LUTJA: Mesues na meso te lutemi...!?

[NoName]

ATI YNE

ATI YNE
Nuk mund te te them "ATE",
Nese nuk sillem si bir / bije.

YNE
Nuk mund te them "YNE",
Nese jetoj i mbyllur ne egoizmin tim.

QE JE NE QIELL
Nuk mund te te them qe je ne qiell,
Nese shqetesohem vetem per gjerat tokesore.

U SHENJTEROFTE EMRI YT
Nuk mund te them: shenjteruar qofte emri yt,
Nese nuk te dua dhe te nderoj.

BUKEN TONE TE PERDITSHME, NA JEP SOT
Nuk mund te them: buken tone na jep,
Nese nuk dua t'ia di per ke ka uri.

NA I FAL FAJET TONA
Nuk mund të them: na i fal fajet tona,
Nese vazhdoj te jem i inatosur.

MOS NA LER TE BIEM NE TUNDIM
Nuk mund te them: na ruaj nga tundimi,
Nese kam ndermend te mekatoj akoma.

NA LIRO NGA I KEQI
Nuk mund te them: na çliro nga i Keqi,
Nese nuk luftoj per c'ka eshte e mire.

AMEN
Nuk mund te them "AMEN",
Nese nuk i marr seriozisht fjalet e Atit tone.



[ vazhdon ]

[NoName]

MË DEGJO, O HYJ!

Më paten thenë se ti nuk ekziston
e unë si një idiot, u besova.
Por, një natë më pare
prej fundit të një grope që e kishte hapur një bombe
e pashë qiellin tend.
Papritmas kuptova se më kishin genjyer.
Po të isha munduar të shikoja mirë
gjerat që i ke krijuar ti,
do ta kisha kuptuar menjeherë se njerez të tillë
nuk pranojnë ta quajnë macen mace.
Çudi që më është dashur
të vij ketu, në ketë ferr
që ta gjej kohen per ta shikuar fytyren tende!
Unë të dua, në menyrë të tmerrshme...
ja, ajo që deshiroj dua që ti ta dish.
Pas pak ka per të filluar një betejë e tmerrshme.
Kush e di?
Është e mundur që të vij tek ti edhe sonte.
Nuk kemi qenë shokë të mirë deri tani
e unë e pyes veten, o Zoti im,
a thua ti do të më pritesh te dera.
Shiko: ja se si po qajë!
Pikerisht une unë të qaravitem?
Ah, po të kisha njohur më pare..
Të shkomë! Më duhet të shkoj.
Sa gjë qesharake:
pasi të kam takuar nuk kam më frikë të vdes.
Mirupafshim!

(Lutja e gjetur në çantë shpine të një ushtari të vdekur
më 1944 gjatë Luftes së II-të Boterore, në Montecassino, Itali).

[NoName]

Unë jam Jezusi, për të lutur “Ati Ynë” të kam mësuar në Mt. 6:9-13 dhe Lk 11:2-4.
Gjendet në qendër të Predikimit në Mal, në Themelimin e Krishterimit, në kapitujt e Mateut 5,6 dhe 7:

Ati:
Falenderoju Atit i cili përcaktoi dhe i krijoi sytë e tu dhe këmbët dhe trurin tënd... të gjithë shkencëtarët nuk qenë të aftë të bëjnë madje një fije floku në kokën tënde!...

Të falenderoj At: Ti mi dhe sytë më të përsosur, për të bërë ate çka më duhet bërë. Nëse do të kisha mundësinë për të zgjedhur, me siguri do të zgjidhja sytë e shqiponjës, dhe do kisha gabuar, sepse të mitë janë të përsosun për të bërë ate çfarë më duhet të bëjë, e jo të bëjë se çfarë shqiponja duet të bëjë...
Të falenderoj Atë, për dormën e fytyrës simë dhe të trupit tim...dhe për prindërit dhe qytetin që e zgjodhe për mua...në fakt, ti bërë çfarë do të bënte cilido baba në tokë nëse do të kishte mundësinë të zgjedhë duart dhe zemrën dhe fytyrën e birit ose bijës së vet, çdo gjë që do të ishte më së miri për ta... dhe kështu është edhe me mua!.
Më fal Atë, për çdo herë që kam lakmuar fytyrën ose trupin ose shpirtin e ndonjë personi tjetër... ato janë të përsosuna për ta, por askush në botë nuk ka madje as flokun më të mirë se unë për të bërë ate çfarë më duhet të bëjë!
Po Atë, jam krenar të jem fëmiu yt, fëmiu i Hyjit, i multimilionerit në të holla dhe nder dhe pushtet, pa zili për askend, sepse të gjitha që Ti i ke janë për mua, për fëmiun Tënd!... dhe çdo minutë në këtë jetë ti më jep atë që është më e mira, të faleminderit sepse aq shumë kujdesesh për mua sa që edhe flokët në kokën time i kë numëruar (Mt.10:30).

