Problematika e Fierit

[erzeni]

gazeta shqiptare



...........

"Jam në merak, u vonua Gjergji, i thashë shitëses së dyqanit, kur në sy më mbeti si imazh një djalë me një bluzë bezhë me vija bojëqielli, që kaloi para meje me shpejtësinë e një makine gri. Kur në këto çaste dëgjova një krismë dhe thirrje të llahtarisura"

FIER/ Me familjarët e inxhinierit të vrarë në 2000, Gjergji Halo. Si e parandjeu nëna vdekjen e tij

Vrasja e Halos, 2 vjet pa autor
Nëna, gruaja e fëmijët e biznesmenit "ngrenë supet"


--------------------------------------------------------------------------------

Aurora Damini

FIER

Kanë kaluar 2 vjet që familja, të afërmit, miqtë dhe shokët e Gjergjit kanë mall për të dëgjuar fjalën e tij të ngrohtë, hapat e tij të lehtë dhe fytyrën gjithnjë të qeshur.

Gjergji nuk është më. Një dorë kriminale, e cila fshihet nga një shteti pa ligje, e vrau buzëmbrëmjen e 12 korrikut të vitit 2000, ndërsa kthehej pranë portës së hekurt të pallatit që u projektua dhe u ndërtua nga vetë ai. Pse? Kush? Këto janë pyetjet torturuese që vazhdojnë t'ia bëjnë vetes familjarët, miqtë dhe shokët e tij më të afërt. Vranë një njeri, një intelektual të nderuar, një burrë, një baba dhe një bir, i cili dha shpirt në duart e nënës së tij të vjetër me sy të hapur nga tmerri dhe buzë të cilat donin të shprehnin diçka. Po çfarë? Kushedi... Veç një gjë dihet me siguri: Ai diku shëtit me ndonjë Benz, i mbrojtur dhe i sigurt nga një dorë që quhet "shtet", i gatshëm për të derdhur sërish breshëri plumbash. Gjergjit ia prenë ëndrrat në mes. Ato ëndrra që i lidhte tashmë me të ardhmen e fëmijëve të tij, por prapa la shumë gjëra, edhe pse disa të lëna përgjysmë…

Shtëpia
"Ja pallati i Gjergjit! Ja shkolla që ndërtoi ai! Ja…" Ka shumë objekte publike që bashkëqytetarët e lidhin me emrin e inxhinierit të ri, Gjergjit. Pranë një pallati shumëkatësh, të bukur e komod, një pllakë mermeri me emrin "Pallati Gjergji Halo", të bën të mendosh se në të mund të jetojnë nëna, gruaja dhe 3 fëmijët engjëj, të mbetur tashmë jetimë. "Urdhëroni!" Një vajzë fare e re me një fytyrë të trishtë, shumë ndryshe nga bashkëmoshataret e veta, të fton të hysh brenda një apartamenti ku shija, komoditet, flasin qartë për dëshirën e madhe të një jete të paqtë dhe të lumtur. Por në antitezë me ambientin, të zë syri veç gra veshur me të zeza dhe lot në sy të tyre. Nëna, gjyshja, gruaja dhe fëmijët kanë më shumë se 2 vjet që e kanë harruar buzëqeshjen. Gjergji, i zoti i shtëpisë, nuk është më, por iku në një rrugë të largët e pa kthim, duke u lënë pas të afërmve një brengë që nuk mund të hiqet më kurrë.

Nëna
Nënë Resmies, 73 vjeçe, nuk i shterren asnjëherë lotët nga sytë e saj, që më tepër se buzët flasin për dhimbjen e madhe, për dhimbjen e nënës që sheh me sytë e saj vdekjen e ngadaltë të të birit në kulm të moshës. "Dha shpirt, ja, në duart e mia, rrëfen dhimbshëm ajo. Ishte mbrëmja e 12 korrikut 2000, ora 21.00. Një orë më parë Gjergji më tha se do dilte për një kafe. Ku do shkosh, o bir i thashë, u errësua. Gjergji qeshi. Ndoshta iu kujtua fëmijëria. Kështu i thosha gjithnjë, se për nënën fëmija mbetet i vogël, edhe pse me fëmijë.

