Tiranë: Abuzimi me femijët, fillon gjykimi i dy pedofilëve britanikë

[Cappuccino]

Ekspertiza mjeko-ligjore zbulon gjurmë marrëdhëniesh të dhunshme seksuale në gojën dhe organet gjenitale të tetë fëmijëve shqiptarë.
Arrestimi i administratorit anglez të shtëpisë së jetimëve “Fëmijët e Mi” në Tiranë, ka zbuluar skandalin seksual në të cilin janë implikuar disa persona nga Anglia, Skocia dhe Irlanda. Të paktën prej katër vitesh, ata kanë derdhur shuma financiare marramendëse në llogarinë bankare të fondacionit në këmbim të kënaqësisë seksuale gjatë marrëdhënieve me të miturit që strehoheshin aty. Pas denoncimit të familjarëve të fëmijëve, agjentët e policisë së komisariatit nr.4, kanë vënë në pranga David Broun, 55 vjeç, administrator i jetimores. Ekspertiza mjeko-ligjore ka zbuluar se tetë fëmijë janë dhunuar seksualisht. Ata janë të moshës nga 6 deri në 12 vjeç, dhe sipas mjekëve ligjorë kanë dëmtime të rënda në organet gjenitale, si dhe në gojë. Ndërkohë që janë shpallur në kërkim edhe dy shtetas të tjerë anglezë, që dyshohet se kanë marrë pjesë në skenat e turpshme, që zhvilloheshin prej katër vitesh brenda ambienteve të qendrës së fëmijëve. Burime nga policia konfirmuan se anglezi Robin Arnold, si dhe një italian me emrin Dino janë të përfshirë direkt në dhunimin e fëmijëve. Arnold, rreth 50 vjeç, është larguar disa muaj më parë nga Shqipëria dhe mendohet të jetë një nga personat kryesorë të përfshirë në organizimin e orgjive.
Zbulimi
Prej gati dy vjetësh, policia kishte marrë denoncime për abuzime seksuale në shtëpinë e jetimëve, “Fëmijët e Mi”. Në qendër janë të strehuar 38 fëmijë nga mosha 6 muaj deri në 16 vjeç. Hetimet kanë marrë rrugë vetëm një javë më parë, pasi në polici është bërë një tjetër denoncim. Të martën pasdite, rreth orës 17:00, forcat e policisë kanë marrë fëmijët nga jetimorja dhe i kanë dërguar për ekspertizë te Mjekësia Ligjore. Mjekët kanë vënë re se tetë fëmijët kishin dëmtime të rënda në organet gjenitale dhe në gojë. Në të njëjtën kohë, agjentët e policisë kanë shoqëruar edhe administratorin David Broun. Anglezi ka kundërshtuar duke kërkuar avokaten e tij. Më pas Broun është paraqitur në zyrat e hetuesve, ku është marrë në pyetje për disa orë. Rreth mesnatës, hetuesit kanë marrë në duar analizat e fëmijëve, duke zbuluar dhunën seksuale që ishte ushtruar ndaj tyre. Menjëherë ndaj 55- vjeçarit Broun është marrë masa e arrestit. Ndërsa janë shpallur në kërkim edhe anglezi tjetër, Robin Arnold dhe italiani Dino.
Hetimet
Burime nga policia shprehen se shtëpia e jetimëve, “Fëmijët e Mi” ka shërbyer si një qendër për pedofilët nga e gjithë bota. Gjatë aktivitetit të saj gjashtëvjeçar në këtë shtëpi, në periudha kohe të ndryshme kanë ardhur pedofilë nga Anglia, Skocia dhe Irlanda, të cilët kundrejt pagesës kanë kryer marrëdhënie seksuale dhe homoseksuale më fëmijët. Pedofilët maskoheshin si vullnetarë, të cilët vinin për t’u kujdesuar për fëmijët jetimë. Ata qëndronin në ambientet e shtëpisë rreth dy javë, ku dhe plotësonin dëshirat e tyre seksuale. Burimet thanë se mes të dhunuarve janë fëmijë nga komuniteti rom, si dhe të mitur me prindër të divorcuar nga Tirana dhe rrethet. Një vend të rëndësishëm në hetimet e policisë së komisariatit nr. 4, dhe Prokurorisë së Tiranës kanë zënë edhe rrëfimet e të miturve që janë dhunuar seksualisht. Në dëshmitë e fëmijëve të dhunuar, ata kanë thënë se “babai”, siç e thërrisnin David Broun, i detyronte të bënin akte të turpshme. Po sipas dëshmisë, anglezët kanë përdhunuar disa vajza, por kënaqësinë e tyre seksuale e kishin te djemtë.


