Klajdi Selimi

[StormAngel]

Klajdi Selimi konkurron mes katër balerinësh, në natën e parë të garës së Maria De Filipit

Klajdi Selimi, një tjetër shqiptar në sfidën e “Amici”


Shekulli

Skuadra e “Miqve” të Maria De Filipit ka zbritur në “fushë-betejë”, gati një muaj e gjysmë para parashikimeve. Mes sfidantëve të mbrëmshëm ka qenë edhe balerini shqiptar, 21-vjeçari Klajdi Selimi, i cili prej dy vjetësh jeton në Torino. Klajdi eshte diplomuar ne Akademine e Dancit ne Tirane dhe ka vetem nje objektiv : te kerceje dhe vetem te kerceje. Ai ka enderruar gjithnje te jete pjese e shkolles "Amici" dhe kete e ka arritur menjehere sapo ka mberritur ne Itali. Ai ka profilin e nje balerini te stilit jazz me baza te forta te klasikes. Kur del me miqte e tij, ai preferon te mbaje nje look hip hop, pantallona te gjera dhe ngjyra e tij e preferuar eshte bluja. Motoja e tij eshte : Jep maksimumin sot, me shume sesa dje.
Së bashku me Masimiliano Pirontin, Alberto Galetin, Antonino Spadaçino e Piero Romiteli, Klajdi ka qenë ndër të parët që është përballur me garën e “Amici”-t, e cila tashmë është kthyer në një shkollë mbrëmjeje televizive për kanto, kërcim e aktrim. Në këtë edicion, i cili transmetohet drejtpërdrejt në ekranin e “Canale 5”, do të prezantohen 20 nxënës, të cilët pasi kanë kaluar një provim të parë kanë studiuar në këtë akademi. Në fund të prillit, vetëm njëri prej tyre do të shpallet fitues, nëpërmjet votimit të teleshikuesve. Nga procedurat e konkurrimit e votimit kanë ndryshuar vetëm fare pak gjëra në krahasim me një vit më parë, megjithatë seleksionimi do të jetë i shpejtë dhe në datën 14 shkurt do të kenë mbetur 14 konkurrentë. Vitin që shkoi fitues është shpallur balerini shqiptar Leon Çino, ndërkohë që në edicionet e shkuara ka pasur të tjerë shqiptarë konkurrentë, si balerina që dikur në Shqipëri kërcente balet klasik, Ambeta Toromani.

[StormAngel]

Balerini më i ri i “Amici“ në qendër të polemikave në “Canale 5“. E akuzojnë si hipokrit, arrogant, dhelparak dhe strategjik. Megjithatë është i pari në klasifikimin televiziv të javës së fundit dhe një nga pretendentët e cilësuar i rrezikshëm nga rivalët e tij

Klajdi Selimi, Në televizionin italian mbërrin anti-heroi shqiptar


Belina Budini

TIRANË – Vështirë të mos gjesh Klajdin në ekran po të hapësh këto ditë “Canale 5“ në orën 16.20 kur transmetohet programi “Amici“ i Maria de Filippit. Ai është shqiptari i fundit që ka mbërritur në këtë spektakël dhe i ka mjaftuar shumë pak kohë për ta vënë veten në qendër të vëmendjes. Është jo vetëm më i votuari në klasifikimet e fundit por edhe protagonisti kryesor i të gjitha puntatave. Dhe paradoksalisht personazhi më i anatemuar. Të paktën nga rivalët ose pjesëtarët e tjerë të shkollës televizive “Amici“. Polemikat e ashpra e kanë shndërruar atë në një anti-hero. I dashuruar dhe i urryer në të njëjtën kohë. Nuk e gëzon aspak simpatinë e Kledi Kadiut, por me antipatinë e tij ka bërë që të flitet vetëm për të. Përtej të gjitha polemikave, Klajdi Selimi, balerini i ri që vetëm pak muaj më parë është larguar nga Shqipëria për në Itali, është tanimë një nga pretendenët kryesorë për të fituar edhe një edicion të “Amici“ (edicioni i vjetshëm u fitua nga balerini shqiptar, Leon Cino). Pas një sërë shqiptarësh të adhurueshëm si Kledi Kadiu e Ilir Shaqiri, Anbeta Toromani e Tili Lukas, Klajdi Selimi përfaqëson në televizionin italian ndoshta shqiptarin tipik, atë të vërtetin, që është edhe arrogant, edhe simpatik; edhe egoist, edhe bujar; edhe dinak, edhe kinse naiv. Është ky shqiptari që italianët hasin më shpesh dhe më në fund kjo tipologji mbërriti edhe në televizion si për të testuar në janë vërtet kaq të dashur me shqiptarët italianët sa ç‘duket në “Amici“? Rasti Klajdi nxiti shfaqjen e hapur dhe publike të racizmit ndaj shqiptarëve në përgjithësi dhe balerinit shqiptar në veçanti. Në një nga episodet e fundit një nga konkurrentët e Klajdit në këtë program, është shprehur se nuk mund të flerë aty ku ka fjetur shqiptari Klajdi, duke kërkuar ndërrimin e çarçafëve. Kjo ka shërbyer për të ngjallur polemika të ashpra mes Klajdit dhe italianëve të shkollës të cilët nga ana tjetër e akuzojnë Klajdin si arrogant, hipokrit, të padurueshëm, njeri me të cilin nuk mund të bësh dialog dhe nga ana tjetër shumë të zgjuar e strategjik, që të gjitha këto i bën për të qenë në qendër të vëmendjes. Klajdi është edhe shenjestra e përhershme e sulmeve të publikut të ftuar për të folur gjatë puntatës kryesore të “Amici“ çdo të enjte. Megjithëse ka kaq shumë njerëz kundër, akoma nuk është dorëzuar. Për sa kohë që mbetet i pari në klasifikimin televiziv.

Skeda
Vendlindja: Tiranë
Data: 1/06/1983
Mosha: 21
Gjatësia: 1.74
Pesha: 63 Kg
Sytë: gështenjë
Aspiron të jetë: balerin
Lënda: balet
Shenja e oroskopit: Binjakët

Kush është Klajdi Selimi?

Klajdi është diplomuar në akademinë e baletit klasik të Tiranës dhe në jetë ka një qëllim të vetëm: të kërcejë dhe vetëm të kërcejë. E përkufizon veten si simpatik por pak kokëfortë. Ka vetëm pak muaj që ka vendosur të transferohet në Itali dhe megjithatë mendon se Italia është një vend i bukur. Ka ëndërruar gjithmonë të hyjë në shkollën “Amici’ të Maria de Filippi dhe kur i është dashur të vendosë nëse duhet të hynte këtë vit, duke rrezikuar të shihej më pak, ose të prezantohej vitin tjetër, Klajdi nuk ka hezituar të zgjedhë opsionin e parë. Tani ëndrra e tij është realizuar dhe ai është shumë i kënaqur. Klajdit i pëlqen shumë të hajë ëmbëlsira të cilat janë tundim të cilit nuk mund t’i rezistojë dot. Megjithëse ka stilin e një balerini të jazz me baza të forta klasike kur del me miqtë pëlqen një look hip hop. Me pantallona të gjera dhe shallin e tij të pandashëm në kokë. Ngjyra e tij e preferuar është bluja dhe motoja e jetës së tij është: jep maksimumin sot, më shumë sesa dje.