrë nuk kishin informacionin që kishte dhe merrte i vetëm Azem Hajdari. Përse ndodhte kështu?
Sepse Azem Hajdari nuk ishte vetëm një njeri me dhunti të veçanta në këtë drejtim, por ai ishte mjeshtër i komunikimit dhe mbajtjes së lidhjeve të sinqerta dhe njerzore me gjithëkend. Azemi kishte në të katër anët e Shqipërisë shokët e tij studentë që e adhuronin Liderin e tyre Azemin. Ai kishte respekt për veteranët dhe shpesh thoshte: „Ah sikur t‘u rritnim pensionin këtyre që u thinjën për Shqipërinë, t‘u krijonim kushte për të rrojtur vitet që u kanë mbetur si njerëz të nderuar, kurrë nuk do të mbushnin sallat e konferencave të PS-së!“
Mirëpo ata që kishin shpifur për 50 vite me radhë, që kishin mashtruar dhe persekutuar për 50 vite me radhë, krijuan në opinion thashethemnajën që „ky pushtet me në krye Berishën po mohojnë luftën nacionalçlirimtare“(!)
Azemit i dhimbëte shumë dhe e vuante shumë këtë fakt. „Kam dajat dëshmorë për çlirimin nga nazifashistat, por partia e punës me Enver Hoxhën, jo vetëm gjakun e dëshmorëve por edhe babën ma kanë mashtruar dhe ma kanë rrejtë për 50 vjet rresht!“ Vlersonte shumë respektin që tregoi me 28 nëntor në Vlorë presidenti Berisha në fjalën e tij, kur tërhoqi vëmëndjen e një komisioni të zhvarrimit, që të bënin kujdes e të mos varrosnin me nderime pranë dëshmorit atë që e kishte vrarë dëshmorin! Mirëpo segmentë të mbrapshtë që përfaqsonin hakmarrjen e paprinciptë brenda PD-së dhe pushtetit realizuan heqjen e imunitetit të Azemit si deputet se gjoja kishte përdorur dhunën ndaj një provokatori. Ishte e pafalshme që ai parlament dëng me bashkëpuntorë të ishsigurimit të shtetit votoj pro heqjes së imunitetit. Shkoj deri në gjyq, por Azemi fitoj gjyqin dhe rikthimi i tij në parlament ishte një ngjarje plot kuptim. Me energji dhe forca të reja Azemi përgatitit dhe i dha frymë ligjit për genocidin e ushtruar për 50 vite me radhë. Shoqata e të Përndjekurve Politikë e kishte Azem Hajdarin mbështetsin më të fuqishëm.
Respekt të veçantë tregonte për të gjithë ushtarakët dhe familjet e tyre. U qëndronte pranë në çdo hall e vështirsi. Interesohej për punësimin e familjeve të tyre, për shkollimin e tyre dhe bënte çdo përpjekje që bijt e familjeve të shquara atdhetare të shkonin në shkollat ushtarake dhe akademitë prestigjioze. „Vetëm kështu e forcojmë aftësinë mbrojtëse të Shqipërisë, sepse edukata patriotike që kanë marrë në familjet e tyre, do t‘i bëjë ushtarakë të zot! Pastaj nesër nuk do të kemi problem për të çliruar trojet tona në Kosovë dhe gjetkë!“
Azemi kishte shumë dëshirë dhe ia arriti qëllimit që djem e bija të familjeve çame të shkonin në shkollat e kurset e instruktimit ushtarak. Mbante marrëdhënie të shkëlqyera me familjet e kosovarëve që banonin në Fier, Lushnje, Mamurras dhe Kurbin. Kudo që shkonte, në malësitë e Dibrës, në ato të Devollit, të Labërisë, në malësitë e Skraparit apo të Mbishkodrës dhe të Gjakovës (Tropojë), Azemin e rrethonin me qindra e mijra dashamirës dhe njerëz që e donin dhe besonin në fjalën dhe veprën e tij.
Merrte pjesë në të gjitha stërvitjet e reparteve dhe nënreparteve duke vlersuar shumë kuadrot ushtarakë. Azemin nuk e zinte gjumi nëse edhe një ushtar apo polic i thjeshtë kishte një hall sado të vogël. Gjatë javës, çdo ditë në orën e takimeve me zgjedhësit dhe veçanërisht me familjet e ushtarakëve hallexhije, Azemi trokiste deri në dyert e funksionarëve më të lartë të pushtetit ekzekutiv për të zgjidhur problemet e tyre.
Azem Hajdari kurrë nuk pati pushtet ekzekutiv, por mbeti figura me potenciale e pushtetit njerzor demokratik, duke lënë pas kujtimin e paharrueshëm të një njeriu që kishte përkushtim dhe dhunti komunikimi me popullin.

