Ilva TARE shkruan:

[Brari]

nga gazeta tirana observer

Sipas meje

Amat(u)rizëm





Ilva TARE

Në pallatin ku unë banoj strehohen mjaft të huaj që kanë zgjedhur të punojnë në Shqipëri. Por vetëm kaq. Pushimet as që mëdyshen t'i shpenzojnë në natyrën tonë. Dhe jo se nuk u pëlqen bregdeti shqiptar, asesi. Është amatorizmi i turizmit vendas që i bën të ikin me të katërta gjatë stinës së verës. I dëgjoja në ashensor të skandalizuar një ditë pasi kishin mësuar se në mes të muajit maj, do të zinte fill aksioni i Policisë Ndërtimore për prishjen e qindra ndërtimeve rrëzë detit. Sikur të mos mjaftonte që thithim nga pahiri ajrin tri herë më të ndotur se normat evropiane, tani na detyrojnë të pushojmë mbi dhe me gërmadhat e të paligjshmeve, - përpiqej t'i jepte të drejtë një gjiton shqiptar. Po sa kushtojnë pushimet në Itali, Greqi, Spanjë, ishuj, - interesohej bashkëkombasi? Nuk është çmimi që e bën diferencën u përgjigj i huaji, por kultura e shërbimit, jeta e natës, pastërtia, gjelbërimi dhe infrastruktura e të ofruarit gjithçka të pjell imagjinata dhe ta lejon xhepi. Shkurt, profesionalizmi i aktorëve turistikë, që me këtë industri mbajnë frymën pa menduar të rrjepin klientët. Kush mendon se turizëmbërësit shqiptarë kanë këtë filozofi gënjen veten. Në Durrës, vitet e fundit u tallën me kosovarët sa vetëm kur zbuluan Jonin, morën arratinë për t'u ngopur me detin dhe ajrin. Edhe në Dhërmi e fshatrat rreth e rreth ushqimi ishte i tmerrshëm për nga shija dhe çmimi.
Më shumë i vriste mënyra se si kamarieri që nuk ishte më shumë se pesëmbëdhjetë vjeç fliste me ton urdhërues. Dhe, e ftonte klientin ose ta konsumonte porosinë që e kishte sjellë të gabuar, ose të linte tavolinën se po prisnin të uritur të tjerë.
Gjithmonë kam menduar se e kanë kokën të mbushur me konspiracion ata që thonë se dhërmiqotët e lënë qëllimisht shërbimin amator të nxitur nga grekët për të dëmtuar turizmin. Natyrshëm bregdeti shqiptar nuk është vetëm një konkurrent natyror. Mund të jetë rrezik për thithjen masive të turistëve të huaj, nëse pak kilometra në dalje të Dhërmiut nuk do të vinte era e rëndë e mbeturinave dhe përpos të kaltrës do të dominonte edukata e të bërit shëndetshëm qejf. Por, nuk është. Druaj se nuk do të bëhet deri kur të rriten breza të rinj që me turizëm kuptojnë një industri shërbimi dhe përulësie ndaj atij që paguan, i cilitdo kombësi qoftë. Ka edhe një pengesë tjetër që e penalizon zhvillimin e turizmit, rrugët. Gropat në kilometrat nacionale janë turpi ynë, i përbashkët. Përshkimi për më shumë se gjashtë orë i rrugës deri në Sarandë, konkurrohet nga destacionet po aq të bukura, por me infrastrukturë të rregullt nga shteti më i ri në Ballkan. Vetëm 3 orë të ndajnë nga i sapopavaruri Mali i Zi. Nëse zyrtarët tanë e kanë seriozisht se duan ta përmirësojnë turizmin, le ta shtrijnë shikimin vetëm pak kilometra larg kufijve, ku dikur Tito dhe Hoxha jepnin leksione diktature. I pari, duke ndërtuar rrugë dhe hotele me kredi të majme bankare, ndërsa i dyti, duke betonuar bregdetin me bunkerë. Tito, ftonte Sofia Loren në kështjellën e Shën Stefanit për t'i bërë reklamë bukurisë së vendit të tij. Ndërsa, Hoxha u tregonte dhëmbet imperialistëve me fuqinë e bunkerëve që vetëm ua shtonin humorin të huajve. Kjo ndodhte dekada më parë. Pabesueshmërisht, filozofia nuk ka ndryshuar shumë. Në vend të betonimit kemi zgjedhur të ndërtojmë ngrehina në formë motelesh që ekzaktësisht me afrimin e verës, ndërtimoret kujtohen t'i kafshojnë me rruspa. Sa vështirë është bërë të dallosh armikun e vërtetë amat(u)rizmit!

