Fushata Antikorrupsion në administratën shtetërore

[Albo]

Masa në ministrinë e Punës. Akuza për kryetarin e bashkisë së Peqinit

Antikorrupsioni çon 50 nëpunës në Prokurori: Abuzuan me tenderat dhe me fondet publike

Departamenti i kontrollit të brendshëm administrativ dhe antikorrupsion pranë qeverisë, çon për ndjekje penale afro 50 nëpunës. Ata akuzohen se kanë shkaktuar abuzime dhe shpërdorime që arrijnë në miliona dollarë. Kontrolli është ushtruar në Ministrinë e Punës, Çështjeve Sociale dhe Shanseve të Barabarta, Inspektoratin Shtetëror të Punës - Drejtoria Tiranë, Shërbimin Kombëtar të Punësimit, Zyrën e Punësimit Tiranë. Për ndjekje penale është kallëzuar edhe për kryetari i bashkisë së Peqinit, lidhur me shkelje të ligjit për tenderat. Ky kontroll kap periudhën 2002. 11 drejtues dhe specialistë të Inspektoratit të Punës akuzohen për veprën penale të “shpërdorimit të detyrës”, “shkelje e barazisë së pjesëmarrjes në tendera” dhe “shpërdorim të kontributeve shtetërore”. Po për veprën penale të “shpërdorimit të detyrës” dhe “shpërdorimit të kontributeve shtetërore”, është bërë kallëzim edhe për 8 anëtarë të komisionit të vlerësimit të ofertave dhe njësisë së prokurimit. Kallëzim penal është bërë edhe për 4 specialistë dhe për dy drejtorët e zyrës së punësimit Tiranë. Për veprën penale të shpërdorimit të detyrës është bërë kallëzim edhe për 16 zyrtarë shtetërorë, përkatësisht anëtarë të komisionit të vlerësimit të projekteve, juristë të vlerësimit të projekteve, si dhe drejtorët e zyrave të punësimit Shkodër, Skrapar, Elbasan, Delvinë, Pogradec, Has, Kukës, Lushnje, Kuçovë dhe Bulqizë. Në përfundim të kontrollit kanë rezultuar shkelje ligjore dhe financiare, si shpërdorimi i shumave të projektit “ILO” financuar nga qeveria italiane në shumën 1.015.090 $ dhe nga qeveria shqiptare ne shumen 124.910 $. Departamenti i KBAA-së pranë KM-së, gjatë kontrollit në bashkinë Peqin në lidhje me zbatimin e procedurave ligjore në realizimin e dy tenderave me fond 11.724.700 lekë, ka vërejtur shkelje të hapura të ligjit për prokurimin publik, duke sjellë si pasojë një dëm ekonomik prej 11.724.700 leke. Për shkeljet e mësipërme, Departamenti ka përpiluar kallëzim penal për veprën penale, “Shpërdorimi i detyrës” dhe “Shpërdorimi i kontributeve shtetërore”, ndaj kryetarit te Entit Prokurues (Kryetarit të Bashkisë Peqin) dhe 8 anëtarëve të KVO-së dhe njësisë së prokurimit.

[Albo]

Trojet, arrestohet kryekomunari dhe kreu i Turizmit

E Premte, 02 Qershor 2006
Policia ve ne pranga kryetarin e Komunes se Golemit ne Kavaje, Demir Lika, dhe drejtorin e Turizmit, Arben Golemi, i pezulluar pak dite me pare nga detyra. Ne shtepine e kryekomunarit gjenden qindra milione leke dhe fatura transfertash ne shumen prej 40 milione leke. Golemi u filmua gjate marrjes te nje “zarfi”

Sokol COBO

Shit-blerjet e paligjshme te trojeve ne zonat turistike sjellin “kurbanet” e pare. Kryetari i Komunes se Golemit ne Kavaje, Demir Lika, perfaqesues i Partise Demokratike, eshte arrestuar dje, tre ore pas mesdites, nga nje grup special i policise, i mbeshtetur nga uniformat blu te Kavajes. Vetem pak ore pas ketij aksioni, nje tjeter zyrtar, drejtori i Turizmit ne Ministrine e Kultures, Rinise, Turizmit dhe Sporteve, Arben Golemi, i pezulluar pak dite me pare nga kjo detyre, eshte vene ne pranga. Arrestimi i tij nga agjentet e sektorit te antikrimit ekonomik ne Drejtorine e Policise se Tiranes.

Lika

Kryekomunari Lika ishte duke udhetuar me makinen e tij “Fuoristrade”, kur dhjetera forca policie i kane zene rrugen dhe i kane kerkuar te ndaloje. Demir Lika nuk ka kundershtuar. Ka ndaluar dhe ka hapur rrugen. Uniformat blu e kane kontrolluar ate dhe automjetin e tij luksoz, per t’i vendosur me pas prangat ne duar. Zyrtare te policise thane se rreth ores 15.00, kur kryekomunari i prangosur i eshte drejtuar kryeqytetit, operacioni eshte konsideruar i “mbyllur me sukses”. Nga te dhenat e para, mesohet se Lika ishte nen hetim prej disa muajsh, si i dyshuar per marrje ryshfetesh gjate shitje-blerjes se trojeve ne zonen turistike te Golemit, komunes qe ai drejton prej disa vitesh, si perfaqesues i PD-se. Vetem nje ore pas ketij operacioni, ishte vete ministri i Brendshem, Sokol Olldashi, i cili gjate nje konference shtypi, dha disa nga detajet e aksionit dhe arrestimit te kryekomunarit.

Sipas tij, kryetari i Komunes se Golemit eshte arrestuar per korrupsion. Olldashi shtoi se, prej disa javesh, ai po hetohej nen akuzen e “marrjes se mites”. “Gjate kontrollit te baneses se tij u gjeten 11 mije e 700 euro, 13 mije USD dhe nje vlere tjeter prej 10 milione leke”, detajoi ministri i Brendshem, duke shtuar se “te gjitha keto para jane sekuestruar”. Po ashtu, Olldashi tha se, ne banese Likes i jane gjetur edhe disa transaksione bankare, per te cilat ka filluar verifikimi. “Rreth 40 milione leke jane transferuar nga Demir Lika”, tha ai. Olldashi informoi se ceshtja tashme ka kaluar ne duart e prokurorise. Ministri e konsideroi operacionin nje sukses ne luften kunder korrupsionit te funksionareve publike.

Golemi

Pak ore pas prangosjes se kryekomunarit te Golemit, ne kryeqytet, policia arrestoi Arben Golemin, drejtor i Turizmit ne MKRTS, i pezulluar disa dite me pare nga kjo detyre. Piktori i njohur eshte arrestuar nen te njejten akuze. Pa dhene shume detaje per kete operacion, burimet policore shtuan se Golemi ka bashkepunuar me kryetarin e komunes se Golemit, Lika, ne shit-blerje trojesh ne vijen bregdetare te Kavajes. Behet e ditur se ai eshte filmuar nga agjente te policise, gjate marrjes te nje “zarfi”, brenda te cilit supozohet se ka pasur nje sasi parash, ne kembim te lehtesirave qe ai kishte krijuar per shitjen e nje trulli ne zonen turistike. Forcat e policise kane ushtruar nje kontroll te imtesishem ne shtepine e Golemit, por nuk kane gjetur ndonje material komprometues. Ai njihet si nje nga piktoret me te njohur shqiptare, pikturat e te cilit qendrojne ne shume hotele ne kryeqytet.

Bashkepunimi

Kryekomunari Lika, ashtu sikurse edhe kreu i Turizmit, Golemi, jane arrestuar nen akuzen e mitmarrjes dhe korrupsionit. Sipas burimeve te rezervuara policore, Lika u ka krijuar lehtesira ligjore individeve dhe kompanive te vecanta ne shitjen e trojeve turistike ne komunen e Golemit, ku ka nje “boom” ndertimesh. Duke bashkepunuar me drejtorin e Turizmit ne ministri, Golemin, i cili i miratonte aktet e tij komunare, Lika ka arritur te shese disa troje te komunes qe drejtonte, kryesisht turistike, per ndertime objektesh. “Vec shkeljeve te shumta ligjore ne hartimin e kontratave te shit-blerjes se tokave, ai ka shkelur haptazi edhe ligjin per urbanistiken, duke akorduar leje ndertimi ne menyre teresisht te parregullt”, thane te njejtat burime. Sipas tyre, ceshtja eshte ende nen hetim e siper, per te zbardhur plotesish skemen e shitjes se trojeve ne Golem dhe perfshirjen e mundshme te zyrtareve te tjere. Nderkaq, strukturat e prokurorise kane pohuar dje ne mbremje se, ndaj dy zyrtareve te arrestuar nuk ka pasur denoncim.