[pagan]

hala me azemin ju, mire atehere po shprerdredh dhe une ca fill.

azemi ishte AGJENT i partise (famekeqes PPSH), kur them agjent dua te mos them anetar i thjeshte si shumica e shqiptareve te varfer, por CPIUN i saj. si te gjithe anonimet qe partia i fuste ngado neper popull, qe ishin syri, veshi, nervi i saj.

kishte te tille ne te gjitha ndermarrjet e shkollat e vendit, u futen te tille edhe tek ambasadat, por me vone edhe tek "levizja studentore"qe shpertheu nga gjendja e keqe neper konviktet e studenteve.

azemi u vendos ne pushtetin pluralist nga Alia, dhelper e vjeter e partise, dashnori dhe krahu i djathte i nexhit.

azemi u vra po nga njerezit e partise, pra koleget e vet, per te shpetuar BERISHEN, po te vendosur ne krye te opozites nga Alia.

ndersa u be "hero" nga tutkunet e idiotet te cilet jane shpirti dhe zemra e popullit tone qindra vjeçar.

kur shqiperia te ndahet ne dy krahina autonome, per jugun heroi do t'jet ai krimineli tjeter qe ja kam harruar emrin dhe qe shpetoi "kombin" nga sala.

ps; Le premier venu peut faire l'histoire. Seul un grand homme peut l'ecrire. Wilde.

shenim: azemi ishte sekretar partie perpara se te behej student.

[MI CORAZON]

http://www.forumishqiptar.com/showthread.php?t=5418

Sa për të mos dalë nga binarët.

[Agim Doçi]

O Zot dënoji "paganët"se e dijnë se çka bajnë!
Agimi

[Iceberg]

Anton Azemin e vrane per trafik armesh dhe si kunderpergjigje e vrasjes se ministrit kosovar ne shqiperi nese te kujtohet. sme kujtohet emri i atij ministrit por nese do te dish te gjithe historine mund dhe te ta shkruaj sepse e kam me data dhe me fakte dhe kete te marre pikerisht nga organi i akuzes qe do te thote shqip prokuroria te cileve nuk ua mban . Berisha nuk kishte interes te vritej hajdari po nuk ka as interes qe te dale ne shesh se pse u vra (e verteta them) sepse do binte poshte i gjithe ideali ose piedestali i ngirtur nga PD_ja apo njerezit qe besojne en PD dhe qe do ishin larguar pas humbjeve te njepasnjeshme ne zgjedhje por qe mbahen thjesht nga vrasja e Azemit dhe gjasme ndjekin nje ideal. te mjafton? po te duash mund te te them sa te duash qe nga menyra se si eshte martuar Azem hajdari dhe deri diten qe eshte vrare.

me respekt ndaj bindjeve te kunderta shanon

Cfare nuk te degjojne veshet e cfare nuk te shohin syte!! Qenka ngritur Azemi nga varri per te vrare ministrin Krasniqi. Ju qe provokoni me kesij deklaratash bejini pak te zgjuara jo kaq ne menyre trashanike!!!.... A nuk e di "SHANON" qe Azemi eshte vrare para Ahmet Krasniqit???
Vetem disa fakte te thjeshta mjaftojne per ti hedhur ne kosh te plehrave hipotezat e mesiperme:
1. Azemit i bllokohet makina e blinduar
2. Fatos Klosi takon ne menyre sekrete ne Marikaj vellezerit Haxhiaj per....
3. Skender Gjinushi vete ne Tropoje (vetem disa dite para atentatit) dhe ben planin per ekzekutimin e Hajdarit
4. Brenda 60 sekondave te vrasjes se Hajdarit Fatos Nano lajmeron Perikli Teten qe Azemi u vra( Ref. Perikli Teta). Keto nuk jane sekrete jane bere publike me kohe dihen nga te gjithe dhe nuk jane aspak te veshtira per tu kuptuar.

