Isa Boletini patriot,apo...?!

[Edvin83]

Faji i Isa Boletinit eshte se luftoi per atdheun dhe u vra per te. Keshtu po ndodh me te gjithe patriotet tane, papritur po na dalin te gjithe tradhetare e batakcij.
Isa Boletini patui faj te madh sepse ra duke luftuar per atdheun se bashku me 7 niper te tij te ura e Thive ne Shkoder.

[Iliriani]

Nuk e di do ti shkaterojme gjithe figurat kombetare?

Kuptohet kur hodhem gurre edhe te Nen Tereza kuptohet per ca eshe me e lehte dhe per Bac Isen.

E gjithe keto iniciohen nga njerez te semure qe duan te bejne protogonistin duke shkateruar kollonat kombetare,apo ngrene si parazit e te pafte ato, mbi te cilat qendrojme, ato figura kombetare qe protagonizmin e bene duke bere per kombin, ndritur ate, luftuar e vdekur per te.

Nuk eshte ky nje shembull, e jo te bejme protagonizmin duke ngrene gjymtyret tona dhe ata pak heronj dhe figura qe si komb i vogel i kemi nxjerr ne shekuj?!

Nuk e di kur do mbaroj kjo cmenduri e boshllekut te vlerave, qe ndjejm pasi u shkeputem nga sistemet ideologjike qe 15 vjet me pare, e nuk u futem akoma natyrshem ne vlerat tona tradicionale, qe secili flet me radhe e secili respektohet, sidomos keto figura te kombit tone qe simbolizojne ate.

[Lunesta]

Ore po nuk qe as Isa Boletin patriot une nuk e di se kush mund te jete.

Kam degjuar disa zera qe thone se Boletini beri gabim qe ju kthye kunder Turqise pasi me Turqine kemi nje histori, nje fe e nje kulture ndaj baca Isa duhej te bente aleance me Turkun ndaj Serbit e Grekut!

Te gjithe ata qe nuk na duan i kemi armiqe, pike. Nuk mund te zgjedhim armikun me te vogel kunder armikut me te madh.

[King_Gentius]

Kam degjuar disa zera qe thone se Boletini beri gabim qe ju kthye kunder Turqise pasi me Turqine kemi nje histori, nje fe e nje kulture ndaj baca Isa duhej te bente aleance me Turkun ndaj Serbit e Grekut!

Deri ne fillim te shekullit te 19 aleanca me Turqin kishte qen dicka e mire per shqiptaret sepse konsoliduam fuqin tone neper te tokat e Shqiperise Etnike. Por pas shkaterrimit te pashalleqeve shqiptare idealisht besoj se ne duhet te ishim shkeput nga turqit. 100 vitet e fundit qe ne ishim nen perandorin osmane greket e pavarur e serbet autonome/te pavarur po ndertonin shtetet e tyre, ndersa ne nuk po benim ndonje progres.

Sa per luftrat anti-turke ne fillim te shekullit 20 besoj se ishin te nevojshme qe te tregojme Evropes se ne kemi nje identitet te vecante nga ai turk e se kerkojme vetvendosje. Turqia e humbi luften e pare ballkanike, keshtu te gjitha tokat tona si mbeshtetes te fuqise qe humbi mund te ishin ndare mes grekosllaveve pa shum diskutim. Pastaj Xhon Turqit po benin fushata per sekuestrimin e armeve te shqiptareve dhe otomanizimin e provincave te perandorise, pra ata nuk ishin ndonje ndihme e madhe per ne ne ate kohe.

[Skofiar]

Isa Boletini

(1864- 1916)


Isa Bloletini Atdhetar i shquar, strateg popullor, organizator e udhëheqës i lëvizjeve për çlirim e bashkim kombëtar, Hero i Popullit. Lindi në fshatin Boletin të Mitrovicës, në një familje me tradita patriotike. Në moshën 17 vjeçare mori pjesë si luftëtar i Lidhjes Shqiptare të Prizrenit në betejën e Slivovës (22 prill 1881) kundër forcave osmane. Përkrahu Haxhi Zekën dhe atdhetarët e tjerë në themelimin e Lidhjes Shqiptare të Pejës (1899-1900) dhe në qëndresën e saj kundër sunduesve osmanë dhe qarqeve shoviniste fqinjë.

Më 1901-1902 u vu në krye të qëndresës popullore në Kosovë kundër ndërhyrjeve të Serbisë, Malit të Zi, Rusisë e Austro-Hungarisë në Shqipëri. Për këtë arësye u thirr në Stamboll, ku u mbajt i izoluar deri më 1906. Isa Boletini përkrahu revolucionin xhonturk të vitit 1908, ishte një nga organizatorët e Kuvendit të Ferizajt (1908) që luajti rol të rëndësishëm në shpalljen e Kushtetutës. Iu kundërvu politikës reaksionare e antishqiptare të xhonturqve. U dallua si udhëheqës e organizator i kryengritjeve të mëdha popullore antiosmane të viteve 1910-1912. Udhëhoqi luftëtarët në betejat e zhvilluara me ushtrinë turke në zonat Shtimlje-Carralevë më 1910, mbështeti kryengritjen antiosmane të v. 1911, udhëhoqi forcat kryengritëse në zonën Drenicë-Mitrovicë dhe Podujevë-Prishtinë më 1912. Gjatë Luftës Ballkanike në tetor 1912, u vu në krye të çetave të armatosura vullnetare për mbrojtjen e trojeve shqiptare kundër pushtuesve serbë.