[Albo]

Zv.ministri Lezhja: Edison Frakulla kërkonte dhe merrte 10% e TVSH-së së rimbursueshme. U denoncua nga një biznesmen

Arrestohet për korrupsion, kreu i Tatimeve në Vlorë

Dashamir Biçaku

TIRANE- Arrestohet drejtori i Tatimeve të Vlorës, Edison Frakulla. Akuzohet për kryerjen e veprës penale të korrupsionit pasiv, duke u kërkuar në mënyrë indirekte biznesmenëve 10 për qind të shumës së rimbursueshme nga shtetit për pagesën e TVSH-së. Lajmi është pohuar dje nga zëvendës/ministri i Brendshëm, Gjergj Lezhja, gjatë një deklarimi për shtyp. Sipas Lezhjes, arrestimi është kryer gjatë paradites së djeshme në qytetin e Vlorës nga njësia operacionale e Ministrisë së Brendshme, pas kallëzimit të dhënë kundrejt tij nga një përfaqësues i biznesit në qytetin e Vlorës. Pas hetimeve të kryera nga sektori i Antikrimit Ekonomik të qytetit bregdetar, policia ka mundur të grumbullojë provat e nevojshme që hedhin dritë mbi veprimet abuzive dhe korruptive të kreut të Tatimeve të Vlorës, Edison Frakullës. Tashmë mësohet se Frakulla ndodhet në ambientet e drejtorisë së Policisë së Vlorës, ku është marrë në pyetje nga hetuesit e çështjes. Frakulla, i emëruar në fundvitin e kaluar në krye të Tatimeve në Vlorë akuzohet se abuzonte me përqindjen e rimbursueshme të Tatimit mbi Vlerën e Shtuar.

Akuza
Skema që çoi në pranga drejtorin e Tatimeve në Vlorë duket se ka qenë e njëjtë me atë të dy zyrtarëve të arrestuar me të njëjtën akuzë për çështjen e lejeve të ndërtimit në Golem të Durrësit. Pas ankesave të vazhdueshme nën zë të disa biznesmenëve në qytetin e Vlorës, në polici ka mbërritur një denoncim, ku Frakulla akuzohej se kishte kërkuar përqindjen e rimbursueshme të TVSH-së. Gjithsesi, sipas burimeve të policisë, në rastin e Frakullës, vepra penale e korrupsionit është pasive, çka do të thotë se vetë drejtuesi i Tatimeve të Vlorës ka përfituar një shumë që i përkiste 10 përqindëshit të TVSH-së që duhej rimbursuar. Nga verifikimet e kryera mësohet se procedurat e marrjes së kësaj pjese të TVSH-së vështirësoheshin me qëllim përfitimin e këtyre parave. Pas hetimeve të kryera nga agjentët e antikrimit ekonomik të Drejtorisë së Policisë së Vlorës janë mbledhur faktet dhe provat për të arrestuar Frakullën për këtë aktivitet abuzues.

Arrestimi
Mëngjesin e djeshëm, oficerët dhe agjentët e Antikrimit Ekonomik në Drejtorinë e Policisë së Vlorës i kanë vënë prangat drejtorit të Tatimeve, me akuzën e korrupsionit pasiv. Pasi është dërguar në zyrat e drejtorisë së Policisë së Vlorës, Frakullës i është pohuar akuza për veprën penale të kryerjes së korrupsionit pasiv të personave që ushtrojnë funksione publike, abuzimit dhe shpërdorimit të detyrës. Gjatë konferencës së djeshme për shtyp, zv.ministri i Brendshëm, Gjergj Lezhja, deklaroi se ky person ka konsumuar veprën penale të “korrupsionit pasiv të personave që ushtrojnë funksione publike”, parashikuar nga neni 259 i Kodit Penal. “Pas një hetimi disajavor, u vërtetua se shtetasi Edison Frakulla, duke qenë me detyrën e drejtorit të Tatimeve Vlorë, në mënyrë të përsëritur kërkonte dhe merrte 10% të shumës së detyrimit për TVSH-në e rimbursueshme”. Prioriteti tashmë i shpallur i qeverisë “Berisha” për të luftuar korrupsionin, ditët e fundit është fokusuar tek funksionarë të Partisë Demokratike, të cilët, edhe pse kanë përfituar “karriget” nën logon e mësipërme, nuk kanë hezituar të përdorin të njëjtat forma përfitimi si edhe paraardhësit e tyre. Arrestimi i Edison Frakullës vjen fill pas prangosjes së kryetarit të Komunës së Golemit, përfaqësues i PD dhe ish-drejtorit në Ministrinë e Turizmit, Arben Golemi.

[joss]

Konferencë për shtyp e Zëvendësministrit të Brendshëm, Gjegj Lezhja

Arrestohet shtetasi Edison Frakulla, Drejtor i Tatimeve Vlorë



03.06.2006



Sot paradite, Zëvendësministri i Brendshem Gjergj Lezhja, në një konference për shtyp, njoftoi përfaqësuesit e mediave për arrestimin e Drejtorit të Tatimeve të Vlorës, Edison Frakulla. Arrestimi më i fundit është në vazhdën e luftës që ka ndërrmarë qeveria demokratike dhe Ministria e Brendshme për të luftuar korrupsionin në të gjitha format e shfaqjes së tij.

Zëvendesministri i Brendshëm, Gjergj Lezhja, deklaroi se, sot paradite rreth orës 11.00 u bë i mundur arrestimi në flagrancë i shtetasit Edison Frakulla , me detyrën e Drejtorit të Tatimeve Vlorë. Ky person ka konsumuar veprën penale të “Korrupsionit pasiv të personave që ushtrojnë funksione publike”, vepër kjo e parashikuar nga neni 259 i Kodit Penal.

Zvministri i Brendshëm tha gjithashtu se, pas një hetimi disa javor, u vërtetua se shtetasi Edison Frakulla duke qenë me detyrën e Drejtorit të Tatimeve Vlorë, në mënyrë të përsëritur kërkonte dhe merrte 10% të shumës së detyrimit për TVSH-në e rimbursyeshme, përfitim ky i parregullt që lidhet me detyrën dhe funksionin e tij.

[joss]

Arrestohen në flagrancë tre shtetas për korrupsion



02.06.2006

Strukturat e Policisë së Shtetit me datë 01.06.2006 bënë të mundur arrestimin e shtetasit Demir Lika, me detyrë Kryetar i Komunës Golem.

Arrestimi i tij është bërë nën akuzën e korrupsionit të të zgjedhurve vendorë, parashikuar nga neni 260 i Kodit Penal pas një hetimi të gjatë dhe të shtrirë në kohë të strukturave të policisë.

Nga kontrolli i ushtruar në banesën e këtij shtetasi, si dhe gjatë kontrollit personal të tij janë gjetur e bllokuar me cilësinë e provës materiale rreth 13.750 euro, 11 mijë dollarë, rreth 1.000.000 lekë, si dhe një sërë dokumentash të transfertave bankare.

Ndërkohë pasditen e kësaj date në vijim të hetimeve të kryera është bërë arrestimi në flagrancë dhe i shtetasve:
- Arben Golemi, ish Drejtor i Politikave të Turizmit në Ministrinë e Turizmit,
- Petrit Çelpica, shofer i kryetarit te Komunës Golem dhe njëkohësisht Kryeplak i fshatit Seferaj.

Këto dy shtetas kanë rezultuar të jenë bashkëpunëtorë të shtetasit Demir Lika dhe akuzohen për veprën penale të korrupsionit të funksionarëve shtetërore dhe të zgjedhurve vendorë.

Tre të sipërpërmendurit kanë përfituar në mënyrë të parregullt për dhënie tokash dhe leje ndërtimi për shkak të funksionit të tyre si funksionarë shtetërorë dhe të zgjedhur vendorë.

Materialet proçeduriale në ngarkim të këtyre shtetasve i kanë kaluar për ndjekje të mëtejshme Prokurorisë së rrethit Tiranë.

[Brari]

gazeta 55

Data: 05/06/2006, ora

Edi Rama: Lufta ndaj korrupsionit po na largon mirëqenien



Socialistët shpallin fushatën në mbrojtje të korrupsionit, pasi po u cenohet mirëqenia e siguruar nëpërmjet ryshfetit. Në Vlorë Edi Rama kërkon të ndalen arrestimet dhe të mbrohet Artan Lame, në Tiranë socialistët venë baste se cili politikan e ka radhën të përgjigjet para drejtësisë. Paniku për afrimin e 10 qershorit e detyron Ramën të zbulojë fytyrën e tij si partizan i teorisë se vetëm korrupsioni sjell zhvillim. Gati ndëshkimi i socialistëve të thjeshtë në kongresin e së shtunës



