Pse Ali Ahmeti ik nga duelet televizive?

[miki_al2001]

jo se se ali ahmedi eshte i perkryer por ama te lavdrosh menduh thacin kriminelin me te madh qe egziston ne maqedoni eshte cmenduri.nuk jam kunder te ndryshohet struktura udheheqese shqiptare ne maqedoni por me ke me kriminele jo or shoke jo.disa qe flasin ketu i kane harruar krimet e thacit me co.ai qe shetiste me makine te blinduar dhe vriste te rinj shqiptare qe nuk i bindeshin ati dhe qe i cenonin interesat ekonomike ndermjet tij dhe georgievskit.

[fjollat]

NJOFTIM
Për mjetet e informimit publik

Ali Ahmeti ishte një nga shokët më të ngushtë dhe bashkëveprimtari më i afërt i të dashurit tonë, udhëheqësit të lëvizjes ilegale në Kosovë dhe vise shqiptare nën ish- Jugosllavi, dëshmorit Afrim Zhitia.

Kërkojmë nga drejtuesit e Partisë Demokratike Shqiptare të Maqedonisë të mos manipulojnë opinionin politik dhe mbarë popullin shqiptar, duke deklaruar se gjoja djalin, vëllain, xhaxhin dhe kunatin tonë të dashur dhe të shtrenjtë, dëshmorin e kombit Afrim Zhitia, na e paskan vrarë shokët e tij dhe jo forca t eshumta ushtarako-policore pushtuese serbe.

Kush deklaron se luftëtarët e lirisë janë vrarë, ose janë tradhëtuar nga figurat e gjalla dhe të ndritura të kombit, siç është ajo e Ali Ahmetit, kontributi i të cilit në luftën për liri, mendon familja jonë, është shumë i madh, konsiderojmë se tentojnë ti vrasin për herë të dytë dëshmorët e kombit, në këtë rast edhe birin tonë, të pavdekshmin, dëshmorin e kombit, Afrim Zhitia.

Me rrespekt!

Më 14.06.06 Për familjen ZHITIA
Fshati Llugë Babai i Dëshmorit
Osman ZHITIA
Nr. i letërnjoftimit
2014630077

FAKTI
15.06.2006

__________________________________________________ ___________

Ja të nderuar vëllezër dhe motra! Megjithëse e pabesueshme për çdo njeri që ka një grimë patriotizmi në vetvete, por e vërtetë! Ali Ahmeti dhe shokët e tij në njërën anë dhe Arbën Xhaferi dhe Menduh Thaçi në anën tjetër, plotësisht të kundërt me patriotët, luftëtarët dhe dëshmorët!

Vazhdoni e hudhni baltë mbi ata pak patriotë, prijës dinjitoz të kombit dhe lëvdëroni mbeturinat e kombit se vërtet do të na prijë e mbara!

[Omari]

GJITHÇKA DIHET – ATENTATORI SHËTITET NË LIRI, NJËRI PREJ ORGANIZATORËVE PUNËSOHET NË MPB, POROSITËSIT RRINË NË PARLAMENT!?



Pjesëtari i UÇK-s,ë i cili e filloi konfliktin më 2001 duke hyrë në Tanushë dhe e shënoi fundin e tij duke dalë deri në Haraçinë, po tenton të gjejë përgjigje për pyetjen: kush dhe pse deshi ta vrasë në tetor të 2001-shit në afërsi të Vitisë.


Lobi nr 173, 24 Qershor 2004

Para saktësisht tri javëve parlamentari i vetëm i PDK-së, Xhezair Shaqiri, në selinë e partisë së tij në Shkup-Veri në pres-konferencë i ofroi opinionit dëshmi të reja për prapavijën e tentimit për vrasjen e tij më 18 tetor të vitit 2001 në afërsi të Vitisë, në Kosovë.

Ish-komandanti i UÇK-së, Hoxha, përfaqësuesve të fuqisë së shtatë ua prezantoi incizimin nga dëshmimi i Demir Jakupit dhe Ekrem Ahmetit nga ana e pjesëtarëve të ish-policisë ushtarake të UÇK-së menjëherë pasi që ata janë kapur për shkak të pjesëmarrjes në atentatin mbi Shaqirin.