Nuk vonohem nënë, më tha, ja te lokali i lagjes do ta pi me një shok. Doli... Zbrita dhe unë më pas të blija diçka. Fillova të ndjeja një boshllëk, nuk habitem më kur dëgjoj për parandjenjat. Isha në merak për Gjergjin, ai nuk vonohej kurrë. Mbrëmja me gjithë punët e shumta e mblidhte në familje, me mua, gruan dhe fëmijët. "Jam në merak, u vonua Gjergji, i thashë shitëses kur në sy më mbeti si imazh një djalë me një bluzë bezhë me vija bojëqielli që kaloi para meje me shpejtësinë e një makine gri. Kur në këto çaste dëgjova zhurma të pazakonta, një krismë dhe thirrje të llahtarisura. Nënë Resmie, Gjergji, më tha dikush, pastaj gjithçka u mbulua me një mjegull të kuqe, si ngjyra e gjakut të tim biri që, veç të mirave, nuk dinte të bënte keq. Dha shpirt, ja në këto duar..." Nënë Resmia fillon të lotojë dhe nusja e Gjegjit, tashmë e veja e tij, Jolanda, mundohet ta qetësojë.

.............
Dosja "Halo" ende në prokurori

"Shteti na ka bërë vetëm premtime"


--------------------------------------------------------------------------------

"Nuk e dimë kush dhe pse e vrau djalin tim, thotë nëna e tij. Shteti hesht, vrasësi ndoshta kalon para syve të mi dhe unë nuk e di, ndërsa politikanët që kanë ardhur, veç premtojnë gjetjen e atij që ma nxiu jetën dhe më la fëmijët kokulur. Edhe ministri i Rendit i asaj kohe, Spartak Poçi, që më erdhi për vizitë, kështu bëri. Do të vdes me peng në zemër" Çudi, vritet një kriminel për larje hesapesh, por vritet dhe një intelektual i nderuar, i cili dha një kontribut të çmueshëm në qytetin e tij, por shteti ende s'i gjen vrasësin. Dosja e Gjergjit ndodhet e pluhurosur në prokurori. Duket se prokurori i çështjes, Nebi Shkëmbi, e ka të vështirë, pasi nuk të thotë asgjë konkrete. Madje me mjaft rezerva, ai thotë se si dosje ka ngelur e mbyllur, pasi "puna" ka ngecur te mosgjetja e autorit pas armës së krimit. "E ka si çështje ende policia, thotë ai, pasi nuk ka autor". Gjeegji ka më shumë se dy vjet që nuk është më. Eshtrat e tij prehen në krahun e djathtë të varrezave publike të qytetit. Mermeri i tij është gjithnjë i mbuluar me lule, edhe nga bashkëqytetarë të tij që pak i njihte, pasi ai do të ngelet për ta njeriu i mirë që kanë njohur, i vrarë me plumba pistolete nga bastardë që duan veç krime.

.............
Kush ishte Gjergji Halo, inxhinieri nga Delvina


--------------------------------------------------------------------------------

Nga parvazi i oxhakut fisnik, i projektuar në apartamentin e Gjergjit, të buzëqesh fotoja e një burri të ri e të pashëm, rreth të 40-ave. "Ky është babi që vdiq para dy vitesh, thotë me trishtim vajza e tij e madhe, Artemida, e cila vazhdon studimet në Fakultetin Ekonomik. Babi e kishte ëndërr arsimimin tonë dhe si për ironi të fatit nuk e lanë ta shihte një gjë të tillë, të na shikonte teksa ngjiteshim në shkallët e fakulteteve, njësoj si ai dhe mamaja jonë. Dhe, për të përmbushur këtë ëndërr, edhe motra tjetër, Adela, vazhdon në Angli për Artet e Bukura, ndërsa vëllai ynë është ende gjimnazist". Gjergji Halo ishte një inxhinier ndërtimi dhe, që pas vitit 1994, edhe president i firmës së ndërtimit "Halo". Ndershmëria, karakteristikë e kësaj familjeje të urtë delvinjote, jo vetëm me intelektualë, por sidomos me punëtorët e tij, korrektesa në punë dhe me ligjet e shtetit, shpirti bamirës, ishin disa prej virtyteve të shumta të Gjergjit.

...........

[erzeni]

Fier-Vlore...........era qelbur e Palermos.



.................................................. ...

