Pesë gjykatës pushkatohen nga avokati në Gjykatën e Lartë në Turqi
Ankara /17/05/ 16:00
Një avokat në Turqi ka pushkatuar pesë gjykatës, duke lënduar rëndë dy prej të qëlluarve.
Tani për tani nuk është e qartë motivi për shëtinen, por mediumet lokale dhe botërore theksojnë se njëri prej dy gjykatësve të lënduar, është i njohur për atë se para disa muajve ka shqiptuar aktdënim me të cilin u ndalohet grave që ushtrojnë profesion administrativ apo arsimor në Turqi të mbajnë shami në vendin e tyre të punës.
Avokati Asllan Allpasllan sot gjatë hyrjes në Këshillin shtetëror të Turqisë, instancë më e lartë administrative në vend, ka hyrë dhe qëlluar me plumba nga pistoleta e markës "Gllok", për të cilën nuk është e qartë se si ka arritur ta futë atë brenda dhe ka pushkatuar gjykatësin Mustafa Birden dhe një gjykatës tjetër, ndërsa ka shtier edhe mbi persona tjerë.
Allpasallani ka hyrë në seancën gjyqësore në ndërtesën e Këshillit shtetëror të Turqisë dhe duke brohoritur "All-llahu Ekber" (All-llahu është i Madh) ka hapur zjarr mbi gjykatësit.
Policia menjëherë arrestoi Allpasllanin, duke mos bërë të ditura detaje tjera për ngjarjen.
Kryetari i shtetit Ahmet Nexhad Sezar e dënoi sulmin dhe paralajmëroi se incidentet e tilla nuk do ta arrijnë qëllimin. Ai shtoi se sisitemi gjyqësor nuk duhet të druhet dhe se duhet dhe do të mbeten lojal ndaj qeverisjes republikane dhe sekulare me shtetin.
Lideri i opozitës Deniz Bajkall, vlerësoi se sulmi është drejtuar ndaj rregullimit kushtetues të Turqisë, por edhe ndaj sisiteimit gjyqësor, duke marrë parasush faktin se është gjuajtur mbi Gjykatën më të lartë.
Avokati sipas disa informatave është regjistruar në asociacionin e avokatëve nga Stambolli, ndërsa tani për tani nuk janë të njohuara përcaktimet e tij politike. Sulme terroriste në Turqi gjatë viteve të fundit kryejnë pjestarë të organizatave radikale kurde, islamistëve radikalë, por edhe të majtistëve radikalë.
/Makfaks/
Përgjigju Duke Cituar
Postuar më parë nga Davius
Krijoni Kontakt