Lexojeni me kujdes kronologjinë e parashtruar të ngjarjeve të ndërlidhura me tentimin për vrasje të Xhezair Shaqirit – Hoxha dhe do të shihni se edhe kësaj radhe viktima ofron momente të reja lidhur me atentatin e tij. Hoxha, i cili pas shërimit në spitalin e bazës amerikane Bondstill prej plagëve të shkaktuara me tetë plumbat që kanë përfunduar në trupin e tij, diku në fund të vitit 2001 e deri më sot përsërit rrëfimin e njëjtë.

Në videoincizim Demir Jakupi, njeriu i cili në Kosovë e ka organizuar atentatin, dhe Ekrem Ahmeti, i cili e ka vozitur veturën në të cilën ka qenë atentatori Sahit Ajvazi, pranojnë se tentimi për vrasjen e Hoxhës është kryer me urdhër të Ridvan Nezirit dhe Zylfi Adilit – Qufa, të cilët gjatë atentatit kanë qenë në Maqedoni. Jakupi dhe Ahmeti japin detaje se si Ahmeti dhe Ajvazi me veturën e tyre e kanë ndjekur Hoxhën deri te fshati Banja e Kllokotit, në Viti, se si janë ndalur në hyrje të fshatit duke u bërë gjoja se u është prishur vetura, me qëllim që ta presin Shaqirin. E konfirmojnë verzionin e Xhezair Shaqirit se ai e ka ndalur veturën e tij kur i ka njohur, se i ka pyetur nëse kanë nevojë për ndihmë dhe kur prej tyre ka marrë përgjigje se nuk kanë nevojë për ndihmë, në të ka shtënë Sahit Ajvazi derisa Hoxha ka lëvizur drejt veturës së tij i kthyer me shpinë nga ata. Pas 8 plumbave të shkrepur nga revolja e fuqishme TT, atentatori Sahit Ajvazi dhe vozitësi Ekrem Ahmeti e kanë braktisur vendin e ngjarjes të bindur se Shaqiri është i vdekur. Më pas janë nisur drejt Ferizajt, ku së bashku me Demir Jakupin kanë drekuar në një piceri në afërsi të stacionit të autobusave. Jakupi dhe Ahmeti dëshmojnë se nga vëllai i Ridvan Nezirit, Beqir Sinani paraprakisht kanë marrë 3.000 franka zvicrane, prej të cilave Sahit Ajvazi ka marrë pjesën më të madhe për ta paguar borxhin nga blerja e veturës. Dëshmojnë edhe se kur kanë kuptuar se Hoxha është gjallë në mënyrë ilegale kanë kaluar kufirin dhe janë gjetur në Radushë, në anën maqedonase.

Këtu flasin edhe për ngjarje interesante. Me fjalë të tjera në Radushë janë vendosur në shtëpinë e parlamentarit aktual Rafiz Aliti – Mësuesi, i cili nuk ka fshehur dëshpërimin e tij se dikush ka tentuar ta vrasë Hoxhën, madje edhe ka filluar të qajë dhe pandërprerë i ka pyetur Jakupin, Ahmetin dhe Ajvazin nëse dijnë diçka për atentatin. Këta, nga ana tjetër, kanë zgjedhur të heshtin, ndërsa Mësuesi as që ka ëndërruar se i ka gostitur pikërisht organizatorët dhe ekzekutorët e atentatit mbi Hoxhën!



Çka përmbanë materiali rreptësisht i besueshëm i DSK-së?



Xhezair Shaqiri – Hoxha në pres-konferencën e përmendur gazetarëve të pranishëm u dha në shqyrtim edhe një material të DSK-së në të cilin operativisti i saj, në bazë të prononcimeve të bashkëpunëtorëve të shërbimit, i emëron organizatorët dhe ekzekutorët e atentatit mbi të.

Materiali është ofruar si demant më i mirë i pohimit të zëdhënëses së atëhershme të MPB-së, Miriana Kontevska, të parashtruar më 30 prill të vitit 2004 në të përditshmen VREME se ata nuk kanë të dhëna për përzierjen e Sahit Ajvazit në tentimin për vrasjen e Hoxhës.

