Merkato shqiptare

[Qyfyre]

Skënderbeu merr Kulin dhe Vucajn

Skënderbeu godet në merkato, bën zyrtar afrimin e dy mesfushorëve të afirmuar në kampionatin shqiptar: Bekim Kuli dhe Erjon Vucaj. Nga dje, lojtarët që e mbyllën sezonin te Dinamo dhe Laçi mund të quhen pjesë e kampionëve. Lajmi konfirmohet edhe nga vetë drejtuesit e Skënderbeut.

“Po, është e vërtetë që Kuli dhe Vucaj janë blerjet tona të para. Dy lojtarët kanë arritur akordin me presidentin Zeqo dhe do të nënshkruajnë kontrata 1- vjeçare”,- deklaroi për “Panorama Sport” shefi i klubit korçar, Ilirjan Përmeti.

Ndërkohë, mësohet se presidenti Zeqo ka takuar mbrëmjen e së mërkurës fillimisht ish-kapitenin e Dinamos, Kuli. Palët kanë gjetur menjëherë akordin dhe lojtari është urdhëruar që të nesërmen të udhëtonte menjëherë drejt Austrisë.

Nga ana tjetër, edhe pse mbetet për t’u konfirmuar nga drejtuesit e Laçit, mësohet se një akord mes dy presidentëve ka bërë lojtar të Skënderbeut shkodranin Vucaj. Ky i fundit, i shumëkërkuar në merkato, mund të quhet pa frikë një goditje e bujshme. Vucaj ka kontratë me Laçin edhe për sezonin e ardhshëm, por nuk dihet se si e kanë zgjedhur mes tyre drejtuesit e dy klubeve. Për shkodranin kishte interesim konkret nga Flamurtari dhe Vllaznia.

Nuk janë menduar dy herë, por në drekën e djeshme Kuli dhe Vucaj kanë udhëtuar menjëherë drejt Austrisë, aty ku prej tri ditësh është i grumbulluar Skënderbeu. Mësohet se lojtarët kanë mbërritur në Vjenë në orën 17:00 dhe më pas kanë udhëtuar drejt Salcburgut, teksa afër këtij qyteti ndodhet e grumbulluar edhe skuadra korçare. Kontakti nëpërmjet telefonit ka qenë i pamundur me dy futbollistët. Gjithsesi, pritet që sot ata të kryejnë stërvitjen e parë nën urdhrat e trajnerit të Skënderbeut, Stanislav Levi.

Pas dy blerjeve të para pritet që nga korçarët të ketë largime. Bëhet fjalë për ata lojtarë të cilët nuk janë titullarë, teksa gjatë kampionatit të kaluar kanë qenë më shumë pjesë e stolit. Emri më i përfolur për t’i dhënë lamtumirën Skënderbeut është ai i kroatit Luko Biskup. Gjithsesi, ende nuk është marrë një vendim zyrtar nga ana e klubit. Mesfushori vazhdon të stërvitet me skuadrën, ndërkohë që mungesa e vetme është ajo e nigerianit Nuredin Orelesi. Ky i fundit ka njoftuar klubin se do të shtyjë për disa ditë ardhjen e tij, për shkak të problemeve me dokumentacionin.

[goldian]

nje perforcim i mire per skenderbeun erion vucaj
mora vesh qe halim begaj ka nenshkru per vllaznine

[Qyfyre]

Bledar Devolli goditja e rradhes e Teutes

Tjetër goditje e Teutës në merkato. Pas sulmuesit kosovar, Isa Eminhazeri, klubi durrsak përforcon mesfushën me një futbollist të përvojës. Është 34-vjeçari Bledar Devolli, lojtari më i fundit që i bashkëngjitet ekipit nënkampion të Shqipërisë.