Te interesuarit per eleminimin e Hajdarit:

a) Kupola kriminale socialiste - qe shihnin tek Hajdari pengesen e vetme serioze ne mashtrimin e shqiptareve, realizimin e trafiqeve dhe kontrabandes. Te mos harrojme qe Azemi dispononte materiale te regjistruara qe implikonte realizuesit e katastrofes se 97-es. Pas vdekjes se tij nuk flitet me per ato video dhe audiokaseta dhe nje Zot e di nese do dalin ndonjehere ne drite. Po ashtu fosilet e sistemit te vjeter nuk do ja falnin kurre Hajdarit rolin e paimagjinuar dhe pa precedent ne krye te levizjes studentore te dhjetorit

b) Serbia - pasi Hajdari ishte praktikisht figura e vetme politike ne perkrahje te pakompromis te Kosoves ne Shqiperi dhe me pershkallezimin e luftes atje roli i tij behej mjaft domethenes pasi Azemi kishte influence te jashtezakonshme ne poppull.

c) Greqia - duke qene se Azemi ndryshe nga PD ja ishte pengese serioze helenizimit te Shqiperise (kujtoni denoncimin qe ai i beri qendrimit te forcave ushtarake greke ne Shqiperi pa asnje lloj mandati) vetem pak kohe para atentatit fatal.

d) Ndoshta edhe figura brenda vete Partise Demokratike (nuk e harrojne shqiptaret buzeqeshjen e Genc Pollos gjate prononcimit per ceremonine e varrimit te Hajdarit) qe punonin nen rrogoz per interesat greke pasi sic kane vertetuar ngjarjet e mevonshme PD ja u be me filogreke se vete PSja.
Berisha mund te mos kete interes te dali e verteta ne drite por te gjithe shqiptaret qe e kane per nder te quhen te tille duhet ta dine kush jane anetaret e komplotit.

A thua akoma te kete naive te besojne brockulla te tilla qe Azemi u vra per 'trafik', 'hasmeri personale', 'kanun' etj etj. O njerez...Jetojme ne kohen e kibernetikes tani jo ne epoken e kandilit kur populli injorant dhe i paditur besonte cfare i thuhej ne baze te thenies "Genje sa te mundesh se dicka do ngelet"

[kolombi]

PD-JA NDERON KUJTIMIN E AZEM HAJDARIT

Dhjetera simpatizante kane kujtuar dje gjashte vjetorin e vrasjes se deputetit demokrat dhe liderit te dhjetorit, Azem Hajdari. Te mbedhur para lapidarit te tij, ata kane nderuar figuren e Hajdarit duke vendosur kurora me lule prane perkujtimores se tij. Ne kete ceremoni ishte e pranishme dhe bashkeshortja e tij, e cila falenderoi te pranishmit per pjesemarrjen e tyre. Fatmira Hajdari gjate fjales se saj kujtoi dhe se Azemit i jane gjendur perhere ne krahe shoket e tij. "Drejtohej tek miku i tij, shoku i tij, doktor Sali Berisha, duke i thene çfare do te bejme per te ardhmen? A do ta ndertojme ate keshtu dhe doktori i thoshte: Po Azem, keshtu do te bejme" theksoi Fatmira Hajdari ne fjalen e saj. Gjate ceremonise perkujtimore fjalen e mori dhe kryetari i Partise Demokratike, Sali Berisha, i cili shprehu edhe nje here rendesine qe Azemi kishte per demokracine si nje element i cili kerkonte gjithnje me te miren. Ai u shpreh se Partia Demokratike dhe te gjithe te dashurit do ta kujtojne gjithmone deshmorin e lirise. Berisha gjithashtu denoncoi edhe nje here vrasesit e Azem Hajdarit te cilet sipas tij jane ende ne pushtet. "Ata qe vrane simbolin e lirise vendosen qe per interesat e tyre te verbeta, krejtesisht krimininale, i shpallin serish beteje lirise se shqiptareve", tha Berisha. Gjithashtu ai akuzoi edhe nje here qeverine per mosrealizimin e zgjedhjeve te lira duke i ndaluar popullit shqiptar voten e lire. "Ata sot i kane shnderruar shqiptaret ne kombin e vetem ne Ballkan qe nuk voton i lire", theksoi Berisha. Pas perfundimit te homazheve para perkujtimores, krere te larte te opozites kane zhvilluar vizita ne shtepine e Azem Hajdarit. Pas vrasjes se deputetit demokrat drejtesia shqiptare zhvilloi nje proces gjyqesor kunder te akuzuarve per vrasje. Por edhe pas mbarimit, asnjehere Partia Demokratike nuk e ka quajtur te drejte kete proces. Sipas saj vrasesit e vertete te Azem Hajdarit jane Fatos Nano e klanet e tij te cilet sipas PD-se jane edhe sot ne pushtet. Gjate procesit nuk u nxor nje motiv i sakte per vrasjen e deputetit demokrat nderkohe qe nga selia blu kembengulet se vrasja ishte teresisht per arsye politike te klaneve te caktuara. Per vrasjen e Azem Hajdarit drejtesia shqiptare denoi Jaho Mulosmanin, Izet Haxhine (i denuar ne mungese), Ismet Haxhine. Ndersa si vrases ekzekutor drejtesia nxori Fatmir Haklajn, i cili u vra nga nje atentat para shtepise se tij.