Në material si organizatorë dhe ekzekutorë të atentatit mbi Hoxhën janë përmendur Ridvan Neziri, vëllai i tij Beqir Sinani dhe Sait (në dokumentin e DSK-së mungon një “h” në emrin) Ajvazi. Në “Shënimet e punëtorit operativ” në dokumentin e DSK-së thuhet: “Njohuritë e prezantuara nga burimi i konsideroj të sakta, gjegjësisht të prezantuara në mënyrë të besueshme”.

Dokumenti rreptësisht i besueshëm i DSK-së mban datën 11 janar të vitit 2002! Ndërsa Kontevska për VREME shprehet se nuk ka informata se polici i përjashtuar Sahit Ajvazi kërkohet nga UNMIK-u dhe KFOR-i, por përmes Interpolit, me që në Kosovë qysh më 2002 përfundoi procesi kundër ndihmësve të tij Demir Jakupit dhe Ekrem Ahmetit, të cilët në mënyrë të plotëfuqishme janë dënuar me nga 6 vjet burgim dhe tani janë atje janë në vuajtje të dënimit me burg.

Këtyre ditëve do të tregohet se Kontevska ka të drejtë. UNMIK-u dhe KFOR-i nuk kanë shpallur fletarrest ndërkombëtar për Sahit Ajvazin, por dokumenti i përmendur për të cilin nga MPB-ja nuk fituam as konfirmim, as demante se është i besueshëm, dëshmon se fare nuk është e saktë se MPB-ja, ose DSK-a po ashtu nuk e kanë ditur se Ajvazi është njeriu që ka shtënë mbi Shaqirin!

Por, për këtë, nga ana tjetër, zëdhënësi i ri i MPB-së Goran Pavllovski (shiko boksin!) në aspektin juridik na mëson se kjo fare nuk është me rëndësi, me që edhe nëse ekziston fletarrest ndërkombëtar për Ajvazin, Maqedonia nuk do ta dorëzojë në ndonjë vend tjetër shtetasin e saj. Pavllovski na e përmend mundësinë që Hoxha të parashtrojë kallëzim penal kundër njeriut që ka tentuar ta vrasë.





Gjithçka është e qartë, mirëpo…


Edhe pas dëshmive më të reja që lidhur me tentimin për vrasjen e tij në tetor të 2001-shit në afërsi të Vitisë, Kosovë, i ofroi Xhezair Shaqiri – Hoxha, është krejtësisht e qartë se më shumë persona konfirmojnë se Demir Jakupi, me urdhër të Ridvan Nezirit dhe Zylfi Adilit – Qufa, e ka organizuar atentatin mbi Hoxhën. Se Sahit Ajvazi, i shoqëruar nga vozitësi Ekrem Ahmeti e ka pritur Hoxhën dhe në të pas shpine ka shtënë me 8 plumba nga revolja e tij. Vozitësi dëshmoi se më pas për këtë e ka informuar edhe Jakupin dhe Nezirin, se edhe Jakupi nga ana e tij i është lajmëruar Ridvan Nezirit që ta informojë se urdhëri është zbatuar.

Ajo që i shton gjithë këtij rasti një shije plotësuese të intrigës është fakti se Ridvan Neziri gjatë verës së kaluar (9 korrik 2003 në mesditë, thuajse në vetë qendrën e qytetit, te QT ”Çairçanja”) është vrarë prej deri tani 6 personave të pazbuluar e të maskuar, të cilët ia arrijnë që me dy vetura të vijnë dhe të zhduken pa gjurmë nga ky vend zakonisht i frekuentuar menjëherë pas vrasjes së Nezirit si edhe katër personave të cilët janë hasur aty rastësisht. Ngushëllues është fakti se MPB-ja shprehet se hetimi për rastin nuk është harruar, dhe se në këtë rast është duke u punuar në mënyrë intensive.

Një pikanteri plotësuese është pranimi paraprak i vetë Ridvan Nezirit lidhur me atë se kush e ka organizuar atentatin mbi Hoxhën, por me urdhër të ish-Shtabit kryesor të UÇK-së! Ndërsa anëtarë të tij kanë qenë së paku 5 parlamentarë aktualë. Krahas liderit të BDI-së Ali Ahmeti, anëtarë të Shtabit kanë qenë Gëzim Ostreni, si shef i tij, Fazli Veliu dhe Nazmi Beqiri, si anëtarë të tij. E të mos flasim se edhe komandant Qufa ka qenë anëtar i Shtabit, e këtë për veten e thotë edhe vëllai i Ridvan Nezirit, Beqir Sinani.