Në ditët e pavarësisë, në krye të përfaqësuesve të Kosovës, u ndodh përkrah Ismail Qemalit në Vlorë dhe mori pjesë aktive në organizimin e forcave të armatosura për mbrojtjen e Qeverisë së Përkohshme të Vlorës. Më 1913, si anëtar i delegacionit shqiptar, së bashku me Ismail Qemali shkoi në Londër, ku protestoi me forcë kundër vendimit të Fuqive të Mëdha për copëtimin e Shqipërisë. Më vonë Isa Boletini kaloi përsëri në Kosovë, ku organizoi qëndresën popullore kundër pushtuesve të rinj serbo-malazezë. Duke e kaluar jetën në luftë e përpjekje dhe me urtësinë e tij, fitoi autoritet të madh si udhëheqës popullor. Isa Boletini e lidhi jetën e tij e të familjes me fatin e atdheut, dashurinë e besnikërinë ndaj të cilit e shprehu me fjalët "Unë jam mirë kur asht mirë Shqipnia". Më 23 janar u vra pabesisht nga shovinistët malazezë në Podgoricë, së bashku me të bijtë Halili dhe Zahidi, nipërit Jonuzin dhe Haliti dhe tre luftëtarë të tjerë. (F. M.)

[vrojtuesi]

Fyellit ne nje vrime prap turqelit, nuk lan hero anti-turk pa ofenduar

Për ta ndërprerë drejtimin e tingujve nga fyelli i cekur dhe njëherit përkrahur letrat që përkrahin Veprimtarinë e Isa Boletinit por edhe që të iu mundësohet tjerëve që nëse vërtet kanë fakte tjera për veprimtarinë e tij që ti tregojnë, po e citoj pjesën e çarmatimit

Në Shalë edhe sot kujtojnë dialogun e Isa Boletinit me ministnin e jashtëm anglez, Eduard Grein, që është përjetësuar edhe në këngë:

“Isa Beg, në Evropë unë jam i pari që të çarmatosa!
— Jo, ministër, jo qe besa,
s’çarmatosem sa t’jetë jeta!
Njenën armë në derë e dorëzova,
po këtë tjetrën prej brezi s’e nxora!
Mos besofsh po ta tregoj,
të nandë plumbat i mban ne gojë!”

por me një humor plotësues që përdoret pa qëllim të keq kohë pas kohe kur flitet për format e veprimit të shqiptarëve me tjerët:

Gjersa në hyrje të konferencës apo takimit që duhej të merrte pjesë Isa, bëhej çarmatimi i tij sepse ai nuk dëshironte të hyjë në te i pa armatosur, dhe gjersa rojet ia hiqnin një nga një nja 7 (shtatë alltija) KONFERENCA TASHMË KISHTE PËRFUNDUAR!

[Lunesta]

Ore Boletini nuk eshte hero kombetar per bemat me 'alltijat ne konference', por per atdhetarizmin dhe perkushtimin qe pati per popullin e tij per sa qe gjalle.

[vrojtuesi]

Ore Boletini nuk eshte hero kombetar per bemat me 'alltijat ne konference', por per atdhetarizmin dhe perkushtimin qe pati per popullin e tij per sa qe gjalle.

Më duket se nuk jemi kuptuar fare!

Nuk kam kontestuar asgjë nga përkushtimi i tij për popullin. Vetëm e kam përcjellë një mahi e cila vlen edhe sot për përfaqsuesit tanë qofshin ata nga Kosova apo Shqipëria që kur kanë takime ndërkombëtare sillen me "adete"shqiptare dhe gjysmën e kohës së paraparë për takim e shpenzojnë për hyrje në bisedë duke i pyetur ata për gjëra të parëndësishme!! ( Si je? Si e ke familjen? Si po kalon? A je mirë me shëndet? - etj)

Këte e kanë konfirmuar në shtyp apo biseda private edhe ata vetë.(të huajt! )

[Kreksi]

Me kete raste Isa Boletinin e pagezuan me emrin "Robinhudi i Shqiperisë" ngase me arme ne dore kishte shkuar ti mbroje te drejtat e popullit te tije ne Londer, si dikur Robin Hood, personazhi legjendare i shekullit 13-të...
Edhe gazettat londoneze e kane nxjerrur kete anekdote qe une se besoje se ka ndodhur nje gje e tille si kendohet te ne ne kenge...ama ka dashur ti empresionoje fuqit e medha se ne nuk do te ndalim luften nese ju na mashtroni si ne Kongresin e Berlinit.

[Dito]

Kjo teme eshte nje turp i vertete, dhe ai qe hapi kete teme eshte nje antishqiptar. Nuk kam c'te shtoj tjeter.

Dito.