Lutjet themelore ne GEGNISHT

[NoName]

LUTJET THEMELORE


† Shêji i Shêjtes Krygjë

N' Êmen t'Atit e të Birit e të Shpirtit Shêjt. Ashtû kjoftë!

ATI YNË

Ati ynë, që jé në qiellë, shêjtnue kjoftë êmni i yt. Ardhtë mretnia e jote. U bâftë vullnesa e jote, si në qiellë, ashtû në dhé. Buken t'onë të përditshme epna né sot. E ndienai né fajet e mkatet t'ona, si i ndiejm na fajtorët t'onë. E mos na lên me ra në të keq: por largona prej gjith së keq. Ashtû kjoftë!

Të falemi Marí

Të falemi, Marí, hirplote, Zoti me tý, e bekume jé mbi të gjitha grátë, e i bekuem fruti i barkut tanë Jezus.
Shêjtja Mari, Nana e Tenzot, lutu për né mkatnortë, tash e në fill të mortes s'onë. Ashtû kjoftë!

Kjoftë lumní Atit

Kjoftë lumní Atit, e Birit, e Shpirtit Shêjt. - Si ká kênë n'e parë, e tash, e përgjithmonë e jetës. Ashtû kjoftë!

Puna e pendimit

O Zoti êm, po më vjen keq me gjthë zemër për të gjitha mkatet që kamë bâ, jo vetëm pse me to kamë bjerrë parrizin e kamë meritue ferrin, po ma fort pse të kamë fye ty, o e Mira e pa marueme, që kaqë fort më ke dashtë. Mëshirë o Zot, më fal, o Zot! O Zot po të nap fjalën, se me nimen tane, skam me të fye mâ kurr. Ashtû kjoftë!

Të falemi Mretnesha

Të falemi, Mretnesha, Nana e mshirës, jeta, ambëlcimi e shpresa e jonë, të falemi! Tý të thërrasim na të shkretët, të bijtë e Evës; tuj fshâ, tuj gjimue e tuj kjá në kët shekull plot me lot! Deh, prá, pajtorja jonë, ata sŷ të mshirshmit t'ú silli prej nesh. E Jezus, të bekuemin frutin e barkut tan, né mas ksaj shkretije na e kallxo. O e dhimshmja, o e buta, o e âmla Virgjina Mari. Ashtû kjoftë!


Besojma

Besoj në Tenzonë, Atin e gjthpushtetshëm, krijuesin e qiellës e të dheut. E në Jezu Krishtin, Birin e tij nji të vetmin, Zotin tonë. I cili u zu për vyrtyt të Shpirtit të Shêjtë. Leu prej Virgjinës Mari. Psoi munimet nan Poncin Pilat, kje vû në kryq, vdiq e u vorrue. Zdrypi në ferr; të tretën ditë u ngjallë së vdekuni. Hypi në qiellë, rri në anë të djathtë të Tenzot, Atit të gjithpushtetshëm. Andej ká me ardhë me gjykue të gjallë e të dekun. Besoj në Shpirtin Shêjt. Shêjtën Kishë katolike. Shoqninë e shêjtënve. Të ndiemtë e mkateve. Të ngjallunit e trupit. Jetën e pasosme. Ashtû kjoftë!


Themelet e shÊjtes fÉ

1. Njinia e Trinia e Tenzot. 2. Të mishnuemit, të munduemit, vdekja e të ngjallunit e Shëlbuesit t'onë.
Njinia don me thanë se âshtë ni Zotë i vetëm.
Trinia don me thanë se në Tenzonë janë tri Vehtje hyjnore, që ju thonë: Ati, Biri e Shpirti i Shêjt.
Të mishnuemit, të munduemit, vdekja e të ngjallunit e Shëlbuesit tonë, donë me thanë se e dyta Vehtje e të Shêjtnueshmes Triní, që âsht Biri, u bâ njeri, u mundue e vdiq në kryq për né dhe u ngjall së vdekuni.


Êngjëlli i Tenzot

Êngjëlli i Tenzot iu fal Zojës Mari. - e u zu për virtyt të Shpirtit Shêjt. Të falemi Mari …
Qe shërbtorja e Tenzot; - u bâftë mbi mue si âshtë fjala jote. Të falemi Mari …
Fjala e Tenzot u bâ njei; - e ndej nder né. Të falemi Mari…
U. Lutu për né o shêjtja Nana e Tenzot!
B. Të bahemi të dêjë për premtimet e Jezu Krishtit.


Të lutemi

Hirin tan, po të lutemi, o Zot, menjes sonë ndikoja, që, sikurse prej Êngjëllit lajmues njoftem të mishnumit e Birit tan Jezu Krishtit, nëpër munime e kryqë të tij, t'ia mrrijmë lumnisë së të ngjallunit. Për të njajtin Krisht, Zotin tonë. Ashtû kjoftë!

Kjoftë lumni Atit e Birit e Shpirtit Shêjt. Si ka kenë n'e parë, tash e përgjithmonë e jetës. Ashtû kjoftë! (3x).

Êngjëlli i Zotit, që jé rojsi êm. Masi Zoti ynë, prej mëshirës së vet, më ka lan nan rojën tane. Ti sod, më shnrit, më majë, më ruj e më suno. Ashtû kjoftë!