KJ
........
Skafi i Zanit ishte ne det per prove

Gentian Ruko FIER

- Prokuroria nuk pohon se skafistet e Vlores kane thyer ligjin.
Sipas perfaqesueses se akuzes, del se skafistet vlonjate, qe u arrestuan 4 dite me pare nga policia e Fierit, kane dale ne det te hapur thjesht per te provuar skafin qe kishin blere dy dite para ngjarjes te motra e Zani Caushit. Prokuroria rrezon keshtu akuzen e policise.
Sipas policise, skafistet kane pohuar se do te transportonin 20 klandestine nga Vlora drejt Italise, naten e 8 tetorit, por kjo veper penale e trafikut dhe e kalimit te paligjshem te kufirit mbeti ne tentative per tu kryer, per shkak te nje avarie te mjetit lundrues.
Megjithate, prokurorja e prokurorise se Fierit, Marjeta Zaimi, kerkoi dje mas`n e sigurimit te arrestit ne burg per 5 skafistet dhe per 4 uniforma blu te komisariatit te policise se Vlores, te dyshuar se kane bashkepunuar me skafistet.
Ne fund te nje seance gjyqesore, qe zgjati rreth 3 ore dhe qe u zhvillua ne masa te rrepta sigurie, gjyqtarja e ceshtjes, Lindita Sinanaj, vendosi te aprovoje kerkesen e prokurores qe te nente te akuzuarit te qendrojne ne burg derisa sa prokuroria te perfundoje hetimet.
Gjyqtarja theksoi se vepra penale per te cilen ata akuzohen eshte kryer ne rrethin e Vlores, prandaj argumentoi se gjykata e Fierit nuk ka kompetence ligjore per hetimin gjyqesor te ceshtjes. Keshtu qe gjyqtarja Sinanaj vendosi qe ceshtja te transferohet ne gjykaten e Vlores.
Prokurorja e ceshtjes e akuzon secilin nga anetaret e grupit te skafisteve per konsumim te vepres penale te dhenies se ndihmes per kalimin e paligjshem te kufirit ne bashkepunim, veper penale kjo e parashikuar ne Kodin Penal ne nenet 298/2 dhe 25. Nderkohe qe 4 policet e grupit te gatshem, te dyshuar si te implikuar, akuzohen edhe per shperdorim te detyres.
Nga ana e tyre, avokatet e te pandehurve thane se klientet e tyre nuk kane kryer krime dhe kerkuan lirimin e tyre te menjehershem, por kerkesa e avokateve u rrezua.
Gjyqtarja e seances tha se i vleresonte te ligjshem arrestimet ne flagrance ndaj njerit prej bashkepronareve te skafit, Thoma Murati dhe ndaj pilotit Julian Hoxha. Mirepo, gjyqtarja e konsideroi te paligjshme arrestimet ndaj tre personave te tjere qe akuzohen se kane ndermjetesuar ne blerjen dhe ne zhvendosjen e skafit nga toka ne det.
Keshtu, gjyqtarja tha se shtetasit Krenar Skendaj, Kastriot Shyti (bashkepronari i skafit) dhe Skender Murati, jane arrestuar ne flagrance ne mungese te kritereve ligjore (te parashikuara nga Kodi i Procedures Penale ne nenet 251 dhe 252). Megjithate, gjyqtarja vendosi qe edhe ata te qendrojne ne burg.

Raporti i akuzes

Ne seancen e djeshme te vleresimit te mases se sigurimit, prokurorja Marjeta Zaimi lexoi nje raport mbi rrethanat qe cuan ne ngjarjen e dates 8 tetor.
Sipas saj, dy dite me pare, me 6 tetor, Thoma Murati dhe Kastriot Shyti blene skafin ne Vlore te Natasha Caushi, motra e Zani Caushit. Po ate nate, bashkepronaret e rinj te skafit e hodhen mjetin lundrues ne det, per te provuar gjendjen teknike te tij.
Per zhvendosjen e skafit nga toka ne det, ata u ndihmuan nga policet: Arben Veliaj, Luan Serjani, Myzafer Ferunaj dhe Dashnor Muhaj, te cileve u ishte premtuar shperblimi me 250 mije leke te vjetra per secilin. Por pasi doli ne det te hapur, skafi pesoi nje defekt dhe mbeti ne mes te detit.
Me kalimin e oreve, dallget dhe era e nxorren ne grykederdhjen e lumit Seman, ne rrethin e Fierit. Sikurse ka sqaruar me pare policia, njeri nga bashkepronaret e skafit, Thoma Murati dhe timonieri i skafit, Julian Hoxha, u zbuluan nga uniformat blu te Fierit dhe u detyruan pas presionit te tyre te zbarkonin. Me pas, dy te arrestuarit e pare treguan e emrat e bashkepunetoreve.