A nevojitet shumë imagjinatë ndaj prej gjithë kësaj të konstatohet se kush e ka porositur atentatin e Hoxhës?

A e përforcon ose dobëson pohimin e këtillë fakti që njeriu i cili padyshim ka shtënë në Hoxhën, Sahit Ajvazi, është përjashtuar nga Akademia policore jo për shkak të faktit se është i dyshuar për vrasje, por për shkak të diplomës së falsifikuar për arsim të mesëm? Dhe se është në liri dhe nuk i mungon asnjë qime nga koka me që UNMIK-u dhe KFOR-i “kanë harruar” të lëshojnë fletarrest ndërkombëtar, i cili edhe nëse lëshohet nuk do të ndryshojë asgjë, me që Maqedonia nuk i dorëzon shtetasit e saj në vende tjera. Ndërsa mundësia që Xhezair Shaqiri ta arrijë drejtësinë qëndron në parashtrimin e kallëzimit privat penal (këtu pajtohen kolegët zëdhënës të MPB-së dhe të OSBE-së – shiko boksin).

Nga ana tjetër, me që rasti nuk është i pastruar, i shqyrtuar deri në fund, nuk ka kurrfarë pengese që Zylfi Adili – Qufa së shpejti të punësohet në MPB. Nëse Hoxha ia arrin ta nxjerrë drejtësinë në dritë, atëherë në skenë do të dalë rregullorja për marrëdhënie pune e MPB-së!

Dhe në këtë mënyrë duket se gjithçka është e njohur – atentatori shëtitet në liri, njëri prej organizatorëve punësohet në MPB, porositësit rrijnë ulur në Parlament!? Kulmi i ironisë do të ishte që të gjithë personat e përmendur të përzier në këtë rast të parashtrojnë ankesa private kundër Hoxhës për shpifje – kanë rast të shkëlqyer që të fitojnë satisfaksion gjyqësor.

Ditëve të fundit jemi duke tentuar që prej kolegëve të huaj, prej diplomatëve etj. të fitojmë përgjigje në pyetjen “Çka do të ndodhte në vednin Tuaj nëse një anëtar i parlamentit akuzon së paku 4 parlamentarë të tjerë për përzierje në tentimin për vrasjen e tij?”. Madje edhe ata të cilët janë mësuar që të mos shqetësohen tepër lidhur me ngarjet të cilat ndodhin në shtet, në mënyrë të habitur na shikonin kur ua parashtronim pyetjen, dhe sipas rregullës komentonin “Kjo nuk është e mundshme, madje as këtu”. Por, në befasinë e tyre më të madhe fitohet përshtypje se megjithatë gjithçka është e mundshme.


Letërkëmbim me MPB-në:

Ajvazi është larguar nga Akademia policore për shkak të falsifikimit, jo për shkak të asaj që ka marrë pjesë në atentatin mbi Hoxhën, organizatori i supozuar Qufa së shpejti do të punësohet në MPB!

Goran Pavllovski, zëdhënës i MPB-së: Sait Ajvazi i larguar nga mësimi për shkak të falsifikimit të diplomës, e dijmë se kërkohet nga UNMIK, por për të nuk është lëshuar fletarrest ndërkombëtar, por edhe nëse lëshohet shteti nuk është i obliguar që ta dorëzojë. Nuk ekzistojnë pengesa që Qufa së shpejti të punësohet në MPB. Rasti i vrasjes së Ridvan Nezirit (dhe 4 personave tjerë) nuk është harruar, por në të punohet në mënyrë intensive.

Vazhdon...

[Omari]

Të nisemi me radhë

Çka i dërgoi LOBI Goran Pavllovskit, zëdhënës i MPB-së…



1.

E përditshmja VREME më 30 prill të vitit 2004 botoi një artikull në të cilin pohon se Sait Ajvazi – të cilin KFOR-i dhe UNMIK-u e kërkojnë për shkak të pjesëmarrjes në tentimin për vrasje (në nëntor të vitit 2001 në vendin Banja e Kllokotit në afërsi të Vitisë në Kosovë) të Xhezair Shaqirit – Hoxha, ish-komandant i UÇK-së, tani deputet në Kuvendin e RM-së – është duke ndjekur kursin për polic në Akademinë policore në Idrizovë.

