SKANDALOZE - Skandalet e Kryetarit te Komunitetit Musliman te Shqiperise

[ibn_halduni]

Bismilahi Rrahmani Rrahim

Me iniciative te një pjese te Keshillit te Pergjithshem është kerkuar nje mbledhje urgjente per te analizuar shkeljet e Selim Destan Muces, kryetar aktual i KMSH.
Me poshte po paraqesim Letren e Hapur qe do tu dergohet te gjithe Muftinijve, anetareve te Keshillit te pergjithshem, imameve dhe mbare opinionit publik.
U bejme thirrje te gjithe besimtareve muslimane te sensibilizohen dhe te japin kontributin e tyre per pastrimin e Institucionit te tyre zyrtar (KMSH) qe eshte uzurpuar nga nje klan i pandershem qe nuk kane lidhje me besimin tone te paster.

Me Emrin e Allahut, Mëshiruesit, Mëshirëbërësit

Letër e hapur

Drejtuar: Myftinive, anëtarëve të Këshillit te Përgjithshëm të KMSH, mbarë opinionit publik.

Të nderuar zotërinj,

Me ardhjen në krye të këtij institucioni ing. Selim Muça, në muajin mars 2004 si pasoje e interesave konjukturale të individëve të caktuar me precedente penale, Komuniteti Musliman Shqiptar përjetoi momentet e tij më të errëta, dhe humbi rëndë imazhin e tij

Për të gjitha dëshmitë që vijojnë më poshtë, hartuesit e kësaj Letre kane prova te mjaftueshme dhe dokumentare, që vërtetojnë shkeljet e renda dhe politikat e pandershme të drejtimit të një institucioni me themel moral siç duhet të jetë KMSH.

Më poshtë do te rendisim vetëm disa nga shkeljet e kryera në KMSH gjate periudhës së drejtimit të tij nga Ing. Selim Muça:

1. Shkeljet Teologjike

a. Mbi S. Mucen bie përgjegjësia kryesore e mos ngritjes së Këshillit të Teologeve. Me pretekste të pabaza, ai e zvarriti këtë proces duke e lënë pa zgjidhje. Edhe në mungese të këtij Këshilli, ai kurrë nuk ka shprehur interes për çështjet fetare. Sjellja e tij e pabazuar në dijet teologjike ka shkaktuar deri tani shumë paqartësi, ngatërresa dhe zhgënjim tek besimtaret dhe anëtarët e xhematëve. Kjo solli si pasojë edhe konfuzion në debatin mediatik sa rryma islame ka në Shqipëri.

b. S. Muça shkaktoi në vijimësi përçarje mes myslimaneve, duke futur në konflikt xhematet në Shkodër, në Tiranë, Lushnje dhe Elbasan. Ka dëshmi se ai ka nxitur idenë inekzistente të dy rrymave brenda myslimaneve në Shqipëri, për të sunduar po vete si përfaqësues i rrymës së të moshuarve.

c. S. Muça ka toleruar poshtërimin e fesë Islame përmes mosveprimit të tij dhe paralizimit të reagimit të strukturave që varen prej tij. Rasti me flagrant ishte kur ai pranoi të keqpërdorej nga Presidenca pas ofezave publike që Alfred Moisiu adresoi ndaj shumicës myslimane të vendit.

d. S. Muça ka refuzuar të mbroje të drejtat fetare të anëtarëve të xhematit, detyrë funksionale e KMSH. Rasti më flagrant: dy studentë në Universitetin e Durrësit u përjashtuan nga shkolla për shkaqe të shenjave fetare.

e. Në kundërshtim të plote me parimet islame, kryetari i KMSH ka pranuar të bashkëpunojë dhe financohet nga sekte anti-islame si ai i Ahmedive. Zyra e S. Muçës është restauruar me fondet e sektit ahmedi'. Në shpërblim, Muça ka marrë pjese në festimet e këtij sekti, ka vizituar brendinë e xhamisë, madje u ka dërguar edhe një shkrese mirënjohjeje për fondin e dhuruar për zyrën e tij private. Për këtë ekzistojnë fotografi dhe dokumente që mund te bëhen publike
në çdo kohë.

f. S. Muça duhet ende t'u japë përgjigje akuzave me karakter moral, politik dhe fetar që ju adresuan atij nga ish myftiu i Tiranës Bledar Myftari. Këto akuza përbejnë një arsye të mjaftueshme për largimin e tij.