REPORTAZH/ Kalimtarët shajnë anglezët e dyshuar për pedofili
Ndihmësi i administratorit: Skandali është i vjetër
Frika e hakmarrjes, policia blindon shtëpinë e të miturve
TIRANE -I vetmi punonjës i shtëpisë së hetimeve që pranoi të jepte shpjegime për mediat ishte Janaq Papaleka, ndihmësi dhe përkthyesi i administratorit të arrestuar. “Mendoj se ajo që ka ndodhur këtu është një gjë e vjetër. Unë kam punuar rreth pesë vjet me Johan Braun dhe nuk kam vënë re ndonjë gjë të dyshimtë tek ai”, sqaroi përkthyesi Papaleka. Më pas dera jeshile e shtëpisë u mbyll. Anglezët e tjerë që gjendeshin në godinë nuk pranonin që të prononcoheshin. Nga jashtë shtëpia 1-katëshe në kryqëzimin e rrugës “Qemal Stafa” dhe “Riza Cerova”, dukej e qetë. Me një arkitekturë të veçantë dhe e lyer me bojë kafe, shtëpia binte në sy. Dritaret ishin të mbyllura nga grilat jeshile. Deri pak ditë më parë, të gjithë mendonin se ajo ishte vetëm një strehë për jetimët, kryesisht fëmijë romë. Por kishte edhe familje në vështirësi ekonomike, të cilët i çonin fëmijët e tyre, duke shpresuar për një përkujdesje nga stafi shqiptaro-anglez. Por dje porta jeshile ishte shumë e rëndë. Zilja duhet të binte shumë herë para se ndonjë punonjës të dukej te porta. Ajo hapej vetëm kur trokiste ndonjë prej prindërve për të marrë fëmijët. Duke mallkuar, ata kërkonin sqarime nga punonjësit e shtëpisë, për çfarë kishte ndodhur me fëmijët e tyre. Ndërsa të huajt mjaftoheshin vetëm duke mbledhur supet. Në rrugën që po asfaltohej, katër-pesë punëtorë ndiqnin të heshtur çdo skenë në portën jeshile. Duke soditur nga larg, ata u mjaftuan vetëm duke sharë njërin prej anglezëve, që pasi hipi me arrogancë mbi xhipin e kuq me targa të huaja, u largua me shpejtësi duke krijuar një re të madhe tymi. Një makinë policie patrullonte çdo dhjetë minuta, duke mbajtur situatën nën kontroll. Ndoshta punonjësit e policisë i druhen ndonjë hakmarrjeje nga prindërit. Megjithatë anglezët dukeshin të qetë. Interesimit të gazetës fillimisht iu përgjigjën duke kërkuar kohë, pasi ishin duke ngrënë drekë. Por duket se më pas ndryshuan mendje, duke u mjaftuar vetëm me sqarimet e ndihmësit shqiptar. f.b



Miliona në llogaritë bankare
Policia ka zbuluar transaksione të mëdha parash në numrat e llogarisë të shtëpisë së jetimëve, “His Children”, të depozituara nga vullnetarët. Edhe pse me një depozitë mjaft të majme, kushtet në shtëpinë e jetimëve ishin mjaft të këqija. Kujdestarët anglezë janë treguar të kujdesshëm vetëm për pamjen e jashtme të ndërtesës. Sipas policisë, ata shpenzonin para për pushime në plazhet e Durrësit dhe të Vlorës, si dhe organizonin piknikë me të miturit. Fëmijët shoqëroheshin nga vullnetarët që vinin nga Anglia, Irlanda dhe Skocia, të cilët kryenin dhe marrëdhënie seksuale me ta. Efektivat e rendit që kanë bërë kontrollin në banesë thanë se ambientet e brendshme
të saj ishin një
“ferr” i vërtetë.


Anglezët s’kishin leje qëndrimi
David Broun dhe punonjësit e tjerë të shtëpisë së jetimëve, “Fëmijët e Tij”, me qendër në Tiranë, rezultojnë të jenë klandestinë në Shqipëri. Burime zyrtare nga policia e kryeqytetit thanë se për 55-vjeçarin Broun nuk është dhënë leje qëndrimi nga autoritetet shqiptare. Ai ka pasur një të tillë nga viti 2000 deri në 2002, por më pas nuk e ka rinovuar atë. Pas kësaj, administratori anglez dhe stafi i tij nuk i kanë rinovuar lejet, duke qëndruar ilegalisht në Shqipëri. Por një fakt i tillë nuk i ka penguar të zgjerojnë vit pas viti aktivitetin e tyre, edhe në disa rrethe
të tjera të vendit.