Artikulli është i ilustruar me faksimilen e fletarrestit për Sait Ajvazin (GNJILANE RUI Warent #|0337-01, GNJILANE RUI Case #|V01-4207).

Në artikull citohet zëdhënësja e atëhershme e MPB-së, e cila konfirmon se Sait Ajvazi është kursist, porse MPB-ja nuk ka “kurrfarë informate përmes Interpolit për këtë person”. Kontevska premton se MPB-ja do t`i ndërmarrë të gjitha masat për ta shqyrtuar rastin.

2.

Më 11 qershor të këtij viti në selinë e PDK-së në Shkup është mbajtur pres-konferencë në të cilën deputeti Xhezair Shaqiri prezantoi video-incizim me prononcimet e dy personave pjesëmarrës në atentatin mbi të, në të cilin ata si organizatorë i përmendin Ridvan Nezirin, i vrarë më 9 korrik të vitit 2003 në qendrën tregtare “Çairçanja” dhe Zylfi Adili – Qufa, gjoja shef i Kabinetit të zëvendësministrit të Punëve të Brendshme, Hazbi Lika.

Në pres-konferencë u prezantua edhe raporti i DSK-së (e.nr.30.32/02 nga 11.01.të vitit 2002) në të cilin si njëri prej pjesëmarrësve në atentatin e Shaqirit është përmendur edhe Sait Ajvazi “nga babai Samiu, nëna Minde, lindur më 12.01. të vitit 1981 në Shkup, jeton në fsh. Mojancë – fsh. Haraçinë”.



Pyetje:



- Deri ku është kontrolli i premtuar i të dhënave për rastin? Vallë, Sait Ajvazi është ende kursist për polic në Idrizovë?

- A është dokumenti i përmendur i DSK-së i besueshëm? Dhe nëse është, si ka mundur të ndodhë që një person i dyshuar për vrasje të gjendet në një kurs për polic në Idrizovë?

- A ka MPB-ja tani të dhëna zyrtare se Ajvazi kërkohet nga KFOR-i dhe UNMIK-u?

- A është personi Zilfi Adili – Qufa i punësuar në MPB? Dhe nëse është, a i është i njohur MPB-së se i njëjti përmendet si një nga organizatorët e atentatit të tij në Kosovë në më shumë raste, jo vetëm në incizimin e ofruar nga Xhezair Shaqiri, por, të përmendim edhe një rast, edhe në intervistën e tij për javoren LOBI (25.02.2002)?

- Çka ka ndërmarrë MPB-ja dhe çka ka ndër mend të ndërmarrë lidhur me këtë rast?

- Deri ku është hetimi për vrasjen e Ridvan Nezirit, i përmendur si organizator i atentatit të Shaqirit, si edhe 4 personave tjerë, me ç`rast u lënduan edhe 5 persona, më 9 korrik të vitit 2003 në mes të ditës në qendrën tregtare “Çairçanja” në Shkup?



… dhe çka fitoi si përgjigje:

Zëdhënësi i ri i MPB-së në të gjitha pyetjet tona u përgjigj në mënyrë “grupore”, por mjaft të qartë. Ja se çka na shkroi Goran Pavllovski:

“Pas të dhënave të kontrolluara lidhur me Sait Ajvazin, është konstatuar se ai posedon diplomë të falsifikuar dhe për shkak të kësaj është mënjanuar nga mësimi në Akademinë policore. Kontrollimet treguan se edhe 15 kandidatë të tjerë kanë pasur diploma të këtilla dhe të gjithë ata tashmë janë përcjellë në shtëpi. MPB-ja e pranoi gabimin, por e arsyetoi se ai ka ndodhur për shkak të kohës së shkurtër që komisioni e ka pasur në dispozicion.

