Fushata Antikorrupsion në administratën shtetërore

[TOKE GEGA]

Tenderi 110 mijë USD, si u skualifikua oferta më e ulët


Bashkia e Tiranës përveç rasteve të përdorimit të skenarëve për të nxjerrë fitues subjektet preferenciale, ka kryer dëme të konsiderueshme ekonomike që shkojnë në disa milionë dollarë. edhe pse në raportin përfundimtar, KLSH vlerësoi një dëm efektiv preh rreth 700 mijë dollarë, në të vërtetë po të mbledhim vlerat e tenderave më shkelje shuma e dëmit do të ishte disa herë më e lartë. Gazeta publikon sot një tjetër tender me shkelje të rëndë në masën e 110 mijë dollarë.
Tenderi
Sipas raportit të fundit të KLSH për veprimtarinë e Bashkisë së Tiranës për vitet 2005 deri në gusht 2006, është konstatuar se në tenderin e zhvilluar sipas urdhrit prokurimit nr. 453, datë 190.5.2005 me objekt “Rikonstruksion i zyrave të bashkisë në bulevardin Zogu I”, me fond limit 10.171.421 lekë, fitues ofertuesi “......” shpk me vlerë kontrate 9.135.131 lekë, u konstatuan këto shkelje të dispozitave ligjore. Kështu, në tenderin e zhvilluar më datë 17.10.2005 për mungesë ofertash ekonomike dhe të mosplotësimit të dokumenteve ligjor administrativ sipas kërkesave për kualifikim, janë s’kualifikuar shoqëritë ........shpk, ........shpk, +........, ...........shpk, si dhe kanë vazhduar garën ..........shpk me vlerë të ofertës 9.135.131. lekë, ......shpk me vlerë të ofertës 9.423.239 lekë, me vlerë të ofertës 10.121.097 lekë dhe ..........shpk me vlerë të ofertës 10.151.694 lekë. Është shpallur fitues firma ..........shpk me vlerë të ofertës 9.135.131 lekë me të cilën është lidhur kontrata datë 09.11.2005. Nga kontrolli i bërë ofertave dhe dokumentacionit ligjor administrative të firmave pjesëmarrëse në këtë tender, u konstatua se firma......shpk me vlerë të ofertës së korrigjuar 8.115.993 lekë është s’kualifikuar si debitor për mosshlyerje të taksave vendore në Bashkinë e Tiranës, s’kualifikim ky i bërë në kundërshtim “Me kërkesat e përgjithshme për kualifikim”, të dokumenteve të këtij tenderi, si dhe në kundërshtim me nenin 12 “Kualifikim i kandidatëve” dhe nenin 32 “Shqyrtimi dhe vlerësimi i ofertave” të ligjit nr 7971 datë 26.07.1995 i ndryshuar “Për prokurim publik”, i argumentuar si më poshtë:
Shkelja
Me vendimin e gjyqtarit të vetëm nr 20502 datë 07.01.1999 nr 20502/1 datë 02.08.2001 nr 20502/2 datë 15.04.2004 nr 20502/3 datë 06.12.2004 nr 20502/4 datë 15.12.2004 nr 20502/5 datë 28.12.2004 nr 20502/6 datë 23.05.2005 shoqëria ........dhe më vonë ....... është regjistruar në regjistrin tregtar si person juridik me aktivitet në fusha të ndryshme të ndërtimit dhe tregtimit me seli Shish Tufinë, Tiranë. Mbështetur në këto vendime Drejtoria e Tatim Taksave Tiranë, ka lëshuar certifikatën e regjistrimit në organin tatimor me nr serie 0004266, datë 07.01.1999 me adresë të shoqërisë Shish Tufinë, Tiranë me formë juridike shpk me aktivitet tregti + ndërtim, me administrator........me adresë banimi Shish Tufinë, Tiranë. Po ashtu mbështetur në dokumentacionin e mësipërm me ligjin nr 8982 datë 12.12.2002 “Për sistemin e taksave vendore”, kjo shoqëri duhej të paguante taksat vendore në komunën Dajt në juridiksionin e së cilës ushtron aktivitetin.