Tani i janë zbuluar petët lakrorit. Edi Rama njeh vetëm një realitet të të pasuruarit, atë nëpërmjet korrupsionit, mitmarrjes dhe shkeljes së të drejtave të qytetarëve. Dje në Vlorë e deklaroi hapur filozofinë e tij se nuk i interesonte aspak lufta kundër korrupsionit e se më e rëndësishme ishte mirëqenieja, e garantuar nëpërmjet metodave të Artan Lames apo nëpërmjet shkëmbimit të lejeve të ndërtimit, në një shifër që sipas një raporti konfidencial që shtypi ia atribuon SHISH-it, ka shkuar në afro 670 milionë dollarë. “Lufta kundër korrupsionit është vetëm një instrument, por nuk është as ideali e as qëllimi ynë, u tha Edi Rama socialistëve të Vlorës, të tronditur disi nga impakti pozitiv që po kishte në jetët e tyre çlirimi nga merimanga e korrupsionit dhe monopolet që po u zinin frymën. Nuk jemi të qetë kur vijon parrulla: Ne do të hamë edhe bar për të luftuar korrupsionin! Ne jemi për luftën kundër korrupsionit por duke synuar njëkohësisht edhe mirëqënien”. Për Edi Ramën është një realitet i pathemeltë ai i zinxhirit të fundit të administratës shtetërore, i cili llogarit lekët e bukës derisa të vijë minirroga pasardhëse, është e parëndësishme se sipas raporteve ndërkombëtare, nën qeverimin e PS-së, dy të tretat e shqiptarëve jetonin me më pak se një dollar për frymë në ditë. Ky realitet që po ndryshohet tani po i sjell “iluminizmin” kryesocialistit. “Shqipërisë nuk i duhet lufta kundër korrupsionit, i duhet të mos prekë mirëqenien e elitës”, thotë ai. Ideja se korrupsioni sjell zhvillim e se lufta kundër tij mund të provokojë kriza është gjendur në shumë fjalime të Fatos Nanos, është përvetësuar sa hap e mbyll sytë nga nomenklatura socialiste e këtyre viteve e bile për krizë të mundshme që mund të na vijë si rezultat e ndërprerjes së burimeve që vijnë nga korrupsioni e ekonomia informale ka folur edhe Guvernatori i Bankës së Shqipërisë. Për Edi Ramën tani është e nevojshme fushata kundër fushatës antikorrupsion të qeverisë, pasi punët po shkojnë shumë larg e tani hetimet po vijnë tek “kapot” që lëvronte fondet që vinin nga kjo skemë korruptive. Ky është stacion final i kësaj fushate dhe Edi Rama po mundohet që të zvoglojë dëmet përpara kongresit të 10 qershorit. Vlora ishte vendi i gabuar për të shpallur fushatën në mbrojtje të korrupsionit, por kryesocialisti s’ka rrugë tjetër, veç mbështetjes së atyre pak segmenteve ende të pazbërthyera nga strukturat shtetërore. Se tani edhe strukturat socialiste kanë nisur të artikulojnë me njëri-tjetrin sondazhet se cili socialist i korruptuar e ka radhën.

Re. Po.

[Albo]

Efektivat që përdorin uniformën për të bërë krime


Prangat ndaj policëve, nga agjentja te zyrtari i lartë


Ministria e Brendshme pohoi dje se gjatë 6-mujorit të parë të këtij viti, 100 vepra penale të kryera nga efektiva të policisë janë denoncuar në Prokurori.

Në këto krime, sipas zëdhënësit të Ministrisë së Brendshme, janë përfshirë 120 efektiva të Policisë së Shtetit, nga të cilët 42 janë arrestuar në kushtet e flagrancës, pra në kryerje e sipër të krimit për të cilin akuzohen. Përtej statistikës zyrtare të publikuar së fundi nga Ministria e Brendshme, operacionet e vazhdueshme në këta gjashtë muaj, në goditje të krimit brenda policisë kanë ndëshkuar efektiva me grada e pozicione të larmishme nga punonjës të thjeshtë, deri te shefa komisariatesh, apo titullarë drejtorish të rëndësishme. Ata të gjithë shfrytëzojnë uniformën për të kërkuar para, për të kërcënuar, për të trafikuar drogë me qëllim shmangien e kontrolleve nga kolegët e tyre, madje dalin garantë për kalimin e klandestinëve në pikën e kalimit kufitar, apo në aeroport. Krahas kësaj, arrestimet dhe lufta ndaj krimit brenda policisë është shtrirë nga Shkodra në Sarandë dhe nga Korça deri në Tropojë. Agjentë policie që kërkojnë nga 3 mijë euro për një kalim të paligjshëm në kufi, shefa komisariatesh që lëshojnë 90 pasaporta false për persona të kërkuar, apo zyrtarë policie që të kërcënojnë me hapjen e dosjes penale nëse nuk paguan gjobën. Veprimet abuzive shkojnë deri atje, sa një punonjëse e policisë fsheh armën që përdoret nga një i kërkuar, ndërsa një efektiv i forcave speciale merr përsipër transportimin e ngarkesave me drogë për të shmangur kontrollet e kolegëve të tij. Të gjithë ata që i kanë bërë këto veprime të paligjshme, ndoshta ndëshkimin më të madh e kanë marrë kur janë vënë në pranga nga kolegët e tyre, apo kur janë përballur në qeli me kriminelë të fajësuar nga drejtësia. Pas arrestimeve, ka pasur nga ata që kanë shpresuar për një lirim nga gjykata, por togat e zeza kanë marrë vendimin “arrest me burg”, për shkak të atyre provave të cilësuara si të bollshme nga Prokuroria. Zyrtarët e Ministrisë së Brendshme, tregojnë se arrestimi i policëve, veç ndëshkimit të një veprimi kriminal të kryer kanë për qëllim zbatimin e ligjit, por edhe dhënien e një mesazhi të qartë: Zero tolerancë ndaj cilitdo. Ish-shefi i komisariatit të policisë së Tepelenës, i cili ra në pranga më 23 maj 2006, Afrim Zeqiri, ishte emëruar nga ministri i Brendshëm, Sokol Olldashi. Ky i fundit ka pohuar publikisht se nuk refuzoi arrestimin e nënkomisarit të Tepelenës, kur u njoh me abuzimet që kishin ndodhur në komisariat. Shefja e zyrës së Pasaportave në Drejtorinë e Policisë së Tiranës, Irena Babameto, ra në prangat e oficerëve të Shërbimit të Kontrollit të Brendshëm pas zbulimit të një pasaporte false, të prodhuar prej saj. Gjithçka ishte realizuar në kompjuterin e një prej kolegëve të Babametos, pasi kjo e fundit tentoi të mos linte gjurmë në veprimet e saj. Së fundi, shefi i zyrës Kundër Krimit të Organizuar në Drejtorinë e Policisë së Lezhës, u arrestua bashkë me agjentin e antidrogës për korrupsion të kryer në bashkëpunim. Gjithçka ka ardhur pas denoncimit të një biznesmeni të zonës në zyrat e publikut të SHKB-së. Kjo drejtori, sipas burimeve zyrtare të Ministrisë së Brendshme, edhe më parë ka kërkuar bashkëpunimin me publikun, nëpërmjet 12 numra telefonikë falas në gjithë vendin, ku të dëmtuarit mund të denoncojnë abuzimet e efektivave të Policisë së Shtetit. Por, ndërsa më parë denoncimet kanë qenë të rralla, në gjashtë muajt e parë të këtij viti, ankesat janë rritur. Burimet e Ministrisë së Brendshme e sqarojnë këtë fakt me rritjen e efektivitetit të Shërbimit të Kontrollit të Brendshëm në hetimin, zbulimin dhe goditjen e veprimeve të paligjshme të efektivave dhe punonjësve të Policisë së Shtetit.


Policet e arrestuar 2006

Luan Selaci, punonjës i rolit bazë, Policia e Qarkullimit Rrugor, Tiranë
Flamurieta Mitku, asistente, evidenciere e pasaportave në komisariatin e policisë nr.4, Tiranë
Fadil Ismaili, agjent i Parë, polic në dhomën e izolimit të komisariatit Elbasan
Avni Hamzallari, efektiv i paraburgimit Elbasan
Aurora Topçiu, inspektore e Policisë Kriminale në komisariatin e Tepelenës
Nazmi Çangu, agjent i Policisë Kriminale, komisariati nr.5 i policisë, Tiranë
Lulzim Meta, efektiv i rolit bazë, Policia Rrugore, Tiranë
Luan Nabolli, efektiv i rolit bazë, Policia Rrugore, Tiranë
Artur Haxhai, me detyrë ndihmës kontrollor në pikën e kalimit kufitar të Qafë-Thanës
Edmond Hyskollari, me detyrë trup shërbimi në Doganën e Qafë-Thanës
Neritan Lula, me detyrë doganier në degën e Doganës Qafë-Thanë
Elton Avdia, efektiv i repartit të Forcave të Ndërhyrjes së Shpejtë
Florenc Sulçe, kryekontrollor i pikës së kalimit kufitar të Kapshticës
Tomorr Abazllari, ndihmëskontrollori i pikës së kalimit kufitar Kapshticë
Agron Pipa, përgjegjës i dhomave të paraburgimit, Fier
Gjovalin Prenga, zv/përgjegjës i paraburgimit, Fier
Agim Driza, rojë e brendshme e paraburgimit, Fier
Aleksandër Hoxha, rojë e brendshme e paraburgimit, Fier
Bujar Plaka, rojë e jashtme e paraburgimit, Fier
Flamur Zaimi, rojë e jashtme e paraburgimit, Fier
Krenar Tepollari, nënoficer në Gardën e Republikës
Nënkomisar Afrim Zeqiri, shef i komisariatit të policisë, Tepelenë
Agjent Xhevahir Myrtaj, shofer i shefit të komisariatit, Tepelenë
Agjent Ali Ajdini, referent në zyrën e pasaportave të komisariatit Tepelenë
Agjent Behar Pasha, inspektor i Policisë së Rendit në komisariatin Tepelenë
Gentian Mujo, efektivi i komisariatit të policisë së objekteve, Tiranë
Adrian Sejfullai, punonjës policie i rolit bazë, efektiv i repartit të ndërhyrjes së shpejtë “Delta-Force”
Florenc Sulçe, me detyrë kryekontrollor në Kapshticë
Dritan Dervishi, agjent i Antikrimit Ekonomik në Drejtorinë e Policisë Tiranë
Tare Beqiraj, shefi i Krimit të Organizuar në Drejtorinë e Policisë Lezhë
Dritan Dushi, agjent në zyrën e Luftës Kundër Drogës në Drejtorinë e Policisë Qarkut Lezhë
Kapllan Shehu, efektiv i repartit të Forcave të Ndërhyrjes së Shpejtë
Hasan Hoxha, me detyrë ndihmëskontrollor në komisariatin e Portit të Durrësit
Marash Muça, efektiv i Policisë Kufitare në Drejtorinë e Policisë së Shkodrës