Tashmë prania e Devollit te “djemtë e detit” është fakt i konfirmuar dhe vetëm të dielën ai do të niset bashkë me pjesën tjetër të skuadrës drejt Bullgarisë, ku do të zhvillohet edhe faza përgatitore. Mesfushori gjirokastrit ka qenë pjesë e Teutës edhe në sezonin 2006- 2007.

“Kam rënë dakord me drejtuesit për të nisur stërvitjen. Besoj se do të luaj në Kupat e Evropës dhe më pas do të ulem të bisedoj sërish me klubin për të sqaruar të ardhmen time. E pranova me kënaqësi ftesën e presidentit Hasanbelliu, shpresoj ta ndihmoj sa më shumë Teutën në Evropë”, – ka thënë shkurtimisht mesfushori “veteran”.

Ndërkohë, krahas portierit të ri Sulejman Hoxha, te Teuta shtohet edhe me një gardian tjetër që është Englant Haxho. Është i datëlindjes 10 nëntor 1988 dhe karriera e tij mbështet në dy ekipe. Për 5 vite mbrojti ngjyrat e Apolonisë dhe në sezonin që sapo përfundoi ishte pjesë e Tomorit të Beratit. Më 7 prill kur Tomori luajti në “Niko Dovana”, në pjesën e dytë Haxho pret edhe një 11-metërsh gjuajtur nga Çota.

Sa i takon Tefik Osmanit raporti i tij me Teutën është i një natyre tjetër. Trajneri Lika konfirmon se qendërmbrojtësi shtatlartë Osmani është pjesë e Teutës për ndeshjet në kuadrin e Ligës së Evropës. Por, është rënë në një marrëveshje të kësaj natyre: nëse Osmani nuk realizon kontratë me një klub të huaj, ai do të vazhdojë të mbetet pjesë e Teutës deri në muajin janar të vitit 2013.

Në merkaton e zhvilluar deri tani në “rrjetën” e durrsakëve kanë rënë sulmuesi Isa Eminhazeri, mesfushori Bledar Devolli dhe dy portierët Sulejman Hoxha dhe Englant Haxho. Më parë Teuta kishte pronësuar edhe mesfushorin vlonjat Albano Çaushaj, i cili sezonin e fundit e mbylli në Berat, me Tomorin.

[Qyfyre]

Zhdrella: Oferta e Tiranës ishte e pakënaqshme

Tre herë i zgjedhur si futbollisti më i mirë i Kosovës , Mentor Zhdrella ka mohuar arritjen e marrëveshjes me kampionin e shumëfishtë të Shqipërisë, SK Tirana.

Në një prononcim për gazetën “Zëri”, Zhdrella ka pranuar se ka pasur biseda me zyrtarë të këtij klubi, por bisedimet janë ndërprerë pasi që ka qenë larg njëra-tjetrës oferta e ekipit dhe kërkesat e futbollistit. “Kam pasur biseda me zyrtarë të Tiranës, por asgjë nuk është arritur dhe ato janë ndërprerë, pasi që nuk kemi qenë as për së afërti sa u përket kushteve të kontratës”, ka thënë Zhdrella.

Kapiteni i Hysit, tha se kontrata me klubin i ka përfunduar . Ndërkohë, veç Tiranës për shërbimet e tij kanë shprehur interesim edhe skuadra të tjera nga Superliga shqiptare dhe nga Maqedonia, pa dhënë emra. Mesfushori organizativ prishtinas ka qenë edhe më herët ndër lojtarët e kërkuar nga ekipe të huaja.