3.4 Në pikën 4 “Të kërkesave të përgjithshme për kualifikim” të dokumenteve të këtij tenderi të miratuar nga komisioni i vlerësimit të ofertave dhe njësia e prokurimit të në procesverbalin nr 1, datë 19.09.2005, kërkohej dokument që ofruesi ka shlyer detyrimet fiskale, si dhe vërtetim mbi shlyerjen e taksave vendore të lëshuar nga pushteti vendor për vitin 2005.
Dokumentet
Shoqëria “.....” në këtë tender ka paraqitur gjithë dokumentacionin e kërkuar sipas kërkesës së përgjithshme për kualifikim si dhe kërkesave specifike për kualifikim, duke përfshirë edhe vërtetimin nr 253 datë 28.01.2005 që vërteton se administratori i kësaj shoqërie z ...... ka shlyer taksat vendore për vitin 2005, vërtetim ky i lëshuar nga Kryetari i Komunës Dajt z ......, i shoqëruar ky vërtetim edhe me mandatë arkëtimin nr 37 datë 28.01.2005 për derdhjen e shumës 36.500 lekë, taksë vendore për vitin 2005. Në asnjë vendim të gjyqtarit të vetëm të shoqërisë “.....” të depozituar në regjistrin tregtar dhe të paraqitura në dokumentet e tenderit nuk vërtetohet se kjo shoqëri ka ndryshuar selinë nga Shish Tufinë të komunës Dajt në qytetin e Tiranës që i takon juridiksionit të Bashkisë së Tiranës. Mungesa e këtij dokumentacioni nuk lejon firmën që të derdh taksat vendore në bashkinë e Tiranës. Cilësojmë se me një vërtetim të tillë, kjo shoqëri ka marrë pjesë edhe në tenderat e tjerë zhvilluar gjatë vitit 2005, vërtetim ky që nuk ka qenë objekt s’kualifikimi, pra është pranuar si dokument i rregullt nga i njëjti komision që e ka quajtur të parregullt në këtë tender.
Për sa më sipër, s’kualifikimi i kësaj firme për mosderdhje të taksave vendore në bashkinë e Tiranës është i paargumentuar ligjërisht dhe si rezultat i s’kualifikimit të kësaj firme dhe moszbatimit të nenit 12 “Kualifikimi i kandidatëve” dhe nenit 32 “Shqyrtimi dhe vlerësimi i ofertave’ i ligjit nr 7951 datë 26.07.1995 i ndryshuar “Për prokurim publik” është krijuar një dëm ekonomik në shumën 1.119.138 lekë (diferencë ndërmjet ofertës së firmës fituese “....” me vlerë 9.135.131 lekë me ofertën e firmës ..... me vlerë 8.115.993 lekë) shumë për të cilën mban përgjegjësi komisioni i vlerësimit të ofertave i përbërë nga: ......, z .... dhe juristi i njësisë së prokurimit z.......
Rezultati
Pra i gjithë ky proces bën me faj zyrtarë të Bashkisë së Tiranës të cilat me pretendimet e tyre antiligjore nxorën nga e drejta fituese subjektin me ofertën më të ulët ekonomike. Në fakt ky rast përbën një shkelje të masës 110 dollarë, por në ditët e mëparshme gazeta publikoi fakte të shkeljes që e kalonte shifrën e 1 milion dollarë. dhe të tjera fakte e shkelje do të dalin në dritë për të vërtetuar edhe një herë që kryetari i bashkisë më të madhe në vend nuk është dhe aq i pastër se sa duket me paratë e taksapaguesve tiranas.