2. Shkeljet Administrative

2.1. Administrimi dhe Drejtimi i KMSH

a. S. Muça ka qenë një faktor pengues për ndërtimin e xhamisë së Namazgjasë, edhe pse ka pasur oferta konkrete për ndërtimin e saj nga donatore të ndryshëm, që merrnin përsipër edhe ofrimin e ndihmesës për nxjerrjen e lejes. Aktualisht një lob shqiptar i diasporës në Turqi (Stamboll) ka vënë në dispozicion të këtij projekti gjithsej 5 milion USD, që KMSH nuk i ka përfshirë, as tërhequr, madje as deklaruar. Dijeni për këtë fakt ka Konsullata Shqiptare e Stambollit.

b. Pas tre vitesh në krye të KMSH, S. Muça nuk ka hartuar asnjë platformë të organizimit të veprimtarisë institucionale të Komunitetit. Ai as e ka iniciuar një gjë të tillë, e as e ka kërkuar të hartohet nga dikush tjetër, duke shpërfillur burimet njerëzore që kane qenë të gatshme të ofronin ndihmesën e tyre si brenda ashtu dhe jashtë komunitetit. KMSH punon sot pa asnjë objektiv, pa plan pune dhe normalisht pa asnjë rezultat.

c. Gjate përfaqësimit të KMSH, Selim Muça nuk ka arritur të sigurojë asnjë ndihmë apo të ardhur të rëndësishme, duke prodhuar në të kundërt mosbesim për strukturat përfaqësuese të bashkësisë islame të Shqipërisë dhe duke u distancuar nga interesat e zhvillimit të Islamit në Shqipëri. Qasja e tij ka qenë kryesisht private, në shprehje të interesit personal apo të grupit pranë tij në KMSH.

d. S. Muça është kujdesur që me firmën dhe vulën që disponon, të bëjë emërime dhe shkarkime, jo duke vlerësuar kapacitetet intelektuale e akademike, por duke u kujdesur vetëm për të ruajtur lidhjet e tij nepotike. Rastet janë me dhjetëra në këto tre vite. Për të gjitha rastet ekziston një arkiv i plotë dëshmish dhe provash.

2.2. Pronat dhe Qiratë e Vakëfit

2.2.1. Shitjet e disa pronave

a. S. Muça shiti me vullnetin e tij që ia imponoi edhe kryesisë, truallin vakf në qendër të Tiranës, në kundërshtim me parimet fetare, por edhe kundër logjikës së tregut. Mungesa e plotë e transparencës flet shumë për arsyet që S. Muça pati kur e beri këtë zgjedhje. Me këtë shitje, bashkësia islame ka humbur një prej pasurive më të mëdha, ndërsa mbi atë truall do të ndërtohet një nga gjashte kullat më të mëdha në vend, sipas studimit të qendrës së Tiranës.

b. Në Shkodër, në shtator të vitit 2006, janë shitur dy apartamente në qendër të qytetit, me argumentin se këto të ardhura duhej të përdoreshin për kthimin e pronave. Banesat janë shitur nën vlerën reale të tregut dhe pa miratimin e myftinise së Shkodrës. Selim Muça duhet të bëjë transparente se ku ka shkuar shuma e përfituar dhe përse ajo duhej, në një kohë që këtë vit u morën 1.3 milionë euro për të njëjtin qëllim. Nëse ato para janë përdorur për pronat, duhen dhënë sqarime publike se çfarë pronash të tjera janë marrë me këtë fond dhe sa kanë kushtuar dosjet, duke paraqitur në çdo rast fatura të rregullta.

c. Ne vitin 2005 – 2006, S.Muça tentoi të shiste disa troje në qytetin e Tiranës, konkretisht në afërsi të Shkollës së Kuqe, në afërsi të stacionit të trenit si dhe tek Varri i Bamit. Në atë kohë, Muça tha se këto parcela nuk mund të shfrytëzoheshin dhe për këtë bëri një oferte skandal: 20 – 50 mijë lekë të vjetra për metër katror. Kjo tentative e turpshme dhe anti-islame u hodh poshtë nga Këshilli i Myftinise së Tiranës.

