Do Te Hiqet Dogana Per Makinat Ne Korrik

[Tipiku]

KAM DEGJUAR SHPESH KTO KOHET E FUNDIT QE DO TE HIQET DOGANA PER MAKINAT E ARDHURA NGA VENDET EVROPIANE

A ESHTE KJO E VERTET?
JU LUTEM SHKRUANI KETU TEK KJO TEME KUSH KA DIJENI PER KTE!!

[Edvin83]

ME duket se eshte ne fillim te gushtit e jo ne korrik sipas disa shkrimeve qe kam lexuar ne gazeta.

[Era1]

Dogana e makinave hiqet në korrik


F.Papadhimitri

TIRANË-Automjetet nuk do të tatohen më me tarifën tradicionale doganore. Lajmin e kanë konfirmuar për mediat, drejtori i përgjithshëm i Doganave si dhe menaxheri i kërkimeve pranë Qendrës Shqiptare për Tregtinë Ndërkombëtare, ACIT. Kështu, tarifa doganore, ose taksa e njohur si “zhdoganimi” prej 2 për qind për makinat e reja dhe 15 për qind për makinat e përdorura, do të hiqet, por kjo vetëm për automjetet që hyjnë nga vendet e Bashkimit Europian. Heqja e taksës në fjalë, vjen si pasojë e nënshkrimit të pritshëm të Marrëveshjes së Asociim-Stabilizimit, ndërmjet Shqipërisë dhe Bashkimit Europian. Marrëveshja që pritet të nënshkruhet në muajin qershor, sanksionon bërjen zero të taksave doganore, që nga data 1 korrik e këtij viti, për rreth 85 për qind të produkteve industriale që hyjnë nga BE-ja në vendin tonë. Duke pasur parasysh faktin se importet e BE-së, zënë rreth 68 për qind të totalit të importeve të Shqipërisë, specialistët dhe ekonomistët parashikojnë një impakt shumë të madh, jo vetëm në strukturën e shkëmbimeve tregtare të Shqipërisë, por edhe në çmimet e produkteve të importit. “Zerimi i taksës doganore për produktet industriale, do të thotë që tashmë makineritë dhe shumë produkte të tjera, do të hyjnë në Shqipëri me çmime më të lira. Ky është një lajm i mirë, jo vetëm për bizneset, por edhe për konsumatorët shqiptarë, të cilët do të mund të gjejnë në tregun vendës produkte me çmime më të ulëta”,- ka thënë Ilir Ciko, menaxher kërkimesh pranë Qendrës Shqiptare për Tregtinë Ndërkombëtare, ACIT. Një nga disavantazhet më të mëdha konkurruese të Shqipërisë, në krahasim me vendet e tjera, kryesisht ato të BE-së, është teknologjia e prapambetur që aplikohet në vend. Rinovimi i teknologjisë është cilësuar si një nga kushtet më të domosdoshme për zhvillimin e ekonomisë së vendit tonë, edhe nga shumë ekspertë të fushës ekonomike. Vendi ynë përballet me një deficit tregtar relativisht të lartë, i cili, megjithëse për momentin nuk përbën ndonjë shqetësim, në një të ardhme jo shumë të largët mund të kthehet në një problem serioz për stabilitetin makroekonomik të Shqipërisë
Automjetet
Për taksat që paguhen për automjetet do të ndryshojë vetëm tarifa doganore, pasi taksat e tjera do të vijojnë të paguhen. Përparim Dervishi, drejtori i përgjithshëm i Doganave, bëri të ditur dje për mediat, se në zhdoganimin e makina aplikohen dhe taksa të tjera. Kështu, personat që do të sjellin një automjet nga BE, do të paguajnë taksën e importit dhe TVSH-në. Taksa doganore është e ndryshme për automjetet, në varësi të përdorimit të makinës, makinat e reja me kilometrazh 0, paguajnë taksë doganore 2 për qind të vlerës së tyre, ndërsa ato të përdorura 15 për qind.




29/04/2006

[ClaY_MorE]

Eshte e vertete qe do te hiqet dogana per makinat dhe do te ulet per makinerite.

Por nuk do te thote se shpetuar me kaq. Pas heqjes se doganes do te rrisin TVSH-ne per detyrimet ndaj shtetit.

[Era1]

Por nuk do te thote se shpetuar me kaq. Pas heqjes se doganes do te rrisin TVSH-ne per detyrimet ndaj shtetit.

Kjo nuk eshte e vertete.
Taxat qendrojne siç jane , ulen sigurimet shoqerore shkojne 31%, taxat e tjera nuk ndryshojne.
Per sa ju perket taxave doganore brenda 5 vjetesh te gjitha taxat doganore per exportet dhe importet me vendet e BE do te behen zero, keshtu qe gradualisht taxat doganore do te ulen derisa ne fund te 5 vjeteve te behen zero.
Per sa i perket TVSH nuk ka asnje draft qe te tregoje se do te shtohet sepse dhe TVSH ne Shqiperi eshte nje nder perqindjet me te larta ne Europe.

[ClaY_MorE]

Era1, me te degjuar e kam. Nuk them se eshte 100 % e sigurte.

[joss]

Nuk hiqet dogana per automjetet qe futen ne Shqiperi, por "Taksa Doganore" qe shkon deri ne 30 mije lek.OK?!!