Atmosfera ne gjykate

Nja 20 vete, familjare dhe te aferm te 9 te pandehurve, mberriten dje ne mengjes nga Vlora dhe zune vend para deres kryesore te gjykates se Fierit.
Ne oren 9.10, kur tre furgona te policise sollen te pandehurit, disa gra te veshur me te zeza leshuan kujen. Por njeri nga te pandehurit u kerkoi me ton te ashper qe te pushonin se qari, pasi u tha se ishte mire.
Te nente u shoqeruan ne nje salle te katit te dyte te nd-rteses se gjykates, ku zakonisht zhvillohen seancat e ceshtjeve "te forta". Nje grup i gatshem i policise, i pajisur me kemishe antiplumb dhe me automatik ne dore, ruajti per tre ore godinen e gjykates nga te gjitha anet. Seanca gjyqesore nisi me dyer te hapura dhe perfundoi me dyer te mbyllura.
Fillimisht, gjyqtarja lejoi shtypin ne sallen e gjyqit, por pas kerkeses se avokateve, te miratuar edhe nga prokurorja e ceshtjes, gazetaret e urdheruan 5 minuta pas fillimit te seances te largoheshin nga salla, me pretendimin e avoketerve se publiciteti mund te cenonte te drejtat e klienteve te tyre.
Kur pas tre oresh, te pandehurit dolen nga gjykata me pranga ne duar, nje grua e veshur ne te zeza dhe qe u tha se ishte nena e "pilotit" te skafit, Julian Hoxha, u leshua drejt djalit qe po futej ne furgonin e policise, por u frenua menjehere nga uniformat blu. Gruaja bertiti duke e akuzuar policine se e kishte torturuar te birin.
Mandej, ajo humbi ndjenjat dhe u freskua me uje nga tre gra te tjera, te aferm me skafistet.


......................................

[erzeni]

Ministria e Rendit: Do të hetohet edhe për pesë vrasje, dyshohet si autor

Arrestohet Milja i Fierit
U ndalua për falsifikim dokumentesh


--------------------------------------------------------------------------------

l.n

TIRANE

Arestohet i tmerrshmi i Fierit, Fatmir Emini, i njohur ndryshe me nofkën "Mile". Shkak për arrestimi i tij është bërë shkelja e rregullave të qarkullimit rrugor.

Por burime zyrtare nga Ministria e Rendit Publik kanë bërë të ditur se ai do të hetohet edhe për vrasjen e pesë personave, pasi është një ndër të dyshuarit kryesorë.

Arrestimi
Të njëjtat burime ministrore kanë pohuar se ka qenë ora 22.00 e ditës së premte, kur punonjës të Sektorit të Antikrimit Ekonomik e Financiar (SAEF) të Fierit kanë bërë arrestimin e 46-vjeçarit Fatmir Emini. Arrestimi i tij është bërë për arsye se duke udhëtuar me mjetin e tij "Benz", ka thyer rregullat e qarkullimit rrugor, duke u futur në anë të kundërt, ku rruga ishte e bllokuar, si rezultat i punimeve në rrugë. Kaq është dashur që Policia Rrugore t'i vihet mbrapa dhe pasi e ka ndaluar mjetin, e ka shoqëruar atë në komisariat. Ndërsa pas verifikimeve nga SAEF-i, ka rezultuar se targat e makinës së tij ishin të falsifikuara. "Automjeti i tij ishte me targa DR 2969 A, të cilat ai i kishte të falsifikuara, ndërsa në makinë i janë gjetur targat e vërteta, FR 5126 A", kanë pohuar të njëjtat burime të Ministrisë së Rendit Publik.

