Berisha me 4 milion leke pasuri

[iliria e para]

Ministrat, milionerë për 4 muaj, si kanë ndryshuar deklaratat e pasurisë pasi kaluan nga opozita në pushtet



TIRANE (10 Maj) -Ka premtuar shitjen e shtëpisë dhe i kanë kaluar në llogarinë e tij bankare plot 65 mijë euro. Kështu shkruan ministri i Mbrojtjes Fatmir Mediu në deklaratën që ka dorëzuar pranë inspektoriatit të lartë të deklarimit të pasurive. Deklarata e pazakontë kontraston me të dhënat që vetëm Mediu kishte paraqitur një vit më parë ku ai nuk deklaronte pasuri të patundshme, kishte llogari bankare në vlerën 4.112.000 lekë dhe 2.3 milionë lekë borxh te Raiffeisen Bank. Ndërsa për 2005 deklaron se ka një borxh prej 4.480.000 lekë nga kredia prej 5 milionë lekë që ka marrë për strehim për të cilën paguan një këst mujor prej 27.710 lekë.
16 deklarimet e ministrave
Gazeta po publikon të dhënat e deklaratave të 16 anëtarëve të kabinetit qeveritar si dhe dy deklarimet e fundit të ministrit të Mbrojtjes Fatmir Mediu. Nga krahasimi i tyre rezulton se ka një lëvizje të mëdha financash nga gjatë vitit 2005 dhe fakte shumë interesante që lidhen me “pasurimin” apo “varfërimin” e tyre brenda një viti. Shifra tepër interesante prezanton ministri i Mbrojtjes, ndërsa për vitin 2004 deklaronte llogari 4.112.000 lekë, të ardhura nga paga 1.349.108 lekë dhe borxhe në Raiffeisen Bank 2.300.000 lekë për vitin 2005 ministri shkruan se ka hapur një llogari bankare pranë bankës Italo-Shqiptare me 65.000 euro, deklaron një llogari rrjedhëse në “Raiffeizen bank” pa shifër, pagën e tij si ministër i Mbrojtjes me 502.732 lekë dhe të ardhurat si deputet nga janari 2005 në shtator 2005 kur është krijuar edhe parlamenti i ri. Paga e bashkëshortes që punon në Presidencën e Republikës është, 584.852 lekë dhe ka marrë edhe një kredi për strehim, borxhi, 4.480.000 lekë.
Shitja pa hipotekë
Shumë i pazakontë është shpjegimi i dhënë prej tij në lidhje me krijimin e llogarisë së re bankare me 65 mijë euro pranë bankës Italo-Shqiptare. Mediu e shoqëron me shpjegimin se është shumë e likujduar nga shitja e shtëpisë që ai ka në rrugën Bajram Curri, pallati 1, shkalla 4E po pa bërë ndryshimin në hipotekë. E thënë ndryshe, për shtëpinë që ai ka shitur ligjërisht është vetë Medoi pronar dhe jo personi që ai deklaron se e ka blerë kundrejt 65 mijë eurove. Ministri shkruan se ka realizuar një kontratë parablerje me një person të cilit i ka shënuar edhe emrin në deklaratë por që inspektoriati i Lartë i Deklarimit të pasurive e ka fshirë në kopjet që ka dhënë për mediat pas kërkesës zyrtare të bërë nga ana e tyre. Këto shifra mund të thuhet se janë disi të mistreshme por është Inspektoriati i Lartë i Deklarimit të pasurive ai që do të vlerësojë përfundimisht vërtetësinë apo problemet që mund të ketë zoti Mediu me deklaratën e tij si ministër i Mbrojtjes. Si rregull inspektoriati i kërkon të dhëna zyrës së rregjistrimit të pasurive për të parë të dhënat deklarimeve dhe atje me siguri do të gjejë se shtëpia që Mediu thotë se e ka shitur është ende në emrin e tij. Veç kësaj misterin e shton fakti se për 2004 ai nuk deklaron pasuri të patundshme dhe në 2005 rezulton me dy shtëpi, një të blerë me kredinë 5 milionë lekë dhe që një e ka shitur 65 mijë euro.
Fatmir Mediu
2004
Të patundshme: jo
Të tundshme: Llogari 4.112.000 lekë
Të ardhura: Paga 1.349.108 lekë
Borxhe: Raiffeisen Bank 2.300.000 lekë
2005
•Depozitë banka
“Italo-Shqiptare”, 65.000 euro
•Llogari rrjedhëse “Raifaizen bank”
•Paga në Ministrinë e Mbrojtjes, 502.732 lekë
•Paga si deputet, 1.170.000 lekë
•Paga e bashkëshortes në presidencë, 584.852 lekë
•Të ardhura nga shitja e
apartamentit 65.000 euro
•Kredi për strehim, 4.480.000 lekë.
Genc Pollo
2004
Të patundshme: 200 m2 truall Dajt, vlera 85.324 lekë
Të tundshme: Depozita 179.000 lekë
Të ardhura: Paga, shpërblime total 1.189.000 lekë
Borxhe: jo
2005
•Llogari bankare te “Raifaizen”, 250.883 lekë
•Llogari bankare në bankën
amerikane 3.800 euro
•Apartament 1+1 60m2 Golem, 27.000 euro
•Llogari bankare në “Banka
Amerikane”, 6000 euro
•Depozitë për të bijën,
Ema Pollo 60.000 lekë
•Depozitë për të bijën
Stefania Pollo, 82.000 lekë
•Të ardhura nga rroga e PDR, 540.000 lekë
•Të ardhura nga rroga
si ministër, 390.000 lekë.
•Të ardhura nga bashkëshortja
Dajana Pollo në UNHCR 2.202.301 lekë.
•Kredi bankare 869.61 euro
Jemin Gjana
2004
Të patundshme: 1 bodrum, vlera 2.570.000 lekë
Të tundshme: Llogari 514.000 lekë
Të ardhurat: Pa ndryshim
Borxhe: Raiffeisen Bank, Myslim Murriqi, total 5.552.400 lekë
2005
•Llogari bankare “Credins”, 1100 euro
•Të ardhura nga paga
e shpërblime
2.5 mln lekë
•Kredi 5 mln lek
•Hua individuale 10 mijë $