[beni67]

Rama te vjedhe....! Jo nuk ka mundesi. Ai eshte i ndershem dhe nuk ka gisht ne vjedhje. Pale ia kane futur msheftas ne xhep dhe ai nuk di gje. Krietarin e kemi te ndershem ne ......Armiqte e partise duan te hedhin balte mbi figuren e tij te ndritur, po si gjithnje do deshtojne.

[TOKE GEGA]

KLSH: Si delegonte Rama punonjës të bashkisë për zhvillimin e tenderave fiktivë





Tenderi i zhvilluar për rikonstruksionin e një rruge në qendër të ish-bllokut, Tiranë, përbën një shkelje të hapur për vet faktin se i gjithë procesi iu delegua një punonjësi të vetëm. Kështu, sipas raportit të fundit të KLSH për aktivitetin financiar të Bashkisë së Tiranës, në tenderin e zhvilluar sipas urdhrit prokurimit nr 122, datë 06.04.2005 me objekt “Rikonstruksion i rrugës 4 Shkurti, segmenti Ura mbi Lanë- Garda”, me fondin limit 86.646.000 lekë, fitues ofertuesi “.....” shpk, me vlerë kontrate 86.335.000 lekë, u konstatuan këto shkelje të dispozitave ligjore: - Me urdhrin e prokurimit nr 122, datë 06.04.2005 të kryetarit të bashkisë është ngritur komisioni i vlerësimit të ofertave i përbërë prej 5 anëtarë, pa ekonomist, në kundërshtim me udhëzimin e KM nr 1, datë 01.01.1996 “Për prokurim publik”, kapitulli IV, çka ngarkon me përgjegjësi z.....Drejtor i Drejtorisë së Prokurimeve, z........ Drejtor i Drejtorisë së Urbanistikës në cilësinë e Ish- Drejtorit të Punëve Publike, z.......Drejtor i Drejtorisë së Infrastrukturës dhe z........ Përgjegjës i Sektorit të Rrugëve dhe veprave publike. Që këtu, sipas ligjit procesi i tenderit duhet të ishte ndërprerë.
Procesi
Nga kontrolli ka rezultuar se, hartimi i kërkesave për kualifikim nga komisioni i vlerësimit të ofertave, njësia e prokurimit dhe kërkesa që u është bërë subjekteve konkurruese, nuk është i plotë dhe i saktë. Kontratat e lidhura ndërmjet subjektit sipërmarrës dhe sigurimeve shoqërore. Nuk ka kontrata të lidhura ndërmjet kandidatëve konkurrues dhe sigurimeve shoqërore për numrin e punonjësve të siguruar. Grafiku i punimeve nuk është hartuar sipas manualit teknik, konkretisht nuk përcakton njësinë e matjes, vëllimin e punës, ditë- njërës, specialist- punëtor, për pasojë afati i përcaktuar në kontratë nuk është i argumentuar. Kualifikimet e këtyre shoqërive në këto kushte janë veprime në kundërshtim me ligjin nr 7971 datë 26.07.1995 “Për prokurimin publik”, neni 12, me vetë kërkesat për kualifikim të vendosura nga enti prokurues me procesverbalin nr 1, datë 06.04.2005 me udhëzimin e KM nr 1, datë 01.01.1996 “Për prokurimin publik” kapitulli III, çka ngarkon me përgjegjësi komisionin e vlerësimit të ofertave të përbërë nga ,....., njësia e prokurimit e përbërë nga z...... vetëm për grafikun e punimeve. Nga kontrolli është konstatuar se shqyrtimi dhe vlerësimi i dokumentacionit ligjor të kandidatëve dhe ofertave të ofertuesve nuk është korrekt, për pasojë kandidatët konkurrues duhet të s’kualifikoheshin dhe tenderi duhej përsëritur.
Subjektet
Tenderi është zhvilluar datë 12.05.2005 në të cilin morën pjesë “......” shpk me ofertë në vlerën 86.335.142 lekë dhe “......” shpk, me ofertë në vlerën 86.465.320 ku subjekti fitues u shpall subjekti “......” për vlerën 86.335.142 lekë nga 8 subjekte që kanë tërhequr dokumentacionin për pjesëmarrje në tender. Subjekti fitues “.......” për të gjitha makineritë nuk ka paraqitur dokument pronësie. Konkretisht: për 3 copë makinë ekskavator me zinxhir ka paraqitur respektivisht deklaratat doganore nr 323, datë 06.10.1997 nr 1048 datë 25.11.2004 pa numër datë 10.11.1995 dhe vërtetimet e zhdoganimit datë 06.11.2004 datë 25.11.2004 dhe datë 07.12.2004. Për makineritë 2 copë grejder, ka paraqitur deklaratat doganore nr 3177, datë 20.12.2002 dhe nr 3520 datë 25.12.2002. Për 3 copë rul vibrues të përdorur ka paraqitur deklaratat doganore nr A/2350 datë 09.08.2003 nr 75, datë 07.01.2002 dhe nr 411, datë 16.06.2004. Për makinën frezë skarifikimi ka paraqitur deklaratën doganore nr 334, datë 30.04.2004. Kualifikimet e këtyre shoqërive në këto kushte janë veprime në kundërshtim me ligjin nr 7971, datë 26.07.1995 “Për prokurimin publik”, neni 12 me vetë kërkesat për kualifikim të vendosura nga enti prokurues me procesverbalin nr 1, datë 06.04.2005 me ligjin nr 8378, datë 22.07.1998 “Kodi rrugor i Republikës së Shqipërisë”, neni 92, çka ngarkon me përgjegjësi komisionin e vlerësimit të ofertave të përbërë nga ...