Gazeta Panorama
18 Maj 2006

[Xhuxhumaku]

Në kërkim dy “vullnetarët”, anglezi Robin Arnold dhe një italian


Pedofili drejtoi qendrën e fëmijëve pa asnjë licensë

Edhe pas sinjalizimit, shtëpia nuk u mbyll


Gerti Xhaja
g.xhaja@gazetashqiptare.com

TIRANE

Qendra bamirëse“Fëmijët e tij”, administratori i së cilës u arrestua një ditë më parë për abuzime me fëmijët, vepronte prej pesë vitesh pa asnjë licencë nga Ministria e Punës dhe Çështjeve Sociale. Prej disa vitesh, UNICEF dhe organizata të tjera ndërkombëtare kishin dhënë alarmin tek autoritetet shtetërore duke kërkuar mbylljen e aktivitetit të John David Brawn. Shkak për këtë ishin kushtet e vështira ku trajtoheshin vogëlushët. Por askush nuk kishte “guxuar” t’i shkonte përtej dyshimeve për kushtet e rënda ku mbaheshin vogëlushët dhe abuzimeve seksuale për ta. Prej korrikut të vitit 2001, kur vendosi të hapte qendrën me gjashtë fëmijët e parë të marrë në rrugët e Tiranës, pedofili i arrestuar dy ditë më parë nga policia në kryeqytet, kryente një aktivitet të paligjshëm në Shqipëri. Ishte mjaftuar vetëm me një vendim në gjykatën e Tiranës për të ngritur shoqatën OJF, “Fëmijët e Tij”, por pa e vrarë asnjëherë mendjen se i duhej të kalonte një sërë rregullash dhe verifikimesh për të grumbulluar dhe trajtuar të mitur qoftë këta edhe jetimë, endacakë dhe pa përkrahje. Drejtori i Drejtorisë së Përgjithshëm të Shërbimit Social Shtetëror (DPSHSSH), Thanas Poçi, konfirmon për Gazetën faktin se qendra ishte e papajisur me një leje nga ministria. Por, Poçi është shfajësuar për përgjegjësinë e mosreagimit duke sjellë si argument se ishte emëruar vetëm 4 muaj më parë në këtë detyrë.

Aktiviteti
Hetimet e policisë, pas provimit të abuzimeve ndaj tetë fëmijëve të qendrës, janë shtrirë edhe mbi dy të huaj të tjerë: britanikut Robin Arnold dhe një italiani, të cilit fëmijët i kanë treguar vetëm emrin, Dino. Këta të dy, kanë ardhur si ndihmës të administratorit për disa javë dhe gjatë kësaj periudhe kanë kryer edhe abuzimet. Policia dyshon se Brawn ftonte pedofilë të tjerë nga jashtë vendit për të shuar epshet në qendër, duke i shitur si ndihmës vullnetarë të tij. I gjithë ambjenti i qendrës “Fëmijët e tij”, pranë “Shkollës së Kuqe”, është vetëm tre dhoma. Njëra prej të tyre është e vetë administratorit Brawn. Në dy të tjerat ndodheshin vetëm 7 shtretër ku supozohej të qëndronin 38 vogëlushët 7-12 vjeç të qendrës. Për ushqim kishin përshesh me qumësht në mëngjes dhe supë makaronash në drekë. Vetëm një muaj më parë një ekip i DPSHSSH-së, ka trokitur në dyert e qendrës duke kërkuar mbylljen e saj. Drejtori i DPSHSSH-së, Thanas Poçi, ka thënë për Gazetën, se 14 Maji ishte caktuar afati i fundit për mbylljen e qendrës. “Kushtet dhe trajtimi ishte mizerabël,- është shprehur Poçi, duke shtuar se “largimi nga kjo qendër dhe akomodimi në qendra të tjera shtetërore dhe bamirëse ishte zgjidhja më e mirë për këta vogëlushë”. Fëmijët vinin nga shtresa tejet të varfëra të shoqërisë, ndaj specialistët e DPSHSSH-së, i kishin lënë një javë afat Brawn-it, për të ndryshuar trajtimin e vogëlushëve.

Reportazh/ Prindërit vijnë të alarmuar në qendër


“S’na shkonte mendja për keq”

Mamaja: Ia besova vetë fëmijët


--------------------------------------------------------------------------------

Ka mësuar në treg për abuzimet që kryhen në qendrën ku ka dy fëmijët e saj Kristinin, 6 vjeç dhe Esmeraldën 4 vjeçe, dhe është sulur me vrap që t’i marrë ata. Troket me forcë në portën e llamarintë të qendrës ndërsa thërret nga jashtë në emër dy fëmijët e saj. Ka dëgjuar shumë gjëra të tmerrshme dhe duke qarë ajo tërheq përdore dy fëmijët e saj. Nuk është e vetjma, përpara oborrit të qëndrës janë disa prindër që kërkojnë të marrin fëmijët e tyre. Emineja, është 24 vjeçe, dhe ka tre fëmijë. Të madhin e mban me vete në tregun pranë stacionit të Trenit, ku ajo shet veshmbathje, ndërsa dy më të vegjlit ia ka besuar qendrës “Fëmijët e Mij”. “Nuk kam kohë të kujdesem për ta dhe kisha dëgjuar se këtu në qendër u mësojnë gjuhë të huaja, por edhe sesi të bëhen të rregullt. E takova vetë atë mjekërroshin dhe i rregullova dy fëmijët që të rrinin aty. Nuk më shkonte mendja se mund të bënte të tilla gjëra”, përpiqet të shfajësohet ajo.
Porta mbyllet zhurmshëm, sa herë që ndonjë prind vjen të marrë fëmijët e tij. Janë gjithsej 8 punonjës të regjistruar të qendrës, por sot aty nuk dukej askush. I vetmi që guxon, t’u kthejë përgjigje prindërve, është Janaq Papleka, përfaqësuesi shqiptar i qendrës. Mundohet të qetësojë prindërit, por edhe banorët e rrugës “Qemal Stafa”. Ai siguron se askush nuk do të mundte të guxonte të ngacmonte apo keqtrajtonte vogëlushët në ambientet e qendrës për vetë faktin se aty ka punonjës dhe fëmijë të shumtë gjatë gjithë kohës. Papleka, është shprehur më pas për Gazetën, se vërtetimi i akuzave i takon organeve të drejtësisë, dhe manipulimi me to deri në momentin e sqarimit të plotë të situatës nuk bën gjë tjetër veçse dëmton këta vogëlushë që te “Fëmijët e tij”, kanë gjetur një strehë.