BalkanWeb

[iliria e para]

Berisha me 4 milionë lekë pasuri
Rritet llogaria brenda vitit. Në 2004 kishte 500 mijë lekë

ROZETA RAPUSHI
r.rapushi@gazetashqiptare.com

Për një vit, Kryeministri Sali Berisha, është pasuruar me 1.500.000 lekë, ndërkohë që ka dhënë hua një shumë prej 2.1 milionësh. Në total ai është pronar i 4 milionë lekëve të reja. Në vitin 2004, në deklaratën e kreut të qeverisë, figuronin vetëm 500.000 lekë në gjendje kesh, që Berisha i deklaroi se i dispononte si pasuri. Por për vitin 2005, për të cilin Kryeministri ka dorëzuar një muaj më parë edhe deklaratën e re, një kopje të siguruar edhe nga “Gazeta Shqiptare”, në formular është shtuar një llogari bankare dhe një hua që Berisha konfirmon se ia ka dhënë së bijës Argitës. Gjendja kesh, vazhdon të mbetet në familjen e Kryeministrit, por sipas formularit, ajo është pakësuar nga 500.000 në 400.000 lekë. Shumën e parave që e ka deklaruar për vitin 2005, Berisha e justifikon se e ka grumbulluar nga paga e tij në Kuvend për tetë muaj dhe ajo në postin e kryetarit të Këshillit të Ministrave, për katër muajt e fundit të vitit. Në zbatim të ligjit “Për konfliktin e interesave”, deklarimi i pasurisë bëhet vetëm për rritjet apo pakësimet e pasurisë për 12 muaj të vitit. Kështu pjesën tjetër, pasurinë e patundshme dhe atë në vlerë monetare, Berisha e ka deklaruar më parë, gjë e cila vërteton se shumën e parave prej 4 milionë lekësh Kryeministri e ka kursyer vetëm për vitin 2005.