Listë pagesat e paraqitura nga “........”shpk për muajt janar, shkurt, mars 2005, nuk pasqyrojnë në mënyrë korrekte të gjithë personelin inxhinier- teknik, të deklaruar për realizmin e këtij investimi dhe drejtuesit teknik të përcaktuar në licencën profesionale të dhënë nga Ministria e Rregullimit të Territorit dhe Turizmit dhe kontratave respektive, duke krijuar një detyrim ndaj buxhetit të shtetit për derdhjen e kontributit të sigurimeve shoqërore në vlerën 368.815 lekë. Situata e krijuar në kushtet e mësipërme, pra të mosrakordimit të listë pagesave me të gjithë personelin e deklaruar të angazhuar, krijon premisa për ekzistencën e një evazioni dhe shmangie nga pagimi kontributit të sigurimeve shoqërore në vlerën 368.815 lekë (trajtuar më hollësisht në projekt-raport).
Shpk, “.......” për të gjitha makineritë nuk ka paraqitur dokument pronësie. Konkretisht: për 2 copë makina ekskavator me goma ka paraqitur respektivisht deklaratat doganore nr B/3515 datë 19.07.2003 dhe pa numër, datë 12.09.2000. Për makinën asfalto- shtruese ka paraqitur deklaratën doganore nr 16637, datë 22.08.2003 për makinën grejder ja paraqitur deklaratën doganore nr 7058, datë 20.12.1999 për 2 makina rul vibrues ngjeshës, ka paraqitur deklaratën doganore respektive nr a/3346 datë 17.07.2003 dhe nr 7050. Për makinën frezë skarifikimi ka paraqitur aktmarrëveshje me subjektin “........” shpk të shoqëruar me deklaratën doganore datë 12.10.2002.
Taksat
Listë pagesat e paraqitura nga subjekti “.....” për muajt, janar, shkurt, mars 2005, nuk pasqyrojnë në mënyrë korrekte të gjithë personelin inxhinier- teknik, të deklaruar për realizimin e këtij investimi dhe drejtuesit teknik të përcaktuar në licencën profesionale të dhënë nga Ministria e Rregullimit të Territorit dhe Turizmit dhe kontratave respektive, duke krijuar një detyrim ndaj buxhetit të shtetit për derdhjen e kontributit të sigurimeve shoqërore në vlerën 452.520 lekë. Situata e krijuar në kushtet e mësipërme, pra të mosrakordimit të listë pagesave me të gjithë personelin e deklaruar të angazhuar, krijon premisa për ekzistencën e një evazioni dhe shmangie nga pagimi kontributit të sigurimeve shoqërore në vlerën 452.520 lekë (trajtuar më hollësisht në projekt-raport). Kualifikimet e këtyre shoqërive në këto kushte janë veprime në kundërshtim me ligjin nr. 7971 datë 26.07.1995 “Për prokurimin publik”, neni 12 me vetë kërkesat për kualifikim të vendosura nga enti prokurues me procesverbalin nr 1, datë 06.04.2005 me ligjin nr 8378 datë 22.07.1998 “Kodi Rrugor së Shqipërisë”, neni 92, çka ngarkon me përgjegjësi komisionin e vlerësimit të ofertave të përbërë nga ...
Delegimi
Në realizimin e këtij tenderi është ndjekur praktika e grumbullimit të gjithë funksioneve që përfshihen në ciklin e prokurimit në një dorë të vetme. Rezulton se nga Drejtori i Drejtorisë së Infrastrukturës si dhe Përgjegjësi i Sektorit të Rrugëve z...., është kryer: preventivi i projekteve të zbatimit, detyra e anëtarit të komisionit të vlerësimit të ofertave, anëtarit të përzgjedhjes së mbikëqyrësve të punimeve me urdhër nr 2005, datë 24.05.2005 të Kryetarit të Bashkisë, firmosja e situacioneve të punimeve të kryera nga sipërmarrësi, firmosja e të gjitha procesverbaleve të përdorimit të fondit rezervë, të procesverbaleve për punimet që shtohen dhe pakësohen, firmosja e aktkolaudimit dhe firmosja e aktmarrjes në dorëzim. Kjo situatë nuk respekton parimin e ‘ndarjes së detyrave’ si një nga elementet kyç të kontrolleve të brendshme, sipas së cilit “Detyrat dhe përgjegjësitë duhet të ndahen ndërmjet funksioneve të brendshme për të reduktuar rrezikun e gabimeve dhe parregullsive. Kjo duhet të përfshijë ndarjen e përgjegjësive për autorizimin, përpunimin, regjistrimin, ekzekutimin dhe rishikimin e detyrave të kryera. Asnjë individ nuk duhet të kontrollojë të gjitha aspektet kyç të një transaksioni ose operacioni. Për sa më sipër ngarkohet me përgjegjësi z...... Drejtor i Drejtorisë së Infrastrukturës si dhe Përgjegjësi i Sektorit të Rrugëve.