[PINK]

a Papaapa te kalamajt qe nuk durohet fare. Ndyresirat .

[Xhuxhumaku]

Rrëfimi i menaxherit të qendrës: Problemet s’mund të ndalojnë vullnetin e Zotit


Brawn, letra e fundit: Shteti më i dashur me mua


Shpresa për një koncert bamirësie në mars


--------------------------------------------------------------------------------

Në mesin e shkurtit, vetëm dy muaj para arrestimit të tij, David Brawn ishte i bindur se do arrinte të kalonte vështirësitë që po i nxirrnin autoritetet shqiptare për kushtet e qendrës. Një koncert bamirësie, ku do të ndihmonin edhe krerët më të lartë të shtetit, do të shërbentë për të mbledhur fondet e duhura për të siguruar një shtëpi më të madhe për fëmijët. Por në letrën e tij të fundit, të dërguar ndaj qendrës “Fëmijët e tij” në Indi, të cilën kemi arritur ta sigurojmë dhe po e publikojmë më poshtë, Brawn është përpjekur të anashkalojë kontrollet e autoriteteve shqiptare ndaj aktivitetit. Gjithnjë duke i vizatuar si probleme që nuk mund të pengojnë vullnetin e Zotit. Më poshtë po botojmë me shkurtime letrën:

E mërkurë 15 shkurt 2006
Të dashur miq, ju do të thoni se nuk kisha shkruar prej shumë kohësh dhe keni të drejtë. Natyrisht ne kemi shënuar arritje që nga shtatori 2004 dhe “Fëmijët e tij” nuk është më vetëm në Tiranë. Kaq shumë kanë ndodhur që nga koha e fundit që u kam shkruajtur dhe unë kam qenë shumë i zënë me punë dhe nuk kam pasur mundësi ta bëj këtë punë. Viti i fundit ka qenë një vit prove dhe vështirësish, armiqtë e krishtërimit kanë bërë të pamundurën për të na shkatërruat, por duket se na kanë bërë më të fortë. Ndryshimi i qeverisë në Shqipëri rezultoi si një ndihmë për ne, pasi këta të rinjtë janë shumë mbështetës për atë që ne duam të bëjmë për të zbutur varfërinë dhe për të rritur ndihmën. Inspektori i Ministrisë së Cështjeve Sociale, që një vit më parë shkroi një raport të pandershëm për ne, erdhi një ditë më parë, për të më thënë se sa e mrekullueshme ishte puna që ne po bënim, dhe se si unë duhet të shkoja dhe t’i takoja ata, për të bashkëpunuar, dhe për të hequr nga rruga fëmijët që lypin. Inspektori kundër trafikimit të fëmijëve na vizitoi dhe na pyeti nëse mund të bashkëpunonim me ta, duke i marrë fëmijët nëse ata i arrestonin njerëzit, të cilët i shfrytëzonin. Dje kishim një vizitë të zv/ministrit të Brendshëm dhe një oficere policie përgjegjëse për mbrojtjen e fëmijëve. Isha shumë i stresuar nga vizita e tyre, por kur ata erdhën folën me fëmijët dhe u ulën për të parë një video. Të dyja ishin gra dhe u prekën shumë nga fëmijët. Pyeta oficeren e policisë nëse ishte e kënaqur që po rrinte me fëmijët apo nëse donte të fliste me mua, ajo u kthye me sytë e mbushur me lot, dhe më tha se si mund të jem e lumtur kur njerëzit bëjnë të tilla gjëra me fëmijët e tyre. Ato të dyja ikën duke me premtuar se nëse do të kontaktoja me to, do të bënin të pamundurën për të më ndihmuar.