Hetimi
Menjëherë pas arrestimit për falsifikim dhe shkelje të rregullave të qarkullimit rrugor, për Milen kanë nisur edhe hetime të tjera. Uniformat blu të Ministrisë së Rendit kanë pohuar se ai ka një dosje të kopsitur mirë dhe do të hetohet për pesë vrasje të ndodhura në Fier, për të cilat është arrestuar edhe më parë, por më pas është liruar për mungesë provash. "Tashmë kanë nisur hetimet, kanë theksuar të njëjtat burime, pasi dyshohet të jetë autor i vrasjejs së Bujar Sulës në 31.12.`97; Trifon Nakos, më 26.7.'99; Gjergji Halos, më 12.7.2000; Marjol Ballës, më 02.7.2001, dhe Xhevrie Cakës, nënës së Lul Cakës, më 12.7.2001."

[erzeni]

Socialistet e kapin lepurin me qerre.
Ata nuk nxitohen te kapin kriminelin vetem kur ka kryer vetem nje vrasje. Jo, ata presin te mbushet kupa mire.
Ka lezet kur Kriminelet me Benz (kriminel pa Benz nuk ka lezet)kane bere nga 5-6 vrasje.
Pse shaka do bejn ata me fillestare..
Jo a derbardhe..
PS pret te rritet Krapi mire ne Mocal pastaj ta bejne Tave..

[erzeni]

Policia akuzoi për autorësinë e krimit Fatmir Eminin (Milja), por gjykata e liroi për mungesë provash
Dëshmia: Si u vra biznesmeni Gjergji Halo

Remzije Halo, nëna e viktimës, rrëfen çastet kur u ndesh ballë për ballë me vrasësin