Pasuria
Llogaria bankare prej 1.5 milion lekësh, e deklaruar nga Kryeministri, figuron në emër të bashkëshortes së tij, Liri Berisha në “Raifaizen Bank”. Këtë llogari, kreu i qeverisë e ka shtuar në formularin e tij të pasurisë për vitin 2005. Ndërkohë që 2.1 milion lekë, të cilat Kryeministri i deklaron si pasuri të tij po për vitin 2005, Berisha ka shënuar se ia ka dhënë hua vajzës së tij, Argita Berisha. Këto dy shuma parash, kreu i qeverisë i ka shënuar në formularin prej tri fletësh format për vitin 2005. Gjatë këtij viti, Berisha nuk ka pasur asnjë humbje, përveç 100.000 mijë lekë nga gjendja e tij kesh që kishte në vitin 2004. Në formular, nuk shpjegohet shkaku i pakësimit të gjendjes kesh. Ajo që nuk ka ndryshuar edhe nga viti i kaluar është fakti që Berisha nuk deklaron asnjë pronësi shtëpie.

Justifikimi
Për të gjitha të ardhurat edhe rritjet që ka pasur Kryeministri Sali Berisha në pasurinë e tij, ai përgjigjet se i ka siguruar nga paga e tij në Kuvend dhe në Kryeministri. Në deklaratën e pasurisë, Berisha shënon se që nga janari i vitit 2005 e deri në muajin gusht, ka marrë 971.537 lekë në total nga Kuvendi. Ndërkohë që për katër muaj, përkatësisht nga shtatori 2005 deri në dhjetor të po këtij viti, ai ka përfituar 707.287 lekë nga paga e tij si Kryeministër. Të dy shumat të mbledhura së bashku tejkalojnë 1.5 milionë lekë që kryeministri deklaron se ka bashkëshortja në një llogari bakare. Ndërsa në të ardhurat e familjes së tij, bashkëshortes Liri Berisha, Kryeministri deklaron se s’ka ndryshime. Ashtu siç nuk ka edhe në pronat e paluajtshme. Me dorëzimin e deklarimit të pasurisë, Inspektorati i Lartë i Deklarimit dhe Kontrollit të Pasurive, do të bëjë verifikimin e të gjitha subjekteve private e publike, interesat private dhe detyrimet financiare që ekzistojnë në emër të subjektit, si dhe bashkëshortit dhe fëmijëve.



* Llogari bankare
Kryeministri Sali Berisha ka deklaruar një llogari bankare në bankën “Raifaizen”, prej 1.500.000 lekësh, si gjendje deri
në fund të vitit të kaluar.
* Paratë në kesh
Sipas deklaratës së pasurisë së kryetarit të Këshillit të Ministrave, Berisha zotëron gjithashtu një shumë prej 400.000 lekësh kesh. Kjo është pakësuar, pasi në vitin 2004, Berisha kishte 500.000 lekë gjendje kesh.
* Huatë
Plot 2.100.000 lekë, Kryeministri Berisha deklaron se ia ka dhënë hua vajzës së tij, Argita Berisha. Këtë shumë që i takon kreut të qeverisë, ai deklaron se ia ka dhënë së bijës.
* Të ardhurat
Për vitin 2005, Kryeministri Sali Berisha ka marrë rreth 17 milionë lekë të vjetra, si të ardhura nga paga në Kuvend, nga janari deri në gusht dhe nga paga në Kryeministri, nga shtatori deri në dhjetor.

[Ingenuous]

Listat e deklarimit të pasurive, disa anëtarë të kabinetit jetojnë me rrogat mujore


Ministri i Financave me shtëpi si i pastrehë
Në një vit Rusmalit i zhduket borxhi 4.3 mln