Koncerti
Nuk mund të lë pa përmendur falenderimet për Alan Moir. Ai është një oficer i lartë policie që ka punuar për disa vjet këtu me misionin e policisë së BE-së, për të ndihmuar qeverinë shqiptare në ndryshimet e duhura për integrimin në BE. Ai është bërë një mik i rëndësishëm i kësaj shtëpie dhe na ka prezantuar ne dhe punën tonë me njerëz të nivelit të lartë në qeveri. Nëpërmjet tij misioni, na ka pranuar si një shoqatë bamirësie në Shqipëri dhe bashkë me ambasadat në Tiranë po organizohet një koncert me këngëtarë të operas nga Italia, në fillim të vitit të ardhshëm, për të siguruar fonde për ngritjen e shtëpisë sonë të re. Hoteli “Sheraton” ka ofruar tre dhoma falas për këngëtarët e koncertit dhe Presidenti i Shqipërisë, Sali Berisha u ka dërguar ftesat atyre. Alan e ka përfunduar detyrën e tij në mision dhe do të kthehet disa herë vitin e ardhshëm për të na këshilluar.
Me koncertin e planifikuar në mars, mendoj se mund të kemi një pozicion të mirë financiar për të blerë një tokë prej 6.250 metrash katrorë në rrëzë të malit të Dajtit për të ndërtuar një shtëpi tonën më të madhe....

Fëmijët e rrugës
Puna jonë kryesore është shpëtimi i fëmijëve të rrugës, dhe nuk do të ishte e drejtë ta kaloja pa ju treguar për fëmijët që Zoti na ka dhënë. Djemtë e rritur një ditë kaluan pranë një galerie Arti në afërsi të një stadiumi dhe vunë re disa vepra arti kristian, aty ishte edhe një grua kristiane. Ata i treguan për shtëpinë tonë dhe ajo erdhi të na vizitonte disa javë më pas bashkë me një grua të re të cilës së fundi i kishte treguar rrugën drejt Zotit. Gruaja e re, e cila ishte e martuar kishte me vete nipin, djalin e motrës së saj, që kishte shumë probleme dhe ishte braktisur në Veri të Shqipërisë. Martesa e motrës së saj kishte marrë fund dhe ajo dhe burri i saj ishin nisur drejt Italisë në vende të ndryshme duke ia lënë djalin gjyshit. Si të mos mjaftonte kjo, gjyshi ishte martuar sërisht, dhe gruaja e re e kishte nxjerrë djalin në rrugë. Aji mu lut që ta merrja djalin pasi nuk mund të jetonte dot me mendimin se ai do të jetonte rrugëve. Serxho është një djalë shumë i këndshëm dhe i ndjeshëm dhe e ndjen shumë refuzimin. Tezja e tij nuk e ka vizituar atë më shumë se dy herë dhe ai e ndjen veten keq. Tani ai po e kupton se ne e duam atë dhe se Jezusi e solli në këtë familje të re. Ne kemi marrë gjithashtu edhe Erionin, vëllain 10 muajsh të Agronit, Emiljanos dhe Landit. Nëna e tij, Fatmira edhe pse është grua e këndshme është e varfër dhe i dhunon fëmijët. Ne në fillim morëm Agronin, të cilit po i binin flokët, nga ankthi dhe stresi dhe më pas vëllain e tij, Marion të cilin ne e duam, por ai e ka të vështirë të qëndrojë me ne dhe do që të kthehet në rrugë. Më pas morëm edhe Emiljanon që është më i madh se Agroni, të cilin deshëm ta shpëtonim në të njëjtën mënyrë. Më pas edhe vëllezërit e tjerë. Në shtator kur Erioni ishte 6 muajsh, Fatmira ishte në kishë. Unë e mbaja atë në krahë dhe iu luta Zotit që ta merrnim edhe atë, kur ai nisi të qante dhe ajo u çua dhe shkoi pas kishës. Dëgjova tre shuplaka të forta dhe të qara të mëdha u çova për të parë dhe e gjeta në kopshtin prapa kishës. Ajo ia kishte lagur bluzën për ta qetësuar dhe për t’ia hequr skuqjen. E dija se Zoti ishte përgjigjur lutjes sime dhe e pyeta atë se kur do ta merrnim... Ndërsa puna rritet, ne tani kemi 93 fëmijë dhe kemi vështirësi në përballimin e nevojave të tyre.

historia


Brawn: Fëmijët rrinë ngushtë? Janë rracë e nxehtë, kanë qejf


Janë rracë e nxehtë dhe e kanë vetë me qejf të rrinë ngjitur me njëri-tjetrin”. Ishte kjo përgjigja me shaka e Brawn, sa herë e pyesnin sesi ia bënte të mbante 38 fëmijë në tre dhoma. Fillimisht, askush nuk ka dyshuar për këtë përgjigje, por tashmë pas arrestimit çdo gjë ka marrë tjetër kuptim. Specialistët të shërbimit social, i kishin vënë në dukje prej kohësh kushtet e vështira të qendrës së tij. Vetëm 6 shtretër për të gjithë vogëlushët, ndërsa edhe dhomën e tij, ai e mbante gjysmë për vete, dhe pjesën tjetër qëndronin fëmijët “shembullorë”, të përzgjedhur prej vetë “Babait”. Për të shmangur mbylljen e qendrës pas vërejtjeve të bëra nga DSHSSH, Brawn kishte marrë me qera një banesë dykatëshe. Sipas planeve të tij, ajo do të shërbente si qendër për trajtimin dhe fjetjen e vajzave.


