Fjeti në Zot Dr. Jaroslav Pelikan [1923-2006]

[Albo]

Dr. Jaroslav Pelikan fjeti në Zot

Dr Jaroslav Pelikan, një prej anëtarëve të Bordit Drejtues dhe miqve të Seminarit të Shën Vladimirit, fjeti në Zot të shtunën në 13 maj 2006 në moshën 83 vjeçare pas një beteje të gjatë me kancerin. I njohur nga shumica si historiani më i shquar i historisë kishtare të kohës sonë, Dr. Pelikan u bëri Kishën e Shën Vladimirit si enorinë e tij. Dr. Pelikani filloi të shërbejë në Bordin Drejtues të Seminarit të Shën Vladimirit në vitin 1998 dhe nga viti 2004 deri ne vitin 2005 ai ishte Sekretari i Korporatës. Deri në ditën e fjetjes, Dr. Pelikani ka shërbyer edhe si Kryetari i Komitetit të Punëve Akademike në Bordin e Seminarit.

Dr. Pelikan lë pas gruan e tij, Sylvia; tre fëmijë, Martin, Michael dhe Miriam, dhe tre nipër. Një homazh do të mbahet tek Kisha Orthodhokse e Transfigurimit të Shenjtë në New Haven, Connecticut. Një vigjilje mortore do të mbahet tek Kisha e Seminarit të Shën Vladimirit të martën mbasdite, 16 maj 2006 në orën 7 dhe një liturgji hyjnore përkujtimore do të kremtohet të mërkurën në mëngjes, 17 maj, 2006, në orën 9.

Jaroslav Pelikan kish lindur në Akron, Ohio në 17 dhjetor 1923, në një familje me origjinë sllovake, prindërit e të cilit kishin lindur në Sllovaki. Babai i Dr. Pelikan ishte një prift Lutheran dhe gjyshi nga ana e babait ishte një peshkop në Kishën Lutherane Sllovake në Amerikë. Pjesën më të madhe të jetës së tij Dr. Pelikani i përkiste Kishës Lutherane, por në vitin 1998 ai dhe gruaja e tij Sylvia u pranuan në Kishën Orthodhokse të Seminarit të Shën Vladimirit. Anëtarët e familjes së Dr. Pelikan sjellin ndër mend fjalët e tij kur tha se ai nuk ishte konvertuar por ishte "rikthyer në Orthodhoksi, duke hequr një nga një cipat e besimit tim personal dhe duke zbuluar Orthodhoksinë që kish qënë gjithmonë atje."

Dr. Pelikan shpesh citonte një rresht nga Fausti i Gëtes që thotë: "Atë që e keni trashëgimi merreni tani si detyrë, dhe kështu keni për ta bërë për vete." Ndryshe nga shumica e historianëve kishtarë, të cilët fokusohen mbi një periudhë apo aspekt të caktuar, Dr. Pelikan renditej si një nga autoritetet e vetme në gjithë fushën e historisë së Krishtërimit. Librat dhe artikujt e tij përfshinin subjekte nga më të ndryshmet si Dhiata e Re, Reformimi, Shën Augustini, Kierkegaard dhe filozofia mesjetare, dhe atij i janë njohur meritat për zgjerimin e studimeve skolastike kishtare perëndimore duke përfshirë edhe traditën Lindore Orthodhokse.

Gjatë jetës së tij Dr. Pelikan shkruajti rreth 40 libra dhe mbi 12 punime referenca që përfshijnë gjithë historinë e Krishtërimit. Disa nga librat e tij më të mirënjohura janë libri 5-volumësh “The Christian Tradition: A History of the Development of Doctrine,” “The Riddle of Roman Catholicism” dhe një libër shumë-volumesh në gjuhën angleze të veprave të Martin Luther. Ai jo vetëm ishte autor i librave skolastikë, por ai shkruajti edhe disa prej librave më të shitur për lexuesin në përgjithësi, si “Jesus Through the Centuries,” “Mary Through the Centuries” and “The Idea of the University: a Reexamination.”

Dr Pelikan mori shumë doktorata në formë honorari nga 42 universitete në të gjithë botën. Ai mbajti ligjëratën prestigjoze Guifford Lectures në Skoci dhe Gilson Lectures në Toronto; Presidenti Bill Clinton e emëroi atë në Komitetin e Presidentit për Artet dhe Degët Shoqërore, dhe në moshën 80 vjeç ai u emërua drejtuesi skolastik i “Institutions of Democracy Project” tek Annenberg Foundation.

Në vitin 2004, Biblioteka e Kongresit i dha atij çmimin e John W. Kluge Prize si një Arritje e Jetës, një nder kurorëzues i karrierës së tij. Ky çmim jepet në ato fusha që çmimi Nobel nuk i njeh, kryesisht, degët shoqërore dhe shkencat shoqërore. Mbishkrimi mbi çmimin John W. Kluge Prize deklaronte, "Ai ka ndriçuar shumë aspekte si të jetës politike edhe të jetës fetare nëpërmjet arteve vizuale, muzikës, letërisë, interpretimeve të teksteve dhe në rolin e universitetit."

Dr. Pelika ishte një anëtar i fakultetit të universitetit Yale University që nga viti 1962. Në vitin 1972. Yale e emëroi Dr. Pelikan me titullin Profesor Sterling i Historisë. Para se ti bashkohej fakultetit të Yale në vitin 1962, Dr Pelikan jepte mësim tek universiteti Valparaiso University në Indiana, në Seminarin Concordia dhe në Universitetin e Chicago. Pozicionet e tij të shumta përfshinin edhe sezone si rektor i Shkollës Pasuniversitare të Yale (1973-1978), si president i Akademisë Amerikan të Artit dhe Shkencës {1994-1997), si kryetar i bordit drejtues t; Akademisë Amerikane të Shkencave Politike dhe Shoqërore (2003-2004) dhe si kryetar themelues i Këshillit të Shkollarëve në Bibliotekën e Kongresit.

Në vend të luleve, familja ka kërkuar që donacionet përkujtimore të bëhen në adresë të Fondacionit Theologjik Jaroslav Pelikan ose në adresë të Seminarit Teologjik Orthodhoks të Shën Vladimirit, të themeluar nga vetë Dr Pelikan me të ardhurat e çmimit Kluge Prize, ose në adresë të Pelikan Publication Fund të Yale University Press, themeluar në vitin 2005 nga drejtuesit e the Press për të asistuar publikimin e librave mbi historinë intelektuale të fesë.

Për më shumë informacion mbi jetën e Dr. Pelikan lexoni artikullin e At John Erickson.

I përjetshëm qoftë kujtimi i tij.

[Matrix]

I perjetshem kujtimi!