2.2.2. Dhëniet me qira

a. Në qendër të Tiranës, i është dhënë shtetases Silvana Vrapi, me qira për tre vjet, ambienti i Disko Klub Albania. Në kontratën mes palëve shënohet se objekti është dhënë për disko – bar. Çmimi është qesharak: 1000 leke të vjetra për metër katror. Madje ky çmim mund të jete edhe me i vogël, pasi sipërfaqja e diskos brenda, ka dhe 300 metra në sipërfaqe, që mund të përdoret për parkim etj. Të ardhurat totale janë rreth 300 dollarë në muaj, në një kohë që kjo pronë mund të sillte shumë më tepër. Duhet theksuar se dhënia e qerase nuk është bërë e kushtëzuar me llojin e aktivitetit që duhet kryer aty. Thënë ndryshe, në këto ambiente mund të kryhet gjithçka që bie ndesh moralisht me parimet e fesë islame.

b. Është bërë rinovimi i kontratave të dhënies me qira në godinën ku ndodhet aktualisht KMSH. Këto kontrata janë ribërë në kohën e S.Muçës me çmime të ndryshme, por nën vlerën e tregut. Rast konkret është ai i kafes që ndodhet në katin e parë, ku kontrata është me 10 mije leke të vjetra për metër katror në muaj. Një sqarim me i plote i humbjeve ti qëllimshme të prodhuara nga qiratë, mund të bëhet duke iu referuar çmimit të dhënies me qira të dyqaneve tek medreseja. Në këtë vend, çmimi është dukshëm më i lartë se ai tek komuniteti, përballë parlamentit, në qendër të Tiranës!

c. Në katin e katërt të ndërtesës së komunitetit janë dhënë mdisa zyra me qira nga 100 deri në 150 mije leke të vjetra në muaj. Edhe në këtë rast ka funksionuar zgjidhja më e thjeshtë, duke bërë një kontratë pa e miremenaxhuar këtë ambient ë cili mund të jepej me një qira më të lartë.

d. S. Muça nuk ka ngurruar të kryejë edhe evazion fiskal. Një pjesë e madhe e kontratave të qirasë nuk janë reale. Pra nëse një qiramarrësi i merret 1 milionë leki, në kontrate dhe në shtet shënohet sikur paguan vetëm 100 mije lekë. I njëjti fenomen ndodh edhe me pagat në komunitet, ku S. Muça duhet të sqarojë, jo para besimtareve, por para policisë tatimore se përse funksionon me dy bordero.

2.2.3. Dhëniet me përqindje

a. Në rrethin e Lushnjës, është dhënë me përqindje një sipërfaqe trualli për një pallat. Përqindja është më e ulet se ajo e tregut. Myftiu i këtij rrethi është lënë jashtë këtij procesi të negociatave për dhënien e truallit me përqindje, në kundërshtim me statutin. Jo vetëm kaq, por S. Muça me iniciativën personale ka miratuar një kontrate shtese për 500 metra katrore, përveç 2 mije metrave të miratuara më herët, kjo e fundit pa miratimin e kryesisë.

b. Në qytetin e Shkodrës, kryesia e komunitetit ka tentuar të japë me përqindje një truall në qendër të qytetit, në vendin e quajtur Zdrale. Kjo mund të provohet nëse shikohet proces verbali i mbledhjes së kryesisë, në muajin nëntor 2006. Ashtu siç u përmend me sipër, ky rast flagrant shkaktoi konfliktin me ish myftiun Bashkim Bajraktarin, i cili refuzoi t'i dorëzonte S. Muçës vërtetimin e pronësisë për këtë pronë.

c. Në qytetin e Korçës, kryesia e KMSH-se ka dhënë miratimin për ndërtimin e pallateve në dy troje vakf, përmes angazhimit të një firme nga Tirana. Edhe në këtë rast përqindjet kanë qenë më të ulëta se ofertat reale të tregut.

d. Në qytetin e Delvinës, nuk është bërë deri më tani ndonjë shitje, ose dhënie me qira, por të gjitha pronat e këtij rrethi janë lënë në mëshirë të fatit.

e. Në vitin 2004, S.Muça u përpoq të impononte një kontratë tërësisht të paarsyeshme me një ndërtues për ndërtimin e xhamisë tek ish gropa e Ajdin Sejdise, duke pranuar të lëshojë katër kate të nëndheshme si parkim dhe vetëm një kat të ishte në pronësi të komunitetit. Kjo kontratë u kundërshtua fuqishëm nga Myftinia e Tiranës.