Marre nga Koha Jone.

[Brari]

Lavdi Azem Hajdarit !

[Albo]

"Une Muldaka, rrefej vrasjen e Azemit"

E Shtune, 04 Dhjetor 2004

"Korrieri" boton te plote, deshmine e 29 tetorit 2001, dhene me ane te videokonferences, nga Astrit Muldaka. I konsideruar i penduar per shkak te bashkepunim me drejtesine, miku i Haklajve, flet me detaje per provat sipas tij, se ku ishin 8 te akuzuarit e vrasjes se bujshme te deputetit demokrat, Azem Hajdari. Rrefimi i Muldakes, u be nga nje burg ne Itali ku vuante denimin per grabitje. Nje deshmi, e hedhur poshte nga gjykata, si "jo e besueshme dhe kontradiktore"

TIRANE - Pasi u mbyllen kamerat e videokonferences ose procesit me te jashtezakonshem gjyqesor te zhvilluar ndonjehere ne gjykatat shqiptare prokuroret e grupit "Hajdari" te qete rane dakord qe te vazhdohej me provat e akuzes. Nga deshmitari Astrit Muldaka u vol pothuajse e gjithe ajo qe ishte parashikuar duke vulosur te gjithe akuzat e prokuroreve. Njeriu i percaktuar si deshmitari me i rendesishem i akuzes ne fillim te séances, konfuz dhe i veshtire ne finish te saj ka arritur te beje panoramen e plote te ngjarjes dhe te fundose perfundimisht te pese te pandehurit e dosjes "Hajdari 1". Nje ngjarje qe ka filluar me nje takim te tij me te pandehurin Jaho Salihi ne bar "Barcelona" prane Akademise se Arteve.

Levizjet me Jaho Salihit

Sipas Astrit Muldakes takimi me Salihin ka qene i rastesishem. Ndersa Muldaka ka qene ne nje lokal, Salihi ka kaluar aty dhe dhe pasi e ka pare jane takuar dhe jane futur ne nje lokal tjeter per nje kafe. Ne keto momente Salihi i ka kerkuar Muldakes, qe t’i siguronte nje makine per pasdite duke e justifikuar per nje ceshtje private. Takimi i dyte i tyre behet ne lokalin "Tarzan 1" prane Drejtorise se policise se Tiranes. Aty Jaho vjen me nje makine tip fuoristrade"Mitsubishi qe drejtohej nga Shefi i Komisariatit te Tropojes, Fatmir Meta. I cili e le Jahon ne lokal dhe largohet ne drejtim te qendres se Tiranes. Muldaka i thote Jahos se "ajo puna e makines per pasdite eshte bere" dhe e prezanton me te zotin e saj qe ishte edhe pronar i lokalit Ferdinant Lamajn.

Pasi pine kafe, meqenese Muldaka nuk e kishte makinen e tij tip "Chrysler", nisen ne drejtim te Laprakes me nje makine Benz ngjyre vishnje te Agron Demes ( nje mik i Muldakes). Ne Laprake, Jaho blen nje feneline policie. Rreth oreve te drekes perseri Jaho, Muldaka dhe Fatmir Meta jane ne lokalin "Tarzan 1", duke pire kafe. Kur dalin, Muldaka arrin te shohe Fatmir Meten duke i dhene celularin personal Jaho Salihit.