Nga të dërguarit tanë në Fier
Ened Janina
Admirina Peçi
FIER- Vrasja e Gjergji Halos, një nga ndërtuesit kryesorë të qytetit të Fierit, vazhdon të mbetet enigmë edhe dy vjet pas vdekjes së tij. Mbrëmjen e 12 korrikut të vitit 2000, Halo u qëllua me një plumb në kokë vetëm pak metra larg shtëpisë së tij nga një person i "panjohur". Megjithëse në lagje dihet mirë se kush ishte vrasësi, askush nuk pranon që të flasë publikisht. Pas vdekjes së Halos, ministra dhe drejtorë policie i premtuan familjes së të ndjerit zbardhjen e shpejtë të ngjarjes, por me kalimin e kohës, premtimet u tretën si kripa në ujë. Familja e Gjergjit ka pranuar që të rrëfejë për "Shekullin" humbjen e njeriut të tyre. Ata kërkojnë të dinë vetëm "kush e vrau Gjergjin dhe pse"? Remzie Halo, 73 vjeç, e ëma e Gjergjit, ka qenë e para që ka marrë në duar trupin e djalit të saj të vdekur. Të enjten e 17 tetorit Gjergji Halo do të mbushte 49 vjeç.
Vrasja
"Atë pasdite Gjergji kishte dalë herët nga shtëpia. E përcolla deri tek dera dhe i thashë mos u vono",- fillon rrëfimin e saj Remzia. Pasi kishte dalë Gjergji, ajo së bashku me të bijën Tanën, kishte zbritur poshtë në dyqanin e tyre, i cili ndodhet në katin e parë të pallatit që ka ndërtuar vetë i ndjeri. Rreth orës 20 e 45 minuta përpara dyqanit kishte kaluar një makinë e errët e drejtuar nga një burrë rreth të 40-tave. "Ai ishte veshur me një bluzë bezhë me vija dhe po shikonte nga ne", tregon Remzia. Rruga kishte qënë bosh dhe asaj i kishte bërë përshtypje vështrimi i njeriut me makinë, të cilin nuk kishte mundur që ta njihte. Vetëm disa sekonda më pas, një fqinj i tyre kishte kaluar me biçikletë dhe u kishte thënë për Gjergjin. "Tanë të qëlluan Gjergjin",- kishte thënë ai teksa po ikte. Në fillim dy gratë kishin kujtuar se atë e kishte qëlluar njeri me pëllëmbë. Ato nuk kishin dëgjuar asnjë zhurmë arme. Vetëm pak metra më tej Gjergji dergjej i shtrisë në tokë. "Unë iu afrova dhe i kapa duart. Nga koka po i dilte gjak",- thotë e mallëngjyer Remzie Halo. Menjëherë aty ishin afruar disa djem të lagjes, të cilët e kishin shpënë Gjergjin në spitalin e qytetit. E gjithë kjo kishte qënë e kotë, pasi Gjergji kishte vdekur në vend.
Hetimet
"Të gjithë e panë se kush e qëlloi, por asnjëri nuk flet. Ishte akoma ditë dhe njerëzit ishin nëpër ballkone",- thotë Remzia. As ajo vetë nuk është në gjëndje të thotë se kush e qëlloi por të gjitha dyshimet i ka tek njeriu me makinën e errët. Sipas saj, rruga ishte bosh dhe përveç asaj makine nuk kishte kaluar asgjë tjetër. Vetëm më vonë ajo kishte arritur që të kuptonte shikimin e 40- vjeçarit me bluzë bezhë me vija. Edhe njeriu që u tregoi atyre për Gjergjin nuk pranoi që të fliste. Ai si të tjerët "nuk kishte parë gjë". Në shtëpinë e të ndjerit kishin shkuar edhe krerët e policisë shqiptare të asaj kohe. Ministri i Rendit, Spartak Poçi dhe drejtori i policisë së qarkut, Xhavit Shala. Ata i kishin premtuar hetime të shpejta dhe dënimin e vrasësve. Ndërkohë hetimet e policisë që nga ajo ditë mbetën në vëndnumëro. Vetëm një herë kishte shkuar në shtëpinë e Gjegji Halos një oficer i policisë gjyqësore dhe më pas askush nuk ishte bërë i gjallë. Oficeri kishte marrë me vete edhe disa materiale në lidhje me problemet e Gjergjit. Ndërtuesi mbante një ditar personal ku shënonte të gjitha llogaritë dhe problemet që kishte. Disa nga fletët e këtij ditari i ka marrë oficeri dhe tashmë nuk dihet se ku janë. Familjarët tregojnë se në këto fletë flitej për problemet që Gjergji kishte pasur me një fqinjin e tij, Fatmir Eminin. Ky i fundit, i njohur ndryshe edhe si "Milja i Fierit", ishte i vetmi person që kishte probleme me ndërtuesin. Në të gjithë lagjen Gjergji njihej si një njeri i respektuar. Ai kishte bërë vetëm ndere dhe nuk prishte qejf me askënd. Ndërkohë pas vdekjes la gruan Rolandën së bashku me tre fëmijët.
Milja
Policia e Fierit për këtë vrasje ka akuzuar zyrtarisht Milen por gjykata e ka lënë të lirë për mungesë provash. Policia pretendon se ka qënë Fatmir Emini ai që ka kryer vrasjen, por një gjë të tillë nuk kanë mundur ta provojnë para gjykatës. Për të gjashtën herë Milja është përsëri në burg por edhe kësaj here pritet që të dalë shumë shpejt. Ai akuzohet për shkelje të normave të qarkullimit rrugor dhe falsifikim dokumentesh. Teksa ishte duke ecur me shpejtësi Milja tentoi që të shtypte një polic. Për këtë gjest prokuroria e akuzon vetëm se ka shkelur normat e qarkullimit, ndërkohë që mund ta akuzonte fare mirë për tentativë vrasjeje pasi ka qenë në rrezik jeta e policit. Në momentin e ndalimit atij iu gjetën me vete edhe një palë targa false. Në "legjendën" e krimeve të shumta që pretendohen të jenë bërë nga Milja hyn edhe vrasja e ndërtuesit. Nga hetimet operative ka dyshime se vrasja mund të jetë bërë për një motiv krejtësisht banal. Por sigurimi i dëshmitarëve është diçka e pamundur për hetuesit, pasi Milja konsiderohet si "padrinoja" i qytetit dhe askush nuk guxon të ketë punë me të apo njerëzit e tij. Madje në një variant tjetër të ngjarjes mendohet që Gjergjin e ka vrarë një njeri i afërt i Miles, pasi është urdhëruar nga ky i fundit. Vetë faktet tregojnë se kjo është një vrasje e kryer nga një dorë profesioniste. Vetëm një e shtënë pistolete ne kokë dhe Gjergji Halo pushon së jetuari. Dyshohet të jetë përdorur një pistoletë me silenciator krisma e mbytur e së cilës është mbuluar nga zhurma e fëmijëve të lagjes që kanë qenë në ato momente duke luajtur.