[toni007]

' Kategoria Superiore '
Cikalleshi rrëfen aventurën e veçantë : Ja se si përfundova në Korenë e Jugut
“Bashkëpunimi i një ish-futbolli isti serb të famshëm me një trajner shqiptar më çoi në Korenë e Jugut. Ndoshta as në ëndërr nuk do ta kisha parë veten se një ditë mund të luaja kaq larg Shqipërisë. Është botë tjetër, tani jam shumë i lumtur”. Kështu e nis rrëfimin ekskluziv për “Panorama Sport” talenti kavajas Sokol Cikalleshi. Ishlojtari i Besës, Skënderbeut dhe Tiranës, pak ditë më parë ka firmosur një kontratë 3- vjeçare me klubin korean, Incheon Junajtid. Shumë vuajtje për të shkuar deri te firma, por më pas një fund i lumtur. Cikalleshi i tregon të gjitha në këtë intervistë, teksa pret të debutojë me ekipin e ri.
Si përfunduat në Kore, kush ishte njeriu që ua ofroi këtë mundësi?
Përpara se të më ofrohej kjo mundësi, unë kisha dy oferta të gatshme: njëra në Ukrainë dhe tjetra në Turqi. Isha i bindur se do të firmosja, pasi mund të përfitoja 200 mijë euro në sezon. Mirëpo, një telefonatë ma prishi mendjen. Teksa vazhdoja të isha pjesë e Tiranës, më kontakton ishqendërmbrojtësi i famshëm serb, Dragan Kanatlarovski, i cili është shpallur kampion Evrope në vitin 1991 me Cervena Zvezdën. Kanatlarovski njihej mirë me trajnerin shqiptaro-maqedonas Beniamin Emini dhe të dy më ofruan një bashkëpunim me agjentin serb, Sheki. Ky i fundit shquhet për transferimet e tij në Korenë e Jugut.
Çfarë ndodhi më pas?
Pasi kishin parë videot e mia, ata së bashku erdhën dhe më ndoqën në finalen e Kupës së Shqipërisë, Tirana-Skënderbeu. Për fat të mirë, unë shkëlqeva. Menjëherë pas ndeshjes u ulëm në kafe dhe më ofruan fillimisht një oferte prej 35-40 mijë dollarësh në muaj. Kuptohet, pranova direkt të udhëtoj në Kore. Isha pak skeptik, pasi më priste diçka e panjohur, por oferta ishte shumë tunduese. Nuk besoj se ndonjë lojtar shqiptar do ta refuzonte. OK, por ju qëndruan shumë ditë pezull në Kore.
Si është e vërteta e zvarritjes së bisedimeve, pse u vonua firma?
Po jua sqaroj. Me të mbërritur në Kore, më thanë se duhet të bëja analizat mjekësore dhe të prisja 5 ditë. Klubi i Seulit, ku unë prisja të nënshkruaja, kishte mbyllur numrin 3 të lojtarëve të huaj që lejohen në ekip. Pasi u provova me skuadrën në një test miqësor, më kishin vëzhguar edhe menaxherë japonezë. Në këtë moment ndodhi një situatë e çuditshme, pasi menaxherit tim i ofruan dyfishin e kontratës që unë do të përfitoja në Kore. Prej disa ditësh mbeta peng i lojës së menaxherëve mes Koresë dhe Japonisë. Nuk duroja dot më dhe kërkova të largohem. Pasi preva edhe biletën e avionit, presidenti i Incheonit dërgoi stafin dhe me ktheu nga aeroporti i Seulit. Më kërkuan falje për gjithçka kishte ndodhur me mua në ato ditë. Kjo ishte e gjitha.
Pse nuk firmose për Seulin?
Pasi kishte plotësuar numrin 3 të të huajve. Në këto kushte më duhej të pranoja tjetër ofertë. Seuli ishte në vendin e dytë, ndërsa Incheoni luftonte për mbijetesë në kampionat.
A mund ta tregoni kontratën që keni firmosur me Incheon Junajtid?