Mungesa e dokumentacionit
Në kërkesat specifike për kualifikim nuk janë përcaktuar: Pronësia për të gjitha makineritë dhe pajisjet e përdorura për këtë investim. Me procesverbalin nr 1. datë 06.04.2005 mbajtur nga komisioni i vlerësimit të ofertave dhe njësia e prokurimit në kërkesat specifike për kualifikim është kërkuar numri dhe lloji i pajisjeve. Konkretisht: automjet me aftësi transportuese mbi 10 ton copë 6, ekskavator copë 2, fadromë copë 2, rul vibrues deri 10 tonë copë 2, asfalto- shtruese copë 1, grejder copë 1, bitumatriçe copë 1, autobot uji copë 2, autokullë copë 1, frezë skarifikimi asfalti copë 1, autobetoniere copë 1, ku përcaktohet se nga makineritë e përmendura më sipër minimumi 70% duhet të jenë në pronësi të konkurruesve dhe pjesa tjetër me qira. Makineritë e mësipërme për mjetet me goma duhet të vërtetohen me leje qarkullimi, në rastin e mjeteve të tjera duhet të paraqiten taktet e zhdoganimit ose faturat e blerjes, në rastin e mjeteve me qira ose në përdorim duhet të paraqitet edhe akti i dhënies në përdorim ose me qira.

[JestersWorld]

Ka vendim gjykate???? PSe nuk ka?

Rama nuk eshte as deputet mer jahu, nuk gezon imunitet. Hidheni ne gjyq e ta marrim vesh a i ka bere keto qe thoni ju lart e poshte apo jo.

bla bla bla bla gjithe diten si nuk u lodhet. Tragjikja eshte se ju i besoni me te vertete budalliqeve qe thoni.
Vallaj sa here lexoj shkrime te ktij lloji nga tipa te ketij lloji me sqarohen te gjitha pyetjet se si mundi regjimi diktatorial te mbijetonte 50 vjet.

[Albo]

Përgjimet, në pranga 5 zyrtarë tatimesh

Kryetari i Degës së Tatim-Taksave në qytetin e Lushnjës, Gramoz Veliu, bashkë me katër vartës të tij nuk gjendeshin dje në zyrat e punës.