Ati Ynë:
I njejti Zot i cili të krijoi ty, që krijoi cilindo të krishterë dhe musliman dhe hebre dhe hindus dhe cilindo budist... Ati i njejtë i cili krijoi fytyrën tënde, i krijoi duart e të krishterit dhe këmbët e muslimanit, dhe zemrën e secilit hebre, dhe trurin e secilit hindus...
Të falenderoj Atë, të bekoj sepse të gjithëve na bëre vëllezër dhe motra në Ty... na jep fuqi të respektojmë dhe të duajmë secilin prej fqinjëve tanë ashtu siç janë, ashtu siç i bëre Ti…

Nëse do të kisha lindë në Kinë, tani do të isha Kineze... ose në Afrikë, do të isha Afrikane... dhe është më së miri për ta, siç është më së miri për mua të kishim lindë në Evropë, dhe të jetojmë në Amerikë për 38 vitet e fundit...
Më jep të kuptoj, Atë, të njoh se ai që ka lindë prej një të krishteri ose Muslimani ose Hebreu, me siguri tani është hebre, Katolik ose Musliman përkatësisht... më jep fuqi dhe urti të respektojë dhe të dua të ziun dhe të bardhin, të pasurin dhe të varfërin, të diturin dhe injorantin, të mirin dhe të keqin, sepse secili person në tokë është vëllau dhe motra ime në Ty, më tepër sesa të kishin lindur nga nëna imë!... asnjë prind në tokë nuk din si të krijojë fytyrat e as zemrat as trurin... Ti me të vërtetë na krijove të gjithë neve, Ti je Krijuesi i vërtetë dhe Ati i çdonjërit prej nesh!... të falemnderit, Atë.

U Shenjtëroftë Emri Yt:
Ti je krijuar për t’a adhuruar Zotin në Tokë, dhe në Qiell ta gëzosh Atë në amshim …
Falenderoju Zotit, me gëzim, në çdo moment dhe në çdo rrethanë, kjo është mënyrë për tu lutur vazhdimisht, pa ndërprerje, dhe është njëra prej formulave të Biblës për të arritur lumturinë në Tokë (Sel.5:16-18, Ef.5:20)… dhe mbi të gjitha, lumturinë e amshueshme në Qiell!... Lexoje letrën tjetër që Ta dërgova ty: Lutu Pa Ndërprerë.

Ardhtë Mbretëria Jote:
Kur Unë, Jezusi u ringjalla, shkova në Qiell... dhe kur ti mendon për Qiellin, mos mendo për diçka të largët... Qielli është aty ku Jam Unë, nëse Unë jam në zemrën tënde, i tërë Qielli është në ty, Ati e Shpirti Shenjt dhe të gjithë engjujt dhe shenjtërit... Zoti është çdokund, por nëse Unë jam në ty, Zoti banon në ty, ti je shtëpia e Zotit, Tempulli i Zotit, Tempulli i Shpirtit Shenjt... ti mund të jesh diku në rrethinë të qytetit ose fshatit tënd, ose të udhëtosh dikund larg, por shtëpia yte është shtëpia yte...pra trupi yt është shtëpia e Zotit!...
… E di se është e pakapshme për mendjen... por është e vertetë!... nuk mund ta shohësh, as ta prekësh, e as ta provosh... vetëm duhet të besosh... dhe kjo është njëra ndër betejat më të mrekullueshme të fesë... nëse do të kishe mundur ta shohësh ose ta provosh, trupi yt nuk do të mund të mbante një madhështi aq të madhe dhe do të shpërthente në mijëra vdekje për të shkuar në lumturi të pasosur të njohurisë dhe të vegimit... sepse kjo është jeta e amshueshme, “të njohësh Zotin e vërtetë, dhe Jezu Krishtin të cilin Ai e dërgoi” (Gjn.17:3).
Unë, Jezusi jam mbretëria e Hyjit: Ti duhesh të banosh në Mua, në Kishën Time, dhe Unë në zemrën tënde... dhe kjo është mbretëria e Hyjit në Tokë... dhe kur të kërkosh nga Ati, “ardhtë mbretëria Jote”, ti kërkon që Unë, Jezusi të vij në zemrën tënde... sepse Unë nuk jam vetëm Mbret, Unë, gjithashtu në vete jam, Mbretëria.
Dhe është shumë lehtë, vetëm beso në Mua... ki besim në Mua...dhe nëse ke besim në Mua, bëj çfarë të them të bësh: Së pari, pagëzoju në Kishën Time, në Trupin Tim të Vetëm Mistik, dhe i fiton të dyja pjesët e mbretërisë: Ti banon në Mua, dhe Unë banoj në ty... ti je në mbretëri, në Kishën Time, dhe e tërë mbretëria është në ty! (Gjn.15:4-7).
Atë, ardhtë mbretëria Jote... Thuaje: “Besoj në Jezusin, dhe e pranoj Ate me në zemrën time... me jep hirin për të bërë çfarë Ai më thotë të bëjë. Të faleminderit Atë. Amen”.