Konfirmojmë se Sait Ajvazi është njeriu që e kërkon UNMIK-u, por me emër tjetër. Pas tij ende nuk është lëshuar fletarrest ndërkombëtar, por edhe nëse lëshohet, shteti nuk është i obliguar që të dorëzojë qytetarin e vet në ndonjë vend tjetër. UNMIK-u do të jetë i detyruar që tërë dokumentacionin për të ta ridërgojë në Maqedoni, e pastaj autoritetet tona do të vlerësojnë nëse ka hapësirë për ndjekje të re.

Zylfi Adili – Qufa së shpejti duhet të punësohet në MPB. Pengesa ligjore për këtë deri në këtë moment nuk ekzistojnë. Nëse kundër tij parashtrohet kallëzim privat penal për veprën siç është vepra e përmendur dhe nëse dëshmohet se është fajtor atëherë MPB-ja do të ndërmarrë aktivitete të parapara me rregulloren për marrëdhënie pune të MPB-së. Nga Kosova, ku është përmendur se ka ndodhur ngjarja, deri tani nuk është ngritur kurrfarë procedure kundër Zylfi Adilit – Qufës.

Lidhur me vrasjen e pesë personave para QT “Çairçanja” informohet se rasti nuk është harruar dhe se në të punohet në mënyrë intensive”.





Të huajt janë jokompetentë

Deri te misionet e OSBE-së dhe EUROPOL-it Proksima dërguam një informatë të shkurtër për rastin. Në pyetjen tonë “A ka misioni juaj informata për këtë rast dhe si e komentoni, si dhe çka keni ndër mend të ndërmerrni lidhur me të?”, zëdhënësi i OSBE-së, Nikolla Gaon, u përgjigj:

“OSBE nuk ka rol hetues. Ne nuk e dimë nëse z. Shaqiri ka ngritur padi kundër z. Ajvazi në gjykatën e cilitdo vend dhe këto do të ishin padi personale.

Nëse është lëshuar fletarrest nga KFOR-i dhe UNMIK-u, u mbetet atyre të vendosin se si do të bashkëpunojnë më së miri me autoritetet në Shkup.

Siç ndoshta tashmë e dini, MPB-ja konfirmoi se z. Ajvazi dhe 17 kadetë tjerë kanë dorëzuar diploma të falsifikuara për arsim të mesëm kur kanë konkurruar në Akademinë policore, ndaj për këtë arsye janë përjashtuar prej saj”.

Mesazhi miqësor nga zëdhënësja e EUROPOL-it Proksima, Shina Tomson, është e shkurtër dhe e qartë:

“Siç ndoshta e dini, EUROPOL Proksima nuk është mision ekzekutiv dhe për këtë nuk heton raste policore. Primati për hetim policor është i MPB-së dhe për aksione adekuate vendosin personat adekuat zyrtarë”.

Kronologjia e ngjarjeve

Të gjithë gurët e mozaikut
Kjo kronologji, si edhe loja e fëmijëve e përputhjes së copave, për shkak të copave të shumta të cilat duhet të përputhen në një fotografi, vetëm në shikim të parë ofron mundësi për komponim. Zgjidhja e copave të përputhura në të cilat të gjitha copat duhet të përputhen në një copë të vetme. Fitohet përshtypje se i tillë është edhe rasti me atentatin kosovar mbi Xhezair Shaqirin – Hoxha, por megjithatë ua lëmë lexuesve që nga rrjedha e ofruar e ngjarjeve të nxjerrin çfarëdo konstatimesh që duan.



18 tetor 2001

Në afërsi të Vitisë, Kosovë, në vendin Banja e Kllokotit, është kryer tentimi për vrasjen e ish-komandantit të UÇK-së Xhezair Shaqiri-Hoxha, njeriut me të cilin ndërlidhet hyrja në Tanushë në shkurt të vitit 2001 – fillimi i konfliktit në Maqedoni – dhe episodi i tij i fundit Haraçina. Mbi të janë gjuajtur tetë plumba nga revolja TT dhe, për çudi, mbijeton.



Janar 2002
Xhezair Shaqiri, i cili gjatë atentatit mbi të ka mbetur një kohë mjaft të gjatë i vetëdijshëm për t`i dalluar pjesëmarrësit, pas shërimit në spitalin në bazën amerikane Bondstill në Kosovë, gjatë shërimit shtëpiak në Ferizaj jep deklaratë në të cilën e përmend Ridvan Nezirin si organizator i atentatit mbi të.