Trazhgim Sokolaj

Ata u ndaluan në polici pas akuzave të ngritura në adresë të tyre nga Prokuroria për "falsifikim dokumentesh" dhe "shpërdorim detyre". Veprat penale sipas Prokurorisë janë kryer nga të ndaluarit, të cilët u kanë lëshuar vërtetime false disa firmave që kërkonin të merrnin pjesë në tendera. Për të hyrë në konkurrim çdo firme i nevojitet një vërtetim se nuk është debitore në organet e Tatim-Taksave. Zyrtarët e ndaluar ua kanë mundësuar këtë vërtetim disa firmave që kanë fituar tendera të ndryshëm kur në fakt ato ishin debitore me detyrime të mëdha në organet e tatimeve. Për këtë shkak, rreth orës 10:30 forcat e Policisë së Rendit kanë zbarkuar në institucionin e Tatim-Taksave dhe kanë ndaluar titullarin Gramoz Veliu, 41 vjeç, bashkë me katër vartësit: Xheladin Brakola, 40 vjeç, përgjegjës i Sektorit të Vlerësimit dhe Mbledhjes në Degën e Tatim-Taksave, Rruzhdi Sina, 38 vjeç, inspektor, Naim Sina, 44 vjeç, inspektor dhe Namik Taullahu, 54 vjeç, inspektor në Degën e Tatim-Taksave të qytetit të Lushnjës. Urdhrat e ndalimit ishin firmosur herët në mëngjes në Prokurorinë e Lushnjës. Organi i akuzës menjëherë i kaloi urdhrat e ndalimit për zbatim nga organet e policisë, të cilat kanë ndaluar dje të akuzuarit e dosjes së koduar me emrin "Duar të Pastra 2". Lajmi është konfirmuar nga zyra për shtyp e prokurorit të Përgjithshëm në Tiranë, e cila konfirmoi se policia menjëherë kishte zbatuar urdhrat e ndalimit të firmosur nga organi i akuzës në Lushnjë. Burimet zyrtare nga Prokuroria e Përgjithshme i thanë dje gazetës "Panorama" se shkak për nisjen e hetimeve ka qenë një tender i zhvilluar në Divjakë rreth tre muaj më parë. Në atë tender kanë konkurruar disa kompani sigurimi fizik ndërsa fituese është shpallur një subjekt që sipas denoncimit të bërë në Prokurori kishte detyrime të pashlyera në organet e tatim-taksave.
Hetimi i skandalit
Skandali është zbuluar vetëm pasi Prokuroria filloi procedimin penal dhe ngarkoi oficerët gjyqësorë të verifikonin denoncimin. Ata shkuan në organet e tatim-taksave në Tiranë dhe sekuestruan librin origjinal ndërsa mësuan emrat e firmave që kishin fituar në disa tendera. Sipas krahasimit me librin origjinal të tatim-taksave, firmat që kishin fituar tenderat kishin qenë debitore ndaj shtetit në kohën kur kanë konkurruar në tendera gjatë viteve 2006-2007. E gjithë kjo skemë abuzimi sipas Prokurorisë është realizuar përmes vërtetimeve të falsifikuara që zyrtarët e ndaluar ditën e djeshme u jepnin firmave që merrnin pjesë në tendera. Prokuroria e Lushnjës pasi ka grumbulluar gjithë dokumentacionin e nevojshëm ka identifikuar edhe dëshmitarët që janë marrë në pyetje për episode të veçanta të abuzimeve. "Nga hetimet paraprake të kryera me metoda speciale të hetimit, rezulton se 5 punonjësit e tatim-taksave, duke shpërdoruar detyrën u kanë lëshuar vërtetime për tendera disa firmave private në rrethin e Lushnjës, në të cilat paraqiteshin rrethana të rreme", thuhet në deklaratën e policisë. Sipas saj, këto firma kanë qenë debitore në Degën e Tatim-Taksave të këtij rrethi, ndërkohë që, me vërtetimet që lëshonin pesë të ndaluarit në mënyrë të rreme, figuronin me shlyerje të detyrimeve tatimore. Prokuroria e cila ka drejtuar hetimet e këtij rasti në bashkëpunim me policinë konfirmoi dje se përgjimet telefonike kanë dhënë një ndihmesë të madhe në dokumentimin e abuzimeve.
Organi i akuzës mësohet se ka autorizuar përgjimin e momenteve kur përfaqësues të firmave private porosisnin vërtetimet false në degën e Tatime. Prokuroria tha se të dyshuarit do të mbahen të ndaluar derisa të realizohen veprimet hetimore të nevojshme për të vendosur ndjekjen penale në masat e sigurimit të caktuara nga Gjykata e Lushnjës.

Të arrestuarit

Gramoz Veliu
41 vjeç, me detyrë kryetar i degës së Tatim-Taksave Lushnjë

Xheladin Brakola
40 vjeç, me detyrë përgjegjës i sektorit të Vlerësimit dhe Mbledhjes në degën e Tatim-Taksave Lushnjë

Rruzhdi Sina
38 vjeç, me detyrë inspektor i mbledhjes në degën e Tatim-Taksave Lushnjë

Naim Sina
44 vjeç, me detyrë inspektor i Vlerësimit më Degën e Tatim Taksave Lushnjë

Namik Taullahu
54 vjeç, me detyrë inspektor i Vlerësimit më Degën e Tatim Taksave Lushnjë

Panorama

[Albo]