Panorama

[Albo]

PROVAT E DOSJES

Kallëzimi penal i bërë nga biznesmeni nga Lezha ndaj punonjësve, Tare Beqiri, dhe efektivave të tjerë të policisë
Deklarimet e dhëna nga personi ndërmjetës mes biznesmenit dhe punonjësve të policisë që morën paratë
Shuma financiare e sekuestruar, pasi u mor si pagesë nga biznesmeni me aktivitet në Lezhë
Përgjimet e bisedave të zhvilluara mes personave të arrestuar dhe biznesmenit, të cilit iu kërkua ryshfet


Operacioni i SHKB-së mesnatën e së hënës, pas denoncimit të biznesmenit të lokaleve

Merr ryshfet, pranga zyrtarit të policisë
Tare Beqiri, shef sektori në drejtorinë e Lezhës, kapet me agjentin

Zyrtari i lartë i policisë dhe agjenti i Antidrogës marrin 2500 euro ryshfet nga biznesmeni. Vetëm pak minuta pas këtij veprimi, komisar Tare Beqiri, shef i sektorit të Krimit të Organizuar në Drejtorinë e Policisë së Lezhës dhe një agjent i Antidrogës në këtë institucion, kanë rënë në prangat.

Ata u arrestuan në një lokal në qytetin e Lezhës, nga oficerët e Shërbimit të Kontrollit të Brendshëm. Ngjarja ka ndodhur rreth orës 23:45 të së hënës. Tare Beqiri, ish-shef i komisariatit nr.4 në policinë e Tiranës dhe ish-punonjës i Shërbimit Informativ Kombëtar, ish-punonjës i policisë së Korçës, akuzohet për korrupsion në bashkëpunim me agjentin e policisë. Sipas akuzës, dy të arrestuarit kërcënonin një biznesmen nga Lezha, se do të fillonin çështjen penale për sekuestrimin e pasurive të tij, nëse ai nuk paguante shumat e majme financiare në formë gjobe. Pas një karriere të gjatë në polici dhe në radhët e Shërbimit Informativ Shtetëror, Tare Beqiri përfundon në qeli i akuzuar për korrupsion. Ai dyshohet se ka detyruar një biznesmen të paguajë një shumë të konsiderueshme, në këmbim të zhbllokimit të makinës luksoze, që ishte bllokuar ditë më parë nga policia, si dhe në formë parandalimi për nisjen e çështjes penale. Dritan Dushi është agjenti i Antidrogës, i cili u arrestua nga SHKB-ja bashkë me Tare Beqirin. Zëdhënësi i Ministrisë së Brendshme, Altin Ndroqi, që konfirmoi arrestimin e punonjësve të policisë, pohoi se oficerët e SHKB kanë sekuestruar në cilësinë e provës materiale edhe sasinë prej 2500 eurosh, që kishte paguar biznesmeni për punonjësit e Policisë së Shtetit.

Arrestimi
Mbrëmjen e së hënës, rreth orës 23:00, Tare Beqiri ka parkuar makinën e tij tip “Mitsubishi” me targa policie, pranë picerisë në qendër të Lezhës. Aty kishte lënë të takohej me biznesmenin Angjelin. F. Bashkë me zyrtarin e lartë të policisë së Lezhës ishte edhe agjenti i policisë në sektorin e Antidrogës, Dritan Dushi. Oficerët e SHKB-së kanë ndjekur gjithë skenën dhe kanë arrestuar të dyshuarit, kur ata po dilnin nga lokali, ku dyshohet se kishin marrë gjobën e radhës. Sipas burimeve të Ministrisë së Brendshme, dy punonjësit e policisë kanë detyruar dhe i kanë marrë biznesmenit një sasi 2500 euro. Makina e biznesmenit rezultonte e vjedhur në Itali, ndërsa të arrestuarit i kishin thënë tregtarit se do t’i sekuestronin pronat. Agjentët e SHKB kanë mundur të filmojnë të gjithë skenën, duke kryer edhe kapjen e tyre në flagrancë. Komisar Tare Beqiri, 43 vjeç dhe agjenti Dritan Dushi, 37 vjeç, u vunë në pranga nën akuzën e korrupsionit. Burime zyrtare nga policia pohuan se ndaj dy punonjësve të policisë mund të shtohen akuzat.

Hetimet
Shërbimi i Kontrollit të Brendshëm ka filluar hetimet rreth tre muaj më parë, pas informacioneve që janë mbledhur për veprimet e dyshimta të shefit të Krimit të Organizuar në Drejtorinë e Policisë së Lezhës, Tare Beqiri. Ndërsa SHKB në bashkëpunim edhe me struktura të tjera hetonin, një person nga qyteti i Lezhës denoncon presionin që ushtronte komisar Beqiri ndaj tij. Sipas policisë, Beqiri kërkoi 2500 euro si gjobë, për lirimin e makinës. Oficerët e SHKB kanë filluar hetimet mbi pistën e re të servirur nga denoncimi i tregtarit, pronar i një lokali në qendër të Lezhës dhe në Shëngjin. Prokurori i Lezhës ka dhënë leje për përgjimin e telefonit të Beqirit. Zbardhja e bisedave telefonike, si dhe bashkëpunimi me pronarin e picerisë në qendër të Lezhës, ka mundësuar arrestimin e zyrtarit dhe agjentit të policisë.


Biznesmeni në polici: Po më kërcënojnë me bllokimin e pronave

LEZHE - Po më kërcënojnë me fillimin e çështjes penale ndaj meje dhe me sekuestrimin e pasurive të mia, nëse nuk u paguaj lekët që kërkojnë. Ky ka qenë denoncimi i biznesmenit nga Lezha, bërë në policinë e këtij qyteti kohë më parë. Tregtari mësohet se nuk ka preferuar të tregonte emrat e atyre personave që i kërkonin ryshfet, por ka treguar se ata e kishin kërcënuar me hapjen e një dosje ndaj tij, pasi “kishin prova” se bizneset e tij ishin ndërtuar me para të pandershme. Denoncimi i bërë në policinë e Lezhës është verifikuar me imtësi nga Ministria e Brendshme. Kjo e fundit ka verifikuar vërtetësinë e fakteve që paraqiteshin nga biznesmeni dhe më pas ka vendosur fillimin e hetimeve ndaj zyrtarit të policisë dhe agjentit të Antidrogës. Burime të policisë lokale në Lezhë kanë pohuar se biznesmeni në denoncimin e tij ka thënë se takohej pothuajse çdo javë ose fliste në telefon me punonjësit e policisë, që i kërkonin para. Gjatë të gjitha këtyre komunikimeve mësohet se biznesmeni kërcënohej, se nëse nuk paguante shumat e kërkuara do të humbiste aktivitetin dhe madje rrezikonte të arrestohej. Ndryshe nga versioni zyrtar i Ministrisë së Brendshme, burimet e policisë lokale në Lezhë pohonin dje se shkaku i gjobës ndaj biznesmenit ka qenë makina e tij. Ajo ishte bllokuar nga policia, pasi ishte vjedhur në Itali dhe për lirimin e saj, dy punonjësit e policisë kishin kërkuar shuma të majme financiare. Një tjetër version jepet nga policia lokale edhe për shumën e gjobës së fundit, që është 70 mijë lekë të reja dhe jo 2500 euro, siç pohoi zyrtarisht Ministria e Brendshme.

[Albo]

Kontrolli nga qeveria zbulon shkelje edhe në hipotekën aktuale

Komisioni Antikorrupsion: Të shkarkohet Banushaj

VLORE/ Qemal Biraku

Komisioni i Kontrollit, urdhëruar nga Këshilli i Ministrave, ka verifikuar në zyrën e Regjistrimit të Pasurive të Vlorës disa shkelje ligjore, për të cilat, sipas raportit të këtij komisioni, duhet të shkarkohet regjistruesi, Edmond Banushaj.