[Dj-GabrieL]

Qe do te thot ?!

[MaDaBeR]

Qe do te thot ?!

se ky shteti yne duhet te punoje mire e mire qe kur te ikim ne plazh te lahemi ne uje te paster e te thithim ajer te paster. Te kemi sherbime sa me te mira, rruge qe mos na lodhin akoma pa shkuar per te pushuar e keshtu te zgjidhen shume e shume probleme te tjera qe te mburremi edhe neve me ate qe e kemi per qe nuk dime ta shfrytezojme.

[Iliriani]

E ne shqiperi vetem llafe behen.

E pjese e saj eshte dhe Ilva Tare.

Ajo eshte gazetare e ka fuqine qe ti bej te ditura e nxis zgjidhje, sesa te bej kronika politikanesh qe pine kafe me koleget ballkanik ne karrike duke ''diskutuar'' per projektet e medha....[pa dashur paskam bere dhe une pune ministri dje me kete llogjike ].

Jo vetem nuk punohet ne shqiperi, po eshte krijuar nje sistem rrethor llafesh, e media eshte pjese e nje nga nxiteset e saj e perfitusit e saj. [kjo media qe eshte sot]

Dhe ironia, Ilva...ri ne pallat me te huaj...degjoj te huajt...akoma keto komplekse inferioriteti?!....a kane nje vlere qytetaret e atij vendi...qe edhe kur diskutojme per konditat elementare te jeteses....do marim te huajt si justifikim...se qytetaret e atij vendi si meritojne.....e se nuk can koken njeri se ku ai qytetari shqiptar do eci, ku do mbush uje a do kete drita....prandaj nuk ka mundesi dhe per te huajt.

Vendet me turizem rruget ujin dritat i kane bere nje here per qytetaret e tyre, dhe i huaji mund te vij si mik pastaj.

Me kujtohej para disa vjetesh nje kryetar i bashkise se Vlores ''ankohej'' ne nje interviste, ''nuk kemi drita dhe uje per mysafiret ,se qytetaret e vlores e shtyjne se jane mesuar''??!!

E te vizitosh ate vend qe nuk ka pik respekti qe qytetaret e tij??!!

Cdo gje tjeter eshte hipokrizi e llafe.

[Eagle]

ky posti i Iliriani-t ia vlen te lexohet.

meqe jemi tek media e sotme shqiptare, pallavrat e saj s'kane fund. mungese totale e etikes profesionale, infektim i frikshem nga mediat me te dobeta perendimore qe merren me " vipa-rripa, e lagu s'e lagu". po te ndjekesh debate televizive me dy tre gazetare, politikane apo te tjere, le qe s'merr vesh gje per se jane mbledhur, pra i mbledhin aty ne studio dhe pastaj s'mbajne dot radhen e te folurit, por nisin e flasin te gjithe njeheresh, kush e kush te tregoje qe di me shume, dhe ajo qe sapo nxorri nga goja eshte vula e muhabetit.
gazetare shume te dobet, inkompetente. s'e kane marre vesh se koha e femjinise mediatike kaloi, rrojne akoma me idete e 92-it. irrituese...

keto qe them, nuk i them meqe qenkam "shqiptar amerike" jo, por se mbeten duke u krahasuar me veten e tyre ne te shkuaren. sot krahasimi eshte sinkronik. pike.

[Teddy]

iu kujtoj shkruesve te meparshem qe eshte e thjeshte te shkruash duke qene km larg shqiperise e realitetit te saj. e besomeni qe realietetin shqiptar nuk e njeh duke lexuar gazetat apo forumet shqiptare neper internet, duhett ta jetosh ne brendesi, per te kuptuar nga afer e atehre ndoshta vtem per nje cast do te mendoni qe problemet qe ngrin media nuk jane edhe aq te gabuara aq te pabaza, e aq te trilluara. e ju lutem mos jini kategorike edhe ne tema ku njohurite tuaja nuk jane edhe aq te zgjeruara sa perballojne nje diskutim me konkluzione te padiskutueshme
me respekt
teddy