KONFLIKTI

Milja pengoi Halon të ndërtonte pallatin

Konflikti ndërmjet Gjergji Halos dhe Miles ka lindur për një shkak krejtësisht banal. Ata banonin vetëm pak metra larg njeri-tjetrit në qytetin e Fierit. Gjergji në një pallat nëntëkatësh dhe Milja në katin e dytë të një pallati aty pranë. Ndërkohë vetëm pak metra larg shtëpive të tyre ndodhej një tokë bosh. Këtë tokë e bleu Gjergji për të ndërtuar një pallat. Këtu filloi edhe konflikti i tij me Milen. Ky i fundit i kërkonte Gjergjit që t'i jepte një hyrje falas në pallatin e ri që do të bënte. Për të arritur qëllimin ai i nxirrte si preteks dritën e dielli. Sipas tij, pallati i ri do të ndalonte dritën që hynte në shtëpinë e tij. Sapo punëtorët kryenin një veprim me pallatin atëherë shfaqej Fatmir Emini. Ai u thoshte atyre që të largoheshin. Punëtorët sa herë shfaqej Milja largoheshin duke ndërprerë punën. Ai u vidhte atyre edhe materialet e ndërtimit. Pak kohë më vonë me to ndërtoi edhe shtesën e shtëpisë së tij. Kjo gjëndje vazhdoi për disa muaj me radhë. Punëtorët shkonin në punë dhe Milja i largonte. Kur pa se nuk kishte rrugë tjetër, Gjergji, e la atë tokë dhe bleu një tokë të re në afërsi të postës. Aty ai filloi që të ndërtonte një pallat të ri, i cili u la në gjysmë me vdekjen e tij. Edhe sot toka ku do të ndërtohej pallati i ri i inxhinierit Gjergji Halo është bosh. Banorët e lagjes kanë filluar që të hedhin plehrat e tyre. Ndërkohë familja po përpiqet që të gjejë dikë që ta blejë tokën. Kjo është e vështirë se Milja nuk lë njeri që të ndërtojë aty. Edhe firma e Gjergjit vazhdon të ekzistojë. Familja po paguan rregullisht taksat në mënyrë që të mos humbasë licencën.

FAMILJA

Aty ku Gjergjin s'munden ta harrojnë

Në katin e katërt të pallatit që Gjergji Halo ndërtoi para disa vitesh, e ku shkruhet me shkronja të verdha "Gjergj Halo" ndodhet shtëpia e tij. Aty ai ka lënë pas që prej ditës së nxehtë të 12 korrikut të vitit 2000 nënën e tij Remzijen me flokët e zbardhur nga mosha e nga dhimbja. "Ka dy vjet që unë nuk dal jashtë shtëpisë. Nuk më bëhet të dal",- thotë gruaja që nuk rresht së qari, për brengën që ka në zemër. Shtëpia eshtë e madhe, e bukur dhe e mobiluar me finesë. Brenda atyre mureve rri nëna e tij së bashku me gjyshen 100- vjeçare. Ajo nuk flet, as nuk qan, vetëm hesht dhe vështron parreshtur bijën e saj me flokët e bardhë e me dhimbjen në sy. Dita është e njëllojtë për to. Në shtëpi pasdite kthehet nipi, djali i Gjergjit, e pak më vonë, kur mbaron orari zyrtar kthehet edhe e veja e Gjergjit, Rolanda, që punon në Kontrollin e Sigurimeve Shëndetësore. Gati në të gjitha ditë e vitit aty ndihet po e njëjta atmosferë. Gratë e veshura me të zeza, djali që vazhdon vitin e dytë në gjimnaz e kthehet veç pasditeve, dhe dy vajzat e mëdha, që janë gjithmonë të larguara nga shtëpia. E madhja studion në Angli, ndërsa e vogla, vazhdon studimet në vitin e dytë në fakultetin Ekonomik në Tiranë. "Kështu ishte e thënë",-thotë Remzija me të zeza, ndërsa kujton humbjen e të birit. Mundohet të rrëfejë ashtu siç di e si mundet, të qartësojë gjërat, që asaj ia fshehin gjithmonë. Pastaj ngrihet dhe tregon me dorë fotografinë e të birit që e mban përballë, pranë oxhakut në dhomën e pritjes. E merr në duar dhe e sjell si me ndrojë, me një pecetë në dorë si për ta mbrojtur se mos bëhet pis apo pëson ndonjë gërvishje.

shekulli