ROZETA RAPUSHI


Sa e vështirë të jesh ministër i qeverisë Berisha! Kështu thonë të paktën një pjesë e anëtarëve të kabinetit aktual, nëse i hedh një sy deklarimeve të pasurive për vitin 2005 që ata kanë paraqitur pranë Inspektoriatit të Lartë të Deklarimit të Pasurive. S’ka më pasuri të patundshme, valutë të siguruar me lojën në bursat ndërkombëtare apo shtëpi në plazh. Viti kalendarik 2005 ka qenë i shtrënguar për ata, ndërkohë që kolegë të tyre kanë bërë të kundërtën: ata kanë deklaruar fitime që shpesh bien ndesh edhe me deklarimet e vjetra të vitit 2004, sic është rasti i Fatmir Mediut.
Gati gjysma e anëtarëve të kabinetit qeveritar janë “varfëruar” në postin e ministrit, krahasuar me një vit më parë. Në formularin e pasurisë marrë nga Inspektorati zv.kryeministri Rusmali dhe ministrat, si ai Transporteve Lulëzim Basha, i Kulturës Bujar Leskaj, i Jashtëm Mustafai, i Financave Ridvan Bode apo ai i Brendshëm Sokol Olldashi, kanë deklaruar si pasuri vetëm të ardhurat nga paga në postin ministror dhe të ardhurat nga bashkëshortet. Në 12 muaj, anëtarët e kabinetit qeveritar nuk kanë mundur të sigurojnë asnjë pronë të tundshme apo të patundshme, apo të hapin një llogari të re bankare. Madje, ka edhe nga ata që në pamundësi të përballimit të shpenzimeve të jetesës, kanë marrë kredi për shtëpi në titullin “i pastrehë”.

Çudia
Dy ministra të qeverisë demokratike, ai i Mbrojtjes, Fatmir Mediu dhe ai i Financave, Ridvan Bode, i janë drejtuar bankave si të pastrehë për të marrë kredi për shtëpi. Në formularin e pasurisë së ministrave, në një kopje të siguruar nga “Gazeta Shqiptare”, thuhet se Mediu edhe pse ka në bankën “Italo-Shqiptare”, një shumë prej 65.000 euro (e cila nuk figuronte një vit më parë në deklarimin paraardhës) të ardhura nga shitja e një shtëpie, ka marrë “borxh” për strehim 4.480.000 lekë, në një kohë kur të ardhurat e tij vjetore së bashku me bashkëshorten, tejkalojnë vlerën prej 2 milionë lekësh. Në të njëjtën pozitë është edhe ministri i Financave, Ritvan Bode. Edhe ai ka marrë një kredi prej 2.300.000 lekësh po për të njëjtën çështje. Por ndryshe nga kolegu i tij, Bode ka përfituar edhe nga statusi i të “pastrehut”. Ministri i Financave ka mundur të marrë një kredi me zero interes nga Enti Kombëtar i Banesave me këtë status, në një kohë kur vetëm nga paga e deputetit dhe ministrit ai merr në vit 1.487.000, pa përfshirë në këtë shumë të ardhurat vjetore të bashkëshortes në shumën prej 793.000 lekësh. Borxhe vazhdon të ketë edhe ministri i Jashtëm, Besnik Mustafaji, i cili duhet të shlyejë tek “Alpha Bank”, një shumë prej 20.357 euro.

Paratë
Ministrat më të përfolur për pasuritë e tyre të mëdha, aksionet në biznese të ndryshme si ai i Transporteve, Lulëzim Basha dhe ministri i Kulturës, Bujar Leskaj, nuk kanë asnjë të ardhur tjetër veç rrogës mujore në Kryeministri për vitin 2005. Në deklaratën e Bashës, i cili bëri bujë në shtatorin e vitit të kaluar për pronat e mëdha dhe llogari bankare tepër të majme, për vitin 2005, thuhet se në katër muaj qeverisje ka fituar vetëm 588.180 lekë nga rroga e tij dhe 12.000 euro në katër muaj fitime nga bashkëshortja. Me hyrjen në qeveri, ministrit duket se s’i ka ecur fare, duke qenë se para se të bëhet pjesë e kabinetit Berisha, me punën e tij ai siguroi 1 shtëpi në Holandë, 3 apartamente në Tiranë dhe 1 në Durrës, 22.100 m2 troje, vlera 89.399.180 lekë (pa llogaritur tokën) dhe depozita bankare në vlerën 30.251.000 lekë. Në të njëjtën pozitë është edhe ministri i Kulturës, Bujar Leskaj. Në formularin e pasurisë, Leskaj ka deklaruar vetëm një shumë prej 155.100 lekësh që ka siguruar si të ardhura nga posti i ministrit për katër muaj. Në një kohë që më parë, ai zotëronte aksione në hotelin “Nirvana”.