Menjëherë pas publikimit të deklaratës së Shaqirit, në emër të ish-anëtarëve të Shtabit të përgjithshëm të UÇK-së reagoi Zilfi Adili – Qufa, i cili në faksin dërguar mediave i hedh poshtë si tendencioze pohimet për ndërlidhjen e Ridvan Nezirit në atentatin për të cilin thuhet se shqiptarët nga Maqedonia dhe Kosova e njohin mirë sipas punës së tij për kauzën shqiptare.



25 shkurt 2002

LOBI boton një intervistë më të gjatë ekskluzive me Xhezair Shaqirin, në të cilën ai flet edhe për atentatin. Shaqiri shpjegon se mbi të është gjuajtur pas shpine, pasi u ka ofruar ndihmë atentatorëve, të cilët me veturën e tyre me haubë të ngritur kanë qëndruar pranë rrugës.

Dy personat në veturë i ka njohur prej më parë. Në intervistë ai i emërton dhe thotë se bëhet fjalë për Sait Ajvazin dhe Ekrem Ahmetin. Flet edhe për reagimin e shpejtë të shokëve të tij nga UÇK-ja, të cilët shumë shpejt kanë kapur Demir Jakupin, lidhjen kosovare me organizatorët e atentatit nga Maqedonia dhe shoferin Ekrem Ajvazi. Nga marrja e tyre në pyetje, deklaroi Hoxha, është ardhur deri te njohuria se porositës të atentatit janë Rizvan Neziri dhe personi i cili është i njohur si komandant Qufa.



Shkurt 2003

Në një restorant në QT “Çairçanja” kryeredaktori i LOBI-t ka takim me Ridvan Nezirin dhe vëllain e tij, Beqir Sinanin, gjatë të cilit kontraktohet intervista me Rizvanin lidhur me akuzat kundër tij se me aksionet e veta në terren e dobëson BDI-në në emër të Menduh Thaçit dhe AKSH-së.

Me këtë rast Ridvan Neziri pranon se është organizator i atentatit mbi Shaqirin, por njëherit pohon se për këtë ka pasur urdhër nga ish-Shtabi kryesor i UÇK-së. Edhe ai edhe vëllai i tij shprehen se personalisht nuk kanë pasur asgjë kundër Shaqirit, se janë të lindur në fshatin e njëjtë (Tanushë), madje se janë fis i largët. Ridvan Neziri i ofron kryeredaktorit tonë që në praninë e tij t`i kontrollojë pohimet e tij tek Ali Ahmeti personalisht.



9 korrik 2003

Në një kafene në QT “Çairçanja”, në mesditë, 6 persona të maskuar prej dy veturave shtiejnë në Ridvan Nezirin dhe me këtë rast vrasin edhe 4 persona, derisa 5 të tjerë plagosen. Të maskuarit me veturat e tyre zhduken pa probleme të mëdha.

Xhezair Shaqiri për vrasjen merr vesh duke ndejtur në kafenenë “Medium”, përballë Parlamentit, pas thirrjes së drejtuar nga personat me të cilët rrinte.

Zëdhënësja e MPB-së lidhur me vrasjen deklaron se Ridvan Neziri ka qenë kriminel i njohur, kundër të cilit mes tjerash është zhvilluar edhe hetimi për vrasjen e një polici. Nuk ka shpjegim se pse Neziri nuk është arrestuar. Në Çarshi flitet se Ridvani është mbrojtur nga zëvendësministri i atëhershëm i Punëve të Brendshme, i cili ndërkohë bëhet zëvendësdrejtor i DSK-së, Fatmir Dehari, i cili edhe ishte i pranishëm në varrimin e tij.



30 prill 2004

E përditshmja VREME del me storien “MPB-ja e stërvit për polic, KFOR-i dhe UNMIK-u e ndjekin për tentim për vrasje”.