[ATMAN]

duke qene se sapo u ktheva nga shqiperia ku dhe bera disa dite plazh ,po ju tregoj se pervec cilesise se dobet ne sherbime ,ka edhe nje turp tjeter me te madh dhe ky turp jane cmimet e kripura

konkretisht:

(paketat ne grup)

budva (mali i zi)

1 nate fjetje ne hotel me tre yje kushton 15 euro

oher(maqedoni)

1 nate fjetje ne hotel me tre yje kushton 15 euro

dubrovnik(kroaci)

1 nate fjetje ne hotel me tre yje kushton 30 euro

antalia(turqi)

1 nate fjetje ne hotel me tre yje kushton 25 euro


le te shohim me poshte cmimet ne shqiperi:

(paketat ne grup)

durres(albanistan)

1 nate fjetje ne hotel me tre yje kushton 20 euro

vlore

1 nate fjetje ne hotel me tre yje kushton 25 euro

sarande

1 nate fjetje ne hotel me tre yje kushton 30 euro

shengjin

1 nate fjetje ne hotel me tre yje kushton 20 euro

pra mesatarja ne shqiperi eshte me e larte se fqinjet

[ATMAN]

Mjafton të dëgjoje përballjen e Ministrit Bujar Leskaj me ish-zëvendësministrin Lame, që të kuptoje se në këtë vend turizmi bëhet prej Nënë-Natyrës dhe jo prej politikave të turizmit...

Kuaroni, misionari Italian në Shqipëri pranë ish-Mbretërisë e kishte shumë për zemër një thënie që ua tregonte të gjithëve kur flitej për Shqipërinë: Zoti, pasi kishte bredhur Botën dhe ishte zemëruar se çdo gjë kishte ndryshuar, gjeti më në fund prehjen kur pa Shqipërinë. Nuk punohej dhe vendasit e kishin lënë natyrën ashtu si ishte në Kopshtin e Edenit... U qetua Zoti dhe tha: “Po ky është vendi i mirë”. Nuk është e vështirë, që në ditët tona të kuptosh kontekstin e kësaj fjalie, që kujtojmë se në atë kohë ishte në vazhdën e parë të përgatitjes për pushtimin e Shqipërisë...Me pak fjalë, vendi ynë kishte mbetur si qëmoti....



Të huajt
Por kohët kanë ndryshuar dhe bashkë me të edhe Shqipëria. Nuk ka të ngjarë, që Zoti të jetë përsëri i kënaqur nga shqiptarët, që duhet thënë nuk i kanë lënë gjë pa bërë natyrës së tyre. Në kohë të reja, akoma më shumë duket se kjo shprehje po ridimensionohet dhe për fatin tonë...në kahun pozitiv. Ngaqë Ëebsitet e huaja po e lançojnë Shqipërinë si një vend gjithmonë e më të përshtatshëm për turizmin, pikërisht prej virgjërisë së saj të natyrës. Jo më kot, Ministri Leskaj në Forumin e Krans Montanës e shpallte me krenari këtë kah pozitiv të Shqipërisë. Referuar një studimi të Këshillit Botëror të Udhëtimeve dhe Turizimit (ËTTC), Shqipëria përfshihet mes 10 vendeve, ku destinacionet turistike të së ardhmes do të njohin përparimin më të dukshëm. Me ritme gati të njëjta, foshnja-shtet i Malit të Zi, por me një ecuri edhe më të shpejtë se Shqipëria...ka vite që e shikon turizmin- si një nga prioritetet e para për zhvillimin e saj ekonomik dhe krijimin e vendeve të reja të punës...Një rritje e parashikuar prej 7% nga ËTTC do ta dërgojë Shqipërinë në të ardhmen në vende shumë më përpara në turizmin ndërkombëtare dhe mendohet se nga 0.26 përqind të mbërritjeve të turistëve në Mesdhe, shifra do të kapë shifrën lakmuese të 5 përqindve në të ardhmen. Duhet të llogaritet se ky vlerësim bëhet në një areal, ku janë Gjigandët e Turizmit të tillë si Greqia, Italia, Spanja, Franca, Egjipti, Turqia, Kroacia...Mali i Zi, atëhere duhet që të jemi më shumë se të mrekulluar...