U. Epjau o Zot pushimin e pa sosun.
B. E i shnritë drita e pa marume.
U. Pushofshin në paqë. Ashtû kjoftë!

Un prej Zotit jam i kshtênë

Un prej Zotit jam i kshtênë
E gjithmonë kështu due me kenë;
Qysh n'atë ditë që më kanë pagzue,
Në ket fé shéjte jam i shkrue
E në ket fé un due me rrnue:
Kamë me dekë e s'kamë me lshue,
Pse e di mirë se s'ka shelbim
Per ata që s'kanë besim.
Féja e Krishtit né na mson
Se ni Zot vetëm në qiell sundon;
E ky Zot s'ka pas fillim,
As s'ka kurr për të pas marim.
Aj i Lumi më ka krijue
Për me dashtë e me nigjue;
E në kjoft se si kamë nigjue, oh! medet,
Përgjithmonë vedin në ferr e kam çue.
Por në kjoftë se vullnesës së Tijë i jamë shtrue, oh!
Lum për mue, për amshim në Parriz me
Zotin kam me gzue!
Veç nji Zot, tjetër s'ka,
Por prej fes dijmë ene mâ:
Se në kët Zot, janë sak, tre Vetë
Me' i natyrë e me'i pushtet,
Me nji të kenun, me ni Hyjni,
E ju thonë Shêjtja Triní:
Ati, Biri Shpirti Shêjt.
Veta e dytë qi e dijmë se âsht i Biri,
Per né desht me u bâ njeri:

E u bâ njeri me na pshtue
Prej robnis së djallit të mallkue;
Pse në dorë të tij na kjemë shtí
Prej Adamit me'i mkat të zí.
Biri i Zotit, njeri u bâ,
Jezu Krisht êmnin e ka.
Aj na leu prej Zojës së Bekueme
Me nji mënyrë gjith të mrekullueme.
Tridhetë vjet kur muer me i kapë,
Fenë e vet ka dal m'e hapë;
Ndej tri vjet tue predikue
Fen qi Zoti vetë ka que;
E forcoj me mrekulli
Qi shum bâni per dishmi.
Tek e mramja për mkatnorë
Ja lëshoj vedin Çfutve në dorë,
Qi e rrahën e e munduen,
Kryet me ferra ja rrethuen;
Masanej me i dhanë munim,
E kryqzuen me t'madh poshtnim.
Por prej deke Krishti u ngjallë
Edhe e mujti anmikun djallë;
E në qiellë hypi gjith lumnue
Vjen nji ditë me na gjykue
Kush t'a majë kët fé t'vërtetë
E me vepra t'a nerojë,
Aj shelbimin ka me gjetë
E Tenzonë gjithmonë do të gëzojë.
Ashtû kjoftë!

[NoName]

TE DEUM


Ty Zotin të levdojm,* Ty të madhnojm, o Zot.
Ty, Atë i amshuem,* mbarë bota të nderon.
Ty të gjithë Engjujt,* Ty Qiella e të gjitha Pushtetet:
Ty Kerubinat e Serafinat* të këndojnë pa pushim:
Shejt,* Shejt,* Shejt* asht Zotnia Zoti i ushtrive.
Qiella e toka janë mbushë* me madhninë e lumnisë sate.
Ty t’levdon vallja e lumnueshme e Apostujve.
Ty çeta e levdueshme* e Profetve.
Ty t’levdon urdia e kandritun e Martirve.
Ty t’dishmon Kisha shejte në tanë boten:
Atin* me madhni të pamasë;
Nji të vetmin Birin tand të vertetë e të nderueshëm,
Si edhe Shpirtin Shejtë ngushlluesin.
Ti je, o Krisht,* Mbreti i lumnisë.
Ti je Biri i amshuem* i Atit.
Ti, per me krye librimin e njerzve,* nuk e perbuze krahnorin e nji Vashe;
Ti, mbasi e ndrydhe fuqinë e dekës,* u çile besimtarve Mbretninë e Qiellve.
Ti rrin ne e djathten e Zotit, në lumninë e Atit.
Prej kah besojmë se ka me ardhë porsi gjyqtar.
Ty pra po të lutemi: Eja në ndihmë të shërbtorve tú, qi
Ti i shpërbleve me Gjakun Tand të paçmueshem.
Ban qi të kemi pjesë me Shejten tú* në lumninë e amshueshme.
Pështoje, o Zot, popullin tand e bekoje trashigimin tand.
E drejtoi këta e naltoi deri n’amshim.
Na të bekojmë Ty* ditëperditë.
E e levdojm per jetë eminin tand, e per shekuj të shekujve.
Denjou, o Zot, me na ruejtë sot pa asni mëkat.
Të keshë dhimbë për ne, o Zot: të keshë dhimbë për ne.
U reshtë, o Zot, mishrira jote permbi ne, njashtu si kemi shpresue në Ty.
Në Ty, o Zot, kam shpresue: *nuk do të mes kurrë i topitun.

T’a bekojm Atin e Birin bashkë me Shpirtin Shejt.
T’a levdojm e t’a naltojm Ate perherë e ma teper.


Të lutemi
O Zot, mishrira e të cilit nuk ka kufi, e i pa masë asht visari i mirsisë sate, na po i falemi nderës madhnisë sate krejt të dhimbshme per dhanti, qi na ke falë, tue iu lutë përherë butsisë sate, qi, mbasi Ti jau jep të mirat atyne, qi t’i kërkojn, mos i lësho këta dore, por t’i drejtojsh per shperblimin e amshuem: Neper meritime të Krishtit, Zotit tonë. Ashtu kjoftë.

[NoName]

Kur u ula me ra


Kur u ula me ra
Erdhi Zoja mem pa
me Unjill ne dore,
me Shejtin e Shen Koll,
me Shejtin e Shna Ndu,
kur u lute per mu,
kur erdhe mem pa,
prej tejet mas kjosha nda,
e me rrefeve e me kungove
shpirtin tem ti ma Shelbove.