Citate nga SHKRIMI SHENJT

[NoName]

Thesari në qiell
(Mt 6, 19-21)

“Mos grumbulloni për vete thesare mbi tokë, ku i brejnë tenja e ndryshku, ku vjedhësit birojnë muret e vjedhin! Mblidhni për vete visare në qiell, ku s’brejnë as tenja as ndryshku e ku vjedhësit nuk birojnë mure as nuk vjedhin. Sepse, ku është thesari yt, aty do të jetë edhe zemra jote.”

[NoName]

Drita e trupit
(Mt 6, 22-23)


“Syri është dritëza e trupit. Në qoftë, pra, se syri yt është i shëndoshë, i tërë trupi yt do të jetë i ndriçuar. Por në qoftë syri yt i sëmurë, i tërë trupi yt do të jetë i errët. Në qoftë, pra, se drita që është në ty është errësirë, sa terr i madh do të jetë!”

[NoName]

Hyji dhe mamona
(Mt 6,24)


“Askush s’mund t’u shërbejë dy zotërinjve, sepse: ose do ta urrejë njërin e tjetrin do ta duajë, ose do t’i mbështetet njërit e tjetrit do t’ia kthejë shpinën. Nuk mund t’i shërbeni Hyjit dhe pasurisë.”

[NoName]

Predikimi Ungjillit
(1 Kor 9, 16)

Sepse, të shpall Ungjillin nuk është një arsye krenarie për mua, është detyrë që më duhet ta kryej: i mjeri unë nëse nuk e predikoj Ungjillin!

[NoName]

Përçarjet në kishën e Korintit
(1 Kor 1, 10-13)


Ju përbej, o vëllezër, pashë Emrin e Zotit tonë Jezu Krishtit: jini të gjithë një mendimi e të mos ketë përçarje ndër ju, por të jeni në përkim të plotë me ndjenja e në mendime. Sepse, o vëllezër, njerëzit e Klojes më lajmëruan se mes jush ka grindje.
Ja, ku e kam fjalën: secili prej jush thotë:
“Unë jam i Palit!”
“Unë i Apolit!”
“Unë i Kefës!”
“Unë jam i Krishtit!”
Vallë, a qenka Krishti i ndarë? A mos u kryqëzua Pali për ju? Apo u pagëzuat në emër të Palit?

[NoName]

URDHERI I RI
(Gjn 13, 34-35)



Po ju jap një urdhër të ri:
Duajeni njëri‑tjetrin!
Sikurse unë ju desha ju,
duajeni edhe ju njëri‑tjetrin!
Nëse e doni njëri‑tjetrin,
të gjithë do t’ju njohin se jeni nxënësit e mi.”

[mitjuk]

Tri gjana qe nxitojne ne mekat

1) Bota e keqe rreth nesh.
2) Trupi yne.
3) Shpirtent e kqi__djemnit.

[mitjuk]

Keshillet e Ungjillit
1) Vorfnia e vullnetshme.
2) Pastria e perkryeme.
3) Ndigjesa e vecante.

[mitjuk]

Te mbramet e njerit

1) Vdekja,
2) gjyqi,
3) lumnia e qiellit per te miret, kurse ferri per te kqijte.

----------(Shkrimi shejt na terheq verejtjen:
"Ne te gjitha veprimet tua perkujtoj te mbramet e njerit, e kurr s'do te mekatnojsh." (Sir 7,40)

[NoName]

E Verteta
Galatasve 4,16

A thua u bera armiku juaj, duke ju thene te verteten?