21 Qershor: Shen Luigj Gonzaga

[NoName]

21 Qershor: Shen Luigj Gonzaga





Bir i dukës së Mantovës don Ferrante Gonzaga e konteshës Marta Tana di Santena, lindi më 19 mars të vitit 1568. Që nga fëmijëra babai e edukoi në fushën e përdorimit të armëve mirëpo Luigji në moshën 10 vjeçare vendosi që rruga e jetës së tij do të ishte ajo që përshkon përvujtërinë, thjeshtësinë, pastërtinë morale e shërbimin ndaj të afërmit, posaçërisht ndaj të sëmurëve, rrugë do ta çonte tek Zoti.

Luigji djal i dukës, hoqi dorë nga titulli i markezit në favor të të vëllaut, Rudolfit dhe më 5 nëntor të vitit 1585 hyri në noviciat ndër Etërit Jezuitë, në Romë. Kur në vitin 1590 shpërtheu epidemia e kolerës në Romë, ai u vu në shërbim të të sëmurëve në spitalin e Shën Sikstit. Një ditë, ndërsa shkonte në spital, në rrugë të madhe pa një të sëmurë që po jepte shpirt. E ngarkoi mbi shpinë dhe e çoi në duar të mjekëve. Iu ngjit, kështu sëmundja e cila do ta çonte në vdekje. Ndërroi jetë në moshën 23 vjeçare më 21 qershor të vitit 1591 në Romë.

Në vitin 1726, papa Benedikti XIII e shpalli shenjtë. Trupi i tij gjendet në kishën e Shën Injacit në Romë, ndërsa koka e tij ruhet në bazilikën kushtuar atij, në Castiljone të Stivieres, në vendlindjen e tij. Shën Luigji Gonzaga mbetët model i të riut katolik, e prandaj edhe u shpall Pajtori qiellor i rinisë katolike.

Shembulli i Shenjtit Shën Luigj Gonzagës na ndihmoftë ta vlerësojmë virtytin e pastërtisë ungjillore, t’i përballojmë vuajtjet duke gjetur ngushëllim në Krishtin e kryqëzuar e na priftë drejt një dashurie gjithnjë më të thellë për Zotin.