U bëftë Vullnesa Jote si në Qiell ashtu në Tokë:
Kjo është qendra e 7 kërkesave në lutjen Ati Ynë:
“Vullneti i Zotit”!... është e vetmja gjë që bëhet në Qiell, sepse është mënyra më e lavdishme dhe me gëzueshme e jetës... është jeta e amshueshme!... dhe ata në Qiell mund ta shohin në dukje të plotë, dhe kënaqen në shpërthimin e vazhdueshëm në dashuri, gëzim dhe paqe të cilën vetëm Zoti mund ta jep... dhe në amshim!... askush nuk mund ta marrë!...
Në tokë ngjan e njejta gjë: Për të kryer “Vullnetin e Zotit” është e vetmja rrugë për të më pasur Mua, Jezusin në zemrën tënde, rruga e vetme për të jetuar në Mbretërinë e Hyjit, dhe të kesh tërë Mbretërinë në zemrën tënde.
Urdhërimet?... Po, kjo ishte mënyra në Besëlidhjen e Vjetër: Ato janë sikurse ligjet e trafikut, nëse nuk u bindemi, dhe kalojmë nëpër dritën e kuqe, ose hypim mbi trotuar ose dalim jashtë rrugës, mund t’i lëndojmë të tjerët, ose mund të pësojmë në fatkeqsësi... por madje as Moisiu nuk ka mujtë me i plotësu Urdhërimet!...
Kështu Zoti pati një plan tjetër, një Besëlidhje të Re, një më të lehtë: “Vullneti i Zotit” që prej Jezu Krishtit është të kesh besim në Birin, dhe sikurse, “kush beson në Birin ka jetën e pasosur; përkundrazi, ai që nuk beson në Birin nuk do ta shohë jetën: hidhërimi i Hyjit peshon mbi te” (Gjn.3:36)…
Ta kemi Jezusin në zemrat tona është mënyra me të cilën është plotësuar profecia e vjetër: "Unë do t’ju jap një zemër të re, një shpirt të ri do ta fus në ju, do ta nxjerr nga mishi i juaj zemrën e gurtë e do t’ju jap një zemër mishi. Shpirtin Tim do ta fus në ju, e do të bëj që të ecni urdhërimeve të Mija e t’i zbatoni e t’i shtini në veprim gjyqet e Mija” (Ez.36:26-27)… kjo është mënyra për të lindë përsëri, vetëm me Pagëzim në Kishën e Krishtit …
Dha ja, kjo është ajo, esenca e Besëlidhjes së re, kaq e lehtë!: "Dhe ja, Besëlidhja të cilën do ta lidh me shtëpinë e Izraelit pas këtyre ditëve – Ligjet e Mija do thandroj në shpirtërat e tyre dhe do t’i zgavëroj me shkronja në zemrat e tyre... Sepse do të kem mëshirë për fajet e tyre dhe s’do t’i kujtoj mëkatet e tyre.” ... Kur të flet për Besëlidhjen e Re, të parën e konsideron të thyer" (Heb.8:10-12, Jer.31:31-34).
Predikimi në Mal, në Mateun 1-7, është Themelimi i Krishtërimit, dhe në tri kapitujt e vet spjegon në mënyrë të përkryer mënyrën e veprimit e kësaj Beslidhjeje të Re, “Vullnetin e Zotit”, pas Krishtit:
1- Mat.5: Ligji i ri i dashurisë së Krishtit, shumë më i përsosur dhe më i vështirë sesa ligji i Moisiut.
2- Mat.6: Mënyra për ta plotësuar është ta kesh Jezusin në ty me anë të besimit në Zotin.
3- Mat.7: Me Jezusin në ty, nuk bëhesh robot ose kafshë, por akoma e ke lirinë, mund të jesh i mirë ose i keq, bir i mirë i Zotit ose i keq.