2.3 Menaxhimi Financiar ose Informaliteti i KMSH

Nëse ka një përpjekje për të luftuar informalitetin në Shqipëri, morali islam duhej të ishte i pari që mbështet këtë përpjekje. Selim Muça ka ecur në rrugën e shkelësve të ligjit. Ja sesi:

a. S. Muça ka marrë vazhdimisht fonde që në asnjë rast nuk janë evidentuar se nga kanë ardhur. Donatorë të huaj kanë dhënë fonde të konsiderueshme, të cilat asnjëherë nuk kanë kaluar në rruge bankare dhe përmes dokumenteve financiare, por janë pranuar dorazi, në rrugë informale nga S. Muça. Në shumë raste kjo mund të vërtetohet duke hetuar dokumentet e zyrës financiare të komunitetit si dhe duke marrë dëshminë e personave që kanë qenë të pranishëm në takime të tilla.

b. Keq menaxhimi i veprimtarive të haxhit, ka sjelle reduktimin e të ardhurave që mblidheshin më herët nga kjo veprimtari duke shkaktuar një dem financiar të konsiderueshëm.

c. S. Muça ka qenë iniciator i marrjes së fondeve nga donatorë të ndryshëm për ngritjen e xhamive. Ai ka paraqitur kërkesa të cilat janë miratuar, por leket e dhëna nuk kane hyrë në arkën e komunitetit dhe më pas të dilnin të kontrolluara. Ato janë dhënë direkt në duart të menaxhereve të ndryshëm anonimë, të cilët kanë bërë punime dhe nuk kanë paraqitur asnjë dokument për transparencën financiare të tyre. Konkretisht, xhamia e Skraparit, xhamia e Kënetës, xhamia e Trebishtit në Dibër, restaurimi i xhamisë së Roskovecit etj, janë bërë direkt me lekë në dorë, pa asnjë dokument zyrtar apo proces përzgjedhjeje.

d. S. Muça ka stimuluar informalitetin në thithjen e fondeve nga vendet myslimane. Vlen të përmendet marrëdhënia me Turqinë, ku leket janë marrë nga fondacionet turke që ushtrojnë aktivitet në Shqipëri. Këto fonde janë deklaruar në librat e financës, por burimi i tyre ka mbetur gjithnjë anonim.

e. Në tre vjet në drejtim të KMSH-së, S. Muça nuk ka bërë asnjë projekt konkret për të shtuar në mënyrë progresive dhe të qëndrueshme buxhetin e Bashkësisë. Për këtë arsye, sot drejtuesit fetare në Shqipëri, paguhen më pak se një pastruese e rëndomtë. Në të kundërt me këtë panoramë, S.Muça ka ndërmarrë me dhjetëra udhëtime jashtë shtetit, por pa sjelle asnjë rezultat konkret. Duhet
theksuar se komunitetet fetare në Maqedoni apo Kosovë, kanë përfituar nga i njëjti fluks vizitash miliona euro, pas paraqitjes së projekteve të ndryshme.

f. S.Muça ka lënë hapësira për abuzime edhe me dietat dhe automjetet e komunitetit. Ai u ka dhënë shpesh dieta personave që u shërbejnë interesave të tij si dhe ka lejuar servise të shtrenjta të makinave, dokumentet e të cilave është i lutur t'i bëjë publike, nëse pretendon të kundërtën.

3. Manipulimi i Statutit të KMSH-s dhe çështje të tjera

Ky kapitull përfshin jo vetëm sjelljen e tij arrogante, hipokrite, fjalorin ordiner që bie ndesh me etiken islame, por edhe rastet e pastra të falsifikimit të dokumenteve zyrtare dhe mashtrimit të kryer nga poltrona e kreut të myslimaneve shqiptarë.

a. Në vitin 2003, S. Muça ka qenë protokollues i mbledhjes së Këshillit të Përgjithshëm të mbajtur në prill të atij viti. Në këtë mbledhje ai në bashkëpunim me Zylyftar Dervishin, ka falsifikuar proces – verbalin e mbledhjes, duke shtuar një pikë të veçantë tek rendi i ditës si dhe tek vendimet. Kjo pikë bënte fjalë për gjoja emërimin e Zylyftar Dervishit si sekretar i Përgjithshëm me propozim të Sabri Koçit, i cili në realitet nuk ishte fare prezent. Për këtë kanë dëshmuar një numër i madh anëtarësh që kanë qenë në mbledhje dhe për të cilën po heton edhe prokuroria.

b. S.Muça ka falsifikuar statutin e komunitetit mysliman me qëllim për të fuqizuar pushtetin e tij dhe lehtësuar abuzimet e tij me pronat e vakfit dhe më konkretisht shitja e vakfit të fundit. Në mënyrë më specifike, ai ka shtuar disa pika, ndër të cilat mund të përmendim nenet 23 dhe 25. Përmes tyre, S.Muça i heq kompetencat për shitjen e pronave vakf Këshillit të Përgjithshëm dhe ia kalon kryesisë dhe vetes së tij. Vëreni konkretisht:

1) Neni 23 lidhur me kompetencat e Këshillit të Përgjithshëm

Në statutin e miratuar me dt. 14.05.2005 Neni 23 paragrafi 6 thuhet “… njoftohet dhe miraton vendimet e kryesisë së Komunitetit Mysliman të Shqipërisë për tjetërsimin e pasurive të paluajtshme në mbledhjen e zakonshme të radhës së këshillit të përgjithshëm” (para falsifikimit).