Gazeta Shqiptare.

[Shijaksi-London]

Ekspertë shqiptarë në bllokim ekstradimin e dy “pedofileve” britanik

Robin Arnold edhe në Angli nën hetim


Nga Gjykata Westminster Magistrate Court
Muhamed Veliu

Fati ekstradimit të dy shtetasve britanik të kërkuar nga drejtësia shqiptare për abuzime seksuale me fëmijë jetim në Tiranë, do të varet nga një raport hartuar nga ekspertët shqiptarë.
Avokatët mbrojtës të Robin Arnold dhe Dino Christodoulou në seancën e djeshme të ektradimit në gjykatën Westmister të Londës,kërkuan më shumë kohë për hartimin e këtij raporti. Ben Cooper avokati mbrojtës i Dino Christodoulou sqaroi se raporti do të evidentojnë gjëndjen e burgjeve shqiptare si dhe sa i drejtë e i pavarur është sistemi i drejtësisë në Shqipëri dhe proceset gjyqësore.
Më tej në fjalën e tij zoti Cooper deklaroi se për këtë janë kontaktuar ekspertë shqiptarë të drejtëve të njeriut të cilët në të shkuarën kanë shkruar raporte të këtij lloje. Kjo kërkesë vendos ballë për ballë prokurorinë shqiptare e cila përmes tre dosjeve voluminoze sjellë në Angli, kërkon ekstradimin e dy britanikëve me ata të drejtave të njeriut.
Të dy të akuzuarit nga drejtësia shqiptare kanë qënë të pranishëm në sallën numër tre të kësaj gjykate.
Robin Arnol i veshur me një bluzë ngjyrë e verdhë polo me mëngë të shkurtra dhe një pale tuta sportive gri e hapët veshje standarte e burgjeve angleze, sikur të ishte nën gjëmba ka dëgjuar zhvillimet e procesit. Fytyra e tij përcillte shqetësim.
E kundërta ndodhte me Dino Christodoulou cilësuar nga fëmitë e abuzuar si “njeriu u tmerrshëm i qendrës”. Ai kishte veshur një palë pantallova xhins, dhe bluze v-neck ngjyrë ulliri me shirita bezhë. Në mes të saj ishte stamposur një kryq i vogël me ngjyrë të zezë.
Qiprioti me shtetësi britanike ka qënë i qetë duke ndjekur me vëmendje maksimale procesin madje kur ka hyrë në sallën e gjygjit ka buzëqeshur në drejtim të gjukatëses dhe vëllait ulur në galerinë e publikut.
Seanca është hapur nga përfaqësuesja e shtetit shqiptarë në këtë proces Extradimi Claire Dobin e cila ka paraqirur para gjykatës një dokument me akuzat e reja ngritur nga prokuroria shqiptare për dy ish punonjësit e qendrës “Fëmijet e Tij” në të cilën u abuzuan fëmijë të moshës 5 deri 13 vjeç.
Nga ky proces u mësua se Dino Christodoulou shpenzimet e bllokimit të ekstradimit dhe për një pjesë të shpenzimeve për raporin që do të hartohet në Shqipëri i pagun vetë. Ndërsa e kundërta ndodh me Robin Arnold. Është shteti britanik përmes sistemit “Legal Aid” që mbulon shpenzimet. Të dy ata mbahen të izoluar në burgun e Brikstonit në jug të Londrës.
Për drejtësinë shqiptare ektradimi Robin Arnold mbase do të jetë mision i pamundur. Momentin kur ai u arrestua për llogari të prokurorëve shqiptarë, ishte nën hetim për një krim që ka të bëjë me përdorim dhune.
“Klienti im vazhdon të jetë nën hetim për këtë krim” tha avokatja e tij mbrojtëse Rachel Scoot pa zbuluar detaje se cili është krimi për të cilin është nën hetim Arnold.
Një situatë e tillë do të thotë se nëse ndaj tij policia lokale ku ai banonte dhe mendohet të ketë kryer këtë krim ngrin akuza, atherë procesi ektradimit kalon në plan të dytë.
Megjithatë gjykatsja britanike e cila po shqyrton këtë çështje ekstradimi paralajmëroi avokatët mbrojtës se në seancën e radhës pamvarësisht se ç’farë ndodh me Robin Arnol i akuzuari tjetër Christodoulou do të përballen me procedurat në vahzdim.
Të dy të akuzuarit i mohojnë akuzat për ngacmime seksuale me tëmitur sipas nenit 100/2 të kodit penal shqiptar.

