Lumturohet Papa Gjon Pali i II

[Gordon Freeman]

Papa Gjon Pali II u shpall sot i lumturuar nga pasardhësi i tij, Benedikti XVI, përpara një turme me më shumë se një milion persona, në sheshin shën Pjetër në Vatikan.

Qindra mijëra pelegrinë nisën grumbullimin që në mëngjes herët në sheshin shën Pjetër për të qenë të pranishëm në lumturimin e Papa Gjon Palit II.

Në orën 10:37 minuta, Benedikti i XVI lexoi formulën e lumturimit: ”Papa Gjon Pali II i ridha kristianizmit një orientim të rinovuar drejt së ardhmes, i ridha shpresë besimit të uzurpuar nga marksizmi”, deklaroi sot papa Benedikti XVI gjatë ceremonisë së lumturimit të papa Gjon Palit II.

Plot dymbëdhjetë gjuhë të botës do të dëgjohen sot për lumturimin e Papa Gjon Palit të Dytë, Papës misionar, i cili udhëtoi në të gjitha kontinentet dhe takoi njerëz në të gjithë botën.

Në nderim të kësaj ceremonie, në Vatikan ishin prezent perosnalitete nga e tërë bota.

Me ftesë zyrtare të shtetit të Vatikanit, atje ndodhet edhe një delegacion i Republikës së Kosovës, i kryesuar nga Kryeministri Hashim Thaçi, dhe Ministri i Jashtëm, Enver Hoxhaj, bënë të ditur burime zyrtare nga Qeveria kosovare.

Ndërsa, Shqipëria përfaqësohet nga Presidenti Bamir Topi, Kryeministri Sali Berisha si dhe kryeparlamentarja Jozefina Topalli.

Ceremonia e sotme shënon një hap të rëndësishëm drejt shenjtërimit të një prej Papëve më popullorë në histori. Gjatë 26 vjetëve si kreu i Kishës Katolike, Papa Gjon Palit të Dytë i jepet merita se ndihmoi në rrëzimin e komunizmit, aktivizimin e të rinjve katolikë dhe shtimin e pranisë së kishës në vendet në zhvillim.

[Gordon Freeman]

[toni77_toni]

90 delegacione nga mbarë bota, nga Shqipëria e Kosova, nderojnë Gjon Palin II të Lumtur!


Sot bota u kthye edhe një herë në sheshin e Shën Pjetrit në Vatikan, pas gjashtë vjetësh, për të përshëndetur ceremoninë e lumturimit të Gjon Palit II, Papën që me gjestet e tij dhe fjalët e tij e ka ndryshuar historinë bashkëkohore. Gjashtë vjet vdekjes së Atit të Shenjtë Vojtila, njerëz të thjeshtë e kryetar shtetesh e qeverish – e sot 90 delegacione nga Vende të ndryshme të botës, ndër to edhe delegacionet shtetërore të Shqipërisë e të Kosovës – morën pjesë në Meshën e Shenjtë e kur papa Racinger shqiptoi latinisht formulën që e shpalli të Lum Papën globetrotter dhe u zbulua figura gjigante e portretit të Vojtilës, u lartua një duartrokitje e fuqishme e edhe një herë u dëgjua klithma ‘Shenjtë Menjëherë’. Një turmë e pafund shtegtarësh njëzëri e njëzemre e nderoi kolosin e fesë e të njerëzimit.

Shqipëria përfaqësohej sot në Vatikan nga personalitete si presidenti Bamir Topi, kryeministri Sali Berisha si dhe kryeparlamentarja Jozefina Topalli, si dhe nga Ambasadori i Shqipërisë pranë Selisë së Shenjtë zoti Rrok Logu.

Kosova përfaqësohej nga personalitete si kryeministri Hashim Thaçi e nga ministri i Jashtëm, Enver Hoxhaj, e po kështu edhe Ambasadori i Kosovës pranë Italisë, zoti Albert Prenkaj.

Po lidhur me praninë e delegacioneve të Vendeve të ndryshme të botës në ceremoninë e sotme të lumturimit të Gjon Palit II në Vatikan, duhet nënvizuar faktin rreth një njoftimi të pasaktë që është botuar ndër agjenci lajmesh, gazeta e faqe interneti në gjuhën shqipe, se delegacionet shtetërore të përbëra nga personalitetet e larta nga Shqipëria e nga Kosova “morën pjese ne Vatikan me ftesë së Selisë së Shenjtë”.

Siç dihet, Selia e Shenjtë nuk bënë ftesa për kremtime e raste të tilla, por janë pikërisht shtetet e qeveritë e ndryshme që shprehin dëshirën e tyre për të marrë pjesë në ngjarje si kjo e sotme. E Selia e Shenjtë përgjigjet në dëshirat dhe kërkesat që mbërrijnë në Vatikan. Kështu ndodhi edhe kësaj here me të gjitha delegacionet e botës e po kështu edhe me ato nga Shqipëria e nga Kosova.

[qeveriablu]

Edhe pse bindjet e mia jane Ateiste une kam respekt te madh per Karol Vojtila.Nje nder njerezit me te medhenj te njerezimit.

Te prehesh ne paqe ,Papa Gjon Pali II.I paharruar kujtimi yt !