“Kursisti është Sahit Ajvazi, i cili me urdhër të Ali Ahmetit shtiu mbi mua, pohon deputeti Xhezair Shaqiri” – qëndron në nëntitullin e këtij artikulli. Ai është i ilustruar me faksimile të fletarrestit për Sahit Ajvazin të lëshuar nga KFOR-i dhe UNMIK-u. Është cituar edhe zëdhënësja e atëhershme e MPB-së, Mirjana Kontevska, e cila shprehet se informatë të tillë (përmes Interpolit) për kursistin ata nuk kanë, porse nëse informatat janë të sakta dhe nëse ndërlidhet identiteti i Ajvazit me fletarrestin e KFOR-it dhe UNMIK-ut, ata “do t`i ndërmarrin të gjitha masat, meqë persona të tillë në asnjë mënyrë nuk guxojnë të mbajnë uniformë policore”.



11 qershor 2004

Në selinë e PDK-së në Çair mbahet pres-konferencë në të cilën Xhezair Shaqiri gazetarëve të pranishëm u jep në shqyrtim një dokument rreptësisht të besueshëm të DSK-së prej janarit të vitit 2002, në të cilin operativistët e MPB-së i qartësojnë detajet e atentatit në bazë të deklaratave të bashkëpunëtorëve, për të cilat konsiderojnë se janë të besueshme.

Është prezantuar edhe një video-incizim nga marrja në pyetje e Demir Jakupit dhe Ekrem Ahmetit, në të cilën ata e akuzojnë Ridvan Nezirin dhe Zylfi Adilin – Qufën si organizatorë të atentatit mbi Shaqirin. Jakupi dhe Ahmeti, ndërkohë, për shkak të pjesëmarrjes në atentat, janë dënuar me nga 6 vjet burg dhe dënimin e vuajnë në Kosovë.

[Omari]

Se shpejti edhe faktet tjera per cejcilen porosi vrasjeje veç e veç

[Shkupi]

O Davius.Tashme masi u shpalove ke te drejte te plote te qaraveshesh per BDI-ne masi te paskan ofrue post ministror.Mbase edhe flet ne emer te Fjolles e cila nuk besoj se do te behet me shume se nje sekretaric e vyeshme ne kabinentet makedone:-)

Per dallim nga ty une personalisht nuk humb apo fitoj asgje nese "PDSH-ja ime" fiton prandaj ne cdo moment dhe ne cdo rast mund ti kritikoj jo vetem ata por te gjithe sepse asnjera nuk me ka dhene asgje ne kete jete."Free like a bird"

[fjollat]

.Mbase edhe flet ne emer te Fjolles e cila nuk besoj se do te behet me shume se nje sekretaric e vyeshme ne kabinentet makedone:-)

Dëgjo ti Shkup! Le të jetë hera e fundit që llap në emër tim! Nuk ke të drejtë ti flasish për atë se çfarë jam unë dhe çfarë do bëhem... të paska ngel ty të më vlerësosh mua?! Ti që je një shpifës që gënjen pa pikën e turpit?

Ti akoma më ke borxh një sqarim për atë gënjeshtrën se gjoja të kishin përjashtuar, kur në fakt nuk ishe i përjashtuar po veç kishe fut një titull Përjashtuar dhe që është gjest edhe më i ulët, për gënjeshtrat tua më kishe akuzuar mua për përjashtimin tënd, gjë që u bë arsye të përjashtohem unë...

Duhet të kesh turp! Të ka thënë mirë Davius të bëhesh burrë e të kërkosh falje... por, burrëia dhe gjestet e ulëta të sojit tënd nuk shkojnë bashk!

[King_Arthur]

po mire tani ne prag te zgjedhjeve e gjeten ata te bisedojne per luften qe u be aty ? ku ishin me perpara keta ... apo duan te perdorin shqipetaret aty per te marre ndonje kolltuk ne qeverine maqedonase?

[Dito]

Eshte e drejta e individit te veproje dhe zgjedhe lirisht mbi vendodhjen e tij.


Dito.

[Shkupi]

Fjollat nuk po genjej. Isha i perjashtuar dhe Davius eshte njeri prej administratoreve te ketij forumi. Cuditerisht pas disa porosive derguara administratoreve tjere accounti im u aktivizua perseri.Ty te kerkova falje por po me vjen cudi se sa jeni ne korrelacion ti dhe Daviusi jo vetem se po e perkrahni BDI-ne e cila do tua zbukuroje jeten private ne te ardhme por si duket edhe ne sfera te tjera te jetes. Cuditerisht perjashtimi im erdh shume shpejt pasi kembyem disa porosi private:-)