Pas verifikimit të Kontrollit të Lartë të Shtetit për abuzime dhe pas dërgimit të katër ish-punonjësve të Hipotekës së këtij rrethi për ndjekje në Prokurori me akuzën e abuzimit gjatë ndarjes së pronave, një tjetër kontroll zbardh të tjera abuzime.
Kontrolli i posaçëm për Hipotekën e Vlorës është urdhëruar në bazë të vendimit të 15 shkurtit të këtij viti “Për miratim të rregullores për funksionet dhe procedurat e kontrollit të brendshëm administrativ dhe antikorrupsion të Këshillit të Ministrave”. Komisioni i Kontrollit, që është drejtuar nga Enkeljed Alibeaj, me inspektore Engjëllushe Dajkon, ka përpiluar një raport, ku rendit veprimet në kundërshtim me ligjet, të zyrës së Regjistrimit të Pasurive. Sipas këtij komisioni, Petrit Omerit, bashkëpronarit të shoqërisë “Verona” i është mohuar një vërtetim hipotekor, të cilin ai e ka kërkuar nga kjo zyrë. Hipoteka e Vlorës nuk e ka dhënë këtë vërtetim, edhe pasi një gjë e tillë është kërkuar nga zyra qendrore e Regjistrimit të Pasurive. “Mbi këto veprime regjistruesi nuk ka bërë gjë tjetër, veçse ka marrë përsipër të drejtën për të disponuar mbi pronësinë e kërkuesit”, thuhet në raportin e komisionit të Kontrollit, në lidhje me mosdhënien e vërtetimit hipotekor.
Ndërkohë që, sipas kontrollit, ka rezultuar se kjo zyrë nuk ka pajisur me dokumentet përkatëse edhe shumë persona të interesuar që kishin paraqitur kërkesat. Sipas kontrollit, zyra në fjalë nuk ka kryer shërbimin, për të cilin është caktuar. “Nga klientët e ndodhur në sportele kishte mjaft ankesa për sjelljen e punonjësve të kësaj zyre”, thuhet më tej në raport.
Raporti i firmosur komisioni i kontrollit i është drejtuar ministrit të Drejtësisë, Aldo Bumçit, ku i është rekomanduar largimi nga detyra i regjistruesit të Vlorës, Edmond Banushaj dhe njëkohësisht kthimin e përgjigjes në këtë zyrë brenda 10 ditëve, për veprimet që do të ndërmerren nga Ministria e Drejtësisë. Vetëm katër ditë më parë, ka nisur ndjekja penale për dy ish-drejtorët e Hipotekës, Halit Rama dhe Devit Tushe, si dhe për dy juristet Odeta Aliaj dhe Jonela Dervishi. Ndjekja penale për to, ka nisur pas disa shkeljeve që janë zbuluar nga Kontrolli i Lartë i Shtetit në Hipotekën e Vlorës përgjatë viteve 2003-2005.

Nën hetim

¨ Halit Rama, ish-drejtor
¨ Devit Tusha, ish-drejtor
¨ Odeta Aliaj, juriste
¨ Jonela Dervishi, juriste

[gene]

dhe shtoni ketu se ne emer te ketyre arrestimeve administrata publike po trajtohet si kompani ushtarake e pabindur ne nje aksion luftarak PO DECIMOHEN.

Dy urra per punen e bere per arrestimin e personave te korruptuar.

Te treten (urra) e rezervojme per diten kur vendimi perfundimtar i nje gjykate do i shpalle fajtore.
Jo se egziston mundesia qe keta te mos kene qene te korruptuar (kete e kuptojme te gjithe dhe kemi tendencen ta besojme pas 15 vitesh qeverisje klanore) po se egziston mundesia qe te mos kete prova ligjore te mjaftueshme per shkak te nxitimit ne verifikime.
Ndodh kur kerkohen me cdo kusht dhe shpejt "koka turku" per te kenaqur turmat.

[Albo]

Kryeplakut i zbulohen 10 kg. kanabis, arrestohet

E Hene, 10 Korrik 2006

Kryeplaku i nje fshati ne rrethin e Gramshit arrestohet per mbajtje te lendeve narkotike. Policia e Gramshit, ne bashkepunim me forcat e Antidroges, prangosi dje kryeplakun e fshatit Grasove, Gjergji Sotiri, pasi ne banesen e tij u gjet nje sasi marijuane. Burime zyrtare te policise lokale bene te ditur se, gjate nje kontrolli te ushtruar ne banesen e kryeplakut 40-vjecar, u gjeten 10 kg bime narkotike “kanabis sativa”, ne gjendje te presuar dhe e ndare ne pako me nga 1 kg. secila. Te njejtat burime shtuan se, Sotiri ka qene i denuar edhe me pare per vjedhje, nderkohe qe dyshohet te jete autor i vjedhjes se kembanes se Shen Naunit, ne Pogradec. Gjithsesi, per kete ngjarje, jane duke u kryer hetime intensive dhe prokuroria shpreson qe ne ditet e ardhshme te jape konkluzionet perfundimtare. Vec droges se gjetur ne shtepi, Sotiri, i prangosur pas disa informacioneve te marra ne rruge operative nga agjentet e policise, do te merret ne pyetje edhe per vjedhjen e kembanes se Shen Naunit.

[Albo]

Vendimi nuk përfshin Prokurorinë e Përgjithshme. Paratë do të lëvrohen nga fondi rezervë i buxhetit

Qeveria, shpërblim për policët dhe prokurorët e krimeve të rënda


N.Perndoj

TIRANË- Ministria e Brendshme ka përjashtuar nga kontributi për luftën ndaj grupeve kriminale Prokurorinë e Përgjithshme. Kjo duket qartë në vendimin e djeshëm të Këshillit të Ministrave, ku me propozim të Ministrisë së Brendshme është vendosur që punonjësve të Policisë së Shtetit dhe prokurorëve të Prokurorisë pranë Gjykatës së Shkallës së Parë për Krimet e Rënda, të shquar në veprimtarinë për luftën ndaj grupeve kriminale, me rrezikshmëri të lartë, t’i jepet shpërblim. Në këtë vendim për shpërblim nuk janë përfshirë asnjë nga prokurorët e Prokurorisë së Përgjithshme. “Në mbështetje të nenit 100 të Kushtetutës, të neneve 21 e 27, të ligjit nr. 8 379, datë 29.07.1998, “Për hartimin dhe zbatimin e buxhetit të shtetit të Republikës së Shqipërisë”, dhe të nenit 12, të ligjit nr. 9 464, datë 28.12.2005, “Për buxhetin e shtetit, të vitit 2006”, me propozimin e ministrit të Brendshëm, Këshilli i Ministrave vendosi që punonjësve të Policisë së Shtetit dhe prokurorëve të Prokurorisë pranë Gjykatës së Shkallës së Parë për Krimet e Rënda, të shquar në veprimtarinë për luftën ndaj grupeve kriminale, me rrezikshmëri të lartë, t’i jepet shpërblim”, - thuhet në vendimin e djeshëm të Këshillit të Ministrave. Për shpërblimet e vendosura sipas një liste të caktuar, Ministrisë së Brendshme, në buxhetin e miratuar për vitin 2006, zëri “Shpërblime dhe paga për punonjësit”, do t’i shtohet fondi prej 6 000 000 (gjashtë milionë) lekësh, për t’u përdorur si shpërblim, për punonjësit e Policisë së Shtetit. Gjithashtu, Prokurorisë së Përgjithshme, në buxhetin e miratuar për vitin 2006, zëri “Shpërblime dhe paga për punonjësit”, t’i shtohet fondi prej 4 000 000 (katër milionë) lekësh, për t’u përdorur si shpërblim për prokurorët e Prokurorisë pranë Gjykatës së Shkallës së Parë për Krimet e Rënda. Fondi prej 10 000 000 (dhjetë milionë) lekësh të përballohet nga fondi rezervë i Këshillit të Ministrave. Për zbatimin e këtij vendimi do të ngarkohet Ministria e Financave, Ministria e Brendshme dhe Prokuroria e Përgjithshme.

Shekulli

[Albo]

Barka: Drejtorite tona abuzuan me 11 milione leke

E Merkure, 19 Korrik 2006

Zbulohen abuzime me fondet per disa projekte ne Ministrine e Punes dhe strukturave varese te saj, Drejtorite e Pergjithshme dhe Zyrat Rajonale. Nga analiza 6-mujore e punes se dikasterit te Barkes, rezultojne shkelje te disiplines financiare. Ishte vete ministri Barka qe denoncoi rastet e deklaruara prej kontrolleve te brendshme te kryera ne keto institucione. Ministri terhoqi vemendjen per ulje te nivelit te kontrollit te brendshem ne fondet e vena ne dispozicion te ketyre institucioneve. Sipas Barkes, ndonese jane rritur ritmet e luftes ndaj veprimeve korruptive, jane vene re deme ekonomike e vlera qe i kapercejne milionat. “Gjate muajit maj-qershor u rivleresua raporti i auditimit i ministrise nga Departamenti i Kontrollit te Brendshem Antikorrupsion, per 16 projektet e nxitjes se punesimit. Eshte zbuluar nje dem ekonomik 11 milione leke ose 927 mije leke per cdo auditim”, tha ministri. Barka shtoi se, vetem ne Ministrine e Punes u kap nje dem ekonomik ne shperdorimin e fondeve ne shumen 1,8 milion leke. E njejta situate u duk edhe ne kontrollet auditive te kryera ne Sherbimin Kombetar te Punes, qe rezultoi me nje dem ekonomik prej 733 mije leke. B.M.

Korrieri

[Albo]

Flet kreu i Hipotekës së Shkodrës, Paulin Zadeja

"Si e zbuluam implikimin e noterëve në Hipotekë"

Zef PALI

SHKODER - Hipoteka do jetë zyrë për zgjidhjen e problemeve të pronës dhe jo të radhëve të gjata. Ky pohim vjen nga drejtuesi i sapoemëruar i Hipotekës së Shkodrës, Paulin Zadeja. Në një intervistë për gazetën "Tirana Observer", drejtori i Zyrës së Regjistrimit të Pasurive të Paluajtshme, Zadeja, rrëfen se me ardhjen në detyrën i është dashur të përballet me skandalin e implikimit të noterëve. Ndër të tjera ai premton se tani e tutje jo vetëm nuk do të ekzistojë më ky fenomen, por po punohet për lehtësimin e procedurave.