Po, nuk ka asnjë sekret. Në fakt, unë kam firmosur dy kontrata brenda së njëjtës kontratë. E para është 6-mujore, deri në fund të sezonit, ku unë do të përfitoj 20 mijë dollarë në muaj. Ndërsa kontrata tjetër është 2-vjeçare dhe unë këtu do të nis me një pagesë prej 35 mijë dollarësh në muaj, duke mos llogaritur bonuset që ka këtu. Mund të duket e çuditshme, por merr shpërblim edhe për asiste, kuptohet përveç golave dhe fitoreve, nga ku bonuset janë të mëdha. Në bazë të kontratës, unë do të qëndroj këtu përgjithësisht 3 vite, gjithnjë nëse nuk më ofrohet ndonjë kontratë tjetër më e mirë brenda Koresë ose Evropës.
Kur do të debutoni me skuadrën e re?
Nuk e di saktësisht, sepse varet nga kalimi zyrtar i imi nëpërmjet UEFA-s. Letrat ende nuk kanë ardhur, por unë po përkushtohem 100% në stërvitje. Çdo gjë po më ecën mirë dhe tashmë shpresoj që të debutoj sa më shpejt te Incheoni.
Çfarë të ka bërë më shumë përshtypje deri tani në Kore?
Mbi të gjitha korrektësia dhe kushtet ideale të ambienteve stërvitore dhe stadiumeve. Por edhe dëshira e madhe e koreanëve për futbollin. Natyrisht, një qytet si Seuli, ku unë jetoj, të mahnit me luksin që ka, duke filluar nga rrugët, ndërtimet, parqet dhe gjithçka tjetër.
Si janë njerëzit aty?
Janë tepër dashamirës, të paktën me mua në këtë fillim. Që kur qëndroja në hotel, pasi tani kam shtëpinë time, kudo që shkoja njerëzit me flisnin dhe më respektonin. Ishte një ndjesi e bukur.
Si kuptohen me koreanët, në çfarë gjuhe?
Gjuhës vendëse nuk ia kam idenë fare, më shumë komunikoj në anglisht. Nuk është problem, pasi këtu flasin mirë anglisht.
Me kë shoqëroheni më shpesh gjatë kohës së lirë?
Më shpesh tani shoqërohem me kapitenin e ekipit, sulmuesin Ki-Hyeon Seol, i cili ka qenë më parë edhe lojtar i Kombëtares së Koresë së Jugut. Ai luan si qendërsulmues dhe më jep shumë kuraje. Gjatë stërvitjes merremi vesh shumë mirë. Për sa u përket shëtitjeve që bëj në qytet dhe kohës së lirë, dua të falënderoj menaxherin tim zyrtar, që quhet Mr Lee, si dhe shokun e tij, Mr Soo. Më kanë ndihmuar shumë, duke më njohur me qytetin.
Çfarë niveli ka kampionatit korean?
Kam ndjekur disa ndeshje deri tani. Mendoj se kampionati korean është shumë më lart në cilësi se kampionati ynë. Kjo, as që vihet në diskutim. Sa për kampionatet e tjera, kam përshtypjen se është i një niveli më të mirë, duke e krahasuar me vende si Zvicra, Austria, Greqia etj.
Mendoni se mund të përshtateni shpejt?
Po, jam i bindur për këtë. Në ndeshjen e fundit kundër Seulit, por edhe nga ajo që shikoj çdo ditë në stërvitje, më kënaq fakti se këtu të gjithë lojtarët pasojnë. Nuk ekziston egoizmi. Me sulmuesin kryesor kuptohem mirë dhe besoj se do përshtatem shpejt. Nuk kam asnjë merak për këtë aspekt.
Së fundmi, keni diçka për të shtuar?
Nuk mund të rri pa falënderuar të gjithë ata që menduan dhe u kujdesën për mua, duke filluar nga presidenti i Besës, Nexhat Bizhdili. Gjithashtu falënderoj menaxherin Sheki, si dhe trajnerët Dragan Kanatlarovski e Beniamin Emini. Mbi të gjitha, falënderoj Allahun dhe i falem atij për gjithçka që kam arritur.

panorama-sport.com

[toni007]

Sadiku te Lugano për 1 milion euro,