[AlbaneZ]

Juristja shqiptare dëshmon në favor të palës mbrojtëse. Avokatët: Shqipëria po u bën gjyq ilegal


Seanca e fundit e ekstradimit të dy shtetasve britanikë, të cilët kërkohen nga drejtësia shqiptare si të akuzuar për abuzime seksuale me fëmijë, është veshur akoma më me shumë mister. Mbetet në pikëpyetje, nëse ata do të ekstradohen drejt Tiranës. Avokatët mbrojtës të Dino Christodoulou dhe Robin Arnold, në përfundim të procesit gjyqësor janë shprehur optimistë, se ekstradimi i tyre nuk do të lejohet nga gjykatësi Nicholas Evans. Pika e fortë e avokatit mbrojtës të 44-vjeçarit Christodoulou ishte se në Shqipëri gjykatësi i çështjes ka filluar procesin gjyqësor në mungesë. Mbrojtja ka shkuar më tej, duke i deklaruar gjykatësit Evans se gjykata shqiptare po zhvillon procesin në mungesë, duke shqyrtuar akt-akuzën e Prokurorisë së Tiranës.

Në fakt, e vërteta është krejt ndryshe, pasi që në muajin tetor të vitit të shkuar, gjykatësi i çështjes ka ndërprerë zhvillimin e procesit, pasi pritet vendimi i Gjykatës së Londrës lidhur me ekstradimin e Dino Christodoulou dhe Robin Arnold. Avokati Ben Cooper, që përfaqëson Christodoloun, dhe Rachel Scott, avokate e Arnold e kanë deklaruar se, nëse ata ekstradohen në Shqipëri kjo do të jetë juridikisht e pajustifikuar, pasi autoritetet shqiptare, në mënyrë ilegale janë duke i gjykuar ata. Avokatja Scott deklaroi se, një eksperte shqiptare ka dërguar një dëshmi, në të cilën thuhet se ajo ka folur me gjykatësin e çështjes në Tiranë dhe në kundërshtim me atë që thotë qeveria shqiptare, saktëson se procedurat gjyqësore vazhdojnë në mungesë. Po ashtu, ekspertja shqiptare, e kontraktuar nga pala mbrojtëse, ka hartuar një raport në lidhje me gjendjen aktuale të sistemit të drejtësisë shqiptare. Emri i saj është bërë publik në gjykatë si Dr. Arta Vorpsi. Raporti përfshin një dëshmi me firmën e saj se çfarë po ndodh në Tiranë me këtë proces dhe pikërisht ky raport është përdorur me efikasitet nga mbrojtja, për të bllokuar ekstradimin.

Deklarata e avokates Scott është kundërshtuar ashpër nga kolegia e saj, Clair Dobbin, përfaqësuese e Shqipërisë në këtë proces. "Gjyqi për këta dy të akuzuar nuk ka filluar, por janë zhvilluar disa seanca paralele që njihen si seanca preliminare", shpjegoi ajo. Pohimet e avokatëve mbrojtës, përfshirë reagimin e përfaqësueses së shtetit shqiptar në këtë proces nuk kanë bërë gjë tjetër, veçse e ia kanë shtuar misterin këtij procësi, që ka 8 muaj që po zhvillohet. Enigma e ekstradimit apo jo të dy britanikëve drejt Tiranës do të mësohet më 10 Mars, kur gjykatësi do të japë vendimin përfundimtar, që është i apelueshëm nga të dyja palët, nëse dëshirojnë ta bëjnë një gjë të tillë. Është hera e parë që drejtësia shqiptare kërkon nga Britania e Madhe ekstradimin e dy shtetasve të saj, të dyshuar për abuzime seksuale me të mitur.


© Gazeta Shqip

[Shijaksi-London]

Në pikëpyetje ekstradimi i dy "pedofilëve" britanik

Juristja shqiptare dëshmon në favor të palës mbrojtëse. Avokatët: Shqipëria po u bën gjyq ilegal