Duke parë orarin tuaj të takimeve me qytetarët, konstatuam se numri i njerëzve që kërkojnë të sqarohen është mjaft i madh, a mund të na thoni sa shkon ky numër në një ditë të tillë pritjeje?

Numri i qytetarëve që vijnë nga zona urbane dhe rurale është mjaft i madh, madje i papërballueshëm për dy ditë pritjeje në javë. Për këtë arsye, edhe pse kam pak kohë në këtë post, e kam parë të nevojshme të vendos edhe një ditë të tretë për pritjen e pronarëve. Ndërkohë, mund të them se ka nga ata që vijnë nga zona mjaft të largëta, por nëse nuk marrin dot takim janë të detyruar të vijnë përsëri. Për të zgjidhur këtë problem, për të gjithë ata që nuk do të arrijnë të marrin takim, Zyra e Regjistrimit të Pasurive të Paluajtshme do të vendosë një kuti postare, ku gjithkush do të depozitojë ankesat e veta. I siguroj qytetarët se askush nuk do të mbetet pa një përgjigje të verifikuar me seriozitetin e duhur.

Pse ka rradhë kaq të gjata të njerëzve në dyert e Hipoptekës?

Motivet e ardhjes së tyre nxiten për mangësi të vërejtura në regjistrimin e pronave të tyre, të cilat mund të jenë teknike, por edhe ligjore. Ankesat më të shumta kanë të bëjnë me fenomenin e mbivendosjes së pronave. Raste të tilla janë vërejtur si në zonat urbane ashtu dhe në ato rurale, në këto të fundit rastet janë edhe më të shumta. Arsyet e mbivendosjes kanë të bëjnë veçanërisht me kufijtë e pronave. Kjo përplasje mes pronarëve është shkaktuar nga mosmatja mirë e pronave, nga hedhja në skicë, por edhe për shumë arsye të tjera. Kjo zyrë ka qenë monopol i dy a tre noterëve.

Pse ndodhte një gjë e tillë?

Ka qenë një ndër konstatimet e para që kemi bërë. Mes radhëve të gjata të qytetarëve që përditë të tëra sorollateshin për të marrë një dokument apo një përgjigje për kërkesat që kishin bërë, vetëm 2-3 noterë kishin shansin që të futeshin lirisht në ambientet e Hipotekës së Shkodrës. Falë favorizimeve që u kishin bërë ish-drejtuesit e këtij institucioni, ata kishin monopolizuar të gjitha veprimet që bëheshin në Zyrën e Regjistrimit të Pronave të Paluajtshme, duke nxjerrë jashtë loje aktivitetin e kolegëve të tyre. Por tashmë, ky lloj abuzimi ka marrë fund. Tashmë, mund të them se monopolin e dy apo tre noterëve për shërbimet në ZRPP, e kemi hequr. Kjo zyrë është e hapur për të gjithë noterët pa asnjë preferencë në veçanti. Sigurisht që këta noterë duhet të jenë të licencuar.

A mund të rikuperohen mbivendosjet e pronave apo "gabimet" e tjera të konstatuara nga ana e Zyrës së Hipotekës?

Në raste të tilla është e pamundur, sepse nuk është Zyra e Regjistrimit të Pasurive të Paluajtshme që i jep të drejtë njërit apo tjetrit. Zyra e Regjistrimit të Pasurive ka detyrimin të regjistrojë çdo vendim ligjor që ka lidhje me pronat. Përplasje të tilla, siç janë mbivendosjet, qytetarët janë të detyruar t'i drejtohen gjykatës për të zgjidhur konfliktin e tyre.

Meqenëse zyrat e Regjistrimit të Pasurive të Paluajtshme kanë qenë përgjithësisht të përfolura, a keni gjetur ju fletë të grisura në regjistra apo mangësi të tjera të kësaj natyre?

Jo, nuk mund të bëhet fjalë për veprime të tilla. Nga ana vizuale regjistrat flasin për një punë të admirueshme. Çështja shtrohet se çfarë saktësie qëndron në brendësinë e faqeve të regjistrave. Është kjo arsyeja që kam vendosur të rrit numrin e ditëve të pritjes me qytetarët, pasi vetëm ata janë në dijeni të plotë se çfarë ka ndodhur në të vërtetë me pronat.

Hipoteka

Problemet e shumta me të cilat përballet zyra e regjistrimit të pasurive, ka bërë që drejtori të shtojë numrin e sporteleve brenda në Hipotekë. Tani përveçse sportelit të pranimit të kërkesave nga ana e qytetarëve dhe atij të dhënies së certifikatave, janë ngritur sportele të tjera për gjitha llojet e shërbimeve. Siç janë regjistrim fillestar prone, transkriptim, inskriptim, servidutet, bashkim dhe ndarje prone si dhe ai për dhënie vërtetim prone, në rastet kur merret kredi apo për veprime në ambasadë. Janë rreth 15 punonjës në gatishmëri të qytetarëve që bëjnë çdo ditë punën e tyre.

Kuti postare

Në zyrat e regjistrimit të pasurive të paluajtshme mund të dërgosh ankesën tënde edhe nëpërmjet kutisë postare. Ky është rregulli i ri i vendosur për të gjithë ato persona që smund të shkojnë pranë këtyre zyrave. Për banorët e zonave mjaft të largëta, nëse nuk marrin dot takim janë të detyruar të vijnë përsëri. Për të zgjidhur këtë problem, për të gjithë ata që nuk do të arrijnë të marrin takim, vihet një kuti postare, ku gjithkush do të depozitojë ankesat e veta.

[Albo]

Pranga mikut të ish-gardistit

Pas arrestimit të ish-gardistit Nikolin Doda, është arrestuar edhe miku i tij, Preng Luka, i cili është proceduar më parë për vjedhje. Burime nga policia bënë të ditur se ish-punonjësi i Gardës së Republikës, Doda, ka qenë i proceduar edhe më parë për vrasje të mbetur në tentativë. Po kështu burimet pohuan se këtë herë ai është i dyshuar për një seri vjedhjesh me armë. Arrestimi i tij është kryer para dy ditësh nga një operacion i fshehtë mes Komisariatit Nr.2 dhe atij Nr.1 në kryeqytet. Burime nga policia bënë të ditur se miku i Dodës, 30-vjeçari Preng Luka është arrestuar, pasi në afërsi të Presidencës ka tentuar të vjedhë në një banesë, e cila ishte e Y.L. Menjëherë sapo është vënë re nga punonjësit e Gardës, të cilët kanë qëlluar me armë në ajër, që ta ndalonin, është njoftuar edhe policia dhe është bërë i mundur arrestimi i tij, në afërsi të Liqenit Artificial. Burimet pohojnë se Luka është arrestuar me akuzën e vjedhjes së mbetur në tentativë, por akuzohet edhe për bashkëpunime të tjera në vjedhje me 30-vjeçarin Nikolin Doda.

[Albo]

Dëshmitë e penalitetit, së shpejti on-line

Dëshmitë e penalitetit së shpejti do të merren on-line. Burime nga Ministria e Drejtësisë bëjnë të ditur se po hartohet një projektligj, i cili do të shkurtojë procedurat për të marrë një dëshmi penaliteti. Sipas projektligjit, Ministria e Drejtësisë do verë në dispozicion të qytetarëve një adresë interneti ku do të depozitohen kërkesat. Më pas të dhënat do të shpërndahen në të gjithë institucionet, të cilat do të kontrollojnë të dhënat për çdo person të interesuar. Kështu, rradhët e gjatë që ishin përpara godinës së përmbarimit do të marrin fund. Projektligji i ri, i cili pritet që të miratohet së shpejti, përveç se do të shkurtojë rrugë do të jetë edhe më i përdorshëm dhe më i lehtë për qytetarët, të cilët do të marrin dëshmi penaliteti.

[Albo]

FIER/ Bashkë me ta në listë, edhe tre kryetarë komunash për abuzime me tendera dhe fonde


Gati shkarkim i dy kryebashkiakëve

Prefektura raport në qeveri, shkeljet deri në 80 milionë lekë

FIER / Vladimiri Muçaj

Auditimi i Brendshëm i Prefekturës së Fierit ka konstatuar shkelje të rënda financiare dhe ligjore dhe për këtë është gati një raport, ku i sugjerohet Këshillit të Ministrave shkarkimi i dy kryetarëve bashkiakë, si dhe i tre kryetarëve të komunave.