Në statutin e botuar në vitin 2007

Neni 23 paragrafi 6 thuhet “… njoftohet për vendimet e kryesisë së Komunitetit mysliman të Shqipërisë për tjetërsimin e pasurive të paluajtshme në mbledhjen e zakonshme të radhës së këshillit të përgjithshëm” (pas falsifikimit).

2) Neni 25 lidhur me kompetencat e kryesisë është shtuar një paragraf i plotë ku thuhet "Kryesia e Komunitetit Mysliman me propozim të myftinive të rretheve dhe drejtorisë së vakf – investimeve për raste të veçanta dhe të domosdoshme vendos për tjetërsimin e pronave të komunitetit mysliman të Shqipërisë, çdo vendim për tjetërsim prone i njoftohet këshillit të përgjithshëm në mbledhjen e zakonshme të radhës".

c. S. Muça u ka bërë presion myftinjve në rrethe për t'i detyruar të firmosin një shkresë tip, ku thuhej se ata kërkonin një fond ndihme i cili duhej të vinte vetëm nga paratë e fituara nga shitja e vakfit në qendër të Tiranës. Një pjesë e myftinjve nuk e kanë firmosur edhe pse janë kërcënuar hapur se nuk do te merrnin asnjë lek, madje mund të largoheshin nga puna.

d. S. Muça në mënyrë flagrante jo vetëm që nuk iu bind vendimit të këshillit të përgjithshëm për rikthimin e pronës vakf në gjendjen e mëparshme, por e shiti atë. Pjesën më të madhe të lekeve ai e ka futur në bankë, por në të njëjtën kohë duhet të bëjë publike se në çfarë llogarie janë vendosur këto para, pasi ka dyshime se prej tyre mund të merren edhe përqindje si kamatë. Këto dyshime ngrihen, pasi në dokumentin e vlerësimit të shitjes së pronës nga Komisioni i Ekonomisë, një zë i veçantë ishte ai që bënte fjalë për përfitimin nga interesi bankar.

e. Duke lënë pas çdo detyre fetare, S. Muça është përfshirë edhe në veprimtari politike. Haptas ai ishte pjesë e fushatës së kandidatit të partisë socialiste Sadri Abazi, person i cili nuk ngurroi muaj më vonë të shante myslimanet pas marrjes peng të një avioni nga një shtetas turk.

Në përfundim

Si nismëtarë të kësaj kërkese, ne duam sinqerisht të sqarojmë të gjitha palët e interesuara se kjo nuk është një përpjekje për largimin e një njeriu nga një post i caktuar, por një thirrje për të lartësuar përpara popullit shqiptar dhe krejt botes moralin e lartë islam dhe nderin që i ka tipizuar shqiptarët si komb në shekuj.

Nëse duam vërtet "të këshillojmë për të mirë dhe të ndalojmë nga e keqja", nëse duam që ta pengojmë të pamoralshmen të bëjë shtëpi në shoqërinë tonë, ne besojmë se kjo ndërhyrje pastrimi duhet të filloje në krye të trupit të bashkësisë sonë.

Jemi të bindur se themi të vërteten me bindjen e këshillës së Profetit tonë Muhamed (salallahu alejhi ue selem) i cili këshillon "Thuaje të vërtetën edhe kur ajo është kundër teje". Vetëm kjo e vërtetë, e thënë në emër të Allahu dhe për arritjen e kënaqësisë së Tij, mund të shërojë popujt, mund t'i çojë ata përpara duke hapur rrugë të reja për zhvillimin dhe përparimin e bashkësisë sonë kombëtare.

Mbesim me besim dhe lusim Allahun që përpjekja jonë të gjejë mbështetjen Tuaj të plotë.

Me respekt, anëtarët iniciatorë në Këshillin e Përgjithshëm



Per me shume informata, ju lutem vizitojeni: EDUKATAISLAME

[Acid_Burn]

O Zot i madh

Po mire mer kto zorrat e paskan mare ne dore Komunitetin Musliman Shqiptar???? Une nuk po i besoj syve. Hiqeni mer qafe maskarain ... Hajde hajde dolem edhe landlord te diskotekave tashi .... p..... grenxes

[alDI]

Nuk lind më nëna një Sabri Koçi .