Gazidede akuzon Klosin: Ka vrare 2 drejtues te SHIK-ut

[ClaY_MorE]

Ish shefi i Sherbimit Informativ Kombetar Bashkim Gazidede ka folur mbreme ne nje emision televiziv duke dhene nje nder te paktat intervista te tij gjate karrieres 92-97, dhe pas rikthimit ne Shqiperi nje vit me pare.

Gazidede ka akuzuar pasardhesin e tij Fatos Klosi per vrasjen e dy drejtuesve te SHIK ne kohen e Gazidedes, kryetareve te degeve ne Vlore dhe Lushnje.

Gjate intervistes se tij Gazidede flet edhe per trazirat e vitit 97, duke akuzuar opoziten e kohes se organizoi rebelimin.

Lidhur me piramidat Gazidede deklaroi se 70 % e drejtuesve te ketyre firmave kishin qene punonjes te ish sigurimit dhe oficere te ministrise se mbrojtjes.

Ne lidhje me zhdukjen e biznesmenit nga Maqedonia , Remzi Hoxha, ish shefi i SHIK deklraoi se nuk kishte dijeni per ngjarjen, ndersa akuzoi Fatos Klosin per abuzim politik, kur perfshin dhe te tek njerezit qe kane informacion per zhdukjen.



A1TV

[ClaY_MorE]

Klosi: Turqia ndihmoi Bashkim Gazideden të arratisej më ’97

Hapja e dosjeve dhe zhdukja deri në vdekje e disa personave nga shërbimi sekret shqiptar ka pozicionuar në kahe të kundërta dy ish-shefat e SHIK-ut.

Etiketa e ruajtur me sforcim për ta përmendur tjetrin shkarazi mes çështjeve më të nxehta të ditës, ka marrë fund dje, kur Bashkim Gazidede e Fatos Klosi kanë shkëmbyer në distancë akuza të ashpra mes tyre.

Deklaratës së Klosit se SHIK-u i drejtuar prej Gazidedes ka vrarë Remzi Hoxhën, tetorin e vitit 1995, ky i fundit i është kundërpërgjigjur me vrasjen e drejtuesve të SHIK-ut në Lushnje dhe në Vlorë prej pasardhësit të tij.

E ndërsa të vrarët vërtiten si hije mbi “kryet” e Shërbimit Informativ, as Gazidede e as Klosi nuk kanë pranuar të thonë më shumë mbi dy ish-shefat lokalë të vrarë të këtij institucioni.

Fatos Klosi ka mohuar kategorikisht akuzat për vrasje, pa dashur të komentojë gjatë se kush janë dy ish-drejtuesit e vrarë të SHIK, apo si qëndron historia e tyre.

Nuk ka pranuar të thotë emrat e tyre, e çuditërisht nuk ka mohuar të ketë ndodhur një ngjarje e tillë, e panjohur për publikun.

“Të dalë një shqiptar e të thotë se ka ngrënë një shpullë, jo më një plumb nga shërbimi që kam drejtuar unë”, -tha mbrëmë Klosi, i ftuar në një televizion, duke “këshilluar” Gazideden të mos ta damkosë më tej imazhin e tij.

Sa i përket akuzës së Gazidedes, Klosi e ka cilësuar atë si një mënyrë të gabuar për t’iu shmangur përgjegjësive.

“Ndoshta ata njerëz dinin shumë, ndaj edhe i kanë vrarë.

Nuk kam asnjë lidhje me atë që thotë Gazidede, e për të verifikuar këtë gjë shteti i ka strukturat ”, -shtoi Klosi, duke pohuar se ata njerëz nuk i ka gjetur në SHIK e se në këtë institucion nuk ka asnjë dosje të lënë prej tyre.

“I kërkoj Gazidedes të jetë i kujdesshëm.

Unë nuk e kam akuzuar, duke e mbrojtur si ish-shef të SHIK-ut, por nëse mendon se ky institucion ka vazhduar punën me metodat e tij, gabon rëndë”, -tha Klosi.

Dita e djeshme i solli opinionit publik një tjetër informacion interesant, mbi largimin e Bashkim Gazidedes nga Shqipëria në vitin 1997.

I pyetur për largimin dhe kohën e qëndrimit jashtë vendit të Gazidedes, Klosi pohoi mbrëmë se nuk ishte interesuar ndonjëherë, por për shkak të detyrës, e kishte marrë vesh këtë gjë zyrtarisht.

“Homologët turq më kanë informuar se e kishin ndihmuar Gazideden të strehohej atje.

Madje, ata u habitën me reagimin tim, pasi nuk e paraqita si problem”,-ka thënë ish-shefi i SHISH-it.

Sipas tij, për shkak të lidhjeve që Gazidede kishte krijuar gjatë detyrës, Turqia i mundësoi ndihmë për t’u larguar nga vendi dhe për ta strehuar atje, deri në rikthimin e tij pak muaj më parë.


A1TV