Andon Bita, kryetar i Bashkisë së Patosit, si dhe Fitimtar Jahaj, kryetari i Bashkisë së Ballshit janë dy ndër zyrtarët që i kanë shkaktuar shtetit një dëm prej 80 milionë lekësh të reja. Me ta do të shkarkohen edhe kryetarët e Komunave të Topojës, Kumanit dhe Kurjanit.
Lidhur me shkeljet, ka folur shefi i Auditimit në Prefekturën e Fierit, Jakup Beqiri, i cili ka renditur të gjitha abuzimet që pas kontrollit rezultojnë të kryera nga drejtuesit e pushtetit vendor. Beqiri ka pohuar për gazetën se kontrollet e ushtruara në të gjitha njësitë vendore të Qarkut të Fierit kanë rezultuar me shkelje të rënda. Të pesë personat e mësipërm nuk kanë respektuar rregullat e tenderimit, duke i realizuar ato sipas dëshirave të tyre personale. Kjo sipas Beqirit është një shkelje e rëndë, pasi bëhet fjalë për ndërtimin e veprave publike dhe mbi të gjitha për shpërdorimin e parave të taksapaguesve shqiptarë. Nga ana tjetër, në raport thuhet se abuzime ka pasur edhe në procesin e zhvillimit të këtyre tenderave, duke u favorizuar kompani të caktuara ndërtuese. Ndërsa të pesë zyrtarët akuzohen për ushtrim të detyrës sipas dëshirave të tyre dhe pa respektuar ligjet, ata akuzohen njëkohësisht edhe për mosushtrim të kompetencave të tyre, me qëllim përfitimin personal. Ata, po sipas kontrollit, nuk kanë ushtruar kontroll të herëpashershëm mbi ecurinë e zhvillimeve të ndërtimeve, të cilat janë investuar nga shteti dhe kanë mbetur përgjysmë. Por mbi të gjitha, ata kanë përvetësuar para nga fondet e njësive vendore. “Mosrespektim i ligjeve si në procesin juridik, edhe në atë financiar, është zbuluar hapur nga auditimi i kryer, por pothuaj i gjithë pushteti vendor i qarkut është prekur nga ky fenomen, ku herë-herë dalin kryetarët ata që kanë abuzuar dhe në rastet e tjera janë sektorë të veçantë të administratës që ata mbulojnë”, ka theksuar Beqiri, i cili shton se fenomeni ka kapur të gjithë pushtetin vendor në Fier. Shefi i Auditimit të Brendshëm thotë se kanë kërkuar shkarkimin e menjëhershëm të pesë zyrtarëve. “Kërkesa e Prefekturës mbështetur në shifrat e kontrollit dhe e dokumentuar plotësisht ka mbërritur tashmë në zyrën e kryeministrit Sali Berisha”, përfundoi shefi i Auditimit të Brendshëm të Prefekturës, Jakup Beqiri.
Rreth kontrollit të punës së pesë kryetarëve vendorë reagojnë edhe ata vetë, ku mohojnë abuzimet dhe shpërdorimin e detyrës për të cilën akuzohen. Ndërkaq këto nuk janë shkeljet e para që raportohen për Fierin. Disa ditë më parë Kontrolli i Lartë i Shtetit ka evidentuar në qytetin e Fierit disa shkelje nga një operator i huaj, i cili duhet të menaxhonte furnizimin me ujë dhe kanalizimet e qytetit, gjë që nuk ka çuar në përmirësimin e furnizimit me ujë të banorëve.


Kryebashkiaku: Sulm politik

Pas bërjes publike të raportit të Auditimit të Brendshëm që fajëson pesë zyrtarët e pushtetit vendor në Fier, reagojnë edhe emrat e përmendur për abuzimet. Andon Bita, kreu i Bashkisë së Patosit, mohon në mënyrë kategorike shkeljet dhe e komenton gjithë këtë si një sulm politik ndaj tij. “Kjo është një luftë e hapur politike dhe Sali Berisha me çirakët e tij po luajnë me mullinjtë e erës”, ka thënë dje kryetari Bita. Ai e argumenton këtë me faktin se bashkia që ai drejton prej vitesh, qeveriset nga socialistët. “Dihet prej vitesh se qyteza e Patosit është bastion i së majtës, ku unë drejtoj. Të djathtët që erdhën në pushtet duan të garantojnë fitoren e zgjedhjeve të ardhshme, duke shpifur dhe manipuluar. Kjo është një formë e menduar mjaft mirë prej qeverisë dhe strukturave lokale të saj, për të zhvleftësuar figurën tonë para komunitetit që na ka votuar”, ka përfunduar kryetari i Bashkisë së Patosit, Andon Bita.

Komunari: S’jemi informuar

Kryetari i Komunës së Topojës, që akuzohet për shkelje dhe abuzime me ligjin, Vladimir Semini, thotë se nuk është informuar rreth përfundimit të kontrollit. “Realisht nuk jam informuar në mënyrë të saktë për konkluzionet e këtij kontrolli, por e them me përgjegjësi ligjore dhe qytetare se kontrolli ka motive politike”, thekson Semini. Ai ka shtuar se gjithçka bëhet në emër të goditjeve politike. “Në komunën që unë drejtoj prej vitesh nuk ka abuzime të tilla. Gabime apo defekte teknike mund të gjesh në çdo njësi vendore, pasi aty ku punohet ka edhe gabime, por kur problemit i jepen këto përmasa, atëherë në opinionin tim ka prapavija politike”, ka vijuar më tej kryetari i komunës, Vladimir Semini. Së bashku me ta, sipas kontrollit, janë verifikuar shkelje edhe për kryetarin e Bashkisë së Ballshit dhe kryetarët e komunave të Kumanit dhe Kurjanit, ndaj të cilëve pritet tashmë vendimi i shkarkimit për shkak të abuzimeve me detyrën.

Panorama

[Brari]

balkanweb

Si qenkan vjedhur parate per Kosoven?!



-nga Bashkim Kopliku

Kryeministri akuzon socialistet, se paskan vjedhur parate e takses per rrugen per Kosove (Durres-Kukes-Morine). Akuza ka dy ane, ate korruptive, dhe ate antipatriotike. Nuk jepet asnje fakt per te mbeshtetetur kete akuze, bile nuk gjejme as edhe nje menyre teorike, se si mund te ndahen vec parate e rruges, nga parate e tjera te grumbulluara ne buxhet, qe pastaj edhe te vidhen pikerisht ato! Kryeministri duhet te nxjerre ndonje specialist qe t’ua shpjegoje qytetareve shqiptare, brenda kufirit, dhe edhe jashte kufirit, ne Kosove.
Shteti u merr para qytetareve te vet, nepermjet tatim-taksave. Nje nga keto eshte edhe taksa e perfolur e rruges (ish-taksa Majko). Te gjitha parate nga tatim-taksat, futen ne nje “thes”, dhe perbejne te ardhura ne buxhet. Parate, qofshin 5 leksha, qofshin 5000 leksha, jane njesoj, si ato qe mblidhen nga taksa e rruges, si ato qe mblidhen nga tatim-taksat e tjera, si nga TVSH-ja, apo tatimi mbi te ardhurat etj. Ato nuk ndahen dot, as kryeministri yne me gjithe stafin e tij nuk i ndan dot; as z. Nano, me gjithe te tijet nuk i ndajne dot. Parate qe jane mbledhur per rrugen, fillojne te rimarrin emer, vetem kur fillojne investimet per rrugen. Atehere, nga Buxheti i shtetit merren kaq leke, dhe paguhen firmat qe kane punuar. Ky eshte momenti kur mund te flitet prape per “para te rruges”. Por, derisa kryeministri na thote se nuk eshte shpenzuar “anje lek per ate rruge”, dhe se nuk “eshte bere as projekti i saj”, do te thote se nuk ka pasur se si te vidhen “parate e rruges”—mund te jene vjedhur para nga buxheti i shtetit, por si e di z. Berisha xhanem, se ato te vjedhurat, ishin pikerisht ato te rruges?!

Gjithe vitet qe kaluan qe nga fillimi i takses se rruges e deri sot, nese eshte shpenzuar gje per ate rruge, ka qene krejt e qarte si ne plan (ne ligjet e buxheteve plan te shtetit), si dhe ne fakt (ne ligjet e miratimit te buxheteve faktike). E ne miratimin e ketyre ligjeve, ne diskutimin e tyre ne Kuvend, kane qene pjese edhe berishistet, por, pervec ulurimave standard pa kuptim, pak i kemi degjuar te thone ndonje mendim konstruktiv per optimalizimin e investimit te rruges se Kosoves, e jo me te paraqesin ndonje plan te tyre.

Ka nje afat optimal te realizimit te investimeve. Rruga per Kosove eshte nje investim relativisht i madh: flitet per disa qindra milione dollare. Keto dollare nuk i mbledh dot brenda nje viti, me “taksat e rruges”. Mbase do te duhen nja 8 vjet. Nga ana tjeter, per ta realizuar investimin (per te ndertuar rrugen) duhet nje kohe sa me minimale, p.sh. 2 vjet. Pra, ka nje mosperputhje ne mes kohes se mbledhjes se sasise se nevojshme te parave, dhe realizimit te investimit—aq me teper qe nuk para e lene borxhlinjte qeverine tone te marre borxh. Ne keto kushte, duhet gjetur menyra me optimale e realizimit te investimit. P.sh. mund te kete racionalitet ne mosfillimin e investimit qe vitin e pare te mbledhjes se takses: parate nga taksa e rruges, mund te jete krejt e drejte, qe per disa vjet te investohen ne vepra te tjera, dhe jo te investohen ne rrugen e Kosoves. Mendoni sikur, p.sh. qe ne vitin 2000 te kishte filluar te ndertoheshin segmente te vogla te rruges se Kosoves, vit per vit—aq para sa mblidheshin gjate vitit. Keto segmente do te mbeteshin per vite te tera te pashfrytezuara, investime qe nuk nxjerrin asnje fryt, sepse ne to praktikisht nuk do te kalonte “asnje makine”, meqe do te ishin segmente te izoluara, te palidhura ne nje te tere qe perben rrugen—do te ishim para nje demi per ekonomine e vendit, si rezultat i keqmenaxhimit te fondeve.