Njerezit tek Liqeni Artificial

Pasdite Muldaka dhe Jaho Salihi jane ngjitur ne kodrat e Liqenit Artificial. Aty prane tek Cezma e Gurte, Muldaka ka pare disa makina civile si dhe furgon policie IVECO, qe ajo prdor rendom. Nderkohe nga njerezit e pranishem ai thote se ka pare Fatmir Haklajn (me te cilin ka biseduar), Halil Haklajn, Izet, Ismet dhe Isamedin Haxhine si dhe Naim Cangun. Te gjithe te armatosur me automatike kallashnikov dhe arme te tjera, disa prej njerezve te pranishem, sipas Muldakes, ishin veshur me uniforma ushtarake kamuflazhi, ndersa te tjeret civile. Gjithashtu Muldaka ka vene re ne grumbullimin e makinave edhe makinen fuoristrade te Fatmir Metes.

Pergatitjet

Ne te errur Muldaka dhe Salihi kane marre makinen e Ferdinant Lamajt dhe e kane derguar tek kodrat e liqenit artificial duke ngare kesaj radhe nje makine Audi te nje kushuriri te tij. Rreth ores 20.00 te darkes te gjitha makinat kane levizuar ne autokolone drejt qendres se qytetit. Para Pallatitit te Kultures Jaho Salihi ka dale nga makina qe ngiste Muldaka dhe ka kaluar ne Benzin e zi te Ferdinant Lamajt, ne te cilin ndodheshin Fatmir Haklaj dhe Naim Cangu. Kjo ka ndodhur, sipas Muldakes vetem nje gjysem ore para ngjarjes.

Skena e vrasjes

Nepermjet Ekranit Muldaka ka pershkruar edhe skenen e ngjarjes. Sipas deshmise ai ka qene ne afersi kur ka pare makinen, ne te cilen ishin Fatmir Haklaj, Jaho Salihi dhe Naim Cangu te vendosur prane vendit ku me vone u vra Azem Hajdari. Gjithashtu ai ka pare edhe Isamedin Haxhine ne njeren nga makinat Iveco te vendosur prane monumentit "Partizani i Panjohur". Nderkohe qe ne tjetren te vendosur prane Bar Kalase, ka qene Halil Haklaj. Gjithashtu Muldaka tregon edhe momentin pas atentatit kur makina Benz e Lamajt me ne bord Haklajn, Salihin dhe Cangun ka ikur ne drejtim te Hotel "Drini", nderkohe qe ne shesh gjendeshin tre kufoma.

Pas atentatit

Pas atentatit Muldaka ka shkuar tek lokal "Tarzan 1". Aty ai ka patur nje telefon me Jaho Salihin dhe gjithe biseda i ishte kushtuar kthimit te makines Lamajt. Vete Jaho ka siguruar se makina do te kthehej qofte edhe ne vlefte lekesh. Kjo eshte ne menyre te permbledhur deshmia e Muldakes nepermjet monitoreve te vendosur ne salle. Nje deshmi gjate te ciles ai u perpoq te nxirrte veten pa lagur. Por nje deshmi, qe te pakten per pese te akuzuarit e tjere, prokuroret pothuajse e arriten te plote qellimin e tyre.

[shkodrane82]

Sot eshte 7 vjetori i vrasjes se Azem Hajdarit. Ish- deputet i Pd dhe lideri i levizjes
se Dhjetorit 90. Prane selise se PD u zhvillua nje ceremoni memoriale nga familjare,miq, simpatizante dhe kolege te Azem Hajdarit. Berisha u shpreh se fitorja e 3 Korrikut ishte nje detyrim i opozites shqiptare ndaj kujtimit te
Azem Hajdarit.
Ndersa Fatmira Hajdari kerkoj qe te ri-hapej dosja e Azemit per te rishikuar dhe nje here..dhe per te gjetur ato qe urdheruan kete vrasje.

Me kujtohet shume mire ajo mbasdite e 12 Shtatorit, kur na treguan per
vrasjen e tij nje familje e tere u pikelluam.
Me kujtohet shqetesimi dhe hidherimi i babit tim..qe humbi nje shok, nje mik
duke marre rrugen trishtueshem per ne varrimin
e tij. Me kujtohet akoma fetyra e tij pasi pata rastin e mire ta shof,dhe ti flas
nga afer.
I perjeteshem qofti kujtimi i tij....!