Bukën tonë të Përditshme, na e jep Sot:
Me Jezusin brenda teje, akoma ke betejën e besimit, je ende i lirë, dhe duke pasur nëvojë për bukën e përditshme për të përforcuar veten tënde për çdo ditë: Fjala e Zotit dhe Eukaristia, buka jonë e përditshme!, "Përnjëmend, përnjëmend po ju them: nëse nuk e hani korpin e Birit të Njeriut e nuk e pin gjakun e tij, nuk keni jetë në vetvete” (Jn.6:53).
Dhe, natyrisht, Zoti është Ai që neve na siguron bukën tonë të përditshme ate fizike.

Na i Fal Fajet tona si i Falim ne Fajtorët tanë:
Kjo është e frikshme, por duhet të lutesh mu ashtu si është: Nëse nuk e fal të afërmin tënd, kërkon nga Zoti mos me të falë ty... ose nëse fal po nuk e harron, po kërkon nga Zoti mos me i harru mëkatet tua... me të vërtetë e frikshme, por shumë e vërtetë!...
Për të nënvizuar këtë realitet, menjëherë plotësohet me: "Vërtet, në qoftëse ju ua falni njerëzve gabimet e tyre, edhe Ati juaj qiellor do t’jua falë juve, por nëse ju nuk ua falni njerëzve gabimet e tyre, as Ati juaj qiellor nuk do t’ua falë juve gabimet tuaja " (Matt.6:14-15).

Mos na Lër të Biem në Tundim:
Po, vëllau im, me Jezusin brenda teje, ende do të kesh tundime... sikurse Une, Jezusi i pata ato, dhe pikërisht atëherë kur isha duke u lutur dhe agjëruar për 40 ditë!... dhe tundimet e llojit të njejtë, të kotësisë ose të krenisë ose të epshit, dhe të nderimit dhe të pushtetit (Mat.4, Lk.4).
Por mos u brengos, Unë, Jezusi, jam me ty, "sepse është më i fortë Ai që është në ju, se ai që është në botë" (1Gjn.4:4)… vetëm vazhdo të besosh në Mua, gjithmonë në lutje.

Por na Liro nga i Keqi:
"Mëkati" është e keqja e të Krishterëve, dhe e të jo-Krishterëve… rrënja e të gjitha të ligave, dhe e sëmundjeve, dhe e fatkeqësive, dhe e grindjeve, dhe e të gjitha llojeve të problemeve dhe të dështimeve...
dhe tani është shumë më lehtë për t’u liruar nga mëkati: Vetëm beso në Mua, në Jezusin, dhe bëj ate çfarë të them të bësh: Së pari, pagëzoju në Kishën Time. Nëse bie pas Pagëzimit, ende është lehtë: shko të meshtari i Kishës Sime, të cilit ia dhashë pushtetin për të zgjidhë ose për të mos zgjidhur nga mëkatet, pushtetin të cilin veç vet Zoti e kishte (Gjn.20:23, Mk.2:7).
Nëse ke “mëkat”, nuk mundesh ta fshish ate duke bërë me miliona flija dhe me miliona vepra të mira... por tani është aq lehtë, me pushtetin e Gjakut tim, vetëm beso në Mua, në Jezusin... vetëm vazhdo të lutesh, është një shenjë e mrekullueshme se ti me të vërtetë beson!.

