Bashkëshortja e Fatos Klosi, fiton gjyqin me Fatos Nanon

[Brari]

Faqe 5 - Politikë


Bashkëshortja e ish-shefit të Shërbimit Sekret, Fatos Klosi, fiton gjyqin me ish-kryeministrin Nano


Klosi: Me paratë e gjyqit do blej makinë

“Ministria e sotme e Arsimit, të njëjtin qëndrim me paraardhësen”

Aristir Lumezi
Dorina Klosi u shpreh dje se vendimi i ish-kryeministrit u mor mbi bazën e një vendimi të Këshillit të Ministrave, që ishte shfuqizuar më parë.

Zonja Klosi ka vendosur që me dëmshpërblimin që do të marrë nga shteti do të blejë një makinë luksoze, duke falënderuar familjen Nano, që pas sorollatjeve në dyert e gjykatave mori dhe një dhuratë, të cilën zor se do ta kishte siguruar nga kursimet e saj.

Zonja Klosi, si ndjeheni pas një maratone gjyqësore me ish kryeministrin socialist Fatos Nano?
Normalisht ndjehem shumë mirë, pas një procesi absurd të ngritur ndaj meje, deri diku qesharak, por me një përfundim pozitiv për mua. Unë arrita të rifitoj statusin e nëpunësit civil, të cilin ma kishin hequr, pas të cilit unë nuk mund të punoja më në administratë.

Kjo betejë gjyqësore për ju kishte shkaqe politike, apo ishte një procedurë e mbështetur në ligj?
Që në fillim unë e quajta një proces absurd dhe qesharak, në të gjitha pretendimet. Kjo akuzë ka qenë e pabazuar ligjërisht, madje dhe në referenca të shfuqizuara ligjore. Mua më është dhënë masa ekstreme e largimit nga shërbimi civil, për shkelje të etikës ndaj figurës së ish-kryeministrit Nano, e bazuar në një referencë ligjore të Këshillit të Ministrave të shfuqizuar. Gjatë gjithë kohës, e gjithë procedura për shkarkimin tim u bë me një ngutje të madhe dhe normalisht gjërat që bëhen me një ngutje të tillë dhe nervozizëm sollën për pasojë shkeljen e të gjitha të drejtave që më takonin në bazë të statusit të nëpunësit civil që kisha fituar.

Në sa shkallë ka kaluar çështja juaj?
Çështja ime është diskutuar fillimisht në Komisionin e Shërbimit Civil, ku është bërë një debat mjaft i madh mes anëtarëve të këtij komisioni. Një pjesë e tyre mbronin arsyetimin tim, për mosshkelje nga ana ime e Kodit të Etikës, pasi ka pasur në atë kohë vetëm një vendim të Këshillit të Ministrave për Kodin e Etikës që ishte shfuqizuar. Rasti im u bë precedent për miratimin pas disa muajsh të një ligji për Kodin e Etikës për nëpunësit e administratës civile. Më pas çështja kaloi në Gjykatën e Shkallës së Parë Tiranë, e cila është zvarritur për shumë kohë. Një herë është tërhequr një gjyqtare, e cila nuk pati fuqi morale ta çonte deri në fund çështjen time, meqenëse në atë kohë kryeministri kishte marrë revan në gjykatë, kishte proces gjyqësor me Fatos Lubonjën, me Nikollë Lesin, ku në të njëjtën kohë edhe Fatos Klosi ishte në proces gjyqësor. Më pas çështjen e mori një gjyqtare tjetër, e cila nuk më dha të drejtë dhe kjo çështje kaloi në Gjykatën e Apelit, rikthehet përsëri në Shkallën e Parë, me argumentin që nuk janë kryer saktë procedurat ligjore dhe përfundimisht sot mora pafajësi ndaj akuzës për shkelje të etikës.

Gjatë kësaj periudhe keni pasur presione nga ish-kryeministri Nano për t’u tërhequr nga kërkesa juaj?
Absolutisht nuk kam pasur presione për t’u tërhequr, përkundrazi të gjitha palët përballë meje në këtë proces i ndjeja se ishin si të zënë në faj, për aq sa nuk arrinin të më jepnin të drejtë. Unë e mora të drejtën nga ata moralisht, verbalist, por jo zyrtarisht.

Procesi juaj ka zënë një hapësirë kohore që përfshinte si qeverinë socialiste, ashtu dhe atë demokratike. Cili ishte qëndrimi i përfaqësuesit të Ministrisë aktuale të Arsimit për akuzën e bërë ndaj jush?
Për çudi apo paradoks ta themi, ata vazhduan të mbajnë të njëjtin pozicion, të mbronin po të njëjtin argument që kishte dhënë qeveria e mëparshme. Edhe sot gjatë procesit gjyqësor, përfaqësuesi i Ministrisë së Arsimit përsëriti të njëjtat gjëra që artikulonte dhe përfaqësuesi i ministrisë së mëparshme. Unë mendoj se stafi i ri i Ministrisë së Arsimit duhet të ishte tërhequr me kohë nga ky gjyq, pasi mendoj se nuk e nderonte vazhdimi i këtij gjyqi, madje ka penguar dhe punën në këtë dikaster, pasi vendi që mbaja unë vazhdon të jetë që prej tre vjetësh bosh.

Mendoni se çështja juaj gjyqësore transmeton një mesazh dhe për të larguarit në masë nga administrata e sotme publike?
Kur merr të drejtën pas një akuze të padrejtë, gjithnjë është mesazh i mirë dhe shpresëdhënës, për aq sa ne dëgjojmë të përflitet gjyqësori. Por rasti im ishte më specifik, pasi gjyqi im ishte më shumë moral me ish-kryeministrin dhe unë gjykoj se sot, që nga momenti i parë kur unë fitova të drejtën time, kryeministri Nano ishte ende në pushtet. Unë gjykoj se fitoi personaliteti i gjykatësit mbi absurdin e kryeministrit. Besoj se ky është mesazhi që përcillet nga fitimi i gjyqit tim.

Ju tashmë do të merrni një shumë të konsiderueshme nga gjyqi që fituat. Do të investoni diku?
Kam në plan të blej një makinë luksoze, BMV X3. Me këtë rast dua të falënderoj ish-kryeministrin Nano dhe bashkëshorten e tij që më bënë me një makinë të tillë, falë gjyqit dhe të drejtës time që sorollatej në dyert e gjykatave, pasi nëse do të isha në punë, nuk do të kisha arritur t’i kurseja këto para.




gazeta panorama




---------



vini re:

ndonje jurist a mund te na sqaroje se:

kush e paguan bmw-ne e gruas se regjisorit te vrasjes se Azemit , shteti apo xhepi i urdheruesit te vrasjes, Nano ?