Shqiptarët
Po shqiptarët, çfarë duhet të bëjmë më shumë? Një pyetje, që mbetet retorike, sepse vetë Zoti, me sa duket i kushton kujdesin e tij turizmit tonë. Fytyra më e mirë institucionale për mbështetjen e fushatës së turizmit shqiptar, do të kuptohej më mirë po të ndiqje përballjen në Emisionin “Opinion”, të disa njerëzve, që kanë ose kanë pasur lidhje me turizmin shqiptar. Ministri (si Gabim në këtë fushë) Leskaj, këshilltari Aliaj i Berishës, Demeti dhe Artan Lame, ish-zëvendësministër janë ngrënë në mënyrën më ordinere për të treguar se Shqipëria është fatkeqe me njerëzit, të cilët i vendos në krye të politikave të saj për turizmin. Ofendimet e ndërsjellta, shifrat boshe, publiciteti i mbushur me meritat e Z.Leskaj, kanë treguar se çfarë është në gjendje të pjellë shteti kaotik shqiptar për turizmin. Sikur të flitej për një vend të huaj dhe jo për vendin tonë, zyrtarët vetëm e vetëm kanë ofenduar duke i bënë anti-reklamën më të madhe përpjekjeve të shqiptarëve për turizëm...dhe shpresave të tyre për ndryshim. Fatmirësisht shifrat kanë llogjikë tjetër, krahasuar me llogjikën e pushtetarëve shqiptarë dhe turizmi, çuditërisht, me gjuhën e shifrave ngrihet dhe ngrihet pa rreshtur...


Ndaj, në këtë kohë ia vlen të kujtojmë edhe njëherë se Zoti duhet të mbetet i kënaqur edhe sot për Shqipërinë, që ka mbetur e virgjër në kokat e turistëve të huaj. Boshësia që prezantojnë njerëzit pa identitet, e që e bëjnë tash sa vjet punët e turizmit shqiptar, i ka bindur të gjithë se Shqipëria turistike është ajo e virgjëra...ku mungojnë institucioni. Dhe, ajo ku nuk “fut hundët” politika jonë turistike. Ndoshta këtu mbetet edhe arsyeja pse ia vlen të kujtojmë pa shaka... thënien për Zotin, që thoshin dikur për Shqipërinë... të huajt.



ABC nr.38-Ben Andoni

29.05.2006

[ATMAN]

Fieri nuk i gëzohet ardhjes së sezonit të turizmit

Tri komunat, me 20 km bregdet të mrekullueshëm, që nuk çelën kurrë sezon turistik