Dosja e Drejtorisë së Rrugëve, mbi 100 orë përgjime për abuzimin me tenderat

TIRANE – Prokuroria e Tiranës dhe organi qendror i akuzës e cilësojnë një rast bashkëpunimi model me policinë hetimin e dosjes së abuzimeve me tenderat e rrugëve, e cila shkaktoi arrestimin e gjashtë zyrtarëve të lartë, 2 biznesmenëve dhe një sekseri që bënte lidhjen mes dy palëve. Sipas burimeve zyrtare më shumë se 100 orë përgjime telefonike dhe hapësinore janë realizuar në bashkëpunim mes policisë dhe Prokurorisë. Oficerët gjyqësorë kanë ndjekur gjithë dinamikën e komunikimeve mes zv.ministrit Nikolin Jaka dhe drejtorit të Rrugëve, Ilirian Berzani me dy përfaqësuesit e firmave “Arifaj” sh.p.k dhe “Vllaznimi” sh.p.k. Pasi merrnin të dhëna të sakta për kohën dhe vendet e takimeve, OPGJ-të menjëherë lajmëronin prokurorin Genti Xholi, nga i cili kërkonin autorizimin e përgjimit të bisedave. Sipas burimeve nga Prokuroria, organi i akuzës ka firmosur 15 kërkesa përgjimi për këtë dosje dhe që të gjitha janë pranuar nga gjykata. Në fillim të kësaj jave u arrestuan me akuzën e korrupsionit dhe shpërdorimit të detyrës Nikolin Jaka, zv/ministër i Transporteve, drejtori i Rrugëve, Ilir Berzani, 4 zyrtarë të tjerë të Transporteve, dy biznesmenë dhe një sekser. Firmat që fitonin në mënyrë të paracaktuar tenderat e rrugëve, për 6 muajt e fundit, paguanin ryshfet te zyrtarët 10 për qind të vlerës së projekteve.


Përgjimet “fundosin” ish-kreun e Rrugëve

Ish-drejtori i Përgjithshëm i Rrugëve, Ilirian Berzani, është personi kryesor i akuzuar nga Prokuroria për korrupsion me tenderat e zhvilluar në institucionin e drejtuar prej tij, deri javën e kaluar.

Trazhgim Sokolaj

Organi i akuzës së kryeqytetit konfirmoi dje, se në varësi të pozicionit të secilit zyrtar në Ministrinë e Transporteve dhe Drejtorinë e Rrugëve edhe shkalla e tyre e implikimit është e ndryshme. Gjashtë zyrtarë, mes tyre zv/ministri Nikolin Jaka dhe pesë drejtorë të rrugëve, me dy biznesmenë dhe një sekser, u arrestuan të hënën e javës së kaluar nga operacioni “Duar të Pastra”. Sektori i Antikrimit Ekonomik dhe Prokuroria, e cila ka nisur hetimet më 1 gusht 2007 ka përcaktuar rolin e gjithsecilit prej të arrestuarve, në skemën e abuzimeve të dyshuara me tenderat e zhvilluar në dhjetë ditët e para të muajit gusht 2007. Mbi 15 procedura përgjimesh telefonike dhe ambientale, si dhe mbledhja e deklarimeve nga më shumë se 20 dëshmitarë kanë ndihmuar Prokurorinë në zbulimin e provave për secilin nga të arrestuarit. Dëshmitarët mësohet se janë punonjës shtetërorë, persona që kanë qenë të pranishëm në vendtakimet mes të arrestuarve dhe punonjës privatë. Sipas organit të akuzës, personi që sipas përgjimeve dhe deklarimeve të dëshmitarëve ka pasur rol kryesor në faktet objekt hetimi, ka qenë Ilirian Berzani, ish-deputet i PDR. Ai është ekspozuar në përgjime teksa takohej me përfaqësuesit e firmave që fitonin tenderat dhe jepnin ryshfet, ndërsa më pas komunikonte në telefon me zv/ministrin e Transporteve, Nikolin Jaka. Zyrtarët tjerë të Drejtorisë së Rrugëve, të cilët kanë qenë vartës të Ilirian Berzanit dyshohet se kanë vepruar nën rekomandimin e ish-deputetit kur kanë vendosur shpalljen fituese të firmave, me të cilat para tenderëve ishte rënë dakord për rezultatet e konkurrimit.
Akuzat për korrupsion
Ish-zv/ministri i Transporteve, Nikolin Jaka, ish-drejtori i Rrugëve, Ilirian Berzani dhe shefi i sektorit juridik në Drejtorinë e Rrugëve janë të akuzuarit për “korrupsion të funksionarëve publikë” dhe “shpërdorim detyre”. Për veprën penale të “korrupsionit aktiv” akuzohen edhe dy përfaqësues të firmave private që fitonin tenderat “Arifaj” sh.p.k dhe “Vllazrimi” sh.p.k. të arrestuarit e tjerë, mes të cilëve tre ish-shefa që kanë pasur detyra të ndryshme në Drejtorinë e Rrugëve akuzohen vetëm për shpërdorim detyre. Lajmi konfirmohet nga burime të Prokurorisë, sipas të cilave, akuza e korrupsionit u është komunikuar vetëm ish-zv/ministrit Nikolin Jaka, ish-drejtorit të Rrugëve Ilir Berzani dhe ish-shefit juridik Bashkim Kamberi. Prokuroria pretendoi më tej se zyrtarët e tjerë që kanë rënë në pranga janë të pandehur për shpërdorim detyre. Abuzimet me tenderat e rrugëve dyshohet se janë kryer në dhjetë ditët e para të muajit gusht. Pas anulimit tri herë radhazi të tenderit të rrugës Has-Qaf-Prushi, një prej firmave pjesëmarrëse në tenderin me vlerë 471 milionë lekë denoncoi në polici, duke u bërë shkak për nisjen e hetimeve nga Prokuroria, që mori dosjen në dorëzim dhe filloi procedimin penal. Zyrtarët e akuzuar për korrupsion dyshohet se përfitonin 10 për qind të fondit për çdo tender të fituar nga firmat, me të cilat bënin paktin paraprakisht. Asnjëri nga nëntë personat e arrestuar nuk e ka pranuar akuzën, ndërsa kanë hedhur poshtë gjithë bisedat e përgjuara në telefona dhe në takimet mes palëve.