Tani mbase ka ardhur koha optimale qe te investohet me intensitet. Pra, e kemi fjalen qe kryeministri, duhet te nxjerre dike dhe te na shpjegoje se cili eshte plani i realizimit te investimit te rruges se Kosoves, i qeverise se tij, dhe cilat jane avantazhet mbi planin e perparshem, ate te qeverise socialiste.
Po presim shjegimet e kryeministrit, qe t’i pergjigjet edhe akuzes qe po i bejne, se u fute spilca edhe kosovareve, duke synuar qe ata te harrojne rolin e socialisteve ne qeveri, gjate kohes se luftes per clirimin e Kosoves, dhe rolin e berishizmit ne opozite, po gjate e para kesaj lufte. Bejme mire qe ndaj Kosoves, te jemi te gjithe bashke, “majtas”, “djathtas” e te pavarur: mos ta keqperdorim Kosoven per mistreclleqet tona.

-----------


Koplik Caush Malo paska shkruar..

[Albo]

Auditimi i Brendshëm, ndjekje penale 21 persona, 11 janë drejtues

Ministri Bode: Administrata abuzoi me 1,7 miliardë lekë

Administrata shtetërore i ka shkaktuar buxhetit të shtetit një dëm prej 1.7 miliardë lekësh.

Abuzimet më të mëdha janë evidentuar në tatime dhe dogana, ku shkeljet kapin vlerën e 1.1 miliardë lekëve, ose 65 për qind të dëmeve të zbuluara. Në raportin Drejtorisë së Përgjithshme të Auditimit të Brendshëm, për 6-mujorin e parë të vitit 2006, theksohet se janë identifikuar 19 355 persona e subjekte, si përgjegjës për dëmet e shkaktuara. “Në ndjekje penale do shkojnë 21 persona, nga 53 subjekteve e personave të verifikuar, ku 11 prej tyre janë drejtues të tyre. Shkeljet e konstatuara janë disa herë më të larta se e njëjta periudhe e vitit të kaluar”, ka deklaruar ministri i Financave, Ridvan Bode, në analizën 6-mujore të kësaj drejtorie.

Abuzimet
“Auditimet janë ushtruar mbi veprimtarinë e subjekteve gjatë vitit 2005 për disa prej tyre edhe për periudha më të gjata (përpara 2005 dhe për tremujorin e parë 2006)”, thuhet në raport. Sipas ministrit Bode, gjatë periudhës 6-mujore janë audituar 1 739 objekte, ose 83,7 për qind e totalit të objekteve nga 2777 auditime të realizuara gjatë gjithë vitit 2005, në të cilat janë zbuluar rreth 1.7 miliardë lekë shkelje me dëm ekonomik. Kështu, shmangia prej detyrimeve fiskale e doganore, mos vjelja në përputhje me kërkesat ligjore e tatimit mbi të ardhurat dhe atij në burim, përbëjnë 1.1 miliardë lekë. Po kështu, mungesat dhe dëmet materiale e monetare të zbuluara në këtë gjashtëmujor janë 140.2 milionë lekë. Ndërsa, shkeljet me dëm të disiplinës financiare për periudhën gjashtëmujore janë 419 milionë lekë dhe për 393 milionë lekë është përcaktuar përgjegjësia. Vlera e tenderave me shkelje të procedurave ligjore të zbuluara gjatë këtij gjashtëmujori është 145.6 milionë lekë.

Penalizimet
Gjatë 6-mujorit të parë të këtij viti, Drejtoria e Përgjithshme e Audtimit të Brendshëm ka bërë 21 denoncime për ndjekje penale të 53 personave e subjekteve, nga të cilët 11 janë drejtues dhe sipas raportimeve të strukturave të auditimit, çështjet janë në proces hetimi. Nga analiza e bërë rreth materialeve të kontrollit të raportuara nga njësitë e auditit të brendshëm në të gjitha nivelet, për 6-mujorin e parë vërtetohet se nga 1.7 miliardë lekë shkelje me dëm ekonomik, është përcaktuar përgjegjësia për 1.64 miliardë lekë, ku janë identifikuar 19.355 persona e subjekte si përgjegjës për dëmet e shkaktuara. Gjithashtu është kërkuar zhdëmtim për 83.2 për qind të shumës së “mungesave e dëmeve” në vlerat materiale e monetare, për 93,8 për qind të “shkeljeve të disiplinës financiare” dhe për 100 për qind të “evazionit fiskal e doganor” të zbuluar. Ministri Bode ka deklaruar se janë kërkuar masa disiplinore për 838 persona, nga të cilat janë miratuar nga organet e kompetencës 737 masa të propozuara.


1.7 miliarde
lekë është dëmi në total i shkaktuar buxhetit të shtetit nga administrata shtetërore, evidentuar nga kontrollet
21 denoncime
për ndjekje penale të 53 personave e subjekteve, nga të cilët 11 janë drejtues, janë bërë 6-mujorin e parë nga Drejtoria e Auditimit


Akuza: Individë të caktuar dështojnë tenderat

Ministri i Financave ka kërkuar që lufta ndaj korrupsionit nuk ka rezultuar e suksesshme në të gjitha rastet. Kreu i financave ka akuzuar punonjës të administratës shtetërore për dështime të qëllimshme të tenderave. “Ne duhet të pranojmë se përpjekjet tona për të shtrirë mbretërimin e ligjit në hapësirat gri të informalitetit e të dominuara nga korrupsioni jo gjithmonë kanë qenë të suksesshme. Frekuenca e hasjes së këtyre fenomeneve është ende e lartë. Të mësuarit me përfitime përmes tenderave dhe që kanë humbur parajsën e tyre, çojnë në dështim të njëpasnjëshëm, shpesh pa arsye të bazuara ligjore, tenderat duke rezikuar realizimin e investimeve apo duke shtyrë afatet e tyre”, ka deklaruar Bode. Sipas kreut të Financave, individë apo grupe të caktuara, të mësuara gjatë me përfitimet e paligjshme, nuk heqin dorë kollaj nga praktikat e përfitimit antiligjor të 16, 20 apo 36 pagave shpërblim brenda një viti të hasura në disa nga kontrollet e auditimit të brendshëm.


Panorama

[Brari]

Data: 27/08/2006, ora

Mungesa e opozitës dhe vetëkënaqësia e mazhorancës



Tre gjëra e bëjnë një qeveri të mbesë në mendjet e njerëzve. E para është puna e saj, e dyta ka të bëjë me moralin dhe e treta me imazhin e qeverisjes. Qeveria aktuale pavarësisht problemeve të njohura, tani pas një viti, për disa ngadalësime në investimet publike dhe nevojën e ritmeve më të shpejta për reforma, padyshim që ka bërë një punë shumë serioze dhe veçanërisht në ekonomi. Morali i saj është i lartë dhe dalëngadalë qytetarët me lehtësi po lënë mbrapa praktikat e korrupsionit të dinastisë së ish-pushtetarëve që vlerësohen si kleptokratët më të mëdhenj të kaluar nga qeverisja e këtij vendi. Edhe imazhi i kësaj qeveria është krejt tjetër nga ajo e një bande ministrash që me arrogancë shfaqeshin në ambientet publike apo edhe në ekranet televizive. Ka ende shfaqje të tilla dhe denoncime njerëzish për episode që nuk përjashtohen por këto janë shumë të pakta. Ajo që është shqetësuese e që zë vend është njëfarë vetëkënaqësie që shihet në institucione themelore të shtetit. Mungesa e kontrollit te opozitës ka ndikimin e saj dhe mazhoranca rrezikon që të bjerë në pozitat ku do i duhet të vetëkorrigjohet duke qenë një punë shumë e vështirë kjo në kushtet e një pune mjaft të madhe dhe fronteve të hapura te krimin, korrupsionin, reformat, zëvendësimet e hallkave kyçe të shtetit etj. Fjala bie nuk mund të dalë herë pas herë KESH e të deklarojë se u mblodhën kaq apo aq para për energjinë, që u vunë apo matësa nëpër shtëpitë e qytetarëve, që u lidhen kaq apo aq kontrata të reja që u bënë apo kaq aksione në ditë për ndërprerjen lidhjeve të paligjshme apo që u sigurua energjia pa ndërprrje për verën. Kjo sepse të gjitha këto janë detyrim i shtetit dhe administratës së KESH që paguhet nga taksapaguesit. Kjo nuk është ndonjë arritje e madhe duke patur parasysh se vende shumë më të vogla se ne kanë disa herë më shumë aftësi energjitike dhe furnizim me energji por ministrat apo drejtuesit e korporatave nuk dalin të deklarojnë tashmë si suksese përmbushjen e detyrave ligjore. Po kështu askush në vendet rreth e rrotull nuk del me shifra statistikore çdo javë për numrin e shqiptarëve apo të të huajve që hyjnë e dalin nga pikat kufitare. As arrestimi i personave të kërkuar dhe as korrja e kanabisit nuk llogariten si suksese të Ministrisë së Brendshme, pasi raste të tilla ka me shumicë në shtetet fqinj por askush nga ministrat nuk del të bëjë të tilla deklarata që janë detyrë e cdo drejtuesi dhe jo favor që u bëhet qytetarëve. Raste të tilla janë evidente cdo ditë në vendin tonë por në vitin 2006 sfidat e vërteta për një vend si Shqipëria janë shumë më tepër dhe me një nivel tjetër për të cilin mazhoranca duhet të mendojë më shumë.

Kleves Bitro




g55