Të gjithat shprehen në shumës!:
Në Lutjen e Zotërisë, çdo është e shprehur në shumës: “Ynë”, “neve”, “ne”... Krishterimi është bashkësi e dashurisë... lutja vetëm për vetveten zakonisht është një punë e egoizmit, në vend të lutjes...lutja është dashuri, shprehja e dukshme e dashurisë sonë për Zotin, e bazuar në fenë dhe besimin tonë në Te... dhe një shprehje e dashurisë sonë për të afërmit tanë, për vëllezërit dhe motrat në Zotin.

[NoName]

S’KA RËNDËSI

Njeriu është mendjepaktë, jologjik, vetjak
S’KA RËNDËSI, DUAJE

Po qe se bën mirë të mveshën qëllime tjera vetjake
S’KA RËNDËSI, BËJE TË MIRËN

Nëse s’je i njëanshëm do të gjesh miq të rrejshëm dhe armiq të vërtetë
S’KA RËNDËSI, MOS JI I NJËANSHËM

E mira që e bën sot do të harrohet nesër
S’KA RËNDËSI, BËJE TË MIRËN

Nderi dhe sinqeriteti do të të lëndojnë
S’KA RËNDËSI, JI I NDERSHËM DHE I ÇILTËR

Çka ke ndërtuar me vjet, mund të rrënohet për një çast
S’KA RËNDËSI, NDËRTO

Po qe se u ndihmon njerëzve do të kesh pasoja
S’KA RËNDËSI, NDIHMO

Jepi botës më të mirën nga vetja, dhe do të të shqelmojnë
S’KA RËNDËSI, JEPI BOTËS MË TË MIRËN NGA VETJA.

[NoName]

JEZUSI

Jezusi
është Ai që e dua me gjithë shpirt,
me krejt qenien time.
Atij ia dhashë të gjitha,
deri mëkatet e mia.
Ai më fejoi për vetveten.
Në butësi dhe dashuri.
Tash e për jetë të jetës.
Jam e fejuara e të fejuarit tim të kryqëzuar.
Amen.

Nene Tereza

[NoName]

MË LIRO, O KRISHT

Më liro, o Krisht,
nga dëshira që të më duan,
nga dëshira që të më lartësojnë,
nga dëshira që të më nderojnë,
nga dëshira që të më lavdërojnë,
nga dëshira që të më përparësojnë,
nga dëshira që të më pyesin për këshillë,
nga dëshira që të më miratojnë,
nga dëshira që të jem e njohur,
nga frika se jam e përbuzur,
nga frika se jam e nënçmuar,
nga frika se do të më qortojnë,
nga frika se do të më shpifin,
nga frika se do të më harrojnë,
nga frika se s’do të përballoj të padrejtat,
nga frika se do të më përqeshin,
nga frika se do të jem e dyshimtë.
Amen.

[NoName]

LUTJA E SHEN FRANCESKUT

Më bëj të denjë, Hyji im,
t’u shërbej të gjithë të varfërve në mbarë botën,
të cilët jetojnë dhe vdesin në uri dhe varfëri.

Jepu atyre nëpër duart tona bukën e përditshme,
nëpër dashurinë tonë paqen dhe gëzimin.

Hyji im,
më bëj lajmëtar të paqes sate
që atje ku është urrejtja të bie dashurinë;
ku zoton dhuna, shpirtin e pajtimit,
ku është ndarja, bashkimin;
ku zoton lajthitja, të vërtetën;
ku është dyshimi, shpresën;
ku janë hijet, dritën;
ku është trishtimi, gëzimin.

Hyji im,
bëj që para të kërkoj t’i ngushëlloj të tjerët,
se sa të jem e ngushëlluar;
para t’i kuptoj, se sa të jem e kuptuar;
para t’i dua, se sa të më duan;
sepse nëpër vetëharresë njeriu gjen;
nëpër ndjesë e fiton ndjesën;
nëpër vdekje zgjohet në jetën e pasosur.
Amen.