Të arrestuarit

1. Nikolin Jaka
2. Bashkim Kamberi
3. Alban Qafa
4. Arjan Sheti
5. Enton Resuli
6. Ilirian Berzani
7. Xhevahir Muçogllava
8. Skënder Bokçiu
9. Isuf Ukperaj


Panorama

[njemik]

Kishin arestuar dhe 5 veta ne ALbpetrol se kishin ber nje rrug nga Pusi ne pus me vler 2 milion lek te vjetra pa i mar leje ministrit
Po te vej ministri ta drejtoj Albpetrolin se centralizim i till ska qen as ne kohen e xhaxhi qoftlargut.
Ai robi tjeter ka ber korupsion ne vler qindra milion USD e thot sme do tr api te shkoj ne prokurori.
keta te zinjt i rasin brenda se spasakn miratuar nje investim 2 milion lek..

[Borix]

Fushatat antikorrupsion nuk kane sukses nese kryhen nga politikanet ne pushtet, sepse ne kete rast arrestohen dhe gjykohen vetem zarat.

[Albo]

Fushatat antikorrupsion nuk kane sukses nese kryhen nga politikanet ne pushtet, sepse ne kete rast arrestohen dhe gjykohen vetem zarat.

Politikanet as nuk hetojne e as nuk gjykojne, eshte kompetence e pushtetit gjyqesor. Kush eshte zar, nje ish-zv minister i qeverise qe Berisha kryeson apo drejtori i fondeve te rrugeve kombetare?

Por edhe sikur nje polic i thjeshte te dali perpara drejtesise, kjo ka vlera pasi ata 100 policet e tjere qe mendonin deri dje se korrupsioni ne detyre eshte i tolerueshem, e shohin se cfare i pret po te shkelin ligjin.

Dhe eshte interesant te shikosh se si ka evoluar kendveshtrimi opozitar ndaj qeverise Berisha:

"S'ka burre nene te luftoje korrupsionin e mafien ne Shqiperi!" (para se Berisha te merrte celsat e kryeministrise)
"Berisha nuk e lufton korrupsionin se eshte i korruptuar vete!" (100 dite pasi Berisha u be kryeminister)
"Nuk po kapin peshqit e medhenj te korrupsionit por peshqit e vegjel!" (2 vjet qe Berisha ka qene ne pushtet)

Albo

[GL_Branch]

O Albo po edhe situata sikur ka evoluar njecike!
Keshtu qe asaj shprehjes se pare ska burre nene qe e lufton korrupsionin i jane shtuar i jane shtuar dy te tjerat d.m.th qe lufta antikorrupsion e ka perkeqesuar situaten se tani sipas Berishes edhe te huajt jane te korruptuar.