Nga Londra
Muhamed Veliu

Seanca e fundit e ekstradimit të dy shtetasve britanikë, të cilët kërkohen nga drejtësia shqiptare si të akuzuar për abuzime seksuale me fëmijë, është veshur akoma më me shumë mister. Mbetet në pikëpyetje, nëse ata do të ekstradohen drejt Tiranës. Avokatët mbrojtës të Dino Christodoulou dhe Robin Arnold, në përfundim të procesit gjyqësor janë shprehur optimistë, se ekstradimi i tyre nuk do të lejohet nga gjykatësi Nicholas Evans. Pika e fortë e avokatit mbrojtës të 44-vjeçarit Christodoulou ishte se në Shqipëri gjykatësi i çështjes ka filluar procesin gjyqësor në mungesë. Mbrojtja ka shkuar më tej, duke i deklaruar gjykatësit Evans se gjykata shqiptare po zhvillon procesin në mungesë, duke shqyrtuar akt-akuzën e Prokurorisë së Tiranës.
Në fakt, e vërteta është krejt ndryshe, pasi që në muajin tetor të vitit të shkuar, gjykatësi i çështjes ka ndërprerë zhvillimin e procesit, pasi pritet vendimi i Gjykatës së Londrës lidhur me ekstradimin e Dino Christodoulou dhe Robin Arnold. Avokati Ben Cooper, që përfaqëson Christodoloun, dhe Rachel Scott, avokate e Arnold e kanë deklaruar se, nëse ata ekstradohen në Shqipëri kjo do të jetë juridikisht e pajustifikuar, pasi autoritetet shqiptare, në mënyrë ilegale janë duke i gjykuar ata. Avokatja Scott deklaroi se, një eksperte shqiptare ka dërguar një dëshmi, në të cilën thuhet se ajo ka folur me gjykatësin e çështjes në Tiranë dhe në kundërshtim me atë që thotë qeveria shqiptare, saktëson se procedurat gjyqësore vazhdojnë në mungesë. Po ashtu, ekspertja shqiptare, e kontraktuar nga pala mbrojtëse, ka hartuar një raport në lidhje me gjendjen aktuale të sistemit të drejtësisë shqiptare. Emri i saj është bërë publik në gjykatë si Dr. Arta Vorpsi. Raporti përfshin një dëshmi me firmën e saj se çfarë po ndodh në Tiranë me këtë proces dhe pikërisht ky raport është përdorur me efikasitet nga mbrojtja, për të bllokuar ekstradimin.
Deklarata e avokates Scott është kundërshtuar ashpër nga kolegia e saj, Clair Dobbin, përfaqësuese e Shqipërisë në këtë proces. "Gjyqi për këta dy të akuzuar nuk ka filluar, por janë zhvilluar disa seanca paralele që njihen si seanca preliminare", shpjegoi ajo. Pohimet e avokatëve mbrojtës, përfshirë reagimin e përfaqësueses së shtetit shqiptar në këtë proces nuk kanë bërë gjë tjetër, veçse e ia kanë shtuar misterin këtij procësi, që ka 8 muaj që po zhvillohet. Enigma e ekstradimit apo jo të dy britanikëve drejt Tiranës do të mësohet më 10 Mars, kur gjykatësi do të japë vendimin përfundimtar, që është i apelueshëm nga të dyja palët, nëse dëshirojnë ta bëjnë një gjë të tillë. Është hera e parë që drejtësia shqiptare kërkon nga Britania e Madhe ekstradimin e dy shtetasve të saj, të dyshuar për abuzime seksuale me të mitur.

[Hyj-Njeriu]

Keta duhen varur tek sheshi Skenderbej,biles jo per fyti por per testikujsh....

[ThE_DaRk_NiGhT]

Ja re prandaj del nami kot per ne,puffffff vritini qeroji fare nga faqja dheut

[Mbarësori]

Abuzim seksual mbi të miturit në Shqiperi

Nje tjeter i mitur sot ka deshmuar faktin e frikshem per abuzime seksuale nga 60 vjecari te cilin ata e thërrisnin "Baba David" misionar ne qendren Children Albania

E mërkurë, 21 Maj 2008 20:53

• Dëshmia e një femije në seancën e sotme kundër britanikut David Braun ka sjelle prova te forta qe forcojne pretendimin e prokurorise se anglezi ka abuzuar seksualisht me femijet e qendres qe ai drejtonte. 10 –vjecari ka dëshmuar në një sallë të ndarë, larg syve të pandehurit, gjyqtarëve dhe prokurorëve, me qëllim që të mos trembej nga prania e tyre.

TIRANE-Tashmë për anglezin David Braun po shtohen provat e forta lidhur me abuzimet e tij me mitur. Pas deshmisë së tre femijeve seancat paardhese që kanë dëshmuar per abuzime seksuale sot ka qene nje tjeter i mitur qe ka pohuar faktin e frikshem se 60 vjecari te cilin ata e thërrisnin "Baba David" ka ushtruar sistematikisht abuzime seksuale mbi te miturit qe ai trajtonte ne qendren "Femijet e tij". Gjithcka eshte pohuar ne seancen e rradhes ne gjykaten e Shkalles se Pare ne Tirane e cila eshte zhvilluar me dyer te mbyllura. Femija ka deshmuar ne nje mbikqyrje te rrepte, larg kamerave dhe nepermjet nje videokonference. Nderkaq edhe ne kete rast i mituri ishte vendosur në një sallë të ndarë, larg syve të pandehurit, gjyqtarëve dhe prokurorëve, me qëllim që të mos trembej nga prania e tyre. Burime nga gjykata thanë se të miturit kanë pohuar faktin se administratori i qendrës, David Braun ka abuzuar seksualisht me ta. Edhe sot dhjete vjecari ka dëshmuar ne pranine e një psikolegeje. Administratori i qendrës "Fëmijët e tij" u prangos rreth dy vite më parë, pas kontrolleve të bëra në qendër, ku u zbulua se David Braun abuzonte seksualisht me fëmijët. Dy miqtë e Braun, Dino Cristodolu dhe Robin Arnold, të dyshuar për të njëjtat vepra penale, u arrestuan pak muaj më vonë në Londër dhe jane esktraduar pak dite me pare ne Shqiperi ku do te gjykohen për të njëjtat vepra penale.

(d.b/News24/BalkanWeb)