[NoName]

JEZUSI

Jezusi për mua është ky:
I Biri i Zotit bërë njeri.
Buka e jetës.
Flia që kushtohet në kryq për mëkatet tona.
Therorja që kushtohet në Meshën shenjte
për mëkatet e botës dhe për mëkatet e mia.
Fjala që duhet thënë.
E Vërteta që duhet treguar.
Rruga në të cilën duhet të ecim.
Drita që duhet të ndezet.
Jeta që duhet jetuar.
Dashuria që duhet dashur.
Gëzimi që duhet ndarë me të tjerët.
Flia që duhet kushtuar.
Paqja që duhet përhapur.
Buka e jetës që duhet ngrënë.
I Urituri që duhet ushqyer.
I Etshmi të cilit duhet t’ia shuajmë etjen.
I Zhveshuri që duhet veshur.
I Dëbuari që duhet t’i gjejmë strehim.
I Sëmuri që duhet mjekuar.
I Vetmuari që duhet dashur.
I Paprituri që duhet pritur.
I Gërbuluri të cilit duhet t’ia laj varrët.
Lypësi të cilit duhet t’i buzëqeshim.
te varferin të cilin duhet vënë veshin.
I Pambrojturi që duhet mbrojtur.
I Posalinduri që duhet mirëpritur.
I Verbëri të cilit duhet t’i bëhemi sy.
I Pagoji të cilit duhet t’ia huazojmë zërin tonë.
I Çali të cilit duhet t’ia japim këmbët tona.
E Përdalura të cilën duhet ta largojmë nga rreziku,
Duke ia ofruar miqësinë tonë.
I Burgosuri që duhet ta vizitojmë.
I Moshuari të cilin duhet shërbyer.

Jezusi është Hyji im.
Jezusi është është i Dashuri im.
Jezusi është Jeta ime.
Jezusi është Dashuria ime e vetme.
Jezusi është Tërësia ime.
Jezusi është i Vetmi i jetës sime.

Nene Tereza

[NoName]

LUTJE E NENE TEREZES

Zot, kur kam urì,
më jep ndokend qe ka nevojë me e ushqye!
Kur kam etje,
më dërgo ndokend qe ka nevojë me pi!
Kur kam të ftoftë,
me dërgo ndokend me e ngrohë!
Kur kam nji keqardhje,
më dhuro ndokend me ngushllue!
Kur kryqi i jem bâhet i rânde,
më bej qe te dalloj kryqin e nje tjetri!
Kur jam e vorfen,
më udhëhiq te ndonji nevojtar!
Kur nuk kam kohë,
më jep ndokend me e ndihmue per do çast!
Kur jam e fyeme,
beme qe une te kem dikend me lavdrue!
Kur jam e ligshtueme,
më dërgo ndokend me i dhânë zemer!
Kur kam nevojë per mirkuptimin e tjerve,
më jep ndokend qi ka nevojë per mirkuptimin tim!
Kur kam nevojë qi te kujdesen per mue,
më dërgo ndokend per të cilin te kujdesem une!
Kur mendoj vetem per vete,
terhiqe vemêndjen time mbi nji tjeter njeri.
Amen.

[NoName]

O SHPIRTI I DASHURISË

Ti që je dashuri në tërë personin tënd,
Dashuri e vetme dhe ideale,
eja dhe ripërtëri tërë jetën tonë në dashuri.
Na mëso të dashurojmë siç dashuron Hyji,
i cili e hap zemrën e vet krah më krah,
ti që je dhurata e tij e përsosur.
Na mëso të dashurojmë sipas shembullit të Krishtit,
që i ka ofruar njerëzimit shembull të mirësisë që të shtang,
duke e kushtuar për të flinë e vet të jetës.

Bëj që të dashurojmë me zhdërvjelltësinë e gjithmbarshme të jetës,
por edhe me fuqinë shpirtërore që na vjen prej teje.
Bëj që të dashurojmë sinqerisht dhe pa interes,
duke u liruar krejtësisht nga ambiciet tona personale:
që të dashurojmë vullnetarisht - me kënaqësi,
në dorëzimin e pakthyeshëm,
duke harruar në atë që japim ose që pësojmë,
që të dashurojmë përkundër të gjitha zhgënjimeve dhe të gjitha dëbimeve,
që të dashurojmë deri në fund,
edhe atëherë kur asgjë nuk fitojmë si kundërshpërblim,
që të dashurojmë me duresë të palodhur,
duke mos u zemëruar në gabimet dhe fajet e të afërmve.
Bëj që të dashurojmë dhe të rritemi në dashuri,
gradualisht duke zbuluar gjithçka që kërkon dashuria e përkryer,
ajo çfarë e realizon ti.
Bëj që ta gjejmë gëzimin tonë në dashuri,
duke kërkuar lumturinë tonë në lumturinë e të afërmve.
Amen.