Ilirjan Rusmali

2004
Të patundshme: 1 shtëpi, 2 apartamente. Nuk disponohet vlera
Të tundshme: Llogari 1.844.400 lekë
Të ardhura: Paga 720.000 lekë
Borxhe: 4.303.600 lekë

2005
•Të ardhura nga paga në
kryeministri, 584.745 lekë
•Paga nga Kuvendi, 32.527 lekë
•Paga nga OSBE si
ekspert, 700 euro
•Të ardhura nga paga 60.000 lekë/muaj
•Të ardhura nga Këshilli
Bashkiak 13.500 lekë /muaj
•Të ardhura nga bashkëshortja 1.013.694 lekë

Sokol Olldashi

2004
Të patundshme: jo
Të tundshme: jo
Të ardhura: Paga 1.319.975 lekë
Borxhe: jo

2005
•Paga si deputet, 969.881 lekë
•Paga si ministër, 478.166 lekë
•Të ardhura nga bashkëshortja
Enkeleda si pedagoge , 545.712 lekë
•Detyrim nga blerja e shtëpisë së
banimit+garazh 1.300.000 lekë

Ritvan Bode

2004
Të patundshme: jo
Të tundshme: Kursime 400.000 lekë
Të ardhura: Paga 1.323.096 lekë
Borxhe: Enti i Banesave
126.000 lekë

2005
•Kursime nga të ardhurat
vjetore, 600.000 lekë
•Shitje autoveturë tip benz, 300.000 lekë
•Të ardhura nga paga dhe
shtesa si deputet, 984.000 lekë
•Të ardhura nga paga në ministri, 503.000 lekë
•Bashkëshortja, Eglantina Bode
të ardhura nga paga, 793.000 lekë
•Kredi si i pastrehë, 2.300.000 lekë

Lulëzim Basha

2004
Të patundshme: 1 shtëpi në Holandë, 3 apartamente në Tiranë
dhe 1 në Durrës, 22.100 m2 troje. Vlera 89.399.180 lekë (pa llogaritur tokën)
Të tundshme: Automjet, pikturë, ora, unazë, servis, aksione, depozita. Vlera: 30.251.000 lekë
Të ardhura nga paga vjetore: 8.224.000 lekë
Borxhe: 24.346.080 lekë (Holandë)

2005
•Të ardhura nga paga
dhe komisionet, 588.180 lekë
•Të ardhura nga paga e
bashkëshortes, 12.000 euro për 4 muaj.

Maksim Cikuli

2005
•Depozitë në bankën
shqiptaro-amerikane 250$
•Depozitë në bankën
“Raifaizen”, 300$
•Të ardhura nga paga në fakultetin e mjekësisë, 680.000 lekë
•Të ardhura nga QSUT, 380.000 lekë
•Të ardhura nga paga si
ministër, 600.000 lekë
•Të ardhura nga
bashkëshortja Zana, 900.000 lekë
•Të ardhura nga fëmijët, 1.500.000 lekë

Besnik Mustafaj

2004
Të patundshme: jo
Të tundshme: jo
Të ardhura: Paga, honorare 1.876.119 lekë
Borxhe: Institutit Medias 257.000 lekë

2005
•Të ardhura nga paga e
deputetit, 913.000 lekë
•Nga paga si ministër, 482.441 lekë
•Paga e bashkëshortes,
Donika Mustafaj 730.000 lekë
•Kredi te “Alpha bank”, 20.357.13 euro



Aldo Bumçi

2005
•Paga në ministri, 440.000 lekë
•Pensione pleqërie të prindërve, 60.000 lekë
•Të ardhurat nga qeratë e
pronave të familjes 2200 euro/muaj

Arenca Trashani
•Llogari bankare “Pro kredit bank”, 166.892 lekë
•Llogari bankare “Pro kredit”,
800 euro.
•Të ardhura nga paga si ministre, 438,792 lekë
•Shpërblim si kryenegociatore, 120.000 lekë
•Të ardhurat nga paga në Kuvend, 32.527 lekë
-----------------------------------------------------------------------


Mirulexofshim

[Era1]

Nuk pashe qe zonja (ose zonjusha) gazetare te shkruaj se Zoti Fatmir Mehdiu e ka shitur shtepine per te paguar shpenzimet e kurimit te djalit te tij qe vuante nga nje semundje e rende.
Dhe eshte shume per te qeshur qe ata qe sot bertasin per deklarimin e pasurise deri dje shtonin pasurite e tyre vetem duke ndenjur ne pushtet. Ish qeveritaret e djeshem qe ishin bere si sekser portofolesh minstrore sot çirren e bertasin per transparence ne deklarimin e pasurise , dhe kam qeshur shume kur kam lexuar kete artikullin me poshte tek gazeta Korrieri:


PS, interpelance Berishes per deklaraten e pasurise
E Marte, 09 Maj 2006

Socialistet ne mbledhjen e grupit parlamentar, kane deklaruar se disponojne te dhena te plota per pasurite e medha te kryeministrit, pavaresisht se ne zyren e Inspektoratit te Larte te Deklarimit te Pasurive nuk ka informacion per pasurine e tij: "Shume shpejt do te kerkojme komision hetimor. Do faktojme te gjitha lidhjet dhe burimet e te ardhurave te tij"

Dardan Malaj

Partia Socialiste hedh idene e thirrjes se kryeministrit Sali Berisha ne interpelance parlamentare, per te zbardhur deklarimin e tij te pasurise. Diskutimi eshte bere ne mbledhjen e djeshme te grupit parlamentar te selise roze. Deputetet socialiste kane hedhur si alternative perpjekjen per t'i bere thirrje publike kryeministrit dhe presion per te deklaruar shifrat reale te pasurise qe disponon. Ndersa po punohet ne grupe pune brenda deputeteve socialiste, per te mbledhur te dhenat qe deshmojne pretendimet e tyre. Nisma brenda radheve te selise roze ka marre startin nga kerkesa e disa deputeteve, mes te cileve Erion Brace, Ndricim Hysa etj.

Deputeti socialist, Ndricim Hysa, nje nga propozuesit e kesaj levizjeje brenda grupit, u shpreh dje se ne zyren e Inspektoratit te Larte te Deklarimit te Pasurive nuk ka informacion per pasurine e kryeministrit. Ndersa shtoi se Partia Socialiste disponon informacione te bollshme qe flasin per pasuri te shumta ne emer te familjareve te kryeministrit. "Ne kemi vendosur te kerkojme kreun e mazhorances ne nje interpelance urgjente, per te bere transparencen e burimeve te pasurise se tij", nenvizoi Hysa. Ne grup, sipas burimeve partiake, eshte rene dakord qe, pas seances se debatit te shikohet mundesia e ngritjes se nje komisioni hetimor per pasurine e Berishes, nese kjo shikohet e nevojshme.

Ligjvenesit e socialisteve premtojne se shume shpejt ne seance ose ne komision hetimor do te faktojne te gjitha lidhjet e kryeministrit dhe burimet e te ardhurave te tij. Kjo duke dhene shifrat, qe sipas Partise Socialiste jane reale dhe deshmojne per nje pasuri te konsiderueshme ndryshe nga ajo qe kreu i demokrateve ka plotesuar ne te dhenat e Inspektoratit te Deklarimit te Pasurive. Duke akuzuar njekohesisht kreun e ekzekutivit, se ka manipuluar edhe deklarimet e meparshme, dhe ka fshehur pasurite.

Dosa nga akuzat e socialisteve

1. Berisha nuk ka deklaruar pasurine ne Inspektoratin e Larte te Deklarimit te Pasurive.

2. Fleta e tij e deklarimit eshte teresisht me vija dhe eshte kryeministri me i varfer i Ballkanit.

3. Rezulton te kete vetem 500 mije leke te vjetra kursime

4. Ka dhene borxh tek vajza e tij vetem 1.5 milione leke te vjetra

5. Nuk ka deklaruar shtepine e re afer Kryeministrise ne katin e peste

Perpara zgjedhjeve Doris Pack tha pak a shume qe Berisha eshte i vetmi politikan te cilin kundershtaret e tij nuk e akuzojne dot per korrupsion dhe perzierje ne kanale te pista. Me sa duket kundershtaret zune mend nga kjo deklarate dhe filluan te bejne dhe kete gje. Por Kryeministrin aktual mund ta akuzosh per çdo gje dhe vetem per korrupsion dhe trafiqe nuk mun ta akuzosh. Jam e sigurt qe deklaratat e tilla do bien akoma pa u ngritur mire.

[hope31]

ndaj te njejtat mendime me Era1, prandaj nuk po perseris te njejtat fjale