Edhe pse rrethi i Fierit numëron mbi 20 km vijë bregdetare, asnjëri prej kryetarëve të njësive vendore që i kanë në juridiksion këto bregdete nuk ka patur fatin të shpallë qoftë edhe një herë të vetme çeljen e sezonit turistik në zonën e tuj, sikundër ndodh shpesh me kolegët e tyre të Vlorës, Durrësit, Sarandës apo gjetkë. Në Darëzezë të Fierit, komuna Dërmënas, ekziston një bregdet dhe rërë e mrekullueshme, e cila rrallë mund të gjendet në të gjithë vendin, por kryetari i kësaj komune Esat Bushi asnjëherë në këta gjashtë vjet, që është në krye të kësaj komune, nuk ka publikuar çeljen e sezonit turistik. Fakti është sa i thjeshtë aq banal për mijëra pushues të Fierit: infrastruktura rrugore plotësisht e amortizuar ka larguar përfundimisht pushuesit natyralë të zonës. Këtë vit Esat Bushi thotë se i kanë dështuar të gjithë përpjekjet me qeverinë shqiptarë për të thithur një fond për të shtruar jo më shumë se 10 km rrugë. Pas shumë përpjekjesh, kryekomunari i Dërmënasit ka mundur të sigurojë vetëm meremetimin e rrugës me rërë bituminoze, fond i çelur enkas nga Këshilli i Qarkut Fier. Bushi thotë se asnjëherë nuk ka çelur sezone turistike në zonën e tij.
Edhe bregdeti tjetër, ai i Semanit, këtë vit nuk do të ketë fatin të gëzojë kryetarin e komunës së Semanit me ndonjë shirit apo ndonjë fjalim për fillimin e sezonit të plazhit në këtë bregdet. Kryetari i Komunës së Semanit, Vladimir Semini, thotë se ajo çka mundur të bëjë për këtë bregdet në këtë sezon të ri është vënia në punë e njerëzve në nevojë, të cilët përfitojnë përkrahje sociale në komunë. Dy herë në muaj ata do të pastrojnë të gjithë vijën bregdetare të populluar në këtë zonë nga mbeturinat dhe prurjet e detit. Edhe bregdeti i “tij” nuk ka fatin e mirë të popullohet këtë vit nga fierakët nga mungesa e plotë e investimeve në këtë zonë, ku mungon plotësisht infrastruktura e nëndheshme, uji i pijshëm etj. Në bregdetin e Semanit mungojnë plotësisht lokalet. Aty shikon vetëm dy lokale të improvizuara me kashtë dhe asgjë më shumë. Plazhistët e paktë të Fierit gjithçka e marrin me vete ose mund të blejnë nga ndonjë makinë ambulatore.
Mungesën e çeljes së sezonit turistik në Fier për vitin 2006 e përcjell me keqardhje edhe kryebashkiaku i Fierit, Baftjar Zeqo, i cili nuk kursen dozat e kritikës për qeverinë “Berisha”, e cila po tregon indiferencë totale për investimet në zonat turistike të Fierit duke mos çelur asnjë investim për rrugët që të çojnë drejt tyre. “Është një dëshpërim shumë i madh që nuk flitet për turizmin dhe turistë në Fier dhe për një bregdet prej më shumë se 20 km, i cili nuk po shfrytëzohet apo shfrytëzohet në mënyrë sporadike, gjithmonë për mungesë të rrugës. Kryetari i komunës së Dërmënasit e ka trajtuar problemin e rrugës që lidh Fierin me bregdetin e Hidrovorit, ku ka kushte shumë të mira për plazh. “Gjithçka duket sikur ka rënë në vesh të shurdhët. Jemi në pritje, sidomos në muajin qershor, kur qeveria do të vendosë ndonjë fond apo jo”, - shprehet kryebashkiaku i Fierit, Baftjar Zeqo.
Që prej 15 vitesh, në Fier asnjëherë të zgjedhurit vendorë të zonave të Semanit, Dërmënasit apo Fierit nuk kanë pasur guximin të shpallin nisjen e sezoneve turistike, pasi bregdetet e tyre të mrekullueshme gjithmonë janë harruar nga qeveria, ndonëse natyra i ka falur 20 km bregdet që e kanë zili të gjithë.
Ejxhi Mile


19 Maj 2006

[ATMAN]

Plazhet në veri të Durrësit, jashtë planit turistik


Qyteti i Durrësit shfrytëzon vetëm një pjesë të vogël të plazheve të tij. Mungesa e infrastrukturës rrugore dhe oferta minimale në plazhet që ndodhen në veri të qytetit bregdetar, i kanë lënë jashtë hartës turistike këto zona. Burime zyrtare nga prefektura e qarkut bëjnë të ditur se nga 61.8 kilometra vijë bregdetare që ka në dispozicion Durrësi, shfrytëzon vetëm 5 kilometra plazhe në jug të tij. Ndërsa dhjetëra mijë pushues shfrytëzojnë çdo verë bregdetin pranë qytetit turistik, plazhet që nisin nga Currilat deri në Kepin e Rodonit frekuentohen shumë pak në krahasim me mundësitë natyrore që ofrojnë. Rëra kurative, qetësia dhe uji i pastër joshin mjaft pushues ditorë nga Tirana dhe Durrësi, të cilët, me gjithë distancat prej 30-40 kilometra, që i ndajnë nga këto plazhe, stepen nga vështirësitë e udhëtimit. Sipas të njëjtave burime, ditët e fundit ka përfunduar asfaltimi i një segmenti prej rreth 1.1 kilometra në rrugën Sukth-Manëz, duke lehtësuar sadopak udhëtimin drejt plazhit të Shën Pjetrit dhe Hamallajt, në Veri të Gjiut të Lalzit. Megjithatë, mungesa e investimeve në infrastrukturën rrugore dhe interesimi i pakët i komunave për të shfrytëzuar pasuritë natyrore që ofrojnë këto zona, mbeten një pengesë për zhvillimin e turizmit veror. Planet studimore dhe projektet për ngritjen e disa fshatrave turistikë në zonat bregdetare të grykëderdhjes së Erzenit dhe të Gjiut të Lalzit vazhdojnë të mbeten në letër